Liṅga Purāṇa 1.66

सूत उवाच त्रिधन्वा देवदेवस्य प्रसादात्तण्डिनस् तथा । अश्वमेधसहस्रस्य फलं प्राप्य प्रयत्नतः

sūta uvāca tridhanvā devadevasya prasādāttaṇḍinas tathā / aśvamedhasahasrasya phalaṃ prāpya prayatnataḥ

Sanskrit only: no published translation is held for this verse.

गाणपत्यं दृढं प्राप्तः सर्वदेवनमस्कृतः । आसीत्त्रिधन्वनश्चापि विद्वांस्त्रय्यारुणो नृपः

gāṇapatyaṃ dṛḍhaṃ prāptaḥ sarvadevanamaskṛtaḥ / āsīttridhanvanaścāpi vidvāṃstrayyāruṇo nṛpaḥ

Sanskrit only: no published translation is held for this verse.

तस्य सत्यव्रतो नाम कुमारो ऽभून्महाबलः । तेन भार्या विदर्भस्य हृता हत्वामितौजसम्

tasya satyavrato nāma kumāro 'bhūnmahābalaḥ / tena bhāryā vidarbhasya hṛtā hatvāmitaujasam

Sanskrit only: no published translation is held for this verse.

पाणिग्रहणमन्त्रेषु निष्ठाम् अप्रापितेष्विह । तेनाधर्मेण संयुक्तं राजा त्रय्यारुणो ऽत्यजत्

pāṇigrahaṇamantreṣu niṣṭhām aprāpiteṣviha / tenādharmeṇa saṃyuktaṃ rājā trayyāruṇo 'tyajat

Sanskrit only: no published translation is held for this verse.

पितरं सो ऽब्रवीत् त्यक्तः क्व गच्छामीति वै द्विजाः । पिता त्वेनमथोवाच श्वपाकैः सह वर्तय

pitaraṃ so 'bravīt tyaktaḥ kva gacchāmīti vai dvijāḥ / pitā tvenamathovāca śvapākaiḥ saha vartaya

Sanskrit only: no published translation is held for this verse.

इत्युक्तः स विचक्राम नगराद्वचनात् पितुः । स तु सत्यव्रतो धीमाञ् छ्वपाकावसथान्तिके

ityuktaḥ sa vicakrāma nagarādvacanāt pituḥ / sa tu satyavrato dhīmāñ chvapākāvasathāntike

Sanskrit only: no published translation is held for this verse.

पित्रा त्यक्तो ऽवसद्वीरः पिता चास्य वनं ययौ । सर्वलोकेषु विख्यातस् त्रिशङ्कुरिति वीर्यवान्

pitrā tyakto 'vasadvīraḥ pitā cāsya vanaṃ yayau / sarvalokeṣu vikhyātas triśaṅkuriti vīryavān

Sanskrit only: no published translation is held for this verse.

वसिष्ठकोपात्पुण्यात्मा राजा सत्यव्रतः पुरा । विश्वामित्रो महातेजा वरं दत्त्वा त्रिशङ्कवे

vasiṣṭhakopātpuṇyātmā rājā satyavrataḥ purā / viśvāmitro mahātejā varaṃ dattvā triśaṅkave

Sanskrit only: no published translation is held for this verse.

राज्ये ऽभिषिच्य तं पित्र्ये याजयामास तं मुनिः । मिषतां देवतानां च वसिष्ठस्य च कौशिकः

rājye 'bhiṣicya taṃ pitrye yājayāmāsa taṃ muniḥ / miṣatāṃ devatānāṃ ca vasiṣṭhasya ca kauśikaḥ

Sanskrit only: no published translation is held for this verse.

सशरीरं तदा तं वै दिवमारोपयद्विभुः । तस्य सत्यव्रता नाम भार्या कैकयवंशजा

saśarīraṃ tadā taṃ vai divamāropayadvibhuḥ / tasya satyavratā nāma bhāryā kaikayavaṃśajā

Sanskrit only: no published translation is held for this verse.

कुमारं जनयामास हरिश्चन्द्रमकल्मषम् । हरिश्चन्द्रस्य च सुतो रोहितो नाम वीर्यवान्

kumāraṃ janayāmāsa hariścandramakalmaṣam / hariścandrasya ca suto rohito nāma vīryavān

Sanskrit only: no published translation is held for this verse.

हरितो रोहितस्याथ धुन्धुर्हारित उच्यते । विजयश् च सुतेजाश् च धुन्धुपुत्रौ बभूवतुः

harito rohitasyātha dhundhurhārita ucyate / vijayaś ca sutejāś ca dhundhuputrau babhūvatuḥ

Sanskrit only: no published translation is held for this verse.

जेता क्षत्रस्य सर्वत्र विजयस्तेन स स्मृतः । रुचकस्तस्य तनयो राजा परमधार्मिकः

jetā kṣatrasya sarvatra vijayastena sa smṛtaḥ / rucakastasya tanayo rājā paramadhārmikaḥ

Sanskrit only: no published translation is held for this verse.

रुचकस्य वृकः पुत्रस् तस्माद्बाहुश् च जज्ञिवान् । सगरस्तस्य पुत्रो ऽभूद् राजा परमधार्मिकः

rucakasya vṛkaḥ putras tasmādbāhuś ca jajñivān / sagarastasya putro 'bhūd rājā paramadhārmikaḥ

Sanskrit only: no published translation is held for this verse.

द्वे भार्ये सगरस्यापि प्रभा भानुमती तथा । ताभ्यामाराधितः पूर्वम् और्वो ऽग्निः पुत्रकाम्यया

dve bhārye sagarasyāpi prabhā bhānumatī tathā / tābhyāmārādhitaḥ pūrvam aurvo 'gniḥ putrakāmyayā

Sanskrit only: no published translation is held for this verse.

और्वस्तुष्टस्तयोः प्रादाद् यथेष्टं वरमुत्तमम् । एका षष्टिसहस्राणि सुतमेकं परा तथा

aurvastuṣṭastayoḥ prādād yatheṣṭaṃ varamuttamam / ekā ṣaṣṭisahasrāṇi sutamekaṃ parā tathā

Sanskrit only: no published translation is held for this verse.

अगृह्णाद् वंशकर्तारं प्रभागृह्णात्सुतान्बहून् । एकं भानुमतिः पुत्रम् अगृह्णाद् असमञ्जसम्

agṛhṇād vaṃśakartāraṃ prabhāgṛhṇātsutānbahūn / ekaṃ bhānumatiḥ putram agṛhṇād asamañjasam

Sanskrit only: no published translation is held for this verse.

ततः षष्टिसहस्राणि सुषुवे सा तु वै प्रभा । खनन्तः पृथिवीं दग्धा विष्णुहुङ्कारमार्गणैः

tataḥ ṣaṣṭisahasrāṇi suṣuve sā tu vai prabhā / khanantaḥ pṛthivīṃ dagdhā viṣṇuhuṅkāramārgaṇaiḥ

Sanskrit only: no published translation is held for this verse.

असमञ्जस्य तनयः सो ऽंशुमान्नाम विश्रुतः । तस्य पुत्रो दिलीपस्तु दिलीपात्तु भगीरथः

asamañjasya tanayaḥ so 'ṃśumānnāma viśrutaḥ / tasya putro dilīpastu dilīpāttu bhagīrathaḥ

Sanskrit only: no published translation is held for this verse.

येन भागीरथी गङ्गा तपः कृत्वावतारिता । भगीरथसुतश्चापि श्रुतो नाम बभूव ह

yena bhāgīrathī gaṅgā tapaḥ kṛtvāvatāritā / bhagīrathasutaścāpi śruto nāma babhūva ha

Sanskrit only: no published translation is held for this verse.

नाभागस्तस्य दायादो भवभक्तः प्रतापवान् । अंबरीषः सुतस्तस्य सिन्धुद्वीपस् ततो ऽभवत्

nābhāgastasya dāyādo bhavabhaktaḥ pratāpavān / aṃbarīṣaḥ sutastasya sindhudvīpas tato 'bhavat

Sanskrit only: no published translation is held for this verse.

नाभागेनांबरीषेण भुजाभ्यां परिपालिता । बभूव वसुधात्यर्थं तापत्रयविवर्जिता

nābhāgenāṃbarīṣeṇa bhujābhyāṃ paripālitā / babhūva vasudhātyarthaṃ tāpatrayavivarjitā

Sanskrit only: no published translation is held for this verse.

अयुतायुः सुतस्तस्य सिन्धुद्वीपस्य वीर्यवान् । पुत्रो ऽयुतायुषो धीमान् ऋतुपर्णो महायशाः

ayutāyuḥ sutastasya sindhudvīpasya vīryavān / putro 'yutāyuṣo dhīmān ṛtuparṇo mahāyaśāḥ

Sanskrit only: no published translation is held for this verse.

दिव्याक्षहृदयज्ञो वै राजा नलसखो बली । नलौ द्वावेव विख्यातौ पुराणेषु दृढव्रतौ

divyākṣahṛdayajño vai rājā nalasakho balī / nalau dvāveva vikhyātau purāṇeṣu dṛḍhavratau

Sanskrit only: no published translation is held for this verse.

वीरसेनसुतश्चान्यो यश्चेक्ष्वाकुकुलोद्भवः । ऋतुपर्णस्य पुत्रो ऽभूत् सार्वभौमः प्रजेश्वरः

vīrasenasutaścānyo yaścekṣvākukulodbhavaḥ / ṛtuparṇasya putro 'bhūt sārvabhaumaḥ prajeśvaraḥ

Sanskrit only: no published translation is held for this verse.

सुदासस्तस्य तनयो राजा त्विन्द्रसमो ऽभवत् । सुदासस्य सुतः प्रोक्तः सौदासो नाम पार्थिवः

sudāsastasya tanayo rājā tvindrasamo 'bhavat / sudāsasya sutaḥ proktaḥ saudāso nāma pārthivaḥ

Sanskrit only: no published translation is held for this verse.

ख्यातः कल्माषपादो वै नाम्ना मित्रसहश् च सः । वसिष्ठस्तु महातेजाः क्षेत्रे कल्माषपादके

khyātaḥ kalmāṣapādo vai nāmnā mitrasahaś ca saḥ / vasiṣṭhastu mahātejāḥ kṣetre kalmāṣapādake

Sanskrit only: no published translation is held for this verse.

अश्मकं जनयामास इक्ष्वाकुकुलवर्धनम् । अश्मकस्योत्तरायां तु मूलकस्तु सुतो ऽभवत्

aśmakaṃ janayāmāsa ikṣvākukulavardhanam / aśmakasyottarāyāṃ tu mūlakastu suto 'bhavat

Sanskrit only: no published translation is held for this verse.

स हि रामभयाद्राजा स्त्रीभिः परिवृतो वने । बिभर्ति त्राणमिच्छन्वै नारीकवचमुत्तमम्

sa hi rāmabhayādrājā strībhiḥ parivṛto vane / bibharti trāṇamicchanvai nārīkavacamuttamam

Sanskrit only: no published translation is held for this verse.

मूलकस्यापि धर्मात्मा राजा शतरथः सुतः । तस्माच्छतरथाज्जज्ञे राजा त्विलविलो बली

mūlakasyāpi dharmātmā rājā śatarathaḥ sutaḥ / tasmācchatarathājjajñe rājā tvilavilo balī

Sanskrit only: no published translation is held for this verse.

आसीत् त्वैलविलिः श्रीमान् वृद्धशर्मा प्रतापवान् । पुत्रो विश्वसहस्तस्य पितृकन्या व्यजीजनत्

āsīt tvailaviliḥ śrīmān vṛddhaśarmā pratāpavān / putro viśvasahastasya pitṛkanyā vyajījanat

Sanskrit only: no published translation is held for this verse.

दिलीपस्तस्य पुत्रो ऽभूत् खट्वाङ्ग इति विश्रुतः । येन स्वर्गाद् इहागत्य मुहूर्तं प्राप्य जीवितम्

dilīpastasya putro 'bhūt khaṭvāṅga iti viśrutaḥ / yena svargād ihāgatya muhūrtaṃ prāpya jīvitam

Sanskrit only: no published translation is held for this verse.

त्रयो ऽग्नयस्त्रयो लोका बुद्ध्या सत्येन वै जिताः । दीर्घबाहुः सुतस्तस्य रघुस्तस्मादजायत

trayo 'gnayastrayo lokā buddhyā satyena vai jitāḥ / dīrghabāhuḥ sutastasya raghustasmādajāyata

Sanskrit only: no published translation is held for this verse.

अजः पुत्रो रघोश्चापि तस्माज्जज्ञे च वीर्यवान् । राजा दशरथस्तस्माच् छ्रीमानिक्ष्वाकुवंशकृत्

ajaḥ putro raghoścāpi tasmājjajñe ca vīryavān / rājā daśarathastasmāc chrīmānikṣvākuvaṃśakṛt

Sanskrit only: no published translation is held for this verse.

रामो दशरथाद्वीरो धर्मज्ञो लोकविश्रुतः । भरतो लक्ष्मणश्चैव शत्रुघ्नश् च महाबलः

rāmo daśarathādvīro dharmajño lokaviśrutaḥ / bharato lakṣmaṇaścaiva śatrughnaś ca mahābalaḥ

Sanskrit only: no published translation is held for this verse.

तेषां श्रेष्ठो महातेजा रामः परमवीर्यवान् । रावणं समरे हत्वा यज्ञैरिष्ट्वा च धर्मवित्

teṣāṃ śreṣṭho mahātejā rāmaḥ paramavīryavān / rāvaṇaṃ samare hatvā yajñairiṣṭvā ca dharmavit

Sanskrit only: no published translation is held for this verse.

दशवर्षसहस्राणि रामो राज्यं चकार सः । रामस्य तनयो जज्ञे कुश इत्यभिविश्रुतः

daśavarṣasahasrāṇi rāmo rājyaṃ cakāra saḥ / rāmasya tanayo jajñe kuśa ityabhiviśrutaḥ

Sanskrit only: no published translation is held for this verse.

लवश् च सुमहाभागः सत्यवान् अभवत् सुधीः । अतिथिस्तु कुशाज्जज्ञे निषधस्तस्य चात्मजः

lavaś ca sumahābhāgaḥ satyavān abhavat sudhīḥ / atithistu kuśājjajñe niṣadhastasya cātmajaḥ

Sanskrit only: no published translation is held for this verse.

नलस्तु निषधाज्जातो नभस्तस्मादजायत । नभसः पुण्डरीकाख्यः क्षेमधन्वा ततः स्मृतः

nalastu niṣadhājjāto nabhastasmādajāyata / nabhasaḥ puṇḍarīkākhyaḥ kṣemadhanvā tataḥ smṛtaḥ

Sanskrit only: no published translation is held for this verse.

तस्य पुत्रो ऽभवद् वीरो देवानीकः प्रतापवान् । अहीनरः सुतस् तस्य सहस्राश्वस्ततः परः

tasya putro 'bhavad vīro devānīkaḥ pratāpavān / ahīnaraḥ sutas tasya sahasrāśvastataḥ paraḥ

Sanskrit only: no published translation is held for this verse.

शुभश्चन्द्रावलोकश् च तारापीडस्ततो ऽभवत् । तस्यात्मजश्चन्द्रगिरिर् भानुचन्द्रस् ततो ऽभवत्

śubhaścandrāvalokaś ca tārāpīḍastato 'bhavat / tasyātmajaścandragirir bhānucandras tato 'bhavat

Sanskrit only: no published translation is held for this verse.

श्रुतायुरभवत्तस्माद् बृहद्बल इति स्मृतः । भारते यो महातेजाः सौभद्रेण निपातितः

śrutāyurabhavattasmād bṛhadbala iti smṛtaḥ / bhārate yo mahātejāḥ saubhadreṇa nipātitaḥ

Sanskrit only: no published translation is held for this verse.

एते इक्ष्वाकुदायादा राजानः प्रायशः स्मृताः । वंशे प्रधाना एतस्मिन् प्राधान्येन प्रकीर्तिताः

ete ikṣvākudāyādā rājānaḥ prāyaśaḥ smṛtāḥ / vaṃśe pradhānā etasmin prādhānyena prakīrtitāḥ

Sanskrit only: no published translation is held for this verse.

सर्वे पाशुपते ज्ञानम् अधीत्य परमेश्वरम् । समभ्यर्च्य यथाज्ञानम् इष्ट्वा यज्ञैर्यथाविधि

sarve pāśupate jñānam adhītya parameśvaram / samabhyarcya yathājñānam iṣṭvā yajñairyathāvidhi

Sanskrit only: no published translation is held for this verse.

दिवं गता महात्मानः केचिन्मुक्तात्मयोगिनः । नृगो ब्राह्मणशापेन कृकलासत्वम् आगतः

divaṃ gatā mahātmānaḥ kecinmuktātmayoginaḥ / nṛgo brāhmaṇaśāpena kṛkalāsatvam āgataḥ

Sanskrit only: no published translation is held for this verse.

धृष्टश् च धृष्टकेतुश् च यमबालश् च वीर्यवान् । रणधृष्टश् च ते पुत्रास् त्रयः परमधार्मिकाः

dhṛṣṭaś ca dhṛṣṭaketuś ca yamabālaś ca vīryavān / raṇadhṛṣṭaś ca te putrās trayaḥ paramadhārmikāḥ

Sanskrit only: no published translation is held for this verse.

आनर्तो नाम शर्यातेः सुकन्या नाम दारिका । आनर्तस्याभवत् पुत्रो रोचमानः प्रतापवान्

ānarto nāma śaryāteḥ sukanyā nāma dārikā / ānartasyābhavat putro rocamānaḥ pratāpavān

Sanskrit only: no published translation is held for this verse.

रोचमानस्य रेवो ऽभूद् रेवाद् रैवत एव च । ककुद्मी चापरो ज्येष्ठ- पुत्रः पुत्रशतस्य तु

rocamānasya revo 'bhūd revād raivata eva ca / kakudmī cāparo jyeṣṭha- putraḥ putraśatasya tu

Sanskrit only: no published translation is held for this verse.

रेवती यस्य सा कन्या पत्नी रामस्य विश्रुता । नरिष्यन्तस्य पुत्रो ऽभूज् जितात्मा तु महाबली

revatī yasya sā kanyā patnī rāmasya viśrutā / nariṣyantasya putro 'bhūj jitātmā tu mahābalī

Sanskrit only: no published translation is held for this verse.

नाभागादंबरीषस्तु विष्णुभक्तः प्रतापवान् । ऋतस्तस्य सुतः श्रीमान् सर्वधर्मविदांवरः

nābhāgādaṃbarīṣastu viṣṇubhaktaḥ pratāpavān / ṛtastasya sutaḥ śrīmān sarvadharmavidāṃvaraḥ

Sanskrit only: no published translation is held for this verse.

कृतस्तस्य सुधर्माभूत् पृषितो नाम विश्रुतः । करूषस्य तु कारूषाः सर्वे प्रख्यातकीर्तयः

kṛtastasya sudharmābhūt pṛṣito nāma viśrutaḥ / karūṣasya tu kārūṣāḥ sarve prakhyātakīrtayaḥ

Sanskrit only: no published translation is held for this verse.

पृषितो हिंसयित्वा गां गुरोः प्राप सुकल्मषम् । शापाच्छूद्रत्वम् आपन्नश् च्यवनस्येति विश्रुतः

pṛṣito hiṃsayitvā gāṃ guroḥ prāpa sukalmaṣam / śāpācchūdratvam āpannaś cyavanasyeti viśrutaḥ

Sanskrit only: no published translation is held for this verse.

दिष्टपुत्रस्तु नाभागस् तस्मादपि भलन्दनः । भलन्दनस्य विक्रान्तो राजासीद् अजवाहनः

diṣṭaputrastu nābhāgas tasmādapi bhalandanaḥ / bhalandanasya vikrānto rājāsīd ajavāhanaḥ

Sanskrit only: no published translation is held for this verse.

एते समासतः प्रोक्ता मनुपुत्रा महाभुजाः । इक्ष्वाकोः पुत्रपौत्राद्या एलस्याथ वदामि वः

ete samāsataḥ proktā manuputrā mahābhujāḥ / ikṣvākoḥ putrapautrādyā elasyātha vadāmi vaḥ

Sanskrit only: no published translation is held for this verse.

सूत उवाच ऐलः पुरूरवा नाम रुद्रभक्तः प्रतापवान् । चक्रे त्वकण्टकं राज्यं देशे पुण्यतमे द्विजाः

sūta uvāca ailaḥ purūravā nāma rudrabhaktaḥ pratāpavān / cakre tvakaṇṭakaṃ rājyaṃ deśe puṇyatame dvijāḥ

Sanskrit only: no published translation is held for this verse.

उत्तरे यमुनातीरे प्रयागे मुनिसेविते । प्रतिष्ठानाधिपः श्रीमान् प्रतिष्ठाने प्रतिष्ठितः

uttare yamunātīre prayāge munisevite / pratiṣṭhānādhipaḥ śrīmān pratiṣṭhāne pratiṣṭhitaḥ

Sanskrit only: no published translation is held for this verse.

तस्य पुत्राः सप्त भवन् सर्वे वितततेजसः । गन्धर्वलोकविदिता भवभक्ता महाबलाः

tasya putrāḥ sapta bhavan sarve vitatatejasaḥ / gandharvalokaviditā bhavabhaktā mahābalāḥ

Sanskrit only: no published translation is held for this verse.

आयुर् मायुर् अमायुश् च विश्वायुश्चैव वीर्यवान् । श्रुतायुश् च शतायुश् च दिव्याश्चैवोर्वशीसुताः

āyur māyur amāyuś ca viśvāyuścaiva vīryavān / śrutāyuś ca śatāyuś ca divyāścaivorvaśīsutāḥ

Sanskrit only: no published translation is held for this verse.

आयुषस्तनया वीराः पञ्चैवासन्महौजसः । स्वर्भानुतनयायां ते प्रभायां जज्ञिरे नृपाः

āyuṣastanayā vīrāḥ pañcaivāsanmahaujasaḥ / svarbhānutanayāyāṃ te prabhāyāṃ jajñire nṛpāḥ

Sanskrit only: no published translation is held for this verse.

नहुषः प्रथमस्तेषां धर्मज्ञो लोकविश्रुतः । नहुषस्य तु दायादाः षडिन्द्रोपमतेजसः

nahuṣaḥ prathamasteṣāṃ dharmajño lokaviśrutaḥ / nahuṣasya tu dāyādāḥ ṣaḍindropamatejasaḥ

Sanskrit only: no published translation is held for this verse.

उत्पन्नाः पितृकन्यायां विरजायां महौजसः । यतिर्ययातिः संयातिर् आयातिः पञ्चमो ऽन्धकः

utpannāḥ pitṛkanyāyāṃ virajāyāṃ mahaujasaḥ / yatiryayātiḥ saṃyātir āyātiḥ pañcamo 'ndhakaḥ

Sanskrit only: no published translation is held for this verse.

विजातिश्चेति षडिमे सर्वे प्रख्यातकीर्तयः । यतिर्ज्येष्ठश् च तेषां वै ययातिस्तु ततो ऽवरः

vijātiśceti ṣaḍime sarve prakhyātakīrtayaḥ / yatirjyeṣṭhaś ca teṣāṃ vai yayātistu tato 'varaḥ

Sanskrit only: no published translation is held for this verse.

ज्येष्ठस्तु यतिर्मोक्षार्थो ब्रह्मभूतो ऽभवत्प्रभुः । तेषां ययातिः पञ्चानां महाबलपराक्रमः

jyeṣṭhastu yatirmokṣārtho brahmabhūto 'bhavatprabhuḥ / teṣāṃ yayātiḥ pañcānāṃ mahābalaparākramaḥ

Sanskrit only: no published translation is held for this verse.

<ययाति> देवयानीमुशनसः सुतां भार्यामवाप सः । शर्मिष्ठामासुरीं चैव तनयां वृषपर्वणः

<Yayāti> devayānīmuśanasaḥ sutāṃ bhāryāmavāpa saḥ / śarmiṣṭhāmāsurīṃ caiva tanayāṃ vṛṣaparvaṇaḥ

Sanskrit only: no published translation is held for this verse.

यदुं च तुर्वसुं चैव देवयानी व्यजायत । तावुभौ शुभकर्माणौ स्तुतौ विद्याविशारदौ

yaduṃ ca turvasuṃ caiva devayānī vyajāyata / tāvubhau śubhakarmāṇau stutau vidyāviśāradau

Sanskrit only: no published translation is held for this verse.

द्रुह्यं चानुं च पूरुं च शर्मिष्ठा वार्षपर्वणी । ययातये रथं तस्मै ददौ शुक्रः प्रतापवान्

druhyaṃ cānuṃ ca pūruṃ ca śarmiṣṭhā vārṣaparvaṇī / yayātaye rathaṃ tasmai dadau śukraḥ pratāpavān

Sanskrit only: no published translation is held for this verse.

तोषितस्तेन विप्रेन्द्रः प्रीतः परमभास्वरम् । सुसंगं काञ्चनं दिव्यम् अक्षये च महेषुधी

toṣitastena viprendraḥ prītaḥ paramabhāsvaram / susaṃgaṃ kāñcanaṃ divyam akṣaye ca maheṣudhī

Sanskrit only: no published translation is held for this verse.

युक्तं मनोजवैर् अश्वैर् येन कन्यां समुद्वहन् । स तेन रथमुख्येन षण्मासेनाजयन्महीम्

yuktaṃ manojavair aśvair yena kanyāṃ samudvahan / sa tena rathamukhyena ṣaṇmāsenājayanmahīm

Sanskrit only: no published translation is held for this verse.

ययातिर्युधि दुर्धर्षो देवदानवमानुषैः । भवभक्तस्तु पुण्यात्मा धर्मनिष्ठः समञ्जसः

yayātiryudhi durdharṣo devadānavamānuṣaiḥ / bhavabhaktastu puṇyātmā dharmaniṣṭhaḥ samañjasaḥ

Sanskrit only: no published translation is held for this verse.

यज्ञयाजी जितक्रोधः सर्वभूतानुकम्पनः । कौरवाणां च सर्वेषां स भवद्रथ उत्तमः

yajñayājī jitakrodhaḥ sarvabhūtānukampanaḥ / kauravāṇāṃ ca sarveṣāṃ sa bhavadratha uttamaḥ

Sanskrit only: no published translation is held for this verse.

यावन्नरेन्द्रप्रवरः कौरवो जनमेजयः । पूरोर्वंशस्य राज्ञस्तु राज्ञः पारिक्षितस्य तु

yāvannarendrapravaraḥ kauravo janamejayaḥ / pūrorvaṃśasya rājñastu rājñaḥ pārikṣitasya tu

Sanskrit only: no published translation is held for this verse.

जगाम स रथो नाशं शापाद्गर्गस्य धीमतः । गर्गस्य हि सुतं बालं स राजा जनमेजयः

jagāma sa ratho nāśaṃ śāpādgargasya dhīmataḥ / gargasya hi sutaṃ bālaṃ sa rājā janamejayaḥ

Sanskrit only: no published translation is held for this verse.

अक्रूरं हिंसयामास ब्रह्महत्यामवाप सः । स लोहगन्धी राजर्षिः परिधावन्नितस्ततः

akrūraṃ hiṃsayāmāsa brahmahatyāmavāpa saḥ / sa lohagandhī rājarṣiḥ paridhāvannitastataḥ

Sanskrit only: no published translation is held for this verse.

पौरजानपदैस्त्यक्तो न लेभे शर्म कर्हिचित् । ततः स दुःखसंतप्तो न लेभे संविदं क्वचित्

paurajānapadaistyakto na lebhe śarma karhicit / tataḥ sa duḥkhasaṃtapto na lebhe saṃvidaṃ kvacit

Sanskrit only: no published translation is held for this verse.

जगाम शौनकमृषिं शरण्यं व्यथितस्तदा । इन्द्रेतिर् नाम विख्यातो यो ऽसौ मुनिरुदारधीः

jagāma śaunakamṛṣiṃ śaraṇyaṃ vyathitastadā / indretir nāma vikhyāto yo 'sau munirudāradhīḥ

Sanskrit only: no published translation is held for this verse.

याजयामास चेन्द्रेतिस् तं नृपं जनमेजयम् । अश्वमेधेन राजानं पावनार्थं द्विजोत्तमाः

yājayāmāsa cendretis taṃ nṛpaṃ janamejayam / aśvamedhena rājānaṃ pāvanārthaṃ dvijottamāḥ

Sanskrit only: no published translation is held for this verse.

स लोहगन्धान्निर्मुक्त एनसा च महायशाः । यज्ञस्यावभृथे मध्ये यातो दिव्यो रथः शुभः

sa lohagandhānnirmukta enasā ca mahāyaśāḥ / yajñasyāvabhṛthe madhye yāto divyo rathaḥ śubhaḥ

Sanskrit only: no published translation is held for this verse.

तस्माद्वंशात्परिभ्रष्टो वसोश्चेदिपतेः पुनः । दत्तः शक्रेण तुष्टेन लेभे तस्माद् बृहद्रथः

tasmādvaṃśātparibhraṣṭo vasoścedipateḥ punaḥ / dattaḥ śakreṇa tuṣṭena lebhe tasmād bṛhadrathaḥ

Sanskrit only: no published translation is held for this verse.

ततो हत्वा जरासंधं भीमस्तं रथमुत्तमम् । प्रददौ वासुदेवाय प्रीत्या कौरवनन्दनः

tato hatvā jarāsaṃdhaṃ bhīmastaṃ rathamuttamam / pradadau vāsudevāya prītyā kauravanandanaḥ

Sanskrit only: no published translation is held for this verse.

सूत उवाच अभ्यषिञ्चत्पुरुं पुत्रं ययातिर्नाहुषः प्रभुः । कृतोपकारस्तेनैव पुरुणा द्विजसत्तमाः

sūta uvāca abhyaṣiñcatpuruṃ putraṃ yayātirnāhuṣaḥ prabhuḥ / kṛtopakārastenaiva puruṇā dvijasattamāḥ

Sanskrit only: no published translation is held for this verse.

अभिषेक्तुकामं च नृपं पुरुं पुत्रं कनीयसम् । ब्राह्मणप्रमुखा वर्णा इदं वचनमब्रुवन्

abhiṣektukāmaṃ ca nṛpaṃ puruṃ putraṃ kanīyasam / brāhmaṇapramukhā varṇā idaṃ vacanamabruvan

Sanskrit only: no published translation is held for this verse.

कथं शुक्रस्य नप्तारं देवयान्याः सुतं प्रभो । ज्येष्ठं यदुमतिक्रम्य कनीयान्राज्यमर्हति

kathaṃ śukrasya naptāraṃ devayānyāḥ sutaṃ prabho / jyeṣṭhaṃ yadumatikramya kanīyānrājyamarhati

Sanskrit only: no published translation is held for this verse.

एते संबोधयामस्त्वां धर्मं च अनुपालय

ete saṃbodhayāmastvāṃ dharmaṃ ca anupālaya

Sanskrit only: no published translation is held for this verse.