Liṅga Purāṇa 1.49

सूत उवाच शतमेकं सहस्राणां योजनानां स तु स्मृतः । अनु द्वीपं सहस्राणां द्विगुणं द्विगुणोत्तरम्

sūta uvāca śatamekaṃ sahasrāṇāṃ yojanānāṃ sa tu smṛtaḥ / anu dvīpaṃ sahasrāṇāṃ dviguṇaṃ dviguṇottaram

Sanskrit only: no published translation is held for this verse.

पञ्चाशत्कोटिविस्तीर्णा ससमुद्रा धरा स्मृता । द्वीपैश् च सप्तभिर् युक्ता लोकालोकावृता शुभा

pañcāśatkoṭivistīrṇā sasamudrā dharā smṛtā / dvīpaiś ca saptabhir yuktā lokālokāvṛtā śubhā

Sanskrit only: no published translation is held for this verse.

नीलस्तथोत्तरे मेरोः श्वेतस्तस्योत्तरे पुनः । शृङ्गी तस्योत्तरे विप्रास् त्रयस्ते वर्षपर्वताः

nīlastathottare meroḥ śvetastasyottare punaḥ / śṛṅgī tasyottare viprās trayaste varṣaparvatāḥ

Sanskrit only: no published translation is held for this verse.

जठरो देवकूटश् च पूर्वस्यां दिशि पर्वतौ । निषधो दक्षिणे मेरोस् तस्य दक्षिणतो गिरिः । हेमकूट इति ख्यातो हिमवांस्तस्य दक्षिणे

jaṭharo devakūṭaś ca pūrvasyāṃ diśi parvatau / niṣadho dakṣiṇe meros tasya dakṣiṇato giriḥ / hemakūṭa iti khyāto himavāṃstasya dakṣiṇe

Sanskrit only: no published translation is held for this verse.

मेरोः पश्चिमतश्चैव पर्वतौ द्वौ धराधरौ । माल्यवान्गन्धमादश् च द्वावेतावुदगायतौ

meroḥ paścimataścaiva parvatau dvau dharādharau / mālyavāngandhamādaś ca dvāvetāvudagāyatau

Sanskrit only: no published translation is held for this verse.

एते पर्वतराजानः सिद्धचारणसेविताः । तेषाम् अन्तरविष्कम्भो नवसाहस्रमेकशः

ete parvatarājānaḥ siddhacāraṇasevitāḥ / teṣām antaraviṣkambho navasāhasramekaśaḥ

Sanskrit only: no published translation is held for this verse.

इदं हैमवतं वर्षं भारतं नाम विश्रुतम् । हेमकूटं परं तस्मान् नाम्ना किंपुरुषं स्मृतम्

idaṃ haimavataṃ varṣaṃ bhārataṃ nāma viśrutam / hemakūṭaṃ paraṃ tasmān nāmnā kiṃpuruṣaṃ smṛtam

Sanskrit only: no published translation is held for this verse.

नैषधं हेमकूटात्तु हरिवर्षं तदुच्यते । हरिवर्षात्परं चैव मेरोः शुभमिलावृतम्

naiṣadhaṃ hemakūṭāttu harivarṣaṃ taducyate / harivarṣātparaṃ caiva meroḥ śubhamilāvṛtam

Sanskrit only: no published translation is held for this verse.

इलावृतात्परं नीलं रम्यकं नाम विश्रुतम् । रम्यात्परतरं श्वेतं विख्यातं तद्धिरण्मयम्

ilāvṛtātparaṃ nīlaṃ ramyakaṃ nāma viśrutam / ramyātparataraṃ śvetaṃ vikhyātaṃ taddhiraṇmayam

Sanskrit only: no published translation is held for this verse.

हिरण्मयात्परं चापि शृङ्गी चैव कुरुः स्मृतः । धनुःसंस्थे तु विज्ञेये द्वे वर्षे दक्षिणोत्तरे

hiraṇmayātparaṃ cāpi śṛṅgī caiva kuruḥ smṛtaḥ / dhanuḥsaṃsthe tu vijñeye dve varṣe dakṣiṇottare

Sanskrit only: no published translation is held for this verse.

दीर्घाणि तत्र चत्वारि मध्यतस्तदिलावृतम् । मेरोः पश्चिमपूर्वेण द्वे तु दीर्घेतरे स्मृते

dīrghāṇi tatra catvāri madhyatastadilāvṛtam / meroḥ paścimapūrveṇa dve tu dīrghetare smṛte

Sanskrit only: no published translation is held for this verse.

अर्वाक्तु निषधस्याथ वेद्यर्धं चोत्तरं स्मृतम् । वेद्यर्धे दक्षिणे त्रीणि वर्षाणि त्रीणि चोत्तरे

arvāktu niṣadhasyātha vedyardhaṃ cottaraṃ smṛtam / vedyardhe dakṣiṇe trīṇi varṣāṇi trīṇi cottare

Sanskrit only: no published translation is held for this verse.

तयोर्मध्ये च विज्ञेयं मेरुमध्यमिलावृतम् । दक्षिणेन तु नीलस्य निषधस्योत्तरेण तु

tayormadhye ca vijñeyaṃ merumadhyamilāvṛtam / dakṣiṇena tu nīlasya niṣadhasyottareṇa tu

Sanskrit only: no published translation is held for this verse.

उदगायतो महाशैलो माल्यवान्नाम पर्वतः । योजनानां सहस्रे द्वे उपरिष्टात्तु विस्तृतः

udagāyato mahāśailo mālyavānnāma parvataḥ / yojanānāṃ sahasre dve upariṣṭāttu vistṛtaḥ

Sanskrit only: no published translation is held for this verse.

आयामतश्चतुस्त्रिंशत् सहस्राणि प्रकीर्तितः । तस्य प्रतीच्यां विज्ञेयः पर्वतो गन्धमादनः

āyāmataścatustriṃśat sahasrāṇi prakīrtitaḥ / tasya pratīcyāṃ vijñeyaḥ parvato gandhamādanaḥ

Sanskrit only: no published translation is held for this verse.

आयामतः स विज्ञेयो माल्यवानिव विस्तृतः । जम्बूद्वीपस्य विस्तारात् समेन तु समन्ततः

āyāmataḥ sa vijñeyo mālyavāniva vistṛtaḥ / jambūdvīpasya vistārāt samena tu samantataḥ

Sanskrit only: no published translation is held for this verse.

प्रागायताः सुपर्वाणः षडेते वर्षपर्वताः । अवगाढाश्चोभयतः समुद्रौ पूर्वपश्चिमौ

prāgāyatāḥ suparvāṇaḥ ṣaḍete varṣaparvatāḥ / avagāḍhāścobhayataḥ samudrau pūrvapaścimau

Sanskrit only: no published translation is held for this verse.

हिमप्रायस्तु हिमवान् हेमकूटस्तु हेमवान् । तरुणादित्यसंकाशो हैरण्यो निषधः स्मृतः

himaprāyastu himavān hemakūṭastu hemavān / taruṇādityasaṃkāśo hairaṇyo niṣadhaḥ smṛtaḥ

Sanskrit only: no published translation is held for this verse.

चतुर्वर्णः ससौवर्णो मेरुश्चोर्ध्वायतः स्मृतः । वृत्ताकृतिपरीणाहश् चतुरस्रः समुत्थितः

caturvarṇaḥ sasauvarṇo meruścordhvāyataḥ smṛtaḥ / vṛttākṛtiparīṇāhaś caturasraḥ samutthitaḥ

Sanskrit only: no published translation is held for this verse.

नीलश् च वैडूर्यमयः श्वेतः शुक्लो हिरण्मयः । मयूरबर्हवर्णस्तु शातकुंभस् त्रिशृङ्गवान्

nīlaś ca vaiḍūryamayaḥ śvetaḥ śuklo hiraṇmayaḥ / mayūrabarhavarṇastu śātakuṃbhas triśṛṅgavān

Sanskrit only: no published translation is held for this verse.

एवं संक्षेपतः प्रोक्ताः पुनः शृणु गिरीश्वरान् । मन्दरो देवकूटश् च पूर्वस्यां दिशि पर्वतौ

evaṃ saṃkṣepataḥ proktāḥ punaḥ śṛṇu girīśvarān / mandaro devakūṭaś ca pūrvasyāṃ diśi parvatau

Sanskrit only: no published translation is held for this verse.

कैलासो गन्धमादश् च हेमवांश्चैव पर्वतौ । पूर्वतश् चायतावेताव् अर्णवान्तर्व्यवस्थितौ

kailāso gandhamādaś ca hemavāṃścaiva parvatau / pūrvataś cāyatāvetāv arṇavāntarvyavasthitau

Sanskrit only: no published translation is held for this verse.

निषधः पारियात्रश् च द्वावेतौ वरपर्वतौ । यथा पूर्वौ तथा याम्याव् एतौ पश्चिमतः श्रितौ

niṣadhaḥ pāriyātraś ca dvāvetau varaparvatau / yathā pūrvau tathā yāmyāv etau paścimataḥ śritau

Sanskrit only: no published translation is held for this verse.

त्रिशृङ्गो जारुचिश्चैव उत्तरौ वरपर्वतौ । पूर्वतश् चायतावेताव् अर्णवान्तर्व्यवस्थितौ

triśṛṅgo jāruciścaiva uttarau varaparvatau / pūrvataś cāyatāvetāv arṇavāntarvyavasthitau

Sanskrit only: no published translation is held for this verse.

मर्यादापर्वतान् एतान् अष्टावाहुर्मनीषिणः । यो ऽसौ मेरुर्द्विजश्रेष्ठाः प्रांशुः कनकपर्वतः

maryādāparvatān etān aṣṭāvāhurmanīṣiṇaḥ / yo 'sau merurdvijaśreṣṭhāḥ prāṃśuḥ kanakaparvataḥ

Sanskrit only: no published translation is held for this verse.

तस्य पादास्तु चत्वारश् चतुर्दिक्षु नगोत्तमाः । यैर्विष्टब्धा न चलति सप्तद्वीपवती मही

tasya pādāstu catvāraś caturdikṣu nagottamāḥ / yairviṣṭabdhā na calati saptadvīpavatī mahī

Sanskrit only: no published translation is held for this verse.

दशयोजनसाहस्रम् आयामस् तेषु पठ्यते । पूर्वे तु मन्दरो नाम दक्षिणे गन्धमादनः

daśayojanasāhasram āyāmas teṣu paṭhyate / pūrve tu mandaro nāma dakṣiṇe gandhamādanaḥ

Sanskrit only: no published translation is held for this verse.

विपुलः पश्चिमे पार्श्वे सुपार्श्वश्चोत्तरे स्मृतः । महावृक्षाः समुत्पन्नाश् चत्वारो द्वीपकेतवः

vipulaḥ paścime pārśve supārśvaścottare smṛtaḥ / mahāvṛkṣāḥ samutpannāś catvāro dvīpaketavaḥ

Sanskrit only: no published translation is held for this verse.

मन्दरस्य गिरेः शृङ्गे महावृक्षः सकेतुराट् । प्रलम्बशाखाशिखरः कदम्बश् चैत्यपादपः

mandarasya gireḥ śṛṅge mahāvṛkṣaḥ saketurāṭ / pralambaśākhāśikharaḥ kadambaś caityapādapaḥ

Sanskrit only: no published translation is held for this verse.

दक्षिणस्यापि शैलस्य शिखरे देवसेविता । जम्बूः सदा पुण्यफला सदा माल्योपशोभिता

dakṣiṇasyāpi śailasya śikhare devasevitā / jambūḥ sadā puṇyaphalā sadā mālyopaśobhitā

Sanskrit only: no published translation is held for this verse.

सकेतुर् दक्षिणे द्वीपे जम्बूर्लोकेषु विश्रुता । विपुलस्यापि शैलस्य पश्चिमे च महात्मनः

saketur dakṣiṇe dvīpe jambūrlokeṣu viśrutā / vipulasyāpi śailasya paścime ca mahātmanaḥ

Sanskrit only: no published translation is held for this verse.

संजातः शिखरे ऽश्वत्थः स महान् चैत्यपादपः । सुपार्श्वस्योत्तरस्यापि शृङ्गे जातो महाद्रुमः

saṃjātaḥ śikhare 'śvatthaḥ sa mahān caityapādapaḥ / supārśvasyottarasyāpi śṛṅge jāto mahādrumaḥ

Sanskrit only: no published translation is held for this verse.

न्यग्रोधो विपुलस्कन्धो ऽनेकयोजनमण्डलः । तेषां चतुर्णां वक्ष्यामि शैलेन्द्राणां यथाक्रमम्

nyagrodho vipulaskandho 'nekayojanamaṇḍalaḥ / teṣāṃ caturṇāṃ vakṣyāmi śailendrāṇāṃ yathākramam

Sanskrit only: no published translation is held for this verse.

अमानुष्याणि रम्याणि सर्वकालर्तुकानि च । मनोहराणि चत्वारि देवक्रीडनकानि च

amānuṣyāṇi ramyāṇi sarvakālartukāni ca / manoharāṇi catvāri devakrīḍanakāni ca

Sanskrit only: no published translation is held for this verse.

वनानि वै चतुर्दिक्षु नामतस्तु निबोधत । पूर्वे चैत्ररथं नाम दक्षिणे गन्धमादनम्

vanāni vai caturdikṣu nāmatastu nibodhata / pūrve caitrarathaṃ nāma dakṣiṇe gandhamādanam

Sanskrit only: no published translation is held for this verse.

वैभ्राजं पश्चिमे विद्याद् उत्तरे सवितुर्वनम् । मित्रेश्वरं तु पूर्वे तु षष्ठेश्वरम् अतः परम्

vaibhrājaṃ paścime vidyād uttare saviturvanam / mitreśvaraṃ tu pūrve tu ṣaṣṭheśvaram ataḥ param

Sanskrit only: no published translation is held for this verse.

वर्येश्वरं पश्चिमे तु उत्तरे चाम्रकेश्वरम् । महासरांसि च तथा चत्वारि मुनिपुङ्गवाः

varyeśvaraṃ paścime tu uttare cāmrakeśvaram / mahāsarāṃsi ca tathā catvāri munipuṅgavāḥ

Sanskrit only: no published translation is held for this verse.

यत्र क्रीडन्ति मुनयः पर्वतेषु वनेषु च । अरुणोदं सरः पूर्वं दक्षिणं मानसं स्मृतम्

yatra krīḍanti munayaḥ parvateṣu vaneṣu ca / aruṇodaṃ saraḥ pūrvaṃ dakṣiṇaṃ mānasaṃ smṛtam

Sanskrit only: no published translation is held for this verse.

सितोदं पश्चिमसरो महाभद्रं तथोत्तरम् । शाखस्य दक्षिणे क्षेत्रं विशाखस्य च पश्चिमे

sitodaṃ paścimasaro mahābhadraṃ tathottaram / śākhasya dakṣiṇe kṣetraṃ viśākhasya ca paścime

Sanskrit only: no published translation is held for this verse.

उत्तरे नैगमेयस्य कुमारस्य च पूर्वतः । अरुणोदस्य पूर्वेण शैलेन्द्रा नामतः स्मृताः

uttare naigameyasya kumārasya ca pūrvataḥ / aruṇodasya pūrveṇa śailendrā nāmataḥ smṛtāḥ

Sanskrit only: no published translation is held for this verse.

तांस्तु संक्षेपतो वक्ष्ये न शक्यं विस्तरेण तु । सितान्तश् च कुरण्डश् च कुररश्चाचलोत्तमः

tāṃstu saṃkṣepato vakṣye na śakyaṃ vistareṇa tu / sitāntaś ca kuraṇḍaś ca kuraraścācalottamaḥ

Sanskrit only: no published translation is held for this verse.

विकरो मणिशैलश् च वृक्षवांश्चाचलोत्तमः । महानीलो ऽथ रुचकः सबिन्दुर्दर्दुरस् तथा

vikaro maṇiśailaś ca vṛkṣavāṃścācalottamaḥ / mahānīlo 'tha rucakaḥ sabindurdarduras tathā

Sanskrit only: no published translation is held for this verse.

वेणुमांश् च समेघश् च निषधो देवपर्वतः । इत्येते पर्वतवरा ह्य् अन्ये च गिरयस् तथा

veṇumāṃś ca sameghaś ca niṣadho devaparvataḥ / ityete parvatavarā hy anye ca girayas tathā

Sanskrit only: no published translation is held for this verse.

पूर्वेण मन्दरस्यैते सिद्धावासा उदाहृताः । तेषु तेषु गिरीन्द्रेषु गुहासु च वनेषु च

pūrveṇa mandarasyaite siddhāvāsā udāhṛtāḥ / teṣu teṣu girīndreṣu guhāsu ca vaneṣu ca

Sanskrit only: no published translation is held for this verse.

रुद्रक्षेत्राणि दिव्यानि विष्णोर्नारायणस्य च । सरसो मानसस्येह दक्षिणेन महाचलाः

rudrakṣetrāṇi divyāni viṣṇornārāyaṇasya ca / saraso mānasasyeha dakṣiṇena mahācalāḥ

Sanskrit only: no published translation is held for this verse.

ये कीर्त्यमानास्तान्सर्वान् संक्षिप्य प्रवदाम्यहम् । शैलश् च विशिराश्चैव शिखरश्चाचलोत्तमः

ye kīrtyamānāstānsarvān saṃkṣipya pravadāmyaham / śailaś ca viśirāścaiva śikharaścācalottamaḥ

Sanskrit only: no published translation is held for this verse.

एकशृङ्गो महाशूलो गजशैलः पिशाचकः । पञ्चशैलो ऽथ कैलासो हिमवांश्चाचलोत्तमः

ekaśṛṅgo mahāśūlo gajaśailaḥ piśācakaḥ / pañcaśailo 'tha kailāso himavāṃścācalottamaḥ

Sanskrit only: no published translation is held for this verse.

इत्येते देवचरिता उत्कटाः पर्वतोत्तमाः । तेषु तेषु च सर्वेषु पर्वतेषु वनेषु च

ityete devacaritā utkaṭāḥ parvatottamāḥ / teṣu teṣu ca sarveṣu parvateṣu vaneṣu ca

Sanskrit only: no published translation is held for this verse.

रुद्रक्षेत्राणि दिव्यानि स्थापितानि सुरोत्तमैः । दिग्भागे दक्षिणे प्रोक्ताः पश्चिमे च वदामि वः

rudrakṣetrāṇi divyāni sthāpitāni surottamaiḥ / digbhāge dakṣiṇe proktāḥ paścime ca vadāmi vaḥ

Sanskrit only: no published translation is held for this verse.

अपरेण सितोदश् च सुरपश् च महाबलः । कुमुदो मधुमांश्चैव ह्य् अञ्जनो मुकुटस् तथा

apareṇa sitodaś ca surapaś ca mahābalaḥ / kumudo madhumāṃścaiva hy añjano mukuṭas tathā

Sanskrit only: no published translation is held for this verse.

कृष्णश् च पाण्डुरश्चैव सहस्रशिखरश् च यः । पारिजातश् च शैलेन्द्रः श्रीशृङ्गश्चाचलोत्तमः

kṛṣṇaś ca pāṇḍuraścaiva sahasraśikharaś ca yaḥ / pārijātaś ca śailendraḥ śrīśṛṅgaścācalottamaḥ

Sanskrit only: no published translation is held for this verse.

इत्येते देवचरिता उत्कटाः पर्वतोत्तमाः । सर्वे पश्चिमदिग्भागे रुद्रक्षेत्रसमन्विताः

ityete devacaritā utkaṭāḥ parvatottamāḥ / sarve paścimadigbhāge rudrakṣetrasamanvitāḥ

Sanskrit only: no published translation is held for this verse.

महाभद्रस्य सरसश् चोत्तरे च महाबलाः । ये स्थिताः कीर्त्यमानांस्तान् संक्षिप्येह निबोधत

mahābhadrasya sarasaś cottare ca mahābalāḥ / ye sthitāḥ kīrtyamānāṃstān saṃkṣipyeha nibodhata

Sanskrit only: no published translation is held for this verse.

शङ्खकूटो महाशैलो वृषभो हंसपर्वतः । नागश् च कपिलश्चैव इन्द्रशैलश् च सानुमान्

śaṅkhakūṭo mahāśailo vṛṣabho haṃsaparvataḥ / nāgaś ca kapilaścaiva indraśailaś ca sānumān

Sanskrit only: no published translation is held for this verse.

नीलः कण्टकशृङ्गश् च शतशृङ्गश् च पर्वतः । पुष्पकोशः प्रशैलश् च विरजश्चाचलोत्तमः

nīlaḥ kaṇṭakaśṛṅgaś ca śataśṛṅgaś ca parvataḥ / puṣpakośaḥ praśailaś ca virajaścācalottamaḥ

Sanskrit only: no published translation is held for this verse.

वराहपर्वतश्चैव मयूरश्चाचलोत्तमः । जारुधिश्चैव शैलेन्द्र एत उत्तरसंस्थिताः

varāhaparvataścaiva mayūraścācalottamaḥ / jārudhiścaiva śailendra eta uttarasaṃsthitāḥ

Sanskrit only: no published translation is held for this verse.

तेषु शैलेषु दिव्येषु देवदेवस्य शूलिनः । असंख्यातानि दिव्यानि विमानानि सहस्रशः

teṣu śaileṣu divyeṣu devadevasya śūlinaḥ / asaṃkhyātāni divyāni vimānāni sahasraśaḥ

Sanskrit only: no published translation is held for this verse.

एतेषां शैलमुख्यानाम् अन्तरेषु यथाक्रमम् । सन्ति चैवान्तरद्रोण्यः सरांस्युपवनानि च

eteṣāṃ śailamukhyānām antareṣu yathākramam / santi caivāntaradroṇyaḥ sarāṃsyupavanāni ca

Sanskrit only: no published translation is held for this verse.

वसन्ति देवा मुनयः सिद्धाश् च शिवभाविताः । कृतवासाः सपत्नीकाः प्रसादात्परमेष्ठिनः

vasanti devā munayaḥ siddhāś ca śivabhāvitāḥ / kṛtavāsāḥ sapatnīkāḥ prasādātparameṣṭhinaḥ

Sanskrit only: no published translation is held for this verse.

लक्ष्म्याद्यानां बिल्ववने ककुभे कश्यपादयः । तथा तालवने प्रोक्तम् इन्द्रोपेन्द्रोरगात्मनाम्

lakṣmyādyānāṃ bilvavane kakubhe kaśyapādayaḥ / tathā tālavane proktam indropendroragātmanām

Sanskrit only: no published translation is held for this verse.

उदुंबरे कर्दमस्य तथान्येषां महात्मनाम् । विद्याधराणां सिद्धानां पुण्ये त्वाम्रवने शुभे

uduṃbare kardamasya tathānyeṣāṃ mahātmanām / vidyādharāṇāṃ siddhānāṃ puṇye tvāmravane śubhe

Sanskrit only: no published translation is held for this verse.

नागानां सिद्धसंघानां तथा निंबवने स्थितिः । सूर्यस्य किंशुकवने तथा रुद्रगणस्य च

nāgānāṃ siddhasaṃghānāṃ tathā niṃbavane sthitiḥ / sūryasya kiṃśukavane tathā rudragaṇasya ca

Sanskrit only: no published translation is held for this verse.

बीजपूरवने पुण्ये देवाचार्यो व्यवस्थितः । कौमुदे तु वने विष्णु- प्रमुखानां महात्मनाम्

bījapūravane puṇye devācāryo vyavasthitaḥ / kaumude tu vane viṣṇu- pramukhānāṃ mahātmanām

Sanskrit only: no published translation is held for this verse.

स्थलपद्मवनान्तस्थ- न्यग्रोधे ऽशेषभोगिनः । शेषस्त्वशेषजगतां पतिरास्ते ऽतिगर्वितः

sthalapadmavanāntastha- nyagrodhe 'śeṣabhoginaḥ / śeṣastvaśeṣajagatāṃ patirāste 'tigarvitaḥ

Sanskrit only: no published translation is held for this verse.

स एव जगतां कालः पाताले च व्यवस्थितः । विष्णोर्विश्वगुरोर्मूर्तिर् दिव्यः साक्षाद्धलायुधः

sa eva jagatāṃ kālaḥ pātāle ca vyavasthitaḥ / viṣṇorviśvagurormūrtir divyaḥ sākṣāddhalāyudhaḥ

Sanskrit only: no published translation is held for this verse.

शयनं देवदेवस्य स हरेः कङ्कणं विभोः । वने पनसवृक्षाणां सशुक्रा दानवादयः

śayanaṃ devadevasya sa hareḥ kaṅkaṇaṃ vibhoḥ / vane panasavṛkṣāṇāṃ saśukrā dānavādayaḥ

Sanskrit only: no published translation is held for this verse.

किन्नरैरुरगाश्चैव विशाखकवने स्थिताः । मनोहरवने वृक्षाः सर्वकोटिसमन्विताः

kinnarairuragāścaiva viśākhakavane sthitāḥ / manoharavane vṛkṣāḥ sarvakoṭisamanvitāḥ

Sanskrit only: no published translation is held for this verse.

नन्दीश्वरो गणवरैः स्तूयमानो व्यवस्थितः । संतानकस्थलीमध्ये साक्षाद्देवी सरस्वती

nandīśvaro gaṇavaraiḥ stūyamāno vyavasthitaḥ / saṃtānakasthalīmadhye sākṣāddevī sarasvatī

Sanskrit only: no published translation is held for this verse.

एवं संक्षेपतः प्रोक्ता वनेषु वनवासिनः । असंख्याता मयाप्यत्र वक्तुं नो विस्तरेण तु

evaṃ saṃkṣepataḥ proktā vaneṣu vanavāsinaḥ / asaṃkhyātā mayāpyatra vaktuṃ no vistareṇa tu

Sanskrit only: no published translation is held for this verse.