Library·Liṅga Purāṇa·1·1.48
सुत उवाच <मेरु> अस्य द्वीपस्य मध्ये तु मेरुर् नाम महागिरिः । नानारत्नमयैः शृङ्गैः स्थितः स्थितिमतां वरः
suta uvāca <Meru> asya dvīpasya madhye tu merur nāma mahāgiriḥ / nānāratnamayaiḥ śṛṅgaiḥ sthitaḥ sthitimatāṃ varaḥ
Sanskrit only: no published translation is held for this verse.
चतुरशीतिसाहस्रम् उत्सेधेन प्रकीर्तितः । प्रविष्टः षोडशाधस्ताद् विस्तृतः षोडशैव तु
caturaśītisāhasram utsedhena prakīrtitaḥ / praviṣṭaḥ ṣoḍaśādhastād vistṛtaḥ ṣoḍaśaiva tu
Sanskrit only: no published translation is held for this verse.
शराववत् संस्थितत्वाद् द्वात्रिंशन्मूर्ध्नि विस्तृतः । विस्तारात् त्रिगुणश् चास्य परिणाहो ऽनुमण्डलः
śarāvavat saṃsthitatvād dvātriṃśanmūrdhni vistṛtaḥ / vistārāt triguṇaś cāsya pariṇāho 'numaṇḍalaḥ
Sanskrit only: no published translation is held for this verse.
हैमीकृतो महेशस्य शुभाङ्गस्पर्शनेन च । धत्तूरपुष्पसंकाशः सर्वदेवनिकेतनः
haimīkṛto maheśasya śubhāṅgasparśanena ca / dhattūrapuṣpasaṃkāśaḥ sarvadevaniketanaḥ
Sanskrit only: no published translation is held for this verse.
क्रीडाभूमिश् च देवानाम् अनेकाश्चर्यसंयुतः । लक्षयोजन आयामस् तस्यैवं तु महागिरेः
krīḍābhūmiś ca devānām anekāścaryasaṃyutaḥ / lakṣayojana āyāmas tasyaivaṃ tu mahāgireḥ
Sanskrit only: no published translation is held for this verse.
ततः षोडशसाहस्रं योजनानि क्षितेरधः । शेषं चोपरि विप्रेन्द्रा धरायास्तस्य शृङ्गिणः
tataḥ ṣoḍaśasāhasraṃ yojanāni kṣiteradhaḥ / śeṣaṃ copari viprendrā dharāyāstasya śṛṅgiṇaḥ
Sanskrit only: no published translation is held for this verse.
मूलायामप्रमाणं तु विस्तारान् मूलतो गिरेः । ऊचुर्विस्तारमस्यैव द्विगुणं मूलतो गिरेः
mūlāyāmapramāṇaṃ tu vistārān mūlato gireḥ / ūcurvistāramasyaiva dviguṇaṃ mūlato gireḥ
Sanskrit only: no published translation is held for this verse.
पूर्वतः पद्मरागाभो दक्षिणे हेमसन्निभः । पश्चिमे नीलसंकाश उत्तरे विद्रुमप्रभः
pūrvataḥ padmarāgābho dakṣiṇe hemasannibhaḥ / paścime nīlasaṃkāśa uttare vidrumaprabhaḥ
Sanskrit only: no published translation is held for this verse.
<अमरावती> अमरावती पूर्वभागे नानाप्रासादसंकुला । नानादेवगणैः कीर्णा मणिजालसमावृता
<Amarāvatī> amarāvatī pūrvabhāge nānāprāsādasaṃkulā / nānādevagaṇaiḥ kīrṇā maṇijālasamāvṛtā
Sanskrit only: no published translation is held for this verse.
गोपुरैर्विविधाकारैर् हेमरत्नविभूषितैः । तोरणैर् हेमचित्रैस्तु मणिकॢप्तैः पथि स्थितैः
gopurairvividhākārair hemaratnavibhūṣitaiḥ / toraṇair hemacitraistu maṇikḷptaiḥ pathi sthitaiḥ
Sanskrit only: no published translation is held for this verse.
संलापालापकुशलैः सर्वाभरणभूषितैः । स्तनभारविनम्रैश् च मदघूर्णितलोचनैः
saṃlāpālāpakuśalaiḥ sarvābharaṇabhūṣitaiḥ / stanabhāravinamraiś ca madaghūrṇitalocanaiḥ
Sanskrit only: no published translation is held for this verse.
स्त्रीसहस्रैः समाकीर्णा चाप्सरोभिः समन्ततः । दीर्घिकाभिर्विचित्राभिः फुल्लाम्भोरुहसंकुलैः
strīsahasraiḥ samākīrṇā cāpsarobhiḥ samantataḥ / dīrghikābhirvicitrābhiḥ phullāmbhoruhasaṃkulaiḥ
Sanskrit only: no published translation is held for this verse.
हेमसोपानसंयुक्तैर् हेमसैकतराशिभिः । नीलोत्पलैश्चोत्पलैश् च हैमैश्चापि सुगन्धिभिः
hemasopānasaṃyuktair hemasaikatarāśibhiḥ / nīlotpalaiścotpalaiś ca haimaiścāpi sugandhibhiḥ
Sanskrit only: no published translation is held for this verse.
एवंविधैस्तटाकैश् च नदीभिश् च नदैर्युता । विराजते पुरी शुभ्रा तयासौ पर्वतः शुभः
evaṃvidhaistaṭākaiś ca nadībhiś ca nadairyutā / virājate purī śubhrā tayāsau parvataḥ śubhaḥ
Sanskrit only: no published translation is held for this verse.
<ओथेर् चितिएस् अत् म्त्। मेरु> तेजस्विनी नाम पुरी आग्नेय्यां पावकस्य तु । अमरावतीसमा दिव्या सर्वभोगसमन्विता
<other cities at Mt. Meru> tejasvinī nāma purī āgneyyāṃ pāvakasya tu / amarāvatīsamā divyā sarvabhogasamanvitā
Sanskrit only: no published translation is held for this verse.
वैवस्वती दक्षिणे तु यमस्य यमिनां वराः । भवनैरावृता दिव्यैर् जांबूनदमयैः शुभैः
vaivasvatī dakṣiṇe tu yamasya yamināṃ varāḥ / bhavanairāvṛtā divyair jāṃbūnadamayaiḥ śubhaiḥ
Sanskrit only: no published translation is held for this verse.
नैरृते कृष्णवर्णा च तथा शुद्धवती शुभा । तादृशी गन्धवन्ती च वायव्यां दिशि शोभना
nairṛte kṛṣṇavarṇā ca tathā śuddhavatī śubhā / tādṛśī gandhavantī ca vāyavyāṃ diśi śobhanā
Sanskrit only: no published translation is held for this verse.
महोदया चोत्तरे च ऐशान्यां तु यशोवती । पर्वतस्य दिगन्तेषु शोभते दिवि सर्वदा
mahodayā cottare ca aiśānyāṃ tu yaśovatī / parvatasya diganteṣu śobhate divi sarvadā
Sanskrit only: no published translation is held for this verse.
ब्रह्मविष्णुमहेशानां तथान्येषां निकेतनम् । सर्वभोगयुतं पुण्यं दीर्घिकाभिर्नगोत्तमम्
brahmaviṣṇumaheśānāṃ tathānyeṣāṃ niketanam / sarvabhogayutaṃ puṇyaṃ dīrghikābhirnagottamam
Sanskrit only: no published translation is held for this verse.
सिद्धैर्यक्षैस्तु सम्पूर्णं गन्धर्वैर्मुनिपुङ्गवैः । तथान्यैर्विविधाकारैर् भूतसंघैश् चतुर्विधैः
siddhairyakṣaistu sampūrṇaṃ gandharvairmunipuṅgavaiḥ / tathānyairvividhākārair bhūtasaṃghaiś caturvidhaiḥ
Sanskrit only: no published translation is held for this verse.
गिरेरुपरि विप्रेन्द्राः शुद्धस्फटिकसन्निभम् । सहस्रभौमं विस्तीर्णं विमानं वामतः स्थितम्
girerupari viprendrāḥ śuddhasphaṭikasannibham / sahasrabhaumaṃ vistīrṇaṃ vimānaṃ vāmataḥ sthitam
Sanskrit only: no published translation is held for this verse.
तस्मिन्महाभुजः शर्वः सोमसूर्याग्निलोचनः । सिंहासने मणिमये देव्यास्ते षण्मुखेन च
tasminmahābhujaḥ śarvaḥ somasūryāgnilocanaḥ / siṃhāsane maṇimaye devyāste ṣaṇmukhena ca
Sanskrit only: no published translation is held for this verse.
हरेस्तदर्धं विस्तीर्णं विमानं तत्र सो ऽपि च । पद्मरागमयं दिव्यं पद्मजस्य च दक्षिणे
harestadardhaṃ vistīrṇaṃ vimānaṃ tatra so 'pi ca / padmarāgamayaṃ divyaṃ padmajasya ca dakṣiṇe
Sanskrit only: no published translation is held for this verse.
तस्मिन् शक्रस्य विपुलं पुरं रम्यं यमस्य च । सोमस्य वरुणस्याथ निरृतेः पावकस्य च
tasmin śakrasya vipulaṃ puraṃ ramyaṃ yamasya ca / somasya varuṇasyātha nirṛteḥ pāvakasya ca
Sanskrit only: no published translation is held for this verse.
वायोश्चैव तु रुद्रस्य शर्वालयसमन्ततः । तेषां तेषां विमानेषु दिव्येषु विविधेषु च
vāyoścaiva tu rudrasya śarvālayasamantataḥ / teṣāṃ teṣāṃ vimāneṣu divyeṣu vividheṣu ca
Sanskrit only: no published translation is held for this verse.
ईशान्यामीश्वरक्षेत्रे नित्यार्चा च व्यवस्थिता । सिद्धेश्वरैश् च भगवाञ् छैलादिः शिष्यसंमतः
īśānyāmīśvarakṣetre nityārcā ca vyavasthitā / siddheśvaraiś ca bhagavāñ chailādiḥ śiṣyasaṃmataḥ
Sanskrit only: no published translation is held for this verse.
सनत्कुमारः सिद्धैस्तु सुखासीनः सुरेश्वरः । सनकश् च सनन्दश् च सदृशाश् च सहस्रशः
sanatkumāraḥ siddhaistu sukhāsīnaḥ sureśvaraḥ / sanakaś ca sanandaś ca sadṛśāś ca sahasraśaḥ
Sanskrit only: no published translation is held for this verse.
योगभूमिः क्वचित्तस्मिन् भोगभूमिः क्वचित्क्वचित् । बालसूर्यप्रतीकाशं विमानं तत्र शोभनम्
yogabhūmiḥ kvacittasmin bhogabhūmiḥ kvacitkvacit / bālasūryapratīkāśaṃ vimānaṃ tatra śobhanam
Sanskrit only: no published translation is held for this verse.
शैलादिनः शुभं चास्ति तस्मिन्नास्ते गणेश्वरः । षण्मुखस्य गणेशस्य गणानां तु सहस्रशः
śailādinaḥ śubhaṃ cāsti tasminnāste gaṇeśvaraḥ / ṣaṇmukhasya gaṇeśasya gaṇānāṃ tu sahasraśaḥ
Sanskrit only: no published translation is held for this verse.
सुयशायाः सुनेत्रायाः मातॄणां मदनस्य च । तस्य जम्बूनदी नाम मूलमावेष्ट्य संस्थिता
suyaśāyāḥ sunetrāyāḥ mātṝṇāṃ madanasya ca / tasya jambūnadī nāma mūlamāveṣṭya saṃsthitā
Sanskrit only: no published translation is held for this verse.
तस्य दक्षिणपार्श्वे तु जम्बूवृक्षः सुशोभनः । अत्युच्छ्रितः सुविस्तीर्णः सर्वकालफलप्रदः
tasya dakṣiṇapārśve tu jambūvṛkṣaḥ suśobhanaḥ / atyucchritaḥ suvistīrṇaḥ sarvakālaphalapradaḥ
Sanskrit only: no published translation is held for this verse.
<इलावृत> मेरोः समन्ताद्विस्तीर्णं शुभं वर्षमिलावृतम् । तत्र जम्बूफलाहाराः केचिच्चामृतभोजनाः
<Ilāvṛta> meroḥ samantādvistīrṇaṃ śubhaṃ varṣamilāvṛtam / tatra jambūphalāhārāḥ keciccāmṛtabhojanāḥ
Sanskrit only: no published translation is held for this verse.
जांबूनदसमप्रख्या नानावर्णाश् च भोगिनः । मेरुपादाश्रितो विप्रा द्वीपो ऽयं मध्यमः शुभः
jāṃbūnadasamaprakhyā nānāvarṇāś ca bhoginaḥ / merupādāśrito viprā dvīpo 'yaṃ madhyamaḥ śubhaḥ
Sanskrit only: no published translation is held for this verse.
नववर्षान्वितश्चैव नदीनदगिरीश्वरैः । नववर्षं तु वक्ष्यामि जंबूद्वीपं यथातथम्
navavarṣānvitaścaiva nadīnadagirīśvaraiḥ / navavarṣaṃ tu vakṣyāmi jaṃbūdvīpaṃ yathātatham
Sanskrit only: no published translation is held for this verse.
विस्तारान्मण्डलाच्चैव योजनैश् च निबोधत
vistārānmaṇḍalāccaiva yojanaiś ca nibodhata
Sanskrit only: no published translation is held for this verse.