Library·Liṅga Purāṇa·1·1.83
ऋषय ऊचुः व्यपोहनस्तवं पुण्यं श्रुतमस्माभिर् आदरात् । प्रसंगाल्लिङ्गदानस्य व्रतान्यपि वदस्व नः
ṛṣaya ūcuḥ vyapohanastavaṃ puṇyaṃ śrutamasmābhir ādarāt / prasaṃgālliṅgadānasya vratānyapi vadasva naḥ
Sanskrit only: no published translation is held for this verse.
सूत उवाच व्रतानि वः प्रवक्ष्यामि शुभानि मुनिसत्तमाः । नन्दिना कथितानीह ब्रह्मपुत्राय धीमते
sūta uvāca vratāni vaḥ pravakṣyāmi śubhāni munisattamāḥ / nandinā kathitānīha brahmaputrāya dhīmate
Sanskrit only: no published translation is held for this verse.
तानि व्यासादुपश्रुत्य युष्माकं प्रवदाम्यहम् । अष्टम्यां च चतुर्दश्यां पक्षयोरुभयोरपि
tāni vyāsādupaśrutya yuṣmākaṃ pravadāmyaham / aṣṭamyāṃ ca caturdaśyāṃ pakṣayorubhayorapi
Sanskrit only: no published translation is held for this verse.
वर्षमेकं तु भुञ्जानो नक्तं यः पूजयेच्छिवम् । सर्वयज्ञफलं प्राप्य स याति परमां गतिम्
varṣamekaṃ tu bhuñjāno naktaṃ yaḥ pūjayecchivam / sarvayajñaphalaṃ prāpya sa yāti paramāṃ gatim
Sanskrit only: no published translation is held for this verse.
पृथिवीं भाजनं कृत्वा भुक्त्वा पर्वसु मानवः । अहोरात्रेण चैकेन त्रिरात्रफलमश्नुते
pṛthivīṃ bhājanaṃ kṛtvā bhuktvā parvasu mānavaḥ / ahorātreṇa caikena trirātraphalamaśnute
Sanskrit only: no published translation is held for this verse.
द्वयोर् मासस्य पञ्चम्योर् द्वयोः प्रतिपदोर्नरः । क्षीरधाराव्रतं कुर्यात् सो ऽश्वमेधफलं लभेत्
dvayor māsasya pañcamyor dvayoḥ pratipadornaraḥ / kṣīradhārāvrataṃ kuryāt so 'śvamedhaphalaṃ labhet
Sanskrit only: no published translation is held for this verse.
कृष्णाष्टम्यां तु नक्तेन यावत्कृष्णचतुर्दशी । भुञ्जन्भोगानवाप्नोति ब्रह्मलोकं च गच्छति
kṛṣṇāṣṭamyāṃ tu naktena yāvatkṛṣṇacaturdaśī / bhuñjanbhogānavāpnoti brahmalokaṃ ca gacchati
Sanskrit only: no published translation is held for this verse.
यो ऽब्दमेकं प्रकुर्वीत नक्तं पर्वसु पर्वसु । ब्रह्मचारी जितक्रोधः शिवध्यानपरायणः
yo 'bdamekaṃ prakurvīta naktaṃ parvasu parvasu / brahmacārī jitakrodhaḥ śivadhyānaparāyaṇaḥ
Sanskrit only: no published translation is held for this verse.
संवत्सरान्ते विप्रेन्द्रान् भोजयेद्विधिपूर्वकम् । स याति शाङ्करं लोकं नात्र कार्या विचारणा
saṃvatsarānte viprendrān bhojayedvidhipūrvakam / sa yāti śāṅkaraṃ lokaṃ nātra kāryā vicāraṇā
Sanskrit only: no published translation is held for this verse.
उपवासात् परं भैक्ष्यं भैक्ष्यात् परम् अयाचितम् । अयाचितात् परं नक्तं तस्मान् नक्तेन वर्तयेत्
upavāsāt paraṃ bhaikṣyaṃ bhaikṣyāt param ayācitam / ayācitāt paraṃ naktaṃ tasmān naktena vartayet
Sanskrit only: no published translation is held for this verse.
देवैर्भुक्तं तु पूर्वाह्णे मध्याह्ने ऋषिभिस् तथा । अपराह्णे च पितृभिः संध्यायां गुह्यकादिभिः
devairbhuktaṃ tu pūrvāhṇe madhyāhne ṛṣibhis tathā / aparāhṇe ca pitṛbhiḥ saṃdhyāyāṃ guhyakādibhiḥ
Sanskrit only: no published translation is held for this verse.
सर्ववेलामतिक्रम्य नक्तभोजनमुत्तमम् । हविष्यभोजनं स्नानं सत्यमाहारलाघवम्
sarvavelāmatikramya naktabhojanamuttamam / haviṣyabhojanaṃ snānaṃ satyamāhāralāghavam
Sanskrit only: no published translation is held for this verse.
अग्निकार्यमधःशय्यां नक्तभोजी समाचरेत् । प्रतिमासं प्रवक्ष्यामि शिवव्रतमनुत्तमम्
agnikāryamadhaḥśayyāṃ naktabhojī samācaret / pratimāsaṃ pravakṣyāmi śivavratamanuttamam
Sanskrit only: no published translation is held for this verse.
धर्मकामार्थमोक्षार्थं सर्वपापविशुद्धये । पुष्यमासे च सम्पूज्य यः कुर्यान्नक्तभोजनम्
dharmakāmārthamokṣārthaṃ sarvapāpaviśuddhaye / puṣyamāse ca sampūjya yaḥ kuryānnaktabhojanam
Sanskrit only: no published translation is held for this verse.
सत्यवादी जितक्रोधः शालिगोधूमगोरसैः । पक्षयोरष्टमीं यत्नाद् उपवासेन वर्तयेत्
satyavādī jitakrodhaḥ śāligodhūmagorasaiḥ / pakṣayoraṣṭamīṃ yatnād upavāsena vartayet
Sanskrit only: no published translation is held for this verse.
भूमिशय्यां च मासान्ते पौर्णमास्यां घृतादिभिः । स्नाप्य रुद्रं महादेवं सम्पूज्य विधिपूर्वकम्
bhūmiśayyāṃ ca māsānte paurṇamāsyāṃ ghṛtādibhiḥ / snāpya rudraṃ mahādevaṃ sampūjya vidhipūrvakam
Sanskrit only: no published translation is held for this verse.
यावकं चौदनं दत्त्वा सक्षीरं सघृतं द्विजाः । भोजयेद् ब्राह्मणाञ्शिष्टाञ् जपेच्छान्तिं विशेषतः
yāvakaṃ caudanaṃ dattvā sakṣīraṃ saghṛtaṃ dvijāḥ / bhojayed brāhmaṇāñśiṣṭāñ japecchāntiṃ viśeṣataḥ
Sanskrit only: no published translation is held for this verse.
तथा गोमिथुनं चैव कपिलं विनिवेदयेत् । भवाय देवदेवाय शिवाय परमेष्ठिने
tathā gomithunaṃ caiva kapilaṃ vinivedayet / bhavāya devadevāya śivāya parameṣṭhine
Sanskrit only: no published translation is held for this verse.
स याति मुनिशार्दूल वाह्नेयं लोकमुत्तमम् । भुक्त्वा स विपुलान् लोकान् तत्रैव स विमुच्यते
sa yāti muniśārdūla vāhneyaṃ lokamuttamam / bhuktvā sa vipulān lokān tatraiva sa vimucyate
Sanskrit only: no published translation is held for this verse.
माघमासे तु सम्पूज्य यः कुर्यान् नक्तभोजनम् । कृशरं घृतसंयुक्तं भुञ्जानः संयतेन्द्रियः
māghamāse tu sampūjya yaḥ kuryān naktabhojanam / kṛśaraṃ ghṛtasaṃyuktaṃ bhuñjānaḥ saṃyatendriyaḥ
Sanskrit only: no published translation is held for this verse.
सोपवासं चतुर्दश्यां भवेदुभयपक्षयोः । रुद्राय पौर्णमास्यां तु दद्याद्वै घृतकम्बलम्
sopavāsaṃ caturdaśyāṃ bhavedubhayapakṣayoḥ / rudrāya paurṇamāsyāṃ tu dadyādvai ghṛtakambalam
Sanskrit only: no published translation is held for this verse.
कृष्णं गोमिथुनं दद्यात् पूजयेच्चैव शंकरम् । भोजयेद्ब्राह्मणांश्चैव यथाविभवविस्तरम्
kṛṣṇaṃ gomithunaṃ dadyāt pūjayeccaiva śaṃkaram / bhojayedbrāhmaṇāṃścaiva yathāvibhavavistaram
Sanskrit only: no published translation is held for this verse.
याम्यमासाद्य वै लोकं यमेन सह मोदते । फाल्गुने चैव सम्प्राप्ते कुर्याद्वै नक्तभोजनम्
yāmyamāsādya vai lokaṃ yamena saha modate / phālgune caiva samprāpte kuryādvai naktabhojanam
Sanskrit only: no published translation is held for this verse.
श्यामाकान्नघृतक्षीरैर् जितक्रोधो जितेन्द्रियः । चतुर्दश्यामथाष्टम्याम् उपवासं च कारयेत्
śyāmākānnaghṛtakṣīrair jitakrodho jitendriyaḥ / caturdaśyāmathāṣṭamyām upavāsaṃ ca kārayet
Sanskrit only: no published translation is held for this verse.
पौर्णमास्यां महादेवं स्नाप्य सम्पूज्य शङ्करम् । दद्याद्गोमिथुनं वापि ताम्राभं शूलपाणये
paurṇamāsyāṃ mahādevaṃ snāpya sampūjya śaṅkaram / dadyādgomithunaṃ vāpi tāmrābhaṃ śūlapāṇaye
Sanskrit only: no published translation is held for this verse.
ब्राह्मणान् भोजयित्वा तु प्रार्थयेत्परमेश्वरम् । स याति चन्द्रसायुज्यं नात्र कार्या विचारणा
brāhmaṇān bhojayitvā tu prārthayetparameśvaram / sa yāti candrasāyujyaṃ nātra kāryā vicāraṇā
Sanskrit only: no published translation is held for this verse.
चैत्रे ऽपि रुद्रमभ्यर्च्य कुर्याद्वै नक्तभोजनम् । शाल्यन्नं पयसा युक्तं घृतेन च यथासुखम्
caitre 'pi rudramabhyarcya kuryādvai naktabhojanam / śālyannaṃ payasā yuktaṃ ghṛtena ca yathāsukham
Sanskrit only: no published translation is held for this verse.
गोष्ठशायी मुनिश्रेष्ठाः क्षितौ निशि भवं स्मरेत् । पौर्णमास्यां शिवं स्नाप्य दद्याद्गोमिथुनं सितम्
goṣṭhaśāyī muniśreṣṭhāḥ kṣitau niśi bhavaṃ smaret / paurṇamāsyāṃ śivaṃ snāpya dadyādgomithunaṃ sitam
Sanskrit only: no published translation is held for this verse.
ब्राह्मणान् भोजयेच्चैव निरृतेः स्थानमाप्नुयात् । वैशाखे च तथा मासे कृत्वा वै नक्तभोजनम्
brāhmaṇān bhojayeccaiva nirṛteḥ sthānamāpnuyāt / vaiśākhe ca tathā māse kṛtvā vai naktabhojanam
Sanskrit only: no published translation is held for this verse.
पौर्णमास्यां भवं स्नाप्य पञ्चगव्यघृतादिभिः । श्वेतं गोमिथुनं दत्त्वा सो ऽश्वमेधफलं लभेत्
paurṇamāsyāṃ bhavaṃ snāpya pañcagavyaghṛtādibhiḥ / śvetaṃ gomithunaṃ dattvā so 'śvamedhaphalaṃ labhet
Sanskrit only: no published translation is held for this verse.
ज्येष्ठे मासे च देवेशं भवं शर्वमुमापतिम् । सम्पूज्य श्रद्धया भक्त्या कृत्वा वै नक्तभोजनम्
jyeṣṭhe māse ca deveśaṃ bhavaṃ śarvamumāpatim / sampūjya śraddhayā bhaktyā kṛtvā vai naktabhojanam
Sanskrit only: no published translation is held for this verse.
रक्तशाल्यन्नमध्वा च अद्भिः पूतं घृतादिभिः । वीरासनो निशार्धं च गवां शुश्रूषणे रतः
raktaśālyannamadhvā ca adbhiḥ pūtaṃ ghṛtādibhiḥ / vīrāsano niśārdhaṃ ca gavāṃ śuśrūṣaṇe rataḥ
Sanskrit only: no published translation is held for this verse.
पौर्णमास्यां तु सम्पूज्य देवदेवमुमापतिम् । स्नाप्य शक्त्या यथान्यायं चरुं दद्याच् च शूलिने
paurṇamāsyāṃ tu sampūjya devadevamumāpatim / snāpya śaktyā yathānyāyaṃ caruṃ dadyāc ca śūline
Sanskrit only: no published translation is held for this verse.
ब्राह्मणान् भोजयित्वा च यथाविभवविस्तरम् । धूम्रं गोमिथुनं दत्त्वा वायुलोके महीयते
brāhmaṇān bhojayitvā ca yathāvibhavavistaram / dhūmraṃ gomithunaṃ dattvā vāyuloke mahīyate
Sanskrit only: no published translation is held for this verse.
आषाढे मासि चाप्येवं नक्तभोजनतत्परः । भूरिखण्डाज्यसंमिश्रं सक्तुभिश्चैव गोरसम्
āṣāḍhe māsi cāpyevaṃ naktabhojanatatparaḥ / bhūrikhaṇḍājyasaṃmiśraṃ saktubhiścaiva gorasam
Sanskrit only: no published translation is held for this verse.
पौर्णमास्यां घृताद्यैस्तु स्नाप्य पूज्य यथाविधि । ब्राह्मणान् भोजयित्वा च श्रोत्रियान् वेदपारगान्
paurṇamāsyāṃ ghṛtādyaistu snāpya pūjya yathāvidhi / brāhmaṇān bhojayitvā ca śrotriyān vedapāragān
Sanskrit only: no published translation is held for this verse.
दद्याद्गोमिथुनं गौरं वारुणं लोकमाप्नुयात् । श्रावणे च द्विजा मासे कृत्वा वै नक्तभोजनम्
dadyādgomithunaṃ gauraṃ vāruṇaṃ lokamāpnuyāt / śrāvaṇe ca dvijā māse kṛtvā vai naktabhojanam
Sanskrit only: no published translation is held for this verse.
क्षीरषष्टिकभक्तेन सम्पूज्य वृषभध्वजम् । पौर्णमास्यां घृताद्यैस्तु स्नाप्य पूज्य यथाविधि
kṣīraṣaṣṭikabhaktena sampūjya vṛṣabhadhvajam / paurṇamāsyāṃ ghṛtādyaistu snāpya pūjya yathāvidhi
Sanskrit only: no published translation is held for this verse.
ब्राह्मणान् भोजयित्वा च श्रोत्रियान् वेदपारगान् । श्वेताग्रपादं पौण्ड्रं च दद्याद्गोमिथुनं पुनः
brāhmaṇān bhojayitvā ca śrotriyān vedapāragān / śvetāgrapādaṃ pauṇḍraṃ ca dadyādgomithunaṃ punaḥ
Sanskrit only: no published translation is held for this verse.
स याति वायुसायुज्यं वायुवत्सर्वगो भवेत् । प्राप्ते भाद्रपदे मासे कृत्वैवं नक्तभोजनम्
sa yāti vāyusāyujyaṃ vāyuvatsarvago bhavet / prāpte bhādrapade māse kṛtvaivaṃ naktabhojanam
Sanskrit only: no published translation is held for this verse.
हुतशेषं च विप्रेन्द्रान् वृक्षमूलाश्रितो दिवा । पौर्णमास्यां तु देवेशं स्नाप्य सम्पूज्य शङ्करम्
hutaśeṣaṃ ca viprendrān vṛkṣamūlāśrito divā / paurṇamāsyāṃ tu deveśaṃ snāpya sampūjya śaṅkaram
Sanskrit only: no published translation is held for this verse.
नीलस्कन्धं वृषं गां च दत्त्वा भक्त्या यथाविधि । ब्राह्मणान् भोजयित्वा च वेदवेदाङ्गपारगान्
nīlaskandhaṃ vṛṣaṃ gāṃ ca dattvā bhaktyā yathāvidhi / brāhmaṇān bhojayitvā ca vedavedāṅgapāragān
Sanskrit only: no published translation is held for this verse.
यक्षलोकमनुप्राप्य यक्षराजो भवेन्नरः । ततश्चाश्वयुजे मासि कृत्वैवं नक्तभोजनम्
yakṣalokamanuprāpya yakṣarājo bhavennaraḥ / tataścāśvayuje māsi kṛtvaivaṃ naktabhojanam
Sanskrit only: no published translation is held for this verse.
सघृतं शङ्करं पूज्य पौर्णमास्यां च पूर्ववत् । ब्राह्मणान् भोजयित्वा च शिवभक्तान् सदा शुचीन्
saghṛtaṃ śaṅkaraṃ pūjya paurṇamāsyāṃ ca pūrvavat / brāhmaṇān bhojayitvā ca śivabhaktān sadā śucīn
Sanskrit only: no published translation is held for this verse.
वृषभं नीलवर्णाभम् उरोदेशसमुन्नतम् । गां च दत्त्वा यथान्यायम् ऐशानं लोकमाप्नुयात्
vṛṣabhaṃ nīlavarṇābham urodeśasamunnatam / gāṃ ca dattvā yathānyāyam aiśānaṃ lokamāpnuyāt
Sanskrit only: no published translation is held for this verse.
कार्तिके च तथा मासे कृत्वा वै नक्तभोजनम् । क्षीरौदनेन साज्येन सम्पूज्य च भवं प्रभुम्
kārtike ca tathā māse kṛtvā vai naktabhojanam / kṣīraudanena sājyena sampūjya ca bhavaṃ prabhum
Sanskrit only: no published translation is held for this verse.
पौर्णमास्यां च विधिवत् स्नाप्य दत्त्वा चरुं पुनः । ब्राह्मणान् भोजयित्वा च यथाविभवविस्तरम्
paurṇamāsyāṃ ca vidhivat snāpya dattvā caruṃ punaḥ / brāhmaṇān bhojayitvā ca yathāvibhavavistaram
Sanskrit only: no published translation is held for this verse.
दत्त्वा गोमिथुनं चैव कापिलं पूर्ववद् द्विजाः । सूर्यसायुज्यमाप्नोति नात्र कार्या विचारणा
dattvā gomithunaṃ caiva kāpilaṃ pūrvavad dvijāḥ / sūryasāyujyamāpnoti nātra kāryā vicāraṇā
Sanskrit only: no published translation is held for this verse.
मार्गशीर्षे च मासे ऽपि कृत्वैवं नक्तभोजनम् । यवान्नेन यथान्यायम् आज्यक्षीरादिभिः समम्
mārgaśīrṣe ca māse 'pi kṛtvaivaṃ naktabhojanam / yavānnena yathānyāyam ājyakṣīrādibhiḥ samam
Sanskrit only: no published translation is held for this verse.
पौर्णमास्यां च पूर्वोक्तं कृत्वा शर्वाय शंभवे । ब्राह्मणान् भोजयित्वा च दरिद्रान्वेदपारगान्
paurṇamāsyāṃ ca pūrvoktaṃ kṛtvā śarvāya śaṃbhave / brāhmaṇān bhojayitvā ca daridrānvedapāragān
Sanskrit only: no published translation is held for this verse.
दत्त्वा गोमिथुनं चैव पाण्डुरं विधिपूर्वकम् । सोमलोकमनुप्राप्य सोमेन सह मोदते
dattvā gomithunaṃ caiva pāṇḍuraṃ vidhipūrvakam / somalokamanuprāpya somena saha modate
Sanskrit only: no published translation is held for this verse.
अहिंसा सत्यमस्तेयं ब्रह्मचर्यं क्षमा दया । त्रिःस्नानं चाग्निहोत्रं च भूशय्या नक्तभोजनम्
ahiṃsā satyamasteyaṃ brahmacaryaṃ kṣamā dayā / triḥsnānaṃ cāgnihotraṃ ca bhūśayyā naktabhojanam
Sanskrit only: no published translation is held for this verse.
पक्षयोरुपवासं च चतुर्दश्यष्टमीषु च
pakṣayorupavāsaṃ ca caturdaśyaṣṭamīṣu ca
Sanskrit only: no published translation is held for this verse.
इत्येतदखिलं प्रोक्तं प्रतिमासं शिवव्रतम्
ityetadakhilaṃ proktaṃ pratimāsaṃ śivavratam
Sanskrit only: no published translation is held for this verse.
कुर्याद्वर्षं क्रमेणैव व्युत्क्रमेणापि वा द्विजाः । स याति शिवसायुज्यं ज्ञानयोगमवाप्नुयात्
kuryādvarṣaṃ krameṇaiva vyutkrameṇāpi vā dvijāḥ / sa yāti śivasāyujyaṃ jñānayogamavāpnuyāt
Sanskrit only: no published translation is held for this verse.