Liṅga Purāṇa 1.39

शैलादिरुवाच श्रुत्वा शक्रेण कथितं पिता मम महामुनिः । पुनः पप्रच्छ देवेशं प्रणम्य रचिताञ्जलिः

śailādiruvāca śrutvā śakreṇa kathitaṃ pitā mama mahāmuniḥ / punaḥ papraccha deveśaṃ praṇamya racitāñjaliḥ

Sanskrit only: no published translation is held for this verse.

शिलाद उवाच भगवन् शक्र सर्वज्ञ देवदेवनमस्कृत । शचीपते जगन्नाथ सहस्राक्ष महेश्वर

śilāda uvāca bhagavan śakra sarvajña devadevanamaskṛta / śacīpate jagannātha sahasrākṣa maheśvara

Sanskrit only: no published translation is held for this verse.

युगधर्मान्कथं चक्रे भगवान्पद्मसंभवः । वक्तुमर्हसि मे सर्वं सांप्रतं प्रणताय मे

yugadharmānkathaṃ cakre bhagavānpadmasaṃbhavaḥ / vaktumarhasi me sarvaṃ sāṃprataṃ praṇatāya me

Sanskrit only: no published translation is held for this verse.

शैलादिरुवाच तस्य तद्वचनं श्रुत्वा शिलादस्य महात्मनः । व्याजहार यथादृष्टं युगधर्मं सुविस्तरम्

śailādiruvāca tasya tadvacanaṃ śrutvā śilādasya mahātmanaḥ / vyājahāra yathādṛṣṭaṃ yugadharmaṃ suvistaram

Sanskrit only: no published translation is held for this verse.

शक्र उवाच <चतुर्युग> आद्यं कृतयुगं विद्धि ततस्त्रेतायुगं मुने । द्वापरं तिष्यमित्येते चत्वारस्तु समासतः

śakra uvāca <caturyuga> ādyaṃ kṛtayugaṃ viddhi tatastretāyugaṃ mune / dvāparaṃ tiṣyamityete catvārastu samāsataḥ

Sanskrit only: no published translation is held for this verse.

सत्त्वं कृतं रजस्त्रेता द्वापरं च रजस्तमः । कलिस्तमश् च विज्ञेयं युगवृत्तिर्युगेषु च

sattvaṃ kṛtaṃ rajastretā dvāparaṃ ca rajastamaḥ / kalistamaś ca vijñeyaṃ yugavṛttiryugeṣu ca

Sanskrit only: no published translation is held for this verse.

ध्यानं परं कृतयुगे त्रेतायां यज्ञ उच्यते । भजनं द्वापरे शुद्धं दानमेव कलौ युगे

dhyānaṃ paraṃ kṛtayuge tretāyāṃ yajña ucyate / bhajanaṃ dvāpare śuddhaṃ dānameva kalau yuge

Sanskrit only: no published translation is held for this verse.

चत्वारि च सहस्राणि वर्षाणां तत्कृतं युगम् । तस्य तावच्छती संध्या संध्यांशश् च तथाविधः

catvāri ca sahasrāṇi varṣāṇāṃ tatkṛtaṃ yugam / tasya tāvacchatī saṃdhyā saṃdhyāṃśaś ca tathāvidhaḥ

Sanskrit only: no published translation is held for this verse.

चत्वारि च सहस्राणि मानुषाणि शिलाशन । आयुः कृतयुगे विद्धि प्रजानामिह सुव्रत

catvāri ca sahasrāṇi mānuṣāṇi śilāśana / āyuḥ kṛtayuge viddhi prajānāmiha suvrata

Sanskrit only: no published translation is held for this verse.

ततः कृतयुगे तस्मिन् संध्यांशे च गते तु वै । पादावशिष्टो भवति युगधर्मस्तु सर्वतः

tataḥ kṛtayuge tasmin saṃdhyāṃśe ca gate tu vai / pādāvaśiṣṭo bhavati yugadharmastu sarvataḥ

Sanskrit only: no published translation is held for this verse.

चतुर्भागैकहीनं तु त्रेतायुगमनुत्तमम् । कृतार्धं द्वापरं विद्धि तदर्धं तिष्यमुच्यते

caturbhāgaikahīnaṃ tu tretāyugamanuttamam / kṛtārdhaṃ dvāparaṃ viddhi tadardhaṃ tiṣyamucyate

Sanskrit only: no published translation is held for this verse.

त्रिशती द्विशती संध्या तथा चैकशती मुने । संध्यांशकं तथाप्येवं कल्पेष्वेवं युगे युगे

triśatī dviśatī saṃdhyā tathā caikaśatī mune / saṃdhyāṃśakaṃ tathāpyevaṃ kalpeṣvevaṃ yuge yuge

Sanskrit only: no published translation is held for this verse.

आद्ये कृतयुगे धर्मश् चतुष्पादः सनातनः । त्रेतायुगे त्रिपादस्तु द्विपादो द्वापरे स्थितः

ādye kṛtayuge dharmaś catuṣpādaḥ sanātanaḥ / tretāyuge tripādastu dvipādo dvāpare sthitaḥ

Sanskrit only: no published translation is held for this verse.

त्रिपादहीनस्तिष्ये तु सत्तामात्रेण धिष्ठितः । <कृतयुग> कृते तु मिथुनोत्पत्तिर् वृत्तिः साक्षाद्रसोल्लसा

tripādahīnastiṣye tu sattāmātreṇa dhiṣṭhitaḥ / <kṛtayuga> kṛte tu mithunotpattir vṛttiḥ sākṣādrasollasā

Sanskrit only: no published translation is held for this verse.

प्रजास्तृप्ताः सदा सर्वाः सर्वानन्दाश् च भोगिनः । अधमोत्तमता तासां न विशेषाः प्रजाः शुभाः

prajāstṛptāḥ sadā sarvāḥ sarvānandāś ca bhoginaḥ / adhamottamatā tāsāṃ na viśeṣāḥ prajāḥ śubhāḥ

Sanskrit only: no published translation is held for this verse.

तुल्यमायुः सुखं रूपं तासां तस्मिन्कृते युगे । तासां प्रीतिर्न च द्वन्द्वं न द्वेषो नास्ति च क्लमः

tulyamāyuḥ sukhaṃ rūpaṃ tāsāṃ tasminkṛte yuge / tāsāṃ prītirna ca dvandvaṃ na dveṣo nāsti ca klamaḥ

Sanskrit only: no published translation is held for this verse.

पर्वतोदधिवासिन्यो ह्य् अनिकेताश्रयास्तु ताः । विशोकाः सत्त्वबहुला एकान्तबहुलास् तथा

parvatodadhivāsinyo hy aniketāśrayāstu tāḥ / viśokāḥ sattvabahulā ekāntabahulās tathā

Sanskrit only: no published translation is held for this verse.

ता वै निष्कामचारिण्यो नित्यं मुदितमानसाः । अप्रवृत्तिः कृतयुगे कर्मणोः शुभपापयोः

tā vai niṣkāmacāriṇyo nityaṃ muditamānasāḥ / apravṛttiḥ kṛtayuge karmaṇoḥ śubhapāpayoḥ

Sanskrit only: no published translation is held for this verse.

वर्णाश्रमव्यवस्था च तदासीन्न च संकरः । रसोल्लासः कालयोगात् त्रेताख्ये नश्यते द्विज

varṇāśramavyavasthā ca tadāsīnna ca saṃkaraḥ / rasollāsaḥ kālayogāt tretākhye naśyate dvija

Sanskrit only: no published translation is held for this verse.

तस्यां सिद्धौ प्रनष्टायाम् अन्या सिद्धिः प्रजायते । अपां सौक्ष्म्ये प्रतिगते तदा मेघात्मना तु वै

tasyāṃ siddhau pranaṣṭāyām anyā siddhiḥ prajāyate / apāṃ saukṣmye pratigate tadā meghātmanā tu vai

Sanskrit only: no published translation is held for this verse.

मेघेभ्यस्तनयित्नुभ्यः प्रवृत्तं वृष्टिसर्जनम् । सकृद् एव तथा वृष्ट्या संयुक्ते पृथिवीतले

meghebhyastanayitnubhyaḥ pravṛttaṃ vṛṣṭisarjanam / sakṛd eva tathā vṛṣṭyā saṃyukte pṛthivītale

Sanskrit only: no published translation is held for this verse.

प्रादुरासंस्तदा तासां वृक्षास्ते गृहसंज्ञिताः । सर्ववृत्त्युपभोगस्तु तासां तेभ्यः प्रजायते

prādurāsaṃstadā tāsāṃ vṛkṣāste gṛhasaṃjñitāḥ / sarvavṛttyupabhogastu tāsāṃ tebhyaḥ prajāyate

Sanskrit only: no published translation is held for this verse.

वर्तयन्ति स्म तेभ्यस्तास् त्रेतायुगमुखे प्रजाः । ततः कालेन महता तासामेव विपर्ययात्

vartayanti sma tebhyastās tretāyugamukhe prajāḥ / tataḥ kālena mahatā tāsāmeva viparyayāt

Sanskrit only: no published translation is held for this verse.

रागलोभात्मको भावस् तदा ह्याकस्मिको ऽभवत् । विपर्ययेण तासां तु तेन तत्कालभाविना

rāgalobhātmako bhāvas tadā hyākasmiko 'bhavat / viparyayeṇa tāsāṃ tu tena tatkālabhāvinā

Sanskrit only: no published translation is held for this verse.

प्रणश्यन्ति ततः सर्वे वृक्षास्ते गृहसंज्ञिताः । ततस्तेषु प्रनष्टेषु विभ्रान्ता मैथुनोद्भवाः

praṇaśyanti tataḥ sarve vṛkṣāste gṛhasaṃjñitāḥ / tatasteṣu pranaṣṭeṣu vibhrāntā maithunodbhavāḥ

Sanskrit only: no published translation is held for this verse.

अपि ध्यायन्ति तां सिद्धिं सत्याभिध्यायिनस्तदा । प्रादुर्बभूवुस्तासां तु वृक्षास्ते गृहसंज्ञिताः

api dhyāyanti tāṃ siddhiṃ satyābhidhyāyinastadā / prādurbabhūvustāsāṃ tu vṛkṣāste gṛhasaṃjñitāḥ

Sanskrit only: no published translation is held for this verse.

वस्त्राणि ते प्रसूयन्ते फलान्याभरणानि च । तेष्वेव जायते तासां गन्धवर्णरसान्वितम्

vastrāṇi te prasūyante phalānyābharaṇāni ca / teṣveva jāyate tāsāṃ gandhavarṇarasānvitam

Sanskrit only: no published translation is held for this verse.

अमाक्षिकं महीवीर्यं पुटके पुटके मधु । तेन ता वर्तयन्ति स्म सुखमायुः सदैव हि

amākṣikaṃ mahīvīryaṃ puṭake puṭake madhu / tena tā vartayanti sma sukhamāyuḥ sadaiva hi

Sanskrit only: no published translation is held for this verse.

हृष्टपुष्टास्तया सिद्ध्या प्रजा वै विगतज्वराः । ततः कालान्तरेणैव पुनर्लोभावृतास्तु ताः

hṛṣṭapuṣṭāstayā siddhyā prajā vai vigatajvarāḥ / tataḥ kālāntareṇaiva punarlobhāvṛtāstu tāḥ

Sanskrit only: no published translation is held for this verse.

वृक्षांस्तान्पर्यगृह्णन्ति मधु वा माक्षिकं बलात् । तासां तेनोपचारेण पुनर्लोभकृतेन वै

vṛkṣāṃstānparyagṛhṇanti madhu vā mākṣikaṃ balāt / tāsāṃ tenopacāreṇa punarlobhakṛtena vai

Sanskrit only: no published translation is held for this verse.

प्रनष्टा मधुना सार्धं कल्पवृक्षाः क्वचित्क्वचित् । तस्यामेवाल्पशिष्टायां सिद्ध्यां कालवशात्तदा

pranaṣṭā madhunā sārdhaṃ kalpavṛkṣāḥ kvacitkvacit / tasyāmevālpaśiṣṭāyāṃ siddhyāṃ kālavaśāttadā

Sanskrit only: no published translation is held for this verse.

आवर्तनात्तु त्रेतायां द्वन्द्वान्यभ्युत्थितानि वै । शीतवर्षातपैस्तीव्रैस् ततस्ता दुःखिता भृशम्

āvartanāttu tretāyāṃ dvandvānyabhyutthitāni vai / śītavarṣātapaistīvrais tatastā duḥkhitā bhṛśam

Sanskrit only: no published translation is held for this verse.

द्वन्द्वैः सम्पीड्यमानाश् च चक्रुर् आवरणानि तु । कृतद्वन्द्वप्रतीघाताः केतनानि गिरौ ततः

dvandvaiḥ sampīḍyamānāś ca cakrur āvaraṇāni tu / kṛtadvandvapratīghātāḥ ketanāni girau tataḥ

Sanskrit only: no published translation is held for this verse.

पूर्वं निकामचारास्ता ह्य् अनिकेता अथावसन् । यथायोगं यथाप्रीति निकेतेष्ववसन्पुनः

pūrvaṃ nikāmacārāstā hy aniketā athāvasan / yathāyogaṃ yathāprīti niketeṣvavasanpunaḥ

Sanskrit only: no published translation is held for this verse.

कृत्वा द्वन्द्वोपघातांस्तान् वृत्त्युपायमचिन्तयन् । नष्टेषु मधुना सार्धं कल्पवृक्षेषु वै तदा

kṛtvā dvandvopaghātāṃstān vṛttyupāyamacintayan / naṣṭeṣu madhunā sārdhaṃ kalpavṛkṣeṣu vai tadā

Sanskrit only: no published translation is held for this verse.

विवादव्याकुलास्ता वै प्रजास्तृष्णाक्षुधार्दिताः । ततः प्रादुर्बभौ तासां सिद्धिस्त्रेतायुगे पुनः

vivādavyākulāstā vai prajāstṛṣṇākṣudhārditāḥ / tataḥ prādurbabhau tāsāṃ siddhistretāyuge punaḥ

Sanskrit only: no published translation is held for this verse.

वार्तायाः साधिकाप्यन्या वृष्टिस्तासां निकामतः । तासां वृष्ट्युदकादीनि ह्य् अभवन्निम्नगानि तु

vārtāyāḥ sādhikāpyanyā vṛṣṭistāsāṃ nikāmataḥ / tāsāṃ vṛṣṭyudakādīni hy abhavannimnagāni tu

Sanskrit only: no published translation is held for this verse.

अभवन्वृष्टिसंतत्या स्रोतस्थानानि निम्नगाः । एवं नद्यः प्रवृत्तास्तु द्वितीये वृष्टिसर्जने

abhavanvṛṣṭisaṃtatyā srotasthānāni nimnagāḥ / evaṃ nadyaḥ pravṛttāstu dvitīye vṛṣṭisarjane

Sanskrit only: no published translation is held for this verse.

ये पुनस्तदपां स्तोकाः पतिताः पृथिवीतले । अपां भूमेश् च संयोगाद् ओषध्यस्तास्तदाभवन्

ye punastadapāṃ stokāḥ patitāḥ pṛthivītale / apāṃ bhūmeś ca saṃyogād oṣadhyastāstadābhavan

Sanskrit only: no published translation is held for this verse.

अथाल्पकृष्टाश्चानुप्ता ग्राम्यारण्याश्चतुर्दश । ऋतुपुष्पफलाश्चैव वृक्षगुल्माश् च जज्ञिरे

athālpakṛṣṭāścānuptā grāmyāraṇyāścaturdaśa / ṛtupuṣpaphalāścaiva vṛkṣagulmāś ca jajñire

Sanskrit only: no published translation is held for this verse.

प्रादुर्भूतानि चैतानि वृक्षजात्यौषधानि च । तेनौषधेन वर्तन्ते प्रजास्त्रेतायुगे तदा

prādurbhūtāni caitāni vṛkṣajātyauṣadhāni ca / tenauṣadhena vartante prajāstretāyuge tadā

Sanskrit only: no published translation is held for this verse.

ततः पुनरभूत्तासां रागो लोभश् च सर्वशः । अवश्यं भाविनार्थेन त्रेतायुगवशेन च

tataḥ punarabhūttāsāṃ rāgo lobhaś ca sarvaśaḥ / avaśyaṃ bhāvinārthena tretāyugavaśena ca

Sanskrit only: no published translation is held for this verse.

ततस्ताः पर्यगृह्णन्त नदीक्षेत्राणि पर्वतान् । वृक्षगुल्मौषधीश्चैव प्रसह्य तु यथाबलम्

tatastāḥ paryagṛhṇanta nadīkṣetrāṇi parvatān / vṛkṣagulmauṣadhīścaiva prasahya tu yathābalam

Sanskrit only: no published translation is held for this verse.

विपर्ययेण चौषध्यः प्रनष्टास्ताश्चतुर्दश । मत्वा धरां प्रविष्टास्ता इत्यौषध्यः पितामहः

viparyayeṇa cauṣadhyaḥ pranaṣṭāstāścaturdaśa / matvā dharāṃ praviṣṭāstā ityauṣadhyaḥ pitāmahaḥ

Sanskrit only: no published translation is held for this verse.

दुदोह गां प्रयत्नेन सर्वभूतहिताय वै । तदाप्रभृति चौषध्यः फालकृष्टास्त्वितस्ततः

dudoha gāṃ prayatnena sarvabhūtahitāya vai / tadāprabhṛti cauṣadhyaḥ phālakṛṣṭāstvitastataḥ

Sanskrit only: no published translation is held for this verse.

वार्तां कृषिं समायाता वर्तुकामाः प्रयत्नतः । वार्ता वृत्तिः समाख्याता कृषिकामप्रयत्नतः

vārtāṃ kṛṣiṃ samāyātā vartukāmāḥ prayatnataḥ / vārtā vṛttiḥ samākhyātā kṛṣikāmaprayatnataḥ

Sanskrit only: no published translation is held for this verse.

अन्यथा जीवितं तासां नास्ति त्रेतायुगात्यये । हस्तोद्भवा ह्यपश्चैव भवन्ति बहुशस्तदा

anyathā jīvitaṃ tāsāṃ nāsti tretāyugātyaye / hastodbhavā hyapaścaiva bhavanti bahuśastadā

Sanskrit only: no published translation is held for this verse.

तत्रापि जगृहुः सर्वे चान्योन्यं क्रोधमूर्छिताः । सुतदारधनाद्यांस्तु बलाद्युगबलेन तु

tatrāpi jagṛhuḥ sarve cānyonyaṃ krodhamūrchitāḥ / sutadāradhanādyāṃstu balādyugabalena tu

Sanskrit only: no published translation is held for this verse.

मर्यादायाः प्रतिष्ठार्थं ज्ञात्वा तदखिलं विभुः । ससर्ज क्षत्रियांस्त्रातुं क्षतात्कमलसंभवः

maryādāyāḥ pratiṣṭhārthaṃ jñātvā tadakhilaṃ vibhuḥ / sasarja kṣatriyāṃstrātuṃ kṣatātkamalasaṃbhavaḥ

Sanskrit only: no published translation is held for this verse.

वर्णाश्रमप्रतिष्ठां च चकार स्वेन तेजसा । वृत्तेन वृत्तिना वृत्तं विश्वात्मा निर्ममे स्वयम्

varṇāśramapratiṣṭhāṃ ca cakāra svena tejasā / vṛttena vṛttinā vṛttaṃ viśvātmā nirmame svayam

Sanskrit only: no published translation is held for this verse.

यज्ञप्रवर्तनं चैव त्रेतायामभवत्क्रमात् । पशुयज्ञं न सेवन्ते केचित्तत्रापि सुव्रताः

yajñapravartanaṃ caiva tretāyāmabhavatkramāt / paśuyajñaṃ na sevante kecittatrāpi suvratāḥ

Sanskrit only: no published translation is held for this verse.

बलाद्विष्णुस्तदा यज्ञम् अकरोत्सर्वदृक् क्रमात् । द्विजास्तदा प्रशंसन्ति ततस्त्वाहिंसकं मुने

balādviṣṇustadā yajñam akarotsarvadṛk kramāt / dvijāstadā praśaṃsanti tatastvāhiṃsakaṃ mune

Sanskrit only: no published translation is held for this verse.

द्वापरेष्वपि वर्तन्ते मतिभेदास्तदा नृणाम् । मनसा कर्मणा वाचा कृच्छ्राद्वार्ता प्रसिध्यति

dvāpareṣvapi vartante matibhedāstadā nṛṇām / manasā karmaṇā vācā kṛcchrādvārtā prasidhyati

Sanskrit only: no published translation is held for this verse.

तदा तु सर्वभूतानां कायक्लेशवशात्क्रमात् । लोभो भृतिर्वणिग्युद्धं तत्त्वानामविनिश्चयः

tadā tu sarvabhūtānāṃ kāyakleśavaśātkramāt / lobho bhṛtirvaṇigyuddhaṃ tattvānāmaviniścayaḥ

Sanskrit only: no published translation is held for this verse.

वेदशाखाप्रणयनं धर्माणां संकरस् तथा । वर्णाश्रमपरिध्वंसः कामद्वेषौ तथैव च

vedaśākhāpraṇayanaṃ dharmāṇāṃ saṃkaras tathā / varṇāśramaparidhvaṃsaḥ kāmadveṣau tathaiva ca

Sanskrit only: no published translation is held for this verse.

द्वापरे तु प्रवर्तन्ते रागो लोभो मदस् तथा । वेदो व्यासैश्चतुर्धा तु व्यस्यते द्वापरादिषु

dvāpare tu pravartante rāgo lobho madas tathā / vedo vyāsaiścaturdhā tu vyasyate dvāparādiṣu

Sanskrit only: no published translation is held for this verse.

एको वेदश्चतुष्पादस् त्रेतास्विह विधीयते । संक्षयादायुषश्चैव व्यस्यते द्वापरेषु सः

eko vedaścatuṣpādas tretāsviha vidhīyate / saṃkṣayādāyuṣaścaiva vyasyate dvāpareṣu saḥ

Sanskrit only: no published translation is held for this verse.

ऋषिपुत्रैः पुनर्भेदा भिद्यन्ते दृष्टिविभ्रमैः । मन्त्रब्राह्मणविन्यासैः स्वरवर्णविपर्ययैः

ṛṣiputraiḥ punarbhedā bhidyante dṛṣṭivibhramaiḥ / mantrabrāhmaṇavinyāsaiḥ svaravarṇaviparyayaiḥ

Sanskrit only: no published translation is held for this verse.

संहिता ऋग्यजुःसाम्नां संहन्यन्ते मनीषिभिः । सामान्या वैकृताश्चैव द्रष्टृभिस्तैः पृथक्पृथक्

saṃhitā ṛgyajuḥsāmnāṃ saṃhanyante manīṣibhiḥ / sāmānyā vaikṛtāścaiva draṣṭṛbhistaiḥ pṛthakpṛthak

Sanskrit only: no published translation is held for this verse.

ब्राह्मणं कल्पसूत्राणि मन्त्रप्रवचनानि च । अन्ये तु प्रस्थितास्तान्वै केचित्तान्प्रत्यवस्थिताः

brāhmaṇaṃ kalpasūtrāṇi mantrapravacanāni ca / anye tu prasthitāstānvai kecittānpratyavasthitāḥ

Sanskrit only: no published translation is held for this verse.

इतिहासपुराणानि भिद्यन्ते कालगौरवात् । ब्राह्मं पाद्मं वैष्णवं च शैवं भागवतं तथा

itihāsapurāṇāni bhidyante kālagauravāt / brāhmaṃ pādmaṃ vaiṣṇavaṃ ca śaivaṃ bhāgavataṃ tathā

Sanskrit only: no published translation is held for this verse.

भविष्यं नारदीयं च मार्कण्डेयमतः परम् । आग्नेयं ब्रह्मवैवर्तं लैङ्गं वाराहमेव च

bhaviṣyaṃ nāradīyaṃ ca mārkaṇḍeyamataḥ param / āgneyaṃ brahmavaivartaṃ laiṅgaṃ vārāhameva ca

Sanskrit only: no published translation is held for this verse.

वामनाख्यं ततः कूर्मं मात्स्यं गारुडमेव च । स्कान्दं तथा च ब्रह्माण्डं तेषां भेदः प्रकथ्यते

vāmanākhyaṃ tataḥ kūrmaṃ mātsyaṃ gāruḍameva ca / skāndaṃ tathā ca brahmāṇḍaṃ teṣāṃ bhedaḥ prakathyate

Sanskrit only: no published translation is held for this verse.

लैङ्गम् एकादशविधं प्रभिन्नं द्वापरे शुभम् । मन्वत्रिविष्णुहारीत- याज्ञवल्क्योशनो ऽङ्गिराः

laiṅgam ekādaśavidhaṃ prabhinnaṃ dvāpare śubham / manvatriviṣṇuhārīta- yājñavalkyośano 'ṅgirāḥ

Sanskrit only: no published translation is held for this verse.

यमापस्तम्बसंवर्ताः कात्यायनबृहस्पती । पराशरव्यासशङ्ख- लिखिता दक्षगौतमौ

yamāpastambasaṃvartāḥ kātyāyanabṛhaspatī / parāśaravyāsaśaṅkha- likhitā dakṣagautamau

Sanskrit only: no published translation is held for this verse.

शातातपो वसिष्ठश् च एवमाद्यैः सहस्रशः । अवृष्टिर्मरणं चैव तथा व्याध्याद्युपद्रवाः

śātātapo vasiṣṭhaś ca evamādyaiḥ sahasraśaḥ / avṛṣṭirmaraṇaṃ caiva tathā vyādhyādyupadravāḥ

Sanskrit only: no published translation is held for this verse.

वाङ्मनःकर्मजैर् दुःखैर् निर्वेदो जायते ततः । निर्वेदाज्जायते तेषां दुःखमोक्षविचारणा

vāṅmanaḥkarmajair duḥkhair nirvedo jāyate tataḥ / nirvedājjāyate teṣāṃ duḥkhamokṣavicāraṇā

Sanskrit only: no published translation is held for this verse.

विचारणाच्च वैराग्यं वैराग्याद्दोषदर्शनम् । दोषाणां दर्शनाच्चैव द्वापरे ज्ञानसंभवः

vicāraṇācca vairāgyaṃ vairāgyāddoṣadarśanam / doṣāṇāṃ darśanāccaiva dvāpare jñānasaṃbhavaḥ

Sanskrit only: no published translation is held for this verse.

एषा रजस्तमोयुक्ता वृत्तिर् वै द्वापरे स्मृता । आद्ये कृते तु धर्मो ऽस्ति स त्रेतायां प्रवर्तते

eṣā rajastamoyuktā vṛttir vai dvāpare smṛtā / ādye kṛte tu dharmo 'sti sa tretāyāṃ pravartate

Sanskrit only: no published translation is held for this verse.

द्वापरे व्याकुलीभूत्वा प्रणश्यति कलौ युगे

dvāpare vyākulībhūtvā praṇaśyati kalau yuge

Sanskrit only: no published translation is held for this verse.