Library·Liṅga Purāṇa·1·1.69
सूत उवाच सात्वतः सत्यसम्पन्नः प्रजज्ञे चतुरः सुतान् । भजनं भ्राजमानं च दिव्यं देवावृधं नृपम्
sūta uvāca sātvataḥ satyasampannaḥ prajajñe caturaḥ sutān / bhajanaṃ bhrājamānaṃ ca divyaṃ devāvṛdhaṃ nṛpam
Sanskrit only: no published translation is held for this verse.
अन्धकं च महाभागं वृष्णिं च यदुनन्दनम् । तेषां निसर्गांश्चतुरः शृणुध्वं विस्तरेण वै
andhakaṃ ca mahābhāgaṃ vṛṣṇiṃ ca yadunandanam / teṣāṃ nisargāṃścaturaḥ śṛṇudhvaṃ vistareṇa vai
Sanskrit only: no published translation is held for this verse.
सृञ्जय्यां भजनाच्चैव भ्राजमानाद्विजज्ञिरे । अयुतायुः शतायुश् च बलवान् हर्षकृत्स्मृतः
sṛñjayyāṃ bhajanāccaiva bhrājamānādvijajñire / ayutāyuḥ śatāyuś ca balavān harṣakṛtsmṛtaḥ
Sanskrit only: no published translation is held for this verse.
तेषां देवावृधो राजा चचार परमं तपः । पुत्रः सर्वगुणोपेतो मम भूयादिति स्मरन्
teṣāṃ devāvṛdho rājā cacāra paramaṃ tapaḥ / putraḥ sarvaguṇopeto mama bhūyāditi smaran
Sanskrit only: no published translation is held for this verse.
तस्य बभ्रुरिति ख्यातः पुण्यश्लोको नृपोत्तमः । अनुवंशपुराणज्ञा गायन्तीति परिश्रुतम्
tasya babhruriti khyātaḥ puṇyaśloko nṛpottamaḥ / anuvaṃśapurāṇajñā gāyantīti pariśrutam
Sanskrit only: no published translation is held for this verse.
गुणान्देवावृधस्याथ कीर्तयन्तो महात्मनः । यथैव शृणुमो दूरात् संपश्यामस्तथान्तिकात्
guṇāndevāvṛdhasyātha kīrtayanto mahātmanaḥ / yathaiva śṛṇumo dūrāt saṃpaśyāmastathāntikāt
Sanskrit only: no published translation is held for this verse.
बभ्रुः श्रेष्ठो मनुष्याणां देवैर्देवावृधः समः । पुरुषाः पञ्च षष्टिस्तु षट् सहस्राणि चाष्ट च
babhruḥ śreṣṭho manuṣyāṇāṃ devairdevāvṛdhaḥ samaḥ / puruṣāḥ pañca ṣaṣṭistu ṣaṭ sahasrāṇi cāṣṭa ca
Sanskrit only: no published translation is held for this verse.
ये ऽमृतत्वमनुप्राप्ता बभ्रोर्देवावृधादपि । यज्वा दानमतिर्वीरो ब्रह्मण्यस्तु दृढव्रतः
ye 'mṛtatvamanuprāptā babhrordevāvṛdhādapi / yajvā dānamatirvīro brahmaṇyastu dṛḍhavrataḥ
Sanskrit only: no published translation is held for this verse.
कीर्तिमांश् च महातेजाः सात्वतानां महारथः । तस्यान्ववाये सम्भूता भोजा वै दैवतोपमाः
kīrtimāṃś ca mahātejāḥ sātvatānāṃ mahārathaḥ / tasyānvavāye sambhūtā bhojā vai daivatopamāḥ
Sanskrit only: no published translation is held for this verse.
गान्धारी चैव माद्री च वृष्णिभार्ये बभूवतुः । गान्धारी जनयामास सुमित्रं मित्रनन्दनम्
gāndhārī caiva mādrī ca vṛṣṇibhārye babhūvatuḥ / gāndhārī janayāmāsa sumitraṃ mitranandanam
Sanskrit only: no published translation is held for this verse.
माद्री लेभे च तं पुत्रं ततः सा देवमीढुषम् । अनमित्रं शिनिं चैव तावुभौ पुरुषोत्तमौ
mādrī lebhe ca taṃ putraṃ tataḥ sā devamīḍhuṣam / anamitraṃ śiniṃ caiva tāvubhau puruṣottamau
Sanskrit only: no published translation is held for this verse.
अनमित्रसुतो निघ्नो निघ्नस्य द्वौ बभूवतुः । प्रसेनश् च महाभागः सत्राजिच्च सुतावुभौ
anamitrasuto nighno nighnasya dvau babhūvatuḥ / prasenaś ca mahābhāgaḥ satrājicca sutāvubhau
Sanskrit only: no published translation is held for this verse.
तस्य सत्राजितः सूर्यः सखा प्राणसमो ऽभवत् । स्यमन्तको नाम मणिर् दत्तस्तस्मै विवस्वता
tasya satrājitaḥ sūryaḥ sakhā prāṇasamo 'bhavat / syamantako nāma maṇir dattastasmai vivasvatā
Sanskrit only: no published translation is held for this verse.
पृथिव्यां सर्वरत्नानाम् असौ राजाभवन्मणिः । कदाचिन्मृगयां यातः प्रसेनेन सहैव सः
pṛthivyāṃ sarvaratnānām asau rājābhavanmaṇiḥ / kadācinmṛgayāṃ yātaḥ prasenena sahaiva saḥ
Sanskrit only: no published translation is held for this verse.
वधं प्राप्तो ऽसहायश् च सिंहादेव सुदारुणात् । अथ पुत्रः शिनेर्जज्ञे कनिष्ठाद् वृष्णिनन्दनात्
vadhaṃ prāpto 'sahāyaś ca siṃhādeva sudāruṇāt / atha putraḥ śinerjajñe kaniṣṭhād vṛṣṇinandanāt
Sanskrit only: no published translation is held for this verse.
सत्यवाक् सत्यसम्पन्नः सत्यकस्तस्य चात्मजः । सात्यकिर्युयुधानस्तु शिनेर्नप्ता प्रतापवान्
satyavāk satyasampannaḥ satyakastasya cātmajaḥ / sātyakiryuyudhānastu śinernaptā pratāpavān
Sanskrit only: no published translation is held for this verse.
असंगो युयुधानस्य कुणिस्तस्य सुतो ऽभवत् । कुणेर् युगंधरः पुत्रः शैनेया इति कीर्तिताः
asaṃgo yuyudhānasya kuṇistasya suto 'bhavat / kuṇer yugaṃdharaḥ putraḥ śaineyā iti kīrtitāḥ
Sanskrit only: no published translation is held for this verse.
माद्र्याः सुतस्य संजज्ञे सुतो वार्ष्णिर्युधाजितः । श्वफल्क इति विख्यातस् त्रैलोक्यहितकारकः
mādryāḥ sutasya saṃjajñe suto vārṣṇiryudhājitaḥ / śvaphalka iti vikhyātas trailokyahitakārakaḥ
Sanskrit only: no published translation is held for this verse.
श्वफल्कश् च महाराजो धर्मात्मा यत्र वर्तते । नास्ति व्याधिभयं तत्र नावृष्टिभयमप्युत
śvaphalkaś ca mahārājo dharmātmā yatra vartate / nāsti vyādhibhayaṃ tatra nāvṛṣṭibhayamapyuta
Sanskrit only: no published translation is held for this verse.
श्वफल्कः काशिराजस्य सुतां भार्यामवाप सः । गान्दिनीं नाम काश्यो हि ददौ तस्मै स्वकन्यकाम्
śvaphalkaḥ kāśirājasya sutāṃ bhāryāmavāpa saḥ / gāndinīṃ nāma kāśyo hi dadau tasmai svakanyakām
Sanskrit only: no published translation is held for this verse.
सा मातुरुदरस्था वै बहून्वर्षगणान्किल । वसन्ती न च संजज्ञे गर्भस्था तां पिताब्रवीत्
sā māturudarasthā vai bahūnvarṣagaṇānkila / vasantī na ca saṃjajñe garbhasthā tāṃ pitābravīt
Sanskrit only: no published translation is held for this verse.
जायस्व शीघ्रं भद्रं ते किमर्थं चाभितिष्ठसि । प्रोवाच चैनं गर्भस्था सा कन्या गान्दिनी तदा
jāyasva śīghraṃ bhadraṃ te kimarthaṃ cābhitiṣṭhasi / provāca cainaṃ garbhasthā sā kanyā gāndinī tadā
Sanskrit only: no published translation is held for this verse.
वर्षत्रयं प्रतिदिनं गामेकां ब्राह्मणाय तु । यदि दद्यास्ततः कुक्षेर् निर्गमिष्याम्यहं पितः
varṣatrayaṃ pratidinaṃ gāmekāṃ brāhmaṇāya tu / yadi dadyāstataḥ kukṣer nirgamiṣyāmyahaṃ pitaḥ
Sanskrit only: no published translation is held for this verse.
तथेत्युवाच तस्या वै पिता काममपूरयत् । दाता शूरश् च यज्वा च श्रुतवानतिथिप्रियः
tathetyuvāca tasyā vai pitā kāmamapūrayat / dātā śūraś ca yajvā ca śrutavānatithipriyaḥ
Sanskrit only: no published translation is held for this verse.
तस्याः पुत्रः स्मृतो ऽक्रूरः श्वफल्काद्भूरिदक्षिणः । रत्ना कन्या च शैवस्य ह्य् अक्रूरस्तामवाप्तवान्
tasyāḥ putraḥ smṛto 'krūraḥ śvaphalkādbhūridakṣiṇaḥ / ratnā kanyā ca śaivasya hy akrūrastāmavāptavān
Sanskrit only: no published translation is held for this verse.
अस्यामुत्पादयामास तनयांस्तान्निबोधत । उपमन्युस् तथा माङ्गुर् वृतस्तु जनमेजयः
asyāmutpādayāmāsa tanayāṃstānnibodhata / upamanyus tathā māṅgur vṛtastu janamejayaḥ
Sanskrit only: no published translation is held for this verse.
गिरिरक्षस्तथोपेक्षः शत्रुघ्नो यो ऽरिमर्दनः । धर्मभृद् वृष्टधर्मा च गोधनो ऽथ वरस् तथा
girirakṣastathopekṣaḥ śatrughno yo 'rimardanaḥ / dharmabhṛd vṛṣṭadharmā ca godhano 'tha varas tathā
Sanskrit only: no published translation is held for this verse.
आवाहप्रतिवाहौ च सुधारा च वराङ्गना । अक्रूरस्योग्रसेन्यां तु पुत्रौ द्वौ कुलनन्दनौ
āvāhaprativāhau ca sudhārā ca varāṅganā / akrūrasyograsenyāṃ tu putrau dvau kulanandanau
Sanskrit only: no published translation is held for this verse.
देववानुपदेवश् च जज्ञाते देवसंमतौ । सुमित्रस्य सुतो जज्ञे चित्रकश् च महायशाः
devavānupadevaś ca jajñāte devasaṃmatau / sumitrasya suto jajñe citrakaś ca mahāyaśāḥ
Sanskrit only: no published translation is held for this verse.
चित्रकस्याभवन्पुत्रा विपृथुः पृथुरेव च । अश्वग्रीवः सुबाहुश् च सुधासूकगवेक्षणौ
citrakasyābhavanputrā vipṛthuḥ pṛthureva ca / aśvagrīvaḥ subāhuś ca sudhāsūkagavekṣaṇau
Sanskrit only: no published translation is held for this verse.
अरिष्टनेमिरश्वश् च धर्मो धर्मभृदेव च । सुभूमिर्बहुभूमिश् च श्रविष्ठाश्रवणे स्त्रियौ
ariṣṭanemiraśvaś ca dharmo dharmabhṛdeva ca / subhūmirbahubhūmiś ca śraviṣṭhāśravaṇe striyau
Sanskrit only: no published translation is held for this verse.
अन्धकात्काश्यदुहिता लेभे च चतुरः सुतान् । कुकुरं भजमानं च शुचिं कम्बलबर्हिषम्
andhakātkāśyaduhitā lebhe ca caturaḥ sutān / kukuraṃ bhajamānaṃ ca śuciṃ kambalabarhiṣam
Sanskrit only: no published translation is held for this verse.
कुकुरस्य सुतो वृष्णिर् वृष्णेः शूरस्ततो ऽभवत् । कपोतरोमातिबलस् तस्य पुत्रो विलोमकः
kukurasya suto vṛṣṇir vṛṣṇeḥ śūrastato 'bhavat / kapotaromātibalas tasya putro vilomakaḥ
Sanskrit only: no published translation is held for this verse.
तस्यासीत् तुम्बुरुसखो विद्वान्पुत्रो नलः किल । ख्यायते स सुनाम्ना तु चन्दनानकदुन्दुभिः
tasyāsīt tumburusakho vidvānputro nalaḥ kila / khyāyate sa sunāmnā tu candanānakadundubhiḥ
Sanskrit only: no published translation is held for this verse.
तस्मादप्यभिजित्पुत्र उत्पन्नो ऽस्य पुनर्वसुः । अश्वमेधं स पुत्रार्थम् आजहार नरोत्तमः
tasmādapyabhijitputra utpanno 'sya punarvasuḥ / aśvamedhaṃ sa putrārtham ājahāra narottamaḥ
Sanskrit only: no published translation is held for this verse.
तस्य मध्ये ऽतिरात्रस्य सदोमध्यात्समुत्थितः । ततस्तु विद्वान् सर्वज्ञो दाता यज्वा पुनर्वसुः
tasya madhye 'tirātrasya sadomadhyātsamutthitaḥ / tatastu vidvān sarvajño dātā yajvā punarvasuḥ
Sanskrit only: no published translation is held for this verse.
तस्यापि पुत्रमिथुनं बभूवाभिजितः किल । आहुकश्चाहुकी चैव ख्यातौ कीर्तिमतां वरौ
tasyāpi putramithunaṃ babhūvābhijitaḥ kila / āhukaścāhukī caiva khyātau kīrtimatāṃ varau
Sanskrit only: no published translation is held for this verse.
आहुकात् काश्यदुहितुर् द्वौ पुत्रौ संबभूवतुः । देवकश्चोग्रसेनश् च देवगर्भसमावुभौ
āhukāt kāśyaduhitur dvau putrau saṃbabhūvatuḥ / devakaścograsenaś ca devagarbhasamāvubhau
Sanskrit only: no published translation is held for this verse.
देवकस्य सुता राज्ञो जज्ञिरे त्रिदशोपमाः । देववान् उपदेवश् च सुदेवो देवरक्षितः
devakasya sutā rājño jajñire tridaśopamāḥ / devavān upadevaś ca sudevo devarakṣitaḥ
Sanskrit only: no published translation is held for this verse.
तेषां स्वसारः सप्तासन् वसुदेवाय ता ददौ । वृषदेवोपदेवा च तथान्या देवरक्षिता
teṣāṃ svasāraḥ saptāsan vasudevāya tā dadau / vṛṣadevopadevā ca tathānyā devarakṣitā
Sanskrit only: no published translation is held for this verse.
श्रीदेवा शान्तिदेवा च सहदेवा तथापरा । देवकी चापि तासां च वरिष्ठाभूत्सुमध्यमा
śrīdevā śāntidevā ca sahadevā tathāparā / devakī cāpi tāsāṃ ca variṣṭhābhūtsumadhyamā
Sanskrit only: no published translation is held for this verse.
नवोग्रसेनस्य सुतास् तेषां कंसस्तु पूर्वजः । तेषां पुत्राश्च पौत्राश् च शतशो ऽथ सहस्रशः
navograsenasya sutās teṣāṃ kaṃsastu pūrvajaḥ / teṣāṃ putrāśca pautrāś ca śataśo 'tha sahasraśaḥ
Sanskrit only: no published translation is held for this verse.
देवकस्य सुता पत्नी वसुदेवस्य धीमतः । बभूव वन्द्या पूज्या च देवैरपि पतिव्रता
devakasya sutā patnī vasudevasya dhīmataḥ / babhūva vandyā pūjyā ca devairapi pativratā
Sanskrit only: no published translation is held for this verse.
रोहिणी च महाभागा पत्नी चानकदुन्दुभेः । पौरवी बाह्लिकसुता संपूज्यासीत्सुरैरपि
rohiṇī ca mahābhāgā patnī cānakadundubheḥ / pauravī bāhlikasutā saṃpūjyāsītsurairapi
Sanskrit only: no published translation is held for this verse.
असूत रोहिणी रामं बलश्रेष्ठं हलायुधम् । आश्रितं कंसभीत्या च स्वात्मानं शान्ततेजसम्
asūta rohiṇī rāmaṃ balaśreṣṭhaṃ halāyudham / āśritaṃ kaṃsabhītyā ca svātmānaṃ śāntatejasam
Sanskrit only: no published translation is held for this verse.
जाते रामे ऽथ निहते षड्गर्भे चातिदक्षिणे । वसुदेवो हरिं धीमान् देवक्यामुदपादयत्
jāte rāme 'tha nihate ṣaḍgarbhe cātidakṣiṇe / vasudevo hariṃ dhīmān devakyāmudapādayat
Sanskrit only: no published translation is held for this verse.
स एव परमात्मासौ देवदेवो जनार्दनः । हलायुधश् च भगवान् अनन्तो रजतप्रभः
sa eva paramātmāsau devadevo janārdanaḥ / halāyudhaś ca bhagavān ananto rajataprabhaḥ
Sanskrit only: no published translation is held for this verse.
<लिफ़े ओफ़् कृष्ण> भृगुशापछलेनैव मानयन्मानुषीं तनुम् । बभूव तस्यां देवक्यां वासुदेवो जनार्दन
<life of Kṛṣṇa> bhṛguśāpachalenaiva mānayanmānuṣīṃ tanum / babhūva tasyāṃ devakyāṃ vāsudevo janārdana
Sanskrit only: no published translation is held for this verse.
उमादेहसमुद्भूता योगनिद्रा च कौशिकी । नियोगाद्देवदेवस्य यशोदातनया ह्यभूत्
umādehasamudbhūtā yoganidrā ca kauśikī / niyogāddevadevasya yaśodātanayā hyabhūt
Sanskrit only: no published translation is held for this verse.
सा चैव प्रकृतिः साक्षात् सर्वदेवनमस्कृता । पुरुषो भगवान्कृष्णो धर्ममोक्षफलप्रदः
sā caiva prakṛtiḥ sākṣāt sarvadevanamaskṛtā / puruṣo bhagavānkṛṣṇo dharmamokṣaphalapradaḥ
Sanskrit only: no published translation is held for this verse.
तां कन्यां जगृहे रक्षन् कंसात्स्वस्यात्मजं तदा । चतुर्भुजं विशालाक्षं श्रीवत्सकृतलाञ्छनम्
tāṃ kanyāṃ jagṛhe rakṣan kaṃsātsvasyātmajaṃ tadā / caturbhujaṃ viśālākṣaṃ śrīvatsakṛtalāñchanam
Sanskrit only: no published translation is held for this verse.
शङ्खचक्रगदापद्मं धारयन्तं जनार्दनम् । यशोदायै प्रदत्त्वा तु वसुदेवश् च बुद्धिमान्
śaṅkhacakragadāpadmaṃ dhārayantaṃ janārdanam / yaśodāyai pradattvā tu vasudevaś ca buddhimān
Sanskrit only: no published translation is held for this verse.
दत्त्वैनं नन्दगोपस्य रक्षतामिति चाब्रवीत् । रक्षकं जगतां विष्णुं स्वेच्छया धृतविग्रहम्
dattvainaṃ nandagopasya rakṣatāmiti cābravīt / rakṣakaṃ jagatāṃ viṣṇuṃ svecchayā dhṛtavigraham
Sanskrit only: no published translation is held for this verse.
प्रसादाच्चैव देवस्य शिवस्यामिततेजसः । रामेण सार्धं तं दत्त्वा वरदं परमेश्वरम्
prasādāccaiva devasya śivasyāmitatejasaḥ / rāmeṇa sārdhaṃ taṃ dattvā varadaṃ parameśvaram
Sanskrit only: no published translation is held for this verse.
भूभारनिग्रहार्थं च ह्य् अवतीर्णं जगद्गुरुम् । अतो वै सर्वकल्याणं यादवानां भविष्यति
bhūbhāranigrahārthaṃ ca hy avatīrṇaṃ jagadgurum / ato vai sarvakalyāṇaṃ yādavānāṃ bhaviṣyati
Sanskrit only: no published translation is held for this verse.
अयं स गर्भो देवक्या यो नः क्लेश्यान्हरिष्यति । उग्रसेनात्मजायाथ कंसायानकदुन्दुभिः
ayaṃ sa garbho devakyā yo naḥ kleśyānhariṣyati / ugrasenātmajāyātha kaṃsāyānakadundubhiḥ
Sanskrit only: no published translation is held for this verse.
निवेदयामास तदा जातां कन्यां सुलक्षणाम् । अस्यास्तवाष्टमो गर्भो देवक्याः कंस सुव्रत
nivedayāmāsa tadā jātāṃ kanyāṃ sulakṣaṇām / asyāstavāṣṭamo garbho devakyāḥ kaṃsa suvrata
Sanskrit only: no published translation is held for this verse.
मृत्युर् एव न संदेह इति वाणी पुरातनी । ततस्तां हन्तुमारेभे कंसः सोल्लङ्घ्य चांबरम्
mṛtyur eva na saṃdeha iti vāṇī purātanī / tatastāṃ hantumārebhe kaṃsaḥ sollaṅghya cāṃbaram
Sanskrit only: no published translation is held for this verse.
उवाचाष्टभुजा देवी मेघगंभीरया गिरा । रक्षस्व तत्स्वकं देहम् आयातो मृत्युरेव ते
uvācāṣṭabhujā devī meghagaṃbhīrayā girā / rakṣasva tatsvakaṃ deham āyāto mṛtyureva te
Sanskrit only: no published translation is held for this verse.
रक्षमाणस्य देहस्य मायावी कंसरूपिणः । किं कृतं दुष्कृतं मूर्ख जातः खलु तवान्तकृत्
rakṣamāṇasya dehasya māyāvī kaṃsarūpiṇaḥ / kiṃ kṛtaṃ duṣkṛtaṃ mūrkha jātaḥ khalu tavāntakṛt
Sanskrit only: no published translation is held for this verse.
देवक्याः स भयात्कंसो जघानैवाष्टमं त्विति । स्मरन्ति विहितो मृत्युर् देवक्यास् तनयो ऽष्टमः
devakyāḥ sa bhayātkaṃso jaghānaivāṣṭamaṃ tviti / smaranti vihito mṛtyur devakyās tanayo 'ṣṭamaḥ
Sanskrit only: no published translation is held for this verse.
यस्तत्प्रतिकृतौ यत्नो भोजस्यासीद्वृथा हरेः । प्रभावान्मुनिशार्दूलास् तया चैव जडीकृतः
yastatpratikṛtau yatno bhojasyāsīdvṛthā hareḥ / prabhāvānmuniśārdūlās tayā caiva jaḍīkṛtaḥ
Sanskrit only: no published translation is held for this verse.
कंसो ऽपि निहतस्तेन कृष्णेनाक्लिष्टकर्मणा । निहता बहवश्चान्ये देवब्राह्मणघातिनः
kaṃso 'pi nihatastena kṛṣṇenākliṣṭakarmaṇā / nihatā bahavaścānye devabrāhmaṇaghātinaḥ
Sanskrit only: no published translation is held for this verse.
तस्य कृष्णस्य तनयाः प्रद्युम्नप्रमुखास् तथा । बहवः परिसंख्याताः सर्वे युद्धविशारदाः
tasya kṛṣṇasya tanayāḥ pradyumnapramukhās tathā / bahavaḥ parisaṃkhyātāḥ sarve yuddhaviśāradāḥ
Sanskrit only: no published translation is held for this verse.
कृष्णपुत्राः समाख्याताः कृष्णेन सदृशाः सुताः । पुत्रेष्वेतेषु सर्वेषु चारुदेष्णादयो हरेः
kṛṣṇaputrāḥ samākhyātāḥ kṛṣṇena sadṛśāḥ sutāḥ / putreṣveteṣu sarveṣu cārudeṣṇādayo hareḥ
Sanskrit only: no published translation is held for this verse.
विशिष्टा बलवन्तश् च रौक्मिणेयारिसूदनाः । षोडशस्त्रीसहस्राणि शतमेकं तथाधिकम्
viśiṣṭā balavantaś ca raukmiṇeyārisūdanāḥ / ṣoḍaśastrīsahasrāṇi śatamekaṃ tathādhikam
Sanskrit only: no published translation is held for this verse.
कृष्णस्य तासु सर्वासु प्रिया ज्येष्ठा च रुक्मिणी । तया द्वादशवर्षाणि कृष्णेनाक्लिष्टकर्मणा
kṛṣṇasya tāsu sarvāsu priyā jyeṣṭhā ca rukmiṇī / tayā dvādaśavarṣāṇi kṛṣṇenākliṣṭakarmaṇā
Sanskrit only: no published translation is held for this verse.
उष्यता वायुभक्षेण पुत्रार्थं पूजितो हरः । चारुदेष्णः सुचारुश् च चारुवेषो यशोधरः
uṣyatā vāyubhakṣeṇa putrārthaṃ pūjito haraḥ / cārudeṣṇaḥ sucāruś ca cāruveṣo yaśodharaḥ
Sanskrit only: no published translation is held for this verse.
चारुश्रवाश्चारुयशाः प्रद्युम्नः साम्ब एव च । एते लब्धास्तु कृष्णेन शूलपाणिप्रसादतः
cāruśravāścāruyaśāḥ pradyumnaḥ sāmba eva ca / ete labdhāstu kṛṣṇena śūlapāṇiprasādataḥ
Sanskrit only: no published translation is held for this verse.
तान् दृष्ट्वा तनयान्वीरान् रौक्मिणेयांश् च रुक्मिणीम् । जाम्बवत्यब्रवीत्कृष्णं भार्या कृष्णस्य धीमतः
tān dṛṣṭvā tanayānvīrān raukmiṇeyāṃś ca rukmiṇīm / jāmbavatyabravītkṛṣṇaṃ bhāryā kṛṣṇasya dhīmataḥ
Sanskrit only: no published translation is held for this verse.
मम त्वं पुण्डरीकाक्ष विशिष्टं गुणवत्तरम् । सुरेशसंमितं पुत्रं प्रसन्नो दातुमर्हसि
mama tvaṃ puṇḍarīkākṣa viśiṣṭaṃ guṇavattaram / sureśasaṃmitaṃ putraṃ prasanno dātumarhasi
Sanskrit only: no published translation is held for this verse.
जाम्बवत्या वचः श्रुत्वा जगन्नाथस्ततो हरिः । तपस्तप्तुं समारेभे तपोनिधिरनिन्दितः
jāmbavatyā vacaḥ śrutvā jagannāthastato hariḥ / tapastaptuṃ samārebhe taponidhiraninditaḥ
Sanskrit only: no published translation is held for this verse.
सो ऽथ नारायणः कृष्णः शङ्खचक्रगदाधरः । व्याघ्रपादस्य च मुनेर् गत्वा चैवाश्रमोत्तमम्
so 'tha nārāyaṇaḥ kṛṣṇaḥ śaṅkhacakragadādharaḥ / vyāghrapādasya ca muner gatvā caivāśramottamam
Sanskrit only: no published translation is held for this verse.
ऋषिं दृष्ट्वा त्वङ्गिरसं प्रणिपत्य जनार्दनः । दिव्यं पाशुपतं योगं लब्धवांस्तस्य चाज्ञया
ṛṣiṃ dṛṣṭvā tvaṅgirasaṃ praṇipatya janārdanaḥ / divyaṃ pāśupataṃ yogaṃ labdhavāṃstasya cājñayā
Sanskrit only: no published translation is held for this verse.
प्रलुप्तश्मश्रुकेशश् च घृताक्तो मुञ्जमेखली । दीक्षितो भगवान्कृष्णस् तताप च परंतपः
praluptaśmaśrukeśaś ca ghṛtākto muñjamekhalī / dīkṣito bhagavānkṛṣṇas tatāpa ca paraṃtapaḥ
Sanskrit only: no published translation is held for this verse.
ऊर्ध्वबाहुर् निरालंबः पादाङ्गुष्ठाग्रधिष्ठितः । फलाम्बनिलभोजी च ऋतुत्रयम् अधोक्षजः
ūrdhvabāhur nirālaṃbaḥ pādāṅguṣṭhāgradhiṣṭhitaḥ / phalāmbanilabhojī ca ṛtutrayam adhokṣajaḥ
Sanskrit only: no published translation is held for this verse.
तपसा तस्य संतुष्टो ददौ रुद्रो बहून् वरान् । साम्बं जांबवतीपुत्रं कृष्णाय च महात्मने
tapasā tasya saṃtuṣṭo dadau rudro bahūn varān / sāmbaṃ jāṃbavatīputraṃ kṛṣṇāya ca mahātmane
Sanskrit only: no published translation is held for this verse.
तथा जांबवती चैव सांबं भार्या हरेः सुतम् । प्रहर्षमतुलं लेभे लब्ध्वादित्यं यथादितिः
tathā jāṃbavatī caiva sāṃbaṃ bhāryā hareḥ sutam / praharṣamatulaṃ lebhe labdhvādityaṃ yathāditiḥ
Sanskrit only: no published translation is held for this verse.
बाणस्य च तदा तेन छेदितं मुनिपुङ्गवाः । भुजानां चैव साहस्रं शापाद्रुद्रस्य धीमतः
bāṇasya ca tadā tena cheditaṃ munipuṅgavāḥ / bhujānāṃ caiva sāhasraṃ śāpādrudrasya dhīmataḥ
Sanskrit only: no published translation is held for this verse.
अथ दैत्यवधं चक्रे हलायुधसहायवान् । तथा दुष्टक्षितीशानां लीलयैव रणाजिरे
atha daityavadhaṃ cakre halāyudhasahāyavān / tathā duṣṭakṣitīśānāṃ līlayaiva raṇājire
Sanskrit only: no published translation is held for this verse.
स हत्वा देवसम्भूतं नरकं दैत्यपुङ्गवम् । ब्राह्मणस्योर्ध्वचक्रस्य वरदानान्महात्मनः
sa hatvā devasambhūtaṃ narakaṃ daityapuṅgavam / brāhmaṇasyordhvacakrasya varadānānmahātmanaḥ
Sanskrit only: no published translation is held for this verse.
स्वोपभोग्यानि कन्यानां षोडशातुलविक्रमः । शताधिकानि जग्राह सहस्राणि महाबलः
svopabhogyāni kanyānāṃ ṣoḍaśātulavikramaḥ / śatādhikāni jagrāha sahasrāṇi mahābalaḥ
Sanskrit only: no published translation is held for this verse.
शापव्याजेन विप्राणाम् उपसंहृतवान् कुलम् । संहृत्य तत्कुलं चैव प्रभासे ऽतिष्ठदच्युतः
śāpavyājena viprāṇām upasaṃhṛtavān kulam / saṃhṛtya tatkulaṃ caiva prabhāse 'tiṣṭhadacyutaḥ
Sanskrit only: no published translation is held for this verse.
तदा तस्यैव तु गतं वर्षाणामधिकं शतम् । कृष्णस्य द्वारकायां वै जराक्लेशापहारिणः
tadā tasyaiva tu gataṃ varṣāṇāmadhikaṃ śatam / kṛṣṇasya dvārakāyāṃ vai jarākleśāpahāriṇaḥ
Sanskrit only: no published translation is held for this verse.
विश्वामित्रस्य कण्वस्य नारदस्य च धीमतः । शापं पिण्डारके ऽरक्षद् वचो दुर्वाससस्तदा
viśvāmitrasya kaṇvasya nāradasya ca dhīmataḥ / śāpaṃ piṇḍārake 'rakṣad vaco durvāsasastadā
Sanskrit only: no published translation is held for this verse.
त्यक्त्वा च मानुषं रूपं जरकास्त्रच्छलेन तु । अनुगृह्य च कृष्णो ऽपि लुब्धकं प्रययौ दिवम्
tyaktvā ca mānuṣaṃ rūpaṃ jarakāstracchalena tu / anugṛhya ca kṛṣṇo 'pi lubdhakaṃ prayayau divam
Sanskrit only: no published translation is held for this verse.
अष्टावक्रस्य शापेन भार्याः कृष्णस्य धीमतः । चौरैश्चापहृताः सर्वास् तस्य मायाबलेन च
aṣṭāvakrasya śāpena bhāryāḥ kṛṣṇasya dhīmataḥ / cauraiścāpahṛtāḥ sarvās tasya māyābalena ca
Sanskrit only: no published translation is held for this verse.
बलभद्रो ऽपि संत्यज्य नागो भूत्वा जगाम च । महिष्यस्तस्य कृष्णस्य रुक्मिणीप्रमुखाः शुभाः
balabhadro 'pi saṃtyajya nāgo bhūtvā jagāma ca / mahiṣyastasya kṛṣṇasya rukmiṇīpramukhāḥ śubhāḥ
Sanskrit only: no published translation is held for this verse.
सहाग्निं विविशुः सर्वाः कृष्णेनाक्लिष्टकर्मणा । रेवती च तथा देवी बलभद्रेण धीमता
sahāgniṃ viviśuḥ sarvāḥ kṛṣṇenākliṣṭakarmaṇā / revatī ca tathā devī balabhadreṇa dhīmatā
Sanskrit only: no published translation is held for this verse.
प्रविष्टा पावकं विप्राः सा च भर्तृपथं गता । प्रेतकार्यं हरेः कृत्वा पार्थः परमवीर्यवान्
praviṣṭā pāvakaṃ viprāḥ sā ca bhartṛpathaṃ gatā / pretakāryaṃ hareḥ kṛtvā pārthaḥ paramavīryavān
Sanskrit only: no published translation is held for this verse.
रामस्य च तथान्येषां वृष्णीनामपि सुव्रतः । कन्दमूलफलैस्तस्य बलिकार्यं चकार सः
rāmasya ca tathānyeṣāṃ vṛṣṇīnāmapi suvrataḥ / kandamūlaphalaistasya balikāryaṃ cakāra saḥ
Sanskrit only: no published translation is held for this verse.
द्रव्याभावात् स्वयं पार्थो भ्रातृभिश् च दिवं गतः । एवं संक्षेपतः प्रोक्तः कृष्णस्याक्लिष्टकर्मणः
dravyābhāvāt svayaṃ pārtho bhrātṛbhiś ca divaṃ gataḥ / evaṃ saṃkṣepataḥ proktaḥ kṛṣṇasyākliṣṭakarmaṇaḥ
Sanskrit only: no published translation is held for this verse.
प्रभावो विलयश्चैव स्वेच्छयैव महात्मनः । इत्येतत्सोमवंशानां नृपाणां चरितं द्विजाः
prabhāvo vilayaścaiva svecchayaiva mahātmanaḥ / ityetatsomavaṃśānāṃ nṛpāṇāṃ caritaṃ dvijāḥ
Sanskrit only: no published translation is held for this verse.
यः पठेच्छृणुयाद्वापि ब्राह्मणान् श्रावयेदपि । स याति वैष्णवं लोकं नात्र कार्या विचारणा
yaḥ paṭhecchṛṇuyādvāpi brāhmaṇān śrāvayedapi / sa yāti vaiṣṇavaṃ lokaṃ nātra kāryā vicāraṇā
Sanskrit only: no published translation is held for this verse.