Library·Liṅga Purāṇa·1·1.79
ऋषय ऊचुः कथं पूज्यो महादेवो मर्त्यैर्मन्दैर्महामते । कल्पायुषैर् अल्पवीर्यैर् अल्पसत्त्वैः प्रजापतिः
ṛṣaya ūcuḥ kathaṃ pūjyo mahādevo martyairmandairmahāmate / kalpāyuṣair alpavīryair alpasattvaiḥ prajāpatiḥ
Sanskrit only: no published translation is held for this verse.
संवत्सरसहस्रैश् च तपसा पूज्य शङ्करम् । न पश्यन्ति सुराश्चापि कथं देवं यजन्ति ते
saṃvatsarasahasraiś ca tapasā pūjya śaṅkaram / na paśyanti surāścāpi kathaṃ devaṃ yajanti te
Sanskrit only: no published translation is held for this verse.
सूत उवाच कथितं तथ्यम् एवात्र युष्माभिर् मुनिपुङ्गवाः । तथापि श्रद्धया दृश्यः पूज्यः संभाष्य एव च
sūta uvāca kathitaṃ tathyam evātra yuṣmābhir munipuṅgavāḥ / tathāpi śraddhayā dṛśyaḥ pūjyaḥ saṃbhāṣya eva ca
Sanskrit only: no published translation is held for this verse.
प्रसंगाच्चैव सम्पूज्य भक्तिहीनैरपि द्विजाः । भावानुरूपफलदो भगवानिति कीर्तितः
prasaṃgāccaiva sampūjya bhaktihīnairapi dvijāḥ / bhāvānurūpaphalado bhagavāniti kīrtitaḥ
Sanskrit only: no published translation is held for this verse.
उच्छिष्टः पूजयन्याति पैशाचं तु द्विजाधमः । संक्रुद्धो राक्षसं स्थानं प्राप्नुयान् मूढधीर् द्विजाः
ucchiṣṭaḥ pūjayanyāti paiśācaṃ tu dvijādhamaḥ / saṃkruddho rākṣasaṃ sthānaṃ prāpnuyān mūḍhadhīr dvijāḥ
Sanskrit only: no published translation is held for this verse.
अभक्ष्यभक्षी सम्पूज्य याक्षं प्राप्नोति दुर्जनः । गानशीलश् च गान्धर्वं नृत्यशीलस्तथैव च
abhakṣyabhakṣī sampūjya yākṣaṃ prāpnoti durjanaḥ / gānaśīlaś ca gāndharvaṃ nṛtyaśīlastathaiva ca
Sanskrit only: no published translation is held for this verse.
ख्यातिशीलस् तथा चान्द्रं स्त्रीषु सक्तो नराधमः । मदार्तः पूजयन् रुद्रं सोमस्थानमवाप्नुयात्
khyātiśīlas tathā cāndraṃ strīṣu sakto narādhamaḥ / madārtaḥ pūjayan rudraṃ somasthānamavāpnuyāt
Sanskrit only: no published translation is held for this verse.
गायत्र्या देवमभ्यर्च्य प्राजापत्यमवाप्नुयात् । ब्राह्मं हि प्रणवेनैव वैष्णवं चाभिनन्द्य च
gāyatryā devamabhyarcya prājāpatyamavāpnuyāt / brāhmaṃ hi praṇavenaiva vaiṣṇavaṃ cābhinandya ca
Sanskrit only: no published translation is held for this verse.
श्रद्धया सकृदेवापि समभ्यर्च्य महेश्वरम् । रुद्रलोकमनुप्राप्य रुद्रैः सार्धं प्रमोदते
śraddhayā sakṛdevāpi samabhyarcya maheśvaram / rudralokamanuprāpya rudraiḥ sārdhaṃ pramodate
Sanskrit only: no published translation is held for this verse.
संशोध्य च शुभं लिङ्गम् अमरासुरपूजितम् । जलैः पूतैस्तथा पीठे देवमावाह्य भक्तितः
saṃśodhya ca śubhaṃ liṅgam amarāsurapūjitam / jalaiḥ pūtaistathā pīṭhe devamāvāhya bhaktitaḥ
Sanskrit only: no published translation is held for this verse.
दृष्ट्वा देवं यथान्यायं प्रणिपत्य च शङ्करम् । कल्पिते चासने स्थाप्य धर्मज्ञानमये शुभे
dṛṣṭvā devaṃ yathānyāyaṃ praṇipatya ca śaṅkaram / kalpite cāsane sthāpya dharmajñānamaye śubhe
Sanskrit only: no published translation is held for this verse.
वैराग्यैश्वर्यसम्पन्ने सर्वलोकनमस्कृते । ओङ्कारपद्ममध्ये तु सोमसूर्याग्निसंभवे
vairāgyaiśvaryasampanne sarvalokanamaskṛte / oṅkārapadmamadhye tu somasūryāgnisaṃbhave
Sanskrit only: no published translation is held for this verse.
पाद्यमाचमनं चार्घ्यं दत्त्वा रुद्राय शंभवे । स्नापयेद्दिव्यतोयैश् च घृतेन पयसा तथा
pādyamācamanaṃ cārghyaṃ dattvā rudrāya śaṃbhave / snāpayeddivyatoyaiś ca ghṛtena payasā tathā
Sanskrit only: no published translation is held for this verse.
दध्ना च स्नापयेद्रुद्रं शोधयेच्च यथाविधि । ततः शुद्धांबुना स्नाप्य चन्दनाद्यैश् च पूजयेत्
dadhnā ca snāpayedrudraṃ śodhayecca yathāvidhi / tataḥ śuddhāṃbunā snāpya candanādyaiś ca pūjayet
Sanskrit only: no published translation is held for this verse.
रोचनाद्यैश् च सम्पूज्य दिव्यपुष्पैश् च पूजयेत् । बिल्वपत्रैरखण्डैश् च पद्मैर्नानाविधैस् तथा
rocanādyaiś ca sampūjya divyapuṣpaiś ca pūjayet / bilvapatrairakhaṇḍaiś ca padmairnānāvidhais tathā
Sanskrit only: no published translation is held for this verse.
नीलोत्पलैश् च राजीवैर् नद्यावर्तैश् च मल्लिकैः । चम्पकैर् जातिपुष्पैश्च बकुलैः करवीरकैः
nīlotpalaiś ca rājīvair nadyāvartaiś ca mallikaiḥ / campakair jātipuṣpaiśca bakulaiḥ karavīrakaiḥ
Sanskrit only: no published translation is held for this verse.
शमीपुष्पैर् बृहत्पुष्पैर् उन्मत्तागस्त्यजैरपि । अपामार्गकदम्बैश् च भूषणैरपि शोभनैः
śamīpuṣpair bṛhatpuṣpair unmattāgastyajairapi / apāmārgakadambaiś ca bhūṣaṇairapi śobhanaiḥ
Sanskrit only: no published translation is held for this verse.
दत्त्वा पञ्चविधं धूपं पायसं च निवेदयेत् । दधिभक्तं च मध्वाज्य- परिप्लुतमतः परम्
dattvā pañcavidhaṃ dhūpaṃ pāyasaṃ ca nivedayet / dadhibhaktaṃ ca madhvājya- pariplutamataḥ param
Sanskrit only: no published translation is held for this verse.
शुद्धान्नं चैव मुद्गान्नं षड्विधं च निवेदयेत् । अथ पञ्चविधं वापि सघृतं विनिवेदयेत्
śuddhānnaṃ caiva mudgānnaṃ ṣaḍvidhaṃ ca nivedayet / atha pañcavidhaṃ vāpi saghṛtaṃ vinivedayet
Sanskrit only: no published translation is held for this verse.
केवलं चापि शुद्धान्नम् आढकं तण्डुलं पचेत् । कृत्वा प्रदक्षिणं चान्ते नमस्कृत्य मुहुर्मुहुः
kevalaṃ cāpi śuddhānnam āḍhakaṃ taṇḍulaṃ pacet / kṛtvā pradakṣiṇaṃ cānte namaskṛtya muhurmuhuḥ
Sanskrit only: no published translation is held for this verse.
स्तुत्वा च देवमीशानं पुनः सम्पूज्य शङ्करम् । ईशानं पुरुषं चैव अघोरं वाममेव च
stutvā ca devamīśānaṃ punaḥ sampūjya śaṅkaram / īśānaṃ puruṣaṃ caiva aghoraṃ vāmameva ca
Sanskrit only: no published translation is held for this verse.
सद्योजातं जपंश्चापि पञ्चभिः पूजयेच्छिवम् । अनेन विधिना देवः प्रसीदति महेश्वरः
sadyojātaṃ japaṃścāpi pañcabhiḥ pūjayecchivam / anena vidhinā devaḥ prasīdati maheśvaraḥ
Sanskrit only: no published translation is held for this verse.
वृक्षाः पुष्पादिपत्राद्यैर् उपयुक्ताः शिवार्चने । गावश्चैव द्विजश्रेष्ठाः प्रयान्ति परमां गतिम्
vṛkṣāḥ puṣpādipatrādyair upayuktāḥ śivārcane / gāvaścaiva dvijaśreṣṭhāḥ prayānti paramāṃ gatim
Sanskrit only: no published translation is held for this verse.
पूजयेद्यः शिवं रुद्रं शर्वं भवमजं सकृत् । स याति शिवसायुज्यं पुनरावृत्तिवर्जितम्
pūjayedyaḥ śivaṃ rudraṃ śarvaṃ bhavamajaṃ sakṛt / sa yāti śivasāyujyaṃ punarāvṛttivarjitam
Sanskrit only: no published translation is held for this verse.
अर्चितं परमेशानं भवं शर्वमुमापतिम् । सकृत्प्रसंगाद्वा दृष्ट्वा सर्वपापैः प्रमुच्यते
arcitaṃ parameśānaṃ bhavaṃ śarvamumāpatim / sakṛtprasaṃgādvā dṛṣṭvā sarvapāpaiḥ pramucyate
Sanskrit only: no published translation is held for this verse.
पूजितं वा महादेवं पूज्यमानमथापि वा । दृष्ट्वा प्रयाति वै मर्त्यो ब्रह्मलोकं न संशयः
pūjitaṃ vā mahādevaṃ pūjyamānamathāpi vā / dṛṣṭvā prayāti vai martyo brahmalokaṃ na saṃśayaḥ
Sanskrit only: no published translation is held for this verse.
श्रुत्वानुमोदयेच्चापि स याति परमां गतिम् । यो दद्याद् घृतदीपं च सकृल्लिङ्गस्य चाग्रतः
śrutvānumodayeccāpi sa yāti paramāṃ gatim / yo dadyād ghṛtadīpaṃ ca sakṛlliṅgasya cāgrataḥ
Sanskrit only: no published translation is held for this verse.
स तां गतिम् अवाप्नोति स्वाश्रमैर् दुर्लभां स्थिराम् । दीपवृक्षं पार्थिवं वा दारवं वा शिवालये
sa tāṃ gatim avāpnoti svāśramair durlabhāṃ sthirām / dīpavṛkṣaṃ pārthivaṃ vā dāravaṃ vā śivālaye
Sanskrit only: no published translation is held for this verse.
दत्त्वा कुलशतं साग्रं शिवलोके महीयते । आयसं ताम्रजं वापि रौप्यं सौवर्णिकं तथा
dattvā kulaśataṃ sāgraṃ śivaloke mahīyate / āyasaṃ tāmrajaṃ vāpi raupyaṃ sauvarṇikaṃ tathā
Sanskrit only: no published translation is held for this verse.
शिवाय दीपं यो दद्याद् विधिना वापि भक्तितः । सूर्यायुतसमैः श्लक्ष्णैर् यानैः शिवपुरं व्रजेत्
śivāya dīpaṃ yo dadyād vidhinā vāpi bhaktitaḥ / sūryāyutasamaiḥ ślakṣṇair yānaiḥ śivapuraṃ vrajet
Sanskrit only: no published translation is held for this verse.
कार्तिके मासि यो दद्याद् घृतदीपं शिवाग्रतः । सम्पूज्यमानं वा पश्येद् विधिना परमेश्वरम्
kārtike māsi yo dadyād ghṛtadīpaṃ śivāgrataḥ / sampūjyamānaṃ vā paśyed vidhinā parameśvaram
Sanskrit only: no published translation is held for this verse.
स याति ब्रह्मणो लोकं श्रद्धया मुनिसत्तमाः । आवाहनं सुसान्निध्यं स्थापनं पूजनं तथा
sa yāti brahmaṇo lokaṃ śraddhayā munisattamāḥ / āvāhanaṃ susānnidhyaṃ sthāpanaṃ pūjanaṃ tathā
Sanskrit only: no published translation is held for this verse.
सम्प्रोक्तं रुद्रगायत्र्या आसनं प्रणवेन वै । पञ्चभिः स्नपनं प्रोक्तं रुद्राद्यैश् च विशेषतः
samproktaṃ rudragāyatryā āsanaṃ praṇavena vai / pañcabhiḥ snapanaṃ proktaṃ rudrādyaiś ca viśeṣataḥ
Sanskrit only: no published translation is held for this verse.
एवं सम्पूजयेन्नित्यं देवदेवमुमापतिम् । ब्रह्माणं दक्षिणे तस्य प्रणवेन समर्चयेत्
evaṃ sampūjayennityaṃ devadevamumāpatim / brahmāṇaṃ dakṣiṇe tasya praṇavena samarcayet
Sanskrit only: no published translation is held for this verse.
उत्तरे देवदेवेशं विष्णुं गायत्रिया यजेत् । वह्नौ हुत्वा यथान्यायं पञ्चभिः प्रणवेन च
uttare devadeveśaṃ viṣṇuṃ gāyatriyā yajet / vahnau hutvā yathānyāyaṃ pañcabhiḥ praṇavena ca
Sanskrit only: no published translation is held for this verse.
स याति शिवसायुज्यम् एवं सम्पूज्य शङ्करम् । इति संक्षेपतः प्रोक्तो लिङ्गार्चनविधिक्रमः
sa yāti śivasāyujyam evaṃ sampūjya śaṅkaram / iti saṃkṣepataḥ prokto liṅgārcanavidhikramaḥ
Sanskrit only: no published translation is held for this verse.
व्यासेन कथितः पूर्वं श्रुत्वा रुद्रमुखात्स्वयम्
vyāsena kathitaḥ pūrvaṃ śrutvā rudramukhātsvayam
Sanskrit only: no published translation is held for this verse.