Library·Liṅga Purāṇa·1·1.82
सूत उवाच व्यपोहनस्तवं वक्ष्ये सर्वसिद्धिप्रदं शुभम् । नन्दिनश् च मुखाच्छ्रुत्वा कुमारेण महात्मना
sūta uvāca vyapohanastavaṃ vakṣye sarvasiddhipradaṃ śubham / nandinaś ca mukhācchrutvā kumāreṇa mahātmanā
Sanskrit only: no published translation is held for this verse.
व्यासाय कथितं तस्माद् बहुमानेन वै मया । नमः शिवाय शुद्धाय निर्मलाय यशस्विने
vyāsāya kathitaṃ tasmād bahumānena vai mayā / namaḥ śivāya śuddhāya nirmalāya yaśasvine
Sanskrit only: no published translation is held for this verse.
दुष्टान्तकाय सर्वाय भवाय परमात्मने । पञ्चवक्त्रो दशभुजो ह्य् अक्षपञ्चदशैर्युतः
duṣṭāntakāya sarvāya bhavāya paramātmane / pañcavaktro daśabhujo hy akṣapañcadaśairyutaḥ
Sanskrit only: no published translation is held for this verse.
शुद्धस्फटिकसंकाशः सर्वाभरणभूषितः । सर्वज्ञः सर्वगः शान्तः सर्वोपरि सुसंस्थितः
śuddhasphaṭikasaṃkāśaḥ sarvābharaṇabhūṣitaḥ / sarvajñaḥ sarvagaḥ śāntaḥ sarvopari susaṃsthitaḥ
Sanskrit only: no published translation is held for this verse.
पद्मासनस्थः सोमेशः पापमाशु व्यपोहतु । ईशानः पुरुषश्चैव अघोरः सद्य एव च
padmāsanasthaḥ someśaḥ pāpamāśu vyapohatu / īśānaḥ puruṣaścaiva aghoraḥ sadya eva ca
Sanskrit only: no published translation is held for this verse.
वामदेवश् च भगवान् पापमाशु व्यपोहतु । अनन्तः सर्वविद्येशः सर्वज्ञः सर्वदः प्रभुः
vāmadevaś ca bhagavān pāpamāśu vyapohatu / anantaḥ sarvavidyeśaḥ sarvajñaḥ sarvadaḥ prabhuḥ
Sanskrit only: no published translation is held for this verse.
शिवध्यानैकसम्पन्नः स मे पापं व्यपोहतु । सूक्ष्मः सुरासुरेशानो विश्वेशो गणपूजितः
śivadhyānaikasampannaḥ sa me pāpaṃ vyapohatu / sūkṣmaḥ surāsureśāno viśveśo gaṇapūjitaḥ
Sanskrit only: no published translation is held for this verse.
शिवध्यानैकसम्पन्नः स मे पापं व्यपोहतु । शिवोत्तमो महापूज्यः शिवध्यानपरायणः
śivadhyānaikasampannaḥ sa me pāpaṃ vyapohatu / śivottamo mahāpūjyaḥ śivadhyānaparāyaṇaḥ
Sanskrit only: no published translation is held for this verse.
सर्वगः सर्वदः शान्तः स मे पापं व्यपोहतु । एकाक्षो भगवानीशः शिवार्चनपरायणः
sarvagaḥ sarvadaḥ śāntaḥ sa me pāpaṃ vyapohatu / ekākṣo bhagavānīśaḥ śivārcanaparāyaṇaḥ
Sanskrit only: no published translation is held for this verse.
शिवध्यानैकसम्पन्नः स मे पापं व्यपोहतु । त्रिमूर्तिर् भगवान् ईशः शिवभक्तिप्रबोधकः
śivadhyānaikasampannaḥ sa me pāpaṃ vyapohatu / trimūrtir bhagavān īśaḥ śivabhaktiprabodhakaḥ
Sanskrit only: no published translation is held for this verse.
शिवध्यानैकसम्पन्नः स मे पापं व्यपोहतु । श्रीकण्ठः श्रीपतिः श्रीमाञ् शिवध्यानरतः सदा
śivadhyānaikasampannaḥ sa me pāpaṃ vyapohatu / śrīkaṇṭhaḥ śrīpatiḥ śrīmāñ śivadhyānarataḥ sadā
Sanskrit only: no published translation is held for this verse.
शिवार्चनरतः श्रीमान् स मे पापं व्यपोहतु । त्रैलोक्यनमिता देवी सोल्काकारा पुरातनी
śivārcanarataḥ śrīmān sa me pāpaṃ vyapohatu / trailokyanamitā devī solkākārā purātanī
Sanskrit only: no published translation is held for this verse.
शिवार्चनरतः श्रीमान् स मे पापं व्यपोहतु । त्रैलोक्यनमिता देवी सोल्काकारा पुरातनी
śivārcanarataḥ śrīmān sa me pāpaṃ vyapohatu / trailokyanamitā devī solkākārā purātanī
Sanskrit only: no published translation is held for this verse.
दाक्षायणी महादेवी गौरी हैमवती शुभा । एकपर्णाग्रजा सौम्या तथा वै चैकपाटला
dākṣāyaṇī mahādevī gaurī haimavatī śubhā / ekaparṇāgrajā saumyā tathā vai caikapāṭalā
Sanskrit only: no published translation is held for this verse.
अपर्णा वरदा देवी वरदानैकतत्परा । उमा सुरहरा साक्षात् कौशिकी वा कपर्दिनी
aparṇā varadā devī varadānaikatatparā / umā suraharā sākṣāt kauśikī vā kapardinī
Sanskrit only: no published translation is held for this verse.
खट्वाङ्गधारिणी दिव्या कराग्रतरुपल्लवा । नैगमेयादिभिर् दिव्यैश् चतुर्भिः पुत्रकैर्वृता
khaṭvāṅgadhāriṇī divyā karāgratarupallavā / naigameyādibhir divyaiś caturbhiḥ putrakairvṛtā
Sanskrit only: no published translation is held for this verse.
मेनाया नन्दिनी देवी वारिजा वारिजेक्षणा । अंबाया वीतशोकस्य नन्दिनश् च महात्मनः
menāyā nandinī devī vārijā vārijekṣaṇā / aṃbāyā vītaśokasya nandinaś ca mahātmanaḥ
Sanskrit only: no published translation is held for this verse.
शुभावत्याः सखी शान्ता पञ्चचूडा वरप्रदा । सृष्ट्यर्थं सर्वभूतानां प्रकृतित्वं गताव्यया
śubhāvatyāḥ sakhī śāntā pañcacūḍā varapradā / sṛṣṭyarthaṃ sarvabhūtānāṃ prakṛtitvaṃ gatāvyayā
Sanskrit only: no published translation is held for this verse.
त्रयोविंशतिभिस् तत्त्वैर् महदाद्यैर् विजृम्भिता । लक्ष्म्यादिशक्तिभिर् नित्यं नमिता नन्दनन्दिनी
trayoviṃśatibhis tattvair mahadādyair vijṛmbhitā / lakṣmyādiśaktibhir nityaṃ namitā nandanandinī
Sanskrit only: no published translation is held for this verse.
मनोन्मनी महादेवी मायावी मण्डनप्रिया । मायया या जगत्सर्वं ब्रह्माद्यं सचराचरम्
manonmanī mahādevī māyāvī maṇḍanapriyā / māyayā yā jagatsarvaṃ brahmādyaṃ sacarācaram
Sanskrit only: no published translation is held for this verse.
क्षोभिणी मोहिनी नित्यं योगिनां हृदि संस्थिता । एकानेकस्थिता लोके इन्दीवरनिभेक्षणा
kṣobhiṇī mohinī nityaṃ yogināṃ hṛdi saṃsthitā / ekānekasthitā loke indīvaranibhekṣaṇā
Sanskrit only: no published translation is held for this verse.
भक्त्या परमया नित्यं सर्वदेवैरभिष्टुता । गणेन्द्राम्भोजगर्भेन्द्र- यमवित्तेशपूर्वकैः
bhaktyā paramayā nityaṃ sarvadevairabhiṣṭutā / gaṇendrāmbhojagarbhendra- yamavitteśapūrvakaiḥ
Sanskrit only: no published translation is held for this verse.
संस्तुता जननी तेषां सर्वोपद्रवनाशिनी । भक्तानामार्तिहा भव्या भवभावविनाशनी
saṃstutā jananī teṣāṃ sarvopadravanāśinī / bhaktānāmārtihā bhavyā bhavabhāvavināśanī
Sanskrit only: no published translation is held for this verse.
भुक्तिमुक्तिप्रदा दिव्या भक्तानामप्रयत्नतः । सा मे साक्षान्महादेवी पापम् आशु व्यपोहतु
bhuktimuktipradā divyā bhaktānāmaprayatnataḥ / sā me sākṣānmahādevī pāpam āśu vyapohatu
Sanskrit only: no published translation is held for this verse.
चण्डः सर्वगणेशानो मुखाच्छंभोर्विनिर्गतः । शिवार्चनरतः श्रीमान् स मे पापं व्यपोहतु
caṇḍaḥ sarvagaṇeśāno mukhācchaṃbhorvinirgataḥ / śivārcanarataḥ śrīmān sa me pāpaṃ vyapohatu
Sanskrit only: no published translation is held for this verse.
शालङ्कायनपुत्रस्तु हलमार्गोत्थितः प्रभुः । जामाता मरुतां देवः सर्वभूतमहेश्वरः
śālaṅkāyanaputrastu halamārgotthitaḥ prabhuḥ / jāmātā marutāṃ devaḥ sarvabhūtamaheśvaraḥ
Sanskrit only: no published translation is held for this verse.
सर्वगः सर्वदृक् शर्वः सर्वेशसदृशः प्रभुः । सनारायणकैर् देवैः सेन्द्रचन्द्रदिवाकरैः
sarvagaḥ sarvadṛk śarvaḥ sarveśasadṛśaḥ prabhuḥ / sanārāyaṇakair devaiḥ sendracandradivākaraiḥ
Sanskrit only: no published translation is held for this verse.
सिद्धैश् च यक्षगन्धर्वैर् भूतैर्भूतविधायकैः । उरगैरृषिभिश्चैव ब्रह्मणा च महात्मना
siddhaiś ca yakṣagandharvair bhūtairbhūtavidhāyakaiḥ / uragairṛṣibhiścaiva brahmaṇā ca mahātmanā
Sanskrit only: no published translation is held for this verse.
स्तुतस्त्रैलोक्यनाथस्तु मुनिरन्तः पुरं स्थितः । सर्वदा पूजितः सर्वैर् नन्दी पापं व्यपोहतु
stutastrailokyanāthastu munirantaḥ puraṃ sthitaḥ / sarvadā pūjitaḥ sarvair nandī pāpaṃ vyapohatu
Sanskrit only: no published translation is held for this verse.
महाकायो महातेजा महादेव इवापरः । शिवार्चनरतः श्रीमान् स मे पापं व्यपोहतु
mahākāyo mahātejā mahādeva ivāparaḥ / śivārcanarataḥ śrīmān sa me pāpaṃ vyapohatu
Sanskrit only: no published translation is held for this verse.
मेरुमन्दारकैलास- तटकूटप्रभेदनः । ऐरावतादिभिर् दिव्यैर् दिग्गजैश् च सुपूजितः
merumandārakailāsa- taṭakūṭaprabhedanaḥ / airāvatādibhir divyair diggajaiś ca supūjitaḥ
Sanskrit only: no published translation is held for this verse.
सप्तपातालपादश् च सप्तद्वीपोरुजङ्घकः । सप्तार्णवाङ्कुशश्चैव सर्वतीर्थोदरः शिवः
saptapātālapādaś ca saptadvīporujaṅghakaḥ / saptārṇavāṅkuśaścaiva sarvatīrthodaraḥ śivaḥ
Sanskrit only: no published translation is held for this verse.
आकाशदेहो दिग्बाहुः सोमसूर्याग्निलोचनः । हतासुरमहावृक्षो ब्रह्मविद्यामहोत्कटः
ākāśadeho digbāhuḥ somasūryāgnilocanaḥ / hatāsuramahāvṛkṣo brahmavidyāmahotkaṭaḥ
Sanskrit only: no published translation is held for this verse.
ब्रह्माद्याधोरणैर् दिव्यैर् योगपाशसमन्वितैः । बद्धो हृत्पुण्डरीकाख्ये स्तंभे वृत्तिं निरुध्य च
brahmādyādhoraṇair divyair yogapāśasamanvitaiḥ / baddho hṛtpuṇḍarīkākhye staṃbhe vṛttiṃ nirudhya ca
Sanskrit only: no published translation is held for this verse.
नागेन्द्रवक्त्रो यः साक्षाद् गणकोटिशतैर्वृतः । शिवध्यानैकसम्पन्नः स मे पापं व्यपोहतु
nāgendravaktro yaḥ sākṣād gaṇakoṭiśatairvṛtaḥ / śivadhyānaikasampannaḥ sa me pāpaṃ vyapohatu
Sanskrit only: no published translation is held for this verse.
भृङ्गीशः पिङ्गलाक्षो ऽसौ भसिताशस्तु देहयुक् । शिवार्चनरतः श्रीमान् स मे पापं व्यपोहतु
bhṛṅgīśaḥ piṅgalākṣo 'sau bhasitāśastu dehayuk / śivārcanarataḥ śrīmān sa me pāpaṃ vyapohatu
Sanskrit only: no published translation is held for this verse.
चतुर्भिस्तनुभिर् नित्यं सर्वासुरनिबर्हणः । स्कन्दः शक्तिधरः शान्तः सेनानीः शिखिवाहनः
caturbhistanubhir nityaṃ sarvāsuranibarhaṇaḥ / skandaḥ śaktidharaḥ śāntaḥ senānīḥ śikhivāhanaḥ
Sanskrit only: no published translation is held for this verse.
देवसेनापतिः श्रीमान् स मे पापं व्यपोहतु । भवः शर्वस्तथेशानो रुद्रः पशुपतिस् तथा
devasenāpatiḥ śrīmān sa me pāpaṃ vyapohatu / bhavaḥ śarvastatheśāno rudraḥ paśupatis tathā
Sanskrit only: no published translation is held for this verse.
उग्रो भीमो महादेवः शिवार्चनरतः सदा । एताः पापं व्यपोहन्तु मूर्तयः परमेष्ठिनः
ugro bhīmo mahādevaḥ śivārcanarataḥ sadā / etāḥ pāpaṃ vyapohantu mūrtayaḥ parameṣṭhinaḥ
Sanskrit only: no published translation is held for this verse.
महादेवः शिवो रुद्रः शङ्करो नीललोहितः । ईशानो विजयो भीमो देवदेवो भवोद्भवः
mahādevaḥ śivo rudraḥ śaṅkaro nīlalohitaḥ / īśāno vijayo bhīmo devadevo bhavodbhavaḥ
Sanskrit only: no published translation is held for this verse.
कपालीशश् च विज्ञेयो रुद्रा रुद्रांशसंभवाः । शिवप्रणामसम्पन्ना व्यपोहन्तु मलं मम
kapālīśaś ca vijñeyo rudrā rudrāṃśasaṃbhavāḥ / śivapraṇāmasampannā vyapohantu malaṃ mama
Sanskrit only: no published translation is held for this verse.
विकर्तनो विवस्वांश् च मार्तण्डो भास्करो रविः । लोकप्रकाशकश्चैव लोकसाक्षीत्रिविक्रमः
vikartano vivasvāṃś ca mārtaṇḍo bhāskaro raviḥ / lokaprakāśakaścaiva lokasākṣītrivikramaḥ
Sanskrit only: no published translation is held for this verse.
आदित्यश् च तथा सूर्यश् चांशुमांश् च दिवाकरः । एते वै द्वादशादित्या व्यपोहन्तु मलं मम
ādityaś ca tathā sūryaś cāṃśumāṃś ca divākaraḥ / ete vai dvādaśādityā vyapohantu malaṃ mama
Sanskrit only: no published translation is held for this verse.
गगनं स्पर्शनं तेजो रसश् च पृथिवी तथा । चन्द्रः सूर्यस्तथात्मा च तनवः शिवभाषिताः
gaganaṃ sparśanaṃ tejo rasaś ca pṛthivī tathā / candraḥ sūryastathātmā ca tanavaḥ śivabhāṣitāḥ
Sanskrit only: no published translation is held for this verse.
पापं व्यपोहन्तु मम भयं निर्णाशयन्तु मे । वासवः पावकश्चैव यमो निरृतिरेव च
pāpaṃ vyapohantu mama bhayaṃ nirṇāśayantu me / vāsavaḥ pāvakaścaiva yamo nirṛtireva ca
Sanskrit only: no published translation is held for this verse.
वरुणो वायुसोमौ च ईशानो भगवान् हरिः । पितामहश् च भगवान् शिवध्यानपरायणः
varuṇo vāyusomau ca īśāno bhagavān hariḥ / pitāmahaś ca bhagavān śivadhyānaparāyaṇaḥ
Sanskrit only: no published translation is held for this verse.
एते पापं व्यपोहन्तु मनसा कर्मणा कृतम् । नभस्वान्स्पर्शनो वायुर् अनिलो मारुतस् तथा
ete pāpaṃ vyapohantu manasā karmaṇā kṛtam / nabhasvānsparśano vāyur anilo mārutas tathā
Sanskrit only: no published translation is held for this verse.
प्राणः प्राणेशजीवेशौ मारुतः शिवभाषिताः । शिवार्चनरताः सर्वे व्यपोहन्तु मलं मम
prāṇaḥ prāṇeśajīveśau mārutaḥ śivabhāṣitāḥ / śivārcanaratāḥ sarve vyapohantu malaṃ mama
Sanskrit only: no published translation is held for this verse.
खेचरी वसुचारी च ब्रह्मेशो ब्रह्मब्रह्मधीः । सुषेणः शाश्वतः पृष्टः सुपुष्टश् च महाबलः
khecarī vasucārī ca brahmeśo brahmabrahmadhīḥ / suṣeṇaḥ śāśvataḥ pṛṣṭaḥ supuṣṭaś ca mahābalaḥ
Sanskrit only: no published translation is held for this verse.
एते वै चारणाः शंभोः पूजयातीव भाविताः । व्यपोहन्तु मलं सर्वं पापं चैव मया कृतम्
ete vai cāraṇāḥ śaṃbhoḥ pūjayātīva bhāvitāḥ / vyapohantu malaṃ sarvaṃ pāpaṃ caiva mayā kṛtam
Sanskrit only: no published translation is held for this verse.
मन्त्रज्ञो मन्त्रवित् प्राज्ञो मन्त्रराट् सिद्धपूजितः । सिद्धवत्परमः सिद्धः सर्वसिद्धिप्रदायिनः
mantrajño mantravit prājño mantrarāṭ siddhapūjitaḥ / siddhavatparamaḥ siddhaḥ sarvasiddhipradāyinaḥ
Sanskrit only: no published translation is held for this verse.
व्यपोहन्तु मलं सर्वे सिद्धाः शिवपदार्चकाः । यक्षो यक्षेशधनदो जृम्भको मणिभद्रकः
vyapohantu malaṃ sarve siddhāḥ śivapadārcakāḥ / yakṣo yakṣeśadhanado jṛmbhako maṇibhadrakaḥ
Sanskrit only: no published translation is held for this verse.
पूर्णभद्रेश्वरो माली शितिकुण्डलिरेव च । नरेन्द्रश्चैव यक्षेशा व्यपोहन्तु मलं मम
pūrṇabhadreśvaro mālī śitikuṇḍalireva ca / narendraścaiva yakṣeśā vyapohantu malaṃ mama
Sanskrit only: no published translation is held for this verse.
अनन्तः कुलिकश्चैव वासुकिस्तक्षकस्तथा । कर्कोटको महापद्मः शङ्खपालो महाबलः
anantaḥ kulikaścaiva vāsukistakṣakastathā / karkoṭako mahāpadmaḥ śaṅkhapālo mahābalaḥ
Sanskrit only: no published translation is held for this verse.
शिवप्रणामसम्पन्नाः शिवदेहप्रभूषणाः । मम पापं व्यपोहन्तु विषं स्थावरजङ्गमम्
śivapraṇāmasampannāḥ śivadehaprabhūṣaṇāḥ / mama pāpaṃ vyapohantu viṣaṃ sthāvarajaṅgamam
Sanskrit only: no published translation is held for this verse.
वीणाज्ञः किन्नरश्चैव सुरसेनः प्रमर्दनः । अतीशयः स प्रयोगी गीतज्ञश्चैव किन्नराः
vīṇājñaḥ kinnaraścaiva surasenaḥ pramardanaḥ / atīśayaḥ sa prayogī gītajñaścaiva kinnarāḥ
Sanskrit only: no published translation is held for this verse.
शिवप्रणामसम्पन्ना व्यपोहन्तु मलं मम । विद्याधरश् च विबुधो विद्याराशिर्विदां वरः
śivapraṇāmasampannā vyapohantu malaṃ mama / vidyādharaś ca vibudho vidyārāśirvidāṃ varaḥ
Sanskrit only: no published translation is held for this verse.
विबुद्धो विबुधः श्रीमान् कृतज्ञश् च महायशाः । एते विद्याधराः सर्वे शिवध्यानपरायणाः
vibuddho vibudhaḥ śrīmān kṛtajñaś ca mahāyaśāḥ / ete vidyādharāḥ sarve śivadhyānaparāyaṇāḥ
Sanskrit only: no published translation is held for this verse.
व्यपोहन्तु मलं घोरं महादेवप्रसादतः । वामदेवी महाजम्भः कालनेमिर्महाबलः
vyapohantu malaṃ ghoraṃ mahādevaprasādataḥ / vāmadevī mahājambhaḥ kālanemirmahābalaḥ
Sanskrit only: no published translation is held for this verse.
सुग्रीवो मर्दकश्चैव पिङ्गलो देवमर्दनः । प्रह्रादश्चाप्यनुह्रादः संह्रादः किल बाष्कलौ
sugrīvo mardakaścaiva piṅgalo devamardanaḥ / prahrādaścāpyanuhrādaḥ saṃhrādaḥ kila bāṣkalau
Sanskrit only: no published translation is held for this verse.
जम्भः कुंभश् च मायावी कार्तवीर्यः कृतंजयः । एते ऽसुरा महात्मानो महादेवपरायणाः
jambhaḥ kuṃbhaś ca māyāvī kārtavīryaḥ kṛtaṃjayaḥ / ete 'surā mahātmāno mahādevaparāyaṇāḥ
Sanskrit only: no published translation is held for this verse.
व्यपोहन्तु भयं घोरम् आसुरं भावमेव च । गरुत्मान् खगतिश्चैव पक्षिराट् नागमर्दनः
vyapohantu bhayaṃ ghoram āsuraṃ bhāvameva ca / garutmān khagatiścaiva pakṣirāṭ nāgamardanaḥ
Sanskrit only: no published translation is held for this verse.
नागशत्रुर् हिरण्याङ्गो वैनतेयः प्रभञ्जनः । नागाशीर्विषनाशश् च विष्णुवाहन एव च
nāgaśatrur hiraṇyāṅgo vainateyaḥ prabhañjanaḥ / nāgāśīrviṣanāśaś ca viṣṇuvāhana eva ca
Sanskrit only: no published translation is held for this verse.
एते हिरण्यवर्णाभा गरुडा विष्णुवाहनाः । नानाभरणसम्पन्ना व्यपोहन्तु मलं मम
ete hiraṇyavarṇābhā garuḍā viṣṇuvāhanāḥ / nānābharaṇasampannā vyapohantu malaṃ mama
Sanskrit only: no published translation is held for this verse.
अगस्त्यश् च वसिष्ठश् च अङ्गिरा भृगुरेव च । काश्यपो नारदश्चैव दधीचश्च्यवनस् तथा
agastyaś ca vasiṣṭhaś ca aṅgirā bhṛgureva ca / kāśyapo nāradaścaiva dadhīcaścyavanas tathā
Sanskrit only: no published translation is held for this verse.
उपमन्युस्तथान्ये च ऋषयः शिवभाविताः । शिवार्चनरताः सर्वे व्यपोहन्तु मलं मम
upamanyustathānye ca ṛṣayaḥ śivabhāvitāḥ / śivārcanaratāḥ sarve vyapohantu malaṃ mama
Sanskrit only: no published translation is held for this verse.
पितरः पितामहाश् च तथैव प्रपितामहाः । अग्निष्वात्ता बर्हिषदस् तथा मातामहादयः
pitaraḥ pitāmahāś ca tathaiva prapitāmahāḥ / agniṣvāttā barhiṣadas tathā mātāmahādayaḥ
Sanskrit only: no published translation is held for this verse.
व्यपोहन्तु भयं पापं शिवध्यानपरायणाः । लक्ष्मीश् च धरणी चैव गायत्री च सरस्वती
vyapohantu bhayaṃ pāpaṃ śivadhyānaparāyaṇāḥ / lakṣmīś ca dharaṇī caiva gāyatrī ca sarasvatī
Sanskrit only: no published translation is held for this verse.
दुर्गा उषा शची ज्येष्ठा मातरः सुरपूजिताः । देवानां मातरश् चैव गणानां मातरस् तथा
durgā uṣā śacī jyeṣṭhā mātaraḥ surapūjitāḥ / devānāṃ mātaraś caiva gaṇānāṃ mātaras tathā
Sanskrit only: no published translation is held for this verse.
भूतानां मातरः सर्वा यत्र या गणमातरः । प्रसादाद्देवदेवस्य व्यपोहन्तु मलं मम
bhūtānāṃ mātaraḥ sarvā yatra yā gaṇamātaraḥ / prasādāddevadevasya vyapohantu malaṃ mama
Sanskrit only: no published translation is held for this verse.
उर्वशी मेनका चैव रंभा रतितिलोत्तमाः । सुमुखी दुर्मुखी चैव कामुकी कामवर्धनी
urvaśī menakā caiva raṃbhā ratitilottamāḥ / sumukhī durmukhī caiva kāmukī kāmavardhanī
Sanskrit only: no published translation is held for this verse.
तथान्याः सर्वलोकेषु दिव्याश्चाप्सरसस् तथा । शिवाय ताण्डवं नित्यं कुर्वन्त्यो ऽतीव भाविताः
tathānyāḥ sarvalokeṣu divyāścāpsarasas tathā / śivāya tāṇḍavaṃ nityaṃ kurvantyo 'tīva bhāvitāḥ
Sanskrit only: no published translation is held for this verse.
देव्यः शिवार्चनरता व्यपोहन्तु मलं मम । अर्कः सोमो ऽङ्गारकश् च बुधश्चैव बृहस्पतिः
devyaḥ śivārcanaratā vyapohantu malaṃ mama / arkaḥ somo 'ṅgārakaś ca budhaścaiva bṛhaspatiḥ
Sanskrit only: no published translation is held for this verse.
शुक्रः शनैश्चरश्चैव राहुः केतुस्तथैव च । व्यपोहन्तु भयं घोरं ग्रहपीडां शिवार्चकाः
śukraḥ śanaiścaraścaiva rāhuḥ ketustathaiva ca / vyapohantu bhayaṃ ghoraṃ grahapīḍāṃ śivārcakāḥ
Sanskrit only: no published translation is held for this verse.
मेषो वृषो ऽथ मिथुनस् तथा कर्कटकः शुभः । सिंहश् च कन्या विपुला तुला वै वृश्चिकस् तथा
meṣo vṛṣo 'tha mithunas tathā karkaṭakaḥ śubhaḥ / siṃhaś ca kanyā vipulā tulā vai vṛścikas tathā
Sanskrit only: no published translation is held for this verse.
धनुश् च मकरश्चैव कुंभो मीनस्तथैव च । राशयो द्वादश ह्येते शिवपूजापरायणाः
dhanuś ca makaraścaiva kuṃbho mīnastathaiva ca / rāśayo dvādaśa hyete śivapūjāparāyaṇāḥ
Sanskrit only: no published translation is held for this verse.
व्यपोहन्तु भयं पापं प्रसादात्परमेष्ठिनः । अश्विनी भरणी चैव कृत्तिका रोहिणी तथा
vyapohantu bhayaṃ pāpaṃ prasādātparameṣṭhinaḥ / aśvinī bharaṇī caiva kṛttikā rohiṇī tathā
Sanskrit only: no published translation is held for this verse.
श्रीमन्मृगशिरश्चार्द्रा पुनर्वसुपुष्यसार्पकाः । मघा वै पूर्वफाल्गुन्य उत्तराफाल्गुनी तथा
śrīmanmṛgaśiraścārdrā punarvasupuṣyasārpakāḥ / maghā vai pūrvaphālgunya uttarāphālgunī tathā
Sanskrit only: no published translation is held for this verse.
हस्तचित्रा तथा स्वाती विशाखा चानुराधिका । ज्येष्ठा मूलं महाभागा पूर्वाषाढा तथैव च
hastacitrā tathā svātī viśākhā cānurādhikā / jyeṣṭhā mūlaṃ mahābhāgā pūrvāṣāḍhā tathaiva ca
Sanskrit only: no published translation is held for this verse.
उत्तराषाढिका चैव श्रवणं च श्रविष्ठिका । शतभिषक् पूर्वभद्रा तथा प्रोष्ठपदा तथा
uttarāṣāḍhikā caiva śravaṇaṃ ca śraviṣṭhikā / śatabhiṣak pūrvabhadrā tathā proṣṭhapadā tathā
Sanskrit only: no published translation is held for this verse.
पौष्णं च देव्यः सततं व्यपोहन्तु मलं मम । ज्वरः कुम्भोदरश्चैव शङ्कुकर्णो महाबलः
pauṣṇaṃ ca devyaḥ satataṃ vyapohantu malaṃ mama / jvaraḥ kumbhodaraścaiva śaṅkukarṇo mahābalaḥ
Sanskrit only: no published translation is held for this verse.
महाकर्णः प्रभातश् च महाभूतप्रमर्दनः । श्येनजिच्छिवदूतश् च प्रमथाः प्रीतिवर्धनाः
mahākarṇaḥ prabhātaś ca mahābhūtapramardanaḥ / śyenajicchivadūtaś ca pramathāḥ prītivardhanāḥ
Sanskrit only: no published translation is held for this verse.
कोटिकोटिशतैश्चैव भूतानां मातरः सदा । व्यपोहन्तु भयं पापं महादेवप्रसादतः
koṭikoṭiśataiścaiva bhūtānāṃ mātaraḥ sadā / vyapohantu bhayaṃ pāpaṃ mahādevaprasādataḥ
Sanskrit only: no published translation is held for this verse.
शिवध्यानैकसम्पन्नो हिमराड् अंबुसन्निभः । कुन्देन्दुसदृशाकारः कुंभकुन्देन्दुभूषणः
śivadhyānaikasampanno himarāḍ aṃbusannibhaḥ / kundendusadṛśākāraḥ kuṃbhakundendubhūṣaṇaḥ
Sanskrit only: no published translation is held for this verse.
वडवानलशत्रुर्यो वडवामुखभेदनः । चतुष्पादसमायुक्तः क्षीरोद इव पाण्डुरः
vaḍavānalaśatruryo vaḍavāmukhabhedanaḥ / catuṣpādasamāyuktaḥ kṣīroda iva pāṇḍuraḥ
Sanskrit only: no published translation is held for this verse.
रुद्रलोके स्थितो नित्यं रुद्रैः सार्धं गणेश्वरैः । वृषेन्द्रो विश्वधृग् देवो विश्वस्य जगतः पिता
rudraloke sthito nityaṃ rudraiḥ sārdhaṃ gaṇeśvaraiḥ / vṛṣendro viśvadhṛg devo viśvasya jagataḥ pitā
Sanskrit only: no published translation is held for this verse.
वृतो नन्दादिभिर् नित्यं मातृभिर् मखमर्दनः । शिवार्चनरतो नित्यं स मे पापं व्यपोहतु
vṛto nandādibhir nityaṃ mātṛbhir makhamardanaḥ / śivārcanarato nityaṃ sa me pāpaṃ vyapohatu
Sanskrit only: no published translation is held for this verse.
गङ्गा माता जगन्माता रुद्रलोके व्यवस्थिता । शिवभक्ता तु या नन्दा सा मे पापं व्यपोहतु
gaṅgā mātā jaganmātā rudraloke vyavasthitā / śivabhaktā tu yā nandā sā me pāpaṃ vyapohatu
Sanskrit only: no published translation is held for this verse.
भद्रा भद्रपदा देवी शिवलोके व्यवस्थिता । माता गवां महाभागा सा मे पापं व्यपोहतु
bhadrā bhadrapadā devī śivaloke vyavasthitā / mātā gavāṃ mahābhāgā sā me pāpaṃ vyapohatu
Sanskrit only: no published translation is held for this verse.
सुरभिः सर्वतोभद्रा सर्वपापप्रणाशनी । रुद्रपूजारता नित्यं सा मे पापं व्यपोहतु
surabhiḥ sarvatobhadrā sarvapāpapraṇāśanī / rudrapūjāratā nityaṃ sā me pāpaṃ vyapohatu
Sanskrit only: no published translation is held for this verse.
सुशीला शीलसम्पन्ना श्रीप्रदा शिवभाविता । शिवलोके स्थिता नित्यं सा मे पापं व्यपोहतु
suśīlā śīlasampannā śrīpradā śivabhāvitā / śivaloke sthitā nityaṃ sā me pāpaṃ vyapohatu
Sanskrit only: no published translation is held for this verse.
वेदशास्त्रार्थतत्त्वज्ञः सर्वकार्याभिचिन्तकः । समस्तगुणसम्पन्नः सर्वदेवेश्वरात्मजः
vedaśāstrārthatattvajñaḥ sarvakāryābhicintakaḥ / samastaguṇasampannaḥ sarvadeveśvarātmajaḥ
Sanskrit only: no published translation is held for this verse.
ज्येष्ठः सर्वेश्वरः सौम्यो महाविष्णुतनुः स्वयम् । आर्यः सेनापतिः साक्षाद् गहनो मखमर्दनः
jyeṣṭhaḥ sarveśvaraḥ saumyo mahāviṣṇutanuḥ svayam / āryaḥ senāpatiḥ sākṣād gahano makhamardanaḥ
Sanskrit only: no published translation is held for this verse.
ऐरावतगजारूढः कृष्णकुञ्चितमूर्धजः । कृष्णाङ्गो रक्तनयनः शशिपन्नगभूषणः
airāvatagajārūḍhaḥ kṛṣṇakuñcitamūrdhajaḥ / kṛṣṇāṅgo raktanayanaḥ śaśipannagabhūṣaṇaḥ
Sanskrit only: no published translation is held for this verse.
भूतैः प्रेतैः पिशाचैश् च कूष्माण्डैश् च समावृतः । शिवार्चनरतः साक्षात् स मे पापं व्यपोहतु
bhūtaiḥ pretaiḥ piśācaiś ca kūṣmāṇḍaiś ca samāvṛtaḥ / śivārcanarataḥ sākṣāt sa me pāpaṃ vyapohatu
Sanskrit only: no published translation is held for this verse.
ब्रह्माणी चैव माहेशी कौमारी वैष्णवी तथा । वाराही चैव माहेन्द्री चामुण्डाग्नेयिका तथा
brahmāṇī caiva māheśī kaumārī vaiṣṇavī tathā / vārāhī caiva māhendrī cāmuṇḍāgneyikā tathā
Sanskrit only: no published translation is held for this verse.
एता वै मातरः सर्वाः सर्वलोकप्रपूजिताः । योगिनीभिर् महापापं व्यपोहन्तु समाहिताः
etā vai mātaraḥ sarvāḥ sarvalokaprapūjitāḥ / yoginībhir mahāpāpaṃ vyapohantu samāhitāḥ
Sanskrit only: no published translation is held for this verse.
वीरभद्रो महातेजा हिमकुन्देन्दुसन्निभः । रुद्रस्य तनयो रौद्रः शूलासक्तमहाकरः
vīrabhadro mahātejā himakundendusannibhaḥ / rudrasya tanayo raudraḥ śūlāsaktamahākaraḥ
Sanskrit only: no published translation is held for this verse.
सहस्रबाहुः सर्वज्ञः सर्वायुधधरः स्वयम् । त्रेताग्निनयनो देवस् त्रैलोक्याभयदः प्रभुः
sahasrabāhuḥ sarvajñaḥ sarvāyudhadharaḥ svayam / tretāgninayano devas trailokyābhayadaḥ prabhuḥ
Sanskrit only: no published translation is held for this verse.
मातॄणां रक्षको नित्यं महावृषभवाहनः । त्रैलोक्यनमितः श्रीमान् शिवपादार्चने रतः
mātṝṇāṃ rakṣako nityaṃ mahāvṛṣabhavāhanaḥ / trailokyanamitaḥ śrīmān śivapādārcane rataḥ
Sanskrit only: no published translation is held for this verse.
यज्ञस्य च शिरश्छेत्ता पूष्णो दन्तविनाशनः । वह्नेर्हस्तहरः साक्षाद् भगनेत्रनिपातनः
yajñasya ca śiraśchettā pūṣṇo dantavināśanaḥ / vahnerhastaharaḥ sākṣād bhaganetranipātanaḥ
Sanskrit only: no published translation is held for this verse.
पादाङ्गुष्ठेन सोमाङ्ग- पेषकः प्रभुसंज्ञकः । उपेन्द्रेन्द्रयमादीनां देवानामङ्गरक्षकः
pādāṅguṣṭhena somāṅga- peṣakaḥ prabhusaṃjñakaḥ / upendrendrayamādīnāṃ devānāmaṅgarakṣakaḥ
Sanskrit only: no published translation is held for this verse.
सरस्वत्या महादेव्या नासिकोष्ठावकर्तनः । गणेश्वरो यः सेनानीः स मे पापं व्यपोहतु
sarasvatyā mahādevyā nāsikoṣṭhāvakartanaḥ / gaṇeśvaro yaḥ senānīḥ sa me pāpaṃ vyapohatu
Sanskrit only: no published translation is held for this verse.
ज्येष्ठा वरिष्ठा वरदा वराभरणभूषिता । महालक्ष्मीर्जगन्माता सा मे पापं व्यपोहतु
jyeṣṭhā variṣṭhā varadā varābharaṇabhūṣitā / mahālakṣmīrjaganmātā sā me pāpaṃ vyapohatu
Sanskrit only: no published translation is held for this verse.
महामोहा महाभागा महाभूतगणैर्वृता । शिवार्चनरता नित्यं सा मे पापं व्यपोहतु
mahāmohā mahābhāgā mahābhūtagaṇairvṛtā / śivārcanaratā nityaṃ sā me pāpaṃ vyapohatu
Sanskrit only: no published translation is held for this verse.
लक्ष्मीः सर्वगुणोपेता सर्वलक्षणसंयुता । सर्वदा सर्वगा देवी सा मे पापं व्यपोहतु
lakṣmīḥ sarvaguṇopetā sarvalakṣaṇasaṃyutā / sarvadā sarvagā devī sā me pāpaṃ vyapohatu
Sanskrit only: no published translation is held for this verse.
सिंहारूढा महादेवी पार्वत्यास्तनयाव्यया । विष्णोर्निद्रा महामाया वैष्णवी सुरपूजिता
siṃhārūḍhā mahādevī pārvatyāstanayāvyayā / viṣṇornidrā mahāmāyā vaiṣṇavī surapūjitā
Sanskrit only: no published translation is held for this verse.
त्रिनेत्रा वरदा देवी महिषासुरमर्दिनी । शिवार्चनरता दुर्गा सा मे पापं व्यपोहतु
trinetrā varadā devī mahiṣāsuramardinī / śivārcanaratā durgā sā me pāpaṃ vyapohatu
Sanskrit only: no published translation is held for this verse.
ब्रह्माण्डधारका रुद्राः सर्वलोकप्रपूजिताः । सत्याश् च मानसाः सर्वे व्यपोहन्तु भयं मम
brahmāṇḍadhārakā rudrāḥ sarvalokaprapūjitāḥ / satyāś ca mānasāḥ sarve vyapohantu bhayaṃ mama
Sanskrit only: no published translation is held for this verse.
भूताः प्रेताः पिशाचाश् च कूष्माण्डगणनायकाः । कूष्माण्डकाश् च ते पापं व्यपोहन्तु समाहिताः
bhūtāḥ pretāḥ piśācāś ca kūṣmāṇḍagaṇanāyakāḥ / kūṣmāṇḍakāś ca te pāpaṃ vyapohantu samāhitāḥ
Sanskrit only: no published translation is held for this verse.
अनेन देवं स्तुत्वा तु चान्ते सर्वं समापयेत् । प्रणम्य शिरसा भूमौ प्रतिमासे द्विजोत्तमाः
anena devaṃ stutvā tu cānte sarvaṃ samāpayet / praṇamya śirasā bhūmau pratimāse dvijottamāḥ
Sanskrit only: no published translation is held for this verse.
व्यपोहनस्तवं दिव्यं यः पठेच्छृणुयादपि । विधूय सर्वपापानि रुद्रलोके महीयते
vyapohanastavaṃ divyaṃ yaḥ paṭhecchṛṇuyādapi / vidhūya sarvapāpāni rudraloke mahīyate
Sanskrit only: no published translation is held for this verse.
कन्यार्थी लभते कन्यां जयकामो जयं लभेत् । अर्थकामो लभेदर्थं पुत्रकामो बहून् सुतान्
kanyārthī labhate kanyāṃ jayakāmo jayaṃ labhet / arthakāmo labhedarthaṃ putrakāmo bahūn sutān
Sanskrit only: no published translation is held for this verse.
विद्यार्थी लभते विद्यां भोगार्थी भोगमाप्नुयात् । यान्यान्प्रार्थयते कामान् मानवः श्रवणादिह
vidyārthī labhate vidyāṃ bhogārthī bhogamāpnuyāt / yānyānprārthayate kāmān mānavaḥ śravaṇādiha
Sanskrit only: no published translation is held for this verse.
तान्सर्वान् शीघ्रमाप्नोति देवानां च प्रियो भवेत् । पठ्यमानमिदं पुण्यं यमुद्दिश्य तु पठ्यते
tānsarvān śīghramāpnoti devānāṃ ca priyo bhavet / paṭhyamānamidaṃ puṇyaṃ yamuddiśya tu paṭhyate
Sanskrit only: no published translation is held for this verse.
तस्य रोगा न बाधन्ते वातपित्तादिसंभवाः । नाकाले मरणं तस्य न सर्पैरपि दश्यते
tasya rogā na bādhante vātapittādisaṃbhavāḥ / nākāle maraṇaṃ tasya na sarpairapi daśyate
Sanskrit only: no published translation is held for this verse.
यत्पुण्यं चैव तीर्थानां यज्ञानां चैव यत्फलम् । दानानां चैव यत्पुण्यं व्रतानां च विशेषतः
yatpuṇyaṃ caiva tīrthānāṃ yajñānāṃ caiva yatphalam / dānānāṃ caiva yatpuṇyaṃ vratānāṃ ca viśeṣataḥ
Sanskrit only: no published translation is held for this verse.
तत्पुण्यं कोटिगुणितं जप्त्वा चाप्नोति मानवः । गोघ्नश्चैव कृतघ्नश् च वीरहा ब्रह्महा भवेत्
tatpuṇyaṃ koṭiguṇitaṃ japtvā cāpnoti mānavaḥ / goghnaścaiva kṛtaghnaś ca vīrahā brahmahā bhavet
Sanskrit only: no published translation is held for this verse.
शरणागतघाती च मित्रविश्वासघातकः । दुष्टः पापसमाचारो मातृहा पितृहा तथा
śaraṇāgataghātī ca mitraviśvāsaghātakaḥ / duṣṭaḥ pāpasamācāro mātṛhā pitṛhā tathā
Sanskrit only: no published translation is held for this verse.
व्यपोह्य सर्वपापानि शिवलोके महीयते
vyapohya sarvapāpāni śivaloke mahīyate
Sanskrit only: no published translation is held for this verse.