Liṅga Purāṇa 1.65

तुम्बवीणो महाकोप ऊर्ध्वरेता जलेशयः । उग्रो वंशकरो वंशो वंशवादी ह्यनिन्दितः

tumbavīṇo mahākopa ūrdhvaretā jaleśayaḥ / ugro vaṃśakaro vaṃśo vaṃśavādī hyaninditaḥ

Sanskrit only: no published translation is held for this verse.

सर्वाङ्गरूपी मायावी सुहृदो ह्यनिलो बलः । बन्धनो बन्धकर्ता च सुबन्धनविमोचनः

sarvāṅgarūpī māyāvī suhṛdo hyanilo balaḥ / bandhano bandhakartā ca subandhanavimocanaḥ

Sanskrit only: no published translation is held for this verse.

राक्षसघ्नो ऽथ कामारिर् महादंष्ट्रो महायुधः । लम्बितो लम्बितोष्ठश् च लम्बहस्तो वरप्रदः

rākṣasaghno 'tha kāmārir mahādaṃṣṭro mahāyudhaḥ / lambito lambitoṣṭhaś ca lambahasto varapradaḥ

Sanskrit only: no published translation is held for this verse.

बाहुस्त्वनिन्दितः सर्वः शङ्करो ऽथाप्यकोपनः । अमरेशो महाघोरो विश्वदेवः सुरारिहा

bāhustvaninditaḥ sarvaḥ śaṅkaro 'thāpyakopanaḥ / amareśo mahāghoro viśvadevaḥ surārihā

Sanskrit only: no published translation is held for this verse.

अहिर्बुध्न्यो निरृतिश् च चेकितानो हली तथा । अजैकपाच्च कापाली शं कुमारो महागिरिः

ahirbudhnyo nirṛtiś ca cekitāno halī tathā / ajaikapācca kāpālī śaṃ kumāro mahāgiriḥ

Sanskrit only: no published translation is held for this verse.

धन्वन्तरिर्धूमकेतुः सूर्यो वैश्रवणस् तथा । धाता विष्णुश् च शक्रश् च मित्रस्त्वष्टा धरो ध्रुवः

dhanvantarirdhūmaketuḥ sūryo vaiśravaṇas tathā / dhātā viṣṇuś ca śakraś ca mitrastvaṣṭā dharo dhruvaḥ

Sanskrit only: no published translation is held for this verse.

प्रभासः पर्वतो वायुर् अर्यमा सविता रविः । धृतिश्चैव विधाता च मान्धाता भूतभावनः

prabhāsaḥ parvato vāyur aryamā savitā raviḥ / dhṛtiścaiva vidhātā ca māndhātā bhūtabhāvanaḥ

Sanskrit only: no published translation is held for this verse.

नीरस्तीर्थश् च भीमश् च सर्वकर्मा गुणोद्वहः । पद्मगर्भो महागर्भश् चन्द्रवक्त्रो नभो ऽनघः

nīrastīrthaś ca bhīmaś ca sarvakarmā guṇodvahaḥ / padmagarbho mahāgarbhaś candravaktro nabho 'naghaḥ

Sanskrit only: no published translation is held for this verse.

बलवांश्चोपशान्तश् च पुराणः पुण्यकृत्तमः । क्रूरकर्ता क्रूरवासी तनुरात्मा महौषधः

balavāṃścopaśāntaś ca purāṇaḥ puṇyakṛttamaḥ / krūrakartā krūravāsī tanurātmā mahauṣadhaḥ

Sanskrit only: no published translation is held for this verse.

सर्वाशयः सर्वचारी प्राणेशः प्राणिनां पतिः । देवदेवः सुखोत्सिक्तः सदसत्सर्वरत्नवित्

sarvāśayaḥ sarvacārī prāṇeśaḥ prāṇināṃ patiḥ / devadevaḥ sukhotsiktaḥ sadasatsarvaratnavit

Sanskrit only: no published translation is held for this verse.

कैलासस्थो गुहावासी हिमवद्गिरिसंश्रयः । कुलहारी कुलाकर्ता बहुवित्तो बहुप्रजः

kailāsastho guhāvāsī himavadgirisaṃśrayaḥ / kulahārī kulākartā bahuvitto bahuprajaḥ

Sanskrit only: no published translation is held for this verse.

प्राणेशो बन्धकी वृक्षो नकुलश् चाद्रिकस् तथा । ह्रस्वग्रीवो महाजानुर् अलोलश् च महौषधिः

prāṇeśo bandhakī vṛkṣo nakulaś cādrikas tathā / hrasvagrīvo mahājānur alolaś ca mahauṣadhiḥ

Sanskrit only: no published translation is held for this verse.

सिद्धान्तकारी सिद्धार्थश् छन्दो व्याकरणोद्भवः । सिंहनादः सिंहदंष्ट्रः सिंहास्यः सिंहवाहनः

siddhāntakārī siddhārthaś chando vyākaraṇodbhavaḥ / siṃhanādaḥ siṃhadaṃṣṭraḥ siṃhāsyaḥ siṃhavāhanaḥ

Sanskrit only: no published translation is held for this verse.

प्रभावात्मा जगत्कालः कालः कम्पी तरुस्तनुः । सारङ्गो भूतचक्राङ्कः केतुमाली सुवेधकः

prabhāvātmā jagatkālaḥ kālaḥ kampī tarustanuḥ / sāraṅgo bhūtacakrāṅkaḥ ketumālī suvedhakaḥ

Sanskrit only: no published translation is held for this verse.

भूतालयो भूतपतिर् अहोरात्रो मलो ऽमलः । वसुभृत् सर्वभूतात्मा निश्चलः सुविदुर् बुधः

bhūtālayo bhūtapatir ahorātro malo 'malaḥ / vasubhṛt sarvabhūtātmā niścalaḥ suvidur budhaḥ

Sanskrit only: no published translation is held for this verse.

असुहृत्सर्वभूतानां निश्चलश्चलविद्बुधः । अमोघः संयमो हृष्टो भोजनः प्राणधारणः

asuhṛtsarvabhūtānāṃ niścalaścalavidbudhaḥ / amoghaḥ saṃyamo hṛṣṭo bhojanaḥ prāṇadhāraṇaḥ

Sanskrit only: no published translation is held for this verse.

धृतिमान्मतिमांस्त्र्यक्षः सुकृतस्तु युधांपतिः । गोपालो गोपतिर्ग्रामो गोचर्मवसनो हरः

dhṛtimānmatimāṃstryakṣaḥ sukṛtastu yudhāṃpatiḥ / gopālo gopatirgrāmo gocarmavasano haraḥ

Sanskrit only: no published translation is held for this verse.

हिरण्यबाहुश् च तथा गुहावासः प्रवेशनः । महामना महाकामश् चित्तकामो जितेन्द्रियः

hiraṇyabāhuś ca tathā guhāvāsaḥ praveśanaḥ / mahāmanā mahākāmaś cittakāmo jitendriyaḥ

Sanskrit only: no published translation is held for this verse.

गान्धारश् च सुरापश् च तापकर्मरतो हितः । महाभूतो भूतवृतो ह्य् अप्सरोगणसेवितः

gāndhāraś ca surāpaś ca tāpakarmarato hitaḥ / mahābhūto bhūtavṛto hy apsarogaṇasevitaḥ

Sanskrit only: no published translation is held for this verse.

महाकेतुर् धराधाता नैकतानरतः स्वरः । अवेदनीय आवेद्यः सर्वगश् च सुखावहः

mahāketur dharādhātā naikatānarataḥ svaraḥ / avedanīya āvedyaḥ sarvagaś ca sukhāvahaḥ

Sanskrit only: no published translation is held for this verse.

तारणश्चरणो धाता परिधा परिपूजितः । संयोगी वर्धनो वृद्धो गणिको ऽथ गणाधिपः

tāraṇaścaraṇo dhātā paridhā paripūjitaḥ / saṃyogī vardhano vṛddho gaṇiko 'tha gaṇādhipaḥ

Sanskrit only: no published translation is held for this verse.

नित्यो धाता सहायश् च देवासुरपतिः पतिः । युक्तश् च युक्तबाहुश् च सुदेवो ऽपि सुपर्वणः

nityo dhātā sahāyaś ca devāsurapatiḥ patiḥ / yuktaś ca yuktabāhuś ca sudevo 'pi suparvaṇaḥ

Sanskrit only: no published translation is held for this verse.

आषाढश् च सुषाढश् च स्कन्धदो हरितो हरः । वपुरावर्तमानो ऽन्यो वपुःश्रेष्ठो महावपुः

āṣāḍhaś ca suṣāḍhaś ca skandhado harito haraḥ / vapurāvartamāno 'nyo vapuḥśreṣṭho mahāvapuḥ

Sanskrit only: no published translation is held for this verse.

शिरोविमर्शनः सर्व- लक्ष्यलक्षणभूषितः । अक्षयो रथगीतश् च सर्वभोगी महाबलः

śirovimarśanaḥ sarva- lakṣyalakṣaṇabhūṣitaḥ / akṣayo rathagītaś ca sarvabhogī mahābalaḥ

Sanskrit only: no published translation is held for this verse.

साम्नायो ऽथ महाम्नायस् तीर्थदेवो महायशाः । निर्जीवो जीवनो मन्त्रः सुभगो बहुकर्कशः

sāmnāyo 'tha mahāmnāyas tīrthadevo mahāyaśāḥ / nirjīvo jīvano mantraḥ subhago bahukarkaśaḥ

Sanskrit only: no published translation is held for this verse.

रत्नभूतो ऽथ रत्नाङ्गो महार्णवनिपातवित् । मूलं विशालो ह्यमृतं व्यक्ताव्यक्तस्तपोनिधिः

ratnabhūto 'tha ratnāṅgo mahārṇavanipātavit / mūlaṃ viśālo hyamṛtaṃ vyaktāvyaktastaponidhiḥ

Sanskrit only: no published translation is held for this verse.

आरोहणो ऽधिरोहश् च शीलधारी महातपाः । महाकण्ठो महायोगी युगो युगकरो हरिः

ārohaṇo 'dhirohaś ca śīladhārī mahātapāḥ / mahākaṇṭho mahāyogī yugo yugakaro hariḥ

Sanskrit only: no published translation is held for this verse.

युगरूपो महारूपो वहनो गहनो नगः । न्यायो निर्वापणो ऽपादः पण्डितो ह्यचलोपमः

yugarūpo mahārūpo vahano gahano nagaḥ / nyāyo nirvāpaṇo 'pādaḥ paṇḍito hyacalopamaḥ

Sanskrit only: no published translation is held for this verse.

बहुमालो महामालः शिपिविष्टः सुलोचनः । विस्तारो लवणः कूपः कुसुमाङ्गः फलोदयः

bahumālo mahāmālaḥ śipiviṣṭaḥ sulocanaḥ / vistāro lavaṇaḥ kūpaḥ kusumāṅgaḥ phalodayaḥ

Sanskrit only: no published translation is held for this verse.

ऋषभो वृषभो भङ्गो मणिबिम्बजटाधरः । इन्दुर्विसर्गः सुमुखः शूरः सर्वायुधः सहः

ṛṣabho vṛṣabho bhaṅgo maṇibimbajaṭādharaḥ / indurvisargaḥ sumukhaḥ śūraḥ sarvāyudhaḥ sahaḥ

Sanskrit only: no published translation is held for this verse.

निवेदनः सुधाजातः स्वर्गद्वारो महाधनुः । गिरावासो विसर्गश् च सर्वलक्षणलक्षवित्

nivedanaḥ sudhājātaḥ svargadvāro mahādhanuḥ / girāvāso visargaś ca sarvalakṣaṇalakṣavit

Sanskrit only: no published translation is held for this verse.

गन्धमाली च भगवान् अनन्तः सर्वलक्षणः । संतानो बहुलो बाहुः सकलः सर्वपावनः

gandhamālī ca bhagavān anantaḥ sarvalakṣaṇaḥ / saṃtāno bahulo bāhuḥ sakalaḥ sarvapāvanaḥ

Sanskrit only: no published translation is held for this verse.

करस्थाली कपाली च ऊर्ध्वसंहननो युवा । यन्त्रतन्त्रसुविख्यातो लोकः सर्वाश्रयो मृदुः

karasthālī kapālī ca ūrdhvasaṃhanano yuvā / yantratantrasuvikhyāto lokaḥ sarvāśrayo mṛduḥ

Sanskrit only: no published translation is held for this verse.

मुण्डो विरूपो विकृतो दण्डी कुण्डी विकुर्वणः । वार्यक्षः ककुभो वज्री दीप्ततेजाः सहस्रपात्

muṇḍo virūpo vikṛto daṇḍī kuṇḍī vikurvaṇaḥ / vāryakṣaḥ kakubho vajrī dīptatejāḥ sahasrapāt

Sanskrit only: no published translation is held for this verse.

सहस्रमूर्धा देवेन्द्रः सर्वदेवमयो गुरुः । सहस्रबाहुः सर्वाङ्गः शरण्यः सर्वलोककृत्

sahasramūrdhā devendraḥ sarvadevamayo guruḥ / sahasrabāhuḥ sarvāṅgaḥ śaraṇyaḥ sarvalokakṛt

Sanskrit only: no published translation is held for this verse.

पवित्रं त्रिमधुर्मन्त्रः कनिष्ठः कृष्णपिङ्गलः । ब्रह्मदण्डविनिर्माता शतघ्नः शतपाशधृक्

pavitraṃ trimadhurmantraḥ kaniṣṭhaḥ kṛṣṇapiṅgalaḥ / brahmadaṇḍavinirmātā śataghnaḥ śatapāśadhṛk

Sanskrit only: no published translation is held for this verse.

कला काष्ठा लवो मात्रा मुहूर्तो ऽहः क्षपा क्षणः । विश्वक्षेत्रप्रदो बीजं लिङ्गमाद्यस्तु निर्मुखः

kalā kāṣṭhā lavo mātrā muhūrto 'haḥ kṣapā kṣaṇaḥ / viśvakṣetraprado bījaṃ liṅgamādyastu nirmukhaḥ

Sanskrit only: no published translation is held for this verse.

सदसद्व्यक्तमव्यक्तं पिता माता पितामहः । स्वर्गद्वारं मोक्षद्वारं प्रजाद्वारं त्रिविष्टपः

sadasadvyaktamavyaktaṃ pitā mātā pitāmahaḥ / svargadvāraṃ mokṣadvāraṃ prajādvāraṃ triviṣṭapaḥ

Sanskrit only: no published translation is held for this verse.

निर्वाणं हृदयश्चैव ब्रह्मलोकः परा गतिः । देवासुरविनिर्माता देवासुरपरायणः

nirvāṇaṃ hṛdayaścaiva brahmalokaḥ parā gatiḥ / devāsuravinirmātā devāsuraparāyaṇaḥ

Sanskrit only: no published translation is held for this verse.

देवासुरगुरुर् देवो देवासुरनमस्कृतः । देवासुरमहामात्रो देवासुरगणाश्रयः

devāsuragurur devo devāsuranamaskṛtaḥ / devāsuramahāmātro devāsuragaṇāśrayaḥ

Sanskrit only: no published translation is held for this verse.

देवासुरगणाध्यक्षो देवासुरगणाग्रणीः । देवाधिदेवो देवर्षिर् देवासुरवरप्रदः

devāsuragaṇādhyakṣo devāsuragaṇāgraṇīḥ / devādhidevo devarṣir devāsuravarapradaḥ

Sanskrit only: no published translation is held for this verse.

देवासुरेश्वरो विष्णुर् देवासुरमहेश्वरः । सर्वदेवमयो ऽचिन्त्यो देवतात्मा स्वयम्भवः

devāsureśvaro viṣṇur devāsuramaheśvaraḥ / sarvadevamayo 'cintyo devatātmā svayambhavaḥ

Sanskrit only: no published translation is held for this verse.

उद्गतस्त्रिक्रमो वैद्यो वरदो ऽवरजो ऽम्बरः । इज्यो हस्ती तथा व्याघ्रो देवसिंहो महर्षभः

udgatastrikramo vaidyo varado 'varajo 'mbaraḥ / ijyo hastī tathā vyāghro devasiṃho maharṣabhaḥ

Sanskrit only: no published translation is held for this verse.

विबुधाग्र्यः सुरः श्रेष्ठः स्वर्गदेवस्तथोत्तमः । संयुक्तः शोभनो वक्ता आशानां प्रभवो ऽव्ययः

vibudhāgryaḥ suraḥ śreṣṭhaḥ svargadevastathottamaḥ / saṃyuktaḥ śobhano vaktā āśānāṃ prabhavo 'vyayaḥ

Sanskrit only: no published translation is held for this verse.

गुरुः कान्तो निजः सर्गः पवित्रः सर्ववाहनः । शृङ्गी शृङ्गप्रियो बभ्रू राजराजो निरामयः

guruḥ kānto nijaḥ sargaḥ pavitraḥ sarvavāhanaḥ / śṛṅgī śṛṅgapriyo babhrū rājarājo nirāmayaḥ

Sanskrit only: no published translation is held for this verse.

अभिरामः सुशरणो निरामः सर्वसाधनः । ललाटाक्षो विश्वदेहो हरिणो ब्रह्मवर्चसः

abhirāmaḥ suśaraṇo nirāmaḥ sarvasādhanaḥ / lalāṭākṣo viśvadeho hariṇo brahmavarcasaḥ

Sanskrit only: no published translation is held for this verse.

स्थावराणां पतिश्चैव नियतेन्द्रियवर्तनः । सिद्धार्थः सर्वभूतार्थो ऽचिन्त्यः सत्यः शुचिव्रतः

sthāvarāṇāṃ patiścaiva niyatendriyavartanaḥ / siddhārthaḥ sarvabhūtārtho 'cintyaḥ satyaḥ śucivrataḥ

Sanskrit only: no published translation is held for this verse.

व्रताधिपः परं ब्रह्म मुक्तानां परमा गतिः । विमुक्तो मुक्तकेशश् च श्रीमाञ्छ्रीवर्धनो जगत्

vratādhipaḥ paraṃ brahma muktānāṃ paramā gatiḥ / vimukto muktakeśaś ca śrīmāñchrīvardhano jagat

Sanskrit only: no published translation is held for this verse.

यथाप्रधानं भगवान् इति भक्त्या स्तुतो मया । भक्तिमेवं पुरस्कृत्य मया यज्ञपतिर्विभुः

yathāpradhānaṃ bhagavān iti bhaktyā stuto mayā / bhaktimevaṃ puraskṛtya mayā yajñapatirvibhuḥ

Sanskrit only: no published translation is held for this verse.

ततो ह्यनुज्ञां प्राप्यैवं स्तुतो भक्तिमतां गतिः । तस्माल्लब्ध्वा स्तवं शंभोर् नृपस्त्रैलोक्यविश्रुतः

tato hyanujñāṃ prāpyaivaṃ stuto bhaktimatāṃ gatiḥ / tasmāllabdhvā stavaṃ śaṃbhor nṛpastrailokyaviśrutaḥ

Sanskrit only: no published translation is held for this verse.

अश्वमेधसहस्रस्य फलं प्राप्य महायशाः । गणाधिपत्यं सम्प्राप्तस् तण्डिनस्तेजसा प्रभोः

aśvamedhasahasrasya phalaṃ prāpya mahāyaśāḥ / gaṇādhipatyaṃ samprāptas taṇḍinastejasā prabhoḥ

Sanskrit only: no published translation is held for this verse.

यः पठेच्छृणुयाद् वापि श्रावयेद्ब्राह्मणानपि । अश्वमेधसहस्रस्य फलं प्राप्नोति वै द्विजाः

yaḥ paṭhecchṛṇuyād vāpi śrāvayedbrāhmaṇānapi / aśvamedhasahasrasya phalaṃ prāpnoti vai dvijāḥ

Sanskrit only: no published translation is held for this verse.

ब्रह्मघ्नश् च सुरापश् च स्तेयी च गुरुतल्पगः । शरणागतघाती च मित्रविश्वासघातकः

brahmaghnaś ca surāpaś ca steyī ca gurutalpagaḥ / śaraṇāgataghātī ca mitraviśvāsaghātakaḥ

Sanskrit only: no published translation is held for this verse.

मातृहा पितृहा चैव वीरहा भ्रूणहा तथा । संवत्सरं क्रमाज्जप्त्वा त्रिसंध्यं शङ्कराश्रमे

mātṛhā pitṛhā caiva vīrahā bhrūṇahā tathā / saṃvatsaraṃ kramājjaptvā trisaṃdhyaṃ śaṅkarāśrame

Sanskrit only: no published translation is held for this verse.

देवम् इष्ट्वा त्रिसंध्यं च सर्वपापैः प्रमुच्यते

devam iṣṭvā trisaṃdhyaṃ ca sarvapāpaiḥ pramucyate

Sanskrit only: no published translation is held for this verse.