Library·Liṅga Purāṇa·1·1.33
नन्द्युवाच ततस्तुतोष भगवान् अनुगृह्य महेश्वरः । स्तुतिं श्रुत्वा स्तुतस्तेषाम् इदं वचनमब्रवीत्
nandyuvāca tatastutoṣa bhagavān anugṛhya maheśvaraḥ / stutiṃ śrutvā stutasteṣām idaṃ vacanamabravīt
Sanskrit only: no published translation is held for this verse.
यः पठेच्छृणुयाद्वापि युष्माभिः कीर्तितं स्तवम् । श्रावयेद्वा द्विजान्विप्रो गाणपत्यमवाप्नुयात्
yaḥ paṭhecchṛṇuyādvāpi yuṣmābhiḥ kīrtitaṃ stavam / śrāvayedvā dvijānvipro gāṇapatyamavāpnuyāt
Sanskrit only: no published translation is held for this verse.
वक्ष्यामि वो हितं पुण्यं भक्तानां मुनिपुङ्गवाः । <अद्वन्तगेस् ओफ़् थे पाशुपत बेहविओउर्> स्त्रीलिङ्गमखिलं देवी प्रकृतिर्मम देहजा
vakṣyāmi vo hitaṃ puṇyaṃ bhaktānāṃ munipuṅgavāḥ / <advantages of the Pāśupata behaviour> strīliṅgamakhilaṃ devī prakṛtirmama dehajā
Sanskrit only: no published translation is held for this verse.
पुंल्लिङ्गं पुरुषो विप्रा मम देहसमुद्भवः । उभाभ्यामेव वै सृष्टिर् मम विप्रा न संशयः
puṃlliṅgaṃ puruṣo viprā mama dehasamudbhavaḥ / ubhābhyāmeva vai sṛṣṭir mama viprā na saṃśayaḥ
Sanskrit only: no published translation is held for this verse.
न निन्देद्यतिनं तस्माद् दिग्वाससमनुत्तमम् । बालोन्मत्तविचेष्टं तु मत्परं ब्रह्मवादिनम्
na nindedyatinaṃ tasmād digvāsasamanuttamam / bālonmattaviceṣṭaṃ tu matparaṃ brahmavādinam
Sanskrit only: no published translation is held for this verse.
ये हि मां भस्मनिरता भस्मना दग्धकिल्बिषाः । यथोक्तकारिणो दान्ता विप्रा ध्यानपरायणाः
ye hi māṃ bhasmaniratā bhasmanā dagdhakilbiṣāḥ / yathoktakāriṇo dāntā viprā dhyānaparāyaṇāḥ
Sanskrit only: no published translation is held for this verse.
महादेवपरा नित्यं चरन्तो ह्यूर्ध्वरेतसः । अर्चयन्ति महादेवं वाङ्मनःकायसंयताः
mahādevaparā nityaṃ caranto hyūrdhvaretasaḥ / arcayanti mahādevaṃ vāṅmanaḥkāyasaṃyatāḥ
Sanskrit only: no published translation is held for this verse.
रुद्रलोकमनुप्राप्य न निवर्तन्ति ते पुनः । तस्मादेतद्व्रतं दिव्यम् अव्यक्तं व्यक्तलिङ्गिनः
rudralokamanuprāpya na nivartanti te punaḥ / tasmādetadvrataṃ divyam avyaktaṃ vyaktaliṅginaḥ
Sanskrit only: no published translation is held for this verse.
भस्मव्रताश् च मुण्डाश् च व्रतिनो विश्वरूपिणः । न तान्परिवदेद्विद्वान् न चैतान्नाभिलङ्घयेत्
bhasmavratāś ca muṇḍāś ca vratino viśvarūpiṇaḥ / na tānparivadedvidvān na caitānnābhilaṅghayet
Sanskrit only: no published translation is held for this verse.
न हसेन्नाप्रियं ब्रूयाद् अमुत्रेह हितार्थवान् । यस्तान्निन्दति मूढात्मा महादेवं स निन्दति
na hasennāpriyaṃ brūyād amutreha hitārthavān / yastānnindati mūḍhātmā mahādevaṃ sa nindati
Sanskrit only: no published translation is held for this verse.
यस् त्वेतान् पूजयेन् नित्यं स पूजयति शङ्करम् । एवमेष महादेवो लोकानां हितकाम्यया
yas tvetān pūjayen nityaṃ sa pūjayati śaṅkaram / evameṣa mahādevo lokānāṃ hitakāmyayā
Sanskrit only: no published translation is held for this verse.
युगे युगे महायोगी क्रीडते भस्मगुण्ठितः । एवं चरत भद्रं वस् ततः सिद्धिमवाप्स्यथ
yuge yuge mahāyogī krīḍate bhasmaguṇṭhitaḥ / evaṃ carata bhadraṃ vas tataḥ siddhimavāpsyatha
Sanskrit only: no published translation is held for this verse.
अतुलमिह महाभयप्रणाशहेतुं शिवकथितं परमं पदं विदित्वा । व्यपगतभवलोभमोहचित्ताः प्रणिपतिताः सहसा शिरोभिर् उग्रम्
atulamiha mahābhayapraṇāśahetuṃ śivakathitaṃ paramaṃ padaṃ viditvā / vyapagatabhavalobhamohacittāḥ praṇipatitāḥ sahasā śirobhir ugram
Sanskrit only: no published translation is held for this verse.
ततः प्रमुदिता विप्राः श्रुत्वैवं कथितं तदा । गन्धोदकैः सुशुद्धैश् च कुशपुष्पविमिश्रितैः
tataḥ pramuditā viprāḥ śrutvaivaṃ kathitaṃ tadā / gandhodakaiḥ suśuddhaiś ca kuśapuṣpavimiśritaiḥ
Sanskrit only: no published translation is held for this verse.
स्नापयन्ति महाकुम्भैर् अद्भिर् एव महेश्वरम् । गायन्ति विविधैर्गुह्यैर् हुंकारैश्चापि सुस्वरैः
snāpayanti mahākumbhair adbhir eva maheśvaram / gāyanti vividhairguhyair huṃkāraiścāpi susvaraiḥ
Sanskrit only: no published translation is held for this verse.
नमो देवाधिदेवाय महादेवाय वै नमः । अर्धनारीशरीराय सांख्ययोगप्रवर्तिने
namo devādhidevāya mahādevāya vai namaḥ / ardhanārīśarīrāya sāṃkhyayogapravartine
Sanskrit only: no published translation is held for this verse.
मेघवाहनकृष्णाय गजचर्मनिवासिने । कृष्णाजिनोत्तरीयाय व्यालयज्ञोपवीतिने
meghavāhanakṛṣṇāya gajacarmanivāsine / kṛṣṇājinottarīyāya vyālayajñopavītine
Sanskrit only: no published translation is held for this verse.
सुरचितसुविचित्रकुण्डलाय सुरचितमाल्यविभूषणाय तुभ्यम् । मृगपतिवरचर्मवाससे च प्रथितयशसे नमो ऽस्तु शङ्कराय
suracitasuvicitrakuṇḍalāya suracitamālyavibhūṣaṇāya tubhyam / mṛgapativaracarmavāsase ca prathitayaśase namo 'stu śaṅkarāya
Sanskrit only: no published translation is held for this verse.
ततस् तान् स मुनीन् प्रीतः प्रत्युवाच महेश्वरः । प्रीतो ऽस्मि तपसा युष्मान् वरं वृणुत सुव्रताः
tatas tān sa munīn prītaḥ pratyuvāca maheśvaraḥ / prīto 'smi tapasā yuṣmān varaṃ vṛṇuta suvratāḥ
Sanskrit only: no published translation is held for this verse.
ततस्ते मुनयः सर्वे प्रणिपत्य महेश्वरम् । भृग्वङ्गिरा वसिष्ठश् च विश्वामित्रस्तथैव च
tataste munayaḥ sarve praṇipatya maheśvaram / bhṛgvaṅgirā vasiṣṭhaś ca viśvāmitrastathaiva ca
Sanskrit only: no published translation is held for this verse.
गौतमो ऽत्रिः सुकेशश् च पुलस्त्यः पुलहः क्रतुः । मरीचिः कश्यपः कण्वः संवर्तश् च महातपाः
gautamo 'triḥ sukeśaś ca pulastyaḥ pulahaḥ kratuḥ / marīciḥ kaśyapaḥ kaṇvaḥ saṃvartaś ca mahātapāḥ
Sanskrit only: no published translation is held for this verse.
ते प्रणम्य महादेवम् इदं वचनमब्रुवन् । भस्मस्नानं च नग्नत्वं वामत्वं प्रतिलोमता
te praṇamya mahādevam idaṃ vacanamabruvan / bhasmasnānaṃ ca nagnatvaṃ vāmatvaṃ pratilomatā
Sanskrit only: no published translation is held for this verse.
सेव्यासेव्यत्वमेवं च ह्य् एतदिच्छाम वेदितुम् । ततस्तेषां वचः श्रुत्वा भगवान्परमेश्वरः
sevyāsevyatvamevaṃ ca hy etadicchāma veditum / tatasteṣāṃ vacaḥ śrutvā bhagavānparameśvaraḥ
Sanskrit only: no published translation is held for this verse.
सस्मितं प्राह सम्प्रेक्ष्य सर्वान्मुनिवरांस्तदा
sasmitaṃ prāha samprekṣya sarvānmunivarāṃstadā
Sanskrit only: no published translation is held for this verse.