Liṅga Purāṇa 1.74

सूत उवाच <देइत्य् => लिङ्ग> लिङ्गानि कल्पयित्वैवं स्वाधिकारानुरूपतः । विश्वकर्मा ददौ तेषां नियोगाद्ब्रह्मणः प्रभोः

sūta uvāca <deity => liṅga> liṅgāni kalpayitvaivaṃ svādhikārānurūpataḥ / viśvakarmā dadau teṣāṃ niyogādbrahmaṇaḥ prabhoḥ

Sanskrit only: no published translation is held for this verse.

इन्द्रनीलमयं लिङ्गं विष्णुना पूजितं सदा । पद्मरागमयं शक्रो हैमं विश्रवसः सुतः

indranīlamayaṃ liṅgaṃ viṣṇunā pūjitaṃ sadā / padmarāgamayaṃ śakro haimaṃ viśravasaḥ sutaḥ

Sanskrit only: no published translation is held for this verse.

विश्वेदेवास् तथा रौप्यं वसवः कान्तिकं शुभम् । आरकूटमयं वायुर् अश्विनौ पार्थिवं सदा

viśvedevās tathā raupyaṃ vasavaḥ kāntikaṃ śubham / ārakūṭamayaṃ vāyur aśvinau pārthivaṃ sadā

Sanskrit only: no published translation is held for this verse.

स्फाटिकं वरुणो राजा आदित्यास्ताम्रनिर्मितम् । मौक्तिकं सोमराड् धीमांस् तथा लिङ्गमनुत्तमम्

sphāṭikaṃ varuṇo rājā ādityāstāmranirmitam / mauktikaṃ somarāḍ dhīmāṃs tathā liṅgamanuttamam

Sanskrit only: no published translation is held for this verse.

अनन्ताद्या महानागाः प्रवालकमयं शुभम् । दैत्या ह्ययोमयं लिङ्गं राक्षसाश् च महात्मनः

anantādyā mahānāgāḥ pravālakamayaṃ śubham / daityā hyayomayaṃ liṅgaṃ rākṣasāś ca mahātmanaḥ

Sanskrit only: no published translation is held for this verse.

त्रैलोहिकं गुह्यकाश् च सर्वलोहमयं गणाः । चामुण्डा सैकतं साक्षान् मातरश् च द्विजोत्तमाः

trailohikaṃ guhyakāś ca sarvalohamayaṃ gaṇāḥ / cāmuṇḍā saikataṃ sākṣān mātaraś ca dvijottamāḥ

Sanskrit only: no published translation is held for this verse.

दारुजं नैरृतिर् भक्त्या यमो मारकतं शुभम् । नीलाद्याश् च तथा रुद्राः शुद्धं भस्ममयं शुभम्

dārujaṃ nairṛtir bhaktyā yamo mārakataṃ śubham / nīlādyāś ca tathā rudrāḥ śuddhaṃ bhasmamayaṃ śubham

Sanskrit only: no published translation is held for this verse.

लक्ष्मीवृक्षमयं लक्ष्मीर् गुहो वै गोमयात्मकम् । मुनयो मुनिशार्दूलाः कुशाग्रमयम् उत्तमम्

lakṣmīvṛkṣamayaṃ lakṣmīr guho vai gomayātmakam / munayo muniśārdūlāḥ kuśāgramayam uttamam

Sanskrit only: no published translation is held for this verse.

वामाद्याः पुष्पलिङ्गं तु गन्धलिङ्गं मनोन्मनी । सरस्वती च रत्नेन कृतं रुद्रस्य वाग्भवा

vāmādyāḥ puṣpaliṅgaṃ tu gandhaliṅgaṃ manonmanī / sarasvatī ca ratnena kṛtaṃ rudrasya vāgbhavā

Sanskrit only: no published translation is held for this verse.

दुर्गा हैमं महादेवं सवेदिकमनुत्तमम् । उग्रा पिष्टमयं सर्वे मन्त्रा ह्याज्यमयं शुभम्

durgā haimaṃ mahādevaṃ savedikamanuttamam / ugrā piṣṭamayaṃ sarve mantrā hyājyamayaṃ śubham

Sanskrit only: no published translation is held for this verse.

वेदाः सर्वे दधिमयं पिशाचाः सीसनिर्मितम् । लेभिरे च यथायोग्यं प्रसादाद्ब्रह्मणः पदम्

vedāḥ sarve dadhimayaṃ piśācāḥ sīsanirmitam / lebhire ca yathāyogyaṃ prasādādbrahmaṇaḥ padam

Sanskrit only: no published translation is held for this verse.

बहुनात्र किमुक्तेन चराचरमिदं जगत् । शिवलिङ्गं समभ्यर्च्य स्थितमत्र न संशयः

bahunātra kimuktena carācaramidaṃ jagat / śivaliṅgaṃ samabhyarcya sthitamatra na saṃśayaḥ

Sanskrit only: no published translation is held for this verse.

<त्य्पेस् ओफ़् लिङ्गस् अच्च्। तो मतेरिअल्> षड्विधं लिङ्गमित्याहुर् द्रव्याणां च प्रभेदतः । तेषां भेदाश्चतुर्युक्त- चत्वारिंशदिति स्मृताः

<types of liṅgas acc. to material> ṣaḍvidhaṃ liṅgamityāhur dravyāṇāṃ ca prabhedataḥ / teṣāṃ bhedāścaturyukta- catvāriṃśaditi smṛtāḥ

Sanskrit only: no published translation is held for this verse.

शैलजं प्रथमं प्रोक्तं तद्धि साक्षाच्चतुर्विधम् । द्वितीयं रत्नजं तच्च सप्तधा मुनिसत्तमाः

śailajaṃ prathamaṃ proktaṃ taddhi sākṣāccaturvidham / dvitīyaṃ ratnajaṃ tacca saptadhā munisattamāḥ

Sanskrit only: no published translation is held for this verse.

तृतीयं धातुजं लिङ्गम् अष्टधा परमेष्ठिनः । तुरीयं दारुजं लिङ्गं तत्तु षोडशधोच्यते

tṛtīyaṃ dhātujaṃ liṅgam aṣṭadhā parameṣṭhinaḥ / turīyaṃ dārujaṃ liṅgaṃ tattu ṣoḍaśadhocyate

Sanskrit only: no published translation is held for this verse.

मृन्मयं पञ्चमं लिङ्गं द्विधा भिन्नं द्विजोत्तमाः । षष्ठं तु क्षणिकं लिङ्गं सप्तधा परिकीर्तितम्

mṛnmayaṃ pañcamaṃ liṅgaṃ dvidhā bhinnaṃ dvijottamāḥ / ṣaṣṭhaṃ tu kṣaṇikaṃ liṅgaṃ saptadhā parikīrtitam

Sanskrit only: no published translation is held for this verse.

श्रीप्रदं रत्नजं लिङ्गं शैलजं सर्वसिद्धिदम् । धातुजं धनदं साक्षाद् दारुजं भोगसिद्धिदम्

śrīpradaṃ ratnajaṃ liṅgaṃ śailajaṃ sarvasiddhidam / dhātujaṃ dhanadaṃ sākṣād dārujaṃ bhogasiddhidam

Sanskrit only: no published translation is held for this verse.

मृन्मयं चैव विप्रेन्द्राः सर्वसिद्धिकरं शुभम् । शैलजं चोत्तमं प्रोक्तं मध्यमं चैव धातुजम्

mṛnmayaṃ caiva viprendrāḥ sarvasiddhikaraṃ śubham / śailajaṃ cottamaṃ proktaṃ madhyamaṃ caiva dhātujam

Sanskrit only: no published translation is held for this verse.

बहुधा लिङ्गभेदाश् च नव चैव समासतः । मूले ब्रह्मा तथा मध्ये विष्णुस्त्रिभुवनेश्वरः

bahudhā liṅgabhedāś ca nava caiva samāsataḥ / mūle brahmā tathā madhye viṣṇustribhuvaneśvaraḥ

Sanskrit only: no published translation is held for this verse.

रुद्रोपरि महादेवः प्रणवाख्यः सदाशिवः । लिङ्गवेदी महादेवी त्रिगुणा त्रिमयांबिका

rudropari mahādevaḥ praṇavākhyaḥ sadāśivaḥ / liṅgavedī mahādevī triguṇā trimayāṃbikā

Sanskrit only: no published translation is held for this verse.

तया च पूजयेद्यस्तु देवी देवश् च पूजितौ । शैलजं रत्नजं वापि धातुजं वापि दारुजम्

tayā ca pūjayedyastu devī devaś ca pūjitau / śailajaṃ ratnajaṃ vāpi dhātujaṃ vāpi dārujam

Sanskrit only: no published translation is held for this verse.

मृन्मयं क्षणिकं वापि भक्त्या स्थाप्य फलं शुभम् । सुरेन्द्राम्भोजगर्भाग्नि- यमाम्बुपधनेश्वरैः

mṛnmayaṃ kṣaṇikaṃ vāpi bhaktyā sthāpya phalaṃ śubham / surendrāmbhojagarbhāgni- yamāmbupadhaneśvaraiḥ

Sanskrit only: no published translation is held for this verse.

सिद्धविद्याधराहीन्द्रैर् यक्षदानवकिन्नरैः । स्तूयमानः सुपुण्यात्मा देवदुन्दुभिनिःस्वनैः

siddhavidyādharāhīndrair yakṣadānavakinnaraiḥ / stūyamānaḥ supuṇyātmā devadundubhiniḥsvanaiḥ

Sanskrit only: no published translation is held for this verse.

भूर्भूवःस्वर्महर्लोकान् क्रमाद् वै जनतः परम् । तपः सत्यं पराक्रम्य भासयन् स्वेन तेजसा

bhūrbhūvaḥsvarmaharlokān kramād vai janataḥ param / tapaḥ satyaṃ parākramya bhāsayan svena tejasā

Sanskrit only: no published translation is held for this verse.

लिङ्गस्थापनसन्मार्ग- निहितस्वायतासिना । आशु ब्रह्माण्डमुद्भिद्य निर्गच्छन्निर्विशङ्कया

liṅgasthāpanasanmārga- nihitasvāyatāsinā / āśu brahmāṇḍamudbhidya nirgacchannirviśaṅkayā

Sanskrit only: no published translation is held for this verse.

शैलजं रत्नजं वापि धातुजं वापि दारुजम् । मृन्मयं क्षणिकं त्यक्त्वा स्थापयेत्सकलं वपुः

śailajaṃ ratnajaṃ vāpi dhātujaṃ vāpi dārujam / mṛnmayaṃ kṣaṇikaṃ tyaktvā sthāpayetsakalaṃ vapuḥ

Sanskrit only: no published translation is held for this verse.

विधिना चैव कृत्वा तु स्कन्दोमासहितं शुभम् । कुन्दगोक्षीरसंकाशं लिङ्गं यः स्थापयेन्नरः

vidhinā caiva kṛtvā tu skandomāsahitaṃ śubham / kundagokṣīrasaṃkāśaṃ liṅgaṃ yaḥ sthāpayennaraḥ

Sanskrit only: no published translation is held for this verse.

नृणां तनुं समास्थाय स्थितो रुद्रो न संशयः । दर्शनात्स्पर्शनात्तस्य लभन्ते निर्वृतिं नराः

nṛṇāṃ tanuṃ samāsthāya sthito rudro na saṃśayaḥ / darśanātsparśanāttasya labhante nirvṛtiṃ narāḥ

Sanskrit only: no published translation is held for this verse.

तस्य पुण्यं मया वक्तुं सम्यग्युगशतैरपि । शक्यते नैव विप्रेन्द्रास् तस्माद् वै स्थापयेत् तथा

tasya puṇyaṃ mayā vaktuṃ samyagyugaśatairapi / śakyate naiva viprendrās tasmād vai sthāpayet tathā

Sanskrit only: no published translation is held for this verse.

सर्वेषामेव मर्त्यानां विभोर्दिव्यं वपुः शुभम् । सकलं भावनायोग्यं योगिनामेव निष्कलम्

sarveṣāmeva martyānāṃ vibhordivyaṃ vapuḥ śubham / sakalaṃ bhāvanāyogyaṃ yogināmeva niṣkalam

Sanskrit only: no published translation is held for this verse.