Liṅga Purāṇa 1.68

सूत उवाच यदोर्वंशं प्रवक्ष्यामि ज्येष्ठस्योत्तमतेजसः । संक्षेपेणानुपूर्व्याच्च गदतो मे निबोधत

sūta uvāca yadorvaṃśaṃ pravakṣyāmi jyeṣṭhasyottamatejasaḥ / saṃkṣepeṇānupūrvyācca gadato me nibodhata

Sanskrit only: no published translation is held for this verse.

यदोः पुत्रा बभूवुर् हि पञ्च देवसुतोपमाः । सहस्रजित्सुतो ज्येष्ठः क्रोष्टुर् नीलो ऽजको लघुः

yadoḥ putrā babhūvur hi pañca devasutopamāḥ / sahasrajitsuto jyeṣṭhaḥ kroṣṭur nīlo 'jako laghuḥ

Sanskrit only: no published translation is held for this verse.

सहस्रजित्सुतस्तद्वच् छतजिन्नाम पार्थिवः । सुताः शतजितः ख्यातास् त्रयः परमकीर्तयः

sahasrajitsutastadvac chatajinnāma pārthivaḥ / sutāḥ śatajitaḥ khyātās trayaḥ paramakīrtayaḥ

Sanskrit only: no published translation is held for this verse.

हैहयश् च हयश्चैव राजा वेणुहयश् च यः । हैहयस्य तु दायादो धर्म इत्यभिविश्रुतः

haihayaś ca hayaścaiva rājā veṇuhayaś ca yaḥ / haihayasya tu dāyādo dharma ityabhiviśrutaḥ

Sanskrit only: no published translation is held for this verse.

तस्य पुत्रो ऽभवद्विप्रा धर्मनेत्र इति श्रुतः । धर्मनेत्रस्य कीर्तिस् तु संजयस् तस्य चात्मजः

tasya putro 'bhavadviprā dharmanetra iti śrutaḥ / dharmanetrasya kīrtis tu saṃjayas tasya cātmajaḥ

Sanskrit only: no published translation is held for this verse.

संजयस्य तु दायादो महिष्मान्नाम धार्मिकः । आसीन् महिष्मतः पुत्रो भद्रश्रेण्यः प्रतापवान्

saṃjayasya tu dāyādo mahiṣmānnāma dhārmikaḥ / āsīn mahiṣmataḥ putro bhadraśreṇyaḥ pratāpavān

Sanskrit only: no published translation is held for this verse.

भद्रश्रेण्यस्य दायादो दुर्दमो नाम पार्थिवः । दुर्दमस्य सुतो धीमान् धनको नाम विश्रुतः

bhadraśreṇyasya dāyādo durdamo nāma pārthivaḥ / durdamasya suto dhīmān dhanako nāma viśrutaḥ

Sanskrit only: no published translation is held for this verse.

धनकस्य तु दायादाश् चत्वारो लोकसंमताः । कृतवीर्यः कृताग्निश् च कृतवर्मा तथैव च

dhanakasya tu dāyādāś catvāro lokasaṃmatāḥ / kṛtavīryaḥ kṛtāgniś ca kṛtavarmā tathaiva ca

Sanskrit only: no published translation is held for this verse.

कृतौजाश् च चतुर्थो ऽभूत् कार्तवीर्यस्ततो ऽर्जुनः । जज्ञे बाहुसहस्रेण सप्तद्वीपेश्वरोत्तमः

kṛtaujāś ca caturtho 'bhūt kārtavīryastato 'rjunaḥ / jajñe bāhusahasreṇa saptadvīpeśvarottamaḥ

Sanskrit only: no published translation is held for this verse.

तस्य रामस् तदा त्वासीन् मृत्युर्नारायणात्मकः । तस्य पुत्रशतान्यासन् पञ्च तत्र महारथाः

tasya rāmas tadā tvāsīn mṛtyurnārāyaṇātmakaḥ / tasya putraśatānyāsan pañca tatra mahārathāḥ

Sanskrit only: no published translation is held for this verse.

कृतास्त्रा बलिनः शूरा धर्मात्मानो मनस्विनः । शूरश् च शूरसेनश् च धृष्टः कृष्णस्तथैव च

kṛtāstrā balinaḥ śūrā dharmātmāno manasvinaḥ / śūraś ca śūrasenaś ca dhṛṣṭaḥ kṛṣṇastathaiva ca

Sanskrit only: no published translation is held for this verse.

जयध्वजश् च राजासीद् आवन्तीनां विशां पतिः । जयध्वजस्य पुत्रो ऽभूत् तालजङ्घो महाबलः

jayadhvajaś ca rājāsīd āvantīnāṃ viśāṃ patiḥ / jayadhvajasya putro 'bhūt tālajaṅgho mahābalaḥ

Sanskrit only: no published translation is held for this verse.

शतं पुत्रास्तु तस्येह तालजङ्घाः प्रकीर्तिताः । तेषां ज्येष्ठो महावीर्यो वीतिहोत्रो ऽभवन्नृपः

śataṃ putrāstu tasyeha tālajaṅghāḥ prakīrtitāḥ / teṣāṃ jyeṣṭho mahāvīryo vītihotro 'bhavannṛpaḥ

Sanskrit only: no published translation is held for this verse.

वृषप्रभृतयश्चान्ये तत्सुताः पुण्यकर्मणः । वृषो वंशकरस्तेषां तस्य पुत्रो ऽभवन्मधुः

vṛṣaprabhṛtayaścānye tatsutāḥ puṇyakarmaṇaḥ / vṛṣo vaṃśakarasteṣāṃ tasya putro 'bhavanmadhuḥ

Sanskrit only: no published translation is held for this verse.

मधोः पुत्रशतं चासीद् वृष्णिस्तस्य तु वंशभाक् । वृष्णेस्तु वृष्णयः सर्वे मधोर्वै माधवाः स्मृताः । यादवा यदुवंशेन निरुच्यन्ते तु हैहयाः

madhoḥ putraśataṃ cāsīd vṛṣṇistasya tu vaṃśabhāk / vṛṣṇestu vṛṣṇayaḥ sarve madhorvai mādhavāḥ smṛtāḥ / yādavā yaduvaṃśena nirucyante tu haihayāḥ

Sanskrit only: no published translation is held for this verse.

तेषां पञ्च गणा ह्येते हैहयानां महात्मनाम्

teṣāṃ pañca gaṇā hyete haihayānāṃ mahātmanām

Sanskrit only: no published translation is held for this verse.

वीतिहोत्राश् च हर्याता भोजाश्चावन्तयस् तथा । शूरसेनास्तु विख्यातास् तालजङ्घास्तथैव च

vītihotrāś ca haryātā bhojāścāvantayas tathā / śūrasenāstu vikhyātās tālajaṅghāstathaiva ca

Sanskrit only: no published translation is held for this verse.

शूरश् च शूरसेनश् च वृषः कृष्णस्तथैव च । जयध्वजः पञ्चमस्तु विख्याता हैहयोत्तमाः

śūraś ca śūrasenaś ca vṛṣaḥ kṛṣṇastathaiva ca / jayadhvajaḥ pañcamastu vikhyātā haihayottamāḥ

Sanskrit only: no published translation is held for this verse.

शूरश् च शूरवीरश् च शूरसेनस्य चानघाः । शूरसेना इति ख्याता देशास्तेषां महात्मनाम्

śūraś ca śūravīraś ca śūrasenasya cānaghāḥ / śūrasenā iti khyātā deśāsteṣāṃ mahātmanām

Sanskrit only: no published translation is held for this verse.

वीतिहोत्रसुतश्चापि विश्रुतो नर्त इत्युत । दुर्जयः कृष्णपुत्रस्तु बभूवामित्रकर्शनः

vītihotrasutaścāpi viśruto narta ityuta / durjayaḥ kṛṣṇaputrastu babhūvāmitrakarśanaḥ

Sanskrit only: no published translation is held for this verse.

क्रोष्टुश् च शृणु राजर्षेर् वंशमुत्तमपौरुषम् । यस्यान्वये तु सम्भूतो विष्णुर् वृष्णिकुलोद्वहः

kroṣṭuś ca śṛṇu rājarṣer vaṃśamuttamapauruṣam / yasyānvaye tu sambhūto viṣṇur vṛṣṇikulodvahaḥ

Sanskrit only: no published translation is held for this verse.

क्रोष्टोरेको ऽभवत्पुत्रो वृजिनीवान्महायशाः । तस्य पुत्रो ऽभवत् स्वाती कुशङ्कुस् तत्सुतो ऽभवत्

kroṣṭoreko 'bhavatputro vṛjinīvānmahāyaśāḥ / tasya putro 'bhavat svātī kuśaṅkus tatsuto 'bhavat

Sanskrit only: no published translation is held for this verse.

अथ प्रसूतिमिच्छन्वै कुशङ्कुः सुमहाबलः । महाक्रतुभिर् ईजे ऽसौ विविधैराप्तदक्षिणैः

atha prasūtimicchanvai kuśaṅkuḥ sumahābalaḥ / mahākratubhir īje 'sau vividhairāptadakṣiṇaiḥ

Sanskrit only: no published translation is held for this verse.

जज्ञे चित्ररथस्तस्य पुत्रः कर्मभिर् अन्वितः । अथ चैत्ररथो वीरो यज्वा विपुलदक्षिणः

jajñe citrarathastasya putraḥ karmabhir anvitaḥ / atha caitraratho vīro yajvā vipuladakṣiṇaḥ

Sanskrit only: no published translation is held for this verse.

शशबिन्दुस् तु वै राजा अन्वयाद् व्रतम् उत्तमम् । चक्रवर्ती महासत्त्वो महावीर्यो बहुप्रजाः

śaśabindus tu vai rājā anvayād vratam uttamam / cakravartī mahāsattvo mahāvīryo bahuprajāḥ

Sanskrit only: no published translation is held for this verse.

शशबिन्दोस्तु पुत्राणां सहस्राणामभूच्छतम् । शंसन्ति तस्य पुत्राणाम् अनन्तकम् अनुत्तमम्

śaśabindostu putrāṇāṃ sahasrāṇāmabhūcchatam / śaṃsanti tasya putrāṇām anantakam anuttamam

Sanskrit only: no published translation is held for this verse.

अनन्तकात् सुतो यज्ञो यज्ञस्य तनयो धृतिः । उशनास्तस्य तनयः सम्प्राप्य तु महीमिमाम्

anantakāt suto yajño yajñasya tanayo dhṛtiḥ / uśanāstasya tanayaḥ samprāpya tu mahīmimām

Sanskrit only: no published translation is held for this verse.

आजहाराश्वमेधानां शतमुत्तमधार्मिकः । स्मृतश्चोशनसः पुत्रः सितेषुर् नाम पार्थिवः

ājahārāśvamedhānāṃ śatamuttamadhārmikaḥ / smṛtaścośanasaḥ putraḥ siteṣur nāma pārthivaḥ

Sanskrit only: no published translation is held for this verse.

मरुतस्तस्य तनयो राजर्षिर्वंशवर्धनः । वीरः कम्बलबर्हिस्तु मरुस्तस्यात्मजः स्मृतः

marutastasya tanayo rājarṣirvaṃśavardhanaḥ / vīraḥ kambalabarhistu marustasyātmajaḥ smṛtaḥ

Sanskrit only: no published translation is held for this verse.

पुत्रस्तु रुक्मकवचो विद्वान् कम्बलबर्हिषः । निहत्य रुक्मकवचो वीरान् कवचिनो रणे

putrastu rukmakavaco vidvān kambalabarhiṣaḥ / nihatya rukmakavaco vīrān kavacino raṇe

Sanskrit only: no published translation is held for this verse.

धन्विनो निशितैर् बाणैर् अवाप श्रियमुत्तमाम् । अश्वमेधे तु धर्मात्मा ऋत्विग्भ्यः पृथिवीं ददौ

dhanvino niśitair bāṇair avāpa śriyamuttamām / aśvamedhe tu dharmātmā ṛtvigbhyaḥ pṛthivīṃ dadau

Sanskrit only: no published translation is held for this verse.

जज्ञे तु रुक्मकवचात् परावृत्परवीरहा । जज्ञिरे पञ्च पुत्रास्तु महासत्त्वाः परावृतः

jajñe tu rukmakavacāt parāvṛtparavīrahā / jajñire pañca putrāstu mahāsattvāḥ parāvṛtaḥ

Sanskrit only: no published translation is held for this verse.

रुक्मेषुः पृथुरुक्मश् च ज्यामघः परिघो हरिः । परिघं च हरिं चैव विदेहेषु पिता न्यसत्

rukmeṣuḥ pṛthurukmaś ca jyāmaghaḥ parigho hariḥ / parighaṃ ca hariṃ caiva videheṣu pitā nyasat

Sanskrit only: no published translation is held for this verse.

रुक्मेषुरभवद्राजा पृथुरुक्मस्तदाश्रयात् । तैस्तु प्रव्राजितो राजा ज्यामघो ऽवसदाश्रमे

rukmeṣurabhavadrājā pṛthurukmastadāśrayāt / taistu pravrājito rājā jyāmagho 'vasadāśrame

Sanskrit only: no published translation is held for this verse.

प्रशान्तः स वनस्थो ऽपि ब्राह्मणैरेव बोधितः । जगाम धनुरादाय देशमन्यं ध्वजी रथी

praśāntaḥ sa vanastho 'pi brāhmaṇaireva bodhitaḥ / jagāma dhanurādāya deśamanyaṃ dhvajī rathī

Sanskrit only: no published translation is held for this verse.

नर्मदातीरमेकाकी केवलं भार्यया युतः । ऋक्षवन्तं गिरिं गत्वा त्यक्तमन्यैरुवास सः

narmadātīramekākī kevalaṃ bhāryayā yutaḥ / ṛkṣavantaṃ giriṃ gatvā tyaktamanyairuvāsa saḥ

Sanskrit only: no published translation is held for this verse.

ज्यामघस्याभवद्भार्या शैब्या शीलवती सती । सा चैव तपसोग्रेण शैब्या वै सम्प्रसूयत

jyāmaghasyābhavadbhāryā śaibyā śīlavatī satī / sā caiva tapasogreṇa śaibyā vai samprasūyata

Sanskrit only: no published translation is held for this verse.

सुतं विदर्भं सुभगा वयःपरिणता सती । राजा पुत्रसुतायां तु विद्वांसौ क्रथकैशिकौ

sutaṃ vidarbhaṃ subhagā vayaḥpariṇatā satī / rājā putrasutāyāṃ tu vidvāṃsau krathakaiśikau

Sanskrit only: no published translation is held for this verse.

पुत्रौ विदर्भराजस्य शूरौ रणविशारदौ । रोमपादस्तृतीयश् च बभ्रुस्तस्यात्मजः स्मृतः

putrau vidarbharājasya śūrau raṇaviśāradau / romapādastṛtīyaś ca babhrustasyātmajaḥ smṛtaḥ

Sanskrit only: no published translation is held for this verse.

सुधृतिस्तनयस्तस्य विद्वान्परमधार्मिकः । कौशिकस्तनयस्तस्मात् तस्माच्चैद्यान्वयः स्मृतः

sudhṛtistanayastasya vidvānparamadhārmikaḥ / kauśikastanayastasmāt tasmāccaidyānvayaḥ smṛtaḥ

Sanskrit only: no published translation is held for this verse.

क्रथो विदर्भस्य सुतः कुन्तिस्तस्यात्मजो ऽभवत् । कुन्तेर् वृतस्ततो जज्ञे रणधृष्टः प्रतापवान्

kratho vidarbhasya sutaḥ kuntistasyātmajo 'bhavat / kunter vṛtastato jajñe raṇadhṛṣṭaḥ pratāpavān

Sanskrit only: no published translation is held for this verse.

रणधृष्टस्य च सुतो निधृतिः परवीरहा । दशार्हो नैधृतो नाम्ना महारिगणसूदनः

raṇadhṛṣṭasya ca suto nidhṛtiḥ paravīrahā / daśārho naidhṛto nāmnā mahārigaṇasūdanaḥ

Sanskrit only: no published translation is held for this verse.

दशार्हस्य सुतो व्याप्तो जीमूत इति तत्सुतः । जीमूतपुत्रो विकृतिस् तस्य भीमरथः सुतः

daśārhasya suto vyāpto jīmūta iti tatsutaḥ / jīmūtaputro vikṛtis tasya bhīmarathaḥ sutaḥ

Sanskrit only: no published translation is held for this verse.

अथ भीमरथस्यासीत् पुत्रो नवरथः किल । दानधर्मरतो नित्यं सत्यशीलपरायणः

atha bhīmarathasyāsīt putro navarathaḥ kila / dānadharmarato nityaṃ satyaśīlaparāyaṇaḥ

Sanskrit only: no published translation is held for this verse.

तस्य चासीद्दृढरथः शकुनिस्तस्य चात्मजः । तस्मात् करम्भः सम्भूतो देवरातो ऽभवत्ततः

tasya cāsīddṛḍharathaḥ śakunistasya cātmajaḥ / tasmāt karambhaḥ sambhūto devarāto 'bhavattataḥ

Sanskrit only: no published translation is held for this verse.

देवरातादभूद्राजा देवरातिर् महायशाः । देवगर्भोपमो जज्ञे यो देवक्षत्रनामकः

devarātādabhūdrājā devarātir mahāyaśāḥ / devagarbhopamo jajñe yo devakṣatranāmakaḥ

Sanskrit only: no published translation is held for this verse.

देवक्षत्रसुतः श्रीमान् मधुर्नाम महायशाः । मधूनां वंशकृद्राजा मधोस्तु कुरुवंशकः

devakṣatrasutaḥ śrīmān madhurnāma mahāyaśāḥ / madhūnāṃ vaṃśakṛdrājā madhostu kuruvaṃśakaḥ

Sanskrit only: no published translation is held for this verse.

कुरुवंशाद् अनुस् तस्मात् पुरुत्वान् पुरुषोत्तमः । अंशुर्जज्ञे च वैदर्भ्यां भद्रवत्यां पुरुत्वतः

kuruvaṃśād anus tasmāt purutvān puruṣottamaḥ / aṃśurjajñe ca vaidarbhyāṃ bhadravatyāṃ purutvataḥ

Sanskrit only: no published translation is held for this verse.

ऐक्ष्वाकीम् अवहच्चांशुः सत्त्वस्तस्मादजायत । सत्त्वात् सर्वगुणोपेतः सात्वतः कुलवर्धनः

aikṣvākīm avahaccāṃśuḥ sattvastasmādajāyata / sattvāt sarvaguṇopetaḥ sātvataḥ kulavardhanaḥ

Sanskrit only: no published translation is held for this verse.

ज्यामघस्य मया प्रोक्ता सृष्टिर्वै विस्तरेण वः । यः पठेच्छृणुयाद्वापि निसृष्टिं ज्यामघस्य तु

jyāmaghasya mayā proktā sṛṣṭirvai vistareṇa vaḥ / yaḥ paṭhecchṛṇuyādvāpi nisṛṣṭiṃ jyāmaghasya tu

Sanskrit only: no published translation is held for this verse.

प्रजीवत्येति वै स्वर्गं राज्यं सौख्यं च विन्दति

prajīvatyeti vai svargaṃ rājyaṃ saukhyaṃ ca vindati

Sanskrit only: no published translation is held for this verse.