Liṅga Purāṇa 1.42

सूत उवाच गते पुण्ये च वरदे सहस्राक्षे शिलाशनः । आराधयन्महादेवं तपसातोषयद्भवम्

sūta uvāca gate puṇye ca varade sahasrākṣe śilāśanaḥ / ārādhayanmahādevaṃ tapasātoṣayadbhavam

Sanskrit only: no published translation is held for this verse.

अथ तस्यैवमनिशं तत्परस्य द्विजस्य तु । दिव्यं वर्षसहस्रं तु गतं क्षणमिवाद्भुतम्

atha tasyaivamaniśaṃ tatparasya dvijasya tu / divyaṃ varṣasahasraṃ tu gataṃ kṣaṇamivādbhutam

Sanskrit only: no published translation is held for this verse.

वल्मीकेनावृताङ्गश् च लक्ष्यः कीटगणैर्मुनिः । वज्रसूचीमुखैश्चान्यै रक्तकीटैश् च सर्वतः

valmīkenāvṛtāṅgaś ca lakṣyaḥ kīṭagaṇairmuniḥ / vajrasūcīmukhaiścānyai raktakīṭaiś ca sarvataḥ

Sanskrit only: no published translation is held for this verse.

निर्मांसरुधिरत्वग् वै निर्लेपः कुड्यवत् स्थितः । अस्थिशेषो ऽभवत्पश्चात् तममन्यत शङ्करः

nirmāṃsarudhiratvag vai nirlepaḥ kuḍyavat sthitaḥ / asthiśeṣo 'bhavatpaścāt tamamanyata śaṅkaraḥ

Sanskrit only: no published translation is held for this verse.

यदा स्पृष्टो मुनिस्तेन करेण च स्मरारिणा । तदैव मुनिशार्दूलश् चोत्ससर्ज क्लमं द्विजः

yadā spṛṣṭo munistena kareṇa ca smarāriṇā / tadaiva muniśārdūlaś cotsasarja klamaṃ dvijaḥ

Sanskrit only: no published translation is held for this verse.

तपतस्तस्य तपसा प्रभुस्तुष्टाथ शङ्करः । तुष्टस्तवेत्यथोवाच सगणश्चोमया सह

tapatastasya tapasā prabhustuṣṭātha śaṅkaraḥ / tuṣṭastavetyathovāca sagaṇaścomayā saha

Sanskrit only: no published translation is held for this verse.

तपसानेन किं कार्यं भवतस्ते महामते । ददामि पुत्रं सर्वज्ञं सर्वशास्त्रार्थपारगम्

tapasānena kiṃ kāryaṃ bhavataste mahāmate / dadāmi putraṃ sarvajñaṃ sarvaśāstrārthapāragam

Sanskrit only: no published translation is held for this verse.

ततः प्रणम्य देवेशं स्तुत्वोवाच शिलाशनः । हर्षगद्गदया वाचा सोमं सोमविभूषणम्

tataḥ praṇamya deveśaṃ stutvovāca śilāśanaḥ / harṣagadgadayā vācā somaṃ somavibhūṣaṇam

Sanskrit only: no published translation is held for this verse.

शिलाद उवाच भगवन्देवदेवेश त्रिपुरार्दन शङ्कर । अयोनिजं मृत्युहीनं पुत्रमिच्छामि सत्तम

śilāda uvāca bhagavandevadeveśa tripurārdana śaṅkara / ayonijaṃ mṛtyuhīnaṃ putramicchāmi sattama

Sanskrit only: no published translation is held for this verse.

सूत उवाच पूर्वमाराधितः प्राह तपसा परमेश्वरः । शिलादं ब्रह्मणा रुद्रः प्रीत्या परमया पुनः

sūta uvāca pūrvamārādhitaḥ prāha tapasā parameśvaraḥ / śilādaṃ brahmaṇā rudraḥ prītyā paramayā punaḥ

Sanskrit only: no published translation is held for this verse.

श्रीदेवदेव उवाच पूर्वमाराधितो विप्र ब्रह्मणाहं तपोधन । तपसा चावतारार्थं मुनिभिश् च सुरोत्तमैः

śrīdevadeva uvāca pūrvamārādhito vipra brahmaṇāhaṃ tapodhana / tapasā cāvatārārthaṃ munibhiś ca surottamaiḥ

Sanskrit only: no published translation is held for this verse.

तव पुत्रो भविष्यामि नन्दिनाम्ना त्वयोनिजः । पिता भविष्यसि मम पितुर्वै जगतां मुने

tava putro bhaviṣyāmi nandināmnā tvayonijaḥ / pitā bhaviṣyasi mama piturvai jagatāṃ mune

Sanskrit only: no published translation is held for this verse.

एवमुक्त्वा मुनिं प्रेक्ष्य प्रणिपत्य स्थितं घृणी । सोमः सोमोपमः प्रीतस् तत्रैवान्तरधीयत

evamuktvā muniṃ prekṣya praṇipatya sthitaṃ ghṛṇī / somaḥ somopamaḥ prītas tatraivāntaradhīyata

Sanskrit only: no published translation is held for this verse.

लब्धपुत्रः पिता रुद्रात् प्रीतो मम महामुने । यज्ञाङ्गणं महत्प्राप्य यज्ञार्थं यज्ञवित्तमः

labdhaputraḥ pitā rudrāt prīto mama mahāmune / yajñāṅgaṇaṃ mahatprāpya yajñārthaṃ yajñavittamaḥ

Sanskrit only: no published translation is held for this verse.

तदङ्गणादहं शंभोस् तनुजस्तस्य चाज्ञया । संजातः पूर्वमेवाहं युगान्ताग्निसमप्रभः

tadaṅgaṇādahaṃ śaṃbhos tanujastasya cājñayā / saṃjātaḥ pūrvamevāhaṃ yugāntāgnisamaprabhaḥ

Sanskrit only: no published translation is held for this verse.

ववर्षुस्तदा पुष्करावर्तकाद्या जगुः खेचराः किन्नराः सिद्धसाध्याः । शिलादात्मजत्वं गते मय्युपेन्द्रः ससर्जाथ वृष्टिं सुपुष्पौघमिश्राम्

vavarṣustadā puṣkarāvartakādyā jaguḥ khecarāḥ kinnarāḥ siddhasādhyāḥ / śilādātmajatvaṃ gate mayyupendraḥ sasarjātha vṛṣṭiṃ supuṣpaughamiśrām

Sanskrit only: no published translation is held for this verse.

मां दृष्ट्वा कालसूर्याभं जटामुकुटधारिणम् । त्र्यक्षं चतुर्भुजं बालं शूलटङ्कगदाधरम्

māṃ dṛṣṭvā kālasūryābhaṃ jaṭāmukuṭadhāriṇam / tryakṣaṃ caturbhujaṃ bālaṃ śūlaṭaṅkagadādharam

Sanskrit only: no published translation is held for this verse.

वज्रिणं वज्रदंष्ट्रं च वज्रिणाराधितं शिशुम् । वज्रकुण्डलिनं घोरं नीरदोपमनिःस्वनम्

vajriṇaṃ vajradaṃṣṭraṃ ca vajriṇārādhitaṃ śiśum / vajrakuṇḍalinaṃ ghoraṃ nīradopamaniḥsvanam

Sanskrit only: no published translation is held for this verse.

ब्रह्माद्यास्तुष्टुवुः सर्वे सुरेन्द्रश् च मुनीश्वराः । नेदुः समन्ततः सर्वे ननृतुश्चाप्सरोगणाः

brahmādyāstuṣṭuvuḥ sarve surendraś ca munīśvarāḥ / neduḥ samantataḥ sarve nanṛtuścāpsarogaṇāḥ

Sanskrit only: no published translation is held for this verse.

ऋषयो मुनिशार्दूल ऋग्यजुःसामसंभवैः । मन्त्रैर्माहेश्वरैः स्तुत्वा सम्प्रणेमुर्मुदान्विताः

ṛṣayo muniśārdūla ṛgyajuḥsāmasaṃbhavaiḥ / mantrairmāheśvaraiḥ stutvā sampraṇemurmudānvitāḥ

Sanskrit only: no published translation is held for this verse.

ब्रह्मा हरिश् च रुद्रश् च शक्रः साक्षाच्छिवांबिका । जीवश्चेन्दुर्महातेजा भास्करः पवनो ऽनलः

brahmā hariś ca rudraś ca śakraḥ sākṣācchivāṃbikā / jīvaścendurmahātejā bhāskaraḥ pavano 'nalaḥ

Sanskrit only: no published translation is held for this verse.

ईशानो निरृतिर्यक्षो यमो वरुण एव च । विश्वेदेवास् तथा रुद्रा वसवश् च महाबलाः

īśāno nirṛtiryakṣo yamo varuṇa eva ca / viśvedevās tathā rudrā vasavaś ca mahābalāḥ

Sanskrit only: no published translation is held for this verse.

लक्ष्मीः साक्षाच्छची ज्येष्ठा देवी चैव सरस्वती । अदितिश् च दितिश्चैव श्रद्धा लज्जा धृतिस् तथा

lakṣmīḥ sākṣācchacī jyeṣṭhā devī caiva sarasvatī / aditiś ca ditiścaiva śraddhā lajjā dhṛtis tathā

Sanskrit only: no published translation is held for this verse.

नन्दा भद्रा च सुरभी सुशीला सुमनास् तथा । वृषेन्द्रश् च महातेजा धर्मो धर्मात्मजस् तथा

nandā bhadrā ca surabhī suśīlā sumanās tathā / vṛṣendraś ca mahātejā dharmo dharmātmajas tathā

Sanskrit only: no published translation is held for this verse.

आवृत्य मां तथालिङ्ग्य तुष्टुवुर्मुनिसत्तम । शिलादो ऽपि मुनिर्दृष्ट्वा पिता मे तादृशं तदा

āvṛtya māṃ tathāliṅgya tuṣṭuvurmunisattama / śilādo 'pi munirdṛṣṭvā pitā me tādṛśaṃ tadā

Sanskrit only: no published translation is held for this verse.

प्रीत्या प्रणम्य पुण्यात्मा तुष्टावेष्टप्रदं सुतम् । शिलाद उवाच भगवन्देवदेवेश त्रियंबक ममाव्यय

prītyā praṇamya puṇyātmā tuṣṭāveṣṭapradaṃ sutam / śilāda uvāca bhagavandevadeveśa triyaṃbaka mamāvyaya

Sanskrit only: no published translation is held for this verse.

पुत्रो ऽसि जगतां यस्मात् त्राता दुःखाद्धि किं पुनः । रक्षको जगतां यस्मात् पिता मे पुत्र सर्वग

putro 'si jagatāṃ yasmāt trātā duḥkhāddhi kiṃ punaḥ / rakṣako jagatāṃ yasmāt pitā me putra sarvaga

Sanskrit only: no published translation is held for this verse.

अयोनिज नमस्तुभ्यं जगद्योने पितामह । पिता पुत्र महेशान जगतां च जगद्गुरो

ayonija namastubhyaṃ jagadyone pitāmaha / pitā putra maheśāna jagatāṃ ca jagadguro

Sanskrit only: no published translation is held for this verse.

वत्स वत्स महाभाग पाहि मां परमेश्वर । त्वयाहं नन्दितो यस्मान् नन्दी नाम्ना सुरेश्वर

vatsa vatsa mahābhāga pāhi māṃ parameśvara / tvayāhaṃ nandito yasmān nandī nāmnā sureśvara

Sanskrit only: no published translation is held for this verse.

तस्मान्नन्दय मां नन्दिन् नमामि जगदीश्वरम् । प्रसीद पितरौ मे ऽद्य रुद्रलोकं गतौ विभो

tasmānnandaya māṃ nandin namāmi jagadīśvaram / prasīda pitarau me 'dya rudralokaṃ gatau vibho

Sanskrit only: no published translation is held for this verse.

पितामहश् च भो नन्दिन् नवतीर्णे महेश्वरे । ममैव सफलं लोके जन्म वै जगतां प्रभो

pitāmahaś ca bho nandin navatīrṇe maheśvare / mamaiva saphalaṃ loke janma vai jagatāṃ prabho

Sanskrit only: no published translation is held for this verse.

अवतीर्णे सुते नन्दिन् रक्षार्थं मह्यमीश्वर । तुभ्यं नमः सुरेशान नन्दीश्वर नमो ऽस्तु ते

avatīrṇe sute nandin rakṣārthaṃ mahyamīśvara / tubhyaṃ namaḥ sureśāna nandīśvara namo 'stu te

Sanskrit only: no published translation is held for this verse.

पुत्र पाहि महाबाहो देवदेव जगद्गुरो । पुत्रत्वमेव नन्दीश मत्वा यत्कीर्तितं मया

putra pāhi mahābāho devadeva jagadguro / putratvameva nandīśa matvā yatkīrtitaṃ mayā

Sanskrit only: no published translation is held for this verse.

त्वया तत्क्षम्यतां वत्स स्तवस्तव्य सुरासुरैः । यः पठेच्छृणुयाद्वापि मम पुत्रप्रभाषितम्

tvayā tatkṣamyatāṃ vatsa stavastavya surāsuraiḥ / yaḥ paṭhecchṛṇuyādvāpi mama putraprabhāṣitam

Sanskrit only: no published translation is held for this verse.

श्रावयेद्वा द्विजान् भक्त्या मया सार्धं स मोदते । एवं स्तुत्वा सुतं बालं प्रणम्य बहुमानतः

śrāvayedvā dvijān bhaktyā mayā sārdhaṃ sa modate / evaṃ stutvā sutaṃ bālaṃ praṇamya bahumānataḥ

Sanskrit only: no published translation is held for this verse.

मुनीश्वरांश् च सम्प्रेक्ष्य शिलाद उवाच सुव्रतः । पश्यध्वं मुनयः सर्वे महाभाग्यं ममाव्ययः

munīśvarāṃś ca samprekṣya śilāda uvāca suvrataḥ / paśyadhvaṃ munayaḥ sarve mahābhāgyaṃ mamāvyayaḥ

Sanskrit only: no published translation is held for this verse.

नन्दी यज्ञाङ्गणे देवश् चावतीर्णो यतः प्रभुः । मत्समः कः पुमांल्लोके देवो वा दानवो ऽपि वा

nandī yajñāṅgaṇe devaś cāvatīrṇo yataḥ prabhuḥ / matsamaḥ kaḥ pumāṃlloke devo vā dānavo 'pi vā

Sanskrit only: no published translation is held for this verse.

एष नन्दी यतो जातो यज्ञभूमौ हिताय मे

eṣa nandī yato jāto yajñabhūmau hitāya me

Sanskrit only: no published translation is held for this verse.