Liṅga Purāṇa 1.38

शैलादिरुवाच गते महेश्वरे देवे तमुद्दिश्य जनार्दनः । प्रणम्य भगवान्प्राह पद्मयोनिमजोद्भवः

śailādiruvāca gate maheśvare deve tamuddiśya janārdanaḥ / praṇamya bhagavānprāha padmayonimajodbhavaḥ

Sanskrit only: no published translation is held for this verse.

श्रीविष्णुरुवाच परमेशो जगन्नाथः शङ्करस्त्वेष सर्वगः । आवयोरखिलस्येशः शरणं च महेश्वरः

śrīviṣṇuruvāca parameśo jagannāthaḥ śaṅkarastveṣa sarvagaḥ / āvayorakhilasyeśaḥ śaraṇaṃ ca maheśvaraḥ

Sanskrit only: no published translation is held for this verse.

अहं वामाङ्गजो ब्रह्मन् शङ्करस्य महात्मनः । भवान् भवस्य देवस्य दक्षिणाङ्गभवः स्वयम्

ahaṃ vāmāṅgajo brahman śaṅkarasya mahātmanaḥ / bhavān bhavasya devasya dakṣiṇāṅgabhavaḥ svayam

Sanskrit only: no published translation is held for this verse.

मामाहुर् ऋषयः प्रेक्ष्य प्रधानं प्रकृतिं तथा । अव्यक्तमजमित्येवं भवन्तं पुरुषस्त्विति

māmāhur ṛṣayaḥ prekṣya pradhānaṃ prakṛtiṃ tathā / avyaktamajamityevaṃ bhavantaṃ puruṣastviti

Sanskrit only: no published translation is held for this verse.

एवमाहुर्महादेवम् आवयोरपि कारणम् । ईशं सर्वस्य जगतः प्रभुमव्ययमीश्वरम्

evamāhurmahādevam āvayorapi kāraṇam / īśaṃ sarvasya jagataḥ prabhumavyayamīśvaram

Sanskrit only: no published translation is held for this verse.

सो ऽपि तस्यामरेशस्य वचनाद्वारिजोद्भवः । वरेण्यं वरदं रुद्रम् अस्तुवत्प्रणनाम च

so 'pi tasyāmareśasya vacanādvārijodbhavaḥ / vareṇyaṃ varadaṃ rudram astuvatpraṇanāma ca

Sanskrit only: no published translation is held for this verse.

अथाम्भसा प्लुतां भूमीं समाधाय जनार्दनः । पूर्ववत्स्थापयामास वाराहं रूपमास्थितः

athāmbhasā plutāṃ bhūmīṃ samādhāya janārdanaḥ / pūrvavatsthāpayāmāsa vārāhaṃ rūpamāsthitaḥ

Sanskrit only: no published translation is held for this verse.

नदीनदसमुद्रांश् च पूर्ववच्चाकरोत्प्रभुः । कृत्वा चोर्वीं प्रयत्नेन निम्नोन्नतविवर्जिताम्

nadīnadasamudrāṃś ca pūrvavaccākarotprabhuḥ / kṛtvā corvīṃ prayatnena nimnonnatavivarjitām

Sanskrit only: no published translation is held for this verse.

धरायां सो ऽचिनोत्सर्वान् भूधरान् भूधराकृतिः । भूराद्यांश्चतुरो लोकान् कल्पयामास पूर्ववत्

dharāyāṃ so 'cinotsarvān bhūdharān bhūdharākṛtiḥ / bhūrādyāṃścaturo lokān kalpayāmāsa pūrvavat

Sanskrit only: no published translation is held for this verse.

स्रष्टुं च भगवांश्चक्रे मतिं मतिमतां वरः । मुख्यं च तैर्यग्योन्यं च दैविकं मानुषं तथा

sraṣṭuṃ ca bhagavāṃścakre matiṃ matimatāṃ varaḥ / mukhyaṃ ca tairyagyonyaṃ ca daivikaṃ mānuṣaṃ tathā

Sanskrit only: no published translation is held for this verse.

विभुश्चानुग्रहं तत्र कौमारकम् अदीनधीः । पुरस्तादसृजद्देवः सनन्दं सनकं तथा

vibhuścānugrahaṃ tatra kaumārakam adīnadhīḥ / purastādasṛjaddevaḥ sanandaṃ sanakaṃ tathā

Sanskrit only: no published translation is held for this verse.

सनातनं सतां श्रेष्ठं नैष्कर्म्येण गताः परम् । मरीचिभृग्वङ्गिरसं पुलस्त्यं पुलहं क्रतुम्

sanātanaṃ satāṃ śreṣṭhaṃ naiṣkarmyeṇa gatāḥ param / marīcibhṛgvaṅgirasaṃ pulastyaṃ pulahaṃ kratum

Sanskrit only: no published translation is held for this verse.

दक्षमत्रिं वसिष्ठं च सो ऽसृजद् योगविद्यया । संकल्पं चैव धर्मं च ह्य् अधर्मं भगवान्प्रभुः

dakṣamatriṃ vasiṣṭhaṃ ca so 'sṛjad yogavidyayā / saṃkalpaṃ caiva dharmaṃ ca hy adharmaṃ bhagavānprabhuḥ

Sanskrit only: no published translation is held for this verse.

द्वादशैव प्रजास्त्वेता ब्रह्मणो ऽव्यक्तजन्मनः । ऋभुं सनत्कुमारं च ससर्जादौ सनातनः

dvādaśaiva prajāstvetā brahmaṇo 'vyaktajanmanaḥ / ṛbhuṃ sanatkumāraṃ ca sasarjādau sanātanaḥ

Sanskrit only: no published translation is held for this verse.

तौ चोर्ध्वरेतसौ दिव्यौ चाग्रजौ ब्रह्मवादिनौ । कुमारौ ब्रह्मणस्तुल्यौ सर्वज्ञौ सर्वभाविनौ

tau cordhvaretasau divyau cāgrajau brahmavādinau / kumārau brahmaṇastulyau sarvajñau sarvabhāvinau

Sanskrit only: no published translation is held for this verse.

एवं मुख्यादिकान् सृष्ट्वा पद्मयोनिः शिलाशन । युगधर्मानशेषांश् च कल्पयामास विश्वसृक्

evaṃ mukhyādikān sṛṣṭvā padmayoniḥ śilāśana / yugadharmānaśeṣāṃś ca kalpayāmāsa viśvasṛk

Sanskrit only: no published translation is held for this verse.