Liṅga Purāṇa 1.55

सूत उवाच <छरिओत् ओफ़् सूर्य> सौरं संक्षेपतो वक्ष्ये रथं शशिन एव च । ग्रहाणाम् इतरेषां च यथा गच्छति चाम्बुपः

sūta uvāca <chariot of Sūrya> sauraṃ saṃkṣepato vakṣye rathaṃ śaśina eva ca / grahāṇām itareṣāṃ ca yathā gacchati cāmbupaḥ

Sanskrit only: no published translation is held for this verse.

सौरस्तु ब्रह्मणा सृष्टो रथस्त्वर्थवशेन सः । संवत्सरस्यावयवैः कल्पितश् च द्विजर्षभाः

saurastu brahmaṇā sṛṣṭo rathastvarthavaśena saḥ / saṃvatsarasyāvayavaiḥ kalpitaś ca dvijarṣabhāḥ

Sanskrit only: no published translation is held for this verse.

त्रिनाभिना तु चक्रेण पञ्चारेण समन्वितः । सौवर्णः सर्वदेवानाम् आवासो भास्करस्य तु

trinābhinā tu cakreṇa pañcāreṇa samanvitaḥ / sauvarṇaḥ sarvadevānām āvāso bhāskarasya tu

Sanskrit only: no published translation is held for this verse.

नवयोजनसाहस्रो विस्तारायामतः स्मृतः । द्विगुणो ऽपि रथोपस्थाद् ईषादण्डः प्रमाणतः

navayojanasāhasro vistārāyāmataḥ smṛtaḥ / dviguṇo 'pi rathopasthād īṣādaṇḍaḥ pramāṇataḥ

Sanskrit only: no published translation is held for this verse.

असङ्गैस्तु हयैर्युक्तो यतश्चक्रं ततः स्थितैः । वाजिनस्तस्य वै सप्त छन्दोभिर् निर्मितास्तु ते

asaṅgaistu hayairyukto yataścakraṃ tataḥ sthitaiḥ / vājinastasya vai sapta chandobhir nirmitāstu te

Sanskrit only: no published translation is held for this verse.

चक्रपक्षे निबद्धास्तु ध्रुवे चाक्षः समर्पितः । सहाश्वचक्रो भ्रमते सहाक्षो भ्रमते ध्रुवः

cakrapakṣe nibaddhāstu dhruve cākṣaḥ samarpitaḥ / sahāśvacakro bhramate sahākṣo bhramate dhruvaḥ

Sanskrit only: no published translation is held for this verse.

अक्षः सहैकचक्रेण भ्रमते ऽसौ ध्रुवेरितः । प्रेरको ज्योतिषां धीमान् ध्रुवो वै वातरश्मिभिः

akṣaḥ sahaikacakreṇa bhramate 'sau dhruveritaḥ / prerako jyotiṣāṃ dhīmān dhruvo vai vātaraśmibhiḥ

Sanskrit only: no published translation is held for this verse.

युगाक्षकोटिसम्बद्धौ द्वौ रश्मी स्यन्दनस्य तु । ध्रुवेण भ्रमते रश्मि- निबद्धः स युगाक्षयोः

yugākṣakoṭisambaddhau dvau raśmī syandanasya tu / dhruveṇa bhramate raśmi- nibaddhaḥ sa yugākṣayoḥ

Sanskrit only: no published translation is held for this verse.

भ्रमतो मण्डलानि स्युः खेचरस्य रथस्य तु । युगाक्षकोटी ते तस्य दक्षिणे स्यन्दनस्य हि

bhramato maṇḍalāni syuḥ khecarasya rathasya tu / yugākṣakoṭī te tasya dakṣiṇe syandanasya hi

Sanskrit only: no published translation is held for this verse.

ध्रुवेण प्रगृहीते वै विचक्राश्वे च रज्जुभिः । भ्रमन्तमनुगच्छन्ति ध्रुवं रश्मी च तावुभौ

dhruveṇa pragṛhīte vai vicakrāśve ca rajjubhiḥ / bhramantamanugacchanti dhruvaṃ raśmī ca tāvubhau

Sanskrit only: no published translation is held for this verse.

युगाक्षकोटिस्त्वेतस्य वातोर्मिस्यन्दनस्य तु । कीले सक्ता यथा रज्जुर् भ्रमते सर्वतोदिशम्

yugākṣakoṭistvetasya vātormisyandanasya tu / kīle saktā yathā rajjur bhramate sarvatodiśam

Sanskrit only: no published translation is held for this verse.

भ्राम्यतस्तस्य रश्मी तु मण्डलेषूत्तरायणे । वर्धेते दक्षिणे चैव भ्रमता मण्डलानि तु

bhrāmyatastasya raśmī tu maṇḍaleṣūttarāyaṇe / vardhete dakṣiṇe caiva bhramatā maṇḍalāni tu

Sanskrit only: no published translation is held for this verse.

आकृष्येते यदा ते वै ध्रुवेणाधिष्ठिते तदा । आभ्यन्तरस्थः सूर्यो ऽथ भ्रमते मण्डलानि तु

ākṛṣyete yadā te vai dhruveṇādhiṣṭhite tadā / ābhyantarasthaḥ sūryo 'tha bhramate maṇḍalāni tu

Sanskrit only: no published translation is held for this verse.

अशीतिमण्डलशतं काष्ठयोरन्तरं द्वयोः । ध्रुवेण मुच्यमानाभ्यां रश्मिभ्यां पुनरेव तु

aśītimaṇḍalaśataṃ kāṣṭhayorantaraṃ dvayoḥ / dhruveṇa mucyamānābhyāṃ raśmibhyāṃ punareva tu

Sanskrit only: no published translation is held for this verse.

तथैव बाह्यतः सूर्यो भ्रमते मण्डलानि तु । उद्वेष्टयन् स वेगेन मण्डलानि तु गच्छति

tathaiva bāhyataḥ sūryo bhramate maṇḍalāni tu / udveṣṭayan sa vegena maṇḍalāni tu gacchati

Sanskrit only: no published translation is held for this verse.

देवाश्चैव तथा नित्यं मुनयश् च दिवानिशम् । यजन्ति सततं देवं भास्करं भवमीश्वरम्

devāścaiva tathā nityaṃ munayaś ca divāniśam / yajanti satataṃ devaṃ bhāskaraṃ bhavamīśvaram

Sanskrit only: no published translation is held for this verse.

सरथो ऽधिष्ठितो देवैर् आदित्यैर्मुनिभिस् तथा । गन्धर्वैरप्सरोभिश् च ग्रामणीसर्पराक्षसैः

saratho 'dhiṣṭhito devair ādityairmunibhis tathā / gandharvairapsarobhiś ca grāmaṇīsarparākṣasaiḥ

Sanskrit only: no published translation is held for this verse.

एते वसन्ति वै सूर्ये द्वौ द्वौ मासौ क्रमेण तु । आप्याययन्ति चादित्यं तेजोभिर् भास्करं शिवम्

ete vasanti vai sūrye dvau dvau māsau krameṇa tu / āpyāyayanti cādityaṃ tejobhir bhāskaraṃ śivam

Sanskrit only: no published translation is held for this verse.

ग्रथितैः स्वैर्वचोभिस्तु स्तुवन्ति मुनयो रविम् । गन्धर्वाप्सरसश्चैव नृत्यगेयैरुपासते

grathitaiḥ svairvacobhistu stuvanti munayo ravim / gandharvāpsarasaścaiva nṛtyageyairupāsate

Sanskrit only: no published translation is held for this verse.

ग्रामणीयक्षभूतानि कुर्वते ऽभीषुसंग्रहम् । सर्पा वहन्ति वै सूर्यं यातुधाना अनुयान्ति च

grāmaṇīyakṣabhūtāni kurvate 'bhīṣusaṃgraham / sarpā vahanti vai sūryaṃ yātudhānā anuyānti ca

Sanskrit only: no published translation is held for this verse.

वालखिल्या नयन्त्यस्तं परिवार्योदयाद्रविम् । इत्येते वै वसन्तीह द्वौ द्वौ मासौ दिवाकरे

vālakhilyā nayantyastaṃ parivāryodayādravim / ityete vai vasantīha dvau dvau māsau divākare

Sanskrit only: no published translation is held for this verse.

मधुश् च माधवश्चैव शुक्रश् च शुचिरेव च । नभोनभस्यौ विप्रेन्द्रा इषश्चोर्जस्तथैव च

madhuś ca mādhavaścaiva śukraś ca śucireva ca / nabhonabhasyau viprendrā iṣaścorjastathaiva ca

Sanskrit only: no published translation is held for this verse.

सहःसहस्यौ च तथा तपस्यश् च तपः पुनः । एते द्वादश मासास्तु वर्षं वै मानुषं द्विजाः

sahaḥsahasyau ca tathā tapasyaś ca tapaḥ punaḥ / ete dvādaśa māsāstu varṣaṃ vai mānuṣaṃ dvijāḥ

Sanskrit only: no published translation is held for this verse.

वासन्तिकस् तथा ग्रैष्मः शुभो वै वार्षिकस् तथा । शारदश् च हिमश्चैव शैशिर ऋतवः स्मृताः

vāsantikas tathā graiṣmaḥ śubho vai vārṣikas tathā / śāradaś ca himaścaiva śaiśira ṛtavaḥ smṛtāḥ

Sanskrit only: no published translation is held for this verse.

धातार्यमाथ मित्रश् च वरुणश्चेन्द्र एव च । विवस्वांश्चैव पूषा च पर्जन्यो ऽंशुर् भगस् तथा

dhātāryamātha mitraś ca varuṇaścendra eva ca / vivasvāṃścaiva pūṣā ca parjanyo 'ṃśur bhagas tathā

Sanskrit only: no published translation is held for this verse.

त्वष्टा विष्णुः पुलस्त्यश् च पुलहश्चात्रिरेव च । वसिष्ठश्चाङ्गिराश्चैव भृगुर्बुद्धिमतां वरः

tvaṣṭā viṣṇuḥ pulastyaś ca pulahaścātrireva ca / vasiṣṭhaścāṅgirāścaiva bhṛgurbuddhimatāṃ varaḥ

Sanskrit only: no published translation is held for this verse.

भारद्वाजो गौतमश् च कश्यपश् च क्रतुस् तथा । जमदग्निः कौशिकश् च वासुकिः कङ्कणीकरः

bhāradvājo gautamaś ca kaśyapaś ca kratus tathā / jamadagniḥ kauśikaś ca vāsukiḥ kaṅkaṇīkaraḥ

Sanskrit only: no published translation is held for this verse.

तक्षकश् च तथा नाग एलापत्रस् तथा द्विजाः । शङ्खपालस् तथा चान्यस् त्व् ऐरावत इति स्मृतः

takṣakaś ca tathā nāga elāpatras tathā dvijāḥ / śaṅkhapālas tathā cānyas tv airāvata iti smṛtaḥ

Sanskrit only: no published translation is held for this verse.

धनञ्जयो महापद्मस् तथा कर्कोटकः स्मृतः । कम्बलो ऽश्वतरश्चैव तुम्बुरुर्नारदस् तथा

dhanañjayo mahāpadmas tathā karkoṭakaḥ smṛtaḥ / kambalo 'śvataraścaiva tumbururnāradas tathā

Sanskrit only: no published translation is held for this verse.

हाहा हूहूर्मुनिश्रेष्ठा विश्वावसुरनुत्तमः । उग्रसेनो ऽथ सुरुचिर् अन्यश्चैव परावसुः

hāhā hūhūrmuniśreṣṭhā viśvāvasuranuttamaḥ / ugraseno 'tha surucir anyaścaiva parāvasuḥ

Sanskrit only: no published translation is held for this verse.

चित्रसेनो महातेजाश् चोर्णायुश्चैव सुव्रताः । धृतराष्ट्रः सूर्यवर्चा देवी साक्षात् कृतस्थला

citraseno mahātejāś corṇāyuścaiva suvratāḥ / dhṛtarāṣṭraḥ sūryavarcā devī sākṣāt kṛtasthalā

Sanskrit only: no published translation is held for this verse.

शुभानना शुभश्रोणिर् दिव्या वै पुञ्जिकस्थला । मेनका सहजन्या च प्रम्लोचाथ शुचिस्मिता

śubhānanā śubhaśroṇir divyā vai puñjikasthalā / menakā sahajanyā ca pramlocātha śucismitā

Sanskrit only: no published translation is held for this verse.

अनुम्लोचा घृताची च विश्वाची चोर्वशी तथा । पूर्वचित्तिरिति ख्याता देवी साक्षात्तिलोत्तमा

anumlocā ghṛtācī ca viśvācī corvaśī tathā / pūrvacittiriti khyātā devī sākṣāttilottamā

Sanskrit only: no published translation is held for this verse.

रंभा चाम्भोजवदना रथकृद् ग्रामणीः शुभः । रथौजा रथचित्रश् च सुबाहुर्वै रथस्वनः

raṃbhā cāmbhojavadanā rathakṛd grāmaṇīḥ śubhaḥ / rathaujā rathacitraś ca subāhurvai rathasvanaḥ

Sanskrit only: no published translation is held for this verse.

वरुणश् च तथैवान्यः सुषेणः सेनजिच्छुभः । तार्क्ष्यश्चारिष्टनेमिश् च क्षतजित् सत्यजित्तथा

varuṇaś ca tathaivānyaḥ suṣeṇaḥ senajicchubhaḥ / tārkṣyaścāriṣṭanemiś ca kṣatajit satyajittathā

Sanskrit only: no published translation is held for this verse.

रक्षोहेतिः प्रहेतिश् च पौरुषेयो वधस् तथा । सर्पो व्याघ्रः पुनश्चापो वातो विद्युद्दिवाकरः

rakṣohetiḥ prahetiś ca pauruṣeyo vadhas tathā / sarpo vyāghraḥ punaścāpo vāto vidyuddivākaraḥ

Sanskrit only: no published translation is held for this verse.

ब्रह्मोपेतश् च रक्षेन्द्रो यज्ञोपेतस्तथैव च । एते देवादयः सर्वे वसन्त्यर्के क्रमेण तु

brahmopetaś ca rakṣendro yajñopetastathaiva ca / ete devādayaḥ sarve vasantyarke krameṇa tu

Sanskrit only: no published translation is held for this verse.

स्थानाभिमानिनो ह्येते गणा द्वादश सप्तकाः । धात्रादिविष्णुपर्यन्ता देवा द्वादश कीर्तिताः

sthānābhimānino hyete gaṇā dvādaśa saptakāḥ / dhātrādiviṣṇuparyantā devā dvādaśa kīrtitāḥ

Sanskrit only: no published translation is held for this verse.

आदित्यं परमं भानुं भाभिराप्याययन्ति ते । पुलस्त्याद्याः कौशिकान्ता मुनयो मुनिसत्तमाः

ādityaṃ paramaṃ bhānuṃ bhābhirāpyāyayanti te / pulastyādyāḥ kauśikāntā munayo munisattamāḥ

Sanskrit only: no published translation is held for this verse.

द्वादशैव स्तवैर्भानुं स्तुवन्ति च यथाक्रमम् । नागाश्चाश्वतरान्तास्तु वासुकिप्रमुखाः शुभाः

dvādaśaiva stavairbhānuṃ stuvanti ca yathākramam / nāgāścāśvatarāntāstu vāsukipramukhāḥ śubhāḥ

Sanskrit only: no published translation is held for this verse.

द्वादशैव महादेवं वहन्त्येवं यथाक्रमम् । क्रमेण सूर्यवर्चान्तास् तुम्बुरुप्रमुखाम्बुपम्

dvādaśaiva mahādevaṃ vahantyevaṃ yathākramam / krameṇa sūryavarcāntās tumburupramukhāmbupam

Sanskrit only: no published translation is held for this verse.

गीतैरेनमुपासन्ते गन्धर्वा द्वादशोत्तमाः । कृतस्थलाद्या रंभान्ता दिव्याश्चाप्सरसो रविम्

gītairenamupāsante gandharvā dvādaśottamāḥ / kṛtasthalādyā raṃbhāntā divyāścāpsaraso ravim

Sanskrit only: no published translation is held for this verse.

ताण्डवैः सरसैः सर्वाश् चोपासन्ते यथाक्रमम् । दिव्याः सत्यजिदन्ताश् च ग्रामण्यो रथकृन्मुखाः

tāṇḍavaiḥ sarasaiḥ sarvāś copāsante yathākramam / divyāḥ satyajidantāś ca grāmaṇyo rathakṛnmukhāḥ

Sanskrit only: no published translation is held for this verse.

द्वादशास्य क्रमेणैव कुर्वते ऽभीषुसंग्रहम् । प्रयान्ति यज्ञोपेतान्ता रक्षोहेतिमुखाः सह

dvādaśāsya krameṇaiva kurvate 'bhīṣusaṃgraham / prayānti yajñopetāntā rakṣohetimukhāḥ saha

Sanskrit only: no published translation is held for this verse.

सायुधा द्वादशैवैते राक्षसाश्च यथाक्रमम् । धातार्यमा पुलस्त्यश् च पुलहश् च प्रजापतिः

sāyudhā dvādaśaivaite rākṣasāśca yathākramam / dhātāryamā pulastyaś ca pulahaś ca prajāpatiḥ

Sanskrit only: no published translation is held for this verse.

उरगो वासुकिश्चैव कङ्कणीकश् च तावुभौ । तुम्बुरुर् नारदश्चैव गन्धर्वौ गायतां वरौ

urago vāsukiścaiva kaṅkaṇīkaś ca tāvubhau / tumburur nāradaścaiva gandharvau gāyatāṃ varau

Sanskrit only: no published translation is held for this verse.

कृतस्थलाप्सराश्चैव तथा वै पुञ्जिकस्थला । ग्रामणी रथकृच्चैव रथौजाश्चैव तावुभौ

kṛtasthalāpsarāścaiva tathā vai puñjikasthalā / grāmaṇī rathakṛccaiva rathaujāścaiva tāvubhau

Sanskrit only: no published translation is held for this verse.

रक्षोहेतिः प्रहेतिश् च यातुधानावुदाहृतौ । मधुमाधवयोरेष गणो वसति भास्करे

rakṣohetiḥ prahetiś ca yātudhānāvudāhṛtau / madhumādhavayoreṣa gaṇo vasati bhāskare

Sanskrit only: no published translation is held for this verse.

वसन्ति ग्रीष्मकौ मासौ मित्रश् च वरुणश् च ह । ऋषिरत्रिर्वसिष्ठश् च तक्षको नाग एव च

vasanti grīṣmakau māsau mitraś ca varuṇaś ca ha / ṛṣiratrirvasiṣṭhaś ca takṣako nāga eva ca

Sanskrit only: no published translation is held for this verse.

मेनका सहजन्या च गन्धर्वौ च हाहाहूहूः । सुबाहुनामा ग्रामण्यौ रथचित्रश् च तावुभौ

menakā sahajanyā ca gandharvau ca hāhāhūhūḥ / subāhunāmā grāmaṇyau rathacitraś ca tāvubhau

Sanskrit only: no published translation is held for this verse.

पौरुषेयो वधश्चैव यातुधानावुदाहृतौ । एते वसन्ति वै सूर्ये मासयोः शुचिशुक्रयोः

pauruṣeyo vadhaścaiva yātudhānāvudāhṛtau / ete vasanti vai sūrye māsayoḥ śuciśukrayoḥ

Sanskrit only: no published translation is held for this verse.

ततः सूर्ये पुनश्चान्या निवसन्तीह देवताः । इन्द्रश्चैव विवस्वांश् च अङ्गिरा भृगुरेव च

tataḥ sūrye punaścānyā nivasantīha devatāḥ / indraścaiva vivasvāṃś ca aṅgirā bhṛgureva ca

Sanskrit only: no published translation is held for this verse.

एलापत्रस् तथा सर्पः शङ्खपालश् च तावुभौ । विश्वावसूग्रसेनौ च वरुणश् च रथस्वनः

elāpatras tathā sarpaḥ śaṅkhapālaś ca tāvubhau / viśvāvasūgrasenau ca varuṇaś ca rathasvanaḥ

Sanskrit only: no published translation is held for this verse.

प्रम्लोचा चैव विख्याता अनुम्लोचा च ते उभे । यातुधानास् तथा सर्पो व्याघ्रश्चैव तु तावुभौ

pramlocā caiva vikhyātā anumlocā ca te ubhe / yātudhānās tathā sarpo vyāghraścaiva tu tāvubhau

Sanskrit only: no published translation is held for this verse.

नभोनभस्ययोरेष गणो वसति भास्करे । पर्जन्यश्चैव पूषा च भरद्वाजो ऽथ गौतमः

nabhonabhasyayoreṣa gaṇo vasati bhāskare / parjanyaścaiva pūṣā ca bharadvājo 'tha gautamaḥ

Sanskrit only: no published translation is held for this verse.

धनञ्जय इरावांश् च सुरुचिः सपरावसुः । घृताची चाप्सरःश्रेष्ठा विश्वाची चातिशोभना

dhanañjaya irāvāṃś ca suruciḥ saparāvasuḥ / ghṛtācī cāpsaraḥśreṣṭhā viśvācī cātiśobhanā

Sanskrit only: no published translation is held for this verse.

सेनजिच्च सुषेणश् च सेनानीर् ग्रामणीश् च तौ । आपो वातश् च तावेतौ यातुधानावुभौ स्मृतौ

senajicca suṣeṇaś ca senānīr grāmaṇīś ca tau / āpo vātaś ca tāvetau yātudhānāvubhau smṛtau

Sanskrit only: no published translation is held for this verse.

वसन्त्येते तु वै सूर्ये मास ऊर्ज इषे च ह । हैमन्तिकौ तु द्वौ मासौ वसन्ति च दिवाकरे

vasantyete tu vai sūrye māsa ūrja iṣe ca ha / haimantikau tu dvau māsau vasanti ca divākare

Sanskrit only: no published translation is held for this verse.

अंशुर्भगश् च द्वावेतौ कश्यपश् च क्रतुः सह । भुजङ्गश् च महापद्मः सर्पः कर्कोटकस् तथा

aṃśurbhagaś ca dvāvetau kaśyapaś ca kratuḥ saha / bhujaṅgaś ca mahāpadmaḥ sarpaḥ karkoṭakas tathā

Sanskrit only: no published translation is held for this verse.

चित्रसेनश् च गन्धर्व ऊर्णायुश्चैव तावुभौ । उर्वशी पूर्वचित्तिश् च तथैवाप्सरसावुभे

citrasenaś ca gandharva ūrṇāyuścaiva tāvubhau / urvaśī pūrvacittiś ca tathaivāpsarasāvubhe

Sanskrit only: no published translation is held for this verse.

तार्क्ष्यश्चारिष्टनेमिश् च सेनानीर् ग्रामणीश् च तौ । विद्युद्दिवाकरश्चोभौ यातुधानावुदाहृतौ

tārkṣyaścāriṣṭanemiś ca senānīr grāmaṇīś ca tau / vidyuddivākaraścobhau yātudhānāvudāhṛtau

Sanskrit only: no published translation is held for this verse.

सहे चैव सहस्ये च वसन्त्येते दिवाकरे । ततः शैशिरयोश्चापि मासयोर् निवसन्ति वै

sahe caiva sahasye ca vasantyete divākare / tataḥ śaiśirayoścāpi māsayor nivasanti vai

Sanskrit only: no published translation is held for this verse.

त्वष्टा विष्णुर्जमदग्निर् विश्वामित्रस्तथैव च । काद्रवेयौ तथा नागौ कम्बलाश्वतरावुभौ

tvaṣṭā viṣṇurjamadagnir viśvāmitrastathaiva ca / kādraveyau tathā nāgau kambalāśvatarāvubhau

Sanskrit only: no published translation is held for this verse.

धृतराष्ट्रः सगन्धर्वः सूर्यवर्चास्तथैव च । तिलोत्तमाप्सराश्चैव देवी रंभा मनोहरा

dhṛtarāṣṭraḥ sagandharvaḥ sūryavarcāstathaiva ca / tilottamāpsarāścaiva devī raṃbhā manoharā

Sanskrit only: no published translation is held for this verse.

रथजित्सत्यजिच्चैव ग्रामण्यौ लोकविश्रुतौ । ब्रह्मोपेतस् तथा रक्षो यज्ञोपेतश् च यः स्मृतः

rathajitsatyajiccaiva grāmaṇyau lokaviśrutau / brahmopetas tathā rakṣo yajñopetaś ca yaḥ smṛtaḥ

Sanskrit only: no published translation is held for this verse.

एते देवा वसन्त्यर्के द्वौ द्वौ मासौ क्रमेण तु । स्थानाभिमानिनो ह्येते गणा द्वादश सप्तकाः

ete devā vasantyarke dvau dvau māsau krameṇa tu / sthānābhimānino hyete gaṇā dvādaśa saptakāḥ

Sanskrit only: no published translation is held for this verse.

सूर्यमाप्याययन्त्येते तेजसा तेज उत्तमम् । ग्रथितैः स्वैर्वचोभिस्तु स्तुवन्ति मुनयो रविम्

sūryamāpyāyayantyete tejasā teja uttamam / grathitaiḥ svairvacobhistu stuvanti munayo ravim

Sanskrit only: no published translation is held for this verse.

गन्धर्वाप्सरसश्चैव नृत्यगेयैरुपासते । ग्रामणीयक्षभूतानि कुर्वते ऽभीषुसंग्रहम्

gandharvāpsarasaścaiva nṛtyageyairupāsate / grāmaṇīyakṣabhūtāni kurvate 'bhīṣusaṃgraham

Sanskrit only: no published translation is held for this verse.

सर्पा वहन्ति वै सूर्यं यातुधाना अनुयान्ति वै । वालखिल्या नयन्त्यस्तं परिवार्योदयाद्रविम्

sarpā vahanti vai sūryaṃ yātudhānā anuyānti vai / vālakhilyā nayantyastaṃ parivāryodayādravim

Sanskrit only: no published translation is held for this verse.

एतेषामेव देवानां यथा तेजो यथा तपः । यथायोगं यथामन्त्रं यथाधर्मं यथाबलम्

eteṣāmeva devānāṃ yathā tejo yathā tapaḥ / yathāyogaṃ yathāmantraṃ yathādharmaṃ yathābalam

Sanskrit only: no published translation is held for this verse.

तथा तपत्यसौ सूर्यस् तेषामिद्धस्तु तेजसा । इत्येते वै वसन्तीह द्वौ द्वौ मासौ दिवाकरे

tathā tapatyasau sūryas teṣāmiddhastu tejasā / ityete vai vasantīha dvau dvau māsau divākare

Sanskrit only: no published translation is held for this verse.

ऋषयो देवगन्धर्व- पन्नगाप्सरसां गणाः । ग्रामण्यश् च तथा यक्षा यातुधानाश् च मुख्यतः

ṛṣayo devagandharva- pannagāpsarasāṃ gaṇāḥ / grāmaṇyaś ca tathā yakṣā yātudhānāś ca mukhyataḥ

Sanskrit only: no published translation is held for this verse.

एते तपन्ति वर्षन्ति भान्ति वान्ति सृजन्ति च । भूतानामशुभं कर्म व्यपोहन्तीह कीर्तिताः

ete tapanti varṣanti bhānti vānti sṛjanti ca / bhūtānāmaśubhaṃ karma vyapohantīha kīrtitāḥ

Sanskrit only: no published translation is held for this verse.

मानवानां शुभं ह्येते हरन्ति च दुरात्मनाम् । दुरितं सुप्रचाराणां व्यपोहन्ति क्वचित् क्वचित्

mānavānāṃ śubhaṃ hyete haranti ca durātmanām / duritaṃ supracārāṇāṃ vyapohanti kvacit kvacit

Sanskrit only: no published translation is held for this verse.

विमाने च स्थिता दिव्ये कामगे वातरंहसि । एते सहैव सूर्येण भ्रमन्ति दिवसानुगाः

vimāne ca sthitā divye kāmage vātaraṃhasi / ete sahaiva sūryeṇa bhramanti divasānugāḥ

Sanskrit only: no published translation is held for this verse.

वर्षन्तश् च तपन्तश् च ह्लादयन्तश् च वै द्विजाः । गोपायन्तीह भूतानि सर्वाणि द्यामनुक्षयात्

varṣantaś ca tapantaś ca hlādayantaś ca vai dvijāḥ / gopāyantīha bhūtāni sarvāṇi dyāmanukṣayāt

Sanskrit only: no published translation is held for this verse.

स्थानाभिमानिनाम् एतत् स्थानं मन्वन्तरेषु वै । अतीतानागतानां वै वर्तन्ते सांप्रतं च ये

sthānābhimāninām etat sthānaṃ manvantareṣu vai / atītānāgatānāṃ vai vartante sāṃprataṃ ca ye

Sanskrit only: no published translation is held for this verse.

एते वसन्ति वै सूर्ये सप्तकास्ते चतुर्दश । चतुर्दशसु सर्वेषु गणा मन्वन्तरेष्विह

ete vasanti vai sūrye saptakāste caturdaśa / caturdaśasu sarveṣu gaṇā manvantareṣviha

Sanskrit only: no published translation is held for this verse.

संक्षेपाद्विस्तराच्चैव यथावृत्तं यथाश्रुतम् । कथितं मुनिशार्दूला देवदेवस्य धीमतः

saṃkṣepādvistarāccaiva yathāvṛttaṃ yathāśrutam / kathitaṃ muniśārdūlā devadevasya dhīmataḥ

Sanskrit only: no published translation is held for this verse.

एते देवा वसन्त्यर्के द्वौ द्वौ मासौ क्रमेण तु । स्थानाभिमानिनो ह्येते गणा द्वादश सप्तकाः

ete devā vasantyarke dvau dvau māsau krameṇa tu / sthānābhimānino hyete gaṇā dvādaśa saptakāḥ

Sanskrit only: no published translation is held for this verse.

इत्येष एकचक्रेण सूर्यस्तूर्णं रथेन तु । हरितैरक्षरैरश्वैः सर्पते ऽसौ दिवाकरः

ityeṣa ekacakreṇa sūryastūrṇaṃ rathena tu / haritairakṣarairaśvaiḥ sarpate 'sau divākaraḥ

Sanskrit only: no published translation is held for this verse.

अहोरात्रं रथेनासाव् एकचक्रेण तु भ्रमन् । सप्तद्वीपसमुद्राङ्गां सप्तभिः सर्पते दिवि

ahorātraṃ rathenāsāv ekacakreṇa tu bhraman / saptadvīpasamudrāṅgāṃ saptabhiḥ sarpate divi

Sanskrit only: no published translation is held for this verse.