Library·Liṅga Purāṇa·1·1.63
ऋषय ऊचुः देवानां दानवानां च गन्धर्वोरगरक्षसाम् । उत्पत्तिं ब्रूहि सूताद्य यथाक्रममनुत्तमम्
ṛṣaya ūcuḥ devānāṃ dānavānāṃ ca gandharvoragarakṣasām / utpattiṃ brūhi sūtādya yathākramamanuttamam
Sanskrit only: no published translation is held for this verse.
सूत उवाच संकल्पाद्दर्शनात्स्पर्शात् पूर्वेषां सृष्टिरुच्यते । दक्षात्प्राचेतसादूर्ध्वं सृष्टिर्मैथुनसंभवा
sūta uvāca saṃkalpāddarśanātsparśāt pūrveṣāṃ sṛṣṭirucyate / dakṣātprācetasādūrdhvaṃ sṛṣṭirmaithunasaṃbhavā
Sanskrit only: no published translation is held for this verse.
यदा तु सृजतस्तस्य देवर्षिगणपन्नगान् । न वृद्धिमगमल्लोकस् तदा मैथुनयोगतः
yadā tu sṛjatastasya devarṣigaṇapannagān / na vṛddhimagamallokas tadā maithunayogataḥ
Sanskrit only: no published translation is held for this verse.
दक्षः पुत्रसहस्राणि पञ्च सूत्यामजीजनत् । तांस्तु दृष्ट्वा महाभागान् सिसृक्षुर्विविधाः प्रजाः
dakṣaḥ putrasahasrāṇi pañca sūtyāmajījanat / tāṃstu dṛṣṭvā mahābhāgān sisṛkṣurvividhāḥ prajāḥ
Sanskrit only: no published translation is held for this verse.
नारदः प्राह हर्यश्वान् दक्षपुत्रान् समागतान् । भुवः प्रमाणं सर्वं तु ज्ञात्वोर्ध्वमध एव च
nāradaḥ prāha haryaśvān dakṣaputrān samāgatān / bhuvaḥ pramāṇaṃ sarvaṃ tu jñātvordhvamadha eva ca
Sanskrit only: no published translation is held for this verse.
ततः सृष्टिं विशेषेण कुरुध्वं मुनिसत्तमाः । ते तु तद्वचनं श्रुत्वा प्रयाताः सर्वतोदिशम्
tataḥ sṛṣṭiṃ viśeṣeṇa kurudhvaṃ munisattamāḥ / te tu tadvacanaṃ śrutvā prayātāḥ sarvatodiśam
Sanskrit only: no published translation is held for this verse.
अद्यापि न निवर्तन्ते समुद्रादिव सिन्धवः । हर्यश्वेषु च नष्टेषु पुनर्दक्षः प्रजापतिः
adyāpi na nivartante samudrādiva sindhavaḥ / haryaśveṣu ca naṣṭeṣu punardakṣaḥ prajāpatiḥ
Sanskrit only: no published translation is held for this verse.
सूत्यामेव च पुत्राणां सहस्रमसृजत्प्रभुः । शबला नाम ते विप्राः समेताः सृष्टिहेतवः
sūtyāmeva ca putrāṇāṃ sahasramasṛjatprabhuḥ / śabalā nāma te viprāḥ sametāḥ sṛṣṭihetavaḥ
Sanskrit only: no published translation is held for this verse.
नारदो ऽनुगतान्प्राह पुनस्तान्सूर्यवर्चसः । भुवः प्रमाणं सर्वं तु ज्ञात्वा भ्रातॄन् पुनः पुनः
nārado 'nugatānprāha punastānsūryavarcasaḥ / bhuvaḥ pramāṇaṃ sarvaṃ tu jñātvā bhrātṝn punaḥ punaḥ
Sanskrit only: no published translation is held for this verse.
आगत्य वाथ सृष्टिं वै करिष्यथ विशेषतः । ते ऽपि तेनैव मार्गेण जग्मुर्भ्रातृगतिं तथा
āgatya vātha sṛṣṭiṃ vai kariṣyatha viśeṣataḥ / te 'pi tenaiva mārgeṇa jagmurbhrātṛgatiṃ tathā
Sanskrit only: no published translation is held for this verse.
ततस्तेष्वपि नष्टेषु षष्टिकन्याः प्रजापतिः । वैरिण्यां जनयामास दक्षः प्राचेतसस्तदा
tatasteṣvapi naṣṭeṣu ṣaṣṭikanyāḥ prajāpatiḥ / vairiṇyāṃ janayāmāsa dakṣaḥ prācetasastadā
Sanskrit only: no published translation is held for this verse.
प्रादात्स दशकं धर्मे कश्यपाय त्रयोदश । विंशत्सप्त च सोमाय चतस्रो ऽरिष्टनेमये
prādātsa daśakaṃ dharme kaśyapāya trayodaśa / viṃśatsapta ca somāya catasro 'riṣṭanemaye
Sanskrit only: no published translation is held for this verse.
द्वे चैव भृगुपुत्राय द्वे कृशाश्वाय धीमते । द्वे चैवाङ्गिरसे तद्वत् तासां नामानि विस्तरात्
dve caiva bhṛguputrāya dve kṛśāśvāya dhīmate / dve caivāṅgirase tadvat tāsāṃ nāmāni vistarāt
Sanskrit only: no published translation is held for this verse.
शृणुध्वं देवमातॄणां प्रजाविस्तारमादितः । मरुत्वती वसूर् यामिर् लम्बा भानुररुन्धती
śṛṇudhvaṃ devamātṝṇāṃ prajāvistāramāditaḥ / marutvatī vasūr yāmir lambā bhānurarundhatī
Sanskrit only: no published translation is held for this verse.
संकल्पा च मुहूर्ता च साध्या विश्वा च भामिनी । धर्मपत्न्यः समाख्यातास् तासां पुत्रान्वदामि वः
saṃkalpā ca muhūrtā ca sādhyā viśvā ca bhāminī / dharmapatnyaḥ samākhyātās tāsāṃ putrānvadāmi vaḥ
Sanskrit only: no published translation is held for this verse.
विश्वेदेवास्तु विश्वायाः साध्या साध्यानजीजनत् । मरुत्वत्यां मरुत्वन्तो वसोस्तु वसवस् तथा
viśvedevāstu viśvāyāḥ sādhyā sādhyānajījanat / marutvatyāṃ marutvanto vasostu vasavas tathā
Sanskrit only: no published translation is held for this verse.
भानोस्तु भानवः प्रोक्ता मुहूर्ताया मुहूर्तकाः । लम्बाया घोषनामानो नागवीथिस्तु यामिजः
bhānostu bhānavaḥ proktā muhūrtāyā muhūrtakāḥ / lambāyā ghoṣanāmāno nāgavīthistu yāmijaḥ
Sanskrit only: no published translation is held for this verse.
संकल्पायास्तु संकल्पो वसुसर्गं वदामि वः । ज्योतिष्मन्तस्तु ये देवा व्यापकाः सर्वतोदिशम्
saṃkalpāyāstu saṃkalpo vasusargaṃ vadāmi vaḥ / jyotiṣmantastu ye devā vyāpakāḥ sarvatodiśam
Sanskrit only: no published translation is held for this verse.
वसवस्ते समाख्याताः सर्वभूतहितैषिणः । आपो ध्रुवश् च सोमश् च धरश्चैवानिलो ऽनलः
vasavaste samākhyātāḥ sarvabhūtahitaiṣiṇaḥ / āpo dhruvaś ca somaś ca dharaścaivānilo 'nalaḥ
Sanskrit only: no published translation is held for this verse.
प्रत्यूषश् च प्रभासश् च वसवो ऽष्टौ प्रकीर्तिताः । अजैकपाद् अहिर्बुध्न्यो विरूपाक्षः सभैरवः
pratyūṣaś ca prabhāsaś ca vasavo 'ṣṭau prakīrtitāḥ / ajaikapād ahirbudhnyo virūpākṣaḥ sabhairavaḥ
Sanskrit only: no published translation is held for this verse.
हरश् च बहुरूपश् च त्र्यंबकश् च सुरेश्वरः । सावित्रश् च जयन्तश् च पिनाकी चापराजितः
haraś ca bahurūpaś ca tryaṃbakaś ca sureśvaraḥ / sāvitraś ca jayantaś ca pinākī cāparājitaḥ
Sanskrit only: no published translation is held for this verse.
एते रुद्राः समाख्याता एकादश गणेश्वराः । कश्यपस्य प्रवक्ष्यामि पत्नीभ्यः पुत्रपौत्रकम्
ete rudrāḥ samākhyātā ekādaśa gaṇeśvarāḥ / kaśyapasya pravakṣyāmi patnībhyaḥ putrapautrakam
Sanskrit only: no published translation is held for this verse.
अदितिश् च दितिश्चैव अरिष्टा सुरसा मुनिः । सुरभिर् विनता ताम्रा तद्वत् क्रोधवशा इला
aditiś ca ditiścaiva ariṣṭā surasā muniḥ / surabhir vinatā tāmrā tadvat krodhavaśā ilā
Sanskrit only: no published translation is held for this verse.
कद्रूस्त्विषा दनुस्तद्वत् तासां पुत्रान्वदामि वः । तुषिता नाम ये देवाश् चाक्षुषस्यान्तरे मनोः
kadrūstviṣā danustadvat tāsāṃ putrānvadāmi vaḥ / tuṣitā nāma ye devāś cākṣuṣasyāntare manoḥ
Sanskrit only: no published translation is held for this verse.
वैवस्वतान्तरे ते वै आदित्या द्वादश स्मृताः । इन्द्रो धाता भगस्त्वष्ट मित्रो ऽथ वरुणो ऽर्यमा
vaivasvatāntare te vai ādityā dvādaśa smṛtāḥ / indro dhātā bhagastvaṣṭa mitro 'tha varuṇo 'ryamā
Sanskrit only: no published translation is held for this verse.
विवस्वान्सविता पूषा अंशुमान् विष्णुरेव च । एते सहस्रकिरणा आदित्या द्वादश स्मृताः
vivasvānsavitā pūṣā aṃśumān viṣṇureva ca / ete sahasrakiraṇā ādityā dvādaśa smṛtāḥ
Sanskrit only: no published translation is held for this verse.
दितिः पुत्रद्वयं लेभे कश्यपादिति नः श्रुतम् । हिरण्यकशिपुं चैव हिरण्याक्षं तथैव च
ditiḥ putradvayaṃ lebhe kaśyapāditi naḥ śrutam / hiraṇyakaśipuṃ caiva hiraṇyākṣaṃ tathaiva ca
Sanskrit only: no published translation is held for this verse.
दनुः पुत्रशतं लेभे कश्यपाद् बलदर्पितम् । विप्रचित्तिः प्रधानो ऽभूत् तेषां मध्ये द्विजोत्तमाः
danuḥ putraśataṃ lebhe kaśyapād baladarpitam / vipracittiḥ pradhāno 'bhūt teṣāṃ madhye dvijottamāḥ
Sanskrit only: no published translation is held for this verse.
ताम्रा च जनयामास षट् कन्या द्विजपुङ्गवाः । शुकीं श्येनीं च भासीं च सुग्रीवीं गृध्रिकां शुचिम्
tāmrā ca janayāmāsa ṣaṭ kanyā dvijapuṅgavāḥ / śukīṃ śyenīṃ ca bhāsīṃ ca sugrīvīṃ gṛdhrikāṃ śucim
Sanskrit only: no published translation is held for this verse.
शुकी शुकानुलूकांश् च जनयामास धर्मतः । श्येनी श्येनांस् तथा भासी कुरङ्गांश् च व्यजीजनत्
śukī śukānulūkāṃś ca janayāmāsa dharmataḥ / śyenī śyenāṃs tathā bhāsī kuraṅgāṃś ca vyajījanat
Sanskrit only: no published translation is held for this verse.
गृध्री गृध्रान् कपोतांश् च पारावती विहंगमान् । हंससारसकारण्ड- प्लवाञ्छुचिरजीजनत्
gṛdhrī gṛdhrān kapotāṃś ca pārāvatī vihaṃgamān / haṃsasārasakāraṇḍa- plavāñchucirajījanat
Sanskrit only: no published translation is held for this verse.
अजाश्वमेषोष्ट्रखरान् सुग्रीवी चाप्यजीजनत् । विनता जनयामास गरुडं चारुणं शुभा
ajāśvameṣoṣṭrakharān sugrīvī cāpyajījanat / vinatā janayāmāsa garuḍaṃ cāruṇaṃ śubhā
Sanskrit only: no published translation is held for this verse.
सौदामिनीं तथा कन्यां सर्वलोकभयङ्करीम् । सुरसायाः सहस्रं तु सर्पाणामभवत्पुरा
saudāminīṃ tathā kanyāṃ sarvalokabhayaṅkarīm / surasāyāḥ sahasraṃ tu sarpāṇāmabhavatpurā
Sanskrit only: no published translation is held for this verse.
कद्रूः सहस्रशिरसां सहस्रं प्राप सुव्रता । प्रधानास्तेषु विख्याताः षड्विंशतिरनुत्तमाः
kadrūḥ sahasraśirasāṃ sahasraṃ prāpa suvratā / pradhānāsteṣu vikhyātāḥ ṣaḍviṃśatiranuttamāḥ
Sanskrit only: no published translation is held for this verse.
शेषवासुकिकर्कोट- शङ्खैरावतकम्बलाः । धनञ्जयमहानील- पद्माश्वतरतक्षकाः
śeṣavāsukikarkoṭa- śaṅkhairāvatakambalāḥ / dhanañjayamahānīla- padmāśvataratakṣakāḥ
Sanskrit only: no published translation is held for this verse.
एलापत्रमहापद्म- धृतराष्ट्रबलाहकाः । शङ्खपालमहाशङ्ख- पुष्पदंष्ट्रशुभाननाः
elāpatramahāpadma- dhṛtarāṣṭrabalāhakāḥ / śaṅkhapālamahāśaṅkha- puṣpadaṃṣṭraśubhānanāḥ
Sanskrit only: no published translation is held for this verse.
शङ्खलोमा च नहुषो वामनः फणितस् तथा । कपिलो दुर्मुखश्चापि पतञ्जलिरिति स्मृतः
śaṅkhalomā ca nahuṣo vāmanaḥ phaṇitas tathā / kapilo durmukhaścāpi patañjaliriti smṛtaḥ
Sanskrit only: no published translation is held for this verse.
रक्षोगणं क्रोधवशा महामायं व्यजीजनत् । रुद्राणां च गणं तद्वद् गोमहिष्यौ वराङ्गना
rakṣogaṇaṃ krodhavaśā mahāmāyaṃ vyajījanat / rudrāṇāṃ ca gaṇaṃ tadvad gomahiṣyau varāṅganā
Sanskrit only: no published translation is held for this verse.
सुरभिर् जनयामास कश्यपादिति नः श्रुतम् । मुनिर्मुनीनां च गणं गणमप्सरसां तथा
surabhir janayāmāsa kaśyapāditi naḥ śrutam / munirmunīnāṃ ca gaṇaṃ gaṇamapsarasāṃ tathā
Sanskrit only: no published translation is held for this verse.
तथा किंनरगन्धर्वान् अरिष्टाजनयद्बहून् । तृणवृक्षलतागुल्मम् इला सर्वमजीजनत्
tathā kiṃnaragandharvān ariṣṭājanayadbahūn / tṛṇavṛkṣalatāgulmam ilā sarvamajījanat
Sanskrit only: no published translation is held for this verse.
त्विषा तु यक्षरक्षांसि जनयामास कोटिशः । एते तु काश्यपेयाश् च संक्षेपात्परिकीर्तिताः
tviṣā tu yakṣarakṣāṃsi janayāmāsa koṭiśaḥ / ete tu kāśyapeyāś ca saṃkṣepātparikīrtitāḥ
Sanskrit only: no published translation is held for this verse.
एतेषां पुत्रपौत्रादि- वंशाश् च बहवः स्मृताः । एवं प्रजासु सृष्टासु कश्यपेन महात्मना
eteṣāṃ putrapautrādi- vaṃśāś ca bahavaḥ smṛtāḥ / evaṃ prajāsu sṛṣṭāsu kaśyapena mahātmanā
Sanskrit only: no published translation is held for this verse.
प्रतिष्ठितासु सर्वासु चरासु स्थावरासु च । अभिषिच्याधिपत्येषु तेषां मुख्यान्प्रजापतिः
pratiṣṭhitāsu sarvāsu carāsu sthāvarāsu ca / abhiṣicyādhipatyeṣu teṣāṃ mukhyānprajāpatiḥ
Sanskrit only: no published translation is held for this verse.
ततो मनुष्याधिपतिं चक्रे वैवस्वतं मनुम् । स्वायंभुवे ऽन्तरे पूर्वं ब्रह्मणा ये ऽभिषेचिताः
tato manuṣyādhipatiṃ cakre vaivasvataṃ manum / svāyaṃbhuve 'ntare pūrvaṃ brahmaṇā ye 'bhiṣecitāḥ
Sanskrit only: no published translation is held for this verse.
तैरियं पृथिवी सर्वा सप्तद्वीपा सपर्वता । यथोपदेशमद्यापि धर्मेण प्रतिपाल्यते
tairiyaṃ pṛthivī sarvā saptadvīpā saparvatā / yathopadeśamadyāpi dharmeṇa pratipālyate
Sanskrit only: no published translation is held for this verse.
स्वायंभुवे ऽन्तरे पूर्वे ब्रह्मणा ये ऽभिषेचिताः । ते ह्येते चाभिषिच्यन्ते मनवश् च भवन्ति ते
svāyaṃbhuve 'ntare pūrve brahmaṇā ye 'bhiṣecitāḥ / te hyete cābhiṣicyante manavaś ca bhavanti te
Sanskrit only: no published translation is held for this verse.
मन्वन्तरेष्वतीतेषु गता ह्येतेषु पार्थिवाः । एवमन्ये ऽभिषिच्यन्ते प्राप्ते मन्वन्तरे ततः
manvantareṣvatīteṣu gatā hyeteṣu pārthivāḥ / evamanye 'bhiṣicyante prāpte manvantare tataḥ
Sanskrit only: no published translation is held for this verse.
अतीतानागताः सर्वे नृपा मन्वन्तरे स्मृताः । एतानुत्पाद्य पुत्रांस्तु प्रजासंतानकारणात्
atītānāgatāḥ sarve nṛpā manvantare smṛtāḥ / etānutpādya putrāṃstu prajāsaṃtānakāraṇāt
Sanskrit only: no published translation is held for this verse.
कश्यपो गोत्रकामस्तु चचार स पुनस्तपः । पुत्रो गोत्रकरो मह्यं भवताद् इति चिन्तयन्
kaśyapo gotrakāmastu cacāra sa punastapaḥ / putro gotrakaro mahyaṃ bhavatād iti cintayan
Sanskrit only: no published translation is held for this verse.
तस्यैवं ध्यायमानस्य कश्यपस्य महात्मनः । ब्रह्मयोगात्सुतौ पश्चात् प्रादुर्भूतौ महौजसौ
tasyaivaṃ dhyāyamānasya kaśyapasya mahātmanaḥ / brahmayogātsutau paścāt prādurbhūtau mahaujasau
Sanskrit only: no published translation is held for this verse.
वत्सरश्चासितश्चैव तावुभौ ब्रह्मवादिनौ । वत्सरान्नैध्रुवो जज्ञे रैभ्यश् च सुमहायशाः
vatsaraścāsitaścaiva tāvubhau brahmavādinau / vatsarānnaidhruvo jajñe raibhyaś ca sumahāyaśāḥ
Sanskrit only: no published translation is held for this verse.
रैभ्यस्य रैभ्या विज्ञेया नैध्रुवस्य वदामि वः । च्यवनस्य तु कन्यायां सुमेधाः समपद्यत
raibhyasya raibhyā vijñeyā naidhruvasya vadāmi vaḥ / cyavanasya tu kanyāyāṃ sumedhāḥ samapadyata
Sanskrit only: no published translation is held for this verse.
नैध्रुवस्य तु सा पत्नी माता वै कुण्डपायिनाम् । असितस्यैकपर्णायां ब्रह्मिष्ठः समपद्यत
naidhruvasya tu sā patnī mātā vai kuṇḍapāyinām / asitasyaikaparṇāyāṃ brahmiṣṭhaḥ samapadyata
Sanskrit only: no published translation is held for this verse.
शाण्डिल्यानां वरः श्रीमान् देवलः सुमहातपाः । शाण्डिल्या नैध्रुवा रैभ्यास् त्रयः पक्षास्तु काश्यपाः
śāṇḍilyānāṃ varaḥ śrīmān devalaḥ sumahātapāḥ / śāṇḍilyā naidhruvā raibhyās trayaḥ pakṣāstu kāśyapāḥ
Sanskrit only: no published translation is held for this verse.
नव प्रकृतयो देवाः पुलस्त्यस्य वदामि वः । चतुर्युगे ह्यतिक्रान्ते मनोरेकादशे प्रभोः
nava prakṛtayo devāḥ pulastyasya vadāmi vaḥ / caturyuge hyatikrānte manorekādaśe prabhoḥ
Sanskrit only: no published translation is held for this verse.
अर्धावशिष्टे तस्मिंस्तु द्वापरे सम्प्रवर्तिते । मानवस्य नरिष्यन्तः पुत्र आसीद् दमः किल
ardhāvaśiṣṭe tasmiṃstu dvāpare sampravartite / mānavasya nariṣyantaḥ putra āsīd damaḥ kila
Sanskrit only: no published translation is held for this verse.
दमस्य तस्य दायादस् तृणबिन्दुरिति स्मृतः । त्रेतायुगमुखे राजा तृतीये संबभूव ह
damasya tasya dāyādas tṛṇabinduriti smṛtaḥ / tretāyugamukhe rājā tṛtīye saṃbabhūva ha
Sanskrit only: no published translation is held for this verse.
तस्य कन्या त्विलविला रूपेणाप्रतिमाभवत् । पुलस्त्याय स राजर्षिस् तां कन्यां प्रत्यपादयत्
tasya kanyā tvilavilā rūpeṇāpratimābhavat / pulastyāya sa rājarṣis tāṃ kanyāṃ pratyapādayat
Sanskrit only: no published translation is held for this verse.
ऋषिर् ऐरविलो यस्यां विश्रवाः समपद्यत । तस्य पत्न्यश्चतस्रस्तु पौलस्त्यकुलवर्धनाः
ṛṣir airavilo yasyāṃ viśravāḥ samapadyata / tasya patnyaścatasrastu paulastyakulavardhanāḥ
Sanskrit only: no published translation is held for this verse.
बृहस्पतेः शुभा कन्या नाम्ना वै देववर्णिनी । पुष्पोत्कटा बलाका च सुते माल्यवतः स्मृतेः
bṛhaspateḥ śubhā kanyā nāmnā vai devavarṇinī / puṣpotkaṭā balākā ca sute mālyavataḥ smṛteḥ
Sanskrit only: no published translation is held for this verse.
कैकसी मालिनः कन्या तासां वै शृणुत प्रजाः । ज्येष्ठं वैश्रवणं तस्मात् सुषुवे देववर्णिनी
kaikasī mālinaḥ kanyā tāsāṃ vai śṛṇuta prajāḥ / jyeṣṭhaṃ vaiśravaṇaṃ tasmāt suṣuve devavarṇinī
Sanskrit only: no published translation is held for this verse.
कैकसी चाप्यजनयद् रावणं राक्षसाधिपम् । कुम्भकर्णं शूर्पणखां धीमन्तं च विभीषणम्
kaikasī cāpyajanayad rāvaṇaṃ rākṣasādhipam / kumbhakarṇaṃ śūrpaṇakhāṃ dhīmantaṃ ca vibhīṣaṇam
Sanskrit only: no published translation is held for this verse.
पुष्पोत्कटा ह्यजनयत् पुत्रांस्तस्माद्द्विजोत्तमाः । महोदरं प्रहस्तं च महापार्श्वं खरं तथा
puṣpotkaṭā hyajanayat putrāṃstasmāddvijottamāḥ / mahodaraṃ prahastaṃ ca mahāpārśvaṃ kharaṃ tathā
Sanskrit only: no published translation is held for this verse.
कुम्भीनसीं तथा कन्यां बलायाः शृणुत प्रजाः । त्रिशिरा दूषणश्चैव विद्युज्जिह्वश् च राक्षसः
kumbhīnasīṃ tathā kanyāṃ balāyāḥ śṛṇuta prajāḥ / triśirā dūṣaṇaścaiva vidyujjihvaś ca rākṣasaḥ
Sanskrit only: no published translation is held for this verse.
कन्या वै मालिका चापि बलायाः प्रसवः स्मृतः । इत्येते क्रूरकर्माणः पौलस्त्या राक्षसा नव
kanyā vai mālikā cāpi balāyāḥ prasavaḥ smṛtaḥ / ityete krūrakarmāṇaḥ paulastyā rākṣasā nava
Sanskrit only: no published translation is held for this verse.
विभीषणो ऽतिशुद्धात्मा धर्मज्ञः परिकीर्तितः । पुलस्त्यस्य मृगाः पुत्राः सर्वे व्याघ्राश् च दंष्ट्रिणः
vibhīṣaṇo 'tiśuddhātmā dharmajñaḥ parikīrtitaḥ / pulastyasya mṛgāḥ putrāḥ sarve vyāghrāś ca daṃṣṭriṇaḥ
Sanskrit only: no published translation is held for this verse.
भूताः पिशाचाः सर्पाश् च सूकरा हस्तिनस् तथा । वानराः किंनराश्चैव ये च किंपुरुषास् तथा
bhūtāḥ piśācāḥ sarpāś ca sūkarā hastinas tathā / vānarāḥ kiṃnarāścaiva ye ca kiṃpuruṣās tathā
Sanskrit only: no published translation is held for this verse.
अनपत्यः क्रतुस्तस्मिन् स्मृतो वैवस्वते ऽन्तरे । अत्रेः पत्न्यो दशैवासन् सुंदर्यश् च पतिव्रताः
anapatyaḥ kratustasmin smṛto vaivasvate 'ntare / atreḥ patnyo daśaivāsan suṃdaryaś ca pativratāḥ
Sanskrit only: no published translation is held for this verse.
भद्राश्वस्य घृताच्यां वै दशाप्सरसि सूनवः । भद्राभद्रा च जलदा मन्दा नन्दा तथैव च
bhadrāśvasya ghṛtācyāṃ vai daśāpsarasi sūnavaḥ / bhadrābhadrā ca jaladā mandā nandā tathaiva ca
Sanskrit only: no published translation is held for this verse.
बलाबला च विप्रेन्द्रा या च गोपाबला स्मृता । तथा तामरसा चैव वरक्रीडा च वै दश
balābalā ca viprendrā yā ca gopābalā smṛtā / tathā tāmarasā caiva varakrīḍā ca vai daśa
Sanskrit only: no published translation is held for this verse.
आत्रेयवंशप्रभवास् तासां भर्ता प्रभाकरः । स्वर्भानुपिहिते सूर्ये पतिते ऽस्मिन्दिवो महीम्
ātreyavaṃśaprabhavās tāsāṃ bhartā prabhākaraḥ / svarbhānupihite sūrye patite 'smindivo mahīm
Sanskrit only: no published translation is held for this verse.
तमो ऽभिभूते लोके ऽस्मिन् प्रभा येन प्रवर्तिता । स्वस्त्यस्तु हि तवेत्युक्ते पतन्निह दिवाकरः
tamo 'bhibhūte loke 'smin prabhā yena pravartitā / svastyastu hi tavetyukte patanniha divākaraḥ
Sanskrit only: no published translation is held for this verse.
ब्रह्मर्षेर्वचनात्तस्य पपात न विभुर्दिवः । ततः प्रभाकरेत्युक्तः प्रभुरत्रिर्महर्षिभिः
brahmarṣervacanāttasya papāta na vibhurdivaḥ / tataḥ prabhākaretyuktaḥ prabhuratrirmaharṣibhiḥ
Sanskrit only: no published translation is held for this verse.
भद्रायां जनयामास सोमं पुत्रं यशस्विनम् । स तासु जनयामास पुनः पुत्रांस्तपोधनः
bhadrāyāṃ janayāmāsa somaṃ putraṃ yaśasvinam / sa tāsu janayāmāsa punaḥ putrāṃstapodhanaḥ
Sanskrit only: no published translation is held for this verse.
स्वस्त्यात्रेया इति ख्याता ऋषयो वेदपारगाः । तेषां द्वौ ख्यातयशसौ ब्रह्मिष्ठौ च महौजसौ
svastyātreyā iti khyātā ṛṣayo vedapāragāḥ / teṣāṃ dvau khyātayaśasau brahmiṣṭhau ca mahaujasau
Sanskrit only: no published translation is held for this verse.
दत्तो ह्यत्रिवरो ज्येष्ठो दुर्वासास्तस्य चानुजः । यवीयसी स्वसा तेषाम् अमला ब्रह्मवादिनी
datto hyatrivaro jyeṣṭho durvāsāstasya cānujaḥ / yavīyasī svasā teṣām amalā brahmavādinī
Sanskrit only: no published translation is held for this verse.
तस्य गोत्रद्वये जाताश् चत्वारः प्रथिता भुवि । श्यावश् च प्रत्वसश्चैव ववल्गुश्चाथ गह्वरः
tasya gotradvaye jātāś catvāraḥ prathitā bhuvi / śyāvaś ca pratvasaścaiva vavalguścātha gahvaraḥ
Sanskrit only: no published translation is held for this verse.
आत्रेयाणां च चत्वारः स्मृताः पक्षा महात्मनाम् । काश्यपो नारदश्चैव पर्वतानुद्धतस् तथा
ātreyāṇāṃ ca catvāraḥ smṛtāḥ pakṣā mahātmanām / kāśyapo nāradaścaiva parvatānuddhatas tathā
Sanskrit only: no published translation is held for this verse.
जज्ञिरे मानसा ह्येते अरुन्धत्या निबोधत । नारदस्तु वसिष्ठायारुन्धतीं प्रत्यपादयत्
jajñire mānasā hyete arundhatyā nibodhata / nāradastu vasiṣṭhāyārundhatīṃ pratyapādayat
Sanskrit only: no published translation is held for this verse.
ऊर्ध्वरेता महातेजा दक्षशापात्तु नारदः । पुरा देवासुरे युद्धे घोरे वै तारकामये
ūrdhvaretā mahātejā dakṣaśāpāttu nāradaḥ / purā devāsure yuddhe ghore vai tārakāmaye
Sanskrit only: no published translation is held for this verse.
अनावृष्ट्या हते लोके ह्य् उग्रे लोकेश्वरैः सह । वसिष्ठस्तपसा धीमान् धारयामास वै प्रजाः
anāvṛṣṭyā hate loke hy ugre lokeśvaraiḥ saha / vasiṣṭhastapasā dhīmān dhārayāmāsa vai prajāḥ
Sanskrit only: no published translation is held for this verse.
अन्नोदकं मूलफलम् ओषधीश् च प्रवर्तयन् । तानेताञ्जीवयामास कारुण्यादौषधेन च
annodakaṃ mūlaphalam oṣadhīś ca pravartayan / tānetāñjīvayāmāsa kāruṇyādauṣadhena ca
Sanskrit only: no published translation is held for this verse.
अरुन्धत्यां वसिष्ठस्तु सुतान् उत्पादयच्छतम् । ज्यायसो ऽजनयच्छक्तेर् अदृश्यन्ती पराशरम्
arundhatyāṃ vasiṣṭhastu sutān utpādayacchatam / jyāyaso 'janayacchakter adṛśyantī parāśaram
Sanskrit only: no published translation is held for this verse.
रक्षसा भक्षिते शक्तौ रुधिरेण तु वै तदा । काली पराशराज्जज्ञे कृष्णद्वैपायनं प्रभुम्
rakṣasā bhakṣite śaktau rudhireṇa tu vai tadā / kālī parāśarājjajñe kṛṣṇadvaipāyanaṃ prabhum
Sanskrit only: no published translation is held for this verse.
द्वैपायनो ह्यरण्यां वै शुकम् उत्पादयत्सुतम् । उपमन्युं च पीवर्यां विद्धीमे शुकसूनवः
dvaipāyano hyaraṇyāṃ vai śukam utpādayatsutam / upamanyuṃ ca pīvaryāṃ viddhīme śukasūnavaḥ
Sanskrit only: no published translation is held for this verse.
भूरिश्रवाः प्रभुः शंभुः कृष्णो गौरस्तु पञ्चमः । कन्या कीर्तिमती चैव योगमाता धृतव्रता
bhūriśravāḥ prabhuḥ śaṃbhuḥ kṛṣṇo gaurastu pañcamaḥ / kanyā kīrtimatī caiva yogamātā dhṛtavratā
Sanskrit only: no published translation is held for this verse.
जननी ब्रह्मदत्तस्य पत्नी सा त्वनुहस्य च । श्वेतः कृष्णश् च गौरश् च श्यामो धूम्रस्तथारुणः
jananī brahmadattasya patnī sā tvanuhasya ca / śvetaḥ kṛṣṇaś ca gauraś ca śyāmo dhūmrastathāruṇaḥ
Sanskrit only: no published translation is held for this verse.
नीलो बादरिकश्चैव सर्वे चैते पराशराः । पराशराणामष्टौ ते पक्षाः प्रोक्ता महात्मनाम्
nīlo bādarikaścaiva sarve caite parāśarāḥ / parāśarāṇāmaṣṭau te pakṣāḥ proktā mahātmanām
Sanskrit only: no published translation is held for this verse.
अत ऊर्ध्वं निबोधध्वम् इन्द्रप्रमितिसंभवम् । वसिष्ठस्य कपिञ्जल्यो घृताच्यामुदपद्यत
ata ūrdhvaṃ nibodhadhvam indrapramitisaṃbhavam / vasiṣṭhasya kapiñjalyo ghṛtācyāmudapadyata
Sanskrit only: no published translation is held for this verse.
त्रिमूर्तिर्यः समाख्यात इन्द्रप्रमितिरुच्यते । पृथोः सुतायां सम्भूतो भद्रस्तस्या भवद्वसुः
trimūrtiryaḥ samākhyāta indrapramitirucyate / pṛthoḥ sutāyāṃ sambhūto bhadrastasyā bhavadvasuḥ
Sanskrit only: no published translation is held for this verse.
उपमन्युः सुतस्तस्य बहवो ह्यौपमन्यवः । मित्रावरुणयोश्चैव कौण्डिन्या ये परिश्रुताः
upamanyuḥ sutastasya bahavo hyaupamanyavaḥ / mitrāvaruṇayoścaiva kauṇḍinyā ye pariśrutāḥ
Sanskrit only: no published translation is held for this verse.
एकार्षेयास् तथा चान्ये वासिष्ठा नाम विश्रुताः । एते पक्षा वसिष्ठानां स्मृता दश महात्मनाम्
ekārṣeyās tathā cānye vāsiṣṭhā nāma viśrutāḥ / ete pakṣā vasiṣṭhānāṃ smṛtā daśa mahātmanām
Sanskrit only: no published translation is held for this verse.
इत्येते ब्रह्मणः पुत्रा मानसा विश्रुता भुवि । भर्तारश् च महाभागा एषां वंशाः प्रकीर्तिताः
ityete brahmaṇaḥ putrā mānasā viśrutā bhuvi / bhartāraś ca mahābhāgā eṣāṃ vaṃśāḥ prakīrtitāḥ
Sanskrit only: no published translation is held for this verse.
त्रिलोकधारणे शक्ता देवर्षिकुलसंभवाः । तेषां पुत्राश् च पौत्राश् च शतशो ऽथ सहस्रशः
trilokadhāraṇe śaktā devarṣikulasaṃbhavāḥ / teṣāṃ putrāś ca pautrāś ca śataśo 'tha sahasraśaḥ
Sanskrit only: no published translation is held for this verse.
यैस्तु व्याप्तास्त्रयो लोकाः सूर्यस्येव गभस्तिभिः
yaistu vyāptāstrayo lokāḥ sūryasyeva gabhastibhiḥ
Sanskrit only: no published translation is held for this verse.