Liṅga Purāṇa 1.50

सूत उवाच शितान्तशिखरे शक्रः पारिजातवने शुभे । तस्य प्राच्यां कुमुदाद्रि- कूटो ऽसौ बहुविस्तरः

sūta uvāca śitāntaśikhare śakraḥ pārijātavane śubhe / tasya prācyāṃ kumudādri- kūṭo 'sau bahuvistaraḥ

Sanskrit only: no published translation is held for this verse.

अष्टौ पुराण्युदीर्णानि दानवानां द्विजोत्तमाः । सुवर्णकोटरे पुण्ये राक्षसानां महात्मनाम्

aṣṭau purāṇyudīrṇāni dānavānāṃ dvijottamāḥ / suvarṇakoṭare puṇye rākṣasānāṃ mahātmanām

Sanskrit only: no published translation is held for this verse.

नीलकानां पुराण्याहुर् अष्टषष्टिर्द्विजोत्तमाः । महानीले ऽपि शैलेन्द्रे पुराणि दश पञ्च च

nīlakānāṃ purāṇyāhur aṣṭaṣaṣṭirdvijottamāḥ / mahānīle 'pi śailendre purāṇi daśa pañca ca

Sanskrit only: no published translation is held for this verse.

हयाननानां मुख्यानां किन्नराणां च सुव्रताः । वेणुसौधे महाशैले विद्याधरपुरत्रयम्

hayānanānāṃ mukhyānāṃ kinnarāṇāṃ ca suvratāḥ / veṇusaudhe mahāśaile vidyādharapuratrayam

Sanskrit only: no published translation is held for this verse.

वैकुण्ठे गरुडः श्रीमान् करञ्जे नीललोहितः । वसुधारे वसूनां तु निवासः परिकीर्तितः

vaikuṇṭhe garuḍaḥ śrīmān karañje nīlalohitaḥ / vasudhāre vasūnāṃ tu nivāsaḥ parikīrtitaḥ

Sanskrit only: no published translation is held for this verse.

रत्नधारे गिरिवरे सप्तर्षीणां महात्मनाम् । सप्तस्थानानि पुण्यानि सिद्धावासयुतानि च

ratnadhāre girivare saptarṣīṇāṃ mahātmanām / saptasthānāni puṇyāni siddhāvāsayutāni ca

Sanskrit only: no published translation is held for this verse.

महत्प्रजापतेः स्थानम् एकशृङ्गे नगोत्तमे । गजशैले तु दुर्गाद्याः सुमेधे वसवस् तथा

mahatprajāpateḥ sthānam ekaśṛṅge nagottame / gajaśaile tu durgādyāḥ sumedhe vasavas tathā

Sanskrit only: no published translation is held for this verse.

आदित्याश् च तथा रुद्राः कृतावासास्तथाश्विनौ । अशीतिर्देवपुर्यस्तु हेमकक्षे नगोत्तमे

ādityāś ca tathā rudrāḥ kṛtāvāsāstathāśvinau / aśītirdevapuryastu hemakakṣe nagottame

Sanskrit only: no published translation is held for this verse.

सुनीले रक्षसां वासाः पञ्चकोटिशतानि च । पञ्चकूटे पुराण्यासन् पञ्चकोटिप्रमाणतः

sunīle rakṣasāṃ vāsāḥ pañcakoṭiśatāni ca / pañcakūṭe purāṇyāsan pañcakoṭipramāṇataḥ

Sanskrit only: no published translation is held for this verse.

शतशृङ्गे पुरशतं यक्षाणाममितौजसाम् । ताम्राभे काद्रवेयाणां विशाखे तु गुहस्य वै

śataśṛṅge puraśataṃ yakṣāṇāmamitaujasām / tāmrābhe kādraveyāṇāṃ viśākhe tu guhasya vai

Sanskrit only: no published translation is held for this verse.

श्वेतोदरे मुनिश्रेष्ठाः सुपर्णस्य महात्मनः । पिशाचके कुबेरस्य हरिकूटे हरेर्गृहम्

śvetodare muniśreṣṭhāḥ suparṇasya mahātmanaḥ / piśācake kuberasya harikūṭe harergṛham

Sanskrit only: no published translation is held for this verse.

कुमुदे किंनरावासस् त्व् अञ्जने चारणालयः । कृष्णे गन्धर्वनिलयः पाण्डुरे पुरसप्तकम्

kumude kiṃnarāvāsas tv añjane cāraṇālayaḥ / kṛṣṇe gandharvanilayaḥ pāṇḍure purasaptakam

Sanskrit only: no published translation is held for this verse.

विद्याधराणां विप्रेन्द्रा विश्वभोगसमन्वितम् । सहस्रशिखरे शैले दैत्यानामुग्रकर्मणाम्

vidyādharāṇāṃ viprendrā viśvabhogasamanvitam / sahasraśikhare śaile daityānāmugrakarmaṇām

Sanskrit only: no published translation is held for this verse.

पुराणां तु सहस्राणि सप्त शक्रारिणां द्विजाः । मुकुटे पन्नगावासः पुष्पकेतौ मुनीश्वराः

purāṇāṃ tu sahasrāṇi sapta śakrāriṇāṃ dvijāḥ / mukuṭe pannagāvāsaḥ puṣpaketau munīśvarāḥ

Sanskrit only: no published translation is held for this verse.

वैवस्वतस्य सोमस्य वायोर्नागाधिपस्य च । तक्षके चैव शैलेन्द्रे चत्वार्यायतनानि च

vaivasvatasya somasya vāyornāgādhipasya ca / takṣake caiva śailendre catvāryāyatanāni ca

Sanskrit only: no published translation is held for this verse.

ब्रह्मेन्द्रविष्णुरुद्राणां गुहस्य च महात्मनः । कुबेरस्य च सोमस्य तथान्येषां महात्मनाम्

brahmendraviṣṇurudrāṇāṃ guhasya ca mahātmanaḥ / kuberasya ca somasya tathānyeṣāṃ mahātmanām

Sanskrit only: no published translation is held for this verse.

सन्त्यायतनमुख्यानि मर्यादापर्वतेष्वपि । श्रीकण्ठाद्रिगुहावासी सर्वावासः सहोमया

santyāyatanamukhyāni maryādāparvateṣvapi / śrīkaṇṭhādriguhāvāsī sarvāvāsaḥ sahomayā

Sanskrit only: no published translation is held for this verse.

श्रीकण्ठस्याधिपत्यं वै सर्वदेवेश्वरस्य च । अण्डस्यास्य प्रवृत्तिस्तु श्रीकण्ठेन न संशयः

śrīkaṇṭhasyādhipatyaṃ vai sarvadeveśvarasya ca / aṇḍasyāsya pravṛttistu śrīkaṇṭhena na saṃśayaḥ

Sanskrit only: no published translation is held for this verse.

अनन्तेशादयस्त्वेवं प्रत्येकं चाण्डपालकाः । चक्रवर्तिन इत्युक्तास् ततो विद्येश्वरास्त्विह

ananteśādayastvevaṃ pratyekaṃ cāṇḍapālakāḥ / cakravartina ityuktās tato vidyeśvarāstviha

Sanskrit only: no published translation is held for this verse.

श्रीकण्ठाधिष्ठितान्यत्र स्थानानि च समासतः । मर्यादापर्वतेष्वद्य शृण्वन्तु प्रवदाम्य् अहम्

śrīkaṇṭhādhiṣṭhitānyatra sthānāni ca samāsataḥ / maryādāparvateṣvadya śṛṇvantu pravadāmy aham

Sanskrit only: no published translation is held for this verse.

श्रीकण्ठाधिष्ठितं विश्वं चराचरमिदं जगत् । कालाग्निशिवपर्यन्तं कथं वक्ष्ये सविस्तरम्

śrīkaṇṭhādhiṣṭhitaṃ viśvaṃ carācaramidaṃ jagat / kālāgniśivaparyantaṃ kathaṃ vakṣye savistaram

Sanskrit only: no published translation is held for this verse.