Liṅga Purāṇa 1.24

जातूकर्ण्यो यदा व्यासो भविष्यति तपोधनः । तदाप्यहं भविष्यामि सोमशर्मा द्विजोत्तमः

jātūkarṇyo yadā vyāso bhaviṣyati tapodhanaḥ / tadāpyahaṃ bhaviṣyāmi somaśarmā dvijottamaḥ

Sanskrit only: no published translation is held for this verse.

प्रभासतीर्थमासाद्य योगात्मा योगविश्रुतः । तत्रापि मम ते शिष्या भविष्यन्ति तपोधनाः

prabhāsatīrthamāsādya yogātmā yogaviśrutaḥ / tatrāpi mama te śiṣyā bhaviṣyanti tapodhanāḥ

Sanskrit only: no published translation is held for this verse.

अक्षपादः कुमारश् च उलूको वत्स एव च । योगात्मानो महात्मानो विमलाः शुद्धबुद्धयः

akṣapādaḥ kumāraś ca ulūko vatsa eva ca / yogātmāno mahātmāno vimalāḥ śuddhabuddhayaḥ

Sanskrit only: no published translation is held for this verse.

प्राप्य माहेश्वरं योगं रुद्रलोकं ततो गताः । अष्टाविंशे पुनः प्राप्ते परिवर्ते क्रमागते

prāpya māheśvaraṃ yogaṃ rudralokaṃ tato gatāḥ / aṣṭāviṃśe punaḥ prāpte parivarte kramāgate

Sanskrit only: no published translation is held for this verse.

पराशरसुतः श्रीमान् विष्णुर्लोकपितामहः । यदा भविष्यति व्यासो नाम्ना द्वैपायनः प्रभुः

parāśarasutaḥ śrīmān viṣṇurlokapitāmahaḥ / yadā bhaviṣyati vyāso nāmnā dvaipāyanaḥ prabhuḥ

Sanskrit only: no published translation is held for this verse.

तदा षष्ठेन चांशेन कृष्णः पुरुषसत्तमः । वसुदेवाद्यदुश्रेष्ठो वासुदेवो भविष्यति

tadā ṣaṣṭhena cāṃśena kṛṣṇaḥ puruṣasattamaḥ / vasudevādyaduśreṣṭho vāsudevo bhaviṣyati

Sanskrit only: no published translation is held for this verse.

तदाप्यहं भविष्यामि योगात्मा योगमायया । लोकविस्मयनार्थाय ब्रह्मचारिशरीरकः

tadāpyahaṃ bhaviṣyāmi yogātmā yogamāyayā / lokavismayanārthāya brahmacāriśarīrakaḥ

Sanskrit only: no published translation is held for this verse.

श्मशाने मृतम् उत्सृष्टं दृष्ट्वा कायम् अनाथकम् । ब्राह्मणानां हितार्थाय प्रविष्टो योगमायया

śmaśāne mṛtam utsṛṣṭaṃ dṛṣṭvā kāyam anāthakam / brāhmaṇānāṃ hitārthāya praviṣṭo yogamāyayā

Sanskrit only: no published translation is held for this verse.

दिव्यां मेरुगुहां पुण्यां त्वया सार्धं च विष्णुना । भविष्यामि तदा ब्रह्मंल् लकुली नाम नामतः

divyāṃ meruguhāṃ puṇyāṃ tvayā sārdhaṃ ca viṣṇunā / bhaviṣyāmi tadā brahmaṃl lakulī nāma nāmataḥ

Sanskrit only: no published translation is held for this verse.

कायावतार इत्येवं सिद्धक्षेत्रं च वै तदा । भविष्यति सुविख्यातं यावद् भूमिर् धरिष्यति

kāyāvatāra ityevaṃ siddhakṣetraṃ ca vai tadā / bhaviṣyati suvikhyātaṃ yāvad bhūmir dhariṣyati

Sanskrit only: no published translation is held for this verse.

तत्रापि मम ते पुत्रा भविष्यन्ति तपस्विनः । कुशिकश् चैव गर्गश् च मित्रः कौरुष्य एव च

tatrāpi mama te putrā bhaviṣyanti tapasvinaḥ / kuśikaś caiva gargaś ca mitraḥ kauruṣya eva ca

Sanskrit only: no published translation is held for this verse.

योगात्मानो महात्मानो ब्राह्मणा वेदपारगाः । प्राप्य माहेश्वरं योगं विमला ह्यूर्ध्वरेतसः

yogātmāno mahātmāno brāhmaṇā vedapāragāḥ / prāpya māheśvaraṃ yogaṃ vimalā hyūrdhvaretasaḥ

Sanskrit only: no published translation is held for this verse.

रुद्रलोकं गमिष्यन्ति पुनरावृत्तिदुर्लभम् । एते पाशुपताः सिद्धा भस्मोद्धूलितविग्रहाः

rudralokaṃ gamiṣyanti punarāvṛttidurlabham / ete pāśupatāḥ siddhā bhasmoddhūlitavigrahāḥ

Sanskrit only: no published translation is held for this verse.

लिङ्गार्चनरता नित्यं बाह्याभ्यन्तरतः स्थिताः । भक्त्या मयि च योगेन ध्याननिष्ठा जितेन्द्रियाः

liṅgārcanaratā nityaṃ bāhyābhyantarataḥ sthitāḥ / bhaktyā mayi ca yogena dhyānaniṣṭhā jitendriyāḥ

Sanskrit only: no published translation is held for this verse.

संसारबन्धच्छेदार्थं ज्ञानमार्गप्रकाशकम् । स्वरूपज्ञानसिद्ध्यर्थं योगं पाशुपतं महत्

saṃsārabandhacchedārthaṃ jñānamārgaprakāśakam / svarūpajñānasiddhyarthaṃ yogaṃ pāśupataṃ mahat

Sanskrit only: no published translation is held for this verse.

योगमार्गा अनेकाश् च ज्ञानमार्गास् त्व् अनेकशः । न निवृत्तिमुपायान्ति विना पञ्चाक्षरीं क्वचित्

yogamārgā anekāś ca jñānamārgās tv anekaśaḥ / na nivṛttimupāyānti vinā pañcākṣarīṃ kvacit

Sanskrit only: no published translation is held for this verse.

यदाचरेत्तपश्चायं सर्वद्वन्द्वविवर्जितम् । तदा स मुक्तो मन्तव्यः पक्वं फलमिव स्थितः

yadācarettapaścāyaṃ sarvadvandvavivarjitam / tadā sa mukto mantavyaḥ pakvaṃ phalamiva sthitaḥ

Sanskrit only: no published translation is held for this verse.

एकाहं यः पुमान्सम्यक् चरेत्पाशुपतव्रतम् । न सांख्ये पञ्चरात्रे वा न प्राप्नोति गतिं कदा

ekāhaṃ yaḥ pumānsamyak caretpāśupatavratam / na sāṃkhye pañcarātre vā na prāpnoti gatiṃ kadā

Sanskrit only: no published translation is held for this verse.

इत्येतद्वै मया प्रोक्तम् अवतारेषु लक्षणम् । मन्वादिकृष्णपर्यन्तम् अष्टाविंशद् युगक्रमात्

ityetadvai mayā proktam avatāreṣu lakṣaṇam / manvādikṛṣṇaparyantam aṣṭāviṃśad yugakramāt

Sanskrit only: no published translation is held for this verse.

तत्र श्रुतिसमूहानां विभागो धर्मलक्षणः । भविष्यति तदा कल्पे कृष्णद्वैपायनो यदा

tatra śrutisamūhānāṃ vibhāgo dharmalakṣaṇaḥ / bhaviṣyati tadā kalpe kṛṣṇadvaipāyano yadā

Sanskrit only: no published translation is held for this verse.

सूत उवाच निशम्यैवं महातेजा महादेवेन कीर्तितम् । रुद्रावतारं भगवान् प्रणिपत्य महेश्वरम्

sūta uvāca niśamyaivaṃ mahātejā mahādevena kīrtitam / rudrāvatāraṃ bhagavān praṇipatya maheśvaram

Sanskrit only: no published translation is held for this verse.

तुष्टाव वाग्भिर् इष्टाभिः पुनः प्राह च शङ्करम् । पितामह उवाच सर्वे विष्णुमया देवाः सर्वे विष्णुमया गणाः

tuṣṭāva vāgbhir iṣṭābhiḥ punaḥ prāha ca śaṅkaram / pitāmaha uvāca sarve viṣṇumayā devāḥ sarve viṣṇumayā gaṇāḥ

Sanskrit only: no published translation is held for this verse.

न हि विष्णुसमा काचिद् गतिरन्या विधीयते । इत्येवं सततं वेदा गायन्ति नात्र संशयः

na hi viṣṇusamā kācid gatiranyā vidhīyate / ityevaṃ satataṃ vedā gāyanti nātra saṃśayaḥ

Sanskrit only: no published translation is held for this verse.

स देवदेवो भगवांस् तव लिङ्गार्चने रतः । तव प्रणामपरमः कथं देवो ह्यभूत्प्रभुः

sa devadevo bhagavāṃs tava liṅgārcane rataḥ / tava praṇāmaparamaḥ kathaṃ devo hyabhūtprabhuḥ

Sanskrit only: no published translation is held for this verse.

सूत उवाच निशम्य वचनं तस्य ब्रह्मणः परमेष्ठिनः । प्रपिबन्निव चक्षुर्भ्यां प्रीतस्तत्प्रश्नगौरवात्

sūta uvāca niśamya vacanaṃ tasya brahmaṇaḥ parameṣṭhinaḥ / prapibanniva cakṣurbhyāṃ prītastatpraśnagauravāt

Sanskrit only: no published translation is held for this verse.

पूजाप्रकरणं तस्मै तमालोक्याह शङ्करः । भवान्नारायणश्चैव शक्रः साक्षात्सुरोत्तमः

pūjāprakaraṇaṃ tasmai tamālokyāha śaṅkaraḥ / bhavānnārāyaṇaścaiva śakraḥ sākṣātsurottamaḥ

Sanskrit only: no published translation is held for this verse.

मुनयश् च सदा लिङ्गं सम्पूज्य विधिपूर्वकम् । स्वंस्वं पदं विभो प्राप्तास् तस्मात् सम्पूजयन्ति ते

munayaś ca sadā liṅgaṃ sampūjya vidhipūrvakam / svaṃsvaṃ padaṃ vibho prāptās tasmāt sampūjayanti te

Sanskrit only: no published translation is held for this verse.

लिङ्गार्चनं विना निष्ठा नास्ति तस्माज्जनार्दनः । आत्मनो यजते नित्यं श्रद्धया भगवान्प्रभुः

liṅgārcanaṃ vinā niṣṭhā nāsti tasmājjanārdanaḥ / ātmano yajate nityaṃ śraddhayā bhagavānprabhuḥ

Sanskrit only: no published translation is held for this verse.

इत्येवमुक्त्वा ब्रह्माणम् अनुगृह्य महेश्वरः । पुनः सम्प्रेक्ष्य देवेशं तत्रैवान्तरधीयत

ityevamuktvā brahmāṇam anugṛhya maheśvaraḥ / punaḥ samprekṣya deveśaṃ tatraivāntaradhīyata

Sanskrit only: no published translation is held for this verse.

तमुद्दिश्य तदा ब्रह्मा नमस्कृत्य कृताञ्जलिः । स्रष्टुं त्वशेषं भगवांल् लब्धसंज्ञस्तु शङ्करात्

tamuddiśya tadā brahmā namaskṛtya kṛtāñjaliḥ / sraṣṭuṃ tvaśeṣaṃ bhagavāṃl labdhasaṃjñastu śaṅkarāt

Sanskrit only: no published translation is held for this verse.