Library·Liṅga Purāṇa·1·1.34
श्रीभगवानुवाच एतद्वः सम्प्रवक्ष्यामि कथा सर्वस्वमद्य वै । अग्निर्ह्यहं सोमकर्ता सोमश्चाग्निमुपाश्रितः
śrībhagavānuvāca etadvaḥ sampravakṣyāmi kathā sarvasvamadya vai / agnirhyahaṃ somakartā somaścāgnimupāśritaḥ
Sanskrit only: no published translation is held for this verse.
कृतमेतद्वहत्यग्निर् भूयो लोकसमाश्रयात् । असकृत्त्वग्निना दग्धं जगत् स्थावरजङ्गमम्
kṛtametadvahatyagnir bhūyo lokasamāśrayāt / asakṛttvagninā dagdhaṃ jagat sthāvarajaṅgamam
Sanskrit only: no published translation is held for this verse.
भस्मसाद्विहितं सर्वं पवित्रमिदमुत्तमम् । भस्मना वीर्यमास्थाय भूतानि परिषिञ्चति
bhasmasādvihitaṃ sarvaṃ pavitramidamuttamam / bhasmanā vīryamāsthāya bhūtāni pariṣiñcati
Sanskrit only: no published translation is held for this verse.
अग्निकार्यं च यः कृत्वा करिष्यति त्रियायुषम् । भस्मना मम वीर्येण मुच्यते सर्वकिल्बिषैः
agnikāryaṃ ca yaḥ kṛtvā kariṣyati triyāyuṣam / bhasmanā mama vīryeṇa mucyate sarvakilbiṣaiḥ
Sanskrit only: no published translation is held for this verse.
भासत इत्येव यद्भस्म शुभं भावयते च यत् । भक्षणात् सर्वपापानां भस्मेति परिकीर्तितम्
bhāsata ityeva yadbhasma śubhaṃ bhāvayate ca yat / bhakṣaṇāt sarvapāpānāṃ bhasmeti parikīrtitam
Sanskrit only: no published translation is held for this verse.
ऊष्मपाः पितरो ज्ञेया देवा वै सोमसंभवाः । अग्नीषोमात्मकं सर्वं जगत्स्थावरजङ्गमम्
ūṣmapāḥ pitaro jñeyā devā vai somasaṃbhavāḥ / agnīṣomātmakaṃ sarvaṃ jagatsthāvarajaṅgamam
Sanskrit only: no published translation is held for this verse.
अहमग्निर्महातेजाः सोमश्चैषा महांबिका । अहमग्निश् च सोमश् च प्रकृत्या पुरुषः स्वयम्
ahamagnirmahātejāḥ somaścaiṣā mahāṃbikā / ahamagniś ca somaś ca prakṛtyā puruṣaḥ svayam
Sanskrit only: no published translation is held for this verse.
तस्माद्भस्म महाभागा मद्वीर्यमिति चोच्यते । स्ववीर्यं वपुषा चैव धारयामीति वै स्थितिः
tasmādbhasma mahābhāgā madvīryamiti cocyate / svavīryaṃ vapuṣā caiva dhārayāmīti vai sthitiḥ
Sanskrit only: no published translation is held for this verse.
तदाप्रभृति लोकेषु रक्षार्थमशुभेषु च । भस्मना क्रियते रक्षा सूतिकानां गृहेषु च
tadāprabhṛti lokeṣu rakṣārthamaśubheṣu ca / bhasmanā kriyate rakṣā sūtikānāṃ gṛheṣu ca
Sanskrit only: no published translation is held for this verse.
भस्मस्नानविशुद्धात्मा जितक्रोधो जितेन्द्रियः । मत्समीपं समागम्य न भूयो विनिवर्तते
bhasmasnānaviśuddhātmā jitakrodho jitendriyaḥ / matsamīpaṃ samāgamya na bhūyo vinivartate
Sanskrit only: no published translation is held for this verse.
व्रतं पाशुपतं योगं कापिलं चैव निर्मितम् । पूर्वं पाशुपतं ह्येतन् निर्मितं तदनुत्तमम्
vrataṃ pāśupataṃ yogaṃ kāpilaṃ caiva nirmitam / pūrvaṃ pāśupataṃ hyetan nirmitaṃ tadanuttamam
Sanskrit only: no published translation is held for this verse.
शेषाश्चाश्रमिणः सर्वे पश्चात्सृष्टाः स्वयंभुवा । सृष्टिरेषा मया सृष्टा लज्जामोहभयात्मिका
śeṣāścāśramiṇaḥ sarve paścātsṛṣṭāḥ svayaṃbhuvā / sṛṣṭireṣā mayā sṛṣṭā lajjāmohabhayātmikā
Sanskrit only: no published translation is held for this verse.
नग्ना एव हि जायन्ते देवता मुनयस् तथा । ये चान्ये मानवा लोके सर्वे जायन्त्यवाससः
nagnā eva hi jāyante devatā munayas tathā / ye cānye mānavā loke sarve jāyantyavāsasaḥ
Sanskrit only: no published translation is held for this verse.
इन्द्रियैरजितैर्नग्नो दुकूलेनापि संवृतः । तैरेव संवृतैर्गुप्तो न वस्त्रं कारणं स्मृतम्
indriyairajitairnagno dukūlenāpi saṃvṛtaḥ / taireva saṃvṛtairgupto na vastraṃ kāraṇaṃ smṛtam
Sanskrit only: no published translation is held for this verse.
क्षमा धृतिरहिंसा च वैराग्यं चैव सर्वशः । तुल्यौ मानावमानौ च तदावरणमुत्तमम्
kṣamā dhṛtirahiṃsā ca vairāgyaṃ caiva sarvaśaḥ / tulyau mānāvamānau ca tadāvaraṇamuttamam
Sanskrit only: no published translation is held for this verse.
भस्मस्नानेन दिग्धाङ्गो ध्यायते मनसा भवम् । यद्यकार्यसहस्राणि कृत्वा यः स्नाति भस्मना
bhasmasnānena digdhāṅgo dhyāyate manasā bhavam / yadyakāryasahasrāṇi kṛtvā yaḥ snāti bhasmanā
Sanskrit only: no published translation is held for this verse.
तत्सर्वं दहते भस्म यथाग्निस्तेजसा वनम् । तस्माद् यत्नपरो भूत्वा त्रिकालमपि यः सदा
tatsarvaṃ dahate bhasma yathāgnistejasā vanam / tasmād yatnaparo bhūtvā trikālamapi yaḥ sadā
Sanskrit only: no published translation is held for this verse.
भस्मना कुरुते स्नानं गाणपत्यं स गच्छति । समाहृत्य क्रतून् सर्वान् गृहीत्वा व्रतमुत्तमम्
bhasmanā kurute snānaṃ gāṇapatyaṃ sa gacchati / samāhṛtya kratūn sarvān gṛhītvā vratamuttamam
Sanskrit only: no published translation is held for this verse.
ध्यायन्ति ये महादेवं लीलासद्भावभाविताः । उत्तरेणार्यपन्थानं ते ऽमृतत्वमवाप्नुयुः
dhyāyanti ye mahādevaṃ līlāsadbhāvabhāvitāḥ / uttareṇāryapanthānaṃ te 'mṛtatvamavāpnuyuḥ
Sanskrit only: no published translation is held for this verse.
दक्षिणेन च पन्थानं ये श्मशानानि भेजिरे । अणिमा गरिमा चैव लघिमा प्राप्तिरेव च
dakṣiṇena ca panthānaṃ ye śmaśānāni bhejire / aṇimā garimā caiva laghimā prāptireva ca
Sanskrit only: no published translation is held for this verse.
इच्छा कामावसायित्वं तथा प्राकाम्यमेव च । ईक्षणेन च पन्थानं ये श्मशानानि भेजिरे । अणिमा गरिमा चैव लघिमा प्राप्तिरेव च
icchā kāmāvasāyitvaṃ tathā prākāmyameva ca / īkṣaṇena ca panthānaṃ ye śmaśānāni bhejire / aṇimā garimā caiva laghimā prāptireva ca
Sanskrit only: no published translation is held for this verse.
इन्द्रादयस् तथा देवाः कामिकव्रतमास्थिताः । ऐश्वर्यं परमं प्राप्य सर्वे प्रथिततेजसः
indrādayas tathā devāḥ kāmikavratamāsthitāḥ / aiśvaryaṃ paramaṃ prāpya sarve prathitatejasaḥ
Sanskrit only: no published translation is held for this verse.
व्यपगतमदमोहमुक्तरागस् तमोरजोदोषविवर्जितस्वभावः । परिभवमिदमुत्तमं विदित्वा पशुपतियोगपरो भवेत्सदैव
vyapagatamadamohamuktarāgas tamorajodoṣavivarjitasvabhāvaḥ / paribhavamidamuttamaṃ viditvā paśupatiyogaparo bhavetsadaiva
Sanskrit only: no published translation is held for this verse.
इमं पाशुपतं ध्यायन् सर्वपापप्रणाशनम् । यः पठेच्च शुचिर्भूत्वा श्रद्दधानो जितेन्द्रियः
imaṃ pāśupataṃ dhyāyan sarvapāpapraṇāśanam / yaḥ paṭhecca śucirbhūtvā śraddadhāno jitendriyaḥ
Sanskrit only: no published translation is held for this verse.
सर्वपापविशुद्धात्मा रुद्रलोकं स गच्छति । ते सर्वे मुनयः श्रुत्वा वसिष्ठाद्या द्विजोत्तमाः
sarvapāpaviśuddhātmā rudralokaṃ sa gacchati / te sarve munayaḥ śrutvā vasiṣṭhādyā dvijottamāḥ
Sanskrit only: no published translation is held for this verse.
भस्मपाण्डुरदिग्धाङ्गा बभूवुर्विगतस्पृहाः । रुद्रलोकाय कल्पान्ते संस्थिताः शिवतेजसा
bhasmapāṇḍuradigdhāṅgā babhūvurvigataspṛhāḥ / rudralokāya kalpānte saṃsthitāḥ śivatejasā
Sanskrit only: no published translation is held for this verse.
तस्मान्न निन्द्याः पूज्याश्च विकृता मलिना अपि । रूपान्विताश् च विप्रेन्द्राः सदा योगीन्द्रशङ्कया
tasmānna nindyāḥ pūjyāśca vikṛtā malinā api / rūpānvitāś ca viprendrāḥ sadā yogīndraśaṅkayā
Sanskrit only: no published translation is held for this verse.
बहुना किं प्रलापेन भवभक्ता द्विजोत्तमाः । संपूज्याः सर्वयत्नेन शिववन्नात्र संशयः
bahunā kiṃ pralāpena bhavabhaktā dvijottamāḥ / saṃpūjyāḥ sarvayatnena śivavannātra saṃśayaḥ
Sanskrit only: no published translation is held for this verse.
मलिनाश्चैव विप्रेन्द्रा भवभक्ता दृढव्रताः । दधीचस्तु यथा देव- देवं जित्वा व्यवस्थितः
malināścaiva viprendrā bhavabhaktā dṛḍhavratāḥ / dadhīcastu yathā deva- devaṃ jitvā vyavasthitaḥ
Sanskrit only: no published translation is held for this verse.
नारायणं तथा लोके रुद्रभक्त्या न संशयः । तस्मात्सर्वप्रयत्नेन भस्मदिग्धतनूरुहाः
nārāyaṇaṃ tathā loke rudrabhaktyā na saṃśayaḥ / tasmātsarvaprayatnena bhasmadigdhatanūruhāḥ
Sanskrit only: no published translation is held for this verse.
जटिनो मुण्डिनश्चैव नग्ना नानाप्रकारिणः । संपूज्याः शिववन्नित्यं मनसा कर्मणा गिरा
jaṭino muṇḍinaścaiva nagnā nānāprakāriṇaḥ / saṃpūjyāḥ śivavannityaṃ manasā karmaṇā girā
Sanskrit only: no published translation is held for this verse.