Liṅga Purāṇa 1.22

सूत उवाच अत्यन्तावनतौ दृष्ट्वा मधुपिङ्गायतेक्षणः । प्रहृष्टवदनो ऽत्यर्थम् अभवत्सत्यकीर्तनात्

sūta uvāca atyantāvanatau dṛṣṭvā madhupiṅgāyatekṣaṇaḥ / prahṛṣṭavadano 'tyartham abhavatsatyakīrtanāt

Sanskrit only: no published translation is held for this verse.

उमापतिर्विरूपाक्षो दक्षयज्ञविनाशनः । पिनाकी खण्डपरशुः सुप्रीतस्तु त्रिलोचनः

umāpatirvirūpākṣo dakṣayajñavināśanaḥ / pinākī khaṇḍaparaśuḥ suprītastu trilocanaḥ

Sanskrit only: no published translation is held for this verse.

ततः स भगवान्देवः श्रुत्वा वागमृतं तयोः । जानन्नपि महादेवः क्रीडापूर्वमथाब्रवीत्

tataḥ sa bhagavāndevaḥ śrutvā vāgamṛtaṃ tayoḥ / jānannapi mahādevaḥ krīḍāpūrvamathābravīt

Sanskrit only: no published translation is held for this verse.

कौ भवन्तौ महात्मानौ परस्परहितैषिणौ । समेतावंबुजाभक्षाव् अस्मिन् घोरे महाप्लवे

kau bhavantau mahātmānau parasparahitaiṣiṇau / sametāvaṃbujābhakṣāv asmin ghore mahāplave

Sanskrit only: no published translation is held for this verse.

तावूचतुर्महात्मानौ संनिरीक्ष्य परस्परम् । भगवान् किं तु यत्ते ऽद्य न विज्ञानं त्वया विभो

tāvūcaturmahātmānau saṃnirīkṣya parasparam / bhagavān kiṃ tu yatte 'dya na vijñānaṃ tvayā vibho

Sanskrit only: no published translation is held for this verse.

विभो रुद्र महामाय इच्छया वां कृतौ त्वया । तयोस्तद्वचनं श्रुत्वा अभिनन्द्याभिमान्य च

vibho rudra mahāmāya icchayā vāṃ kṛtau tvayā / tayostadvacanaṃ śrutvā abhinandyābhimānya ca

Sanskrit only: no published translation is held for this verse.

उवाच भगवान्देवो मधुरं श्लक्ष्णया गिरा । भो भो हिरण्यगर्भ त्वां त्वां च कृष्ण ब्रवीम्यहम्

uvāca bhagavāndevo madhuraṃ ślakṣṇayā girā / bho bho hiraṇyagarbha tvāṃ tvāṃ ca kṛṣṇa bravīmyaham

Sanskrit only: no published translation is held for this verse.

प्रीतो ऽहमनया भक्त्या शाश्वताक्षरयुक्तया । भवन्तौ हृदयस्यास्य मम हृद्यतरावुभौ

prīto 'hamanayā bhaktyā śāśvatākṣarayuktayā / bhavantau hṛdayasyāsya mama hṛdyatarāvubhau

Sanskrit only: no published translation is held for this verse.

युवाभ्यां किं ददाम्यद्य वराणां वरमीप्सितम् । अथोवाच महाभागो विष्णुर्भवमिदं वचः

yuvābhyāṃ kiṃ dadāmyadya varāṇāṃ varamīpsitam / athovāca mahābhāgo viṣṇurbhavamidaṃ vacaḥ

Sanskrit only: no published translation is held for this verse.

सर्वं मम कृतं देव परितुष्टो ऽसि मे यदि । त्वयि मे सुप्रतिष्ठा तु भक्तिर्भवतु शङ्करः

sarvaṃ mama kṛtaṃ deva parituṣṭo 'si me yadi / tvayi me supratiṣṭhā tu bhaktirbhavatu śaṅkaraḥ

Sanskrit only: no published translation is held for this verse.

एवमुक्तस्तु विज्ञाय संभावयत केशवम् । प्रददौ च महादेवो भक्तिं निजपदांबुजे

evamuktastu vijñāya saṃbhāvayata keśavam / pradadau ca mahādevo bhaktiṃ nijapadāṃbuje

Sanskrit only: no published translation is held for this verse.

भवान्सर्वस्य लोकस्य कर्ता त्वमधिदैवतम् । तदेवं स्वस्ति ते वत्स गमिष्याम्यंबुजेक्षण

bhavānsarvasya lokasya kartā tvamadhidaivatam / tadevaṃ svasti te vatsa gamiṣyāmyaṃbujekṣaṇa

Sanskrit only: no published translation is held for this verse.

एवमुक्त्वा तु भगवान् ब्रह्माणं चापि शङ्करः । अनुगृह्यास्पृशद्देवो ब्रह्माणं परमेश्वरः

evamuktvā tu bhagavān brahmāṇaṃ cāpi śaṅkaraḥ / anugṛhyāspṛśaddevo brahmāṇaṃ parameśvaraḥ

Sanskrit only: no published translation is held for this verse.

कराभ्यां सुशुभाभ्यां च प्राह हृष्टतरः स्वयम् । मत्समस्त्वं न संदेहो वत्स भक्तश् च मे भवान्

karābhyāṃ suśubhābhyāṃ ca prāha hṛṣṭataraḥ svayam / matsamastvaṃ na saṃdeho vatsa bhaktaś ca me bhavān

Sanskrit only: no published translation is held for this verse.

स्वस्त्यस्तु ते गमिष्यामि संज्ञा भवतु सुव्रत । एवमुक्त्वा तु भगवांस् ततो ऽन्तर्धानमीश्वरः

svastyastu te gamiṣyāmi saṃjñā bhavatu suvrata / evamuktvā tu bhagavāṃs tato 'ntardhānamīśvaraḥ

Sanskrit only: no published translation is held for this verse.

गतवान् गणपो देवः सर्वदेवनमस्कृतः । अवाप्य संज्ञां गोविन्दात् पद्मयोनिः पितामहः

gatavān gaṇapo devaḥ sarvadevanamaskṛtaḥ / avāpya saṃjñāṃ govindāt padmayoniḥ pitāmahaḥ

Sanskrit only: no published translation is held for this verse.

प्रजाः स्रष्टुमनाश्चक्रे तप उग्रं पितामहः । तस्यैवं तप्यमानस्य न किंचित् समवर्तत

prajāḥ sraṣṭumanāścakre tapa ugraṃ pitāmahaḥ / tasyaivaṃ tapyamānasya na kiṃcit samavartata

Sanskrit only: no published translation is held for this verse.

ततो दीर्घेण कालेन दुःखात्क्रोधो ह्यजायत । क्रोधाविष्टस्य नेत्राभ्यां प्रापतन्नश्रुबिन्दवः

tato dīrgheṇa kālena duḥkhātkrodho hyajāyata / krodhāviṣṭasya netrābhyāṃ prāpatannaśrubindavaḥ

Sanskrit only: no published translation is held for this verse.

ततस्तेभ्यो ऽश्रुबिन्दुभ्यो वातपित्तकफात्मकाः । महाभागा महासत्त्वाः स्वस्तिकैरप्यलंकृताः

tatastebhyo 'śrubindubhyo vātapittakaphātmakāḥ / mahābhāgā mahāsattvāḥ svastikairapyalaṃkṛtāḥ

Sanskrit only: no published translation is held for this verse.

प्रकीर्णकेशाः सर्पास्ते प्रादुर्भूता महाविषाः । सर्पांस्तानग्रजान्दृष्ट्वा ब्रह्मात्मानम् अनिन्दयत्

prakīrṇakeśāḥ sarpāste prādurbhūtā mahāviṣāḥ / sarpāṃstānagrajāndṛṣṭvā brahmātmānam anindayat

Sanskrit only: no published translation is held for this verse.

अहो धिक् तपसो मह्यं फलमीदृशकं यदि । लोकवैनाशिकी जज्ञे आदावेव प्रजा मम

aho dhik tapaso mahyaṃ phalamīdṛśakaṃ yadi / lokavaināśikī jajñe ādāveva prajā mama

Sanskrit only: no published translation is held for this verse.

तस्य तीव्राभवन्मूर्च्छा क्रोधामर्षसमुद्भवा । मूर्च्छाभिपरितापेन जहौ प्राणान्प्रजापतिः

tasya tīvrābhavanmūrcchā krodhāmarṣasamudbhavā / mūrcchābhiparitāpena jahau prāṇānprajāpatiḥ

Sanskrit only: no published translation is held for this verse.

तस्याप्रतिमवीर्यस्य देहात्कारुण्यपूर्वकम् । अथैकादश ते रुद्रा रुदन्तो ऽभ्यक्रमंस् तथा

tasyāpratimavīryasya dehātkāruṇyapūrvakam / athaikādaśa te rudrā rudanto 'bhyakramaṃs tathā

Sanskrit only: no published translation is held for this verse.

रोदनात्खलु रुद्रत्वं तेषु वै समजायत । ये रुद्रास्ते खलु प्राणा ये प्राणास्ते तदात्मकाः

rodanātkhalu rudratvaṃ teṣu vai samajāyata / ye rudrāste khalu prāṇā ye prāṇāste tadātmakāḥ

Sanskrit only: no published translation is held for this verse.

प्राणाः प्राणवतां ज्ञेयाः सर्वभूतेष्ववस्थिताः । अत्युग्रस्य महत्त्वस्य साधुराचरितस्य च

prāṇāḥ prāṇavatāṃ jñeyāḥ sarvabhūteṣvavasthitāḥ / atyugrasya mahattvasya sādhurācaritasya ca

Sanskrit only: no published translation is held for this verse.

प्राणांस्तस्य ददौ भूयस् त्रिशूली नीललोहितः । लब्ध्वासून् भगवान्ब्रह्म देवदेवमुमापतिम्

prāṇāṃstasya dadau bhūyas triśūlī nīlalohitaḥ / labdhvāsūn bhagavānbrahma devadevamumāpatim

Sanskrit only: no published translation is held for this verse.

प्रणम्य संस्थितो ऽपश्यद् गायत्र्या विश्वमीश्वरम् । सर्वलोकमयं देवं दृष्ट्वा स्तुत्वा पितामहः

praṇamya saṃsthito 'paśyad gāyatryā viśvamīśvaram / sarvalokamayaṃ devaṃ dṛṣṭvā stutvā pitāmahaḥ

Sanskrit only: no published translation is held for this verse.

ततो विस्मयमापन्नः प्रणिपत्य मुहुर्मुहुः । उवाच वचनं शर्वं सद्यादित्वं कथं विभो

tato vismayamāpannaḥ praṇipatya muhurmuhuḥ / uvāca vacanaṃ śarvaṃ sadyāditvaṃ kathaṃ vibho

Sanskrit only: no published translation is held for this verse.