Library·Liṅga Purāṇa·1·1.37
सनत्कुमार उवाच भवान्कथमनुप्राप्तो महादेवमुमापतिम् । श्रोतुमिच्छामि तत्सर्वं वक्तुमर्हसि मे प्रभो
sanatkumāra uvāca bhavānkathamanuprāpto mahādevamumāpatim / śrotumicchāmi tatsarvaṃ vaktumarhasi me prabho
Sanskrit only: no published translation is held for this verse.
शैलादिरुवाच प्रजाकामः शिलादो ऽभूत् पिता मम महामुने । सो ऽप्यन्धः सुचिरं कलं तपस्तेपे सुदुश्चरम्
śailādiruvāca prajākāmaḥ śilādo 'bhūt pitā mama mahāmune / so 'pyandhaḥ suciraṃ kalaṃ tapastepe suduścaram
Sanskrit only: no published translation is held for this verse.
तपतस्तस्य तपसा संतुष्टो वज्रधृक् प्रभुः । शिलादमाह तुष्टो ऽस्मि वरयस्व वरानिति
tapatastasya tapasā saṃtuṣṭo vajradhṛk prabhuḥ / śilādamāha tuṣṭo 'smi varayasva varāniti
Sanskrit only: no published translation is held for this verse.
ततः प्रणम्य देवेशं सहस्राक्षं सहामरैः । प्रोवाच मुनिशार्दूल कृताञ्जलिपुटो हरिम्
tataḥ praṇamya deveśaṃ sahasrākṣaṃ sahāmaraiḥ / provāca muniśārdūla kṛtāñjalipuṭo harim
Sanskrit only: no published translation is held for this verse.
शिलाद उवाच भगवन्देवतारिघ्न सहस्राक्ष वरप्रद । अयोनिजं मृत्युहीनं पुत्रमिच्छामि सुव्रत
śilāda uvāca bhagavandevatārighna sahasrākṣa varaprada / ayonijaṃ mṛtyuhīnaṃ putramicchāmi suvrata
Sanskrit only: no published translation is held for this verse.
शक्र उवाच पुत्रं दास्यामि विप्रर्षे योनिजं मृत्युसंयुतम् । अन्यथा ते न दास्यामि मृत्युहीना न सन्ति वै
śakra uvāca putraṃ dāsyāmi viprarṣe yonijaṃ mṛtyusaṃyutam / anyathā te na dāsyāmi mṛtyuhīnā na santi vai
Sanskrit only: no published translation is held for this verse.
न दास्यति सुतं ते ऽत्र मृत्युहीनमयोनिजम् । पितामहो ऽपि भगवान् किमुतान्ये महामुने
na dāsyati sutaṃ te 'tra mṛtyuhīnamayonijam / pitāmaho 'pi bhagavān kimutānye mahāmune
Sanskrit only: no published translation is held for this verse.
सो ऽपि देवः स्वयं ब्रह्मा मृत्युहीनो न चेश्वरः । योनिजश् च महातेजाश् चाण्डजः पद्मसंभवः
so 'pi devaḥ svayaṃ brahmā mṛtyuhīno na ceśvaraḥ / yonijaś ca mahātejāś cāṇḍajaḥ padmasaṃbhavaḥ
Sanskrit only: no published translation is held for this verse.
महेश्वराङ्गजश्चैव भवान्यास्तनयः प्रभुः । तस्याप्यायुः समाख्यातं परार्धद्वयसंमितम्
maheśvarāṅgajaścaiva bhavānyāstanayaḥ prabhuḥ / tasyāpyāyuḥ samākhyātaṃ parārdhadvayasaṃmitam
Sanskrit only: no published translation is held for this verse.
कोटिकोटिसहस्राणि अहर्भूतानि यानि वै । समतीतानि कल्पानां तावच्छेषापरत्रये
koṭikoṭisahasrāṇi aharbhūtāni yāni vai / samatītāni kalpānāṃ tāvaccheṣāparatraye
Sanskrit only: no published translation is held for this verse.
तस्मादयोनिजे पुत्रे मृत्युहीने प्रयत्नतः । परित्यजाशां विप्रेन्द्र गृहाणात्मसमं सुतम्
tasmādayonije putre mṛtyuhīne prayatnataḥ / parityajāśāṃ viprendra gṛhāṇātmasamaṃ sutam
Sanskrit only: no published translation is held for this verse.
शैलादिरुवाच तस्य तद्वचनं श्रुत्वा पिता मे लोकविश्रुतः । शिलाद इति पुण्यात्मा पुनः प्राह शचीपतिम्
śailādiruvāca tasya tadvacanaṃ śrutvā pitā me lokaviśrutaḥ / śilāda iti puṇyātmā punaḥ prāha śacīpatim
Sanskrit only: no published translation is held for this verse.
शिलाद उवाच भगवन्नण्डयोनित्वं पद्मयोनित्वमेव च । महेश्वराङ्गयोनित्वं श्रुतं वै ब्रह्मणो मया
śilāda uvāca bhagavannaṇḍayonitvaṃ padmayonitvameva ca / maheśvarāṅgayonitvaṃ śrutaṃ vai brahmaṇo mayā
Sanskrit only: no published translation is held for this verse.
पुरा महेन्द्रदायादाद् गदतश्चास्य पूर्वजात् । नारदाद्वै महाबाहो कथमत्राशु नो वद
purā mahendradāyādād gadataścāsya pūrvajāt / nāradādvai mahābāho kathamatrāśu no vada
Sanskrit only: no published translation is held for this verse.
दाक्षायणी सा दक्षो ऽपि देवः पद्मोद्भवात्मजः । पौत्रीकनकगर्भस्य कथं तस्याः सुतो विभुः
dākṣāyaṇī sā dakṣo 'pi devaḥ padmodbhavātmajaḥ / pautrīkanakagarbhasya kathaṃ tasyāḥ suto vibhuḥ
Sanskrit only: no published translation is held for this verse.
शक्र उवाच स्थाने संशयितुं विप्र तव वक्ष्यामि कारणम् । कल्पे तत्पुरुषे वृत्तं ब्रह्मणः परमेष्ठिनः
śakra uvāca sthāne saṃśayituṃ vipra tava vakṣyāmi kāraṇam / kalpe tatpuruṣe vṛttaṃ brahmaṇaḥ parameṣṭhinaḥ
Sanskrit only: no published translation is held for this verse.
ससर्ज सकलं ध्यात्वा ब्रह्माणं परमेश्वरः । जनार्दनो जगन्नाथः कल्पे वै मेघवाहने
sasarja sakalaṃ dhyātvā brahmāṇaṃ parameśvaraḥ / janārdano jagannāthaḥ kalpe vai meghavāhane
Sanskrit only: no published translation is held for this verse.
दिव्यं वर्षसहस्रं तु मेघो भूत्वावहद्धरम् । नारायणो महादेवं बहुमानेन सादरम्
divyaṃ varṣasahasraṃ tu megho bhūtvāvahaddharam / nārāyaṇo mahādevaṃ bahumānena sādaram
Sanskrit only: no published translation is held for this verse.
दृष्ट्वा भावं महादेवो हरेः स्वात्मनि शङ्करः । प्रददौ तस्य सकलं स्रष्टुं वै ब्रह्मणा सह
dṛṣṭvā bhāvaṃ mahādevo hareḥ svātmani śaṅkaraḥ / pradadau tasya sakalaṃ sraṣṭuṃ vai brahmaṇā saha
Sanskrit only: no published translation is held for this verse.
तदा तं कल्पमाहुर्वै मेघवाहनसंज्ञया । हिरण्यगर्भस्तं दृष्ट्वा तस्य देहोद्भवस्तदा
tadā taṃ kalpamāhurvai meghavāhanasaṃjñayā / hiraṇyagarbhastaṃ dṛṣṭvā tasya dehodbhavastadā
Sanskrit only: no published translation is held for this verse.
जनार्दनसुतः प्राह तपसा प्राप्य शङ्करम् । तव वामाङ्गजो विष्णुर् दक्षिणाङ्गभवो ह्यहम्
janārdanasutaḥ prāha tapasā prāpya śaṅkaram / tava vāmāṅgajo viṣṇur dakṣiṇāṅgabhavo hyaham
Sanskrit only: no published translation is held for this verse.
मया सह जगत्सर्वं तथाप्यसृजदच्युतः । जगन्मयो ऽवहद्यस्मान् मेघो भूत्वा दिवानिशम्
mayā saha jagatsarvaṃ tathāpyasṛjadacyutaḥ / jaganmayo 'vahadyasmān megho bhūtvā divāniśam
Sanskrit only: no published translation is held for this verse.
भवन्तमवहद्विष्णुर् देवदेवं जगद्गुरुम् । नारायणादपि विभो भक्तो ऽहं तव शङ्कर
bhavantamavahadviṣṇur devadevaṃ jagadgurum / nārāyaṇādapi vibho bhakto 'haṃ tava śaṅkara
Sanskrit only: no published translation is held for this verse.
प्रसीद देहि मे सर्वं सर्वात्मत्वं तव प्रभो । तदाथ लब्ध्वा भगवान् भवात्सर्वात्मतां क्षणात्
prasīda dehi me sarvaṃ sarvātmatvaṃ tava prabho / tadātha labdhvā bhagavān bhavātsarvātmatāṃ kṣaṇāt
Sanskrit only: no published translation is held for this verse.
त्वरमाणो ऽथ संगम्य ददर्श पुरुषोत्तमम् । एकार्णवालये शुभ्रे त्व् अन्धकारे सुदारुणे
tvaramāṇo 'tha saṃgamya dadarśa puruṣottamam / ekārṇavālaye śubhre tv andhakāre sudāruṇe
Sanskrit only: no published translation is held for this verse.
हेमरत्नचिते दिव्ये मनसा च विनिर्मिते । दुष्प्राप्ये दुर्जनैः पुण्यैः सनकाद्यैरगोचरे
hemaratnacite divye manasā ca vinirmite / duṣprāpye durjanaiḥ puṇyaiḥ sanakādyairagocare
Sanskrit only: no published translation is held for this verse.
जगदावासहृदयं ददर्श पुरुषं त्वजः । अनन्तभोगशय्यायां शायिनं पङ्कजेक्षणम्
jagadāvāsahṛdayaṃ dadarśa puruṣaṃ tvajaḥ / anantabhogaśayyāyāṃ śāyinaṃ paṅkajekṣaṇam
Sanskrit only: no published translation is held for this verse.
शङ्खचक्रगदापद्मं धारयन्तं चतुर्भुजम् । सर्वाभरणसंयुक्तं शशिमण्डलसन्निभम्
śaṅkhacakragadāpadmaṃ dhārayantaṃ caturbhujam / sarvābharaṇasaṃyuktaṃ śaśimaṇḍalasannibham
Sanskrit only: no published translation is held for this verse.
श्रीवत्सलक्षणं देवं प्रसन्नास्यं जनार्दनम् । रमामृदुकराम्भोज- स्पर्शरक्तपदाम्बुजम्
śrīvatsalakṣaṇaṃ devaṃ prasannāsyaṃ janārdanam / ramāmṛdukarāmbhoja- sparśaraktapadāmbujam
Sanskrit only: no published translation is held for this verse.
परमात्मानमीशानं तमसा कालरूपिणम् । रजसा सर्वलोकानां सर्गलीलाप्रवर्तकम्
paramātmānamīśānaṃ tamasā kālarūpiṇam / rajasā sarvalokānāṃ sargalīlāpravartakam
Sanskrit only: no published translation is held for this verse.
सत्त्वेन सर्वभूतानां स्थापकं परमेश्वरम् । सर्वात्मानं महात्मानं परमात्मानमीश्वरम्
sattvena sarvabhūtānāṃ sthāpakaṃ parameśvaram / sarvātmānaṃ mahātmānaṃ paramātmānamīśvaram
Sanskrit only: no published translation is held for this verse.
क्षीरार्णवे ऽमृतमये शायिनं योगनिद्रया । तं दृष्ट्वा प्राह वै ब्रह्मा भगवन्तं जनार्दनम्
kṣīrārṇave 'mṛtamaye śāyinaṃ yoganidrayā / taṃ dṛṣṭvā prāha vai brahmā bhagavantaṃ janārdanam
Sanskrit only: no published translation is held for this verse.
ग्रसामि त्वां प्रसादेन यथापूर्वं भवानहम् । स्मयमानस्तु भगवान् प्रतिबुध्य पितामहम्
grasāmi tvāṃ prasādena yathāpūrvaṃ bhavānaham / smayamānastu bhagavān pratibudhya pitāmaham
Sanskrit only: no published translation is held for this verse.
उदैक्षत महाबाहुः स्मितमीषच्चकार सः । विवेश चाण्डजं तं तु ग्रस्तस्तेन महात्मना
udaikṣata mahābāhuḥ smitamīṣaccakāra saḥ / viveśa cāṇḍajaṃ taṃ tu grastastena mahātmanā
Sanskrit only: no published translation is held for this verse.
ततस्तं चासृजद्ब्रह्मा भ्रुवोर्मध्येन चाच्युतम् । सृष्टस्तेन हरिः प्रेक्ष्य स्थितस्तस्याथ संनिधौ
tatastaṃ cāsṛjadbrahmā bhruvormadhyena cācyutam / sṛṣṭastena hariḥ prekṣya sthitastasyātha saṃnidhau
Sanskrit only: no published translation is held for this verse.
एतस्मिन्नन्तरे रुद्रः सर्वदेवभवोद्भवः । विकृतं रूपमास्थाय पुरा दत्तवरस्तयोः
etasminnantare rudraḥ sarvadevabhavodbhavaḥ / vikṛtaṃ rūpamāsthāya purā dattavarastayoḥ
Sanskrit only: no published translation is held for this verse.
आगच्छद्यत्र वै विष्णुर् विश्वात्मा परमेश्वरः । प्रसादमतुलं कर्तुं ब्रह्मणश् च हरेः प्रभुः
āgacchadyatra vai viṣṇur viśvātmā parameśvaraḥ / prasādamatulaṃ kartuṃ brahmaṇaś ca hareḥ prabhuḥ
Sanskrit only: no published translation is held for this verse.
ततः समेत्य तौ देवौ सर्वदेवभवोद्भवम् । अपश्यतां भवं देवं कालाग्निसदृशं प्रभुम्
tataḥ sametya tau devau sarvadevabhavodbhavam / apaśyatāṃ bhavaṃ devaṃ kālāgnisadṛśaṃ prabhum
Sanskrit only: no published translation is held for this verse.
तौ तं तुष्टुवतुश्चैव शर्वमुग्रं कपर्दिनम् । प्रणेमतुश् च वरदं बहुमानेन दूरतः
tau taṃ tuṣṭuvatuścaiva śarvamugraṃ kapardinam / praṇematuś ca varadaṃ bahumānena dūrataḥ
Sanskrit only: no published translation is held for this verse.
भवो ऽपि भगवान् देवम् अनुगृह्य पितामहम् । जनार्दनं जगन्नाथस् तत्रैवान्तरधीयत
bhavo 'pi bhagavān devam anugṛhya pitāmaham / janārdanaṃ jagannāthas tatraivāntaradhīyata
Sanskrit only: no published translation is held for this verse.