Liṅga Purāṇa 1.25

ऋषय ऊचुः कथं पूज्यो महादेवो लिङ्गमूर्तिर्महेश्वरः । वक्तुमर्हसि चास्माकं रोमहर्षण सांप्रतम्

ṛṣaya ūcuḥ kathaṃ pūjyo mahādevo liṅgamūrtirmaheśvaraḥ / vaktumarhasi cāsmākaṃ romaharṣaṇa sāṃpratam

Sanskrit only: no published translation is held for this verse.

सूत उवाच देव्या पृष्टो महादेवः कैलासे तां नगात्मजाम् । अङ्कस्थामाह देवेशो लिङ्गार्चनविधिं क्रमात्

sūta uvāca devyā pṛṣṭo mahādevaḥ kailāse tāṃ nagātmajām / aṅkasthāmāha deveśo liṅgārcanavidhiṃ kramāt

Sanskrit only: no published translation is held for this verse.

तदा पार्श्वे स्थितो नन्दी शालङ्कायनकात्मजः । श्रुत्वाखिलं पुरा प्राह ब्रह्मपुत्राय सुव्रताः

tadā pārśve sthito nandī śālaṅkāyanakātmajaḥ / śrutvākhilaṃ purā prāha brahmaputrāya suvratāḥ

Sanskrit only: no published translation is held for this verse.

सनत्कुमाराय शुभं लिङ्गार्चनविधिं परम् । तस्माद्व्यासो महातेजाः श्रुतवाञ्छ्रुतिसंमितम्

sanatkumārāya śubhaṃ liṅgārcanavidhiṃ param / tasmādvyāso mahātejāḥ śrutavāñchrutisaṃmitam

Sanskrit only: no published translation is held for this verse.

स्नानयोगोपचारं च यथा शैलादिनो मुखात् । श्रुतवान् तत्प्रवक्ष्यामि स्नानाद्यं चार्चनाविधिम्

snānayogopacāraṃ ca yathā śailādino mukhāt / śrutavān tatpravakṣyāmi snānādyaṃ cārcanāvidhim

Sanskrit only: no published translation is held for this verse.

शैलादिरुवाच अथ स्नानविधिं वक्ष्ये ब्राह्मणानां हिताय च । सर्वपापहरं साक्षाच् छिवेन कथितं पुरा

śailādiruvāca atha snānavidhiṃ vakṣye brāhmaṇānāṃ hitāya ca / sarvapāpaharaṃ sākṣāc chivena kathitaṃ purā

Sanskrit only: no published translation is held for this verse.

अनेन विधिना स्नात्वा सकृत्पूज्य च शङ्करम् । ब्रह्मकूर्चं च पीत्वा तु सर्वपापैः प्रमुच्यते

anena vidhinā snātvā sakṛtpūjya ca śaṅkaram / brahmakūrcaṃ ca pītvā tu sarvapāpaiḥ pramucyate

Sanskrit only: no published translation is held for this verse.

त्रिविधं स्नानमाख्यातं देवदेवेन शंभुना । हिताय ब्राह्मणाद्यानां चतुर्मुखसुतोत्तम

trividhaṃ snānamākhyātaṃ devadevena śaṃbhunā / hitāya brāhmaṇādyānāṃ caturmukhasutottama

Sanskrit only: no published translation is held for this verse.

वारुणं पुरतः कृत्वा ततश्चाग्नेयमुत्तमम् । मन्त्रस्नानं ततः कृत्वा पूजयेत्परमेश्वरम्

vāruṇaṃ purataḥ kṛtvā tataścāgneyamuttamam / mantrasnānaṃ tataḥ kṛtvā pūjayetparameśvaram

Sanskrit only: no published translation is held for this verse.

भावदुष्टो ऽम्भसि स्नात्वा भस्मना च न शुध्यति । भावशुद्धश्चरेच्छौचम् अन्यथा न समाचरेत्

bhāvaduṣṭo 'mbhasi snātvā bhasmanā ca na śudhyati / bhāvaśuddhaścarecchaucam anyathā na samācaret

Sanskrit only: no published translation is held for this verse.

सरित्सरस्तडागेषु सर्वेष्व् आ प्रलयं नरः । स्नात्वापि भावदुष्टश्चेन् न शुध्यति न संशयः

saritsarastaḍāgeṣu sarveṣv ā pralayaṃ naraḥ / snātvāpi bhāvaduṣṭaścen na śudhyati na saṃśayaḥ

Sanskrit only: no published translation is held for this verse.

नृणां हि चित्तकमलं प्रबुद्धमभवद्यदा । प्रसुप्तं तमसा ज्ञान- भानोर्भासा तदा शुचिः

nṛṇāṃ hi cittakamalaṃ prabuddhamabhavadyadā / prasuptaṃ tamasā jñāna- bhānorbhāsā tadā śuciḥ

Sanskrit only: no published translation is held for this verse.

मृच्छकृत्तिलपुष्पं च स्नानार्थं भसितं तथा । आदाय तीरे निःक्षिप्य स्नानतीर्थे कुशानि च

mṛcchakṛttilapuṣpaṃ ca snānārthaṃ bhasitaṃ tathā / ādāya tīre niḥkṣipya snānatīrthe kuśāni ca

Sanskrit only: no published translation is held for this verse.

प्रक्षाल्याचम्य पादौ च मलं देहाद्विशोध्य च । द्रव्यैस्तु तीरदेशस्थैस् ततः स्नानं समाचरेत्

prakṣālyācamya pādau ca malaṃ dehādviśodhya ca / dravyaistu tīradeśasthais tataḥ snānaṃ samācaret

Sanskrit only: no published translation is held for this verse.

उद्धृतासीतिमन्त्रेण पुनर्देहं विशोधयेत् । मृदादाय ततश्चान्यद् वस्त्रं स्नात्वा ह्यनुल्बणम्

uddhṛtāsītimantreṇa punardehaṃ viśodhayet / mṛdādāya tataścānyad vastraṃ snātvā hyanulbaṇam

Sanskrit only: no published translation is held for this verse.

गन्धद्वारां दुराधर्षाम् इति मन्त्रेण मन्त्रवित् । कपिलागोमयेनैव खस्थेनैव तु लेपयेत्

gandhadvārāṃ durādharṣām iti mantreṇa mantravit / kapilāgomayenaiva khasthenaiva tu lepayet

Sanskrit only: no published translation is held for this verse.

पुनः स्नात्वा परित्यज्य तद्वस्त्रं मलिनं ततः । शुक्लवस्त्रपरीधानो भूत्वा स्नानं समाचरेत्

punaḥ snātvā parityajya tadvastraṃ malinaṃ tataḥ / śuklavastraparīdhāno bhūtvā snānaṃ samācaret

Sanskrit only: no published translation is held for this verse.

सर्वपापविशुद्ध्यर्थम् आवाह्य वरुणं तथा । सम्पूज्य मनसा देवं ध्यानयज्ञेन वै भवम्

sarvapāpaviśuddhyartham āvāhya varuṇaṃ tathā / sampūjya manasā devaṃ dhyānayajñena vai bhavam

Sanskrit only: no published translation is held for this verse.

आचम्य त्रिस्तदा तीर्थे ह्य् अवगाह्य भवं स्मरन् । पुनराचम्य विधिवद् अभिमन्त्र्य महाजलम्

ācamya tristadā tīrthe hy avagāhya bhavaṃ smaran / punarācamya vidhivad abhimantrya mahājalam

Sanskrit only: no published translation is held for this verse.

अवगाह्य पुनस्तस्मिन् जपेद्वै चाघमर्षणम् । तत्तोये भानुसोमाग्नि- मण्डलं च स्मरेद्वशी

avagāhya punastasmin japedvai cāghamarṣaṇam / tattoye bhānusomāgni- maṇḍalaṃ ca smaredvaśī

Sanskrit only: no published translation is held for this verse.

आचम्य च पुनस्तस्माज् जलादुत्तीर्य मन्त्रवित् । प्रविश्य तीर्थमध्ये तु पुनः पुण्यविवृद्धये

ācamya ca punastasmāj jalāduttīrya mantravit / praviśya tīrthamadhye tu punaḥ puṇyavivṛddhaye

Sanskrit only: no published translation is held for this verse.

शृङ्गेण पर्णपुटकैः पालाशैः क्षालितैस् तथा । सकुशेन सपुष्पेण जलेनैवाभिषेचयेत्

śṛṅgeṇa parṇapuṭakaiḥ pālāśaiḥ kṣālitais tathā / sakuśena sapuṣpeṇa jalenaivābhiṣecayet

Sanskrit only: no published translation is held for this verse.

रुद्रेण पवमानेन त्वरिताख्येन मन्त्रवित् । तरत्समन्दीवर्गाद्यैस् तथा शान्तिद्वयेन च

rudreṇa pavamānena tvaritākhyena mantravit / taratsamandīvargādyais tathā śāntidvayena ca

Sanskrit only: no published translation is held for this verse.

शान्तिधर्मेण चैकेन पञ्चब्रह्मपवित्रकैः । तत्तन्मन्त्राधिदेवानां स्वरूपं च ऋषीन् स्मरन्

śāntidharmeṇa caikena pañcabrahmapavitrakaiḥ / tattanmantrādhidevānāṃ svarūpaṃ ca ṛṣīn smaran

Sanskrit only: no published translation is held for this verse.

एवं हि चाभिषिच्याथ स्वमूर्ध्नि पयसा द्विजाः । ध्यायेच्च त्र्यम्बकं देवं हृदि पञ्चास्यम् ईश्वरम्

evaṃ hi cābhiṣicyātha svamūrdhni payasā dvijāḥ / dhyāyecca tryambakaṃ devaṃ hṛdi pañcāsyam īśvaram

Sanskrit only: no published translation is held for this verse.

आचम्याचमनं कुर्यात् स्वसूत्रोक्तं समीक्ष्य च । पवित्रहस्तः स्वासीनः शुचौ देशे यथाविधि

ācamyācamanaṃ kuryāt svasūtroktaṃ samīkṣya ca / pavitrahastaḥ svāsīnaḥ śucau deśe yathāvidhi

Sanskrit only: no published translation is held for this verse.

अभ्युक्ष्य सकुशं चापि दक्षिणेन करेण तु । पिबेत्प्रक्षिप्य त्रिस्तोयं चक्री भूत्वा ह्यतन्द्रितः

abhyukṣya sakuśaṃ cāpi dakṣiṇena kareṇa tu / pibetprakṣipya tristoyaṃ cakrī bhūtvā hyatandritaḥ

Sanskrit only: no published translation is held for this verse.

प्रदक्षिणं ततः कुर्याद् धिंसापापप्रशान्तये । एवं संक्षेपतः प्रोक्तं स्नानाचमनमुत्तमम्

pradakṣiṇaṃ tataḥ kuryād dhiṃsāpāpapraśāntaye / evaṃ saṃkṣepataḥ proktaṃ snānācamanamuttamam

Sanskrit only: no published translation is held for this verse.

सर्वेषां ब्राह्मणानां तु हितार्थे द्विजसत्तमाः

sarveṣāṃ brāhmaṇānāṃ tu hitārthe dvijasattamāḥ

Sanskrit only: no published translation is held for this verse.