Library·Liṅga Purāṇa·1·1.87
सूत उवाच निशम्य ते महाप्राज्ञाः कुमाराद्याः पिनाकिनम् । प्रोचुः प्रणम्य वै भीताः प्रसन्नं परमेश्वरम्
sūta uvāca niśamya te mahāprājñāḥ kumārādyāḥ pinākinam / procuḥ praṇamya vai bhītāḥ prasannaṃ parameśvaram
Sanskrit only: no published translation is held for this verse.
एवं चेदनया देव्या हैमवत्या महेश्वर । क्रीडसे विविधैर्भोगैः कथं वक्तुमिहार्हसि
evaṃ cedanayā devyā haimavatyā maheśvara / krīḍase vividhairbhogaiḥ kathaṃ vaktumihārhasi
Sanskrit only: no published translation is held for this verse.
सूत उवाच एवमुक्तः प्रहस्येशः पिनाकी नीललोहितः । प्राह ताम् अंबिकां प्रेक्ष्य प्रणिपत्य स्थितान् द्विजान्
sūta uvāca evamuktaḥ prahasyeśaḥ pinākī nīlalohitaḥ / prāha tām aṃbikāṃ prekṣya praṇipatya sthitān dvijān
Sanskrit only: no published translation is held for this verse.
बन्धमोक्षौ न चैवेह मम स्वेच्छा शरीरिणः । अकर्तज्ञः पशुर्जीवो विभुर्भोक्ता ह्यणुः पुमान्
bandhamokṣau na caiveha mama svecchā śarīriṇaḥ / akartajñaḥ paśurjīvo vibhurbhoktā hyaṇuḥ pumān
Sanskrit only: no published translation is held for this verse.
मायी च मायया बद्धः कर्मभिर् युज्यते तु सः । ज्ञानं ध्यानं च बन्धश् च मोक्षो नास्त्यात्मनो द्विजाः
māyī ca māyayā baddhaḥ karmabhir yujyate tu saḥ / jñānaṃ dhyānaṃ ca bandhaś ca mokṣo nāstyātmano dvijāḥ
Sanskrit only: no published translation is held for this verse.
यदैवं मयि विद्वान् यस् तस्यापि न च सर्वतः । एषा विद्या ह्यहं वेद्यः प्रज्ञैषा च श्रुतिः स्मृतिः
yadaivaṃ mayi vidvān yas tasyāpi na ca sarvataḥ / eṣā vidyā hyahaṃ vedyaḥ prajñaiṣā ca śrutiḥ smṛtiḥ
Sanskrit only: no published translation is held for this verse.
धृतिरेषा मया निष्ठा ज्ञानशक्तिः क्रिया तथा । इच्छाख्या च तथा ह्याज्ञा द्वे विद्ये न च संशयः
dhṛtireṣā mayā niṣṭhā jñānaśaktiḥ kriyā tathā / icchākhyā ca tathā hyājñā dve vidye na ca saṃśayaḥ
Sanskrit only: no published translation is held for this verse.
न ह्येषा प्रकृतिर्जैवी विकृतिश् च विचारतः । विकारो नैव मायैषा सदसद्व्यक्तिवर्जिता
na hyeṣā prakṛtirjaivī vikṛtiś ca vicārataḥ / vikāro naiva māyaiṣā sadasadvyaktivarjitā
Sanskrit only: no published translation is held for this verse.
पुरा ममाज्ञा मद्वक्त्रात् समुत्पन्ना सनातनी । पञ्चवक्त्रा महाभागा जगतामभयप्रदा
purā mamājñā madvaktrāt samutpannā sanātanī / pañcavaktrā mahābhāgā jagatāmabhayapradā
Sanskrit only: no published translation is held for this verse.
तामाज्ञां सम्प्रविश्याहं चिन्तयन् जगतां हितम् । सप्तविंशत्प्रकारेण सर्वं व्याप्यानया शिवः
tāmājñāṃ sampraviśyāhaṃ cintayan jagatāṃ hitam / saptaviṃśatprakāreṇa sarvaṃ vyāpyānayā śivaḥ
Sanskrit only: no published translation is held for this verse.
तदाप्रभृति वै मोक्ष- प्रवृत्तिर्द्विजसत्तमाः । सूत उवाच एवमुक्त्वा तदापश्यद् भवानीं परमेश्वरः
tadāprabhṛti vai mokṣa- pravṛttirdvijasattamāḥ / sūta uvāca evamuktvā tadāpaśyad bhavānīṃ parameśvaraḥ
Sanskrit only: no published translation is held for this verse.
भवानी च तमालोक्य मायामहरदव्यया । ते मायामलनिर्मुक्ता मुनयः प्रेक्ष्य पार्वतीम्
bhavānī ca tamālokya māyāmaharadavyayā / te māyāmalanirmuktā munayaḥ prekṣya pārvatīm
Sanskrit only: no published translation is held for this verse.
प्रीता बभूवुर्मुक्ताश् च तस्मादेषा परा गतिः । उमाशङ्करयोर्भेदो नास्त्येव परमार्थतः
prītā babhūvurmuktāś ca tasmādeṣā parā gatiḥ / umāśaṅkarayorbhedo nāstyeva paramārthataḥ
Sanskrit only: no published translation is held for this verse.
द्विधासौ रूपमास्थाय स्थित एव न संशयः । यदा विद्वानसंगः स्याद् आज्ञया परमेष्ठिनः
dvidhāsau rūpamāsthāya sthita eva na saṃśayaḥ / yadā vidvānasaṃgaḥ syād ājñayā parameṣṭhinaḥ
Sanskrit only: no published translation is held for this verse.
तदा मुक्तिः क्षणादेव नान्यथा कर्मकोटिभिः । क्रमो ऽविवक्षितो भूत- विवृद्धः परमेष्ठिनः
tadā muktiḥ kṣaṇādeva nānyathā karmakoṭibhiḥ / kramo 'vivakṣito bhūta- vivṛddhaḥ parameṣṭhinaḥ
Sanskrit only: no published translation is held for this verse.
प्रसादेन क्षणान्मुक्तिः प्रतिज्ञैषा न संशयः । गर्भस्थो जायमानो वा बालो वा तरुणो ऽपि वा
prasādena kṣaṇānmuktiḥ pratijñaiṣā na saṃśayaḥ / garbhastho jāyamāno vā bālo vā taruṇo 'pi vā
Sanskrit only: no published translation is held for this verse.
वृद्धो वा मुच्यते जन्तुः प्रसादात्परमेष्ठिनः । अण्डजश् चोद्भिज्जो वापि स्वेदजो वापि मुच्यते
vṛddho vā mucyate jantuḥ prasādātparameṣṭhinaḥ / aṇḍajaś codbhijjo vāpi svedajo vāpi mucyate
Sanskrit only: no published translation is held for this verse.
प्रसादाद्देवदेवस्य नात्र कार्या विचारणा । एष एव जगन्नाथो बन्धमोक्षकरः शिवः
prasādāddevadevasya nātra kāryā vicāraṇā / eṣa eva jagannātho bandhamokṣakaraḥ śivaḥ
Sanskrit only: no published translation is held for this verse.
भूर्भूवःस्वर्महश् चैव जनः साक्षात्तपः स्वयम् । सत्यलोकस् तथाण्डानां कोटिकोटिशतानि च
bhūrbhūvaḥsvarmahaś caiva janaḥ sākṣāttapaḥ svayam / satyalokas tathāṇḍānāṃ koṭikoṭiśatāni ca
Sanskrit only: no published translation is held for this verse.
विग्रहं देवदेवस्य तथाण्डावरणाष्टकम् । सप्तद्वीपेषु सर्वेषु पर्वतेषु वनेषु च
vigrahaṃ devadevasya tathāṇḍāvaraṇāṣṭakam / saptadvīpeṣu sarveṣu parvateṣu vaneṣu ca
Sanskrit only: no published translation is held for this verse.
समुद्रेषु च सर्वेषु वायुस्कन्धेषु सर्वतः । तथान्येषु च लोकेषु वसन्ति च चराचराः
samudreṣu ca sarveṣu vāyuskandheṣu sarvataḥ / tathānyeṣu ca lokeṣu vasanti ca carācarāḥ
Sanskrit only: no published translation is held for this verse.
सर्वे भवांशजा नूनं गतिस्त्वेषां स एव वै । सर्वो रुद्रो नमस्तस्मै पुरुषाय महात्मने
sarve bhavāṃśajā nūnaṃ gatistveṣāṃ sa eva vai / sarvo rudro namastasmai puruṣāya mahātmane
Sanskrit only: no published translation is held for this verse.
विश्वं भूतं तथा जातं बहुधा रुद्र एव सः । रुद्राज्ञैषा स्थिता देवी ह्य् अनया मुक्तिरंबिका
viśvaṃ bhūtaṃ tathā jātaṃ bahudhā rudra eva saḥ / rudrājñaiṣā sthitā devī hy anayā muktiraṃbikā
Sanskrit only: no published translation is held for this verse.
इत्येवं खेचराः सिद्धा जजल्पुः प्रीतमानसाः । यदावलोक्य तान् सर्वान् प्रसादादनयांबिका
ityevaṃ khecarāḥ siddhā jajalpuḥ prītamānasāḥ / yadāvalokya tān sarvān prasādādanayāṃbikā
Sanskrit only: no published translation is held for this verse.
तदा तिष्ठन्ति सायुज्यं प्राप्तास्ते खेचराः प्रभोः
tadā tiṣṭhanti sāyujyaṃ prāptāste khecarāḥ prabhoḥ
Sanskrit only: no published translation is held for this verse.