Liṅga Purāṇa 1.60

सूत उवाच शेषाः पञ्च ग्रहा ज्ञेया ईश्वराः कामचारिणः । पठ्यते चाग्निरादित्य उदकं चन्द्रमाः स्मृतः

sūta uvāca śeṣāḥ pañca grahā jñeyā īśvarāḥ kāmacāriṇaḥ / paṭhyate cāgnirāditya udakaṃ candramāḥ smṛtaḥ

Sanskrit only: no published translation is held for this verse.

शेषाणां प्रकृतिं सम्यग् वक्ष्यमाणां निबोधत । सुरसेनापतिः स्कन्दः पठ्यते ऽङ्गारको ग्रहः

śeṣāṇāṃ prakṛtiṃ samyag vakṣyamāṇāṃ nibodhata / surasenāpatiḥ skandaḥ paṭhyate 'ṅgārako grahaḥ

Sanskrit only: no published translation is held for this verse.

नारायणं बुधं प्राहुर् देवं ज्ञानविदो जनाः । सर्वलोकप्रभुः साक्षाद् यमो लोकप्रभुः स्वयम्

nārāyaṇaṃ budhaṃ prāhur devaṃ jñānavido janāḥ / sarvalokaprabhuḥ sākṣād yamo lokaprabhuḥ svayam

Sanskrit only: no published translation is held for this verse.

महाग्रहो द्विजश्रेष्ठा मन्दगामी शनैश्चरः । देवासुरगुरू द्वौ तु भानुमन्तौ महाग्रहौ

mahāgraho dvijaśreṣṭhā mandagāmī śanaiścaraḥ / devāsuragurū dvau tu bhānumantau mahāgrahau

Sanskrit only: no published translation is held for this verse.

प्रजापतिसुतावुक्तौ ततः शुक्रबृहस्पती । आदित्यमूलमखिलं त्रैलोक्यं नात्र संशयः

prajāpatisutāvuktau tataḥ śukrabṛhaspatī / ādityamūlamakhilaṃ trailokyaṃ nātra saṃśayaḥ

Sanskrit only: no published translation is held for this verse.

भवत्यस्माज्जगत्कृत्स्नं सदेवासुरमानुषम् । रुद्रेन्द्रोपेन्द्रचन्द्राणां विप्रेन्द्राग्निदिवौकसाम्

bhavatyasmājjagatkṛtsnaṃ sadevāsuramānuṣam / rudrendropendracandrāṇāṃ viprendrāgnidivaukasām

Sanskrit only: no published translation is held for this verse.

द्युतिर्द्युतिमतां कृत्स्नं यत्तेजः सर्वलौकिकम् । सर्वात्मा सर्वलोकेशो महादेवः प्रजापतिः

dyutirdyutimatāṃ kṛtsnaṃ yattejaḥ sarvalaukikam / sarvātmā sarvalokeśo mahādevaḥ prajāpatiḥ

Sanskrit only: no published translation is held for this verse.

सूर्य एव त्रिलोकेशो मूलं परमदैवतम् । ततः संजायते सर्वं तत्रैव प्रविलीयते

sūrya eva trilokeśo mūlaṃ paramadaivatam / tataḥ saṃjāyate sarvaṃ tatraiva pravilīyate

Sanskrit only: no published translation is held for this verse.

भावाभावौ हि लोकानाम् आदित्यान्निःसृतौ पुरा । अविज्ञेयो ग्रहो विप्रा दीप्तिमान्सुप्रभो रविः

bhāvābhāvau hi lokānām ādityānniḥsṛtau purā / avijñeyo graho viprā dīptimānsuprabho raviḥ

Sanskrit only: no published translation is held for this verse.

अत्र गच्छन्ति निधनं जायन्ते च पुनः पुनः । क्षणा मुहूर्ता दिवसा निशाः पक्षाश् च कृत्स्नशः

atra gacchanti nidhanaṃ jāyante ca punaḥ punaḥ / kṣaṇā muhūrtā divasā niśāḥ pakṣāś ca kṛtsnaśaḥ

Sanskrit only: no published translation is held for this verse.

मासाः संवत्सरश्चैव ऋतवो ऽथ युगानि च । तदादित्यादृते ह्येषा कालसंख्या न विद्यते

māsāḥ saṃvatsaraścaiva ṛtavo 'tha yugāni ca / tadādityādṛte hyeṣā kālasaṃkhyā na vidyate

Sanskrit only: no published translation is held for this verse.

कालादृते न नियमो न दीक्षा नाह्निकक्रमः । ऋतूनां च विभागश् च पुष्पं मूलं फलं कुतः

kālādṛte na niyamo na dīkṣā nāhnikakramaḥ / ṛtūnāṃ ca vibhāgaś ca puṣpaṃ mūlaṃ phalaṃ kutaḥ

Sanskrit only: no published translation is held for this verse.

कुतः सस्यविनिष्पत्तिस् तृणौषधिगणो ऽपि च । अभावो व्यवहाराणां जन्तूनां दिवि चेह च

kutaḥ sasyaviniṣpattis tṛṇauṣadhigaṇo 'pi ca / abhāvo vyavahārāṇāṃ jantūnāṃ divi ceha ca

Sanskrit only: no published translation is held for this verse.

जगत्प्रतापनमृते भास्करं रुद्ररूपिणम् । स एष कालश्चाग्निश् च द्वादशात्मा प्रजापतिः

jagatpratāpanamṛte bhāskaraṃ rudrarūpiṇam / sa eṣa kālaścāgniś ca dvādaśātmā prajāpatiḥ

Sanskrit only: no published translation is held for this verse.

तपत्येष द्विजश्रेष्ठास् त्रैलोक्यं सचराचरम् । स एष तेजसां राशिः समस्तः सार्वलौकिकः

tapatyeṣa dvijaśreṣṭhās trailokyaṃ sacarācaram / sa eṣa tejasāṃ rāśiḥ samastaḥ sārvalaukikaḥ

Sanskrit only: no published translation is held for this verse.

उत्तमं मार्गमास्थाय रात्र्यहोभिर् इदं जगत् । पार्श्वत ऊर्ध्वम् अधश् चैव तापयत्येष सर्वशः

uttamaṃ mārgamāsthāya rātryahobhir idaṃ jagat / pārśvata ūrdhvam adhaś caiva tāpayatyeṣa sarvaśaḥ

Sanskrit only: no published translation is held for this verse.

यथा प्रभाकरो दीपो गृहमध्ये ऽवलम्बितः । पार्श्वत ऊर्ध्वम् अधश्चैव तमो नाशयते समम्

yathā prabhākaro dīpo gṛhamadhye 'valambitaḥ / pārśvata ūrdhvam adhaścaiva tamo nāśayate samam

Sanskrit only: no published translation is held for this verse.

तद्वत्सहस्रकिरणो ग्रहराजो जगत्प्रभुः । सूर्यो गोभिर् जगत् सर्वम् आदीपयति सर्वतः

tadvatsahasrakiraṇo graharājo jagatprabhuḥ / sūryo gobhir jagat sarvam ādīpayati sarvataḥ

Sanskrit only: no published translation is held for this verse.

<७ स्पेचिअल् सुन्रय्स्> रवे रश्मिसहस्रं यत् प्राङ्मया समुदाहृतम् । तेषां श्रेष्ठाः पुनः सप्त रश्मयो ग्रहयोनयः

<7 special sunrays> rave raśmisahasraṃ yat prāṅmayā samudāhṛtam / teṣāṃ śreṣṭhāḥ punaḥ sapta raśmayo grahayonayaḥ

Sanskrit only: no published translation is held for this verse.

सुषुम्नो हरिकेशश् च विश्वकर्मा तथैव च । विश्वव्यचाः पुनश्चाद्यः संनद्धश् च ततः परः

suṣumno harikeśaś ca viśvakarmā tathaiva ca / viśvavyacāḥ punaścādyaḥ saṃnaddhaś ca tataḥ paraḥ

Sanskrit only: no published translation is held for this verse.

सर्वावसुः पुनश्चान्यः स्वराडन्यः प्रकीर्तितः । सुषुम्नः सूर्यरश्मिस्तु दक्षिणां राशिम् ऐधयत्

sarvāvasuḥ punaścānyaḥ svarāḍanyaḥ prakīrtitaḥ / suṣumnaḥ sūryaraśmistu dakṣiṇāṃ rāśim aidhayat

Sanskrit only: no published translation is held for this verse.

न्यगूर्ध्वाधः प्रचारो ऽस्य सुषुम्नः परिकीर्तितः । हरिकेशः पुरस्ताद् यो ऋक्षयोनिः प्रकीर्त्यते

nyagūrdhvādhaḥ pracāro 'sya suṣumnaḥ parikīrtitaḥ / harikeśaḥ purastād yo ṛkṣayoniḥ prakīrtyate

Sanskrit only: no published translation is held for this verse.

दक्षिणे विश्वकर्मा च रश्मिर्वर्धयते बुधम् । विश्वव्यचास्तु यः पश्चाच् छुक्रयोनिः स्मृतो बुधैः

dakṣiṇe viśvakarmā ca raśmirvardhayate budham / viśvavyacāstu yaḥ paścāc chukrayoniḥ smṛto budhaiḥ

Sanskrit only: no published translation is held for this verse.

संनद्धश् च तु यो रश्मिः स योनिर् लोहितस्य तु । षष्ठः सर्वावसू रश्मिः स योनिस्तु बृहस्पतेः

saṃnaddhaś ca tu yo raśmiḥ sa yonir lohitasya tu / ṣaṣṭhaḥ sarvāvasū raśmiḥ sa yonistu bṛhaspateḥ

Sanskrit only: no published translation is held for this verse.

शनैश्चरं पुनश् चापि रश्मिर् आप्यायते स्वराट् । एवं सूर्यप्रभावेन नक्षत्रग्रहतारकाः

śanaiścaraṃ punaś cāpi raśmir āpyāyate svarāṭ / evaṃ sūryaprabhāvena nakṣatragrahatārakāḥ

Sanskrit only: no published translation is held for this verse.

दृश्यन्ते दिवि ताः सर्वाः विश्वं चेदं पुनर्जगत् । न क्षीयन्ते यतस्तानि तस्मान्नक्षत्रता स्मृता

dṛśyante divi tāḥ sarvāḥ viśvaṃ cedaṃ punarjagat / na kṣīyante yatastāni tasmānnakṣatratā smṛtā

Sanskrit only: no published translation is held for this verse.