Liṅga Purāṇa 1.35

सनत्कुमार उवाच कथं जघान राजानं क्षुपं पादेन सुव्रत । दधीचः समरे जित्वा देवदेवं जनार्दनम्

sanatkumāra uvāca kathaṃ jaghāna rājānaṃ kṣupaṃ pādena suvrata / dadhīcaḥ samare jitvā devadevaṃ janārdanam

Sanskrit only: no published translation is held for this verse.

वज्रास्थित्वं कथं लेभे महादेवान्महातपाः । वक्तुमर्हसि शैलादे जितो मृत्युस्त्वया यथा

vajrāsthitvaṃ kathaṃ lebhe mahādevānmahātapāḥ / vaktumarhasi śailāde jito mṛtyustvayā yathā

Sanskrit only: no published translation is held for this verse.

शैलादिरुवाच ब्रह्मपुत्रो महातेजा राजा क्षुप इति स्मृतः । अभून्मित्रो दधीचस्य मुनीन्द्रस्य जनेश्वरः

śailādiruvāca brahmaputro mahātejā rājā kṣupa iti smṛtaḥ / abhūnmitro dadhīcasya munīndrasya janeśvaraḥ

Sanskrit only: no published translation is held for this verse.

चिरात्तयोः प्रसंगाद्वै वादः क्षुपदधीचयोः । अभवत् क्षत्रियश्रेष्ठो विप्र एवेति विश्रुतः

cirāttayoḥ prasaṃgādvai vādaḥ kṣupadadhīcayoḥ / abhavat kṣatriyaśreṣṭho vipra eveti viśrutaḥ

Sanskrit only: no published translation is held for this verse.

अष्टानां लोकपालानां वपुर्धारयते नृपः । तस्मादिन्द्रो ह्ययं वह्निर् यमश् च निरृतिस् तथा

aṣṭānāṃ lokapālānāṃ vapurdhārayate nṛpaḥ / tasmādindro hyayaṃ vahnir yamaś ca nirṛtis tathā

Sanskrit only: no published translation is held for this verse.

वरुणश्चैव वायुश् च सोमो धनद एव च । ईश्वरो ऽहं न संदेहो नावमन्तव्य एव च

varuṇaścaiva vāyuś ca somo dhanada eva ca / īśvaro 'haṃ na saṃdeho nāvamantavya eva ca

Sanskrit only: no published translation is held for this verse.

महती देवता या सा महतश्चापि सुव्रत । तस्मात्त्वया महाभाग च्यावनेय सदा ह्यहम्

mahatī devatā yā sā mahataścāpi suvrata / tasmāttvayā mahābhāga cyāvaneya sadā hyaham

Sanskrit only: no published translation is held for this verse.

नावमन्तव्य एवेह पूजनीयश् च सर्वथा । श्रुत्वा तथा मतं तस्य क्षुपस्य मुनिसत्तमः

nāvamantavya eveha pūjanīyaś ca sarvathā / śrutvā tathā mataṃ tasya kṣupasya munisattamaḥ

Sanskrit only: no published translation is held for this verse.

दधीचश् च्यावनिश् चोग्रो गौरवादात्मनो द्विजः । अताडयत्क्षुपं मूर्ध्नि दधीचो वाममुष्टिना । चिछेद वज्रेण च तं दधीचं बलवान् क्षुपः

dadhīcaś cyāvaniś cogro gauravādātmano dvijaḥ / atāḍayatkṣupaṃ mūrdhni dadhīco vāmamuṣṭinā / cicheda vajreṇa ca taṃ dadhīcaṃ balavān kṣupaḥ

Sanskrit only: no published translation is held for this verse.

ब्रह्मलोके पुरासौ हि ब्रह्मणः क्षुतसंभवः । लब्धं वज्रं च कार्यार्थं वज्रिणा चोदितः प्रभुः

brahmaloke purāsau hi brahmaṇaḥ kṣutasaṃbhavaḥ / labdhaṃ vajraṃ ca kāryārthaṃ vajriṇā coditaḥ prabhuḥ

Sanskrit only: no published translation is held for this verse.

स्वेच्छयैव नरो भूत्वा नरपालो बभूव सः । तस्माद्राजा स विप्रेन्द्रम् अजयद्वै महाबलः

svecchayaiva naro bhūtvā narapālo babhūva saḥ / tasmādrājā sa viprendram ajayadvai mahābalaḥ

Sanskrit only: no published translation is held for this verse.

यथा वज्रधरः श्रीमान् बलवांस्तमसान्वितः । पपात भूमौ निहतो वज्रेण द्विजपुङ्गवः

yathā vajradharaḥ śrīmān balavāṃstamasānvitaḥ / papāta bhūmau nihato vajreṇa dvijapuṅgavaḥ

Sanskrit only: no published translation is held for this verse.

सस्मार च तदा तत्र दुःखाद्वै भार्गवं मुनिम् । शुक्रो ऽपि संधयामास ताडितं कुलिशेन तम्

sasmāra ca tadā tatra duḥkhādvai bhārgavaṃ munim / śukro 'pi saṃdhayāmāsa tāḍitaṃ kuliśena tam

Sanskrit only: no published translation is held for this verse.

योगादेत्य दधीचस्य देहं देहभृतांवरः । संधाय पूर्ववद्देहं दधीचस्याह भार्गवः

yogādetya dadhīcasya dehaṃ dehabhṛtāṃvaraḥ / saṃdhāya pūrvavaddehaṃ dadhīcasyāha bhārgavaḥ

Sanskrit only: no published translation is held for this verse.

भो दधीच महाभाग देवदेवमुमापतिम् । सम्पूज्य पूज्यं ब्रह्माद्यैर् देवदेवं निरञ्जनम्

bho dadhīca mahābhāga devadevamumāpatim / sampūjya pūjyaṃ brahmādyair devadevaṃ nirañjanam

Sanskrit only: no published translation is held for this verse.

अवध्यो भव विप्रर्षे प्रसादात्त्र्यम्बकस्य तु । मृतसंजीवनं तस्माल् लब्धमेतन्मया द्विज

avadhyo bhava viprarṣe prasādāttryambakasya tu / mṛtasaṃjīvanaṃ tasmāl labdhametanmayā dvija

Sanskrit only: no published translation is held for this verse.

नास्ति मृत्युभयं शंभोर् भक्तानामिह सर्वतः । मृतसंजीवनं चापि शैवमद्य वदामि ते

nāsti mṛtyubhayaṃ śaṃbhor bhaktānāmiha sarvataḥ / mṛtasaṃjīvanaṃ cāpi śaivamadya vadāmi te

Sanskrit only: no published translation is held for this verse.

त्रियंबकं यजामहे त्रैलोक्यपितरं प्रभुम् । त्रिमण्डलस्य पितरं त्रिगुणस्य महेश्वरम्

triyaṃbakaṃ yajāmahe trailokyapitaraṃ prabhum / trimaṇḍalasya pitaraṃ triguṇasya maheśvaram

Sanskrit only: no published translation is held for this verse.

त्रितत्त्वस्य त्रिवह्नेश् च त्रिधाभूतस्य सर्वतः । त्रिवेदस्य महादेवं सुगन्धिं पुष्टिवर्धनम्

tritattvasya trivahneś ca tridhābhūtasya sarvataḥ / trivedasya mahādevaṃ sugandhiṃ puṣṭivardhanam

Sanskrit only: no published translation is held for this verse.

सर्वभूतेषु सर्वत्र त्रिगुणे प्रकृतौ तथा । इन्द्रियेषु तथान्येषु देवेषु च गणेषु च

sarvabhūteṣu sarvatra triguṇe prakṛtau tathā / indriyeṣu tathānyeṣu deveṣu ca gaṇeṣu ca

Sanskrit only: no published translation is held for this verse.

पुष्पेषु गन्धवत्सूक्ष्मः सुगन्धिः परमेश्वरः । पुष्टिश् च प्रकृतिर्यस्मात् पुरुषस्य द्विजोत्तम

puṣpeṣu gandhavatsūkṣmaḥ sugandhiḥ parameśvaraḥ / puṣṭiś ca prakṛtiryasmāt puruṣasya dvijottama

Sanskrit only: no published translation is held for this verse.

महदादिविशेषान्त- विकल्पस्यापि सुव्रत । विष्णोः पितामहस्यापि मुनीनां च महामुने

mahadādiviśeṣānta- vikalpasyāpi suvrata / viṣṇoḥ pitāmahasyāpi munīnāṃ ca mahāmune

Sanskrit only: no published translation is held for this verse.

इन्द्रस्यापि च देवानां तस्माद्वै पुष्टिवर्धनः । तं देवममृतं रुद्रं कर्मणा तपसा तथा

indrasyāpi ca devānāṃ tasmādvai puṣṭivardhanaḥ / taṃ devamamṛtaṃ rudraṃ karmaṇā tapasā tathā

Sanskrit only: no published translation is held for this verse.

स्वाध्यायेन च योगेन ध्यानेन च यजामहे । सत्येनानेन मुक्षीयान् मृत्युपाशाद् भवः स्वयम्

svādhyāyena ca yogena dhyānena ca yajāmahe / satyenānena mukṣīyān mṛtyupāśād bhavaḥ svayam

Sanskrit only: no published translation is held for this verse.

बन्धमोक्षकरो यस्माद् उर्वारुकमिव प्रभुः । मृतसंजीवनो मन्त्रो मया लब्धस्तु शङ्करात्

bandhamokṣakaro yasmād urvārukamiva prabhuḥ / mṛtasaṃjīvano mantro mayā labdhastu śaṅkarāt

Sanskrit only: no published translation is held for this verse.

जप्त्वा हुत्वाभिमन्त्र्यैवं जलं पीत्वा दिवानिशम् । लिङ्गस्य संनिधौ ध्यात्वा नास्ति मृत्युभयं द्विज

japtvā hutvābhimantryaivaṃ jalaṃ pītvā divāniśam / liṅgasya saṃnidhau dhyātvā nāsti mṛtyubhayaṃ dvija

Sanskrit only: no published translation is held for this verse.

तस्य तद्वचनं श्रुत्वा तपसाराध्य शङ्करम् । वज्रास्थित्वम् अवध्यत्वम् अदीनत्वं च लब्धवान्

tasya tadvacanaṃ śrutvā tapasārādhya śaṅkaram / vajrāsthitvam avadhyatvam adīnatvaṃ ca labdhavān

Sanskrit only: no published translation is held for this verse.

एवमाराध्य देवेशं दधीचो मुनिसत्तमः । प्राप्यावध्यत्वमन्यैश् च वज्रास्थित्वं प्रयत्नतः

evamārādhya deveśaṃ dadhīco munisattamaḥ / prāpyāvadhyatvamanyaiś ca vajrāsthitvaṃ prayatnataḥ

Sanskrit only: no published translation is held for this verse.

अताडयच्च राजेन्द्रं पादमूलेन मूर्धनि । क्षुपो दधीचं वज्रेण जघानोरसि च प्रभुः

atāḍayacca rājendraṃ pādamūlena mūrdhani / kṣupo dadhīcaṃ vajreṇa jaghānorasi ca prabhuḥ

Sanskrit only: no published translation is held for this verse.

नाभून्नाशाय तद्वज्रं दधीचस्य महात्मनः । प्रभावात्परमेशस्य वज्रबद्धशरीरिणः

nābhūnnāśāya tadvajraṃ dadhīcasya mahātmanaḥ / prabhāvātparameśasya vajrabaddhaśarīriṇaḥ

Sanskrit only: no published translation is held for this verse.

दृष्ट्वाप्यवध्यत्वमदीनतां च क्षुपो दधीचस्य तदा प्रभावम् । आराधयामास हरिं मुकुन्दम् इन्द्रानुजं प्रेक्ष्य तदांबुजाक्षम्

dṛṣṭvāpyavadhyatvamadīnatāṃ ca kṣupo dadhīcasya tadā prabhāvam / ārādhayāmāsa hariṃ mukundam indrānujaṃ prekṣya tadāṃbujākṣam

Sanskrit only: no published translation is held for this verse.