Liṅga Purāṇa 1.51

सूत उवाच देवकूटे गिरौ मध्ये महाकूटे सुशोभने । हेमवैडूर्यमाणिक्य- नीलगोमेदकान्तिभिः

sūta uvāca devakūṭe girau madhye mahākūṭe suśobhane / hemavaiḍūryamāṇikya- nīlagomedakāntibhiḥ

Sanskrit only: no published translation is held for this verse.

तथान्यैर्मणिमुख्यैश् च निर्मिते निर्मले शुभे । शाखाशतसहस्राढ्ये सर्वद्रुमविभूषिते

tathānyairmaṇimukhyaiś ca nirmite nirmale śubhe / śākhāśatasahasrāḍhye sarvadrumavibhūṣite

Sanskrit only: no published translation is held for this verse.

चम्पकाशोकपुंनाग- वकुलासनमण्डिते । पारिजातकसम्पूर्णे नानापक्षिगणान्विते

campakāśokapuṃnāga- vakulāsanamaṇḍite / pārijātakasampūrṇe nānāpakṣigaṇānvite

Sanskrit only: no published translation is held for this verse.

नैकधातुशतैश्चित्रे विचित्रकुसुमाकुले । नितम्बपुष्पसालम्बेनैकसत्त्वगणान्विते

naikadhātuśataiścitre vicitrakusumākule / nitambapuṣpasālambenaikasattvagaṇānvite

Sanskrit only: no published translation is held for this verse.

विमलस्वादुपानीयेनैकप्रस्रवणैर्युते । निर्झरैः कुसुमाकीर्णैर् अनेकैश् च विभूषिते

vimalasvādupānīyenaikaprasravaṇairyute / nirjharaiḥ kusumākīrṇair anekaiś ca vibhūṣite

Sanskrit only: no published translation is held for this verse.

पुष्पोडुपवहाभिश् च स्रवन्तीभिर् अलंकृते । स्निग्धवर्णं महामूलम् अनेकस्कन्धपादपम्

puṣpoḍupavahābhiś ca sravantībhir alaṃkṛte / snigdhavarṇaṃ mahāmūlam anekaskandhapādapam

Sanskrit only: no published translation is held for this verse.

रम्यं ह्यविरलच्छायं दशयोजनमण्डलम् । तत्र भूतवनं नाम नानाभूतगणालयम्

ramyaṃ hyaviralacchāyaṃ daśayojanamaṇḍalam / tatra bhūtavanaṃ nāma nānābhūtagaṇālayam

Sanskrit only: no published translation is held for this verse.

महादेवस्य देवस्य शङ्करस्य महात्मनः । दीप्तमायतनं तत्र महामणिविभूषितम्

mahādevasya devasya śaṅkarasya mahātmanaḥ / dīptamāyatanaṃ tatra mahāmaṇivibhūṣitam

Sanskrit only: no published translation is held for this verse.

हेमप्राकारसंयुक्तं मणितोरणमण्डितम् । स्फाटिकैश् च विचित्रैश् च गोपुरैश् च समन्वितम्

hemaprākārasaṃyuktaṃ maṇitoraṇamaṇḍitam / sphāṭikaiś ca vicitraiś ca gopuraiś ca samanvitam

Sanskrit only: no published translation is held for this verse.

सिंहासनैर्मणिमयैः शुभास्तरणसंयुतैः । क्षितावितस्ततः सम्यक् शर्वेणाधिष्ठितैः शुभैः

siṃhāsanairmaṇimayaiḥ śubhāstaraṇasaṃyutaiḥ / kṣitāvitastataḥ samyak śarveṇādhiṣṭhitaiḥ śubhaiḥ

Sanskrit only: no published translation is held for this verse.

अम्लानमालानिचितैर् नानावर्णैर् गृहोत्तमैः । मण्डपैः सुविचित्रैस् तु स्फाटिकस्तम्भसंयुतैः

amlānamālānicitair nānāvarṇair gṛhottamaiḥ / maṇḍapaiḥ suvicitrais tu sphāṭikastambhasaṃyutaiḥ

Sanskrit only: no published translation is held for this verse.

संयुतं सर्वभूतेन्द्रैर् ब्रह्मेन्द्रोपेन्द्रपूजितैः । वराहगजसिंहर्क्ष- शार्दूलकरभाननैः

saṃyutaṃ sarvabhūtendrair brahmendropendrapūjitaiḥ / varāhagajasiṃharkṣa- śārdūlakarabhānanaiḥ

Sanskrit only: no published translation is held for this verse.

गृध्रोलूकमुखैश्चान्यैर् मृगोष्ट्राजमुखैरपि । प्रमथैर्विविधैः स्थूलैर् गिरिकूटोपमैः शुभैः

gṛdhrolūkamukhaiścānyair mṛgoṣṭrājamukhairapi / pramathairvividhaiḥ sthūlair girikūṭopamaiḥ śubhaiḥ

Sanskrit only: no published translation is held for this verse.

करालैर्हरिकेशैश् च रोमशैश् च महाभुजैः । नानावर्णाकृतिधरैर् नानासंस्थानसंस्थितैः

karālairharikeśaiś ca romaśaiś ca mahābhujaiḥ / nānāvarṇākṛtidharair nānāsaṃsthānasaṃsthitaiḥ

Sanskrit only: no published translation is held for this verse.

दीप्तास्यैर् दीप्तचरितैर् नन्दीश्वरमुखैः शुभैः । ब्रह्मेन्द्रविष्णुसंकाशैर् अणिमादिगुणान्वितैः

dīptāsyair dīptacaritair nandīśvaramukhaiḥ śubhaiḥ / brahmendraviṣṇusaṃkāśair aṇimādiguṇānvitaiḥ

Sanskrit only: no published translation is held for this verse.

अशून्यममरैर्नित्यं महापरिषदैस् तथा । तत्र भूतपतेर्देवाः पूजां नित्यं प्रयुञ्जते

aśūnyamamarairnityaṃ mahāpariṣadais tathā / tatra bhūtapaterdevāḥ pūjāṃ nityaṃ prayuñjate

Sanskrit only: no published translation is held for this verse.

झर्झरैः शङ्खपटहैर् भेरीडिण्डिमगोमुखैः । ललितावसितोद्गीतैर् वृत्तवल्गितगर्जितैः

jharjharaiḥ śaṅkhapaṭahair bherīḍiṇḍimagomukhaiḥ / lalitāvasitodgītair vṛttavalgitagarjitaiḥ

Sanskrit only: no published translation is held for this verse.

पूजितो वै महादेवः प्रमथैः प्रमथेश्वरः । सिद्धर्षिदेवगन्धर्वैर् ब्रह्मणा च महात्मना

pūjito vai mahādevaḥ pramathaiḥ pramatheśvaraḥ / siddharṣidevagandharvair brahmaṇā ca mahātmanā

Sanskrit only: no published translation is held for this verse.

उपेन्द्रप्रमुखैश्चान्यैः पूजितस्तत्र शंकरः । विभक्तचारुशिखरं यत्र तच्छङ्खवर्चसम्

upendrapramukhaiścānyaiḥ pūjitastatra śaṃkaraḥ / vibhaktacāruśikharaṃ yatra tacchaṅkhavarcasam

Sanskrit only: no published translation is held for this verse.

<कैलास> कैलासो यक्षराजस्य कुबेरस्य महात्मनः । निवासः कोटियक्षाणां तथान्येषां महात्मनाम्

<Kailāsa> kailāso yakṣarājasya kuberasya mahātmanaḥ / nivāsaḥ koṭiyakṣāṇāṃ tathānyeṣāṃ mahātmanām

Sanskrit only: no published translation is held for this verse.

तत्रापि देवदेवस्य भवस्यायतनं महत् । तस्मिन्नायतने सोमः सदास्ते सगणो हरः

tatrāpi devadevasya bhavasyāyatanaṃ mahat / tasminnāyatane somaḥ sadāste sagaṇo haraḥ

Sanskrit only: no published translation is held for this verse.

यत्र मन्दाकिनी नाम नलिनी विपुलोदका । सुवर्णमणिसोपाना कुबेरशिखरे शुभे

yatra mandākinī nāma nalinī vipulodakā / suvarṇamaṇisopānā kuberaśikhare śubhe

Sanskrit only: no published translation is held for this verse.

जांबूनदमयैः पद्मैर् गन्धस्पर्शगुणान्वितैः । नीलवैडूर्यपत्रैश् च गन्धोपेतैर्महोत्पलैः

jāṃbūnadamayaiḥ padmair gandhasparśaguṇānvitaiḥ / nīlavaiḍūryapatraiś ca gandhopetairmahotpalaiḥ

Sanskrit only: no published translation is held for this verse.

तथा कुमुदषण्डैश् च महापद्मैर् अलंकृता । यक्षगन्धर्वनारीभिर् अप्सरोभिश् च सेविता

tathā kumudaṣaṇḍaiś ca mahāpadmair alaṃkṛtā / yakṣagandharvanārībhir apsarobhiś ca sevitā

Sanskrit only: no published translation is held for this verse.

देवदानवगन्धर्वैर् यक्षराक्षसकिन्नरैः । उपस्पृष्टजला पुण्या नदी मन्दाकिनी शुभा

devadānavagandharvair yakṣarākṣasakinnaraiḥ / upaspṛṣṭajalā puṇyā nadī mandākinī śubhā

Sanskrit only: no published translation is held for this verse.

तस्याश्चोत्तरपार्श्वे तु भवस्यायतनं शुभम् । वैडूर्यमणिसम्पन्नं तत्रास्ते शङ्करो ऽव्ययः

tasyāścottarapārśve tu bhavasyāyatanaṃ śubham / vaiḍūryamaṇisampannaṃ tatrāste śaṅkaro 'vyayaḥ

Sanskrit only: no published translation is held for this verse.

द्विजाः कनकनन्दायास् तीरे वै प्राचि दक्षिणे । वनं द्विजसहस्राढ्यं मृगपक्षिसमाकुलम्

dvijāḥ kanakanandāyās tīre vai prāci dakṣiṇe / vanaṃ dvijasahasrāḍhyaṃ mṛgapakṣisamākulam

Sanskrit only: no published translation is held for this verse.

तत्रापि सगणः साम्बः क्रीडते ऽद्रिसमे गृहे । नन्दायाः पश्चिमे तीरे किंचिद् वै दक्षिणाश्रिते

tatrāpi sagaṇaḥ sāmbaḥ krīḍate 'drisame gṛhe / nandāyāḥ paścime tīre kiṃcid vai dakṣiṇāśrite

Sanskrit only: no published translation is held for this verse.

पुरं रुद्रपुरी नाम नानाप्रासादसंकुलम् । तत्रापि शतधा कृत्वा ह्य् आत्मानं चाम्बया सह

puraṃ rudrapurī nāma nānāprāsādasaṃkulam / tatrāpi śatadhā kṛtvā hy ātmānaṃ cāmbayā saha

Sanskrit only: no published translation is held for this verse.

क्रीडते सगणः साम्बस् तच्छिवालयम् उच्यते । एवं शतसहस्राणि शर्वस्यायतनानि तु

krīḍate sagaṇaḥ sāmbas tacchivālayam ucyate / evaṃ śatasahasrāṇi śarvasyāyatanāni tu

Sanskrit only: no published translation is held for this verse.

प्रतिद्वीपे मुनिश्रेष्ठाः पर्वतेषु वनेषु च । नदीनदतटाकानां तीरेष्वर्णवसंधिषु

pratidvīpe muniśreṣṭhāḥ parvateṣu vaneṣu ca / nadīnadataṭākānāṃ tīreṣvarṇavasaṃdhiṣu

Sanskrit only: no published translation is held for this verse.