Liṅga Purāṇa 1.56

सूत उवाच वीथ्याश्रयाणि चरति नक्षत्राणि निशाकरः । त्रिचक्रोभयतो ऽश्वश् च विज्ञेयस्तस्य वै रथः

sūta uvāca vīthyāśrayāṇi carati nakṣatrāṇi niśākaraḥ / tricakrobhayato 'śvaś ca vijñeyastasya vai rathaḥ

Sanskrit only: no published translation is held for this verse.

शतारैश् च त्रिभिश्चक्रैर् युक्तः शुक्लैर्हयोत्तमैः । दशभिस्त्वकृशैर् दिव्यैर् असंगैस् तैर् मनोजवैः

śatāraiś ca tribhiścakrair yuktaḥ śuklairhayottamaiḥ / daśabhistvakṛśair divyair asaṃgais tair manojavaiḥ

Sanskrit only: no published translation is held for this verse.

रथेनानेन देवैश् च पितृभिश्चैव गच्छति । सोमो ह्यम्बुमयैर् गोभिः शुक्लैः शुक्लगभस्तिमान्

rathenānena devaiś ca pitṛbhiścaiva gacchati / somo hyambumayair gobhiḥ śuklaiḥ śuklagabhastimān

Sanskrit only: no published translation is held for this verse.

क्रमते शुक्लपक्षादौ भास्करात्परमास्थितः । आपूर्यते परस्यान्तः सततं दिवसक्रमात्

kramate śuklapakṣādau bhāskarātparamāsthitaḥ / āpūryate parasyāntaḥ satataṃ divasakramāt

Sanskrit only: no published translation is held for this verse.

देवैः पीतं क्षये सोमम् आप्याययति नित्यशः । पीतं पञ्चदशाहं तु रश्मिनैकेन भास्करः

devaiḥ pītaṃ kṣaye somam āpyāyayati nityaśaḥ / pītaṃ pañcadaśāhaṃ tu raśminaikena bhāskaraḥ

Sanskrit only: no published translation is held for this verse.

आपूरयन् सुषुम्नेन भागं भागमनुक्रमात् । इत्येषा सूर्यवीर्येण चन्द्रस्याप्यायिता तनुः

āpūrayan suṣumnena bhāgaṃ bhāgamanukramāt / ityeṣā sūryavīryeṇa candrasyāpyāyitā tanuḥ

Sanskrit only: no published translation is held for this verse.

स पौर्णमास्यां दृश्येत शुक्लः सम्पूर्णमण्डलः । एवमाप्यायितं सोमं शुक्लपक्षे दिनक्रमात्

sa paurṇamāsyāṃ dṛśyeta śuklaḥ sampūrṇamaṇḍalaḥ / evamāpyāyitaṃ somaṃ śuklapakṣe dinakramāt

Sanskrit only: no published translation is held for this verse.

ततो द्वितीयाप्रभृति बहुलस्य चतुर्दशीम् । पिबन्त्यम्बुमयं देवा मधु सौम्यं सुधामृतम्

tato dvitīyāprabhṛti bahulasya caturdaśīm / pibantyambumayaṃ devā madhu saumyaṃ sudhāmṛtam

Sanskrit only: no published translation is held for this verse.

संभृतं त्वर्धमासेन ह्य् अमृतं सूर्यतेजसा । पानार्थममृतं सोमं पौर्णमास्यामुपासते

saṃbhṛtaṃ tvardhamāsena hy amṛtaṃ sūryatejasā / pānārthamamṛtaṃ somaṃ paurṇamāsyāmupāsate

Sanskrit only: no published translation is held for this verse.

एकरात्रिं सुराः सर्वे पितृभिस्त्वृषिभिः सह । सोमस्य कृष्णपक्षादौ भास्कराभिमुखस्य च

ekarātriṃ surāḥ sarve pitṛbhistvṛṣibhiḥ saha / somasya kṛṣṇapakṣādau bhāskarābhimukhasya ca

Sanskrit only: no published translation is held for this verse.

प्रक्षीयन्ते परस्यान्तः पीयमानाः कलाः क्रमात् । त्रयस्त्रिंशच्छताश्चैव त्रयस्त्रिंशत्तथैव च

prakṣīyante parasyāntaḥ pīyamānāḥ kalāḥ kramāt / trayastriṃśacchatāścaiva trayastriṃśattathaiva ca

Sanskrit only: no published translation is held for this verse.

त्रयस्त्रिंशत्सहस्राणि देवाः सोमं पिबन्ति वै । एवं दिनक्रमात्पीते विबुधैस्तु निशाकरे

trayastriṃśatsahasrāṇi devāḥ somaṃ pibanti vai / evaṃ dinakramātpīte vibudhaistu niśākare

Sanskrit only: no published translation is held for this verse.

पीत्वार्धमासं गच्छन्ति अमावास्यां सुरोत्तमाः । पितरश्चोपतिष्ठन्ति अमावास्यां निशाकरम्

pītvārdhamāsaṃ gacchanti amāvāsyāṃ surottamāḥ / pitaraścopatiṣṭhanti amāvāsyāṃ niśākaram

Sanskrit only: no published translation is held for this verse.

ततः पञ्चदशे भागे किंचिच्छिष्टे कलात्मके । अपराह्णे पितृगणा जघन्यं पर्युपासते

tataḥ pañcadaśe bhāge kiṃcicchiṣṭe kalātmake / aparāhṇe pitṛgaṇā jaghanyaṃ paryupāsate

Sanskrit only: no published translation is held for this verse.

पिबन्ति द्विकलं कालं शिष्टा तस्य कला तु या । निसृतं तदमावास्यां गभस्तिभ्यः स्वधामृतम्

pibanti dvikalaṃ kālaṃ śiṣṭā tasya kalā tu yā / nisṛtaṃ tadamāvāsyāṃ gabhastibhyaḥ svadhāmṛtam

Sanskrit only: no published translation is held for this verse.

मासतृप्तिमवाप्याग्र्यां पीत्वा गच्छन्ति ते ऽमृतम् । पितृभिः पीयमानस्य पञ्चदश्यां कला तु या

māsatṛptimavāpyāgryāṃ pītvā gacchanti te 'mṛtam / pitṛbhiḥ pīyamānasya pañcadaśyāṃ kalā tu yā

Sanskrit only: no published translation is held for this verse.

यावत्तु क्षीयते तस्य भागः पञ्चदशस्तु सः । अमावास्यां ततस्तस्या अन्तरा पूर्यते पुनः

yāvattu kṣīyate tasya bhāgaḥ pañcadaśastu saḥ / amāvāsyāṃ tatastasyā antarā pūryate punaḥ

Sanskrit only: no published translation is held for this verse.

वृद्धिक्षयौ वै पक्षादौ षोडश्यां शशिनः स्मृतौ । एवं सूर्यनिमित्तैषा पक्षवृद्धिर्निशाकरे

vṛddhikṣayau vai pakṣādau ṣoḍaśyāṃ śaśinaḥ smṛtau / evaṃ sūryanimittaiṣā pakṣavṛddhirniśākare

Sanskrit only: no published translation is held for this verse.