Liṅga Purāṇa 1.32

ऋषय ऊचुः नमो दिग्वाससे नित्यं कृतान्ताय त्रिशूलिने । विकटाय करालाय करालवदनाय च

ṛṣaya ūcuḥ namo digvāsase nityaṃ kṛtāntāya triśūline / vikaṭāya karālāya karālavadanāya ca

Sanskrit only: no published translation is held for this verse.

अरूपाय सुरूपाय विश्वरूपाय ते नमः । कटङ्कटाय रुद्राय स्वाहाकाराय वै नमः

arūpāya surūpāya viśvarūpāya te namaḥ / kaṭaṅkaṭāya rudrāya svāhākārāya vai namaḥ

Sanskrit only: no published translation is held for this verse.

सर्वप्रणतदेहाय स्वयं च प्रणतात्मने । नित्यं नीलशिखण्डाय श्रीकण्ठाय नमोनमः

sarvapraṇatadehāya svayaṃ ca praṇatātmane / nityaṃ nīlaśikhaṇḍāya śrīkaṇṭhāya namonamaḥ

Sanskrit only: no published translation is held for this verse.

नीलकण्ठाय देवाय चिताभस्माङ्गधारिणे । त्वं ब्रह्मा सर्वदेवानां रुद्राणां नीललोहितः

nīlakaṇṭhāya devāya citābhasmāṅgadhāriṇe / tvaṃ brahmā sarvadevānāṃ rudrāṇāṃ nīlalohitaḥ

Sanskrit only: no published translation is held for this verse.

आत्मा च सर्वभूतानां सांख्यैः पुरुष उच्यते । पर्वतानां महामेरुर् नक्षत्राणां च चन्द्रमाः

ātmā ca sarvabhūtānāṃ sāṃkhyaiḥ puruṣa ucyate / parvatānāṃ mahāmerur nakṣatrāṇāṃ ca candramāḥ

Sanskrit only: no published translation is held for this verse.

ऋषीणां च वसिष्ठस् त्वं देवानां वासवस् तथा । ओङ्कारः सर्ववेदानां श्रेष्ठं साम च सामसु

ṛṣīṇāṃ ca vasiṣṭhas tvaṃ devānāṃ vāsavas tathā / oṅkāraḥ sarvavedānāṃ śreṣṭhaṃ sāma ca sāmasu

Sanskrit only: no published translation is held for this verse.

आरण्यानां पशूनां च सिंहस्त्वं परमेश्वरः । ग्राम्याणामृषभश्चासि भगवांल्लोकपूजितः

āraṇyānāṃ paśūnāṃ ca siṃhastvaṃ parameśvaraḥ / grāmyāṇāmṛṣabhaścāsi bhagavāṃllokapūjitaḥ

Sanskrit only: no published translation is held for this verse.

सर्वथा वर्तमानो ऽपि यो यो भावो भविष्यति । त्वामेव तत्र पश्यामो ब्रह्मणा कथितं तथा

sarvathā vartamāno 'pi yo yo bhāvo bhaviṣyati / tvāmeva tatra paśyāmo brahmaṇā kathitaṃ tathā

Sanskrit only: no published translation is held for this verse.

कामः क्रोधश् च लोभश् च विषादो मद एव च । एतद् इच्छामहे बोद्धुं प्रसीद परमेश्वर

kāmaḥ krodhaś ca lobhaś ca viṣādo mada eva ca / etad icchāmahe boddhuṃ prasīda parameśvara

Sanskrit only: no published translation is held for this verse.

महासंहरणे प्राप्ते त्वया देव कृतात्मना । करं ललाटे संविध्य वह्निरुत्पादितस्त्वया

mahāsaṃharaṇe prāpte tvayā deva kṛtātmanā / karaṃ lalāṭe saṃvidhya vahnirutpāditastvayā

Sanskrit only: no published translation is held for this verse.

तेनाग्निना तदा लोका अर्चिर्भिः सर्वतो वृताः । तस्मादग्निसमा ह्येते बहवो विकृताग्नयः

tenāgninā tadā lokā arcirbhiḥ sarvato vṛtāḥ / tasmādagnisamā hyete bahavo vikṛtāgnayaḥ

Sanskrit only: no published translation is held for this verse.

कामः क्रोधश् च लोभश् च मोहो दम्भ उपद्रवः । यानि चान्यानि भूतानि स्थावराणि चराणि च

kāmaḥ krodhaś ca lobhaś ca moho dambha upadravaḥ / yāni cānyāni bhūtāni sthāvarāṇi carāṇi ca

Sanskrit only: no published translation is held for this verse.

दह्यन्ते प्राणिनस्ते तु त्वत्समुत्थेन वह्निना । अस्माकं दह्यमानानां त्राता भव सुरेश्वर

dahyante prāṇinaste tu tvatsamutthena vahninā / asmākaṃ dahyamānānāṃ trātā bhava sureśvara

Sanskrit only: no published translation is held for this verse.

त्वं च लोकहितार्थाय भूतानि परिषिञ्चसि । महेश्वर महाभाग प्रभो शुभनिरीक्षक

tvaṃ ca lokahitārthāya bhūtāni pariṣiñcasi / maheśvara mahābhāga prabho śubhanirīkṣaka

Sanskrit only: no published translation is held for this verse.

आज्ञापय वयं नाथ कर्तारो वचनं तव । भूतकोटिसहस्रेषु रूपकोटिशतेषु च

ājñāpaya vayaṃ nātha kartāro vacanaṃ tava / bhūtakoṭisahasreṣu rūpakoṭiśateṣu ca

Sanskrit only: no published translation is held for this verse.

अन्तं गन्तुं न शक्ताः स्म देवदेव नमो ऽस्तु ते

antaṃ gantuṃ na śaktāḥ sma devadeva namo 'stu te

Sanskrit only: no published translation is held for this verse.