Library·Liṅga Purāṇa·1·1.43
नन्दिकेश्वर उवाच मया सह पिता हृष्टः प्रणम्य च महेश्वरम् । उटजं स्वं जगामाशु निधिं लब्ध्वेव निर्धनः
nandikeśvara uvāca mayā saha pitā hṛṣṭaḥ praṇamya ca maheśvaram / uṭajaṃ svaṃ jagāmāśu nidhiṃ labdhveva nirdhanaḥ
Sanskrit only: no published translation is held for this verse.
यदागतो ऽहमुटजं शिलादस्य महामुने । तदा वै दैविकं रूपं त्यक्त्वा मानुष्यम् आस्थितः
yadāgato 'hamuṭajaṃ śilādasya mahāmune / tadā vai daivikaṃ rūpaṃ tyaktvā mānuṣyam āsthitaḥ
Sanskrit only: no published translation is held for this verse.
नष्टा चैव स्मृतिर्दिव्या येन केनापि कारणात् । मानुष्यमास्थितं दृष्ट्वा पिता मे लोकपूजितः
naṣṭā caiva smṛtirdivyā yena kenāpi kāraṇāt / mānuṣyamāsthitaṃ dṛṣṭvā pitā me lokapūjitaḥ
Sanskrit only: no published translation is held for this verse.
विललापातिदुःखार्तः स्वजनैश् च समावृतः । जातकर्मादिकाश्चैव चकार मम सर्ववित्
vilalāpātiduḥkhārtaḥ svajanaiś ca samāvṛtaḥ / jātakarmādikāścaiva cakāra mama sarvavit
Sanskrit only: no published translation is held for this verse.
शालङ्कायनपुत्रो वै शिलादः पुत्रवत्सलः । उपदिष्टा हि तेनैव ऋक्शाखा यजुषस् तथा
śālaṅkāyanaputro vai śilādaḥ putravatsalaḥ / upadiṣṭā hi tenaiva ṛkśākhā yajuṣas tathā
Sanskrit only: no published translation is held for this verse.
सामशाखासहस्रं च साङ्गोपाङ्गं महामुने । आयुर्वेदं धनुर्वेदं गान्धर्वं चाश्वलक्षणम्
sāmaśākhāsahasraṃ ca sāṅgopāṅgaṃ mahāmune / āyurvedaṃ dhanurvedaṃ gāndharvaṃ cāśvalakṣaṇam
Sanskrit only: no published translation is held for this verse.
हस्तिनां चरितं चैव नराणां चैव लक्षणम् । सम्पूर्णे सप्तमे वर्षे ततो ऽथ मुनिसत्तमौ
hastināṃ caritaṃ caiva narāṇāṃ caiva lakṣaṇam / sampūrṇe saptame varṣe tato 'tha munisattamau
Sanskrit only: no published translation is held for this verse.
मित्रावरुणनामानौ तपोयोगबलान्वितौ । तस्याश्रमं गतौ दिव्यौ द्रष्टुं मां चाज्ञया विभोः
mitrāvaruṇanāmānau tapoyogabalānvitau / tasyāśramaṃ gatau divyau draṣṭuṃ māṃ cājñayā vibhoḥ
Sanskrit only: no published translation is held for this verse.
ऊचतुश् च महात्मानौ मां निरीक्ष्य मुहुर्मुहुः । तात नन्द्ययमल्पायुः सर्वशास्त्रार्थपारगः
ūcatuś ca mahātmānau māṃ nirīkṣya muhurmuhuḥ / tāta nandyayamalpāyuḥ sarvaśāstrārthapāragaḥ
Sanskrit only: no published translation is held for this verse.
न दृष्टमेवमाश्चर्यम् आयुर्वर्षादतः परम् । इत्युक्तवति विप्रेन्द्रः शिलादः पुत्रवत्सलः
na dṛṣṭamevamāścaryam āyurvarṣādataḥ param / ityuktavati viprendraḥ śilādaḥ putravatsalaḥ
Sanskrit only: no published translation is held for this verse.
समालिङ्ग्य च दुःखार्तो रुरोदातीव विस्वरम् । हा पुत्र पुत्र पुत्रेति पपात च समन्ततः
samāliṅgya ca duḥkhārto rurodātīva visvaram / hā putra putra putreti papāta ca samantataḥ
Sanskrit only: no published translation is held for this verse.
अहो बलं दैवविधेर् विधातुश्चेति दुःखितः । तस्य चार्तस्वरं श्रुत्वा तदाश्रमनिवासिनः
aho balaṃ daivavidher vidhātuśceti duḥkhitaḥ / tasya cārtasvaraṃ śrutvā tadāśramanivāsinaḥ
Sanskrit only: no published translation is held for this verse.
निपेतुर्विह्वलात्यर्थं रक्षाश्चक्रुश् च मङ्गलम् । तुष्टुवुश् च महादेवं त्रियंबकमुमापतिम्
nipeturvihvalātyarthaṃ rakṣāścakruś ca maṅgalam / tuṣṭuvuś ca mahādevaṃ triyaṃbakamumāpatim
Sanskrit only: no published translation is held for this verse.
हुत्वा त्रियंबकेनैव मधुनैव च संप्लुताम् । दूर्वामयुतसंख्यातां सर्वद्रव्यसमन्विताम्
hutvā triyaṃbakenaiva madhunaiva ca saṃplutām / dūrvāmayutasaṃkhyātāṃ sarvadravyasamanvitām
Sanskrit only: no published translation is held for this verse.
पिता विगतसंज्ञश् च तथा चैव पितामहः । विचेष्टश् च ललापासौ मृतवन्निपपात च
pitā vigatasaṃjñaś ca tathā caiva pitāmahaḥ / viceṣṭaś ca lalāpāsau mṛtavannipapāta ca
Sanskrit only: no published translation is held for this verse.
मृत्योर् भीतो ऽहम् अचिराच् छिरसा चाभिवन्द्य तम् । मृतवत्पतितं साक्षात् पितरं च पितामहम्
mṛtyor bhīto 'ham acirāc chirasā cābhivandya tam / mṛtavatpatitaṃ sākṣāt pitaraṃ ca pitāmaham
Sanskrit only: no published translation is held for this verse.
प्रदक्षिणीकृत्य च तं रुद्रजाप्यरतो ऽभवम् । हृत्पुण्डरीके सुषिरे ध्यात्वा देवं त्रियंबकम्
pradakṣiṇīkṛtya ca taṃ rudrajāpyarato 'bhavam / hṛtpuṇḍarīke suṣire dhyātvā devaṃ triyaṃbakam
Sanskrit only: no published translation is held for this verse.
त्र्यक्षं दशभुजं शान्तं पञ्चवक्त्रं सदाशिवम् । सरितश्चान्तरे पुण्ये स्थितं मां परमेश्वरः
tryakṣaṃ daśabhujaṃ śāntaṃ pañcavaktraṃ sadāśivam / saritaścāntare puṇye sthitaṃ māṃ parameśvaraḥ
Sanskrit only: no published translation is held for this verse.
तुष्टो ऽब्रवीन्महादेवः सोमः सोमार्धभूषणः । वत्स नन्दिन्महाबाहो मृत्योर्भीतिः कुतस्तव
tuṣṭo 'bravīnmahādevaḥ somaḥ somārdhabhūṣaṇaḥ / vatsa nandinmahābāho mṛtyorbhītiḥ kutastava
Sanskrit only: no published translation is held for this verse.
मयैव प्रेषितौ विप्रौ मत्समस्त्वं न संशयः । वत्सैनत्तव देहं च लौकिकं परमार्थतः
mayaiva preṣitau viprau matsamastvaṃ na saṃśayaḥ / vatsainattava dehaṃ ca laukikaṃ paramārthataḥ
Sanskrit only: no published translation is held for this verse.
नास्त्येव दैविकं दृष्टं शिलादेन पुरा तव । देवैश् च मुनिभिः सिद्धैर् गन्धर्वैर्दानवोत्तमैः
nāstyeva daivikaṃ dṛṣṭaṃ śilādena purā tava / devaiś ca munibhiḥ siddhair gandharvairdānavottamaiḥ
Sanskrit only: no published translation is held for this verse.
पूजितं यत्पुरा वत्स दैविकं नन्दिकेश्वर । संसारस्य स्वभावो ऽयं सुखं दुःखं पुनः पुनः
pūjitaṃ yatpurā vatsa daivikaṃ nandikeśvara / saṃsārasya svabhāvo 'yaṃ sukhaṃ duḥkhaṃ punaḥ punaḥ
Sanskrit only: no published translation is held for this verse.
नृणां योनिपरित्यागः सर्वथैव विवेकिनः । एवमुक्त्वा तु मां साक्षात् सर्वदेवमहेश्वरः
nṛṇāṃ yoniparityāgaḥ sarvathaiva vivekinaḥ / evamuktvā tu māṃ sākṣāt sarvadevamaheśvaraḥ
Sanskrit only: no published translation is held for this verse.
कराभ्यां सुशुभाभ्यां च उभाभ्यां परमेश्वरः । पस्पर्श भगवान् रुद्रः परमार्तिहरो हरः
karābhyāṃ suśubhābhyāṃ ca ubhābhyāṃ parameśvaraḥ / pasparśa bhagavān rudraḥ paramārtiharo haraḥ
Sanskrit only: no published translation is held for this verse.
उवाच च महादेवस् तुष्टात्मा वृषभध्वजः । निरीक्ष्य गणपांश्चैव देवीं हिमवतः सुताम्
uvāca ca mahādevas tuṣṭātmā vṛṣabhadhvajaḥ / nirīkṣya gaṇapāṃścaiva devīṃ himavataḥ sutām
Sanskrit only: no published translation is held for this verse.
समालोक्य च तुष्टात्मा महादेवः सुरेश्वरः । अजरो जरया त्यक्तो नित्यं दुःखविवर्जितः
samālokya ca tuṣṭātmā mahādevaḥ sureśvaraḥ / ajaro jarayā tyakto nityaṃ duḥkhavivarjitaḥ
Sanskrit only: no published translation is held for this verse.
अक्षयश्चाव्ययश्चैव सपिता ससुहृज्जनः । ममेष्टो गणपश्चैव मद्वीर्यो मत्पराक्रमः
akṣayaścāvyayaścaiva sapitā sasuhṛjjanaḥ / mameṣṭo gaṇapaścaiva madvīryo matparākramaḥ
Sanskrit only: no published translation is held for this verse.
इष्टो मम सदा चैव मम पार्श्वगतः सदा । मद्बलश्चैव भविता महायोगबलान्वितः
iṣṭo mama sadā caiva mama pārśvagataḥ sadā / madbalaścaiva bhavitā mahāyogabalānvitaḥ
Sanskrit only: no published translation is held for this verse.
एवमुक्त्वा च मां देवो भगवान् सगणस्तदा । कुशेशयमयीं मालां समुन्मुच्यात्मनस्तदा
evamuktvā ca māṃ devo bhagavān sagaṇastadā / kuśeśayamayīṃ mālāṃ samunmucyātmanastadā
Sanskrit only: no published translation is held for this verse.
आबबन्ध महातेजा मम देवो वृषध्वजः । तयाहं मालया जातः शुभया कण्ठसक्तया
ābabandha mahātejā mama devo vṛṣadhvajaḥ / tayāhaṃ mālayā jātaḥ śubhayā kaṇṭhasaktayā
Sanskrit only: no published translation is held for this verse.
त्र्यक्षो दशभुजश्चैव द्वितीय इव शङ्करः । तत एव समादाय हस्तेन परमेश्वरः
tryakṣo daśabhujaścaiva dvitīya iva śaṅkaraḥ / tata eva samādāya hastena parameśvaraḥ
Sanskrit only: no published translation is held for this verse.
उवाच ब्रूहि किं ते ऽद्य ददामि वरमुत्तमम् । ततो जटाश्रितं वारि गृहीत्वा चातिनिर्मलम्
uvāca brūhi kiṃ te 'dya dadāmi varamuttamam / tato jaṭāśritaṃ vāri gṛhītvā cātinirmalam
Sanskrit only: no published translation is held for this verse.
उक्ता नदी भवस्वेति उत्ससर्ज वृषध्वजः । ततः सा दिव्यतोया च पूर्णासितजला शुभा
uktā nadī bhavasveti utsasarja vṛṣadhvajaḥ / tataḥ sā divyatoyā ca pūrṇāsitajalā śubhā
Sanskrit only: no published translation is held for this verse.
पद्मोत्पलवनोपेता प्रावर्तत महानदी । तामाह च महादेवो नदीं परमशोभनाम्
padmotpalavanopetā prāvartata mahānadī / tāmāha ca mahādevo nadīṃ paramaśobhanām
Sanskrit only: no published translation is held for this verse.
यस्माज्जटोदकादेव प्रवृत्ता त्वं महानदी । तस्माज्जटोदका पुण्या भविष्यसि सरिद्वरा
yasmājjaṭodakādeva pravṛttā tvaṃ mahānadī / tasmājjaṭodakā puṇyā bhaviṣyasi saridvarā
Sanskrit only: no published translation is held for this verse.
त्वयि स्नात्वा नरः कश्चित् सर्वपापैः प्रमुच्यते । ततो देव्या महादेवः शिलादतनयं प्रभुः
tvayi snātvā naraḥ kaścit sarvapāpaiḥ pramucyate / tato devyā mahādevaḥ śilādatanayaṃ prabhuḥ
Sanskrit only: no published translation is held for this verse.
पुत्रस्ते ऽयमिति प्रोच्य पादयोः संन्यपातयत् । सा मामाघ्राय शिरसि पाणिभ्यां परिमार्जती
putraste 'yamiti procya pādayoḥ saṃnyapātayat / sā māmāghrāya śirasi pāṇibhyāṃ parimārjatī
Sanskrit only: no published translation is held for this verse.
पुत्रप्रेम्णाभ्यषिञ्चच्च स्रोतोभिस्तनयैस्त्रिभिः । पयसा शङ्खगौरेण देवदेवं निरीक्ष्य सा
putrapremṇābhyaṣiñcacca srotobhistanayaistribhiḥ / payasā śaṅkhagaureṇa devadevaṃ nirīkṣya sā
Sanskrit only: no published translation is held for this verse.
तानि स्रोतांसि त्रीण्यस्याः स्रोतस्विन्यो ऽभवंस्तदा । नदीं त्रिस्रोतसं देवो भगवानवदद्भवः
tāni srotāṃsi trīṇyasyāḥ srotasvinyo 'bhavaṃstadā / nadīṃ trisrotasaṃ devo bhagavānavadadbhavaḥ
Sanskrit only: no published translation is held for this verse.
त्रिस्रोतसं नदीं दृष्ट्वा वृषः परमहर्षितः । ननाद नादात्तस्माच्च सरिदन्या ततो ऽभवत्
trisrotasaṃ nadīṃ dṛṣṭvā vṛṣaḥ paramaharṣitaḥ / nanāda nādāttasmācca saridanyā tato 'bhavat
Sanskrit only: no published translation is held for this verse.
वृषध्वनिरिति ख्याता देवदेवेन सा नदी । जांबूनदमयं चित्रं सर्वरत्नमयं शुभम्
vṛṣadhvaniriti khyātā devadevena sā nadī / jāṃbūnadamayaṃ citraṃ sarvaratnamayaṃ śubham
Sanskrit only: no published translation is held for this verse.
स्वं देवश्चाद्भुतं दिव्यं निर्मितं विश्वकर्मणा । मुकुटं चाबबन्धेशो मम मूर्ध्नि वृषध्वजः
svaṃ devaścādbhutaṃ divyaṃ nirmitaṃ viśvakarmaṇā / mukuṭaṃ cābabandheśo mama mūrdhni vṛṣadhvajaḥ
Sanskrit only: no published translation is held for this verse.
कुण्डले च शुभे दिव्ये वज्रवैडूर्यभूषिते । आबबन्ध महादेवः स्वयमेव महेश्वरः
kuṇḍale ca śubhe divye vajravaiḍūryabhūṣite / ābabandha mahādevaḥ svayameva maheśvaraḥ
Sanskrit only: no published translation is held for this verse.
मां तथाभ्यर्चितं व्योम्नि दृष्ट्वा मेघैः प्रभाकरः । मेघांभसा चाभ्यषिञ्चच् छिलादनम् अथो मुने
māṃ tathābhyarcitaṃ vyomni dṛṣṭvā meghaiḥ prabhākaraḥ / meghāṃbhasā cābhyaṣiñcac chilādanam atho mune
Sanskrit only: no published translation is held for this verse.
तस्याभिषिक्तस्य तदा प्रवृत्ता स्रोतसा भृशम् । यस्मात् सुवर्णान्निःसृत्य नद्येषा सम्प्रवर्तते
tasyābhiṣiktasya tadā pravṛttā srotasā bhṛśam / yasmāt suvarṇānniḥsṛtya nadyeṣā sampravartate
Sanskrit only: no published translation is held for this verse.
स्वर्णोदकेति तामाह देवदेवस्त्रियंबकः । जाम्बूनदमयाद्यस्माद् द्वितीया मुकुटाच्छुभा
svarṇodaketi tāmāha devadevastriyaṃbakaḥ / jāmbūnadamayādyasmād dvitīyā mukuṭācchubhā
Sanskrit only: no published translation is held for this verse.
प्रावर्तत नदी पुण्या ऊचुर् जम्बूनदीति ताम् । एतत्पञ्चनदं नाम जप्येश्वरसमीपगम्
prāvartata nadī puṇyā ūcur jambūnadīti tām / etatpañcanadaṃ nāma japyeśvarasamīpagam
Sanskrit only: no published translation is held for this verse.
यः पञ्चनदमासाद्य स्नात्वा जप्येश्वरेश्वरम् । पूजयेच्छिवसायुज्यं प्रयात्येव न संशयः
yaḥ pañcanadamāsādya snātvā japyeśvareśvaram / pūjayecchivasāyujyaṃ prayātyeva na saṃśayaḥ
Sanskrit only: no published translation is held for this verse.
<देवी अदोप्त्स् नन्दिन्> अथ देवो महादेवः सर्वभूतपतिर्भवः । देवीमुवाच शर्वाणीम् उमां गिरिसुतामजाम्
<Devī adopts Nandin> atha devo mahādevaḥ sarvabhūtapatirbhavaḥ / devīmuvāca śarvāṇīm umāṃ girisutāmajām
Sanskrit only: no published translation is held for this verse.
देवी नन्दीश्वरं देवम् अभिषिञ्चामि भूतपम् । गणेन्द्रं व्याहरिष्यामि किं वा त्वं मन्यसे ऽव्यये
devī nandīśvaraṃ devam abhiṣiñcāmi bhūtapam / gaṇendraṃ vyāhariṣyāmi kiṃ vā tvaṃ manyase 'vyaye
Sanskrit only: no published translation is held for this verse.
तस्य तद्वचनं श्रुत्वा भवानी हर्षितानना । स्मयन्ती वरदं प्राह भवं भूतपतिं पतिम्
tasya tadvacanaṃ śrutvā bhavānī harṣitānanā / smayantī varadaṃ prāha bhavaṃ bhūtapatiṃ patim
Sanskrit only: no published translation is held for this verse.
सर्वलोकाधिपत्यं च गणेशत्वं तथैव च । दातुमर्हसि देवेश शैलादिस्तनयो मम
sarvalokādhipatyaṃ ca gaṇeśatvaṃ tathaiva ca / dātumarhasi deveśa śailādistanayo mama
Sanskrit only: no published translation is held for this verse.
ततः स भगवाञ्शर्वः सर्वलोकेश्वरेश्वरः । सस्मार गणपान् दिव्यान् देवदेवो वृषध्वजः
tataḥ sa bhagavāñśarvaḥ sarvalokeśvareśvaraḥ / sasmāra gaṇapān divyān devadevo vṛṣadhvajaḥ
Sanskrit only: no published translation is held for this verse.