Liṅga Purāṇa 1.71

लीलांबुजेन चाहत्य कलमाह वृषध्वजम् । देव्युवाच क्रीडमानं विभो पश्य षण्मुखं रविसन्निभम्

līlāṃbujena cāhatya kalamāha vṛṣadhvajam / devyuvāca krīḍamānaṃ vibho paśya ṣaṇmukhaṃ ravisannibham

Sanskrit only: no published translation is held for this verse.

पुत्रं पुत्रवतां श्रेष्ठं भूषितं भूषणैः शुभैः । मुकुटैः कटकैश्चैव कुण्डलैर्वलयैः शुभैः

putraṃ putravatāṃ śreṣṭhaṃ bhūṣitaṃ bhūṣaṇaiḥ śubhaiḥ / mukuṭaiḥ kaṭakaiścaiva kuṇḍalairvalayaiḥ śubhaiḥ

Sanskrit only: no published translation is held for this verse.

नूपुरैश्छन्नवारैश् च तथा ह्य् उदरबन्धनैः । किङ्किणीभिर् अनेकाभिर् हैमैरश्वत्थपत्रकैः

nūpuraiśchannavāraiś ca tathā hy udarabandhanaiḥ / kiṅkiṇībhir anekābhir haimairaśvatthapatrakaiḥ

Sanskrit only: no published translation is held for this verse.

कल्पकद्रुमजैः पुष्पैः शोभितैरलकैः शुभैः । हारैर् वारिजरागादि- मणिचित्रैस् तथाङ्गदैः

kalpakadrumajaiḥ puṣpaiḥ śobhitairalakaiḥ śubhaiḥ / hārair vārijarāgādi- maṇicitrais tathāṅgadaiḥ

Sanskrit only: no published translation is held for this verse.

मुक्ताफलमयैर्हारैः पूर्णचन्द्रसमप्रभैः । तिलकैश् च महादेव पश्य पुत्रं सुशोभनम्

muktāphalamayairhāraiḥ pūrṇacandrasamaprabhaiḥ / tilakaiś ca mahādeva paśya putraṃ suśobhanam

Sanskrit only: no published translation is held for this verse.

अङ्कितं कुङ्कुमाद्यैश् च वृत्तं भसितनिर्मितम् । वक्त्रवृन्दं च पश्येश वृन्दं कामलकं यथा

aṅkitaṃ kuṅkumādyaiś ca vṛttaṃ bhasitanirmitam / vaktravṛndaṃ ca paśyeśa vṛndaṃ kāmalakaṃ yathā

Sanskrit only: no published translation is held for this verse.

नेत्राणि च विभो पश्य शुभानि त्वं शुभानि च । अञ्जनानि विचित्राणि मङ्गलार्थं च मातृभिः

netrāṇi ca vibho paśya śubhāni tvaṃ śubhāni ca / añjanāni vicitrāṇi maṅgalārthaṃ ca mātṛbhiḥ

Sanskrit only: no published translation is held for this verse.

गङ्गादिभिः कृत्तिकाद्यैः स्वाहया च विशेषतः । इत्येवं लोकमातुश् च वाग्भिः संबोधितः शिवः

gaṅgādibhiḥ kṛttikādyaiḥ svāhayā ca viśeṣataḥ / ityevaṃ lokamātuś ca vāgbhiḥ saṃbodhitaḥ śivaḥ

Sanskrit only: no published translation is held for this verse.

न ययौ तृप्तिमीशानः पिबन्स्कन्दाननामृतम् । न सस्मार च तान्देवान् दैत्यशस्त्रनिपीडितान्

na yayau tṛptimīśānaḥ pibanskandānanāmṛtam / na sasmāra ca tāndevān daityaśastranipīḍitān

Sanskrit only: no published translation is held for this verse.

स्कन्दमालिङ्ग्य चाघ्राय नृत्य पुत्रेत्युवाच ह । सो ऽपि लीलालसो बालो ननर्तार्तिहरः प्रभुः

skandamāliṅgya cāghrāya nṛtya putretyuvāca ha / so 'pi līlālaso bālo nanartārtiharaḥ prabhuḥ

Sanskrit only: no published translation is held for this verse.

सहैव ननृतुश्चान्ये सह तेन गणेश्वराः । त्रैलोक्यमखिलं तत्र ननर्तेशाज्ञया क्षणम्

sahaiva nanṛtuścānye saha tena gaṇeśvarāḥ / trailokyamakhilaṃ tatra nanarteśājñayā kṣaṇam

Sanskrit only: no published translation is held for this verse.

नागाश् च ननृतुः सर्वे देवाः सेन्द्रपुरोगमाः । तुष्टुवुर्गणपाः स्कन्दं मुमोदांबा च मातरः

nāgāś ca nanṛtuḥ sarve devāḥ sendrapurogamāḥ / tuṣṭuvurgaṇapāḥ skandaṃ mumodāṃbā ca mātaraḥ

Sanskrit only: no published translation is held for this verse.

ससृजुः पुष्पवर्षाणि जगुर्गन्धर्वकिन्नराः । नृत्यामृतं तदा पीत्वा पार्वतीपरमेश्वरौ । अवापतुस् तदा तृप्तिं नन्दिना च गणेश्वराः

sasṛjuḥ puṣpavarṣāṇi jagurgandharvakinnarāḥ / nṛtyāmṛtaṃ tadā pītvā pārvatīparameśvarau / avāpatus tadā tṛptiṃ nandinā ca gaṇeśvarāḥ

Sanskrit only: no published translation is held for this verse.

ततः स नन्दी सह षण्मुखेन तथा च सार्धं गिरिराजपुत्र्या । विवेश दिव्यं भवनं भवो ऽपि यथाम्बुदो ऽन्याम्बुदम् अम्बुदाभः

tataḥ sa nandī saha ṣaṇmukhena tathā ca sārdhaṃ girirājaputryā / viveśa divyaṃ bhavanaṃ bhavo 'pi yathāmbudo 'nyāmbudam ambudābhaḥ

Sanskrit only: no published translation is held for this verse.

द्वारस्य पार्श्वे ते तस्थुर् देवा देवस्य धीमतः । तुष्टुवुश् च महादेवं किंचिद् उद्विग्नचेतसः

dvārasya pārśve te tasthur devā devasya dhīmataḥ / tuṣṭuvuś ca mahādevaṃ kiṃcid udvignacetasaḥ

Sanskrit only: no published translation is held for this verse.

किंतु किंत्विति चान्योन्यं प्रेक्ष्य चैतत्समाकुलाः । पापा वयम् इति ह्यन्ये अभाग्याश्चेति चापरे

kiṃtu kiṃtviti cānyonyaṃ prekṣya caitatsamākulāḥ / pāpā vayam iti hyanye abhāgyāśceti cāpare

Sanskrit only: no published translation is held for this verse.

भाग्यवन्तश् च दैत्येन्द्रा इति चान्ये सुरेश्वराः । पूजाफलमिमं तेषाम् इत्यन्ये नेति चापरे

bhāgyavantaś ca daityendrā iti cānye sureśvarāḥ / pūjāphalamimaṃ teṣām ityanye neti cāpare

Sanskrit only: no published translation is held for this verse.

एतस्मिन्नन्तरे तेषां श्रुत्वा शब्दाननेकशः । कुम्भोदरो महातेजा दण्डेनाताडयत्सुरान्

etasminnantare teṣāṃ śrutvā śabdānanekaśaḥ / kumbhodaro mahātejā daṇḍenātāḍayatsurān

Sanskrit only: no published translation is held for this verse.

दुद्रुवुस्ते भयाविष्टा देवा हाहेतिवादिनः । अपतन्मुनयश्चान्ये देवाश् च धरणीतले

dudruvuste bhayāviṣṭā devā hāhetivādinaḥ / apatanmunayaścānye devāś ca dharaṇītale

Sanskrit only: no published translation is held for this verse.

अहो विधेर्बलं चेति मुनयः कश्यपादयः । दृष्ट्वापि देवदेवेशं देवानां चासुरद्विषाम्

aho vidherbalaṃ ceti munayaḥ kaśyapādayaḥ / dṛṣṭvāpi devadeveśaṃ devānāṃ cāsuradviṣām

Sanskrit only: no published translation is held for this verse.

अभाग्यान्न समाप्तं तु कार्यमित्यपरे द्विजाः । प्रोचुर्नमः शिवायेति पूज्य चाल्पतरं हृदि

abhāgyānna samāptaṃ tu kāryamityapare dvijāḥ / procurnamaḥ śivāyeti pūjya cālpataraṃ hṛdi

Sanskrit only: no published translation is held for this verse.

ततः कपर्दी नन्दीशो महादेवप्रियो मुनिः । शूली माली तथा हाली कुण्डली वलयी गदी

tataḥ kapardī nandīśo mahādevapriyo muniḥ / śūlī mālī tathā hālī kuṇḍalī valayī gadī

Sanskrit only: no published translation is held for this verse.

वृषमारुह्य सुश्वेतं ययौ तस्याज्ञया तदा । ततो वै नन्दिनं दृष्ट्वा गणः कुम्भोदरो ऽपि सः

vṛṣamāruhya suśvetaṃ yayau tasyājñayā tadā / tato vai nandinaṃ dṛṣṭvā gaṇaḥ kumbhodaro 'pi saḥ

Sanskrit only: no published translation is held for this verse.

प्रणम्य नन्दिनं मूर्ध्ना सह तेन त्वरन् ययौ । नन्दी भाति महातेजा वृषपृष्ठे वृषध्वजः

praṇamya nandinaṃ mūrdhnā saha tena tvaran yayau / nandī bhāti mahātejā vṛṣapṛṣṭhe vṛṣadhvajaḥ

Sanskrit only: no published translation is held for this verse.

सगणो गणसेनानीर् मेघपृष्ठे यथा भवः । दशयोजनविस्तीर्णं मुक्ताजालैर् अलंकृतम्

sagaṇo gaṇasenānīr meghapṛṣṭhe yathā bhavaḥ / daśayojanavistīrṇaṃ muktājālair alaṃkṛtam

Sanskrit only: no published translation is held for this verse.

सितातपत्रं शैलादेर् आकाशमिव भाति तत् । तत्रान्तर्बद्धमाला सा मुक्ताफलमयी शुभा

sitātapatraṃ śailāder ākāśamiva bhāti tat / tatrāntarbaddhamālā sā muktāphalamayī śubhā

Sanskrit only: no published translation is held for this verse.

गङ्गाकाशान्निपतिता भाति मूर्ध्नि विभोर्यथा । अथ दृष्ट्वा गणाध्यक्षं देवदुन्दुभयः शुभाः

gaṅgākāśānnipatitā bhāti mūrdhni vibhoryathā / atha dṛṣṭvā gaṇādhyakṣaṃ devadundubhayaḥ śubhāḥ

Sanskrit only: no published translation is held for this verse.

नियोगाद्वज्रिणः सर्वे विनेदुर्मुनिपुङ्गवाः । तुष्टुवुश् च गणेशानं वाग्भिर् इष्टप्रदं शुभम्

niyogādvajriṇaḥ sarve vinedurmunipuṅgavāḥ / tuṣṭuvuś ca gaṇeśānaṃ vāgbhir iṣṭapradaṃ śubham

Sanskrit only: no published translation is held for this verse.

यथा देवा भवं दृष्ट्वा प्रीतिकण्टकितत्वचः । नियोगाद्वज्रिणो मूर्ध्नि पुष्पवर्षं च खेचराः

yathā devā bhavaṃ dṛṣṭvā prītikaṇṭakitatvacaḥ / niyogādvajriṇo mūrdhni puṣpavarṣaṃ ca khecarāḥ

Sanskrit only: no published translation is held for this verse.

ववृषुश् च सुगन्धाढ्यं नन्दिनो गगनोदितम् । वृष्ट्या तुष्टस्तदा रेजे तुष्ट्या पुष्ट्या यथार्थया

vavṛṣuś ca sugandhāḍhyaṃ nandino gaganoditam / vṛṣṭyā tuṣṭastadā reje tuṣṭyā puṣṭyā yathārthayā

Sanskrit only: no published translation is held for this verse.

नन्दी भवश् चान्द्रयातु स्नातया गन्धवारिणा । पुष्पैर्नानाविधैस्तत्र भाति पृष्ठं वृषस्य तत्

nandī bhavaś cāndrayātu snātayā gandhavāriṇā / puṣpairnānāvidhaistatra bhāti pṛṣṭhaṃ vṛṣasya tat

Sanskrit only: no published translation is held for this verse.

संकीर्णं तु दिवः पृष्ठं नक्षत्रैरिव सुव्रताः । कुसुमैः संवृतो नन्दी वृषपृष्ठे रराज सः

saṃkīrṇaṃ tu divaḥ pṛṣṭhaṃ nakṣatrairiva suvratāḥ / kusumaiḥ saṃvṛto nandī vṛṣapṛṣṭhe rarāja saḥ

Sanskrit only: no published translation is held for this verse.

दिवः पृष्ठे यथा चन्द्रो नक्षत्रैरिव सुव्रताः । तं दृष्ट्वा नन्दिनं देवाः सेन्द्रोपेन्द्रास् तथाविधम्

divaḥ pṛṣṭhe yathā candro nakṣatrairiva suvratāḥ / taṃ dṛṣṭvā nandinaṃ devāḥ sendropendrās tathāvidham

Sanskrit only: no published translation is held for this verse.

तुष्टुवुर् गणपेशानं देवदेवमिवापरम् । देवा ऊचुः नमस्ते रुद्रभक्ताय रुद्रजाप्यरताय च

tuṣṭuvur gaṇapeśānaṃ devadevamivāparam / devā ūcuḥ namaste rudrabhaktāya rudrajāpyaratāya ca

Sanskrit only: no published translation is held for this verse.

रुद्रभक्तार्तिनाशाय रौद्रकर्मरताय ते । कूष्माण्डगणनाथाय योगिनां पतये नमः

rudrabhaktārtināśāya raudrakarmaratāya te / kūṣmāṇḍagaṇanāthāya yogināṃ pataye namaḥ

Sanskrit only: no published translation is held for this verse.

सर्वदाय शरण्याय सर्वज्ञायार्तिहारिणे । वेदानां पतये चैव वेदवेद्याय ते नमः

sarvadāya śaraṇyāya sarvajñāyārtihāriṇe / vedānāṃ pataye caiva vedavedyāya te namaḥ

Sanskrit only: no published translation is held for this verse.

वज्रिणे वज्रदंष्ट्राय वज्रिवज्रनिवारिणे । वज्रालंकृतदेहाय वज्रिणाराधिताय ते

vajriṇe vajradaṃṣṭrāya vajrivajranivāriṇe / vajrālaṃkṛtadehāya vajriṇārādhitāya te

Sanskrit only: no published translation is held for this verse.

रक्ताय रक्तनेत्राय रक्तांबरधराय ते । रक्तानां भवपादाब्जे रुद्रलोकप्रदायिने

raktāya raktanetrāya raktāṃbaradharāya te / raktānāṃ bhavapādābje rudralokapradāyine

Sanskrit only: no published translation is held for this verse.

नमः सेनाधिपतये रुद्राणां पतये नमः । भूतानां भुवनेशानां पतये पापहारिणे

namaḥ senādhipataye rudrāṇāṃ pataye namaḥ / bhūtānāṃ bhuvaneśānāṃ pataye pāpahāriṇe

Sanskrit only: no published translation is held for this verse.

रुद्राय रुद्रपतये रौद्रपापहराय ते । नमः शिवाय सौम्याय रुद्रभक्ताय ते नमः

rudrāya rudrapataye raudrapāpaharāya te / namaḥ śivāya saumyāya rudrabhaktāya te namaḥ

Sanskrit only: no published translation is held for this verse.

सूत उवाच ततः प्रीतो गणाध्यक्षः प्राह देवांश्छिवात्मजः । रथं च सारथिं शंभोः कार्मुकं शरमुत्तमम्

sūta uvāca tataḥ prīto gaṇādhyakṣaḥ prāha devāṃśchivātmajaḥ / rathaṃ ca sārathiṃ śaṃbhoḥ kārmukaṃ śaramuttamam

Sanskrit only: no published translation is held for this verse.

कर्तुमर्हथ यत्नेन नष्टं मत्वा पुरत्रयम् । अथ ते ब्रह्मणा सार्धं तथा वै विश्वकर्मणा

kartumarhatha yatnena naṣṭaṃ matvā puratrayam / atha te brahmaṇā sārdhaṃ tathā vai viśvakarmaṇā

Sanskrit only: no published translation is held for this verse.

रथं चक्रुः सुसंरब्धा देवदेवस्य धीमतः

rathaṃ cakruḥ susaṃrabdhā devadevasya dhīmataḥ

Sanskrit only: no published translation is held for this verse.