Library·Liṅga Purāṇa·1·1.58
ऋषय ऊचुः अभ्यषिञ्चत्कथं ब्रह्मा चाधिपत्ये प्रजापतिः । देवदैत्यमुखान् सर्वान् सर्वात्मा वद सांप्रतम्
ṛṣaya ūcuḥ abhyaṣiñcatkathaṃ brahmā cādhipatye prajāpatiḥ / devadaityamukhān sarvān sarvātmā vada sāṃpratam
Sanskrit only: no published translation is held for this verse.
सूत उवाच ग्रहाधिपत्ये भगवान् अभ्यषिञ्चद्दिवाकरम् । ऋक्षाणामोषधीनां च सोमं ब्रह्मा प्रजापतिः
sūta uvāca grahādhipatye bhagavān abhyaṣiñcaddivākaram / ṛkṣāṇāmoṣadhīnāṃ ca somaṃ brahmā prajāpatiḥ
Sanskrit only: no published translation is held for this verse.
अपां च वरुणं देवं धनानां यक्षपुङ्गवम् । आदित्यानां तथा विष्णुं वसूनां पावकं तथा
apāṃ ca varuṇaṃ devaṃ dhanānāṃ yakṣapuṅgavam / ādityānāṃ tathā viṣṇuṃ vasūnāṃ pāvakaṃ tathā
Sanskrit only: no published translation is held for this verse.
प्रजापतीनां दक्षं च मरुतां शक्रमेव च । दैत्यानां दानवानां च प्रह्लादं दैत्यपुङ्गवम्
prajāpatīnāṃ dakṣaṃ ca marutāṃ śakrameva ca / daityānāṃ dānavānāṃ ca prahlādaṃ daityapuṅgavam
Sanskrit only: no published translation is held for this verse.
धर्मं पितॄणाम् अधिपं निरृतिं पिशिताशिनाम् । रुद्रं पशूनां भूतानां नन्दिनं गणनायकम्
dharmaṃ pitṝṇām adhipaṃ nirṛtiṃ piśitāśinām / rudraṃ paśūnāṃ bhūtānāṃ nandinaṃ gaṇanāyakam
Sanskrit only: no published translation is held for this verse.
वीराणां वीरभद्रं च पिशाचानां भयंकरम् । मातॄणां चैव चामुण्डां सर्वदेवनमस्कृताम्
vīrāṇāṃ vīrabhadraṃ ca piśācānāṃ bhayaṃkaram / mātṝṇāṃ caiva cāmuṇḍāṃ sarvadevanamaskṛtām
Sanskrit only: no published translation is held for this verse.
रुद्राणां देवदेवेशं नीललोहितमीश्वरम् । विघ्नानां व्योमजं देवं गजास्यं तु विनायकम्
rudrāṇāṃ devadeveśaṃ nīlalohitamīśvaram / vighnānāṃ vyomajaṃ devaṃ gajāsyaṃ tu vināyakam
Sanskrit only: no published translation is held for this verse.
स्त्रीणां देवीमुमां देवीं वचसां च सरस्वतीम् । विष्णुं मायाविनां चैव स्वात्मानं जगतां तथा
strīṇāṃ devīmumāṃ devīṃ vacasāṃ ca sarasvatīm / viṣṇuṃ māyāvināṃ caiva svātmānaṃ jagatāṃ tathā
Sanskrit only: no published translation is held for this verse.
हिमवन्तं गिरीणां तु नदीनां चैव जाह्नवीम् । समुद्राणां च सर्वेषाम् अधिपं पयसां निधिम्
himavantaṃ girīṇāṃ tu nadīnāṃ caiva jāhnavīm / samudrāṇāṃ ca sarveṣām adhipaṃ payasāṃ nidhim
Sanskrit only: no published translation is held for this verse.
वृक्षाणां चैव चाश्वत्थं प्लक्षं च प्रपितामहः
vṛkṣāṇāṃ caiva cāśvatthaṃ plakṣaṃ ca prapitāmahaḥ
Sanskrit only: no published translation is held for this verse.
गन्धर्वविद्याधरकिन्नराणाम् ईशं पुनश् चित्ररथं चकार । नागाधिपं वासुकिमुग्रवीर्यं सर्पाधिपं तक्षकमुग्रवीर्यम्
gandharvavidyādharakinnarāṇām īśaṃ punaś citrarathaṃ cakāra / nāgādhipaṃ vāsukimugravīryaṃ sarpādhipaṃ takṣakamugravīryam
Sanskrit only: no published translation is held for this verse.
दिग्वारणानामधिपं चकार गजेन्द्रम् ऐरावतम् उग्रवीर्यम् ।* सुपर्णमीशं पततामथाश्वराजानमुच्चैःश्रवसं चकार ॥ लिप् १,५८।१२ ॥* सिंहं मृगाणां वृषभं गवां च मृगाधिपानां शरभं चकार । सेनाधिपानां गुहमप्रमेयं श्रुतिस्मृतीनां लकुलीशमीशम्
digvāraṇānāmadhipaṃ cakāra gajendram airāvatam ugravīryam /* suparṇamīśaṃ patatāmathāśvarājānamuccaiḥśravasaṃ cakāra // LiP 1,58.12 //* siṃhaṃ mṛgāṇāṃ vṛṣabhaṃ gavāṃ ca mṛgādhipānāṃ śarabhaṃ cakāra / senādhipānāṃ guhamaprameyaṃ śrutismṛtīnāṃ lakulīśamīśam
Sanskrit only: no published translation is held for this verse.
अभ्यषिञ्चत्सुधर्माणं तथा शङ्खपदं दिशाम् । केतुमन्तं क्रमेणैव हेमरोमाणमेव च
abhyaṣiñcatsudharmāṇaṃ tathā śaṅkhapadaṃ diśām / ketumantaṃ krameṇaiva hemaromāṇameva ca
Sanskrit only: no published translation is held for this verse.
पृथिव्यां पृथुमीशानं सर्वेषां तु महेश्वरम् । चतुर्मूर्तिषु सर्वज्ञं शङ्करं वृषभध्वजम्
pṛthivyāṃ pṛthumīśānaṃ sarveṣāṃ tu maheśvaram / caturmūrtiṣu sarvajñaṃ śaṅkaraṃ vṛṣabhadhvajam
Sanskrit only: no published translation is held for this verse.
प्रसादाद्भगवाञ्छम्भोश् चाभ्यषिञ्चद्यथाक्रमम् । पुराभिषिच्य पुण्यात्मा रराज भुवनेश्वरः
prasādādbhagavāñchambhoś cābhyaṣiñcadyathākramam / purābhiṣicya puṇyātmā rarāja bhuvaneśvaraḥ
Sanskrit only: no published translation is held for this verse.
एतद्वो विस्तरेणैव कथितं मुनिपुङ्गवाः । अभिषिक्तास्ततस्त्वेते विशिष्टा विश्वयोनिना
etadvo vistareṇaiva kathitaṃ munipuṅgavāḥ / abhiṣiktāstatastvete viśiṣṭā viśvayoninā
Sanskrit only: no published translation is held for this verse.