Library·Liṅga Purāṇa·1·1.27
शैलादिरुवाच वक्ष्यामि शृणु संक्षेपाल् लिङ्गार्चनाविधिक्रमम् । वक्तुं वर्षशतेनापि न शक्यं विस्तरेण यत्
śailādiruvāca vakṣyāmi śṛṇu saṃkṣepāl liṅgārcanāvidhikramam / vaktuṃ varṣaśatenāpi na śakyaṃ vistareṇa yat
Sanskrit only: no published translation is held for this verse.
एवं स्नात्वा यथान्यायं पूजास्थानं प्रविश्य च । प्राणायामत्रयं कृत्वा ध्यायेद्देवं त्रियंबकम्
evaṃ snātvā yathānyāyaṃ pūjāsthānaṃ praviśya ca / prāṇāyāmatrayaṃ kṛtvā dhyāyeddevaṃ triyaṃbakam
Sanskrit only: no published translation is held for this verse.
पञ्चवक्त्रं दशभुजं शुद्धस्फटिकसन्निभम् । सर्वाभरणसंयुक्तं चित्रांबरविभूषितम्
pañcavaktraṃ daśabhujaṃ śuddhasphaṭikasannibham / sarvābharaṇasaṃyuktaṃ citrāṃbaravibhūṣitam
Sanskrit only: no published translation is held for this verse.
तस्य रूपं समाश्रित्य दाहनप्लावनादिभिः । शैवीं तनुं समास्थाय पूजयेत्परमेश्वरम्
tasya rūpaṃ samāśritya dāhanaplāvanādibhiḥ / śaivīṃ tanuṃ samāsthāya pūjayetparameśvaram
Sanskrit only: no published translation is held for this verse.
देहशुद्धिं च कृत्वैव मूलमन्त्रं न्यसेत् क्रमात् । सर्वत्र प्रणवेनैव ब्रह्माणि च यथाक्रमम्
dehaśuddhiṃ ca kṛtvaiva mūlamantraṃ nyaset kramāt / sarvatra praṇavenaiva brahmāṇi ca yathākramam
Sanskrit only: no published translation is held for this verse.
सूत्रे नमः शिवायेति छन्दांसि परमे शुभे । मन्त्राणि सूक्ष्मरूपेण संस्थितानि यतस्ततः
sūtre namaḥ śivāyeti chandāṃsi parame śubhe / mantrāṇi sūkṣmarūpeṇa saṃsthitāni yatastataḥ
Sanskrit only: no published translation is held for this verse.
न्यग्रोधबीजे न्यग्रोधस् तथा सूत्रे तु शोभने । महत्यपि महद्ब्रह्म संस्थितं सूक्ष्मवत्स्वयम्
nyagrodhabīje nyagrodhas tathā sūtre tu śobhane / mahatyapi mahadbrahma saṃsthitaṃ sūkṣmavatsvayam
Sanskrit only: no published translation is held for this verse.
सेचयेदर्चनस्थानं गन्धचन्दनवारिणा । द्रव्याणि शोधयेत्पश्चात् क्षालनप्रोक्षणादिभिः
secayedarcanasthānaṃ gandhacandanavāriṇā / dravyāṇi śodhayetpaścāt kṣālanaprokṣaṇādibhiḥ
Sanskrit only: no published translation is held for this verse.
क्षालनं प्रोक्षणं चैव प्रणवेन विधीयते । प्रोक्षणी चार्घ्यपात्रं च पाद्यपात्रम् अनुक्रमात्
kṣālanaṃ prokṣaṇaṃ caiva praṇavena vidhīyate / prokṣaṇī cārghyapātraṃ ca pādyapātram anukramāt
Sanskrit only: no published translation is held for this verse.
तथा ह्याचमनीयार्थं कल्पितं पात्रमेव च । स्थापयेद् विधिना धीमान् अवगुण्ठ्य यथाविधि
tathā hyācamanīyārthaṃ kalpitaṃ pātrameva ca / sthāpayed vidhinā dhīmān avaguṇṭhya yathāvidhi
Sanskrit only: no published translation is held for this verse.
दर्भैर् आच्छादयेच्चैव प्रोक्षयेच्छुद्धवारिणा । तेषु तेष्वथ सर्वेषु क्षिपेत्तोयं सुशीतलम्
darbhair ācchādayeccaiva prokṣayecchuddhavāriṇā / teṣu teṣvatha sarveṣu kṣipettoyaṃ suśītalam
Sanskrit only: no published translation is held for this verse.
प्रणवेन क्षिपेत्तेषु द्रव्याण्यालोक्य बुद्धिमान् । उशीरं चन्दनं चैव पाद्ये तु परिकल्पयेत्
praṇavena kṣipetteṣu dravyāṇyālokya buddhimān / uśīraṃ candanaṃ caiva pādye tu parikalpayet
Sanskrit only: no published translation is held for this verse.
जातिकङ्कोलकर्पूर- बहुमूलतमालकम् । चूर्णयित्वा यथान्यायं क्षिपेदाचमनीयके
jātikaṅkolakarpūra- bahumūlatamālakam / cūrṇayitvā yathānyāyaṃ kṣipedācamanīyake
Sanskrit only: no published translation is held for this verse.
एवं सर्वेषु पात्रेषु दापयेच्चन्दनं तथा । कर्पूरं च यथान्यायं पुष्पाणि विविधानि च
evaṃ sarveṣu pātreṣu dāpayeccandanaṃ tathā / karpūraṃ ca yathānyāyaṃ puṣpāṇi vividhāni ca
Sanskrit only: no published translation is held for this verse.
कुशाग्रमक्षतांश्चैव यवव्रीहितिलानि च । आज्यसिद्धार्थपुष्पाणि भसितं चार्घ्यपात्रके
kuśāgramakṣatāṃścaiva yavavrīhitilāni ca / ājyasiddhārthapuṣpāṇi bhasitaṃ cārghyapātrake
Sanskrit only: no published translation is held for this verse.
कुशपुष्पयवव्रीहि- बहुमूलतमालकम् । दापयेत्प्रोक्षणीपात्रे भसितं प्रणवेन च
kuśapuṣpayavavrīhi- bahumūlatamālakam / dāpayetprokṣaṇīpātre bhasitaṃ praṇavena ca
Sanskrit only: no published translation is held for this verse.
न्यसेत्पञ्चाक्षरं चैव गायत्रीं रुद्रदेवताम् । केवलं प्रणवं वापि वेदसारमनुत्तमम्
nyasetpañcākṣaraṃ caiva gāyatrīṃ rudradevatām / kevalaṃ praṇavaṃ vāpi vedasāramanuttamam
Sanskrit only: no published translation is held for this verse.
अथ संप्रोक्षयेत्पश्चाद् द्रव्याणि प्रणवेन तु । प्रोक्षणीपात्रसंस्थेन ईशानाद्यैश् च पञ्चभिः
atha saṃprokṣayetpaścād dravyāṇi praṇavena tu / prokṣaṇīpātrasaṃsthena īśānādyaiś ca pañcabhiḥ
Sanskrit only: no published translation is held for this verse.
पार्श्वतो देवदेवस्य नन्दिनं मांसमर्चयेत् । दीप्तानलायुतप्रख्यं त्रिनेत्रं त्रिदशेश्वरम्
pārśvato devadevasya nandinaṃ māṃsamarcayet / dīptānalāyutaprakhyaṃ trinetraṃ tridaśeśvaram
Sanskrit only: no published translation is held for this verse.
बालेन्दुमुकुटं चैव हरिवक्त्रं चतुर्भुजम् । पुष्पमालाधरं सौम्यं सर्वाभरणभूषितम्
bālendumukuṭaṃ caiva harivaktraṃ caturbhujam / puṣpamālādharaṃ saumyaṃ sarvābharaṇabhūṣitam
Sanskrit only: no published translation is held for this verse.
उत्तरे चात्मनः पुण्यां भार्यां च मरुतां शुभाम् । सुयशां सुव्रतां चाम्बां पादमण्डनतत्पराम्
uttare cātmanaḥ puṇyāṃ bhāryāṃ ca marutāṃ śubhām / suyaśāṃ suvratāṃ cāmbāṃ pādamaṇḍanatatparām
Sanskrit only: no published translation is held for this verse.
एवं पूज्य प्रविश्यान्तर् भवनं परमेष्ठिनः । दत्त्वा पुष्पाञ्जलिं भक्त्या पञ्चमूर्धसु पञ्चभिः
evaṃ pūjya praviśyāntar bhavanaṃ parameṣṭhinaḥ / dattvā puṣpāñjaliṃ bhaktyā pañcamūrdhasu pañcabhiḥ
Sanskrit only: no published translation is held for this verse.
गन्धपुष्पैस् तथा धूपैर् विविधैः पूज्य शङ्करम् । स्कन्दं विनायकं देवीं लिङ्गशुद्धिं च कारयेत्
gandhapuṣpais tathā dhūpair vividhaiḥ pūjya śaṅkaram / skandaṃ vināyakaṃ devīṃ liṅgaśuddhiṃ ca kārayet
Sanskrit only: no published translation is held for this verse.
जप्त्वा सर्वाणि मन्त्राणि प्रणवादिनमो ऽन्तकम् । कल्पयेदासनं पश्चात् पद्माख्यं प्रणवेन तत्
japtvā sarvāṇi mantrāṇi praṇavādinamo 'ntakam / kalpayedāsanaṃ paścāt padmākhyaṃ praṇavena tat
Sanskrit only: no published translation is held for this verse.
तस्य पूर्वदलं साक्षाद् अणिमामयम् अक्षरम् । लघिमा दक्षिणं चैव महिमा पश्चिमं तथा
tasya pūrvadalaṃ sākṣād aṇimāmayam akṣaram / laghimā dakṣiṇaṃ caiva mahimā paścimaṃ tathā
Sanskrit only: no published translation is held for this verse.
प्राप्तिस्तथोत्तरं पत्रं प्राकाम्यं पावकस्य तु । ईशित्वं नैरृतं पत्रं वशित्वं वायुगोचरे
prāptistathottaraṃ patraṃ prākāmyaṃ pāvakasya tu / īśitvaṃ nairṛtaṃ patraṃ vaśitvaṃ vāyugocare
Sanskrit only: no published translation is held for this verse.
सर्वज्ञत्वं तथैशान्यं कर्णिका सोम उच्यते । सोमस्याधस् तथा सूर्यस् तस्याधः पावकः स्वयम्
sarvajñatvaṃ tathaiśānyaṃ karṇikā soma ucyate / somasyādhas tathā sūryas tasyādhaḥ pāvakaḥ svayam
Sanskrit only: no published translation is held for this verse.
धर्मादयो विदिक्ष्वेते त्व् अनन्तं कल्पयेत्क्रमात् । अव्यक्तादिचतुर्दिक्षु सोमस्यान्ते गुणत्रयम्
dharmādayo vidikṣvete tv anantaṃ kalpayetkramāt / avyaktādicaturdikṣu somasyānte guṇatrayam
Sanskrit only: no published translation is held for this verse.
आत्मत्रयं ततश्चोर्ध्वं तस्यान्ते शिवपीठिका । सद्योजातं प्रपद्यामीत्य् आवाह्य परमेश्वरम्
ātmatrayaṃ tataścordhvaṃ tasyānte śivapīṭhikā / sadyojātaṃ prapadyāmīty āvāhya parameśvaram
Sanskrit only: no published translation is held for this verse.
वामदेवेन मन्त्रेण स्थापयेदासनोपरि । सान्निध्यं रुद्रगायत्र्या अघोरेण निरुध्य च
vāmadevena mantreṇa sthāpayedāsanopari / sānnidhyaṃ rudragāyatryā aghoreṇa nirudhya ca
Sanskrit only: no published translation is held for this verse.
ईशानः सर्वविद्यानाम् इति मन्त्रेण पूजयेत् । पाद्यमाचमनीयं च विभोश्चार्घ्यं प्रदापयेत्
īśānaḥ sarvavidyānām iti mantreṇa pūjayet / pādyamācamanīyaṃ ca vibhoścārghyaṃ pradāpayet
Sanskrit only: no published translation is held for this verse.
स्नापयेद्विधिना रुद्रं गन्धचन्दनवारिणा । पञ्चगव्यविधानेन गृह्य पात्रे ऽभिमन्त्र्य च
snāpayedvidhinā rudraṃ gandhacandanavāriṇā / pañcagavyavidhānena gṛhya pātre 'bhimantrya ca
Sanskrit only: no published translation is held for this verse.
प्रणवेनैव गव्यैस्तु स्नापयेच्च यथाविधि । आज्येन मधुना चैव तथा चेक्षुरसेन च
praṇavenaiva gavyaistu snāpayecca yathāvidhi / ājyena madhunā caiva tathā cekṣurasena ca
Sanskrit only: no published translation is held for this verse.
पुण्यैर्द्रव्यैर्महादेवं प्रणवेनाभिषेचयेत् । जलभाण्डैः पवित्रैस्तु मन्त्रैस्तोयं क्षिपेत्ततः
puṇyairdravyairmahādevaṃ praṇavenābhiṣecayet / jalabhāṇḍaiḥ pavitraistu mantraistoyaṃ kṣipettataḥ
Sanskrit only: no published translation is held for this verse.
शुद्धिं कृत्वा यथान्यायं सितवस्त्रेण साधकः । कुशापामार्गकर्पूर- जातिपुष्पकचम्पकैः
śuddhiṃ kṛtvā yathānyāyaṃ sitavastreṇa sādhakaḥ / kuśāpāmārgakarpūra- jātipuṣpakacampakaiḥ
Sanskrit only: no published translation is held for this verse.
करवीरैः सितैश्चैव मल्लिकाकमलोत्पलैः । आपूर्य पुष्पैः सुशुभैः चन्दनाद्यैश् च तज्जलम्
karavīraiḥ sitaiścaiva mallikākamalotpalaiḥ / āpūrya puṣpaiḥ suśubhaiḥ candanādyaiś ca tajjalam
Sanskrit only: no published translation is held for this verse.
न्यसेन्मन्त्राणि तत्तोये सद्योजातादिकानि तु । सुवर्णकलशेनाथ तथा वै राजतेन वा
nyasenmantrāṇi tattoye sadyojātādikāni tu / suvarṇakalaśenātha tathā vai rājatena vā
Sanskrit only: no published translation is held for this verse.
ताम्रेण पद्मपत्रेण पालाशेन दलेन वा । शंखेन मृन्मयेनाथ शोधितेन शुभेन वा
tāmreṇa padmapatreṇa pālāśena dalena vā / śaṃkhena mṛnmayenātha śodhitena śubhena vā
Sanskrit only: no published translation is held for this verse.
सकूर्चेन सपुष्पेण स्नापयेन्मन्त्रपूर्वकम् । मन्त्राणि ते प्रवक्ष्यामि शृणु सर्वार्थसिद्धये
sakūrcena sapuṣpeṇa snāpayenmantrapūrvakam / mantrāṇi te pravakṣyāmi śṛṇu sarvārthasiddhaye
Sanskrit only: no published translation is held for this verse.
यैर्लिङ्गं सकृदप्येवं स्नाप्य मुच्येत मानवः । पवमानेन मन्त्रज्ञाः तथा वामीयकेन च
yairliṅgaṃ sakṛdapyevaṃ snāpya mucyeta mānavaḥ / pavamānena mantrajñāḥ tathā vāmīyakena ca
Sanskrit only: no published translation is held for this verse.
रुद्रेण नीलरुद्रेण श्रीसूक्तेन शुभेन च । रजनीसूक्तकेनैव चमकेन शुभेन च
rudreṇa nīlarudreṇa śrīsūktena śubhena ca / rajanīsūktakenaiva camakena śubhena ca
Sanskrit only: no published translation is held for this verse.
होतारेणाथ शिरसा अथर्वेण शुभेन च । शान्त्या चाथ पुनः शान्त्या भारुण्डेनारुणेन च
hotāreṇātha śirasā atharveṇa śubhena ca / śāntyā cātha punaḥ śāntyā bhāruṇḍenāruṇena ca
Sanskrit only: no published translation is held for this verse.
वारुणेन च ज्येष्ठेन तथा वेदव्रतेन च । तथान्तरेण पुण्येन सूक्तेन पुरुषेण च
vāruṇena ca jyeṣṭhena tathā vedavratena ca / tathāntareṇa puṇyena sūktena puruṣeṇa ca
Sanskrit only: no published translation is held for this verse.
त्वरितेनैव रुद्रेण कपिना च कपर्दिना । आवोसजेति साम्ना तु बृहच्चन्द्रेण विष्णुना
tvaritenaiva rudreṇa kapinā ca kapardinā / āvosajeti sāmnā tu bṛhaccandreṇa viṣṇunā
Sanskrit only: no published translation is held for this verse.
विरूपाक्षेण स्कन्देन शतऋग्भिः शिवैस् तथा । पञ्चब्रह्मैश् च सूत्रेण केवलप्रणवेन च
virūpākṣeṇa skandena śataṛgbhiḥ śivais tathā / pañcabrahmaiś ca sūtreṇa kevalapraṇavena ca
Sanskrit only: no published translation is held for this verse.
स्नापयेद्देवदेवेशं सर्वपापप्रशान्तये । वस्त्रं शिवोपवीतं च तथा ह्याचमनीयकम्
snāpayeddevadeveśaṃ sarvapāpapraśāntaye / vastraṃ śivopavītaṃ ca tathā hyācamanīyakam
Sanskrit only: no published translation is held for this verse.
गन्धं पुष्पं तथा धूपं दीपमन्नं क्रमेण तु । तोयं सुगन्धितं चैव पुनराचमनीयकम्
gandhaṃ puṣpaṃ tathā dhūpaṃ dīpamannaṃ krameṇa tu / toyaṃ sugandhitaṃ caiva punarācamanīyakam
Sanskrit only: no published translation is held for this verse.
मुकुटं च शुभं छन्नं तथा वै भूषणानि च । दापयेत्प्रणवेनैव मुखवासादिकानि च
mukuṭaṃ ca śubhaṃ channaṃ tathā vai bhūṣaṇāni ca / dāpayetpraṇavenaiva mukhavāsādikāni ca
Sanskrit only: no published translation is held for this verse.
ततः स्फटिकसंकाशं देवं निष्कलमक्षरम् । कारणं सर्वदेवानां सर्वलोकमयं परम्
tataḥ sphaṭikasaṃkāśaṃ devaṃ niṣkalamakṣaram / kāraṇaṃ sarvadevānāṃ sarvalokamayaṃ param
Sanskrit only: no published translation is held for this verse.
ब्रह्मेन्द्रविष्णुरुद्राद्यैर् ऋषिदेवैर् अगोचरम् । वेदविद्भिर् हि वेदान्तैस् त्व् अगोचरमिति श्रुतिः
brahmendraviṣṇurudrādyair ṛṣidevair agocaram / vedavidbhir hi vedāntais tv agocaramiti śrutiḥ
Sanskrit only: no published translation is held for this verse.
आदिमध्यान्तरहितं भेषजं भवरोगिणाम् । शिवतत्त्वमिति ख्यातं शिवलिङ्गे व्यवस्थितम्
ādimadhyāntarahitaṃ bheṣajaṃ bhavarogiṇām / śivatattvamiti khyātaṃ śivaliṅge vyavasthitam
Sanskrit only: no published translation is held for this verse.
प्रणवेनैव मन्त्रेण पूजयेल्लिङ्गमूर्धनि । स्तोत्रं जपेच्च विधिना नमस्कारं प्रदक्षिणम्
praṇavenaiva mantreṇa pūjayelliṅgamūrdhani / stotraṃ japecca vidhinā namaskāraṃ pradakṣiṇam
Sanskrit only: no published translation is held for this verse.
अर्घ्यं दत्त्वाथ पुष्पाणि पादयोस्तु विकीर्य च । प्रणिपत्य च देवेशम् आत्मन्यारोपयेच्छिवम्
arghyaṃ dattvātha puṣpāṇi pādayostu vikīrya ca / praṇipatya ca deveśam ātmanyāropayecchivam
Sanskrit only: no published translation is held for this verse.
एवं संक्षिप्य कथितं लिङ्गार्चनमनुत्तमम् । आभ्यन्तरं प्रवक्ष्यामि लिङ्गार्चनमिहाद्य ते
evaṃ saṃkṣipya kathitaṃ liṅgārcanamanuttamam / ābhyantaraṃ pravakṣyāmi liṅgārcanamihādya te
Sanskrit only: no published translation is held for this verse.