Library·Liṅga Purāṇa·1·1.76
सूत उवाच अतः परं प्रवक्ष्यामि स्वेच्छाविग्रहसंभवम् । प्रतिष्ठायाः फलं सर्वं सर्वलोकहिताय वै
sūta uvāca ataḥ paraṃ pravakṣyāmi svecchāvigrahasaṃbhavam / pratiṣṭhāyāḥ phalaṃ sarvaṃ sarvalokahitāya vai
Sanskrit only: no published translation is held for this verse.
स्कन्दोमासहितं देवम् आसीनं परमासने । कृत्वा भक्त्या प्रतिष्ठाप्य सर्वान्कामानवाप्नुयात्
skandomāsahitaṃ devam āsīnaṃ paramāsane / kṛtvā bhaktyā pratiṣṭhāpya sarvānkāmānavāpnuyāt
Sanskrit only: no published translation is held for this verse.
स्कन्दोमासहितं देवं सम्पूज्य विधिना सकृत् । यत्फलं लभते मर्त्यस् तद्वदामि यथाश्रुतम्
skandomāsahitaṃ devaṃ sampūjya vidhinā sakṛt / yatphalaṃ labhate martyas tadvadāmi yathāśrutam
Sanskrit only: no published translation is held for this verse.
सूर्यकोटिप्रतिकाशैर् विमानैः सार्वकामिकैः । रुद्रकन्यासमाकीर्णैर् गेयनाट्यसमन्वितैः
sūryakoṭipratikāśair vimānaiḥ sārvakāmikaiḥ / rudrakanyāsamākīrṇair geyanāṭyasamanvitaiḥ
Sanskrit only: no published translation is held for this verse.
शिववत्क्रीडते योगी यावदाभूतसंप्लवम् । तत्र भुक्त्वा महाभोगान् विमानैः सार्वकामिकैः
śivavatkrīḍate yogī yāvadābhūtasaṃplavam / tatra bhuktvā mahābhogān vimānaiḥ sārvakāmikaiḥ
Sanskrit only: no published translation is held for this verse.
औमं कौमारमैशानं वैष्णवं ब्राह्ममेव च । प्राजापत्यं महातेजा जनलोकं महस् तथा
aumaṃ kaumāramaiśānaṃ vaiṣṇavaṃ brāhmameva ca / prājāpatyaṃ mahātejā janalokaṃ mahas tathā
Sanskrit only: no published translation is held for this verse.
ऐन्द्रम् आसाद्य चैन्द्रत्वं कृत्वा वर्षायुतं पुनः । भुक्त्वा चैव भुवर्लोके भोगान् दिव्यान् सुशोभनान्
aindram āsādya caindratvaṃ kṛtvā varṣāyutaṃ punaḥ / bhuktvā caiva bhuvarloke bhogān divyān suśobhanān
Sanskrit only: no published translation is held for this verse.
मेरुमासाद्य देवानां भवनेषु प्रमोदते । एकपादं चतुर्बाहुं त्रिनेत्रं शूलसंयुतम्
merumāsādya devānāṃ bhavaneṣu pramodate / ekapādaṃ caturbāhuṃ trinetraṃ śūlasaṃyutam
Sanskrit only: no published translation is held for this verse.
सृष्ट्वा स्थितं हरिं वामे दक्षिणे चतुराननम् । अष्टाविंशतिरुद्राणां कोटिः सर्वाङ्गसुप्रभम्
sṛṣṭvā sthitaṃ hariṃ vāme dakṣiṇe caturānanam / aṣṭāviṃśatirudrāṇāṃ koṭiḥ sarvāṅgasuprabham
Sanskrit only: no published translation is held for this verse.
पञ्चविंशतिकं साक्षात् पुरुषं हृदयात्तथा । प्रकृतिं वामतश्चैव बुद्धिं वै बुद्धिदेशतः
pañcaviṃśatikaṃ sākṣāt puruṣaṃ hṛdayāttathā / prakṛtiṃ vāmataścaiva buddhiṃ vai buddhideśataḥ
Sanskrit only: no published translation is held for this verse.
अहङ्कारमहङ्कारात् तन्मात्राणि तु तत्र वै । इन्द्रियाणीन्द्रियादेव लीलया परमेश्वरम्
ahaṅkāramahaṅkārāt tanmātrāṇi tu tatra vai / indriyāṇīndriyādeva līlayā parameśvaram
Sanskrit only: no published translation is held for this verse.
पृथिवीं पादमूलात्तु गुह्यदेशाज्जलं तथा । नाभिदेशात् तथा वह्निं हृदयाद्भास्करं तथा
pṛthivīṃ pādamūlāttu guhyadeśājjalaṃ tathā / nābhideśāt tathā vahniṃ hṛdayādbhāskaraṃ tathā
Sanskrit only: no published translation is held for this verse.
कण्ठात्सोमं तथात्मानं भ्रूमध्यान्मस्तकाद्दिवम् । सृष्टैवं संस्थितं साक्षाज् जगत्सर्वं चराचरम्
kaṇṭhātsomaṃ tathātmānaṃ bhrūmadhyānmastakāddivam / sṛṣṭaivaṃ saṃsthitaṃ sākṣāj jagatsarvaṃ carācaram
Sanskrit only: no published translation is held for this verse.
सर्वज्ञं सर्वगं देवं कृत्वा विद्याविधानतः । प्रतिष्ठाप्य यथान्यायं शिवसायुज्यमाप्नुयात्
sarvajñaṃ sarvagaṃ devaṃ kṛtvā vidyāvidhānataḥ / pratiṣṭhāpya yathānyāyaṃ śivasāyujyamāpnuyāt
Sanskrit only: no published translation is held for this verse.
त्रिपादं सप्तहस्तं च चतुःशृङ्गं द्विशीर्षकम् । कृत्वा यज्ञेशमीशानं विष्णुलोके महीयते
tripādaṃ saptahastaṃ ca catuḥśṛṅgaṃ dviśīrṣakam / kṛtvā yajñeśamīśānaṃ viṣṇuloke mahīyate
Sanskrit only: no published translation is held for this verse.
तत्र भुक्त्वा महाभोगान् कल्पलक्षं सुखी नरः । क्रमादागत्य लोके ऽस्मिन् सर्वयज्ञान्तगो भवेत्
tatra bhuktvā mahābhogān kalpalakṣaṃ sukhī naraḥ / kramādāgatya loke 'smin sarvayajñāntago bhavet
Sanskrit only: no published translation is held for this verse.
वृषारूढं तु यः कुर्यात् सोमं सोमार्धभूषणम् । हयमेधायुतं कृत्वा यत्पुण्यं तद् अवाप्य सः
vṛṣārūḍhaṃ tu yaḥ kuryāt somaṃ somārdhabhūṣaṇam / hayamedhāyutaṃ kṛtvā yatpuṇyaṃ tad avāpya saḥ
Sanskrit only: no published translation is held for this verse.
काञ्चनेन विमानेन किङ्किणीजालमालिना । गत्वा शिवपुरं दिव्यं तत्रैव स विमुच्यते
kāñcanena vimānena kiṅkiṇījālamālinā / gatvā śivapuraṃ divyaṃ tatraiva sa vimucyate
Sanskrit only: no published translation is held for this verse.
नन्दिना सहितं देवं साम्बं सर्वगणैर्वृतम् । कृत्वा यत्फलमाप्नोति वक्ष्ये तद्वै यथाश्रुतम्
nandinā sahitaṃ devaṃ sāmbaṃ sarvagaṇairvṛtam / kṛtvā yatphalamāpnoti vakṣye tadvai yathāśrutam
Sanskrit only: no published translation is held for this verse.
सूर्यमण्डलसंकाशैर् विमानैर् वृषसंयुतैः । अप्सरोगणसंकीर्णैर् देवदानवदुर्लभैः
sūryamaṇḍalasaṃkāśair vimānair vṛṣasaṃyutaiḥ / apsarogaṇasaṃkīrṇair devadānavadurlabhaiḥ
Sanskrit only: no published translation is held for this verse.
नृत्यद्भिर् अप्सरःसंघैः सर्वतः सर्वशोभितैः । गत्वा शिवपुरं दिव्यं गाणपत्यमवाप्नुयात्
nṛtyadbhir apsaraḥsaṃghaiḥ sarvataḥ sarvaśobhitaiḥ / gatvā śivapuraṃ divyaṃ gāṇapatyamavāpnuyāt
Sanskrit only: no published translation is held for this verse.
नृत्यन्तं देवदेवेशं शैलजासहितं प्रभुम् । सहस्रबाहुं सर्वज्ञं चतुर्बाहुम् अथापि वा
nṛtyantaṃ devadeveśaṃ śailajāsahitaṃ prabhum / sahasrabāhuṃ sarvajñaṃ caturbāhum athāpi vā
Sanskrit only: no published translation is held for this verse.
भृग्वाद्यैर्भूतसंघैश् च संवृतं परमेश्वरम् । शैलजासहितं साक्षाद् वृषभध्वजमीश्वरम्
bhṛgvādyairbhūtasaṃghaiś ca saṃvṛtaṃ parameśvaram / śailajāsahitaṃ sākṣād vṛṣabhadhvajamīśvaram
Sanskrit only: no published translation is held for this verse.
ब्रह्मेन्द्रविष्णुसोमाद्यैः सदा सर्वैर्नमस्कृतम् । मातृभिर् मुनिभिश्चैव संवृतं परमेश्वरम्
brahmendraviṣṇusomādyaiḥ sadā sarvairnamaskṛtam / mātṛbhir munibhiścaiva saṃvṛtaṃ parameśvaram
Sanskrit only: no published translation is held for this verse.
कृत्वा भक्त्या प्रतिष्ठाप्य यत्फलं तद्वदाम्यहम् । सर्वयज्ञतपोदान- तीर्थदेवेषु यत् फलम्
kṛtvā bhaktyā pratiṣṭhāpya yatphalaṃ tadvadāmyaham / sarvayajñatapodāna- tīrthadeveṣu yat phalam
Sanskrit only: no published translation is held for this verse.
तत्फलं कोटिगुणितं लब्ध्वा याति शिवं पदम् । तत्र भुक्त्वा महाभोगान् यावद् आभूतसंप्लवम्
tatphalaṃ koṭiguṇitaṃ labdhvā yāti śivaṃ padam / tatra bhuktvā mahābhogān yāvad ābhūtasaṃplavam
Sanskrit only: no published translation is held for this verse.
सृष्ट्यन्तरे पुनः प्राप्ते मानवं पदमाप्नुयात् । नग्नं चतुर्भुजं श्वेतं त्रिनेत्रं सर्पमेखलम्
sṛṣṭyantare punaḥ prāpte mānavaṃ padamāpnuyāt / nagnaṃ caturbhujaṃ śvetaṃ trinetraṃ sarpamekhalam
Sanskrit only: no published translation is held for this verse.
कपालहस्तं देवेशं कृष्णकुञ्चितमूर्धजम् । कृत्वा भक्त्या प्रतिष्ठाप्य शिवसायुज्यमाप्नुयात्
kapālahastaṃ deveśaṃ kṛṣṇakuñcitamūrdhajam / kṛtvā bhaktyā pratiṣṭhāpya śivasāyujyamāpnuyāt
Sanskrit only: no published translation is held for this verse.
इभेन्द्रदारकं देवं सांबं सिद्धार्थदं प्रभुम् । सुधूम्रवर्णं रक्ताक्षं त्रिनेत्रं चन्द्रभूषणम्
ibhendradārakaṃ devaṃ sāṃbaṃ siddhārthadaṃ prabhum / sudhūmravarṇaṃ raktākṣaṃ trinetraṃ candrabhūṣaṇam
Sanskrit only: no published translation is held for this verse.
काकपक्षधरं मूर्ध्ना नागटङ्कधरं हरम् । सिंहाजिनोत्तरीयं च मृगचर्मांबरं प्रभुम्
kākapakṣadharaṃ mūrdhnā nāgaṭaṅkadharaṃ haram / siṃhājinottarīyaṃ ca mṛgacarmāṃbaraṃ prabhum
Sanskrit only: no published translation is held for this verse.
तीक्ष्णदंष्ट्रं गदाहस्तं कपालोद्यतपाणिनम् । हुंफट्कारे महाशब्द- शब्दिताखिलदिङ्मुखम्
tīkṣṇadaṃṣṭraṃ gadāhastaṃ kapālodyatapāṇinam / huṃphaṭkāre mahāśabda- śabditākhiladiṅmukham
Sanskrit only: no published translation is held for this verse.
पुण्डरीकाजिनं दोर्भ्यां बिभ्रन्तं कम्बुकं तथा । हसन्तं च नदन्तं च पिबन्तं कृष्णसागरम्
puṇḍarīkājinaṃ dorbhyāṃ bibhrantaṃ kambukaṃ tathā / hasantaṃ ca nadantaṃ ca pibantaṃ kṛṣṇasāgaram
Sanskrit only: no published translation is held for this verse.
नृत्यन्तं भूतसंघैश् च गणसंघैस् त्वलंकृतम् । कृत्वा भक्त्या प्रतिष्ठाप्य यथाविभवविस्तरम्
nṛtyantaṃ bhūtasaṃghaiś ca gaṇasaṃghais tvalaṃkṛtam / kṛtvā bhaktyā pratiṣṭhāpya yathāvibhavavistaram
Sanskrit only: no published translation is held for this verse.
सर्वविघ्नान् अतिक्रम्य शिवलोके महीयते । तत्र भुक्त्वा महाभोगान् यावदाभूतसंप्लवम्
sarvavighnān atikramya śivaloke mahīyate / tatra bhuktvā mahābhogān yāvadābhūtasaṃplavam
Sanskrit only: no published translation is held for this verse.
ज्ञानं विचारतो लब्ध्वा रुद्रेभ्यस्तत्र मुच्यते । अर्धनारीश्वरं देवं चतुर्भुजमनुत्तमम्
jñānaṃ vicārato labdhvā rudrebhyastatra mucyate / ardhanārīśvaraṃ devaṃ caturbhujamanuttamam
Sanskrit only: no published translation is held for this verse.
वरदाभयहस्तं च शूलपद्मधरं प्रभुम् । स्त्रीपुंभावेन संस्थानं सर्वाभरणभूषितम्
varadābhayahastaṃ ca śūlapadmadharaṃ prabhum / strīpuṃbhāvena saṃsthānaṃ sarvābharaṇabhūṣitam
Sanskrit only: no published translation is held for this verse.
कृत्वा भक्त्या प्रतिष्ठाप्य शिवलोके महीयते । तत्र भुक्त्वा महाभोगान् अणिमादिगुणैर्युतः
kṛtvā bhaktyā pratiṣṭhāpya śivaloke mahīyate / tatra bhuktvā mahābhogān aṇimādiguṇairyutaḥ
Sanskrit only: no published translation is held for this verse.
आचन्द्रतारकं ज्ञानं ततो लब्ध्वा विमुच्यते । यः कुर्याद्देवदेवेशं सर्वज्ञं लकुलीश्वरम्
ācandratārakaṃ jñānaṃ tato labdhvā vimucyate / yaḥ kuryāddevadeveśaṃ sarvajñaṃ lakulīśvaram
Sanskrit only: no published translation is held for this verse.
वृतं शिष्यप्रशिष्यैश् च व्याख्यानोद्यतपाणिनम् । कृत्वा भक्त्या प्रतिष्ठाप्य शिवलोकं स गच्छति
vṛtaṃ śiṣyapraśiṣyaiś ca vyākhyānodyatapāṇinam / kṛtvā bhaktyā pratiṣṭhāpya śivalokaṃ sa gacchati
Sanskrit only: no published translation is held for this verse.
भुक्त्वा तु विपुलांस्तत्र भोगान् युगशतं नरः । ज्ञानयोगं समासाद्य तत्रैव च विमुच्यते
bhuktvā tu vipulāṃstatra bhogān yugaśataṃ naraḥ / jñānayogaṃ samāsādya tatraiva ca vimucyate
Sanskrit only: no published translation is held for this verse.
पूर्वदेवामराणां च यत्स्थानं सकलेप्सितम् । कृतमुद्रस्य देवस्य चिताभस्मानुलेपिनः
pūrvadevāmarāṇāṃ ca yatsthānaṃ sakalepsitam / kṛtamudrasya devasya citābhasmānulepinaḥ
Sanskrit only: no published translation is held for this verse.
त्रिपुण्ड्रधारिणस्तेषां शिरोमालाधरस्य च । ब्रह्मणः केशकेनैकम् उपवीतं च बिभ्रतः
tripuṇḍradhāriṇasteṣāṃ śiromālādharasya ca / brahmaṇaḥ keśakenaikam upavītaṃ ca bibhrataḥ
Sanskrit only: no published translation is held for this verse.
बिभ्रतो वामहस्तेन कपालं ब्रह्मणो वरम् । विष्णोः कलेवरं चैव बिभ्रतः परमेष्ठिनः
bibhrato vāmahastena kapālaṃ brahmaṇo varam / viṣṇoḥ kalevaraṃ caiva bibhrataḥ parameṣṭhinaḥ
Sanskrit only: no published translation is held for this verse.
कृत्वा भक्त्या प्रतिष्ठाप्य मुच्यते भवसागरात् । ॐनमो नीलकण्ठाय इति पुण्याक्षराष्टकम्
kṛtvā bhaktyā pratiṣṭhāpya mucyate bhavasāgarāt / oṃnamo nīlakaṇṭhāya iti puṇyākṣarāṣṭakam
Sanskrit only: no published translation is held for this verse.
मन्त्रमाह सकृद्वा यः पातकैः स विमुच्यते । मन्त्रेणानेन गन्धाद्यैर् भक्त्या वित्तानुसारतः
mantramāha sakṛdvā yaḥ pātakaiḥ sa vimucyate / mantreṇānena gandhādyair bhaktyā vittānusārataḥ
Sanskrit only: no published translation is held for this verse.
सम्पूज्य देवदेवेशं शिवलोके महीयते । जालन्धरान्तकं देवं सुदर्शनधरं प्रभुम्
sampūjya devadeveśaṃ śivaloke mahīyate / jālandharāntakaṃ devaṃ sudarśanadharaṃ prabhum
Sanskrit only: no published translation is held for this verse.
कृत्वा भक्त्या प्रतिष्ठाप्य द्विधाभूतं जलंधरम् । प्रयाति शिवसायुज्यं नात्र कार्या विचारणा
kṛtvā bhaktyā pratiṣṭhāpya dvidhābhūtaṃ jalaṃdharam / prayāti śivasāyujyaṃ nātra kāryā vicāraṇā
Sanskrit only: no published translation is held for this verse.
सुदर्शनप्रदं देवं साक्षात्पूर्वोक्तलक्षणम् । अर्चमानेन देवेन चार्चितं नेत्रपूजया
sudarśanapradaṃ devaṃ sākṣātpūrvoktalakṣaṇam / arcamānena devena cārcitaṃ netrapūjayā
Sanskrit only: no published translation is held for this verse.
कृत्वा भक्त्या प्रतिष्ठाप्य शिवलोके महीयते । तिष्ठतो ऽथ निकुम्भस्य पृष्ठतश्चरणांबुजम्
kṛtvā bhaktyā pratiṣṭhāpya śivaloke mahīyate / tiṣṭhato 'tha nikumbhasya pṛṣṭhataścaraṇāṃbujam
Sanskrit only: no published translation is held for this verse.
वामेतरं सुविन्यस्य वामे चालिङ्ग्य चाद्रिजाम् । शूलाग्रे कूर्परं स्थाप्य किङ्किणीकृतपन्नगम्
vāmetaraṃ suvinyasya vāme cāliṅgya cādrijām / śūlāgre kūrparaṃ sthāpya kiṅkiṇīkṛtapannagam
Sanskrit only: no published translation is held for this verse.
सम्प्रेक्ष्य चान्धकं पार्श्वे कृताञ्जलिपुटं स्थितम् । रूपं कृत्वा यथान्यायं शिवसायुज्यमाप्नुयात्
samprekṣya cāndhakaṃ pārśve kṛtāñjalipuṭaṃ sthitam / rūpaṃ kṛtvā yathānyāyaṃ śivasāyujyamāpnuyāt
Sanskrit only: no published translation is held for this verse.
यः कुर्याद्देवदेवेशं त्रिपुरान्तकमीश्वरम् । धनुर्बाणसमायुक्तं सोमं सोमार्धभूषणम्
yaḥ kuryāddevadeveśaṃ tripurāntakamīśvaram / dhanurbāṇasamāyuktaṃ somaṃ somārdhabhūṣaṇam
Sanskrit only: no published translation is held for this verse.
रथे सुसंस्थितं देवं चतुराननसारथिम् । तदाकारतया सो ऽपि गत्वा शिवपुरं सुखी
rathe susaṃsthitaṃ devaṃ caturānanasārathim / tadākāratayā so 'pi gatvā śivapuraṃ sukhī
Sanskrit only: no published translation is held for this verse.
क्रीडते नात्र संदेहो द्वितीय इव शङ्करः । तत्र भुक्त्वा महाभोगान् यावद् इच्छा द्विजोत्तमाः
krīḍate nātra saṃdeho dvitīya iva śaṅkaraḥ / tatra bhuktvā mahābhogān yāvad icchā dvijottamāḥ
Sanskrit only: no published translation is held for this verse.
ज्ञानं विचारितं लब्ध्वा तत्रैव स विमुच्यते
jñānaṃ vicāritaṃ labdhvā tatraiva sa vimucyate
Sanskrit only: no published translation is held for this verse.
गङ्गाधरं सुखासीनं चन्द्रशेखरमेव च
gaṅgādharaṃ sukhāsīnaṃ candraśekharameva ca
Sanskrit only: no published translation is held for this verse.
गङ्गया सहितं चैव वामोत्सङ्गे ऽंबिकान्वितम् । विनायकं तथा स्कन्दं ज्येष्ठं दुर्गां सुशोभनाम्
gaṅgayā sahitaṃ caiva vāmotsaṅge 'ṃbikānvitam / vināyakaṃ tathā skandaṃ jyeṣṭhaṃ durgāṃ suśobhanām
Sanskrit only: no published translation is held for this verse.
भास्करं च तथा सोमं ब्रह्माणीं च महेश्वरीम् । कौमारीं वैष्णवीं देवीं वाराहीं वरदां तथा
bhāskaraṃ ca tathā somaṃ brahmāṇīṃ ca maheśvarīm / kaumārīṃ vaiṣṇavīṃ devīṃ vārāhīṃ varadāṃ tathā
Sanskrit only: no published translation is held for this verse.
इन्द्राणीं चैव चामुण्डां वीरभद्रसमन्विताम् । विघ्नेशेन च यो धीमान् शिवसायुज्यमाप्नुयात्
indrāṇīṃ caiva cāmuṇḍāṃ vīrabhadrasamanvitām / vighneśena ca yo dhīmān śivasāyujyamāpnuyāt
Sanskrit only: no published translation is held for this verse.
लिङ्गमूर्तिं महाज्वालाम्- आलासंवृतम् अव्ययम् । लिङ्गस्य मध्ये वै कृत्वा चन्द्रशेखरमीश्वरम्
liṅgamūrtiṃ mahājvālām- ālāsaṃvṛtam avyayam / liṅgasya madhye vai kṛtvā candraśekharamīśvaram
Sanskrit only: no published translation is held for this verse.
व्योम्नि कुर्यात् तथा लिङ्गं ब्रह्माणं हंसरूपिणम् । विष्णुं वराहरूपेण लिङ्गस्याधस्त्वधोमुखम्
vyomni kuryāt tathā liṅgaṃ brahmāṇaṃ haṃsarūpiṇam / viṣṇuṃ varāharūpeṇa liṅgasyādhastvadhomukham
Sanskrit only: no published translation is held for this verse.
ब्रह्माणं दक्षिणे तस्य कृताञ्जलिपुटं स्थितम् । मध्ये लिङ्गं महाघोरं महाम्भसि च संस्थितम्
brahmāṇaṃ dakṣiṇe tasya kṛtāñjalipuṭaṃ sthitam / madhye liṅgaṃ mahāghoraṃ mahāmbhasi ca saṃsthitam
Sanskrit only: no published translation is held for this verse.
कृत्वा भक्त्या प्रतिष्ठाप्य शिवसायुज्यमाप्नुयात् । क्षेत्रसंरक्षकं देवं तथा पाशुपतं प्रभुम्
kṛtvā bhaktyā pratiṣṭhāpya śivasāyujyamāpnuyāt / kṣetrasaṃrakṣakaṃ devaṃ tathā pāśupataṃ prabhum
Sanskrit only: no published translation is held for this verse.
कृत्वा भक्त्या यथान्यायं शिवलोके महीयते
kṛtvā bhaktyā yathānyāyaṃ śivaloke mahīyate
Sanskrit only: no published translation is held for this verse.