Library·Liṅga Purāṇa·1·1.52
सूत उवाच नद्यश् च बहवः प्रोक्ताः सदा बहुजलाः शुभाः । सरोवरेभ्यः सम्भूतास् त्व् असंख्याता द्विजोत्तमाः
sūta uvāca nadyaś ca bahavaḥ proktāḥ sadā bahujalāḥ śubhāḥ / sarovarebhyaḥ sambhūtās tv asaṃkhyātā dvijottamāḥ
Sanskrit only: no published translation is held for this verse.
प्राङ्मुखा दक्षिणास्यास्तु चोत्तरप्रभवाः शुभाः । पश्चिमाग्राः पवित्राश् च प्रतिवर्षं प्रकीर्तिताः
prāṅmukhā dakṣiṇāsyāstu cottaraprabhavāḥ śubhāḥ / paścimāgrāḥ pavitrāś ca prativarṣaṃ prakīrtitāḥ
Sanskrit only: no published translation is held for this verse.
आकाशांभोनिधिर् यो ऽसौ सोम इत्यभिधीयते । आधारः सर्वभूतानां देवानाममृताकरः
ākāśāṃbhonidhir yo 'sau soma ityabhidhīyate / ādhāraḥ sarvabhūtānāṃ devānāmamṛtākaraḥ
Sanskrit only: no published translation is held for this verse.
अस्मात्प्रवृत्ता पुण्योदा नदी त्वाकाशगामिनी । सप्तमेनानिलपथा प्रवृत्ता चामृतोदका
asmātpravṛttā puṇyodā nadī tvākāśagāminī / saptamenānilapathā pravṛttā cāmṛtodakā
Sanskrit only: no published translation is held for this verse.
सा ज्योतींष्यनुवर्तन्ती ज्योतिर्गणनिषेविता । ताराकोटिसहस्राणां नभसश् च समायुता
sā jyotīṃṣyanuvartantī jyotirgaṇaniṣevitā / tārākoṭisahasrāṇāṃ nabhasaś ca samāyutā
Sanskrit only: no published translation is held for this verse.
परिवर्तत्यहरहो यथा सोमस्तथैव सा । चत्वार्यशीतिश् च तथा सहस्राणां समुच्छ्रितः
parivartatyaharaho yathā somastathaiva sā / catvāryaśītiś ca tathā sahasrāṇāṃ samucchritaḥ
Sanskrit only: no published translation is held for this verse.
योजनानां महामेरुः श्रीकण्ठाक्रीडकोमलः । तत्रासीनो यतः शर्वः साम्बः सह गणेश्वरैः
yojanānāṃ mahāmeruḥ śrīkaṇṭhākrīḍakomalaḥ / tatrāsīno yataḥ śarvaḥ sāmbaḥ saha gaṇeśvaraiḥ
Sanskrit only: no published translation is held for this verse.
क्रीडते सुचिरं कालं तस्मात्पुण्यजला शिवा । गिरिं मेरुं नदी पुण्या सा प्रयाति प्रदक्षिणम्
krīḍate suciraṃ kālaṃ tasmātpuṇyajalā śivā / giriṃ meruṃ nadī puṇyā sā prayāti pradakṣiṇam
Sanskrit only: no published translation is held for this verse.
विभज्यमानसलिला सा जवेनानिलेन च । मेरोरन्तरकूटेषु निपपात चतुर्ष्वपि
vibhajyamānasalilā sā javenānilena ca / merorantarakūṭeṣu nipapāta caturṣvapi
Sanskrit only: no published translation is held for this verse.
समन्तात्समतिक्रम्य सर्वाद्रीन्प्रविभागशः । नियोगाद्देवदेवस्य प्रविष्टा सा महार्णवम्
samantātsamatikramya sarvādrīnpravibhāgaśaḥ / niyogāddevadevasya praviṣṭā sā mahārṇavam
Sanskrit only: no published translation is held for this verse.
अस्या विनिर्गता नद्यः शतशो ऽथ सहस्रशः । सर्वद्वीपाद्रिवर्षेषु बहवः परिकीर्तिताः
asyā vinirgatā nadyaḥ śataśo 'tha sahasraśaḥ / sarvadvīpādrivarṣeṣu bahavaḥ parikīrtitāḥ
Sanskrit only: no published translation is held for this verse.
क्षुद्रनद्यस्त्वसंख्याता गङ्गा यद्गाङ्गताम्बरात् । केतुमाले नराः कालाः सर्वे पनसभोजनाः
kṣudranadyastvasaṃkhyātā gaṅgā yadgāṅgatāmbarāt / ketumāle narāḥ kālāḥ sarve panasabhojanāḥ
Sanskrit only: no published translation is held for this verse.
स्त्रियश्चोत्पलवर्णाभा जीवितं चायुतं स्मृतम् । भद्राश्वे शुक्लवर्णाश् च स्त्रियश्चन्द्रांशुसंनिभाः
striyaścotpalavarṇābhā jīvitaṃ cāyutaṃ smṛtam / bhadrāśve śuklavarṇāś ca striyaścandrāṃśusaṃnibhāḥ
Sanskrit only: no published translation is held for this verse.
कालाम्रभोजनाः सर्वे निरातङ्का रतिप्रियाः । दशवर्षसहस्राणि जीवन्ति शिवभाविताः
kālāmrabhojanāḥ sarve nirātaṅkā ratipriyāḥ / daśavarṣasahasrāṇi jīvanti śivabhāvitāḥ
Sanskrit only: no published translation is held for this verse.
हिरण्मया इवात्यर्थम् ईश्वरार्पितचेतसः । तथा रमणके जीवा न्यग्रोधफलभोजनाः
hiraṇmayā ivātyartham īśvarārpitacetasaḥ / tathā ramaṇake jīvā nyagrodhaphalabhojanāḥ
Sanskrit only: no published translation is held for this verse.
दशवर्षसहस्राणि शतानि दशपञ्च च । जीवन्ति शुक्लास्ते सर्वे शिवध्यानपरायणाः
daśavarṣasahasrāṇi śatāni daśapañca ca / jīvanti śuklāste sarve śivadhyānaparāyaṇāḥ
Sanskrit only: no published translation is held for this verse.
हैरण्मया महाभागा हिरण्मयवनाश्रयाः । एकादश सहस्राणि शतानि दशपञ्च च
hairaṇmayā mahābhāgā hiraṇmayavanāśrayāḥ / ekādaśa sahasrāṇi śatāni daśapañca ca
Sanskrit only: no published translation is held for this verse.
वर्षाणां तत्र जीवन्ति अश्वत्थाशनजीवनाः । हैरण्मया इवात्यर्थम् ईश्वरार्पितमानसाः
varṣāṇāṃ tatra jīvanti aśvatthāśanajīvanāḥ / hairaṇmayā ivātyartham īśvarārpitamānasāḥ
Sanskrit only: no published translation is held for this verse.
कुरुवर्षे तु कुरवः स्वर्गलोकात् परिच्युताः । सर्वे मैथुनजाताश् च क्षीरिणः क्षीरभोजनाः
kuruvarṣe tu kuravaḥ svargalokāt paricyutāḥ / sarve maithunajātāś ca kṣīriṇaḥ kṣīrabhojanāḥ
Sanskrit only: no published translation is held for this verse.
अन्योन्यमनुरक्ताश् च चक्रवाकसधर्मिणः । अनामया ह्यशोकाश् च नित्यं सुखनिषेविणः
anyonyamanuraktāś ca cakravākasadharmiṇaḥ / anāmayā hyaśokāś ca nityaṃ sukhaniṣeviṇaḥ
Sanskrit only: no published translation is held for this verse.
त्रयोदशसहस्राणि शतानि दशपञ्च च । जीवन्ति ते महावीर्या न चान्यस्त्रीनिषेविणः
trayodaśasahasrāṇi śatāni daśapañca ca / jīvanti te mahāvīryā na cānyastrīniṣeviṇaḥ
Sanskrit only: no published translation is held for this verse.
सहैव मरणं तेषां कुरूणां स्वर्गवासिनाम् । हृष्टानां सुप्रवृद्धानां सर्वान्नामृतभोजिनाम्
sahaiva maraṇaṃ teṣāṃ kurūṇāṃ svargavāsinām / hṛṣṭānāṃ supravṛddhānāṃ sarvānnāmṛtabhojinām
Sanskrit only: no published translation is held for this verse.
सदा तु चन्द्रकान्तानां सदा यौवनशालिनाम् । श्यामाङ्गानां सदा सर्व- भूषणास्पददेहिनाम्
sadā tu candrakāntānāṃ sadā yauvanaśālinām / śyāmāṅgānāṃ sadā sarva- bhūṣaṇāspadadehinām
Sanskrit only: no published translation is held for this verse.
जंबूद्वीपे तु तत्रापि कुरुवर्षं सुशोभनम् । तत्र चन्द्रप्रभं शम्भोर् विमानं चन्द्रमौलिनः
jaṃbūdvīpe tu tatrāpi kuruvarṣaṃ suśobhanam / tatra candraprabhaṃ śambhor vimānaṃ candramaulinaḥ
Sanskrit only: no published translation is held for this verse.
वर्षे तु भारते मर्त्याः पुण्याः कर्मवशायुषः । शतायुषः समाख्याता नानावर्णाल्पदेहिनः
varṣe tu bhārate martyāḥ puṇyāḥ karmavaśāyuṣaḥ / śatāyuṣaḥ samākhyātā nānāvarṇālpadehinaḥ
Sanskrit only: no published translation is held for this verse.
नानादेवार्चने युक्ता नानाकर्मफलाशिनः । नानाज्ञानार्थसम्पन्ना दुर्बलाश्चाल्पभोगिनः
nānādevārcane yuktā nānākarmaphalāśinaḥ / nānājñānārthasampannā durbalāścālpabhoginaḥ
Sanskrit only: no published translation is held for this verse.
इन्द्रद्वीपे तथा केचित् तथैव च कसेरुके । ताम्रद्वीपं गताः केचित् केचिद्देशं गभस्तिमत्
indradvīpe tathā kecit tathaiva ca kaseruke / tāmradvīpaṃ gatāḥ kecit keciddeśaṃ gabhastimat
Sanskrit only: no published translation is held for this verse.
नागद्वीपं तथा सौम्यं गान्धर्वं वारुणं गताः । केचिन्म्लेच्छाः पुलिन्दाश् च नानाजातिसमुद्भवाः
nāgadvīpaṃ tathā saumyaṃ gāndharvaṃ vāruṇaṃ gatāḥ / kecinmlecchāḥ pulindāś ca nānājātisamudbhavāḥ
Sanskrit only: no published translation is held for this verse.
पूर्वे किरातास्तस्यान्ते पश्चिमे यवनाः स्मृताः । ब्राह्मणाः क्षत्रिया वैश्या मध्ये शूद्राश् च सर्वशः
pūrve kirātāstasyānte paścime yavanāḥ smṛtāḥ / brāhmaṇāḥ kṣatriyā vaiśyā madhye śūdrāś ca sarvaśaḥ
Sanskrit only: no published translation is held for this verse.
इज्यायुद्धवणिज्याभिर् वर्तयन्तो व्यवस्थिताः । तेषां संव्यवहारो ऽयं वर्तते ऽत्र परस्परम्
ijyāyuddhavaṇijyābhir vartayanto vyavasthitāḥ / teṣāṃ saṃvyavahāro 'yaṃ vartate 'tra parasparam
Sanskrit only: no published translation is held for this verse.
धर्मार्थकामसंयुक्तो वर्णानां तु स्वकर्मसु । संकल्पश्चाभिमानश् च आश्रमाणां यथाविधि
dharmārthakāmasaṃyukto varṇānāṃ tu svakarmasu / saṃkalpaścābhimānaś ca āśramāṇāṃ yathāvidhi
Sanskrit only: no published translation is held for this verse.
इह स्वर्गापवर्गार्थं प्रवृत्तिर्यत्र मानुषी । तेषां च युगकर्माणि नान्यत्र मुनिपुङ्गवाः
iha svargāpavargārthaṃ pravṛttiryatra mānuṣī / teṣāṃ ca yugakarmāṇi nānyatra munipuṅgavāḥ
Sanskrit only: no published translation is held for this verse.
दशवर्षसहस्राणि स्थितिः किंपुरुषे नृणाम् । सुवर्णवर्णाश् च नराः स्त्रियश्चाप्सरसोपमाः
daśavarṣasahasrāṇi sthitiḥ kiṃpuruṣe nṛṇām / suvarṇavarṇāś ca narāḥ striyaścāpsarasopamāḥ
Sanskrit only: no published translation is held for this verse.
अनामया ह्यशोकाश् च सर्वे ते शिवभाविताः । शुद्धसत्त्वाश् च हेमाभाः सदाराः प्लक्षभोजनाः
anāmayā hyaśokāś ca sarve te śivabhāvitāḥ / śuddhasattvāś ca hemābhāḥ sadārāḥ plakṣabhojanāḥ
Sanskrit only: no published translation is held for this verse.
महारजतसंकाशा हरिवर्षे ऽपि मानवाः । देवलोकाच्च्युताः सर्वे देवाकाराश् च सर्वशः
mahārajatasaṃkāśā harivarṣe 'pi mānavāḥ / devalokāccyutāḥ sarve devākārāś ca sarvaśaḥ
Sanskrit only: no published translation is held for this verse.
हरं यजन्ति सर्वेशं पिबन्तीक्षुरसं शुभम् । न जरा बाधते तेन न च जीर्यन्ति ते नराः
haraṃ yajanti sarveśaṃ pibantīkṣurasaṃ śubham / na jarā bādhate tena na ca jīryanti te narāḥ
Sanskrit only: no published translation is held for this verse.
दशवर्षसहस्राणि तत्र जीवन्ति मानवाः । मध्यमं यन्मया प्रोक्तं नाम्ना वर्षमिलावृतम्
daśavarṣasahasrāṇi tatra jīvanti mānavāḥ / madhyamaṃ yanmayā proktaṃ nāmnā varṣamilāvṛtam
Sanskrit only: no published translation is held for this verse.
न तत्र सूर्यस्तपति न ते जीर्यन्ति मानवाः । चन्द्रसूर्यौ न नक्षत्रं न प्रकाशम् इलावृते
na tatra sūryastapati na te jīryanti mānavāḥ / candrasūryau na nakṣatraṃ na prakāśam ilāvṛte
Sanskrit only: no published translation is held for this verse.
पद्मप्रभाः पद्ममुखाः पद्मपत्त्रनिभेक्षणाः । पद्मपत्त्रसुगन्धाश् च जायन्ते भवभाविताः
padmaprabhāḥ padmamukhāḥ padmapattranibhekṣaṇāḥ / padmapattrasugandhāś ca jāyante bhavabhāvitāḥ
Sanskrit only: no published translation is held for this verse.
जम्बूफलरसाहारा अनिष्पन्दाः सुगन्धिनः । देवलोकागतास्तत्र जायन्ते ह्यजरामराः
jambūphalarasāhārā aniṣpandāḥ sugandhinaḥ / devalokāgatāstatra jāyante hyajarāmarāḥ
Sanskrit only: no published translation is held for this verse.
त्रयोदशसहस्राणि वर्षाणां ते नरोत्तमाः । आयुःप्रमाणं जीवन्ति वर्षे दिव्ये त्विलावृते
trayodaśasahasrāṇi varṣāṇāṃ te narottamāḥ / āyuḥpramāṇaṃ jīvanti varṣe divye tvilāvṛte
Sanskrit only: no published translation is held for this verse.
जंबूफलरसं पीत्वा न जरा बाधते त्विमान् । न क्षुधा न क्लमश्चापि न जनो मृत्युमांस् तथा
jaṃbūphalarasaṃ pītvā na jarā bādhate tvimān / na kṣudhā na klamaścāpi na jano mṛtyumāṃs tathā
Sanskrit only: no published translation is held for this verse.
तत्र जाम्बूनदं नाम कनकं देवभूषणम् । इन्द्रगोपप्रतीकाशं जायते भास्वरं तु तत्
tatra jāmbūnadaṃ nāma kanakaṃ devabhūṣaṇam / indragopapratīkāśaṃ jāyate bhāsvaraṃ tu tat
Sanskrit only: no published translation is held for this verse.
एवं मया समाख्याता नववर्षानुवर्तिनः । वर्णायुर्भोजनाद्यानि संक्षिप्य न तु विस्तरात्
evaṃ mayā samākhyātā navavarṣānuvartinaḥ / varṇāyurbhojanādyāni saṃkṣipya na tu vistarāt
Sanskrit only: no published translation is held for this verse.
हेमकूटे तु गन्धर्वा विज्ञेयाश्चाप्सरोगणाः । सर्वे नागाश् च निषधे शेषवासुकितक्षकाः
hemakūṭe tu gandharvā vijñeyāścāpsarogaṇāḥ / sarve nāgāś ca niṣadhe śeṣavāsukitakṣakāḥ
Sanskrit only: no published translation is held for this verse.
महाबलास् त्रयस्त्रिंशद् रमन्ते याज्ञिकाः सुराः । नीले तु वैडूर्यमये सिद्धा ब्रह्मर्षयो ऽमलाः
mahābalās trayastriṃśad ramante yājñikāḥ surāḥ / nīle tu vaiḍūryamaye siddhā brahmarṣayo 'malāḥ
Sanskrit only: no published translation is held for this verse.
दैत्यानां दानवानां च श्वेतः पर्वत उच्यते । शृङ्गवान् पर्वतश्चैव पितॄणां निलयः सदा
daityānāṃ dānavānāṃ ca śvetaḥ parvata ucyate / śṛṅgavān parvataścaiva pitṝṇāṃ nilayaḥ sadā
Sanskrit only: no published translation is held for this verse.
हिमवान् यक्षमुख्यानां भूतानाम् ईश्वरस्य च । सर्वाद्रिषु महादेवो हरिणा ब्रह्मणांबया
himavān yakṣamukhyānāṃ bhūtānām īśvarasya ca / sarvādriṣu mahādevo hariṇā brahmaṇāṃbayā
Sanskrit only: no published translation is held for this verse.
नन्दिना च गणैश्चैव वर्षेषु च वनेषु च । नीलश्वेतत्रिशृङ्गे च भगवान्नीललोहितः
nandinā ca gaṇaiścaiva varṣeṣu ca vaneṣu ca / nīlaśvetatriśṛṅge ca bhagavānnīlalohitaḥ
Sanskrit only: no published translation is held for this verse.
सिद्धैर्देवैश् च पितृभिर् दृष्टो नित्यं विशेषतः । नीलश् च वैडूर्यमयः श्वेतः शुक्लो हिरण्मयः
siddhairdevaiś ca pitṛbhir dṛṣṭo nityaṃ viśeṣataḥ / nīlaś ca vaiḍūryamayaḥ śvetaḥ śuklo hiraṇmayaḥ
Sanskrit only: no published translation is held for this verse.
मयूरबर्हवर्णस्तु शातकुंभस् त्रिशृङ्गवान् । एते पर्वतराजानो जंबूद्वीपे व्यवस्थिताः
mayūrabarhavarṇastu śātakuṃbhas triśṛṅgavān / ete parvatarājāno jaṃbūdvīpe vyavasthitāḥ
Sanskrit only: no published translation is held for this verse.