Library·Liṅga Purāṇa·1·1.36
नन्द्युवाच पूजया तस्य संतुष्टो भगवान्पुरुषोत्तमः । श्रीभूमिसहितः श्रीमाञ् शङ्खचक्रगदाधरः
nandyuvāca pūjayā tasya saṃtuṣṭo bhagavānpuruṣottamaḥ / śrībhūmisahitaḥ śrīmāñ śaṅkhacakragadādharaḥ
Sanskrit only: no published translation is held for this verse.
किरीटी पद्महस्तश् च सर्वाभरणभूषितः । पीतांबरश् च भगवान् देवैर्दैत्यैश् च संवृतः
kirīṭī padmahastaś ca sarvābharaṇabhūṣitaḥ / pītāṃbaraś ca bhagavān devairdaityaiś ca saṃvṛtaḥ
Sanskrit only: no published translation is held for this verse.
प्रददौ दर्शनं तस्मै दिव्यं वै गरुडध्वजः । दिव्येन दर्शनेनैव दृष्ट्वा देवं जनार्दनम्
pradadau darśanaṃ tasmai divyaṃ vai garuḍadhvajaḥ / divyena darśanenaiva dṛṣṭvā devaṃ janārdanam
Sanskrit only: no published translation is held for this verse.
तुष्टाव वाग्भिर् इष्टाभिः प्रणम्य गरुडध्वजम् । त्वमादिस्त्वमनादिश् च प्रकृतिस्त्वं जनार्दनः
tuṣṭāva vāgbhir iṣṭābhiḥ praṇamya garuḍadhvajam / tvamādistvamanādiś ca prakṛtistvaṃ janārdanaḥ
Sanskrit only: no published translation is held for this verse.
पुरुषस्त्वं जगन्नाथो विष्णुर्विश्वेश्वरो भवान् । यो ऽयं ब्रह्मासि पुरुषो विश्वमूर्तिः पितामहः
puruṣastvaṃ jagannātho viṣṇurviśveśvaro bhavān / yo 'yaṃ brahmāsi puruṣo viśvamūrtiḥ pitāmahaḥ
Sanskrit only: no published translation is held for this verse.
तत्त्वमाद्यं भवानेव परं ज्योतिर्जनार्दन । परमात्मा परं धाम श्रीपते भूपते प्रभो
tattvamādyaṃ bhavāneva paraṃ jyotirjanārdana / paramātmā paraṃ dhāma śrīpate bhūpate prabho
Sanskrit only: no published translation is held for this verse.
त्वत्क्रोधसंभवो रुद्रस् तमसा च समावृतः । त्वत्प्रसादाज्जगद्धाता रजसा च पितामहः
tvatkrodhasaṃbhavo rudras tamasā ca samāvṛtaḥ / tvatprasādājjagaddhātā rajasā ca pitāmahaḥ
Sanskrit only: no published translation is held for this verse.
त्वत्प्रसादात्स्वयं विष्णुः सत्त्वेन पुरुषोत्तमः । कालमूर्ते हरे विष्णो नारायण जगन्मय
tvatprasādātsvayaṃ viṣṇuḥ sattvena puruṣottamaḥ / kālamūrte hare viṣṇo nārāyaṇa jaganmaya
Sanskrit only: no published translation is held for this verse.
महांस् तथा च भूतादिस् तन्मात्राणीन्द्रियाणि च । त्वयैवाधिष्ठितान्येव विश्वमूर्ते महेश्वर
mahāṃs tathā ca bhūtādis tanmātrāṇīndriyāṇi ca / tvayaivādhiṣṭhitānyeva viśvamūrte maheśvara
Sanskrit only: no published translation is held for this verse.
महादेव जगन्नाथ पितामह जगद्गुरो । प्रसीद देवदेवेश प्रसीद परमेश्वर
mahādeva jagannātha pitāmaha jagadguro / prasīda devadeveśa prasīda parameśvara
Sanskrit only: no published translation is held for this verse.
प्रसीद त्वं जगन्नाथ शरण्यं शरणं गतः । वैकुण्ठ शौरे सर्वज्ञ वासुदेव महाभुज
prasīda tvaṃ jagannātha śaraṇyaṃ śaraṇaṃ gataḥ / vaikuṇṭha śaure sarvajña vāsudeva mahābhuja
Sanskrit only: no published translation is held for this verse.
संकर्षण महाभाग प्रद्युम्न पुरुषोत्तम । अनिरुद्ध महाविष्णो सदा विष्णो नमो ऽस्तु ते
saṃkarṣaṇa mahābhāga pradyumna puruṣottama / aniruddha mahāviṣṇo sadā viṣṇo namo 'stu te
Sanskrit only: no published translation is held for this verse.
विष्णो तवासनं दिव्यम् अव्यक्तं मध्यतो विभुः । सहस्रफणसंयुक्तस् तमोमूर्तिर्धराधरः
viṣṇo tavāsanaṃ divyam avyaktaṃ madhyato vibhuḥ / sahasraphaṇasaṃyuktas tamomūrtirdharādharaḥ
Sanskrit only: no published translation is held for this verse.
अधश् च धर्मो देवेश ज्ञानं वैराग्यमेव च । ऐश्वर्यमासनस्यास्य पादरूपेण सुव्रत
adhaś ca dharmo deveśa jñānaṃ vairāgyameva ca / aiśvaryamāsanasyāsya pādarūpeṇa suvrata
Sanskrit only: no published translation is held for this verse.
सप्तपातालपादस्त्वं धराजघनमेव च । वासांसि सागराः सप्त दिशश्चैव महाभुजाः
saptapātālapādastvaṃ dharājaghanameva ca / vāsāṃsi sāgarāḥ sapta diśaścaiva mahābhujāḥ
Sanskrit only: no published translation is held for this verse.
द्यौर्मूर्धा ते विभो नाभिः खं वायुर्नासिकां गतः । नेत्रे सोमश् च सूर्यश् च केशा वै पुष्करादयः
dyaurmūrdhā te vibho nābhiḥ khaṃ vāyurnāsikāṃ gataḥ / netre somaś ca sūryaś ca keśā vai puṣkarādayaḥ
Sanskrit only: no published translation is held for this verse.
नक्षत्रतारका द्यौश् च ग्रैवेयकविभूषणम् । कथं स्तोष्यामि देवेशं पूज्यश् च पुरुषोत्तमः
nakṣatratārakā dyauś ca graiveyakavibhūṣaṇam / kathaṃ stoṣyāmi deveśaṃ pūjyaś ca puruṣottamaḥ
Sanskrit only: no published translation is held for this verse.
श्रद्धया च कृतं दिव्यं यच् छ्रुतं यच्च कीर्तितम् । यदिष्टं तत्क्षमस्वेश नारायण नमो ऽस्तु ते
śraddhayā ca kṛtaṃ divyaṃ yac chrutaṃ yacca kīrtitam / yadiṣṭaṃ tatkṣamasveśa nārāyaṇa namo 'stu te
Sanskrit only: no published translation is held for this verse.
शैलादिरुवाच इदं तु वैष्णवं स्तोत्रं सर्वपापप्रणाशनम् । यः पठेच्छृणुयाद्वापि क्षुपेण परिकीर्तितम्
śailādiruvāca idaṃ tu vaiṣṇavaṃ stotraṃ sarvapāpapraṇāśanam / yaḥ paṭhecchṛṇuyādvāpi kṣupeṇa parikīrtitam
Sanskrit only: no published translation is held for this verse.
श्रावयेद्वा द्विजान् भक्त्या विष्णुलोकं स गच्छति
śrāvayedvā dvijān bhaktyā viṣṇulokaṃ sa gacchati
Sanskrit only: no published translation is held for this verse.
सम्पूज्य चैवं त्रिदशेश्वराद्यैः स्तुत्वा स्तुतं देवमजेयमीशम् । विज्ञापयामास निरीक्ष्य भक्त्या जनार्दनाय प्रणिपत्य मूर्ध्ना
sampūjya caivaṃ tridaśeśvarādyaiḥ stutvā stutaṃ devamajeyamīśam / vijñāpayāmāsa nirīkṣya bhaktyā janārdanāya praṇipatya mūrdhnā
Sanskrit only: no published translation is held for this verse.
राजोवाच भगवन्ब्राह्मणः कश्चिद् दधीच इति विश्रुतः । धर्मवेत्ता विनीतात्मा सखा मम पुराभवत्
rājovāca bhagavanbrāhmaṇaḥ kaścid dadhīca iti viśrutaḥ / dharmavettā vinītātmā sakhā mama purābhavat
Sanskrit only: no published translation is held for this verse.
अवध्यः सर्वदा सर्वैः शङ्करार्चनतत्परः । सावज्ञं वामपादेन स मां मूर्ध्नि सदस्यथ
avadhyaḥ sarvadā sarvaiḥ śaṅkarārcanatatparaḥ / sāvajñaṃ vāmapādena sa māṃ mūrdhni sadasyatha
Sanskrit only: no published translation is held for this verse.
ताडयामास देवेश विष्णो विश्वजगत्पते । उवाच च मदाविष्टो न बिभेमीति सर्वतः
tāḍayāmāsa deveśa viṣṇo viśvajagatpate / uvāca ca madāviṣṭo na bibhemīti sarvataḥ
Sanskrit only: no published translation is held for this verse.
जेतुमिच्छामि तं विप्रं दधीचं जगदीश्वर । यथा हितं तथा कर्तुं त्वमर्हसि जनार्दन
jetumicchāmi taṃ vipraṃ dadhīcaṃ jagadīśvara / yathā hitaṃ tathā kartuṃ tvamarhasi janārdana
Sanskrit only: no published translation is held for this verse.
शैलादिरुवाच ज्ञात्वा सो ऽपि दधीचस्य ह्य् अवध्यत्वं महात्मनः । सस्मार च महेशस्य प्रभावमतुलं हरिः
śailādiruvāca jñātvā so 'pi dadhīcasya hy avadhyatvaṃ mahātmanaḥ / sasmāra ca maheśasya prabhāvamatulaṃ hariḥ
Sanskrit only: no published translation is held for this verse.
एवं स्मृत्वा हरिः प्राह ब्रह्मणः क्षुतसंभवम् । विप्राणां नास्ति राजेन्द्र भयमेत्य महेश्वरम्
evaṃ smṛtvā hariḥ prāha brahmaṇaḥ kṣutasaṃbhavam / viprāṇāṃ nāsti rājendra bhayametya maheśvaram
Sanskrit only: no published translation is held for this verse.
विशेषाद्रुद्रभक्तानाम् अभयं सर्वदा नृप । नीचानामपि सर्वत्र दधीचस्यास्य किं पुनः
viśeṣādrudrabhaktānām abhayaṃ sarvadā nṛpa / nīcānāmapi sarvatra dadhīcasyāsya kiṃ punaḥ
Sanskrit only: no published translation is held for this verse.
तस्मात्तव महाभाग विजयो नास्ति भूपते । दुःखं करोमि विप्रस्य शापार्थं ससुरस्य मे
tasmāttava mahābhāga vijayo nāsti bhūpate / duḥkhaṃ karomi viprasya śāpārthaṃ sasurasya me
Sanskrit only: no published translation is held for this verse.
भविता तस्य शापेन दक्षयज्ञे सुरैः समम् । विनाशो मम राजेन्द्र पुनरुत्थानमेव च
bhavitā tasya śāpena dakṣayajñe suraiḥ samam / vināśo mama rājendra punarutthānameva ca
Sanskrit only: no published translation is held for this verse.
तस्मात्समेत्य विप्रेन्द्रं सर्वयत्नेन भूपते । करोमि यत्नं राजेन्द्र दधीचविजयाय ते
tasmātsametya viprendraṃ sarvayatnena bhūpate / karomi yatnaṃ rājendra dadhīcavijayāya te
Sanskrit only: no published translation is held for this verse.
शैलादिरुवाच श्रुत्वा वाक्यं क्षुपः प्राह तथास्त्विति जनार्दनम् । भगवानपि विप्रस्य दधीचस्याश्रमं ययौ
śailādiruvāca śrutvā vākyaṃ kṣupaḥ prāha tathāstviti janārdanam / bhagavānapi viprasya dadhīcasyāśramaṃ yayau
Sanskrit only: no published translation is held for this verse.
आस्थाय रूपं विप्रस्य भगवान् भक्तवत्सलः । दधीचमाह ब्रह्मर्षिम् अभिवन्द्य जगद्गुरुः
āsthāya rūpaṃ viprasya bhagavān bhaktavatsalaḥ / dadhīcamāha brahmarṣim abhivandya jagadguruḥ
Sanskrit only: no published translation is held for this verse.
श्रीभगवानुवाच भोभो दधीच ब्रह्मर्षे भवार्चनरताव्यय । वरमेकं वृणे त्वत्तस् तं भवान्दातुमर्हति
śrībhagavānuvāca bhobho dadhīca brahmarṣe bhavārcanaratāvyaya / varamekaṃ vṛṇe tvattas taṃ bhavāndātumarhati
Sanskrit only: no published translation is held for this verse.
याचितो देवदेवेन दधीचः प्राह विष्णुना । ज्ञातं तवेप्सितं सर्वं न बिभेमि तवाप्यहम्
yācito devadevena dadhīcaḥ prāha viṣṇunā / jñātaṃ tavepsitaṃ sarvaṃ na bibhemi tavāpyaham
Sanskrit only: no published translation is held for this verse.
भवान् विप्रस्य रूपेण आगतो ऽसि जनार्दन । भूतं भविष्यं देवेश वर्तमानं जनार्दन
bhavān viprasya rūpeṇa āgato 'si janārdana / bhūtaṃ bhaviṣyaṃ deveśa vartamānaṃ janārdana
Sanskrit only: no published translation is held for this verse.
ज्ञातं प्रसादाद्रुद्रस्य द्विजत्वं त्यज सुव्रत । आराधितो ऽसि देवेश क्षुपेण मधुसूदन
jñātaṃ prasādādrudrasya dvijatvaṃ tyaja suvrata / ārādhito 'si deveśa kṣupeṇa madhusūdana
Sanskrit only: no published translation is held for this verse.
जाने तवैनां भगवन् भक्तवत्सलतां हरे । स्थाने तवैषा भगवन् भक्तवात्सल्यता हरे
jāne tavaināṃ bhagavan bhaktavatsalatāṃ hare / sthāne tavaiṣā bhagavan bhaktavātsalyatā hare
Sanskrit only: no published translation is held for this verse.
अस्ति चेद्भगवन् भीतिर् भवार्चनरतस्य मे । वक्तुमर्हसि यत्नेन वरदांबुजलोचन
asti cedbhagavan bhītir bhavārcanaratasya me / vaktumarhasi yatnena varadāṃbujalocana
Sanskrit only: no published translation is held for this verse.
वदामि न मृषा तस्मान् न बिभेमि जनार्दन । न बिभेमि जगत्यस्मिन् देवदैत्यद्विजादपि
vadāmi na mṛṣā tasmān na bibhemi janārdana / na bibhemi jagatyasmin devadaityadvijādapi
Sanskrit only: no published translation is held for this verse.
नन्द्युवाच श्रुत्वा वाक्यं दधीचस्य तदास्थाय जनार्दनः । स्वरूपं सस्मितं प्राह संत्यज्य द्विजतां क्षणात्
nandyuvāca śrutvā vākyaṃ dadhīcasya tadāsthāya janārdanaḥ / svarūpaṃ sasmitaṃ prāha saṃtyajya dvijatāṃ kṣaṇāt
Sanskrit only: no published translation is held for this verse.
श्रीभगवानुवाच भयं दधीच सर्वत्र नास्त्येव तव सुव्रत । भवार्चनरतो यस्माद् भवान् सर्वज्ञ एव च
śrībhagavānuvāca bhayaṃ dadhīca sarvatra nāstyeva tava suvrata / bhavārcanarato yasmād bhavān sarvajña eva ca
Sanskrit only: no published translation is held for this verse.
बिभेमीति सकृद्वक्तुं त्वमर्हसि नमस्तव । नियोगान्मम विप्रेन्द्र क्षुपं प्रति सदस्यथ
bibhemīti sakṛdvaktuṃ tvamarhasi namastava / niyogānmama viprendra kṣupaṃ prati sadasyatha
Sanskrit only: no published translation is held for this verse.
एवं श्रुत्वापि तद्वाक्यं सान्त्वं विष्णोर्महामुनिः । न बिभेमीति तं प्राह दधीचो देवसत्तमम्
evaṃ śrutvāpi tadvākyaṃ sāntvaṃ viṣṇormahāmuniḥ / na bibhemīti taṃ prāha dadhīco devasattamam
Sanskrit only: no published translation is held for this verse.
प्रभावाद्देवदेवस्य शंभोः साक्षात्पिनाकिनः । शर्वस्य शङ्करस्यास्य सर्वज्ञस्य महामुनिः
prabhāvāddevadevasya śaṃbhoḥ sākṣātpinākinaḥ / śarvasya śaṅkarasyāsya sarvajñasya mahāmuniḥ
Sanskrit only: no published translation is held for this verse.
ततस्तस्य मुनेः श्रुत्वा वचनं कुपितो हरिः । चक्रमुद्यम्य भगवान् दिधक्षुर्मुनिसत्तमम्
tatastasya muneḥ śrutvā vacanaṃ kupito hariḥ / cakramudyamya bhagavān didhakṣurmunisattamam
Sanskrit only: no published translation is held for this verse.
अभवत्कुण्ठिताग्रं हि विष्णोश्चक्रं सुदर्शनम् । प्रभावाद्धि दधीचस्य क्षुपस्यैव हि संनिधौ
abhavatkuṇṭhitāgraṃ hi viṣṇoścakraṃ sudarśanam / prabhāvāddhi dadhīcasya kṣupasyaiva hi saṃnidhau
Sanskrit only: no published translation is held for this verse.
दृष्ट्वा तत्कुण्ठिताग्रं हि चक्रं चक्रिणमाह सः । दधीचः सस्मितं साक्षात् सदसद्व्यक्तिकारणम्
dṛṣṭvā tatkuṇṭhitāgraṃ hi cakraṃ cakriṇamāha saḥ / dadhīcaḥ sasmitaṃ sākṣāt sadasadvyaktikāraṇam
Sanskrit only: no published translation is held for this verse.
भगवन् भवता लब्धं पुरातीव सुदारुणम् । सुदर्शनमिति ख्यातं चक्रं विष्णो प्रयत्नतः
bhagavan bhavatā labdhaṃ purātīva sudāruṇam / sudarśanamiti khyātaṃ cakraṃ viṣṇo prayatnataḥ
Sanskrit only: no published translation is held for this verse.
भवस्यैतच्छुभं चक्रं न जिघांसति मामिह । ब्रह्मास्त्राद्यैस्तथान्यैर्हि प्रयत्नं कर्तुमर्हसि
bhavasyaitacchubhaṃ cakraṃ na jighāṃsati māmiha / brahmāstrādyaistathānyairhi prayatnaṃ kartumarhasi
Sanskrit only: no published translation is held for this verse.
शैलादिरुवाच तस्य तद्वचनं श्रुत्वा दृष्ट्वा निर्वीर्यमायुधम् । ससर्ज च पुनस्तस्मै सर्वास्त्राणि समन्ततः
śailādiruvāca tasya tadvacanaṃ śrutvā dṛṣṭvā nirvīryamāyudham / sasarja ca punastasmai sarvāstrāṇi samantataḥ
Sanskrit only: no published translation is held for this verse.
चक्रुर्देवास्ततस्तस्य विष्णोः साहाय्यमव्ययाः । द्विजेनैकेन योद्धुं हि प्रवृत्तस्य महाबलाः
cakrurdevāstatastasya viṣṇoḥ sāhāyyamavyayāḥ / dvijenaikena yoddhuṃ hi pravṛttasya mahābalāḥ
Sanskrit only: no published translation is held for this verse.
कुशमुष्टिं तदादाय दधीचः संस्मरन्भवम् । ससर्ज सर्वदेवेभ्यो वज्रास्थिः सर्वतो वशी
kuśamuṣṭiṃ tadādāya dadhīcaḥ saṃsmaranbhavam / sasarja sarvadevebhyo vajrāsthiḥ sarvato vaśī
Sanskrit only: no published translation is held for this verse.
दिव्यं त्रिशूलम् अभवत् कालाग्निसदृशप्रभम् । दग्धुं देवान्मतिं चक्रे युगान्ताग्निरिवापरः
divyaṃ triśūlam abhavat kālāgnisadṛśaprabham / dagdhuṃ devānmatiṃ cakre yugāntāgnirivāparaḥ
Sanskrit only: no published translation is held for this verse.
इन्द्रनारायणाद्यैश् च देवैस्त्यक्तानि यानि तु । आयुधानि समस्तानि प्रणेमुस् त्रिशिखं मुने
indranārāyaṇādyaiś ca devaistyaktāni yāni tu / āyudhāni samastāni praṇemus triśikhaṃ mune
Sanskrit only: no published translation is held for this verse.
देवाश् च दुद्रुवुः सर्वे ध्वस्तवीर्या द्विजोत्तम । ससर्ज भगवान् विष्णुः स्वदेहात्पुरुषोत्तमः
devāś ca dudruvuḥ sarve dhvastavīryā dvijottama / sasarja bhagavān viṣṇuḥ svadehātpuruṣottamaḥ
Sanskrit only: no published translation is held for this verse.
आत्मनः सदृशान् दिव्यांल् लक्षलक्षायुतान् गणान् । तानि सर्वाणि सहसा ददाह मुनिसत्तमः
ātmanaḥ sadṛśān divyāṃl lakṣalakṣāyutān gaṇān / tāni sarvāṇi sahasā dadāha munisattamaḥ
Sanskrit only: no published translation is held for this verse.
ततो विस्मयनार्थाय विश्वमूर्तिरभूद्धरिः । तस्य देहे हरेः साक्षाद् अपश्यद्द्विजसत्तमः
tato vismayanārthāya viśvamūrtirabhūddhariḥ / tasya dehe hareḥ sākṣād apaśyaddvijasattamaḥ
Sanskrit only: no published translation is held for this verse.
दधीचो भगवान्विप्रः देवतानां गणान् पृथक् । रुद्राणां कोटयश्चैव गणानां कोटयस्तदा
dadhīco bhagavānvipraḥ devatānāṃ gaṇān pṛthak / rudrāṇāṃ koṭayaścaiva gaṇānāṃ koṭayastadā
Sanskrit only: no published translation is held for this verse.
अण्डानां कोटयश्चैव विश्वमूर्तेस्तनौ तदा । दृष्ट्वैतदखिलं तत्र च्यावनिर् विस्मितं तदा
aṇḍānāṃ koṭayaścaiva viśvamūrtestanau tadā / dṛṣṭvaitadakhilaṃ tatra cyāvanir vismitaṃ tadā
Sanskrit only: no published translation is held for this verse.
विष्णुमाह जगन्नाथं जगन्मयमजं विभुम् । अंभसाभ्युक्ष्य तं विष्णुं विश्वरूपं महामुनिः
viṣṇumāha jagannāthaṃ jaganmayamajaṃ vibhum / aṃbhasābhyukṣya taṃ viṣṇuṃ viśvarūpaṃ mahāmuniḥ
Sanskrit only: no published translation is held for this verse.
मायां त्यज महाबाहो प्रतिभासा विचारतः । विज्ञानानां सहस्राणि दुर्विज्ञेयानि माधव
māyāṃ tyaja mahābāho pratibhāsā vicārataḥ / vijñānānāṃ sahasrāṇi durvijñeyāni mādhava
Sanskrit only: no published translation is held for this verse.
मयि पश्य जगत् सर्वं त्वया सार्धम् अनिन्दित । ब्रह्माणं च तथा रुद्रं दिव्यां दृष्टिं ददामि ते
mayi paśya jagat sarvaṃ tvayā sārdham anindita / brahmāṇaṃ ca tathā rudraṃ divyāṃ dṛṣṭiṃ dadāmi te
Sanskrit only: no published translation is held for this verse.
इत्युक्त्वा दर्शयामास स्वतनौ निखिलं मुनिः । तं प्राह च हरिं देवं सर्वदेवभवोद्भवम्
ityuktvā darśayāmāsa svatanau nikhilaṃ muniḥ / taṃ prāha ca hariṃ devaṃ sarvadevabhavodbhavam
Sanskrit only: no published translation is held for this verse.
मायया ह्यनया किं वा मन्त्रशक्त्याथ वा प्रभो । वस्तुशक्त्याथ वा विष्णो ध्यानशक्त्याथ वा पुनः
māyayā hyanayā kiṃ vā mantraśaktyātha vā prabho / vastuśaktyātha vā viṣṇo dhyānaśaktyātha vā punaḥ
Sanskrit only: no published translation is held for this verse.
त्यक्त्वा मायामिमां तस्माद् योद्धुमर्हसि यत्नतः । एवं तस्य वचः श्रुत्वा दृष्ट्वा माहात्म्यमद्भुतम्
tyaktvā māyāmimāṃ tasmād yoddhumarhasi yatnataḥ / evaṃ tasya vacaḥ śrutvā dṛṣṭvā māhātmyamadbhutam
Sanskrit only: no published translation is held for this verse.
देवाश् च दुद्रुवुर्भूयो देवं नारायणं च तम् । वारयामास निश्चेष्टं पद्मयोनिर्जगद्गुरुः
devāś ca dudruvurbhūyo devaṃ nārāyaṇaṃ ca tam / vārayāmāsa niśceṣṭaṃ padmayonirjagadguruḥ
Sanskrit only: no published translation is held for this verse.
निशम्य वचनं तस्य ब्रह्मणस्तेन निर्जितः । जगाम भगवान् विष्णुः प्रणिपत्य महामुनिम्
niśamya vacanaṃ tasya brahmaṇastena nirjitaḥ / jagāma bhagavān viṣṇuḥ praṇipatya mahāmunim
Sanskrit only: no published translation is held for this verse.
क्षुपो दुःखातुरो भूत्वा सम्पूज्य च मुनीश्वरम् । दधीचमभिवन्द्याशु प्रार्थयामास विक्लवः
kṣupo duḥkhāturo bhūtvā sampūjya ca munīśvaram / dadhīcamabhivandyāśu prārthayāmāsa viklavaḥ
Sanskrit only: no published translation is held for this verse.
दधीच क्षम्यतां देव मयाज्ञानात्कृतं सखे । विष्णुना हि सुरैर्वापि रुद्रभक्तस्य किं तव
dadhīca kṣamyatāṃ deva mayājñānātkṛtaṃ sakhe / viṣṇunā hi surairvāpi rudrabhaktasya kiṃ tava
Sanskrit only: no published translation is held for this verse.
प्रसीद परमेशान दुर्लभा दुर्जनैर्द्विज । भक्तिर्भक्तिमतां श्रेष्ठ मद्विधैः क्षत्रियाधमैः
prasīda parameśāna durlabhā durjanairdvija / bhaktirbhaktimatāṃ śreṣṭha madvidhaiḥ kṣatriyādhamaiḥ
Sanskrit only: no published translation is held for this verse.
श्रुत्वानुगृह्य तं विप्रो दधीचस्तपतां वरः । राजानं मुनिशार्दूलः शशाप च सुरोत्तमान्
śrutvānugṛhya taṃ vipro dadhīcastapatāṃ varaḥ / rājānaṃ muniśārdūlaḥ śaśāpa ca surottamān
Sanskrit only: no published translation is held for this verse.
रुद्रकोपाग्निना देवाः सदेवेन्द्रा मुनीश्वरैः । ध्वस्ता भवन्तु देवेन विष्णुना च समन्विताः
rudrakopāgninā devāḥ sadevendrā munīśvaraiḥ / dhvastā bhavantu devena viṣṇunā ca samanvitāḥ
Sanskrit only: no published translation is held for this verse.
प्रजापतेर् मखे पुण्ये दक्षस्य सुमहात्मनः । एवं शप्त्वा क्षुपं प्रेक्ष्य पुनराह द्विजोत्तमः
prajāpater makhe puṇye dakṣasya sumahātmanaḥ / evaṃ śaptvā kṣupaṃ prekṣya punarāha dvijottamaḥ
Sanskrit only: no published translation is held for this verse.
देवैश् च पूज्या राजेन्द्र नृपैश् च विविधैर्गणैः । ब्राह्मणा एव राजेन्द्र बलिनः प्रभविष्णवः
devaiś ca pūjyā rājendra nṛpaiś ca vividhairgaṇaiḥ / brāhmaṇā eva rājendra balinaḥ prabhaviṣṇavaḥ
Sanskrit only: no published translation is held for this verse.
इत्युक्त्वा स्वोटजं विप्रः प्रविवेश महाद्युतिः । दधीचमभिवन्द्यैव जगाम स्वं नृपः क्षयम्
ityuktvā svoṭajaṃ vipraḥ praviveśa mahādyutiḥ / dadhīcamabhivandyaiva jagāma svaṃ nṛpaḥ kṣayam
Sanskrit only: no published translation is held for this verse.
तदेव तीर्थमभवत् स्थानेश्वरमिति स्मृतम् । स्थानेश्वरम् अनुप्राप्य शिवसायुज्यम् आप्नुयात्
tadeva tīrthamabhavat sthāneśvaramiti smṛtam / sthāneśvaram anuprāpya śivasāyujyam āpnuyāt
Sanskrit only: no published translation is held for this verse.
कथितस्तव संक्षेपाद् विवादः क्षुब्दधीचयोः । प्रभावश् च दधीचस्य भवस्य च महामुने
kathitastava saṃkṣepād vivādaḥ kṣubdadhīcayoḥ / prabhāvaś ca dadhīcasya bhavasya ca mahāmune
Sanskrit only: no published translation is held for this verse.
य इदं कीर्तयेद्दिव्यं विवादं क्षुब्दधीचयोः । जित्वापमृत्युं देहान्ते ब्रह्मलोकं प्रयाति सः
ya idaṃ kīrtayeddivyaṃ vivādaṃ kṣubdadhīcayoḥ / jitvāpamṛtyuṃ dehānte brahmalokaṃ prayāti saḥ
Sanskrit only: no published translation is held for this verse.
य इदं कीर्त्य संग्रामं प्रविशेत्तस्य सर्वदा । नास्ति मृत्युभयं चैव विजयी च भविष्यति
ya idaṃ kīrtya saṃgrāmaṃ praviśettasya sarvadā / nāsti mṛtyubhayaṃ caiva vijayī ca bhaviṣyati
Sanskrit only: no published translation is held for this verse.