Library·Liṅga Purāṇa·1·1.77
ऋषय ऊचुः लिङ्गप्रतिष्ठापुण्यं च लिङ्गस्थापनमेव च । लिङ्गानां चैव भेदाश् च श्रुतं तव मुखादिह
ṛṣaya ūcuḥ liṅgapratiṣṭhāpuṇyaṃ ca liṅgasthāpanameva ca / liṅgānāṃ caiva bhedāś ca śrutaṃ tava mukhādiha
Sanskrit only: no published translation is held for this verse.
मृदादिरत्नपर्यन्तैर् द्रव्यैः कृत्वा शिवालयम् । यत्फलं लभते मर्त्यस् तत्फलं वक्तुमर्हसि
mṛdādiratnaparyantair dravyaiḥ kṛtvā śivālayam / yatphalaṃ labhate martyas tatphalaṃ vaktumarhasi
Sanskrit only: no published translation is held for this verse.
सूत उवाच यस्य भक्तो ऽपि लोके ऽस्मिन् पुत्रदारगृहादिभिः । बाध्यते ज्ञानयुक्तश्चेन् न च तस्य गृहैस्तु किम्
sūta uvāca yasya bhakto 'pi loke 'smin putradāragṛhādibhiḥ / bādhyate jñānayuktaścen na ca tasya gṛhaistu kim
Sanskrit only: no published translation is held for this verse.
तथापि भक्ताः परमेश्वरस्य कृत्वेष्टलोष्टैरपि रुद्रलोकम् । प्रयान्ति दिव्यं हि विमानवर्यं सुरेन्द्रपद्मोद्भववन्दितस्य
tathāpi bhaktāḥ parameśvarasya kṛtveṣṭaloṣṭairapi rudralokam / prayānti divyaṃ hi vimānavaryaṃ surendrapadmodbhavavanditasya
Sanskrit only: no published translation is held for this verse.
बाल्यात्तु लोष्टेन च कृत्वा मृदापि वा पांसुभिर् आदिदेवम् ।* गृहं च तादृग्विधमस्य शंभोः सम्पूज्य रुद्रत्वमवाप्नुवन्ति ॥ लिप् १,७७।५ ॥* तस्मात्सर्वप्रयत्नेन भक्त्या भक्तैः शिवालयम् । कर्तव्यं सर्वयत्नेन धर्मकामार्थसिद्धये
bālyāttu loṣṭena ca kṛtvā mṛdāpi vā pāṃsubhir ādidevam /* gṛhaṃ ca tādṛgvidhamasya śaṃbhoḥ sampūjya rudratvamavāpnuvanti // LiP 1,77.5 //* tasmātsarvaprayatnena bhaktyā bhaktaiḥ śivālayam / kartavyaṃ sarvayatnena dharmakāmārthasiddhaye
Sanskrit only: no published translation is held for this verse.
केसरं नागरं वापि द्राविडं वा तथापरम् । कृत्वा रुद्रालयं भक्त्या शिवलोके महीयते
kesaraṃ nāgaraṃ vāpi drāviḍaṃ vā tathāparam / kṛtvā rudrālayaṃ bhaktyā śivaloke mahīyate
Sanskrit only: no published translation is held for this verse.
कैलासाख्यं च यः कुर्यात् प्रासादं परमेष्ठिनः । कैलासशिखराकारैर् विमानैर् मोदते सुखी
kailāsākhyaṃ ca yaḥ kuryāt prāsādaṃ parameṣṭhinaḥ / kailāsaśikharākārair vimānair modate sukhī
Sanskrit only: no published translation is held for this verse.
मन्दरं वा प्रकुर्वीत शिवाय विधिपूर्वकम् । भक्त्या वित्तानुसारेण उत्तमाधममध्यमम्
mandaraṃ vā prakurvīta śivāya vidhipūrvakam / bhaktyā vittānusāreṇa uttamādhamamadhyamam
Sanskrit only: no published translation is held for this verse.
मन्दराद्रिप्रतीकाशैर् विमानैर्विश्वतोमुखैः । अप्सरोगणसंकीर्णैर् देवदानवदुर्लभैः
mandarādripratīkāśair vimānairviśvatomukhaiḥ / apsarogaṇasaṃkīrṇair devadānavadurlabhaiḥ
Sanskrit only: no published translation is held for this verse.
गत्वा शिवपुरं रम्यं भुक्त्वा भोगान् यथेप्सितान् । ज्ञानयोगं समासाद्य गाणपत्यं लभेन्नरः
gatvā śivapuraṃ ramyaṃ bhuktvā bhogān yathepsitān / jñānayogaṃ samāsādya gāṇapatyaṃ labhennaraḥ
Sanskrit only: no published translation is held for this verse.
यः कुर्यान्मेरुनामानं प्रासादं परमेष्ठिनः । स यत्फलमवाप्नोति न तत् सर्वैर् महामखैः
yaḥ kuryānmerunāmānaṃ prāsādaṃ parameṣṭhinaḥ / sa yatphalamavāpnoti na tat sarvair mahāmakhaiḥ
Sanskrit only: no published translation is held for this verse.
सर्वयज्ञतपोदान- तीर्थवेदेषु यत्फलम् । तत्फलं सकलं लब्ध्वा शिववन्मोदते चिरम्
sarvayajñatapodāna- tīrthavedeṣu yatphalam / tatphalaṃ sakalaṃ labdhvā śivavanmodate ciram
Sanskrit only: no published translation is held for this verse.
निषधं नाम यः कुर्यात् प्रासादं भक्तितः सुधीः । शिवलोकमनुप्राप्य शिववन्मोदते चिरम्
niṣadhaṃ nāma yaḥ kuryāt prāsādaṃ bhaktitaḥ sudhīḥ / śivalokamanuprāpya śivavanmodate ciram
Sanskrit only: no published translation is held for this verse.
कुर्याद्वा यः शुभं विप्रा हिमशैलमनुत्तमम् । हिमशैलोपमैर् यानैर् गत्वा शिवपुरं शुभम्
kuryādvā yaḥ śubhaṃ viprā himaśailamanuttamam / himaśailopamair yānair gatvā śivapuraṃ śubham
Sanskrit only: no published translation is held for this verse.
ज्ञानयोगं समासाद्य गाणपत्यमवाप्नुयात् । नीलाद्रिशिखराख्यं वा प्रासादं यः सुशोभनम्
jñānayogaṃ samāsādya gāṇapatyamavāpnuyāt / nīlādriśikharākhyaṃ vā prāsādaṃ yaḥ suśobhanam
Sanskrit only: no published translation is held for this verse.
कृत्वा वित्तानुसारेण भक्त्या रुद्राय शंभवे । यत्फलं लभते मर्त्यस् तत्फलं प्रवदाम्यहम्
kṛtvā vittānusāreṇa bhaktyā rudrāya śaṃbhave / yatphalaṃ labhate martyas tatphalaṃ pravadāmyaham
Sanskrit only: no published translation is held for this verse.
हिमशैले कृते भक्त्या यत्फलं प्राक् तवोदितम् । तत्फलं सकलं लब्ध्वा सर्वदेवनमस्कृतः
himaśaile kṛte bhaktyā yatphalaṃ prāk tavoditam / tatphalaṃ sakalaṃ labdhvā sarvadevanamaskṛtaḥ
Sanskrit only: no published translation is held for this verse.
रुद्रलोकमनुप्राप्य रुद्रैः सार्धं प्रमोदते । महेन्द्रशैलनामानं प्रासादं रुद्रसंमतम्
rudralokamanuprāpya rudraiḥ sārdhaṃ pramodate / mahendraśailanāmānaṃ prāsādaṃ rudrasaṃmatam
Sanskrit only: no published translation is held for this verse.
कृत्वा यत्फलमाप्नोति तत्फलं प्रवदाम्यहम् । महेन्द्रपर्वताकारैर् विमानैर्वृषसंयुतैः
kṛtvā yatphalamāpnoti tatphalaṃ pravadāmyaham / mahendraparvatākārair vimānairvṛṣasaṃyutaiḥ
Sanskrit only: no published translation is held for this verse.
गत्वा शिवपुरं दिव्यं भुक्त्वा भोगान्यथेप्सितान् । ज्ञानं विचारितं रुद्रैः सम्प्राप्य मुनिपुङ्गवाः
gatvā śivapuraṃ divyaṃ bhuktvā bhogānyathepsitān / jñānaṃ vicāritaṃ rudraiḥ samprāpya munipuṅgavāḥ
Sanskrit only: no published translation is held for this verse.
विषयान् विषवत् त्यक्त्वा शिवसायुज्यमाप्नुयात् । हेम्ना यस्तु प्रकुर्वीत प्रासादं रत्नशोभितम्
viṣayān viṣavat tyaktvā śivasāyujyamāpnuyāt / hemnā yastu prakurvīta prāsādaṃ ratnaśobhitam
Sanskrit only: no published translation is held for this verse.
द्राविडं नागरं वापि केसरं वा विधानतः । कूटं वा मण्डपं वापि समं वा दीर्घम् एव च
drāviḍaṃ nāgaraṃ vāpi kesaraṃ vā vidhānataḥ / kūṭaṃ vā maṇḍapaṃ vāpi samaṃ vā dīrgham eva ca
Sanskrit only: no published translation is held for this verse.
न तस्य शक्यते वक्तुं पुण्यं शतयुगैरपि । जीर्णं वा पतितं वापि खण्डितं स्फुटितं तथा
na tasya śakyate vaktuṃ puṇyaṃ śatayugairapi / jīrṇaṃ vā patitaṃ vāpi khaṇḍitaṃ sphuṭitaṃ tathā
Sanskrit only: no published translation is held for this verse.
पूर्ववत्कारयेद्यस्तु द्वाराद्यैः सुशुभं द्विजाः । प्रासादं मण्डपं वापि प्राकारं गोपुरं तु वा
pūrvavatkārayedyastu dvārādyaiḥ suśubhaṃ dvijāḥ / prāsādaṃ maṇḍapaṃ vāpi prākāraṃ gopuraṃ tu vā
Sanskrit only: no published translation is held for this verse.
कर्तुरप्यधिकं पुण्यं लभते नात्र संशयः । वृत्त्यर्थं वा प्रकुर्वीत नरः कर्म शिवालये
karturapyadhikaṃ puṇyaṃ labhate nātra saṃśayaḥ / vṛttyarthaṃ vā prakurvīta naraḥ karma śivālaye
Sanskrit only: no published translation is held for this verse.
यः स याति न संदेहः स्वर्गलोकं सबान्धवः । यश्चात्मभोगसिद्ध्यर्थम् अपि रुद्रालये सकृत्
yaḥ sa yāti na saṃdehaḥ svargalokaṃ sabāndhavaḥ / yaścātmabhogasiddhyartham api rudrālaye sakṛt
Sanskrit only: no published translation is held for this verse.
कर्म कुर्याद्यदि सुखं लब्ध्वा चापि प्रमोदते । तस्माद् आयतनं भक्त्या यः कुर्यान् मुनिसत्तमाः
karma kuryādyadi sukhaṃ labdhvā cāpi pramodate / tasmād āyatanaṃ bhaktyā yaḥ kuryān munisattamāḥ
Sanskrit only: no published translation is held for this verse.
काष्ठेष्टकादिभिर् मर्त्यः शिवलोके महीयते । प्रसादार्थं महेशस्य प्रासादे मुनिपुङ्गवाः
kāṣṭheṣṭakādibhir martyaḥ śivaloke mahīyate / prasādārthaṃ maheśasya prāsāde munipuṅgavāḥ
Sanskrit only: no published translation is held for this verse.
कर्तव्यः सर्वयत्नेन धर्मकामार्थमुक्तये । अशक्तश्चेन्मुनिश्रेष्ठाः प्रासादं कर्तुमुत्तमम्
kartavyaḥ sarvayatnena dharmakāmārthamuktaye / aśaktaścenmuniśreṣṭhāḥ prāsādaṃ kartumuttamam
Sanskrit only: no published translation is held for this verse.
संमार्जनादिभिर् वापि सर्वान्कामानवाप्नुयात् । संमार्जनं तु यः कुर्यान् मार्जन्या मृदुसूक्ष्मया
saṃmārjanādibhir vāpi sarvānkāmānavāpnuyāt / saṃmārjanaṃ tu yaḥ kuryān mārjanyā mṛdusūkṣmayā
Sanskrit only: no published translation is held for this verse.
चान्द्रायणसहस्रस्य फलं मासेन लभ्यते । यः कुर्याद्वस्त्रपूतेन गन्धगोमयवारिणा
cāndrāyaṇasahasrasya phalaṃ māsena labhyate / yaḥ kuryādvastrapūtena gandhagomayavāriṇā
Sanskrit only: no published translation is held for this verse.
आलेपनं यथान्यायं वर्षचान्द्रायणं लभेत् । अर्धक्रोशं शिवक्षेत्रं शिवलिङ्गात्समन्ततः
ālepanaṃ yathānyāyaṃ varṣacāndrāyaṇaṃ labhet / ardhakrośaṃ śivakṣetraṃ śivaliṅgātsamantataḥ
Sanskrit only: no published translation is held for this verse.
यस् त्यजेद् दुस्त्यजान् प्राणाञ् शिवसायुज्यम् आप्नुयात् । स्वायंभुवस्य मानं हि तथा बाणस्य सुव्रताः
yas tyajed dustyajān prāṇāñ śivasāyujyam āpnuyāt / svāyaṃbhuvasya mānaṃ hi tathā bāṇasya suvratāḥ
Sanskrit only: no published translation is held for this verse.
स्वायंभुवे तदर्धं स्यात् स्याद् आर्षे च तदर्धकम् । मानुषे च तदर्धं स्यात् क्षेत्रमानं द्विजोत्तमाः
svāyaṃbhuve tadardhaṃ syāt syād ārṣe ca tadardhakam / mānuṣe ca tadardhaṃ syāt kṣetramānaṃ dvijottamāḥ
Sanskrit only: no published translation is held for this verse.
एवं यतीनामावासे क्षेत्रमानं द्विजोत्तमाः । रुद्रावतारे चाद्यं यच् छिष्ये चैव प्रशिष्यके
evaṃ yatīnāmāvāse kṣetramānaṃ dvijottamāḥ / rudrāvatāre cādyaṃ yac chiṣye caiva praśiṣyake
Sanskrit only: no published translation is held for this verse.
नरावतारे तच्छिष्ये तच्छिष्ये च प्रशिष्यके । श्रीपर्वते महापुण्ये तस्य प्रान्ते च वा द्विजाः
narāvatāre tacchiṣye tacchiṣye ca praśiṣyake / śrīparvate mahāpuṇye tasya prānte ca vā dvijāḥ
Sanskrit only: no published translation is held for this verse.
तस्मिन्वा यस्त्यजेत्प्राणाञ् छिवसायुज्यमाप्नुयात् । वाराणस्यां तथाप्येवम् अविमुक्ते विशेषतः
tasminvā yastyajetprāṇāñ chivasāyujyamāpnuyāt / vārāṇasyāṃ tathāpyevam avimukte viśeṣataḥ
Sanskrit only: no published translation is held for this verse.
केदारे च महाक्षेत्रे प्रयागे च विशेषतः । कुरुक्षेत्रे च यः प्राणान् संत्यजेद्याति निर्वृतिम्
kedāre ca mahākṣetre prayāge ca viśeṣataḥ / kurukṣetre ca yaḥ prāṇān saṃtyajedyāti nirvṛtim
Sanskrit only: no published translation is held for this verse.
प्रभासे पुष्करे ऽवन्त्यां तथा चैवामरेश्वरे । वणीशैलाकुले चैव मृतो याति शिवात्मताम्
prabhāse puṣkare 'vantyāṃ tathā caivāmareśvare / vaṇīśailākule caiva mṛto yāti śivātmatām
Sanskrit only: no published translation is held for this verse.
वाराणस्यां मृतो जन्तुर् न जातु जन्तुतां व्रजेत् । त्रिविष्टपे विमुक्ते च केदारे संगमेश्वरे
vārāṇasyāṃ mṛto jantur na jātu jantutāṃ vrajet / triviṣṭape vimukte ca kedāre saṃgameśvare
Sanskrit only: no published translation is held for this verse.
शालङ्के वा त्यजेत्प्राणांस् तथा वै जम्बुकेश्वरे । शुक्रेश्वरे वा गोकर्णे भास्करेशे गुहेश्वरे
śālaṅke vā tyajetprāṇāṃs tathā vai jambukeśvare / śukreśvare vā gokarṇe bhāskareśe guheśvare
Sanskrit only: no published translation is held for this verse.
हिरण्यगर्भे नन्दीशे स याति परमां गतिम् । नियमैः शोष्य यो देहं त्यजेत्क्षेत्रे शिवस्य तु
hiraṇyagarbhe nandīśe sa yāti paramāṃ gatim / niyamaiḥ śoṣya yo dehaṃ tyajetkṣetre śivasya tu
Sanskrit only: no published translation is held for this verse.
स याति शिवतां योगी मानुषे दैविके ऽपि वा । आर्षे वापि मुनिश्रेष्ठास् तथा स्वायंभुवे ऽपि वा
sa yāti śivatāṃ yogī mānuṣe daivike 'pi vā / ārṣe vāpi muniśreṣṭhās tathā svāyaṃbhuve 'pi vā
Sanskrit only: no published translation is held for this verse.
स्वयंभूते तथा देवे नात्र कार्या विचारणा । आधायाग्निं शिवक्षेत्रे सम्पूज्य परमेश्वरम्
svayaṃbhūte tathā deve nātra kāryā vicāraṇā / ādhāyāgniṃ śivakṣetre sampūjya parameśvaram
Sanskrit only: no published translation is held for this verse.
स्वदेहपिण्डं जुहुयाद् यः स याति परां गतिम् । यावत्तावन्निराहारो भूत्वा प्राणान् परित्यजेत्
svadehapiṇḍaṃ juhuyād yaḥ sa yāti parāṃ gatim / yāvattāvannirāhāro bhūtvā prāṇān parityajet
Sanskrit only: no published translation is held for this verse.
शिवक्षेत्रे मुनिश्रेष्ठाः शिवसायुज्यमाप्नुयात् । छित्त्वा पादद्वयं चापि शिवक्षेत्रे वसेत्तु यः
śivakṣetre muniśreṣṭhāḥ śivasāyujyamāpnuyāt / chittvā pādadvayaṃ cāpi śivakṣetre vasettu yaḥ
Sanskrit only: no published translation is held for this verse.
स याति शिवतां चैव नात्र कार्या विचारणा । क्षेत्रस्य दर्शनं पुण्यं प्रवेशस्तच्छताधिकः
sa yāti śivatāṃ caiva nātra kāryā vicāraṇā / kṣetrasya darśanaṃ puṇyaṃ praveśastacchatādhikaḥ
Sanskrit only: no published translation is held for this verse.
तस्माच्छतगुणं पुण्यं स्पर्शनं च प्रदक्षिणम् । तस्माच्छतगुणं पुण्यं जलस्नानमतः परम्
tasmācchataguṇaṃ puṇyaṃ sparśanaṃ ca pradakṣiṇam / tasmācchataguṇaṃ puṇyaṃ jalasnānamataḥ param
Sanskrit only: no published translation is held for this verse.
क्षीरस्नानं ततो विप्राः शताधिकमनुत्तमम् । दध्ना सहस्रमाख्यातं मधुना तच्छताधिकम्
kṣīrasnānaṃ tato viprāḥ śatādhikamanuttamam / dadhnā sahasramākhyātaṃ madhunā tacchatādhikam
Sanskrit only: no published translation is held for this verse.
घृतस्नानेन चानन्तं शार्करे तच्छताधिकम् । शिवक्षेत्रसमीपस्थां नदीं प्राप्यावगाह्य च
ghṛtasnānena cānantaṃ śārkare tacchatādhikam / śivakṣetrasamīpasthāṃ nadīṃ prāpyāvagāhya ca
Sanskrit only: no published translation is held for this verse.
त्यजेद्देहं विहायान्नं शिवलोके महीयते । शिवक्षेत्रसमीपस्था नद्यः सर्वाः सुशोभनाः
tyajeddehaṃ vihāyānnaṃ śivaloke mahīyate / śivakṣetrasamīpasthā nadyaḥ sarvāḥ suśobhanāḥ
Sanskrit only: no published translation is held for this verse.
वापीकूपतडागाश् च शिवतीर्था इति स्मृताः । स्नात्वा तेषु नरो भक्त्या तीर्थेषु द्विजसत्तमाः
vāpīkūpataḍāgāś ca śivatīrthā iti smṛtāḥ / snātvā teṣu naro bhaktyā tīrtheṣu dvijasattamāḥ
Sanskrit only: no published translation is held for this verse.
ब्रह्महत्यादिभिः पापैर् मुच्यते नात्र संशयः । प्रातः स्नात्वा मुनिश्रेष्ठाः शिवतीर्थेषु मानवः
brahmahatyādibhiḥ pāpair mucyate nātra saṃśayaḥ / prātaḥ snātvā muniśreṣṭhāḥ śivatīrtheṣu mānavaḥ
Sanskrit only: no published translation is held for this verse.
अश्वमेधफलं प्राप्य रुद्रलोकं स गच्छति । मध्याह्ने शिवतीर्थेषु स्नात्वा भक्त्या सकृन्नरः
aśvamedhaphalaṃ prāpya rudralokaṃ sa gacchati / madhyāhne śivatīrtheṣu snātvā bhaktyā sakṛnnaraḥ
Sanskrit only: no published translation is held for this verse.
गङ्गास्नानसमं पुण्यं लभते नात्र संशयः । अस्तं गते तथा चार्के स्नात्वा गच्छेच्छिवं पदम्
gaṅgāsnānasamaṃ puṇyaṃ labhate nātra saṃśayaḥ / astaṃ gate tathā cārke snātvā gacchecchivaṃ padam
Sanskrit only: no published translation is held for this verse.
पापकञ्चुकमुत्सृज्य शिवतीर्थेषु मानवः । द्विजास् त्रिषवणं स्नात्वा शिवतीर्थे सकृन्नरः
pāpakañcukamutsṛjya śivatīrtheṣu mānavaḥ / dvijās triṣavaṇaṃ snātvā śivatīrthe sakṛnnaraḥ
Sanskrit only: no published translation is held for this verse.
शिवसायुज्यमाप्नोति नात्र कार्या विचारणा । पुराथ सूकरः कश्चित् श्वानं दृष्ट्वा भयात्पथि
śivasāyujyamāpnoti nātra kāryā vicāraṇā / purātha sūkaraḥ kaścit śvānaṃ dṛṣṭvā bhayātpathi
Sanskrit only: no published translation is held for this verse.
प्रसंगाद्वारमेकं तु शिवतीर्थे ऽवगाह्य च । मृतः स्वयं द्विजश्रेष्ठा गाणपत्यमवाप्तवान्
prasaṃgādvāramekaṃ tu śivatīrthe 'vagāhya ca / mṛtaḥ svayaṃ dvijaśreṣṭhā gāṇapatyamavāptavān
Sanskrit only: no published translation is held for this verse.
यः प्रातर्देवदेवेशं शिवं लिङ्गस्वरूपिणम् । पश्येत्स याति सर्वस्माद् अधिकां गतिमेव च
yaḥ prātardevadeveśaṃ śivaṃ liṅgasvarūpiṇam / paśyetsa yāti sarvasmād adhikāṃ gatimeva ca
Sanskrit only: no published translation is held for this verse.
मध्याह्ने च महादेवं दृष्ट्वा यज्ञफलं लभेत् । सायाह्ने सर्वयज्ञानां फलं प्राप्य विमुच्यते
madhyāhne ca mahādevaṃ dṛṣṭvā yajñaphalaṃ labhet / sāyāhne sarvayajñānāṃ phalaṃ prāpya vimucyate
Sanskrit only: no published translation is held for this verse.
मानसैर्वाचिकैः पापैः कायिकैश् च महत्तरैः । तथोपपातकैश्चैव पापैश्चैवानुपातकैः
mānasairvācikaiḥ pāpaiḥ kāyikaiś ca mahattaraiḥ / tathopapātakaiścaiva pāpaiścaivānupātakaiḥ
Sanskrit only: no published translation is held for this verse.
संक्रमे देवमीशानं दृष्ट्वा लिङ्गाकृतिं प्रभुम् । मासेन यत्कृतं पापं त्यक्त्वा याति शिवं पदम्
saṃkrame devamīśānaṃ dṛṣṭvā liṅgākṛtiṃ prabhum / māsena yatkṛtaṃ pāpaṃ tyaktvā yāti śivaṃ padam
Sanskrit only: no published translation is held for this verse.
अयने चार्धमासेन दक्षिणे चोत्तरायणे । विषुवे चैव सम्पूज्य प्रयाति परमां गतिम्
ayane cārdhamāsena dakṣiṇe cottarāyaṇe / viṣuve caiva sampūjya prayāti paramāṃ gatim
Sanskrit only: no published translation is held for this verse.
प्रदक्षिणत्रयं कुर्याद् यः प्रासादं समन्ततः । सव्यापसव्यन्यायेन मृदुगत्या शुचिर्नरः
pradakṣiṇatrayaṃ kuryād yaḥ prāsādaṃ samantataḥ / savyāpasavyanyāyena mṛdugatyā śucirnaraḥ
Sanskrit only: no published translation is held for this verse.
पदे पदे ऽश्वमेधस्य यज्ञस्य फलमाप्नुयात् । वाचा यस्तु शिवं नित्यं संरौति परमेश्वरम्
pade pade 'śvamedhasya yajñasya phalamāpnuyāt / vācā yastu śivaṃ nityaṃ saṃrauti parameśvaram
Sanskrit only: no published translation is held for this verse.
सो ऽपि याति शिवं स्थानं प्राप्य किं पुनरेव च । कृत्वा मण्डलकं क्षेत्रं गन्धगोमयवारिणा
so 'pi yāti śivaṃ sthānaṃ prāpya kiṃ punareva ca / kṛtvā maṇḍalakaṃ kṣetraṃ gandhagomayavāriṇā
Sanskrit only: no published translation is held for this verse.
मुक्ताफलमयैश्चूर्णैर् इन्द्रनीलमयैस् तथा । पद्मरागमयैश्चैव स्फाटिकैश् च सुशोभनैः
muktāphalamayaiścūrṇair indranīlamayais tathā / padmarāgamayaiścaiva sphāṭikaiś ca suśobhanaiḥ
Sanskrit only: no published translation is held for this verse.
तथा मारकतैश्चैव सौवर्णै राजतैस् तथा । तद्वर्णैर् लौकिकैश्चैव चूर्णैर्वित्तविवर्जितैः
tathā mārakataiścaiva sauvarṇai rājatais tathā / tadvarṇair laukikaiścaiva cūrṇairvittavivarjitaiḥ
Sanskrit only: no published translation is held for this verse.
आलिख्य कमलं भद्रं दशहस्तप्रमाणतः । सकर्णिकं महाभागा महादेवसमीपतः
ālikhya kamalaṃ bhadraṃ daśahastapramāṇataḥ / sakarṇikaṃ mahābhāgā mahādevasamīpataḥ
Sanskrit only: no published translation is held for this verse.
तत्रावाह्य महादेवं नवशक्तिसमन्वितम् । पञ्चभिश्च तथा षड्भिर् अष्टाभिश्चेष्टदं परम्
tatrāvāhya mahādevaṃ navaśaktisamanvitam / pañcabhiśca tathā ṣaḍbhir aṣṭābhiśceṣṭadaṃ param
Sanskrit only: no published translation is held for this verse.
पुनरष्टाभिर् ईशानं दशारे दशभिस् तथा । पुनर्बाह्ये च दशभिः सम्पूज्य प्रणिपत्य च
punaraṣṭābhir īśānaṃ daśāre daśabhis tathā / punarbāhye ca daśabhiḥ sampūjya praṇipatya ca
Sanskrit only: no published translation is held for this verse.
निवेद्य देवदेवाय क्षितिदानफलं लभेत् । शालिपिष्टादिभिर् वापि पद्ममालिख्य निर्धनः
nivedya devadevāya kṣitidānaphalaṃ labhet / śālipiṣṭādibhir vāpi padmamālikhya nirdhanaḥ
Sanskrit only: no published translation is held for this verse.
पूर्वोक्तमखिलं पुण्यं लभते नात्र संशयः । द्वादशारं तथालिख्य मण्डलं पदम् उत्तमम्
pūrvoktamakhilaṃ puṇyaṃ labhate nātra saṃśayaḥ / dvādaśāraṃ tathālikhya maṇḍalaṃ padam uttamam
Sanskrit only: no published translation is held for this verse.
रत्नचूर्णादिभिश्चूर्णैस् तथा द्वादशमूर्तिभिः । मण्डलस्य च मध्ये तु भास्करं स्थाप्य पूजयेत्
ratnacūrṇādibhiścūrṇais tathā dvādaśamūrtibhiḥ / maṇḍalasya ca madhye tu bhāskaraṃ sthāpya pūjayet
Sanskrit only: no published translation is held for this verse.
ग्रहैश् च संवृतं वापि सूर्यसायुज्यमुत्तमम् । एवं प्राकृतम् अप्यार्थ्यां षडस्रं परिकल्प्य च
grahaiś ca saṃvṛtaṃ vāpi sūryasāyujyamuttamam / evaṃ prākṛtam apyārthyāṃ ṣaḍasraṃ parikalpya ca
Sanskrit only: no published translation is held for this verse.
मध्यदेशे च देवेशीं प्रकृतिं ब्रह्मरूपिणीम् । दक्षिणे सत्त्वमूर्तिं च वामतश् च रजोगुणम्
madhyadeśe ca deveśīṃ prakṛtiṃ brahmarūpiṇīm / dakṣiṇe sattvamūrtiṃ ca vāmataś ca rajoguṇam
Sanskrit only: no published translation is held for this verse.
अग्रतस्तु तमोमूर्तिं मध्ये देवीं तथांबिकाम् । पञ्चभूतानि तन्मात्रा- पञ्चकं चैव दक्षिणे
agratastu tamomūrtiṃ madhye devīṃ tathāṃbikām / pañcabhūtāni tanmātrā- pañcakaṃ caiva dakṣiṇe
Sanskrit only: no published translation is held for this verse.
कर्मेन्द्रियाणि पञ्चैव तथा बुद्धीन्द्रियाणि च । उत्तरे विधिवत्पूज्य षडस्रे चैव पूजयेत्
karmendriyāṇi pañcaiva tathā buddhīndriyāṇi ca / uttare vidhivatpūjya ṣaḍasre caiva pūjayet
Sanskrit only: no published translation is held for this verse.
आत्मानं चान्तरात्मानं युगलं बुद्धिमेव च । अहङ्कारं च महता सर्वयज्ञफलं लभेत्
ātmānaṃ cāntarātmānaṃ yugalaṃ buddhimeva ca / ahaṅkāraṃ ca mahatā sarvayajñaphalaṃ labhet
Sanskrit only: no published translation is held for this verse.
एवं वः कथितं सर्वं प्राकृतं मण्डलं परम् । अतो वक्ष्यामि विप्रेन्द्राः सर्वकामार्थसाधनम्
evaṃ vaḥ kathitaṃ sarvaṃ prākṛtaṃ maṇḍalaṃ param / ato vakṣyāmi viprendrāḥ sarvakāmārthasādhanam
Sanskrit only: no published translation is held for this verse.
गोचर्ममात्रमालिख्य मण्डलं गोमयेन तु । चतुरश्रं विधानेन चाद्भिर् अभ्युक्ष्य मन्त्रवित्
gocarmamātramālikhya maṇḍalaṃ gomayena tu / caturaśraṃ vidhānena cādbhir abhyukṣya mantravit
Sanskrit only: no published translation is held for this verse.
अलंकृत्य वितानाद्यैश् छत्रैर् वापि मनोरमैः । बुद्बुदैरर्धचन्द्रैश् च हैमैरश्वत्थपत्रकैः
alaṃkṛtya vitānādyaiś chatrair vāpi manoramaiḥ / budbudairardhacandraiś ca haimairaśvatthapatrakaiḥ
Sanskrit only: no published translation is held for this verse.
सितैर्विकसितैः पद्मै रक्तैर् नीलोत्पलैस् तथा । मुक्तादामैर् वितानान्ते लम्बितस्तु सितैर्ध्वजैः
sitairvikasitaiḥ padmai raktair nīlotpalais tathā / muktādāmair vitānānte lambitastu sitairdhvajaiḥ
Sanskrit only: no published translation is held for this verse.
सितमृत्पात्रकैश्चैव सुश्लक्ष्णैः पूर्णकुम्भकैः । फलपल्लवमालाभिर् वैजयन्तीभिर् अंशुकैः
sitamṛtpātrakaiścaiva suślakṣṇaiḥ pūrṇakumbhakaiḥ / phalapallavamālābhir vaijayantībhir aṃśukaiḥ
Sanskrit only: no published translation is held for this verse.
पञ्चाशद्दीपमालाभिर् धूपैः पञ्चविधैस् तथा । पञ्चाशद्दलसंयुक्तम् आलिखेत्पद्ममुत्तमम्
pañcāśaddīpamālābhir dhūpaiḥ pañcavidhais tathā / pañcāśaddalasaṃyuktam ālikhetpadmamuttamam
Sanskrit only: no published translation is held for this verse.
तत्तद्वर्णैस् तथा चूर्णैः श्वेतचूर्णैरथापि वा । एकहस्तप्रमाणेन कृत्वा पद्मं विधानतः
tattadvarṇais tathā cūrṇaiḥ śvetacūrṇairathāpi vā / ekahastapramāṇena kṛtvā padmaṃ vidhānataḥ
Sanskrit only: no published translation is held for this verse.
कर्णिकायां न्यसेद् देवं देव्या देवेश्वरं भवम् । वर्णानि च न्यसेत्पत्रे रुद्रैः प्रागाद्यनुक्रमात्
karṇikāyāṃ nyased devaṃ devyā deveśvaraṃ bhavam / varṇāni ca nyasetpatre rudraiḥ prāgādyanukramāt
Sanskrit only: no published translation is held for this verse.
प्रणवादिनमो ऽन्तानि सर्ववर्णानि सुव्रताः । सम्पूज्यैवं मुनिश्रेष्ठा गन्धपुष्पादिभिः क्रमात्
praṇavādinamo 'ntāni sarvavarṇāni suvratāḥ / sampūjyaivaṃ muniśreṣṭhā gandhapuṣpādibhiḥ kramāt
Sanskrit only: no published translation is held for this verse.
ब्राह्मणान् भोजयेत्तत्र पञ्चाशद्विधिपूर्वकम् । अक्षमालोपवीतं च कुण्डलं च कमण्डलुम्
brāhmaṇān bhojayettatra pañcāśadvidhipūrvakam / akṣamālopavītaṃ ca kuṇḍalaṃ ca kamaṇḍalum
Sanskrit only: no published translation is held for this verse.
आसनं च तथा दण्डम् उष्णीषं वस्त्रमेव च । दत्त्वा तेषां मुनीन्द्राणां देवदेवाय शंभवे
āsanaṃ ca tathā daṇḍam uṣṇīṣaṃ vastrameva ca / dattvā teṣāṃ munīndrāṇāṃ devadevāya śaṃbhave
Sanskrit only: no published translation is held for this verse.
महाचरुं निवेद्यैवं कृष्णं गोमिथुनं तथा । अन्ते च देवदेवाय दापयेच्चूर्णमण्डलम्
mahācaruṃ nivedyaivaṃ kṛṣṇaṃ gomithunaṃ tathā / ante ca devadevāya dāpayeccūrṇamaṇḍalam
Sanskrit only: no published translation is held for this verse.
यागोपयोगद्रव्याणि शिवाय विनिवेदयेत् । ओङ्काराद्यं जपेद्धीमान् प्रतिवर्णम् अनुक्रमात्
yāgopayogadravyāṇi śivāya vinivedayet / oṅkārādyaṃ japeddhīmān prativarṇam anukramāt
Sanskrit only: no published translation is held for this verse.
एवमालिख्य यो भक्त्या सर्वमण्डलमुत्तमम् । यत्फलं लभते मर्त्यस् तद्वदामि समासतः
evamālikhya yo bhaktyā sarvamaṇḍalamuttamam / yatphalaṃ labhate martyas tadvadāmi samāsataḥ
Sanskrit only: no published translation is held for this verse.
साङ्गान् वेदान् यथान्यायम् अधीत्य विधिपूर्वकम् । इष्ट्वा यज्ञैर्यथान्यायं ज्योतिष्टोमादिभिः क्रमात्
sāṅgān vedān yathānyāyam adhītya vidhipūrvakam / iṣṭvā yajñairyathānyāyaṃ jyotiṣṭomādibhiḥ kramāt
Sanskrit only: no published translation is held for this verse.
ततो विश्वजिदन्तैश् च पुत्रानुत्पाद्य तादृशान् । वानप्रस्थाश्रमं गत्वा सदारः साग्निरेव च
tato viśvajidantaiś ca putrānutpādya tādṛśān / vānaprasthāśramaṃ gatvā sadāraḥ sāgnireva ca
Sanskrit only: no published translation is held for this verse.
चान्द्रायणादिकाः सर्वाः कृत्वा न्यस्य क्रिया द्विजाः । ब्रह्मविद्यामधीत्यैव ज्ञानमासाद्य यत्नतः
cāndrāyaṇādikāḥ sarvāḥ kṛtvā nyasya kriyā dvijāḥ / brahmavidyāmadhītyaiva jñānamāsādya yatnataḥ
Sanskrit only: no published translation is held for this verse.
ज्ञानेन ज्ञेयम् आलोक्य योगी यत्काममाप्नुयात् । तत्फलं लभते सर्वं वर्णमण्डलदर्शनात्
jñānena jñeyam ālokya yogī yatkāmamāpnuyāt / tatphalaṃ labhate sarvaṃ varṇamaṇḍaladarśanāt
Sanskrit only: no published translation is held for this verse.
येन केनापि वा मर्त्यः प्रलिप्यायतनाग्रतः । उत्तरे दक्षिणे वापि पृष्ठतो वा द्विजोत्तमाः
yena kenāpi vā martyaḥ pralipyāyatanāgrataḥ / uttare dakṣiṇe vāpi pṛṣṭhato vā dvijottamāḥ
Sanskrit only: no published translation is held for this verse.
चतुष्कोणं तु वा चूर्णैर् अलंकृत्य समन्ततः । पुष्पाक्षतादिभिः पूज्य सर्वपापैः प्रमुच्यते
catuṣkoṇaṃ tu vā cūrṇair alaṃkṛtya samantataḥ / puṣpākṣatādibhiḥ pūjya sarvapāpaiḥ pramucyate
Sanskrit only: no published translation is held for this verse.
यस्तु गर्भगृहं भक्त्या सकृदालिप्य सर्वतः । चन्दनाद्यैः सकर्पूरैर् गन्धद्रव्यैः समन्ततः
yastu garbhagṛhaṃ bhaktyā sakṛdālipya sarvataḥ / candanādyaiḥ sakarpūrair gandhadravyaiḥ samantataḥ
Sanskrit only: no published translation is held for this verse.
विकीर्य गन्धकुसुमैर् धूपैर्धूप्य चतुर्विधैः । प्रार्थयेद्देवमीशानं शिवलोकं स गच्छति
vikīrya gandhakusumair dhūpairdhūpya caturvidhaiḥ / prārthayeddevamīśānaṃ śivalokaṃ sa gacchati
Sanskrit only: no published translation is held for this verse.
तत्र भुक्त्वा महाभोगान् कल्पकोटिशतं नरः । स्वदेहगन्धकुसुमैः पूरयञ्छिवमन्दिरम्
tatra bhuktvā mahābhogān kalpakoṭiśataṃ naraḥ / svadehagandhakusumaiḥ pūrayañchivamandiram
Sanskrit only: no published translation is held for this verse.
क्रमाद्गान्धर्वमासाद्य गन्धर्वैश् च सुपूजितः । क्रमादागत्य लोके ऽस्मिन् राजा भवति वीर्यवान्
kramādgāndharvamāsādya gandharvaiś ca supūjitaḥ / kramādāgatya loke 'smin rājā bhavati vīryavān
Sanskrit only: no published translation is held for this verse.
आदिदेवो महादेवः प्रलयस्थितिकारकः । सर्गश् च भुवनाधीशः शर्वव्यापी सदाशिवः । शिवब्रह्मामृतं ग्राह्यं मोक्षसाधनम् उत्तमम्
ādidevo mahādevaḥ pralayasthitikārakaḥ / sargaś ca bhuvanādhīśaḥ śarvavyāpī sadāśivaḥ / śivabrahmāmṛtaṃ grāhyaṃ mokṣasādhanam uttamam
Sanskrit only: no published translation is held for this verse.
व्यक्ताव्यक्तं सदा नित्यम् अचिन्त्यम् अर्चयेत् प्रभुम्
vyaktāvyaktaṃ sadā nityam acintyam arcayet prabhum
Sanskrit only: no published translation is held for this verse.