Liṅga Purāṇa 1.3

सूत उवाच अलिङ्गो लिङ्गमूलं तु अव्यक्तं लिङ्गमुच्यते । अलिङ्गः शिव इत्युक्तो लिङ्गं शैवमिति स्मृतम्

sūta uvāca aliṅgo liṅgamūlaṃ tu avyaktaṃ liṅgamucyate / aliṅgaḥ śiva ityukto liṅgaṃ śaivamiti smṛtam

Sanskrit only: no published translation is held for this verse.

प्रधानं प्रकृतिश्चेति यदाहुर्लिङ्गमुत्तमम् । गन्धवर्णरसैर्हीनं शब्दस्पर्शादिवर्जितम्

pradhānaṃ prakṛtiśceti yadāhurliṅgamuttamam / gandhavarṇarasairhīnaṃ śabdasparśādivarjitam

Sanskrit only: no published translation is held for this verse.

अगुणं ध्रुवमक्षय्यम् अलिङ्गं शिवलक्षणम् । गन्धवर्णरसैर्युक्तं शब्दस्पर्शादिलक्षणम्

aguṇaṃ dhruvamakṣayyam aliṅgaṃ śivalakṣaṇam / gandhavarṇarasairyuktaṃ śabdasparśādilakṣaṇam

Sanskrit only: no published translation is held for this verse.

जगद्योनिं महाभूतं स्थूलं सूक्ष्मं द्विजोत्तमाः । विग्रहो जगतां लिङ्गम् अलिङ्गाद् अभवत्स्वयम्

jagadyoniṃ mahābhūtaṃ sthūlaṃ sūkṣmaṃ dvijottamāḥ / vigraho jagatāṃ liṅgam aliṅgād abhavatsvayam

Sanskrit only: no published translation is held for this verse.

सप्तधाचाष्टधा चैव तथैकादशधा पुनः । लिङ्गान्यलिङ्गस्य तथा मायया विततानि तु

saptadhācāṣṭadhā caiva tathaikādaśadhā punaḥ / liṅgānyaliṅgasya tathā māyayā vitatāni tu

Sanskrit only: no published translation is held for this verse.

तेभ्यः प्रधानदेवानां त्रयमासीच्छिवात्मकम् । एकस्मात्त्रिष्वभूद्विश्वम् एकेन परिरक्षितम्

tebhyaḥ pradhānadevānāṃ trayamāsīcchivātmakam / ekasmāttriṣvabhūdviśvam ekena parirakṣitam

Sanskrit only: no published translation is held for this verse.

एकेनैव हृतं विश्वं व्याप्तं त्वेवं शिवेन तु । अलिङ्गं चैव लिङ्गं च लिङ्गालिङ्गानि मूर्तयः

ekenaiva hṛtaṃ viśvaṃ vyāptaṃ tvevaṃ śivena tu / aliṅgaṃ caiva liṅgaṃ ca liṅgāliṅgāni mūrtayaḥ

Sanskrit only: no published translation is held for this verse.

यथावत्कथिताश्चैव तस्माद्ब्रह्म स्वयं जगत् । अलिङ्गी भगवान् बीजी स एव परमेश्वरः

yathāvatkathitāścaiva tasmādbrahma svayaṃ jagat / aliṅgī bhagavān bījī sa eva parameśvaraḥ

Sanskrit only: no published translation is held for this verse.

बीजं योनिश् च निर्बीजं निर्बीजो बीजमुच्यते । बीजयोनिप्रधानानाम् आत्माख्या वर्तते त्विह

bījaṃ yoniś ca nirbījaṃ nirbījo bījamucyate / bījayonipradhānānām ātmākhyā vartate tviha

Sanskrit only: no published translation is held for this verse.

परमात्मा मुनिर्ब्रह्म नित्यबुद्धस्वभावतः । विशुद्धो ऽयं तथा रुद्रः पुराणे शिव उच्यते

paramātmā munirbrahma nityabuddhasvabhāvataḥ / viśuddho 'yaṃ tathā rudraḥ purāṇe śiva ucyate

Sanskrit only: no published translation is held for this verse.

शिवेन दृष्टा प्रकृतिः शैवी समभवद्द्विजाः । सर्गादौ सा गुणैर्युक्ता पुराव्यक्ता स्वभावतः

śivena dṛṣṭā prakṛtiḥ śaivī samabhavaddvijāḥ / sargādau sā guṇairyuktā purāvyaktā svabhāvataḥ

Sanskrit only: no published translation is held for this verse.

अव्यक्तादिविशेषान्तं विश्वं तस्याः समुच्छ्रितम् । विश्वधात्री त्वजाख्या च शैवी सा प्रकृतिः स्मृता

avyaktādiviśeṣāntaṃ viśvaṃ tasyāḥ samucchritam / viśvadhātrī tvajākhyā ca śaivī sā prakṛtiḥ smṛtā

Sanskrit only: no published translation is held for this verse.

तामजां लोहितां शुक्लां कृष्णामेकां बहुप्रजाम् । जनित्रीमनुशेते स्म जुषमाणः स्वरूपिणीम्

tāmajāṃ lohitāṃ śuklāṃ kṛṣṇāmekāṃ bahuprajām / janitrīmanuśete sma juṣamāṇaḥ svarūpiṇīm

Sanskrit only: no published translation is held for this verse.

तामेवाजामजो ऽन्यस्तु भुक्तभोगां जहाति च । अजा जनित्री जगतां साजेन समधिष्ठिता

tāmevājāmajo 'nyastu bhuktabhogāṃ jahāti ca / ajā janitrī jagatāṃ sājena samadhiṣṭhitā

Sanskrit only: no published translation is held for this verse.

प्रादुर्बभूव स महान् पुरुषाधिष्ठितस्य च । अजाज्ञया प्रधानस्य सर्गकाले गुणैस् त्रिभिः

prādurbabhūva sa mahān puruṣādhiṣṭhitasya ca / ajājñayā pradhānasya sargakāle guṇais tribhiḥ

Sanskrit only: no published translation is held for this verse.

सिसृक्षया चोद्यमानः प्रविश्याव्यक्तमव्ययम् । व्यक्तसृष्टिं विकुरुते चात्मनाधिष्ठितो महान्

sisṛkṣayā codyamānaḥ praviśyāvyaktamavyayam / vyaktasṛṣṭiṃ vikurute cātmanādhiṣṭhito mahān

Sanskrit only: no published translation is held for this verse.

महतस्तु तथा वृत्तिः संकल्पाध्यवसायिका । महतस् त्रिगुणस् तस्माद् अहंकारो रजो ऽधिकः

mahatastu tathā vṛttiḥ saṃkalpādhyavasāyikā / mahatas triguṇas tasmād ahaṃkāro rajo 'dhikaḥ

Sanskrit only: no published translation is held for this verse.

तेनैव चावृतः सम्यग् अहंकारस् तमो ऽधिकः । महतो भूततन्मात्रं सर्गकृद्वै बभूव च

tenaiva cāvṛtaḥ samyag ahaṃkāras tamo 'dhikaḥ / mahato bhūtatanmātraṃ sargakṛdvai babhūva ca

Sanskrit only: no published translation is held for this verse.

अहंकाराच्छब्दमात्रं तस्मादाकाशमव्ययम् । सशब्दमावृणोत्पश्चाद् आकाशं शब्दकारणम्

ahaṃkārācchabdamātraṃ tasmādākāśamavyayam / saśabdamāvṛṇotpaścād ākāśaṃ śabdakāraṇam

Sanskrit only: no published translation is held for this verse.

तन्मात्राद्भूतसर्गश् च द्विजास्त्वेवं प्रकीर्तितः । स्पर्शमात्रं तथाकाशात् तस्माद्वायुर् महान्मुने

tanmātrādbhūtasargaś ca dvijāstvevaṃ prakīrtitaḥ / sparśamātraṃ tathākāśāt tasmādvāyur mahānmune

Sanskrit only: no published translation is held for this verse.

तस्माच्च रूपमात्रं तु ततो ऽग्निश्च रसस्ततः । रसादापः शुभास्ताभ्यो गन्धमात्रं धरा ततः

tasmācca rūpamātraṃ tu tato 'gniśca rasastataḥ / rasādāpaḥ śubhāstābhyo gandhamātraṃ dharā tataḥ

Sanskrit only: no published translation is held for this verse.

आवृणोद्धि तथाकाशं स्पर्शमात्रं द्विजोत्तमाः । आवृणोद्रूपमात्रं तु वायुर्वाति क्रियात्मकः

āvṛṇoddhi tathākāśaṃ sparśamātraṃ dvijottamāḥ / āvṛṇodrūpamātraṃ tu vāyurvāti kriyātmakaḥ

Sanskrit only: no published translation is held for this verse.

आवृणोद्रसमात्रं वै देवः साक्षाद्विभावसुः । आवृण्वाना गन्धमात्रम् आपः सर्वरसात्मिकाः

āvṛṇodrasamātraṃ vai devaḥ sākṣādvibhāvasuḥ / āvṛṇvānā gandhamātram āpaḥ sarvarasātmikāḥ

Sanskrit only: no published translation is held for this verse.

क्ष्मा सा पञ्चगुणा तस्माद् एकोना रससम्भवाः । त्रिगुणो भगवान्वह्निर् द्विगुणः स्पर्शसम्भवः

kṣmā sā pañcaguṇā tasmād ekonā rasasambhavāḥ / triguṇo bhagavānvahnir dviguṇaḥ sparśasambhavaḥ

Sanskrit only: no published translation is held for this verse.

अवकाशस्ततो देव एकमात्रस्तु निष्कलः । तन्मात्राद्भूतसर्गश् च विज्ञेयश् च परस्परम्

avakāśastato deva ekamātrastu niṣkalaḥ / tanmātrādbhūtasargaś ca vijñeyaś ca parasparam

Sanskrit only: no published translation is held for this verse.

वैकारिकः सात्त्विको वै युगपत्सम्प्रवर्तते । सर्गस् तथाप्यहंकाराद् एवमत्र प्रकीर्तितः

vaikārikaḥ sāttviko vai yugapatsampravartate / sargas tathāpyahaṃkārād evamatra prakīrtitaḥ

Sanskrit only: no published translation is held for this verse.

पञ्च बुद्धीन्द्रियाण्यस्य पञ्च कर्मेन्द्रियाणि तु । शब्दादीनामवाप्त्यर्थं मनश्चैवोभयात्मकम्

pañca buddhīndriyāṇyasya pañca karmendriyāṇi tu / śabdādīnāmavāptyarthaṃ manaścaivobhayātmakam

Sanskrit only: no published translation is held for this verse.

महदादिविशेषान्ता ह्य् अण्डमुत्पादयन्ति च । जलबुद्बुदवत्तस्माद् अवतीर्णः पितामहः

mahadādiviśeṣāntā hy aṇḍamutpādayanti ca / jalabudbudavattasmād avatīrṇaḥ pitāmahaḥ

Sanskrit only: no published translation is held for this verse.

स एव भगवान् रुद्रो विष्णुर्विश्वगतः प्रभुः । तस्मिन्नण्डे त्विमे लोका अन्तर्विश्वमिदं जगत्

sa eva bhagavān rudro viṣṇurviśvagataḥ prabhuḥ / tasminnaṇḍe tvime lokā antarviśvamidaṃ jagat

Sanskrit only: no published translation is held for this verse.

अण्डं दशगुणेनैव वारिणा प्रावृतं बहिः । आपो दशगुणेनैव तद्बाह्यस्तेजसा वृताः

aṇḍaṃ daśaguṇenaiva vāriṇā prāvṛtaṃ bahiḥ / āpo daśaguṇenaiva tadbāhyastejasā vṛtāḥ

Sanskrit only: no published translation is held for this verse.

तेजो दशगुणेनैव बाह्यतो वायुना वृतम् । वायुर्दशगुणेनैव बाह्यतो नभसा वृतः

tejo daśaguṇenaiva bāhyato vāyunā vṛtam / vāyurdaśaguṇenaiva bāhyato nabhasā vṛtaḥ

Sanskrit only: no published translation is held for this verse.

आकाशेनावृतो वायुर् अहंकारेण शब्दजः । महता शब्दहेतुर्वै प्रधानेनावृतः स्वयम्

ākāśenāvṛto vāyur ahaṃkāreṇa śabdajaḥ / mahatā śabdaheturvai pradhānenāvṛtaḥ svayam

Sanskrit only: no published translation is held for this verse.

सप्ताण्डावरणान्याहुस् तस्यात्मा कमलासनः । कोटिकोटियुतान्यत्र चाण्डानि कथितानि तु

saptāṇḍāvaraṇānyāhus tasyātmā kamalāsanaḥ / koṭikoṭiyutānyatra cāṇḍāni kathitāni tu

Sanskrit only: no published translation is held for this verse.

तत्रतत्र चतुर्वक्त्रा ब्रह्माणो हरयो भवाः । सृष्टाः प्रधानेन तदा लब्ध्वा शम्भोस्तु संनिधिम्

tatratatra caturvaktrā brahmāṇo harayo bhavāḥ / sṛṣṭāḥ pradhānena tadā labdhvā śambhostu saṃnidhim

Sanskrit only: no published translation is held for this verse.

लयश्चैव तथान्योन्यम् आन्द्यन्तम् इति कीर्तितम् । सर्गस्य प्रतिसर्गस्य स्थितेः कर्ता महेश्वरः

layaścaiva tathānyonyam āndyantam iti kīrtitam / sargasya pratisargasya sthiteḥ kartā maheśvaraḥ

Sanskrit only: no published translation is held for this verse.

सर्गे च रजसा युक्तः सत्त्वस्थः प्रतिपालने । प्रतिसर्गे तमोद्रिक्तः स एव त्रिविधः क्रमात्

sarge ca rajasā yuktaḥ sattvasthaḥ pratipālane / pratisarge tamodriktaḥ sa eva trividhaḥ kramāt

Sanskrit only: no published translation is held for this verse.

आदिकर्ता च भूतानां संहर्ता परिपालकः । तस्मान्महेश्वरो देवो ब्रह्मणो ऽधिपतिः शिवः

ādikartā ca bhūtānāṃ saṃhartā paripālakaḥ / tasmānmaheśvaro devo brahmaṇo 'dhipatiḥ śivaḥ

Sanskrit only: no published translation is held for this verse.

सदाशिवो भवो विष्णुर् ब्रह्मा सर्वात्मको यतः । एकदण्डे तथा लोका इमे कर्ता पितामहः

sadāśivo bhavo viṣṇur brahmā sarvātmako yataḥ / ekadaṇḍe tathā lokā ime kartā pitāmahaḥ

Sanskrit only: no published translation is held for this verse.

प्राकृतः कथितस्त्वेष पुरुषाधिष्ठितो मया । सर्गश् चाबुद्धिपूर्वस्तु द्विजाः प्राथमिकः शुभः

prākṛtaḥ kathitastveṣa puruṣādhiṣṭhito mayā / sargaś cābuddhipūrvastu dvijāḥ prāthamikaḥ śubhaḥ

Sanskrit only: no published translation is held for this verse.