Liṅga Purāṇa 1.28

शैलादिरुवाच आग्नेयं सौरममृतं बिम्बं भाव्यं ततोपरि । गुणत्रयं च हृदये तथा चात्मत्रयं क्रमात्

śailādiruvāca āgneyaṃ sauramamṛtaṃ bimbaṃ bhāvyaṃ tatopari / guṇatrayaṃ ca hṛdaye tathā cātmatrayaṃ kramāt

Sanskrit only: no published translation is held for this verse.

तस्योपरि महादेवं निष्कलं सकलाकृतिम् । कान्तार्धरूढदेहं च पूजयेद्ध्यानविद्यया

tasyopari mahādevaṃ niṣkalaṃ sakalākṛtim / kāntārdharūḍhadehaṃ ca pūjayeddhyānavidyayā

Sanskrit only: no published translation is held for this verse.

ततो बहुविधं प्रोक्तं चिन्त्यं तत्रास्ति चेद्यतः । चिन्तकस्य ततश्चिन्ता अन्यथा नोपपद्यते

tato bahuvidhaṃ proktaṃ cintyaṃ tatrāsti cedyataḥ / cintakasya tataścintā anyathā nopapadyate

Sanskrit only: no published translation is held for this verse.

तस्माद्ध्येयं तथा ध्यानं यजमानः प्रयोजनम् । स्मरेत्तन्नान्यथा जातु बुध्यते पुरुषस्य ह

tasmāddhyeyaṃ tathā dhyānaṃ yajamānaḥ prayojanam / smarettannānyathā jātu budhyate puruṣasya ha

Sanskrit only: no published translation is held for this verse.

पुरे शेते पुरं देहं तस्मात्पुरुष उच्यते । याज्यं यज्ञेन यजते यजमानस्तु स स्मृतः

pure śete puraṃ dehaṃ tasmātpuruṣa ucyate / yājyaṃ yajñena yajate yajamānastu sa smṛtaḥ

Sanskrit only: no published translation is held for this verse.

ध्येयो महेश्वरो ध्यानं चिन्तनं निर्वृतिः फलम् । प्रधानपुरुषेशानं याथातथ्यं प्रपद्यते

dhyeyo maheśvaro dhyānaṃ cintanaṃ nirvṛtiḥ phalam / pradhānapuruṣeśānaṃ yāthātathyaṃ prapadyate

Sanskrit only: no published translation is held for this verse.

इह षड्विंशको ध्येयो ध्याता वै पञ्चविंशकः । चतुर्विंशकम् अव्यक्तं महदाद्यास्तु सप्त च

iha ṣaḍviṃśako dhyeyo dhyātā vai pañcaviṃśakaḥ / caturviṃśakam avyaktaṃ mahadādyāstu sapta ca

Sanskrit only: no published translation is held for this verse.

महांस् तथा त्वहङ्कारं तन्मात्रं पञ्चकं पुनः । कर्मेन्द्रियाणि पञ्चैव तथा बुद्धीन्द्रियाणि च

mahāṃs tathā tvahaṅkāraṃ tanmātraṃ pañcakaṃ punaḥ / karmendriyāṇi pañcaiva tathā buddhīndriyāṇi ca

Sanskrit only: no published translation is held for this verse.

मनश् च पञ्च भूतानि शिवः षड्विंशकस्ततः । स एव भर्ता कर्ता च विधेरपि महेश्वरः

manaś ca pañca bhūtāni śivaḥ ṣaḍviṃśakastataḥ / sa eva bhartā kartā ca vidherapi maheśvaraḥ

Sanskrit only: no published translation is held for this verse.

हिरण्यगर्भं रुद्रो ऽसौ जनयामास शङ्करः । विश्वाधिकश् च विश्वात्मा विश्वरूप इति स्मृतः

hiraṇyagarbhaṃ rudro 'sau janayāmāsa śaṅkaraḥ / viśvādhikaś ca viśvātmā viśvarūpa iti smṛtaḥ

Sanskrit only: no published translation is held for this verse.

विना यथा हि पितरं मातरं तनयास्त्विह । न जायन्ते तथा सोमं विना नास्ति जगत्त्रयम्

vinā yathā hi pitaraṃ mātaraṃ tanayāstviha / na jāyante tathā somaṃ vinā nāsti jagattrayam

Sanskrit only: no published translation is held for this verse.

सनत्कुमार उवाच कर्ता यदि महादेवः परमात्मा महेश्वरः । तथा कारयिता चैव कुर्वतो ऽल्पात्मनस् तथा

sanatkumāra uvāca kartā yadi mahādevaḥ paramātmā maheśvaraḥ / tathā kārayitā caiva kurvato 'lpātmanas tathā

Sanskrit only: no published translation is held for this verse.

नित्यो विशुद्धो बुद्धश् च निष्कलः परमेश्वरः । त्वयोक्तो मुक्तिदः किं वा निष्कलश्चेत्करोति किम्

nityo viśuddho buddhaś ca niṣkalaḥ parameśvaraḥ / tvayokto muktidaḥ kiṃ vā niṣkalaścetkaroti kim

Sanskrit only: no published translation is held for this verse.

शैलादिरुवाच कालः करोति सकलं कालं कलयते सदा । निष्कलं च मनः सर्वं मन्यते सो ऽपि निष्कलः

śailādiruvāca kālaḥ karoti sakalaṃ kālaṃ kalayate sadā / niṣkalaṃ ca manaḥ sarvaṃ manyate so 'pi niṣkalaḥ

Sanskrit only: no published translation is held for this verse.

कर्मणा तस्य चैवेह जगत्सर्वं प्रतिष्ठितम् । किमत्र देवदेवस्य मूर्त्यष्टकमिदं जगत्

karmaṇā tasya caiveha jagatsarvaṃ pratiṣṭhitam / kimatra devadevasya mūrtyaṣṭakamidaṃ jagat

Sanskrit only: no published translation is held for this verse.

विनाकाशं जगन्नैव विना क्ष्मां वायुना विना । तेजसा वारिणा चैव यजमानं तथा विना

vinākāśaṃ jagannaiva vinā kṣmāṃ vāyunā vinā / tejasā vāriṇā caiva yajamānaṃ tathā vinā

Sanskrit only: no published translation is held for this verse.

भानुना शशिना लोकस् तस्यैतास्तनवः प्रभोः । विचारतस्तु रुद्रस्य स्थूलमेतच्चराचरम्

bhānunā śaśinā lokas tasyaitāstanavaḥ prabhoḥ / vicāratastu rudrasya sthūlametaccarācaram

Sanskrit only: no published translation is held for this verse.

सूक्ष्मं वदन्ति ऋषयो यन्न वाच्यं द्विजोत्तमाः । यतो वाचो निवर्तन्ते अप्राप्य मनसा सह

sūkṣmaṃ vadanti ṛṣayo yanna vācyaṃ dvijottamāḥ / yato vāco nivartante aprāpya manasā saha

Sanskrit only: no published translation is held for this verse.

आनन्दं ब्रह्मणो विद्वान् न बिभेति कुतश्चन । न भेतव्यं तथा तस्माज् ज्ञात्वानन्दं पिनाकिनः

ānandaṃ brahmaṇo vidvān na bibheti kutaścana / na bhetavyaṃ tathā tasmāj jñātvānandaṃ pinākinaḥ

Sanskrit only: no published translation is held for this verse.

विभूतयश् च रुद्रस्य मत्वा सर्वत्र भावतः । सर्वं रुद्र इति प्राहुर् मुनयस्तत्त्वदर्शिनः

vibhūtayaś ca rudrasya matvā sarvatra bhāvataḥ / sarvaṃ rudra iti prāhur munayastattvadarśinaḥ

Sanskrit only: no published translation is held for this verse.

नमस्कारेण सततं गौरवात्परमेष्ठिनः । सर्वं तु खल्विदं ब्रह्म सर्वो वै रुद्र ईश्वरः

namaskāreṇa satataṃ gauravātparameṣṭhinaḥ / sarvaṃ tu khalvidaṃ brahma sarvo vai rudra īśvaraḥ

Sanskrit only: no published translation is held for this verse.

पुरुषो वै महादेवो महेशानः परः शिवः । एवं विभुर्विनिर्दिष्टो ध्यानं तत्रैव चिन्तनम्

puruṣo vai mahādevo maheśānaḥ paraḥ śivaḥ / evaṃ vibhurvinirdiṣṭo dhyānaṃ tatraiva cintanam

Sanskrit only: no published translation is held for this verse.

चतुर्व्यूहेण मार्गेण विचार्यालोक्य सुव्रत । संसारहेतुः संसारो मोक्षहेतुश् च निर्वृतिः

caturvyūheṇa mārgeṇa vicāryālokya suvrata / saṃsārahetuḥ saṃsāro mokṣahetuś ca nirvṛtiḥ

Sanskrit only: no published translation is held for this verse.

चतुर्व्यूहः समाख्यातश् चिन्तकस्येह योगिनः । चिन्ता बहुविधा ख्याता सैकत्र परमेष्ठिना

caturvyūhaḥ samākhyātaś cintakasyeha yoginaḥ / cintā bahuvidhā khyātā saikatra parameṣṭhinā

Sanskrit only: no published translation is held for this verse.

सुनिष्ठेत्यत्र कथिता रुद्रं रौद्री न संशयः । ऐन्द्री चेन्द्रे तथा सौम्या सोमे नारायणे तथा

suniṣṭhetyatra kathitā rudraṃ raudrī na saṃśayaḥ / aindrī cendre tathā saumyā some nārāyaṇe tathā

Sanskrit only: no published translation is held for this verse.

सूर्ये वह्नौ च सर्वेषां सर्वत्रैवं विचारतः । सैवाहं सो ऽहमित्येवं द्विधा संस्थाप्य भावतः

sūrye vahnau ca sarveṣāṃ sarvatraivaṃ vicārataḥ / saivāhaṃ so 'hamityevaṃ dvidhā saṃsthāpya bhāvataḥ

Sanskrit only: no published translation is held for this verse.

भक्तो ऽसौ नास्ति यस्तस्माच् चिन्ता ब्राह्मी न संशयः । एवं ब्रह्ममयं ध्यायेत् पूर्वं विप्र चराचरम्

bhakto 'sau nāsti yastasmāc cintā brāhmī na saṃśayaḥ / evaṃ brahmamayaṃ dhyāyet pūrvaṃ vipra carācaram

Sanskrit only: no published translation is held for this verse.

चराचरविभागं च त्यजेदभिमतं स्मरन् । त्याज्यं ग्राह्यम् अलभ्यं च कृत्यं चाकृत्यमेव च

carācaravibhāgaṃ ca tyajedabhimataṃ smaran / tyājyaṃ grāhyam alabhyaṃ ca kṛtyaṃ cākṛtyameva ca

Sanskrit only: no published translation is held for this verse.

यस्य नास्ति सुतृप्तस्य तस्य ब्राह्मी न चान्यथा । आभ्यन्तरं समाख्यातम् एवमभ्यर्चनं क्रमात्

yasya nāsti sutṛptasya tasya brāhmī na cānyathā / ābhyantaraṃ samākhyātam evamabhyarcanaṃ kramāt

Sanskrit only: no published translation is held for this verse.

आभ्यन्तरार्चकाः पूज्या नमस्कारादिभिस् तथा । विरूपा विकृताश्चापि न निन्द्या ब्रह्मवादिनः

ābhyantarārcakāḥ pūjyā namaskārādibhis tathā / virūpā vikṛtāścāpi na nindyā brahmavādinaḥ

Sanskrit only: no published translation is held for this verse.

आभ्यन्तरार्चकाः सर्वे न परीक्ष्या विजानता । निन्दका एव दुःखार्ता भविष्यन्त्यल्पचेतसः

ābhyantarārcakāḥ sarve na parīkṣyā vijānatā / nindakā eva duḥkhārtā bhaviṣyantyalpacetasaḥ

Sanskrit only: no published translation is held for this verse.

यथा दारुवने रुद्रं विनिन्द्य मुनयः पुरा । तस्मात्सेव्या नमस्कार्याः सदा ब्रह्मविदस् तथा

yathā dāruvane rudraṃ vinindya munayaḥ purā / tasmātsevyā namaskāryāḥ sadā brahmavidas tathā

Sanskrit only: no published translation is held for this verse.

वर्णाश्रमविनिर्मुक्ता वर्णाश्रमपरायणैः

varṇāśramavinirmuktā varṇāśramaparāyaṇaiḥ

Sanskrit only: no published translation is held for this verse.