Library·Liṅga Purāṇa·1·1.30
शैलादिरुवाच एवमुक्तास्तदा तेन ब्रह्मणा ब्राह्मणर्षभाः । श्वेतस्य च कथां पुण्याम् अपृच्छन् परमर्षयः
śailādiruvāca evamuktāstadā tena brahmaṇā brāhmaṇarṣabhāḥ / śvetasya ca kathāṃ puṇyām apṛcchan paramarṣayaḥ
Sanskrit only: no published translation is held for this verse.
पितामह उवाच श्वेतो नाम मुनिः श्रीमान् गतायुर्गिरिगह्वरे । सक्तो ह्यभ्यर्च्य यद्भक्त्या तुष्टाव च महेश्वरम्
pitāmaha uvāca śveto nāma muniḥ śrīmān gatāyurgirigahvare / sakto hyabhyarcya yadbhaktyā tuṣṭāva ca maheśvaram
Sanskrit only: no published translation is held for this verse.
रुद्राध्यायेन पुण्येन नमस्तेत्यादिना द्विजाः । ततः कालो महातेजाः कालप्राप्तं द्विजोत्तमम्
rudrādhyāyena puṇyena namastetyādinā dvijāḥ / tataḥ kālo mahātejāḥ kālaprāptaṃ dvijottamam
Sanskrit only: no published translation is held for this verse.
नेतुं संचिन्त्य विप्रेन्द्राः सान्निध्यमकरोन्मुनेः । श्वेतो ऽपि दृष्ट्वा तं कालं कालप्राप्तो ऽपि शङ्करम्
netuṃ saṃcintya viprendrāḥ sānnidhyamakaronmuneḥ / śveto 'pi dṛṣṭvā taṃ kālaṃ kālaprāpto 'pi śaṅkaram
Sanskrit only: no published translation is held for this verse.
पूजयामास पुण्यात्मा त्रियंबकमनुस्मरन् । त्रियंबकं यजेदेवं सुगन्धिं पुष्टिवर्धनम्
pūjayāmāsa puṇyātmā triyaṃbakamanusmaran / triyaṃbakaṃ yajedevaṃ sugandhiṃ puṣṭivardhanam
Sanskrit only: no published translation is held for this verse.
किं करिष्यति मे मृत्युर् मृत्योर्मृत्युरहं यतः । तं दृष्ट्वा सस्मितं प्राह श्वेतं लोकभयंकरः
kiṃ kariṣyati me mṛtyur mṛtyormṛtyurahaṃ yataḥ / taṃ dṛṣṭvā sasmitaṃ prāha śvetaṃ lokabhayaṃkaraḥ
Sanskrit only: no published translation is held for this verse.
एह्येहि श्वेत चानेन विधिना किं फलं तव । रुद्रो वा भगवान् विष्णुर् ब्रह्मा वा जगदीश्वरः
ehyehi śveta cānena vidhinā kiṃ phalaṃ tava / rudro vā bhagavān viṣṇur brahmā vā jagadīśvaraḥ
Sanskrit only: no published translation is held for this verse.
कः समर्थः परित्रातुं मया ग्रस्तं द्विजोत्तम । अनेन मम किं विप्र रौद्रेण विधिना प्रभोः
kaḥ samarthaḥ paritrātuṃ mayā grastaṃ dvijottama / anena mama kiṃ vipra raudreṇa vidhinā prabhoḥ
Sanskrit only: no published translation is held for this verse.
नेतुं यस्योत्थितश्चाहं यमलोकं क्षणेन वै । यस्माद्गतायुस्त्वं तस्मान् मुने नेतुमिहोद्यतः
netuṃ yasyotthitaścāhaṃ yamalokaṃ kṣaṇena vai / yasmādgatāyustvaṃ tasmān mune netumihodyataḥ
Sanskrit only: no published translation is held for this verse.
तस्य तद्वचनं श्रुत्वा भैरवं धर्ममिश्रितम् । हा रुद्र रुद्र रुद्रेति ललाप मुनिपुङ्गवः
tasya tadvacanaṃ śrutvā bhairavaṃ dharmamiśritam / hā rudra rudra rudreti lalāpa munipuṅgavaḥ
Sanskrit only: no published translation is held for this verse.
तं प्राह च महादेवं कालं सम्प्रेक्ष्य वै दृशा । नेत्रेण बाष्पमिश्रेण संभ्रान्तेन समाकुलः
taṃ prāha ca mahādevaṃ kālaṃ samprekṣya vai dṛśā / netreṇa bāṣpamiśreṇa saṃbhrāntena samākulaḥ
Sanskrit only: no published translation is held for this verse.
श्वेत उवाच त्वया किं काल नो नाथश् चास्ति चेद्धि वृषध्वजः । लिङ्गे ऽस्मिन् शङ्करो रुद्रः सर्वदेवभवोद्भवः
śveta uvāca tvayā kiṃ kāla no nāthaś cāsti ceddhi vṛṣadhvajaḥ / liṅge 'smin śaṅkaro rudraḥ sarvadevabhavodbhavaḥ
Sanskrit only: no published translation is held for this verse.
अतीव भवभक्तानां मद्विधानां महात्मनाम् । विधिना किं महाबाहो गच्छ गच्छ यथागतम्
atīva bhavabhaktānāṃ madvidhānāṃ mahātmanām / vidhinā kiṃ mahābāho gaccha gaccha yathāgatam
Sanskrit only: no published translation is held for this verse.
ततो निशम्य कुपितस् तीक्ष्णदंष्ट्रो भयङ्करः । श्रुत्वा श्वेतस्य तद्वाक्यं पाशहस्तो भयावहः
tato niśamya kupitas tīkṣṇadaṃṣṭro bhayaṅkaraḥ / śrutvā śvetasya tadvākyaṃ pāśahasto bhayāvahaḥ
Sanskrit only: no published translation is held for this verse.
सिंहनादं महत्कृत्वा चास्फाट्य च मुहुर्मुहुः । बबन्ध च मुनिं कालः कालप्राप्तं तमाह च
siṃhanādaṃ mahatkṛtvā cāsphāṭya ca muhurmuhuḥ / babandha ca muniṃ kālaḥ kālaprāptaṃ tamāha ca
Sanskrit only: no published translation is held for this verse.
मया बद्धो ऽसि विप्रर्षे श्वेतं नेतुं यमालयम् । अद्य वै देवदेवेन तव रुद्रेण किं कृतम्
mayā baddho 'si viprarṣe śvetaṃ netuṃ yamālayam / adya vai devadevena tava rudreṇa kiṃ kṛtam
Sanskrit only: no published translation is held for this verse.
क्व शर्वस्तव भक्तिश् च क्व पूजा पूजया फलम् । क्व चाहं क्व च मे भीतिः श्वेत बद्धो ऽसि वै मया
kva śarvastava bhaktiś ca kva pūjā pūjayā phalam / kva cāhaṃ kva ca me bhītiḥ śveta baddho 'si vai mayā
Sanskrit only: no published translation is held for this verse.
लिङ्गे ऽस्मिन् संस्थितः श्वेत तव रुद्रो महेश्वरः । निश्चेष्टो ऽसौ महादेवः कथं पूज्यो महेश्वरः
liṅge 'smin saṃsthitaḥ śveta tava rudro maheśvaraḥ / niśceṣṭo 'sau mahādevaḥ kathaṃ pūjyo maheśvaraḥ
Sanskrit only: no published translation is held for this verse.
ततः सदाशिवः स्वयं द्विजं निहन्तुमागतम् । निहन्तुमन्तकं स्मयन् स्मरारियज्ञहा हरः
tataḥ sadāśivaḥ svayaṃ dvijaṃ nihantumāgatam / nihantumantakaṃ smayan smarāriyajñahā haraḥ
Sanskrit only: no published translation is held for this verse.
त्वरन् विनिर्गतः परः शिवः स्वयं त्रिलोचनः । त्रियंबको ऽम्बया समं सनन्दिना गणेश्वरैः
tvaran vinirgataḥ paraḥ śivaḥ svayaṃ trilocanaḥ / triyaṃbako 'mbayā samaṃ sanandinā gaṇeśvaraiḥ
Sanskrit only: no published translation is held for this verse.
ससर्ज जीवितं क्षणाद् भवं निरीक्ष्य वै भयात् । पपात चाशु वै बली मुनेस्तु संनिधौ द्विजाः
sasarja jīvitaṃ kṣaṇād bhavaṃ nirīkṣya vai bhayāt / papāta cāśu vai balī munestu saṃnidhau dvijāḥ
Sanskrit only: no published translation is held for this verse.
ननाद चोर्ध्वमुच्चधीर् निरीक्ष्य चान्तकान्तकम् । निरीक्षणेन वै मृतं भवस्य विप्रपुङ्गवाः
nanāda cordhvamuccadhīr nirīkṣya cāntakāntakam / nirīkṣaṇena vai mṛtaṃ bhavasya viprapuṅgavāḥ
Sanskrit only: no published translation is held for this verse.
विनेदुरुच्चमीश्वराः सुरेश्वरा महेश्वरम् । प्रणेमुरंबिकामुमां मुनीश्वरास्तु हर्षिताः
vineduruccamīśvarāḥ sureśvarā maheśvaram / praṇemuraṃbikāmumāṃ munīśvarāstu harṣitāḥ
Sanskrit only: no published translation is held for this verse.
ससर्जुर् अस्य मूर्ध्नि वै मुनेर्भवस्य खेचराः । सुशोभनं सुशीतलं सुपुष्पवर्षमंबरात्
sasarjur asya mūrdhni vai munerbhavasya khecarāḥ / suśobhanaṃ suśītalaṃ supuṣpavarṣamaṃbarāt
Sanskrit only: no published translation is held for this verse.
अहो निरीक्ष्य चान्तकं मृतं तदा सुविस्मितः । शिलाशनात्मजो ऽव्ययं शिवं प्रणम्य शङ्करम्
aho nirīkṣya cāntakaṃ mṛtaṃ tadā suvismitaḥ / śilāśanātmajo 'vyayaṃ śivaṃ praṇamya śaṅkaram
Sanskrit only: no published translation is held for this verse.
उवाच बालधीर्मृतः प्रसीद चेति वै मुनेः । महेश्वरं महेश्वरस्य चानुगो गणेश्वरः
uvāca bāladhīrmṛtaḥ prasīda ceti vai muneḥ / maheśvaraṃ maheśvarasya cānugo gaṇeśvaraḥ
Sanskrit only: no published translation is held for this verse.
ततो विवेश भगवान् अनुगृह्य द्विजोत्तमम् । क्षणाद्गूढशरीरं हि ध्वस्तं दृष्ट्वान्तकं क्षणात्
tato viveśa bhagavān anugṛhya dvijottamam / kṣaṇādgūḍhaśarīraṃ hi dhvastaṃ dṛṣṭvāntakaṃ kṣaṇāt
Sanskrit only: no published translation is held for this verse.
तस्मान्मृत्युञ्जयं चैव भक्त्या सम्पूजये द्विजाः । मुक्तिदं भुक्तिदं चैव सर्वेषामपि शङ्करम्
tasmānmṛtyuñjayaṃ caiva bhaktyā sampūjaye dvijāḥ / muktidaṃ bhuktidaṃ caiva sarveṣāmapi śaṅkaram
Sanskrit only: no published translation is held for this verse.
बहुना किं प्रलापेन संन्यस्याभ्यर्च्य वै भवम् । भक्त्या चापरया तस्मिन् विशोका वै भविष्यथ
bahunā kiṃ pralāpena saṃnyasyābhyarcya vai bhavam / bhaktyā cāparayā tasmin viśokā vai bhaviṣyatha
Sanskrit only: no published translation is held for this verse.
शैलादिरुवाच एवमुक्तास्तदा तेन ब्रह्मणा ब्रह्मवादिनः । प्रसीद भक्तिर्देवेशे भवेद्रुद्रे पिनाकिनि
śailādiruvāca evamuktāstadā tena brahmaṇā brahmavādinaḥ / prasīda bhaktirdeveśe bhavedrudre pinākini
Sanskrit only: no published translation is held for this verse.
केन वा तपसा देव यज्ञेनाप्यथ केन वा । व्रतैर्वा भगवद्भक्ता भविष्यन्ति द्विजातयः
kena vā tapasā deva yajñenāpyatha kena vā / vratairvā bhagavadbhaktā bhaviṣyanti dvijātayaḥ
Sanskrit only: no published translation is held for this verse.
पितामह उवाच न दानेन मुनिश्रेष्ठास् तपसा च न विद्यया । यज्ञैर् होमैर् व्रतैर् वेदैर् योगशास्त्रैर् निरोधनैः
pitāmaha uvāca na dānena muniśreṣṭhās tapasā ca na vidyayā / yajñair homair vratair vedair yogaśāstrair nirodhanaiḥ
Sanskrit only: no published translation is held for this verse.
प्रसादे नैव सा भक्तिः शिवे परमकारणे । अथ तस्य वचः श्रुत्वा सर्वे ते परमर्षयः
prasāde naiva sā bhaktiḥ śive paramakāraṇe / atha tasya vacaḥ śrutvā sarve te paramarṣayaḥ
Sanskrit only: no published translation is held for this verse.
सदारतनयाः श्रान्ताः प्रणेमुश् च पितामहम् । तस्मात्पाशुपती भक्तिर् धर्मकामार्थसिद्धिदा
sadāratanayāḥ śrāntāḥ praṇemuś ca pitāmaham / tasmātpāśupatī bhaktir dharmakāmārthasiddhidā
Sanskrit only: no published translation is held for this verse.
मुनेर् विजयदा चैव सर्वमृत्युजयप्रदा । दधीचस्तु पुरा भक्त्या हरिं जित्वामरैर्विभुम्
muner vijayadā caiva sarvamṛtyujayapradā / dadhīcastu purā bhaktyā hariṃ jitvāmarairvibhum
Sanskrit only: no published translation is held for this verse.
क्षयं जघान पादेन वज्रास्थित्वं च लब्धवान् । मयापि निर्जितो मृत्युर् महादेवस्य कीर्तनात्
kṣayaṃ jaghāna pādena vajrāsthitvaṃ ca labdhavān / mayāpi nirjito mṛtyur mahādevasya kīrtanāt
Sanskrit only: no published translation is held for this verse.
श्वेतेनापि गतेनास्यं मृत्योर्मुनिवरेण तु । महादेवप्रसादेन जितो मृत्युर्यथा मया
śvetenāpi gatenāsyaṃ mṛtyormunivareṇa tu / mahādevaprasādena jito mṛtyuryathā mayā
Sanskrit only: no published translation is held for this verse.