विद्युत्कोटिप्रतीकाशम् अष्टकाशं सुशोभनम् । रूपमास्थाय लोके ऽस्मिन् संस्थिताय शिवात्मने
vidyutkoṭipratīkāśam aṣṭakāśaṃ suśobhanam / rūpamāsthāya loke 'smin saṃsthitāya śivātmane
Sanskrit only: no published translation is held for this verse.
Library·Liṅga Purāṇa·1·1.72
Liṅga Purāṇa 1.72
अग्निवर्णाय रौद्राय अंबिकार्धशरीरिणे । धवलश्यामरक्तानां मुक्तिदायामराय च
agnivarṇāya raudrāya aṃbikārdhaśarīriṇe / dhavalaśyāmaraktānāṃ muktidāyāmarāya ca
Sanskrit only: no published translation is held for this verse.
ज्येष्ठाय रुद्ररूपाय सोमाय वरदाय च । त्रिलोकाय त्रिदेवाय वषट्काराय वै नमः
jyeṣṭhāya rudrarūpāya somāya varadāya ca / trilokāya tridevāya vaṣaṭkārāya vai namaḥ
Sanskrit only: no published translation is held for this verse.
मध्ये गगनरूपाय गगनस्थाय ते नमः । अष्टक्षेत्राष्टरूपाय अष्टतत्त्वाय ते नमः
madhye gaganarūpāya gaganasthāya te namaḥ / aṣṭakṣetrāṣṭarūpāya aṣṭatattvāya te namaḥ
Sanskrit only: no published translation is held for this verse.
चतुर्धा च चतुर्धा च चतुर्धा संस्थिताय च । पञ्चधा पञ्चधा चैव पञ्चमन्त्रशरीरिणे
caturdhā ca caturdhā ca caturdhā saṃsthitāya ca / pañcadhā pañcadhā caiva pañcamantraśarīriṇe
Sanskrit only: no published translation is held for this verse.
चतुःषष्टिप्रकाराय अकाराय नमोनमः । द्वात्रिंशत्तत्त्वरूपाय उकाराय नमोनमः
catuḥṣaṣṭiprakārāya akārāya namonamaḥ / dvātriṃśattattvarūpāya ukārāya namonamaḥ
Sanskrit only: no published translation is held for this verse.
षोडशात्मस्वरूपाय मकाराय नमोनमः । अष्टधात्मस्वरूपाय अर्धमात्रात्मने नमः
ṣoḍaśātmasvarūpāya makārāya namonamaḥ / aṣṭadhātmasvarūpāya ardhamātrātmane namaḥ
Sanskrit only: no published translation is held for this verse.
ओङ्काराय नमस्तुभ्यं चतुर्धा संस्थिताय च । गगनेशाय देवाय स्वर्गेशाय नमो नमः
oṅkārāya namastubhyaṃ caturdhā saṃsthitāya ca / gaganeśāya devāya svargeśāya namo namaḥ
Sanskrit only: no published translation is held for this verse.
सप्तलोकाय पाताल- नरकेशाय वै नमः । अष्टक्षेत्राष्टरूपाय परात्परतराय च
saptalokāya pātāla- narakeśāya vai namaḥ / aṣṭakṣetrāṣṭarūpāya parātparatarāya ca
Sanskrit only: no published translation is held for this verse.
सहस्रशिरसे तुभ्यं सहस्राय च ते नमः । सहस्रपादयुक्ताय शर्वाय परमेष्ठिने
sahasraśirase tubhyaṃ sahasrāya ca te namaḥ / sahasrapādayuktāya śarvāya parameṣṭhine
Sanskrit only: no published translation is held for this verse.
नवात्मतत्त्वरूपाय नवाष्टात्मात्मशक्तये । पुनरष्टप्रकाशाय तथाष्टाष्टकमूर्तये
navātmatattvarūpāya navāṣṭātmātmaśaktaye / punaraṣṭaprakāśāya tathāṣṭāṣṭakamūrtaye
Sanskrit only: no published translation is held for this verse.
चतुःषष्ट्यात्मतत्त्वाय पुनरष्टविधाय ते । गुणाष्टकवृतायैव गुणिने निर्गुणाय ते
catuḥṣaṣṭyātmatattvāya punaraṣṭavidhāya te / guṇāṣṭakavṛtāyaiva guṇine nirguṇāya te
Sanskrit only: no published translation is held for this verse.
मूलस्थाय नमस्तुभ्यं शाश्वतस्थानवासिने । नाभिमण्डलसंस्थाय हृदि निःस्वनकारिणे
mūlasthāya namastubhyaṃ śāśvatasthānavāsine / nābhimaṇḍalasaṃsthāya hṛdi niḥsvanakāriṇe
Sanskrit only: no published translation is held for this verse.
कन्धरे च स्थितायैव तालुरन्ध्रस्थिताय च । भ्रूमध्ये संस्थितायैव नादमध्ये स्थिताय च
kandhare ca sthitāyaiva tālurandhrasthitāya ca / bhrūmadhye saṃsthitāyaiva nādamadhye sthitāya ca
Sanskrit only: no published translation is held for this verse.
चन्द्रबिम्बस्थितायैव शिवाय शिवरूपिणे । वह्निसोमार्करूपाय षट्त्रिंशच्छक्तिरूपिणे
candrabimbasthitāyaiva śivāya śivarūpiṇe / vahnisomārkarūpāya ṣaṭtriṃśacchaktirūpiṇe
Sanskrit only: no published translation is held for this verse.
त्रिधा संवृत्य लोकान्वै प्रसुप्तभुजगात्मने । त्रिप्रकारं स्थितायैव त्रेताग्निमयरूपिणे
tridhā saṃvṛtya lokānvai prasuptabhujagātmane / triprakāraṃ sthitāyaiva tretāgnimayarūpiṇe
Sanskrit only: no published translation is held for this verse.
सदाशिवाय शान्ताय महेशाय पिनाकिने । सर्वज्ञाय शरण्याय सद्योजाताय वै नमः
sadāśivāya śāntāya maheśāya pinākine / sarvajñāya śaraṇyāya sadyojātāya vai namaḥ
Sanskrit only: no published translation is held for this verse.
अघोराय नमस्तुभ्यं वामदेवाय ते नमः । तत्पुरुषाय नमो ऽस्तु ईशानाय नमोनमः
aghorāya namastubhyaṃ vāmadevāya te namaḥ / tatpuruṣāya namo 'stu īśānāya namonamaḥ
Sanskrit only: no published translation is held for this verse.
नमस्त्रिंशत्प्रकाशाय शान्तातीताय वै नमः । अनन्तेशाय सूक्ष्माय उत्तमाय नमो ऽस्तु ते
namastriṃśatprakāśāya śāntātītāya vai namaḥ / ananteśāya sūkṣmāya uttamāya namo 'stu te
Sanskrit only: no published translation is held for this verse.
एकाक्षाय नमस्तुभ्यम् एकरुद्राय ते नमः । नमस्त्रिमूर्तये तुभ्यं श्रीकण्ठाय शिखण्डिने
ekākṣāya namastubhyam ekarudrāya te namaḥ / namastrimūrtaye tubhyaṃ śrīkaṇṭhāya śikhaṇḍine
Sanskrit only: no published translation is held for this verse.
अनन्तासनसंस्थाय अनन्तायान्तकारिणे । विमलाय विशालाय विमलाङ्गाय ते नमः
anantāsanasaṃsthāya anantāyāntakāriṇe / vimalāya viśālāya vimalāṅgāya te namaḥ
Sanskrit only: no published translation is held for this verse.
विमलासनसंस्थाय विमलार्थार्थरूपिणे । योगपीठान्तरस्थाय योगिने योगदायिने
vimalāsanasaṃsthāya vimalārthārtharūpiṇe / yogapīṭhāntarasthāya yogine yogadāyine
Sanskrit only: no published translation is held for this verse.
योगिनां हृदि संस्थाय सदा नीवारशूकवत् । प्रत्याहाराय ते नित्यं प्रत्याहाररताय ते
yogināṃ hṛdi saṃsthāya sadā nīvāraśūkavat / pratyāhārāya te nityaṃ pratyāhāraratāya te
Sanskrit only: no published translation is held for this verse.
प्रत्याहाररतानां च प्रतिस्थानस्थिताय च । धारणायै नमस्तुभ्यं धारणाभिरताय ते
pratyāhāraratānāṃ ca pratisthānasthitāya ca / dhāraṇāyai namastubhyaṃ dhāraṇābhiratāya te
Sanskrit only: no published translation is held for this verse.
धारणाभ्यासयुक्तानां पुरस्तात्संस्थिताय च । ध्यानाय ध्यानरूपाय ध्यानगम्याय ते नमः
dhāraṇābhyāsayuktānāṃ purastātsaṃsthitāya ca / dhyānāya dhyānarūpāya dhyānagamyāya te namaḥ
Sanskrit only: no published translation is held for this verse.
ध्येयाय ध्येयगम्याय ध्येयध्यानाय ते नमः । ध्येयानामपि ध्येयाय नमो ध्येयतमाय ते
dhyeyāya dhyeyagamyāya dhyeyadhyānāya te namaḥ / dhyeyānāmapi dhyeyāya namo dhyeyatamāya te
Sanskrit only: no published translation is held for this verse.
समाधानाभिगम्याय समाधानाय ते नमः । समाधानरतानां तु निर्विकल्पार्थरूपिणे
samādhānābhigamyāya samādhānāya te namaḥ / samādhānaratānāṃ tu nirvikalpārtharūpiṇe
Sanskrit only: no published translation is held for this verse.
दग्ध्वोद्धृतं सर्वमिदं त्वयाद्य जगत्त्रयं रुद्र पुरत्रयं हि । कः स्तोतुमिच्छेत् कथमीदृशं त्वां स्तोष्ये हि तुष्टाय शिवाय तुभ्यम्
dagdhvoddhṛtaṃ sarvamidaṃ tvayādya jagattrayaṃ rudra puratrayaṃ hi / kaḥ stotumicchet kathamīdṛśaṃ tvāṃ stoṣye hi tuṣṭāya śivāya tubhyam
Sanskrit only: no published translation is held for this verse.
भक्त्या च तुष्ट्याद्भुतदर्शनाच्च मर्त्या अमर्त्या अपि देवदेव । एते गणाः सिद्धगणैः प्रणामं कुर्वन्ति देवेश गणेश तुभ्यम्
bhaktyā ca tuṣṭyādbhutadarśanācca martyā amartyā api devadeva / ete gaṇāḥ siddhagaṇaiḥ praṇāmaṃ kurvanti deveśa gaṇeśa tubhyam
Sanskrit only: no published translation is held for this verse.
निरीक्षणादेव विभो ऽसि दग्धुं पुरत्रयं चैव जगत्त्रयं च । लीलालसेनांबिकया क्षणेन दग्धं किलेषुश् च तदाथ मुक्तः
nirīkṣaṇādeva vibho 'si dagdhuṃ puratrayaṃ caiva jagattrayaṃ ca / līlālasenāṃbikayā kṣaṇena dagdhaṃ kileṣuś ca tadātha muktaḥ
Sanskrit only: no published translation is held for this verse.
कृतो रथश्चेषुवरश् च शुभ्रं शरसनं ते त्रिपुरक्षयाय । अनेकयत्नैश् च मयाथ तुभ्यं फलं न दृष्टं सुरसिद्धसंघैः
kṛto rathaśceṣuvaraś ca śubhraṃ śarasanaṃ te tripurakṣayāya / anekayatnaiś ca mayātha tubhyaṃ phalaṃ na dṛṣṭaṃ surasiddhasaṃghaiḥ
Sanskrit only: no published translation is held for this verse.
रथो रथी देववरो हरिश् च रुद्रः स्वयं शक्रपितामहौ च । त्वमेव सर्वे भगवन् कथं तु स्तोष्ये ह्य् अतोष्यं प्रणिपत्य मूर्ध्ना
ratho rathī devavaro hariś ca rudraḥ svayaṃ śakrapitāmahau ca / tvameva sarve bhagavan kathaṃ tu stoṣye hy atoṣyaṃ praṇipatya mūrdhnā
Sanskrit only: no published translation is held for this verse.
अनन्तपादस् त्वम् अनन्तबाहुर् अनन्तमूर्धान्तकरः शिवश् च । अनन्तमूर्तिः कथम् ईदृशं त्वां तोष्ये ह्य् अतोष्यं कथमीदृशं त्वाम्
anantapādas tvam anantabāhur anantamūrdhāntakaraḥ śivaś ca / anantamūrtiḥ katham īdṛśaṃ tvāṃ toṣye hy atoṣyaṃ kathamīdṛśaṃ tvām
Sanskrit only: no published translation is held for this verse.
नमोनमः सर्वविदे शिवाय रुद्राय शर्वाय भवाय तुभ्यम् । स्थूलाय सूक्ष्माय सुसूक्ष्मसूक्ष्म- सूक्ष्माय सूक्ष्मार्थविदे विधात्रे
namonamaḥ sarvavide śivāya rudrāya śarvāya bhavāya tubhyam / sthūlāya sūkṣmāya susūkṣmasūkṣma- sūkṣmāya sūkṣmārthavide vidhātre
Sanskrit only: no published translation is held for this verse.
स्रष्ट्रे नमः सर्वसुरासुराणां भर्त्रे च हर्त्रे जगतां विधात्रे । नेत्रे सुराणामसुरेश्वराणां दात्रे प्रशास्त्रे मम सर्वशास्त्रे
sraṣṭre namaḥ sarvasurāsurāṇāṃ bhartre ca hartre jagatāṃ vidhātre / netre surāṇāmasureśvarāṇāṃ dātre praśāstre mama sarvaśāstre
Sanskrit only: no published translation is held for this verse.
वेदान्तवेद्याय सुनिर्मलाय वेदार्थविद्भिः सततं स्तुताय । वेदात्मरूपाय भवाय तुभ्यम् अन्ताय मध्याय सुमध्यमाय
vedāntavedyāya sunirmalāya vedārthavidbhiḥ satataṃ stutāya / vedātmarūpāya bhavāya tubhyam antāya madhyāya sumadhyamāya
Sanskrit only: no published translation is held for this verse.
आद्यन्तशून्याय च संस्थिताय तथा त्वशून्याय च लिङ्गिने च । अलिङ्गिने लिङ्गमयाय तुभ्यं लिङ्गाय वेदादिमयाय साक्षात्
ādyantaśūnyāya ca saṃsthitāya tathā tvaśūnyāya ca liṅgine ca / aliṅgine liṅgamayāya tubhyaṃ liṅgāya vedādimayāya sākṣāt
Sanskrit only: no published translation is held for this verse.
रुद्राय मूर्धाननिकृन्तनाय ममादिदेवस्य च यज्ञमूर्तेः । विध्वान्तभङ्गं मम कर्तुमीश दृष्ट्वैव भूमौ करजाग्रकोट्या
rudrāya mūrdhānanikṛntanāya mamādidevasya ca yajñamūrteḥ / vidhvāntabhaṅgaṃ mama kartumīśa dṛṣṭvaiva bhūmau karajāgrakoṭyā
Sanskrit only: no published translation is held for this verse.
अहो विचित्रं तव देवदेव विचेष्टितं सर्वसुरासुरेश । देहीव देवैः सह देवकार्यं करिष्यसे निर्गुणरूपतत्त्व
aho vicitraṃ tava devadeva viceṣṭitaṃ sarvasurāsureśa / dehīva devaiḥ saha devakāryaṃ kariṣyase nirguṇarūpatattva
Sanskrit only: no published translation is held for this verse.
एकं स्थूलं सूक्ष्ममेकं सुसूक्ष्मं मूर्तामूर्तं मूर्तमेकं ह्यमूर्तम् । एकं दृष्टं वाङ्मयं चैकमीशं ध्येयं चैकं तत्त्वमत्राद्भुतं ते
ekaṃ sthūlaṃ sūkṣmamekaṃ susūkṣmaṃ mūrtāmūrtaṃ mūrtamekaṃ hyamūrtam / ekaṃ dṛṣṭaṃ vāṅmayaṃ caikamīśaṃ dhyeyaṃ caikaṃ tattvamatrādbhutaṃ te
Sanskrit only: no published translation is held for this verse.
स्वप्ने दृष्टं यत्पदार्थं ह्यलक्ष्यं दृष्टं नूनं भाति मन्ये न चापि । मूर्तिर्नो वै दैवकीशान देवैर् लक्ष्या यत्नैरप्यलक्ष्यं कथं तु
svapne dṛṣṭaṃ yatpadārthaṃ hyalakṣyaṃ dṛṣṭaṃ nūnaṃ bhāti manye na cāpi / mūrtirno vai daivakīśāna devair lakṣyā yatnairapyalakṣyaṃ kathaṃ tu
Sanskrit only: no published translation is held for this verse.
दिव्यः क्व देवेश भवत्प्रभावो वयं क्व भक्तिः क्व च ते स्तुतिश् च । तथापि भक्त्या विलपन्तमीश पितामहं मां भगवन्क्षमस्व
divyaḥ kva deveśa bhavatprabhāvo vayaṃ kva bhaktiḥ kva ca te stutiś ca / tathāpi bhaktyā vilapantamīśa pitāmahaṃ māṃ bhagavankṣamasva
Sanskrit only: no published translation is held for this verse.
सूत उवाच य इमं शृणुयाद्द्विजोत्तमा भुवि देवं प्रणिपत्य पठेत् । स च मुञ्चति पापबन्धनं भवभक्त्या पुरशासितुः स्तवम्
sūta uvāca ya imaṃ śṛṇuyāddvijottamā bhuvi devaṃ praṇipatya paṭhet / sa ca muñcati pāpabandhanaṃ bhavabhaktyā puraśāsituḥ stavam
Sanskrit only: no published translation is held for this verse.
श्रुत्वा च भक्त्या चतुराननेन स्तुतो हसञ्शैलसुतां निरीक्ष्य । स्तवं तदा प्राह महानुभावं महाभुजो मन्दरशृङ्गवासी
śrutvā ca bhaktyā caturānanena stuto hasañśailasutāṃ nirīkṣya / stavaṃ tadā prāha mahānubhāvaṃ mahābhujo mandaraśṛṅgavāsī
Sanskrit only: no published translation is held for this verse.
शिव उवाच स्तवेनानेन तुष्टो ऽस्मि तव भक्त्या च पद्मज । वरान् वरय भद्रं ते देवानां च यथेप्सितान्
śiva uvāca stavenānena tuṣṭo 'smi tava bhaktyā ca padmaja / varān varaya bhadraṃ te devānāṃ ca yathepsitān
Sanskrit only: no published translation is held for this verse.
सूत उवाच ततः प्रणम्य देवेशं भगवान्पद्मसंभवः । कृताञ्जलिपुटो भूत्वा प्राहेदं प्रीतमानसः
sūta uvāca tataḥ praṇamya deveśaṃ bhagavānpadmasaṃbhavaḥ / kṛtāñjalipuṭo bhūtvā prāhedaṃ prītamānasaḥ
Sanskrit only: no published translation is held for this verse.
श्रीपितामह उवाच भगवन्देवदेवेश त्रिपुरान्तक शङ्कर । त्वयि भक्तिं परां मे ऽद्य प्रसीद परमेश्वरम्
śrīpitāmaha uvāca bhagavandevadeveśa tripurāntaka śaṅkara / tvayi bhaktiṃ parāṃ me 'dya prasīda parameśvaram
Sanskrit only: no published translation is held for this verse.
देवानां चैव सर्वेषां त्वयि सर्वार्थदेश्वर । प्रसीद भक्तियोगेन सारथ्येन च सर्वदा
devānāṃ caiva sarveṣāṃ tvayi sarvārthadeśvara / prasīda bhaktiyogena sārathyena ca sarvadā
Sanskrit only: no published translation is held for this verse.
जनार्दनो ऽपि भगवान् नमस्कृत्य महेश्वरम् । कृताञ्जलिपुटो भूत्वा प्राह सांबं त्रियंबकम्
janārdano 'pi bhagavān namaskṛtya maheśvaram / kṛtāñjalipuṭo bhūtvā prāha sāṃbaṃ triyaṃbakam
Sanskrit only: no published translation is held for this verse.
वाहनत्वं तवेशान नित्यमीहे प्रसीद मे । त्वयि भक्तिं च देवेश देवदेव नमो ऽस्तु ते
vāhanatvaṃ taveśāna nityamīhe prasīda me / tvayi bhaktiṃ ca deveśa devadeva namo 'stu te
Sanskrit only: no published translation is held for this verse.
सामर्थ्यं च सदा मह्यं भवन्तं वोढुमीश्वरम् । सर्वज्ञत्वं च वरद सर्वगत्वं च शङ्कर
sāmarthyaṃ ca sadā mahyaṃ bhavantaṃ voḍhumīśvaram / sarvajñatvaṃ ca varada sarvagatvaṃ ca śaṅkara
Sanskrit only: no published translation is held for this verse.
सूत उवाच तयोः श्रुत्वा महादेवो विज्ञप्तिं परमेश्वरः । सारथ्ये वाहनत्वे च कल्पयामास वै भवः
sūta uvāca tayoḥ śrutvā mahādevo vijñaptiṃ parameśvaraḥ / sārathye vāhanatve ca kalpayāmāsa vai bhavaḥ
Sanskrit only: no published translation is held for this verse.
दत्त्वा तस्मै ब्रह्मणे विष्णवे च दग्ध्वा दैत्यान्देवदेवो महात्मा । सार्धं देव्या नन्दिना भूतसंघैर् अन्तर्धानं कारयामास शर्वः
dattvā tasmai brahmaṇe viṣṇave ca dagdhvā daityāndevadevo mahātmā / sārdhaṃ devyā nandinā bhūtasaṃghair antardhānaṃ kārayāmāsa śarvaḥ
Sanskrit only: no published translation is held for this verse.
ततस्तदा महेश्वरे गते रणाद्गणैः सह । सुरेश्वराः सुविस्मिता भवं प्रणम्य पार्वतीम्
tatastadā maheśvare gate raṇādgaṇaiḥ saha / sureśvarāḥ suvismitā bhavaṃ praṇamya pārvatīm
Sanskrit only: no published translation is held for this verse.
ययुश् च दुःखवर्जिताः स्ववाहनैर्दिवं ततः । सुरेश्वरा मुनीश्वरा गणेश्वराश् च भास्कराः
yayuś ca duḥkhavarjitāḥ svavāhanairdivaṃ tataḥ / sureśvarā munīśvarā gaṇeśvarāś ca bhāskarāḥ
Sanskrit only: no published translation is held for this verse.
त्रिपुरारेरिमं पुण्यं निर्मितं ब्रह्मणा पुरा । यः पठेच्छ्राद्धकाले वा दैवे कर्मणि च द्विजाः
tripurārerimaṃ puṇyaṃ nirmitaṃ brahmaṇā purā / yaḥ paṭhecchrāddhakāle vā daive karmaṇi ca dvijāḥ
Sanskrit only: no published translation is held for this verse.
श्रावयेद्वा द्विजान् भक्त्या ब्रह्मलोकं स गच्छति । मानसैर्वाचिकैः पापैस् तथा वै कायिकैः पुनः
śrāvayedvā dvijān bhaktyā brahmalokaṃ sa gacchati / mānasairvācikaiḥ pāpais tathā vai kāyikaiḥ punaḥ
Sanskrit only: no published translation is held for this verse.
स्थूलैः सूक्ष्मैः सुसूक्ष्मैश् च महापातकसंभवैः । पातकैश् च द्विजश्रेष्ठा उपपातकसंभवैः
sthūlaiḥ sūkṣmaiḥ susūkṣmaiś ca mahāpātakasaṃbhavaiḥ / pātakaiś ca dvijaśreṣṭhā upapātakasaṃbhavaiḥ
Sanskrit only: no published translation is held for this verse.
पापैश् च मुच्यते जन्तुः श्रुत्वाध्यायमिमं शुभम् । शत्रवो नाशमायान्ति संग्रामे विजयीभवेत्
pāpaiś ca mucyate jantuḥ śrutvādhyāyamimaṃ śubham / śatravo nāśamāyānti saṃgrāme vijayībhavet
Sanskrit only: no published translation is held for this verse.
सर्वरोगैर्न बाध्येत आपदो न स्पृशन्ति तम् । धनमायुर्यशो विद्यां प्रभावमतुलं लभेत्
sarvarogairna bādhyeta āpado na spṛśanti tam / dhanamāyuryaśo vidyāṃ prabhāvamatulaṃ labhet
Sanskrit only: no published translation is held for this verse.