Library·Liṅga Purāṇa·1·1.88
ऋषय ऊचुः केन योगेन वै सूत गुणप्राप्तिः सतामिह । अणिमादिगुणोपेता भवन्त्येवेह योगिनः । तत्सर्वं विस्तरात्सूत वक्तुमर्हसि सांप्रतम्
ṛṣaya ūcuḥ kena yogena vai sūta guṇaprāptiḥ satāmiha / aṇimādiguṇopetā bhavantyeveha yoginaḥ / tatsarvaṃ vistarātsūta vaktumarhasi sāṃpratam
Sanskrit only: no published translation is held for this verse.
सूत उवाच अत ऊर्ध्वं प्रवक्ष्यामि योगं परमदुर्लभम् । पञ्चधा संस्मरेदादौ स्थाप्य चित्ते सनातनम्
sūta uvāca ata ūrdhvaṃ pravakṣyāmi yogaṃ paramadurlabham / pañcadhā saṃsmaredādau sthāpya citte sanātanam
Sanskrit only: no published translation is held for this verse.
कल्पयेच्चासनं पद्मं सोमसूर्याग्निसंयुतम् । षड्विंशच्छक्तिसंयुक्तम् अष्टधा च द्विजोत्तमाः
kalpayeccāsanaṃ padmaṃ somasūryāgnisaṃyutam / ṣaḍviṃśacchaktisaṃyuktam aṣṭadhā ca dvijottamāḥ
Sanskrit only: no published translation is held for this verse.
ततः षोडशधा चैव पुनर्द्वादशधा द्विजाः । स्मरेच् च तत् तथा मध्ये देव्या देवम् उमापतिम्
tataḥ ṣoḍaśadhā caiva punardvādaśadhā dvijāḥ / smarec ca tat tathā madhye devyā devam umāpatim
Sanskrit only: no published translation is held for this verse.
अष्टशक्तिसमायुक्तम् अष्टमूर्तिमजं प्रभुम् । ताभिश्चाष्टविधा रुद्राश् चतुःषष्टिविधाः पुनः
aṣṭaśaktisamāyuktam aṣṭamūrtimajaṃ prabhum / tābhiścāṣṭavidhā rudrāś catuḥṣaṣṭividhāḥ punaḥ
Sanskrit only: no published translation is held for this verse.
शक्तयश् च तथा सर्वा गुणाष्टकसमन्विताः । एवं स्मरेत्क्रमेणैव लब्ध्वा ज्ञानमनुत्तमम्
śaktayaś ca tathā sarvā guṇāṣṭakasamanvitāḥ / evaṃ smaretkrameṇaiva labdhvā jñānamanuttamam
Sanskrit only: no published translation is held for this verse.
एवं पाशुपतं योगं मोक्षसिद्धिप्रदायकम् । तस्याणिमादयो विप्रा नान्यथा कर्मकोटिभिः
evaṃ pāśupataṃ yogaṃ mokṣasiddhipradāyakam / tasyāṇimādayo viprā nānyathā karmakoṭibhiḥ
Sanskrit only: no published translation is held for this verse.
<ऐश्वर्य> तत्राष्टगुणमैश्वर्यं योगिनां समुदाहृतम् । तत्सर्वं क्रमयोगेन ह्य् उच्यमानं निबोधत
<aiśvarya> tatrāṣṭaguṇamaiśvaryaṃ yogināṃ samudāhṛtam / tatsarvaṃ kramayogena hy ucyamānaṃ nibodhata
Sanskrit only: no published translation is held for this verse.
अणिमा लघिमा चैव महिमा प्राप्तिरेव च । प्राकाम्यं चैव सर्वत्र ईशित्वं चैव सर्वतः
aṇimā laghimā caiva mahimā prāptireva ca / prākāmyaṃ caiva sarvatra īśitvaṃ caiva sarvataḥ
Sanskrit only: no published translation is held for this verse.
वशित्वमथ सर्वत्र यत्र कामावसायिता । तच्चापि त्रिविधं ज्ञेयम् ऐश्वर्यं सार्वकामिकम्
vaśitvamatha sarvatra yatra kāmāvasāyitā / taccāpi trividhaṃ jñeyam aiśvaryaṃ sārvakāmikam
Sanskrit only: no published translation is held for this verse.
सावद्यं निरवद्यं च सूक्ष्मं चैव प्रवर्तते । सावद्यं नाम यत्तत्र पञ्चभूतात्मकं स्मृतम्
sāvadyaṃ niravadyaṃ ca sūkṣmaṃ caiva pravartate / sāvadyaṃ nāma yattatra pañcabhūtātmakaṃ smṛtam
Sanskrit only: no published translation is held for this verse.
इन्द्रियाणि मनश्चैव अहङ्कारश् च यः स्मृतः । तत्र सूक्ष्मप्रवृत्तिस्तु पञ्चभूतात्मिका पुनः
indriyāṇi manaścaiva ahaṅkāraś ca yaḥ smṛtaḥ / tatra sūkṣmapravṛttistu pañcabhūtātmikā punaḥ
Sanskrit only: no published translation is held for this verse.
इन्द्रियाणि मनश्चित्त- बुद्ध्यहङ्कारसंज्ञितम् । तथा सर्वमयं चैव आत्मस्था ख्यातिरेव च
indriyāṇi manaścitta- buddhyahaṅkārasaṃjñitam / tathā sarvamayaṃ caiva ātmasthā khyātireva ca
Sanskrit only: no published translation is held for this verse.
संयोग एव त्रिविधः सूक्ष्मेष्वेव प्रवर्तते । पुनरष्टगुणश्चापि सूक्ष्मेष्वेव विधीयते
saṃyoga eva trividhaḥ sūkṣmeṣveva pravartate / punaraṣṭaguṇaścāpi sūkṣmeṣveva vidhīyate
Sanskrit only: no published translation is held for this verse.
तस्य रूपं प्रवक्ष्यामि यथाह भगवान्प्रभुः । त्रैलोक्ये सर्वभूतेषु यथास्य नियमः स्मृतः
tasya rūpaṃ pravakṣyāmi yathāha bhagavānprabhuḥ / trailokye sarvabhūteṣu yathāsya niyamaḥ smṛtaḥ
Sanskrit only: no published translation is held for this verse.
अणिमाद्यं तथाव्यक्तं सर्वत्रैव प्रतिष्ठितम् । त्रैलोक्ये सर्वभूतानां दुष्प्राप्यं समुदाहृतम्
aṇimādyaṃ tathāvyaktaṃ sarvatraiva pratiṣṭhitam / trailokye sarvabhūtānāṃ duṣprāpyaṃ samudāhṛtam
Sanskrit only: no published translation is held for this verse.
तत् तस्य भवति प्राप्यं प्रथमं योगिनां बलम् । लङ्घनं प्लवनं लोके रूपमस्य सदा भवेत्
tat tasya bhavati prāpyaṃ prathamaṃ yogināṃ balam / laṅghanaṃ plavanaṃ loke rūpamasya sadā bhavet
Sanskrit only: no published translation is held for this verse.
शीघ्रत्वं सर्वभूतेषु द्वितीयं तु पदं स्मृतम् । त्रैलोक्ये सर्वभूतानां महिम्ना चैव वन्दितम्
śīghratvaṃ sarvabhūteṣu dvitīyaṃ tu padaṃ smṛtam / trailokye sarvabhūtānāṃ mahimnā caiva vanditam
Sanskrit only: no published translation is held for this verse.
महित्वं चापि लोके ऽस्मिंस् तृतीयो योग उच्यते । त्रैलोक्ये सर्वभूतेषु यथेष्टगमनं स्मृतम्
mahitvaṃ cāpi loke 'smiṃs tṛtīyo yoga ucyate / trailokye sarvabhūteṣu yatheṣṭagamanaṃ smṛtam
Sanskrit only: no published translation is held for this verse.
प्राकामान् विषयान् भुङ्क्ते तथाप्रतिहतः क्वचित् । त्रैलोक्ये सर्वभूतानां सुखदुःखं प्रवर्तते
prākāmān viṣayān bhuṅkte tathāpratihataḥ kvacit / trailokye sarvabhūtānāṃ sukhaduḥkhaṃ pravartate
Sanskrit only: no published translation is held for this verse.
ईशो भवति सर्वत्र प्रविभागेन योगवित् । वश्यानि चास्य भूतानि त्रैलोक्ये सचराचरे
īśo bhavati sarvatra pravibhāgena yogavit / vaśyāni cāsya bhūtāni trailokye sacarācare
Sanskrit only: no published translation is held for this verse.
इच्छया तस्य रूपाणि भवन्ति न भवन्ति च । यत्र कामावसायित्वं त्रैलोक्ये सचराचरे
icchayā tasya rūpāṇi bhavanti na bhavanti ca / yatra kāmāvasāyitvaṃ trailokye sacarācare
Sanskrit only: no published translation is held for this verse.
शब्दः स्पर्शो रसो गन्धो रूपं चैव मनस् तथा । प्रवर्तन्ते ऽस्य चेच्छातो न भवन्ति यथेच्छया
śabdaḥ sparśo raso gandho rūpaṃ caiva manas tathā / pravartante 'sya cecchāto na bhavanti yathecchayā
Sanskrit only: no published translation is held for this verse.
<योगिन् इस् फ़्रेएद् फ़्रोम् अत्तछ्मेन्त्> न जायते न म्रियते छिद्यते न च भिद्यते । न दह्यते न मुह्येत लीयते न च लिप्यते
<yogin is freed from attachment> na jāyate na mriyate chidyate na ca bhidyate / na dahyate na muhyeta līyate na ca lipyate
Sanskrit only: no published translation is held for this verse.
न क्षीयते न क्षरति खिद्यते न कदाचन । क्रियते वा न सर्वत्र तथा विक्रियते न च
na kṣīyate na kṣarati khidyate na kadācana / kriyate vā na sarvatra tathā vikriyate na ca
Sanskrit only: no published translation is held for this verse.
अगन्धरसरूपस्तु अस्पर्शः शब्दवर्जितः । अवर्णो ह्यस्वरश् चैव असवर्णस्तु कर्हिचित्
agandharasarūpastu asparśaḥ śabdavarjitaḥ / avarṇo hyasvaraś caiva asavarṇastu karhicit
Sanskrit only: no published translation is held for this verse.
स भुङ्क्ते विषयांश्चैव विषयैर्न च युज्यते । अणुत्वात्तु परः सूक्ष्मः सूक्ष्मत्वाद् अपवर्गिकः
sa bhuṅkte viṣayāṃścaiva viṣayairna ca yujyate / aṇutvāttu paraḥ sūkṣmaḥ sūkṣmatvād apavargikaḥ
Sanskrit only: no published translation is held for this verse.
व्यापकस्त्वपवर्गाच्च व्यापकात्पुरुषः स्मृतः । पुरुषः सूक्ष्मभावात्तु ऐश्वर्ये परमे स्थितः
vyāpakastvapavargācca vyāpakātpuruṣaḥ smṛtaḥ / puruṣaḥ sūkṣmabhāvāttu aiśvarye parame sthitaḥ
Sanskrit only: no published translation is held for this verse.
गुणोत्तरमथैश्वर्ये सर्वतः सूक्ष्ममुच्यते । ऐश्वर्यं चाप्रतीघातं प्राप्य योगमनुत्तमम्
guṇottaramathaiśvarye sarvataḥ sūkṣmamucyate / aiśvaryaṃ cāpratīghātaṃ prāpya yogamanuttamam
Sanskrit only: no published translation is held for this verse.
अपवर्गं ततो गच्छेत् सूक्ष्मं तत्परमं पदम् । एवं पाशुपतं योगं ज्ञातव्यं मुनिपुङ्गवाः
apavargaṃ tato gacchet sūkṣmaṃ tatparamaṃ padam / evaṃ pāśupataṃ yogaṃ jñātavyaṃ munipuṅgavāḥ
Sanskrit only: no published translation is held for this verse.
स्वर्गापवर्गफलदं शिवसायुज्यकारणम् । अथवा गतविज्ञानो रागात्कर्म समाचरेत्
svargāpavargaphaladaṃ śivasāyujyakāraṇam / athavā gatavijñāno rāgātkarma samācaret
Sanskrit only: no published translation is held for this verse.
राजसं तामसं वापि भुक्त्वा तत्रैव मुच्यते । <ब्रह्मन् गुअरन्तेएस् लिबेरतिओन्> तथा सुकृतकर्मा तु फलं स्वर्गे समश्नुते
rājasaṃ tāmasaṃ vāpi bhuktvā tatraiva mucyate / <brahman guarantees liberation> tathā sukṛtakarmā tu phalaṃ svarge samaśnute
Sanskrit only: no published translation is held for this verse.
तस्मात्स्थानात्पुनः श्रेष्ठो मानुष्यमुपपद्यते । तस्माद्ब्रह्म परं सौख्यं ब्रह्म शाश्वतम् उत्तमम्
tasmātsthānātpunaḥ śreṣṭho mānuṣyamupapadyate / tasmādbrahma paraṃ saukhyaṃ brahma śāśvatam uttamam
Sanskrit only: no published translation is held for this verse.
ब्रह्म एव हि सेवेत ब्रह्मैव हि परं सुखम् । परिश्रमो हि यज्ञानां महतार्थेन वर्तते
brahma eva hi seveta brahmaiva hi paraṃ sukham / pariśramo hi yajñānāṃ mahatārthena vartate
Sanskrit only: no published translation is held for this verse.
भूयो मृत्युवशं याति तस्मान्मोक्षः परं सुखम् । अथवा ध्यानसंयुक्तो ब्रह्मतत्त्वपरायणः
bhūyo mṛtyuvaśaṃ yāti tasmānmokṣaḥ paraṃ sukham / athavā dhyānasaṃyukto brahmatattvaparāyaṇaḥ
Sanskrit only: no published translation is held for this verse.
न तु च्यावयितुं शक्यो मन्वन्तरशतैरपि । दृष्ट्वा तु पुरुषं दिव्यं विश्वाख्यं विश्वतोमुखम्
na tu cyāvayituṃ śakyo manvantaraśatairapi / dṛṣṭvā tu puruṣaṃ divyaṃ viśvākhyaṃ viśvatomukham
Sanskrit only: no published translation is held for this verse.
विश्वपादशिरोग्रीवं विश्वेशं विश्वरूपिणम् । विश्वगन्धं विश्वमाल्यं विश्वांबरधरं प्रभुम्
viśvapādaśirogrīvaṃ viśveśaṃ viśvarūpiṇam / viśvagandhaṃ viśvamālyaṃ viśvāṃbaradharaṃ prabhum
Sanskrit only: no published translation is held for this verse.
गोभिर् महीं संपतते पतत्रिणो नैवं भूयो जनयत्येवमेव । कविं पुराणम् अनुशासितारं सूक्ष्माच्च सूक्ष्मं महतो महान्तम्
gobhir mahīṃ saṃpatate patatriṇo naivaṃ bhūyo janayatyevameva / kaviṃ purāṇam anuśāsitāraṃ sūkṣmācca sūkṣmaṃ mahato mahāntam
Sanskrit only: no published translation is held for this verse.
योगेन पश्येन्न च चक्षुषा पुनर् निरिन्द्रियं पुरुषं रुक्मवर्णम् । अलिङ्गिनं निर्गुणं चेतनं च नित्यं सदा सर्वगं सर्वसारम्
yogena paśyenna ca cakṣuṣā punar nirindriyaṃ puruṣaṃ rukmavarṇam / aliṅginaṃ nirguṇaṃ cetanaṃ ca nityaṃ sadā sarvagaṃ sarvasāram
Sanskrit only: no published translation is held for this verse.
पश्यन्ति युक्त्या ह्यचलप्रकाशं तद्भावितास्तेजसा दीप्यमानम् ।* अपाणिपादोदरपार्श्वजिह्वो ह्यतीन्द्रियो वापि सुसूक्ष्म एकः ॥ लिप् १,८८।४० ॥* पश्यत्यचक्षुः स शृणोत्यकर्णो न चास्त्यबुद्धं न च बुद्धिर् अस्ति ।* स वेद सर्वं न च सर्ववेद्यं तमाहुरग्र्यं पुरुषं महान्तम् ॥ लिप् १,८८।४१ ॥* अचेतनां सर्वगतां सूक्ष्मां प्रसवधर्मिणीम् । प्रकृतिं सर्वभूतानां युक्ताः पश्यन्ति योगिनः
paśyanti yuktyā hyacalaprakāśaṃ tadbhāvitāstejasā dīpyamānam /* apāṇipādodarapārśvajihvo hyatīndriyo vāpi susūkṣma ekaḥ // LiP 1,88.40 //* paśyatyacakṣuḥ sa śṛṇotyakarṇo na cāstyabuddhaṃ na ca buddhir asti /* sa veda sarvaṃ na ca sarvavedyaṃ tamāhuragryaṃ puruṣaṃ mahāntam // LiP 1,88.41 //* acetanāṃ sarvagatāṃ sūkṣmāṃ prasavadharmiṇīm / prakṛtiṃ sarvabhūtānāṃ yuktāḥ paśyanti yoginaḥ
Sanskrit only: no published translation is held for this verse.
सर्वतः पाणिपादं तत् सर्वतो ऽक्षिशिरोमुखम् । सर्वतः श्रुतिमल् लोके सर्वमावृत्य तिष्ठति
sarvataḥ pāṇipādaṃ tat sarvato 'kṣiśiromukham / sarvataḥ śrutimal loke sarvamāvṛtya tiṣṭhati
Sanskrit only: no published translation is held for this verse.
युक्तो योगेन चेशानं सर्वतश् च सनातनम् । पुरुषं सर्वभूतानां तं विद्वान्न विमुह्यति
yukto yogena ceśānaṃ sarvataś ca sanātanam / puruṣaṃ sarvabhūtānāṃ taṃ vidvānna vimuhyati
Sanskrit only: no published translation is held for this verse.
भूतात्मानं महात्मानं परमात्मानमव्ययम् । सर्वात्मानं परं ब्रह्म तद्वै ध्याता न मुह्यति
bhūtātmānaṃ mahātmānaṃ paramātmānamavyayam / sarvātmānaṃ paraṃ brahma tadvai dhyātā na muhyati
Sanskrit only: no published translation is held for this verse.
पवनो हि यथा ग्राह्यो विचरन्सर्वमूर्तिषु । पुरि शेते सुदुर्ग्राह्यस् तस्मात्पुरुष उच्यते
pavano hi yathā grāhyo vicaransarvamūrtiṣu / puri śete sudurgrāhyas tasmātpuruṣa ucyate
Sanskrit only: no published translation is held for this verse.
<देवेलोप्मेन्त् ओफ़् अन् एम्ब्र्यो> अथ चेल्लुप्तधर्मा तु सावशेषैः स्वकर्मभिः । ततस्तु ब्रह्मगर्भे वै शुक्रशोणितसंयुते
<development of an embryo> atha celluptadharmā tu sāvaśeṣaiḥ svakarmabhiḥ / tatastu brahmagarbhe vai śukraśoṇitasaṃyute
Sanskrit only: no published translation is held for this verse.
स्त्रीपुंसोः संप्रयोगे हि जायते हि ततः प्रभुः । ततस्तु गर्भकालेन कललं नाम जायते
strīpuṃsoḥ saṃprayoge hi jāyate hi tataḥ prabhuḥ / tatastu garbhakālena kalalaṃ nāma jāyate
Sanskrit only: no published translation is held for this verse.
कालेन कललं चापि बुद्बुदं सम्प्रजायते । मृत्पिण्डस्तु यथा चक्रे चक्रावर्तेन पीडितः
kālena kalalaṃ cāpi budbudaṃ samprajāyate / mṛtpiṇḍastu yathā cakre cakrāvartena pīḍitaḥ
Sanskrit only: no published translation is held for this verse.
हस्ताभ्यां क्रियमाणस्तु बिंबत्वमनुगच्छति । एवमाध्यात्मिकैर्युक्ता वायुना संप्रपूरितः
hastābhyāṃ kriyamāṇastu biṃbatvamanugacchati / evamādhyātmikairyuktā vāyunā saṃprapūritaḥ
Sanskrit only: no published translation is held for this verse.
यदि योनिं विमुञ्चामि तत्प्रपद्ये महेश्वरम् । यावद्धि वैष्णवो वायुर् जातमात्रं न संस्पृशेत्
yadi yoniṃ vimuñcāmi tatprapadye maheśvaram / yāvaddhi vaiṣṇavo vāyur jātamātraṃ na saṃspṛśet
Sanskrit only: no published translation is held for this verse.
तावत्कालं महादेवम् अर्चयामीति चिन्तयेत् । जायते मानुषस्तत्र यथारूपं यथावयः
tāvatkālaṃ mahādevam arcayāmīti cintayet / jāyate mānuṣastatra yathārūpaṃ yathāvayaḥ
Sanskrit only: no published translation is held for this verse.
वायुः संभवते खात्तु वाताद्भवति वै जलम् । जलात् सम्भवति प्राणः प्राणाच्छुक्रं विवर्धते
vāyuḥ saṃbhavate khāttu vātādbhavati vai jalam / jalāt sambhavati prāṇaḥ prāṇācchukraṃ vivardhate
Sanskrit only: no published translation is held for this verse.
रक्तभागास् त्रयस्त्रिंशद् रेतोभागाश् चतुर्दश । भागतो ऽर्धफलं कृत्वा ततो गर्भो निषिच्यते
raktabhāgās trayastriṃśad retobhāgāś caturdaśa / bhāgato 'rdhaphalaṃ kṛtvā tato garbho niṣicyate
Sanskrit only: no published translation is held for this verse.
ततस्तु गर्भसंयुक्तः पञ्चभिर् वायुभिर् वृतः । पितुः शरीरात्प्रत्यङ्गं रूपमस्योपजायते
tatastu garbhasaṃyuktaḥ pañcabhir vāyubhir vṛtaḥ / pituḥ śarīrātpratyaṅgaṃ rūpamasyopajāyate
Sanskrit only: no published translation is held for this verse.
ततो ऽस्य मातुराहारात् पीतलीढप्रवेशनात् । नाभिदेशेन वै प्राणास् ते ह्य् आधारा हि देहिनाम्
tato 'sya māturāhārāt pītalīḍhapraveśanāt / nābhideśena vai prāṇās te hy ādhārā hi dehinām
Sanskrit only: no published translation is held for this verse.
नवमासात् परिक्लिष्टः संवेष्टितशिरोधरः । वेष्टितः सर्वगात्रैश् च अपर्याप्तप्रवेशनः
navamāsāt parikliṣṭaḥ saṃveṣṭitaśirodharaḥ / veṣṭitaḥ sarvagātraiś ca aparyāptapraveśanaḥ
Sanskrit only: no published translation is held for this verse.
नवमासोषितश्चापि योनिच्छिद्रादवाङ्मुखः । <हेल्ल्> ततः स्वकर्मभिः पापैर् निरयं सम्प्रपद्यते
navamāsoṣitaścāpi yonicchidrādavāṅmukhaḥ / <hell> tataḥ svakarmabhiḥ pāpair nirayaṃ samprapadyate
Sanskrit only: no published translation is held for this verse.
असिपत्रवनं चैव शाल्मलिच्छेदनं तथा । ताडनं भक्षणं चैव पूयशोणितभक्षणम्
asipatravanaṃ caiva śālmalicchedanaṃ tathā / tāḍanaṃ bhakṣaṇaṃ caiva pūyaśoṇitabhakṣaṇam
Sanskrit only: no published translation is held for this verse.
यथा ह्यापस्तु संछिन्नाः संश्लेष्मम् उपयान्ति वै । तथा छिन्नाश् च भिन्नाश्च यातनास्थानम् आगताः
yathā hyāpastu saṃchinnāḥ saṃśleṣmam upayānti vai / tathā chinnāś ca bhinnāśca yātanāsthānam āgatāḥ
Sanskrit only: no published translation is held for this verse.
एवं जीवास्तु तैः पापैस् तप्यमानाः स्वयंकृतैः । प्राप्नुयुः कर्मभिः शेषैर् दुःखं वा यदि वेतरत्
evaṃ jīvāstu taiḥ pāpais tapyamānāḥ svayaṃkṛtaiḥ / prāpnuyuḥ karmabhiḥ śeṣair duḥkhaṃ vā yadi vetarat
Sanskrit only: no published translation is held for this verse.
एकेनैव तु गन्तव्यं सर्वमुत्सृज्य वै जनम् । एकेनैव तु भोक्तव्यं तस्मात्सुकृतमाचरेत्
ekenaiva tu gantavyaṃ sarvamutsṛjya vai janam / ekenaiva tu bhoktavyaṃ tasmātsukṛtamācaret
Sanskrit only: no published translation is held for this verse.
न ह्येनं प्रस्थितं कश्चिद् गच्छन्तम् अनुगच्छति । यदनेन कृतं कर्म तदेनमनुगच्छति
na hyenaṃ prasthitaṃ kaścid gacchantam anugacchati / yadanena kṛtaṃ karma tadenamanugacchati
Sanskrit only: no published translation is held for this verse.
ते नित्यं यमविषयेषु सम्प्रवृत्ताः क्रोशन्तः सततमनिष्टसंप्रयोगैः । शुष्यन्ते परिगतवेदनाः शरीरा बह्वीभिः सुभृशमनन्तयातनाभिः
te nityaṃ yamaviṣayeṣu sampravṛttāḥ krośantaḥ satatamaniṣṭasaṃprayogaiḥ / śuṣyante parigatavedanāḥ śarīrā bahvībhiḥ subhṛśamanantayātanābhiḥ
Sanskrit only: no published translation is held for this verse.
<दिफ़्फ़्। फ़ोर्म्स् ओफ़् रेबिर्थ्> कर्मणा मनसा वाचा यदभीक्ष्णं निषेवते । तदभ्यासो हरत्येनं तस्मात्कल्याणमाचरेत्
<diff. forms of rebirth> karmaṇā manasā vācā yadabhīkṣṇaṃ niṣevate / tadabhyāso haratyenaṃ tasmātkalyāṇamācaret
Sanskrit only: no published translation is held for this verse.
अनादिमान्प्रबन्धः स्यात् पूर्वकर्मणि देहिनः । संसारं तामसं घोरं षड्विधं प्रतिपद्यते
anādimānprabandhaḥ syāt pūrvakarmaṇi dehinaḥ / saṃsāraṃ tāmasaṃ ghoraṃ ṣaḍvidhaṃ pratipadyate
Sanskrit only: no published translation is held for this verse.
मानुष्यात्पशुभावश् च पशुभावान् मृगो भवेत् । मृगत्वात्पक्षिभावश् च तस्माच्चैव सरीसृपः
mānuṣyātpaśubhāvaś ca paśubhāvān mṛgo bhavet / mṛgatvātpakṣibhāvaś ca tasmāccaiva sarīsṛpaḥ
Sanskrit only: no published translation is held for this verse.
सरीसृपत्वाद्गच्छेद्वै स्थावरत्वं न संशयः । स्थावरत्वे पुनः प्राप्ते यावद् उन्मिलते जनः
sarīsṛpatvādgacchedvai sthāvaratvaṃ na saṃśayaḥ / sthāvaratve punaḥ prāpte yāvad unmilate janaḥ
Sanskrit only: no published translation is held for this verse.
कुलालचक्रवद्भ्रान्तस् तत्रैव परिवर्तते । इत्येवं हि मनुष्यादिः संसारः स्थावरान्तिकः
kulālacakravadbhrāntas tatraiva parivartate / ityevaṃ hi manuṣyādiḥ saṃsāraḥ sthāvarāntikaḥ
Sanskrit only: no published translation is held for this verse.
विज्ञेयस्तामसो नाम तत्रैव परिवर्तते । सात्त्विकश्चापि संसारो ब्रह्मादिः परिकीर्तितः
vijñeyastāmaso nāma tatraiva parivartate / sāttvikaścāpi saṃsāro brahmādiḥ parikīrtitaḥ
Sanskrit only: no published translation is held for this verse.
पिशाचान्तः स विज्ञेयः स्वर्गस्थानेषु देहिनाम् । ब्राह्मे तु केवलं सत्त्वं स्थावरे केवलं तमः
piśācāntaḥ sa vijñeyaḥ svargasthāneṣu dehinām / brāhme tu kevalaṃ sattvaṃ sthāvare kevalaṃ tamaḥ
Sanskrit only: no published translation is held for this verse.
चतुर्दशानां स्थानानां मध्ये विष्टम्भकं रजः । मर्मसु छिद्यमानेषु वेदनार्तस्य देहिनः
caturdaśānāṃ sthānānāṃ madhye viṣṭambhakaṃ rajaḥ / marmasu chidyamāneṣu vedanārtasya dehinaḥ
Sanskrit only: no published translation is held for this verse.
ततस्तत्परमं ब्रह्म कथं विप्रः स्मरिष्यति । संसारः पूर्वधर्मस्य भावनाभिः प्रणोदितः
tatastatparamaṃ brahma kathaṃ vipraḥ smariṣyati / saṃsāraḥ pūrvadharmasya bhāvanābhiḥ praṇoditaḥ
Sanskrit only: no published translation is held for this verse.
मानुषं भजते नित्यं तस्माद्ध्यानं समाचरेत् । चतुर्दशविधं ह्येतद् बुद्ध्वा संसारमण्डलम्
mānuṣaṃ bhajate nityaṃ tasmāddhyānaṃ samācaret / caturdaśavidhaṃ hyetad buddhvā saṃsāramaṇḍalam
Sanskrit only: no published translation is held for this verse.
नित्यं समारभेद्धर्मं संसारभयपीडितः । ततस्तरति संसारं क्रमेण परिवर्तितः
nityaṃ samārabheddharmaṃ saṃsārabhayapīḍitaḥ / tatastarati saṃsāraṃ krameṇa parivartitaḥ
Sanskrit only: no published translation is held for this verse.
तस्माच्च सततं युक्तो ध्यानतत्परयुञ्जकः । तथा समारभेद्योगं यथात्मानं स पश्यति
tasmācca satataṃ yukto dhyānatatparayuñjakaḥ / tathā samārabhedyogaṃ yathātmānaṃ sa paśyati
Sanskrit only: no published translation is held for this verse.
एष आपः परं ज्योतिर् एष सेतुरनुत्तमः । विवृत्या ह्येष संभेदाद् भूतानां चैव शाश्वतः
eṣa āpaḥ paraṃ jyotir eṣa seturanuttamaḥ / vivṛtyā hyeṣa saṃbhedād bhūtānāṃ caiva śāśvataḥ
Sanskrit only: no published translation is held for this verse.
तदेनं सेतुमात्मानम् अग्निं वै विश्वतोमुखम् । हृदिस्थं सर्वभूतानाम् उपासीत महेश्वरम्
tadenaṃ setumātmānam agniṃ vai viśvatomukham / hṛdisthaṃ sarvabhūtānām upāsīta maheśvaram
Sanskrit only: no published translation is held for this verse.
तथान्तः संस्थितं देवं स्वशक्त्या परिमण्डितम् । अष्टधा चाष्टधा चैव तथा चाष्टविधेन च
tathāntaḥ saṃsthitaṃ devaṃ svaśaktyā parimaṇḍitam / aṣṭadhā cāṣṭadhā caiva tathā cāṣṭavidhena ca
Sanskrit only: no published translation is held for this verse.
सृष्ट्यर्थं संस्थितं वह्निं संक्षिप्य च हृदि स्थितम् । ध्यात्वा यथावद्देवेशं रुद्रं भुवननायकम्
sṛṣṭyarthaṃ saṃsthitaṃ vahniṃ saṃkṣipya ca hṛdi sthitam / dhyātvā yathāvaddeveśaṃ rudraṃ bhuvananāyakam
Sanskrit only: no published translation is held for this verse.
हुत्वा पञ्चाहुतीः सम्यक् तच्चिन्तागतमानसः । वैश्वानरं हृदिस्थं तु यथावदनुपूर्वशः
hutvā pañcāhutīḥ samyak taccintāgatamānasaḥ / vaiśvānaraṃ hṛdisthaṃ tu yathāvadanupūrvaśaḥ
Sanskrit only: no published translation is held for this verse.
आपः पूताः सकृत्प्राश्य तूष्णीं हुत्वा ह्युपाविशन् । प्राणायेति ततस्तस्य प्रथमा ह्याहुतिः स्मृता
āpaḥ pūtāḥ sakṛtprāśya tūṣṇīṃ hutvā hyupāviśan / prāṇāyeti tatastasya prathamā hyāhutiḥ smṛtā
Sanskrit only: no published translation is held for this verse.
अपानाय द्वितीया च व्यानायेति तथा परा । उदानाय चतुर्थी स्यात् समानायेति पञ्चमी
apānāya dvitīyā ca vyānāyeti tathā parā / udānāya caturthī syāt samānāyeti pañcamī
Sanskrit only: no published translation is held for this verse.
स्वाहाकारैः पृथग्घुत्वा शेषं भुञ्जीत कामतः । अपः पुनः सकृत्प्राश्य आचम्य हृदयं स्पृशेत्
svāhākāraiḥ pṛthagghutvā śeṣaṃ bhuñjīta kāmataḥ / apaḥ punaḥ sakṛtprāśya ācamya hṛdayaṃ spṛśet
Sanskrit only: no published translation is held for this verse.
प्राणानां ग्रन्थिरस्यात्मा रुद्रो ह्यात्मा विशान्तकः । रुद्रो वै ह्यात्मनः प्राण एवमाप्याययेत्स्वयम्
prāṇānāṃ granthirasyātmā rudro hyātmā viśāntakaḥ / rudro vai hyātmanaḥ prāṇa evamāpyāyayetsvayam
Sanskrit only: no published translation is held for this verse.
प्राणे निविष्टो वै रुद्रस् तस्मात्प्राणमयः स्वयम् । प्राणाय चैव रुद्राय जुहोत्यमृतमुत्तमम्
prāṇe niviṣṭo vai rudras tasmātprāṇamayaḥ svayam / prāṇāya caiva rudrāya juhotyamṛtamuttamam
Sanskrit only: no published translation is held for this verse.
शिवाविशेह मामीश स्वाहा ब्रह्मात्मने स्वयम् । एवं पञ्चाहुतीश्चैव प्रभुः प्रीणातु शाश्वतः
śivāviśeha māmīśa svāhā brahmātmane svayam / evaṃ pañcāhutīścaiva prabhuḥ prīṇātu śāśvataḥ
Sanskrit only: no published translation is held for this verse.
पुरुषो ऽसि पुरे शेषे त्वं अङ्गुष्ठप्रमाणतः । आश्रितश्चैव चाङ्गुष्ठम् ईशः परमकारणम्
puruṣo 'si pure śeṣe tvaṃ aṅguṣṭhapramāṇataḥ / āśritaścaiva cāṅguṣṭham īśaḥ paramakāraṇam
Sanskrit only: no published translation is held for this verse.
सर्वस्य जगतश्चैव प्रभुः प्रीणातु शाश्वतः । त्वं देवानामसि ज्येष्ठो रुद्रस्त्वं च पुरो वृषा
sarvasya jagataścaiva prabhuḥ prīṇātu śāśvataḥ / tvaṃ devānāmasi jyeṣṭho rudrastvaṃ ca puro vṛṣā
Sanskrit only: no published translation is held for this verse.
मृदुस्त्वमन्नमस्मभ्यम् एतदस्तु हुतं तव । इत्येवं कथितं सर्वं गुणप्राप्तिविशेषतः
mṛdustvamannamasmabhyam etadastu hutaṃ tava / ityevaṃ kathitaṃ sarvaṃ guṇaprāptiviśeṣataḥ
Sanskrit only: no published translation is held for this verse.
योगाचारः स्वयं तेन ब्रह्मणा कथितः पुरा । एवं पाशुपतं ज्ञानं ज्ञातव्यं च प्रयत्नतः
yogācāraḥ svayaṃ tena brahmaṇā kathitaḥ purā / evaṃ pāśupataṃ jñānaṃ jñātavyaṃ ca prayatnataḥ
Sanskrit only: no published translation is held for this verse.
भस्मस्नायी भवेन् नित्यं भस्मलिप्तः सदा भवेत् । यः पठेच्छृणुयाद्वापि श्रावयेद्वा द्विजोत्तमान्
bhasmasnāyī bhaven nityaṃ bhasmaliptaḥ sadā bhavet / yaḥ paṭhecchṛṇuyādvāpi śrāvayedvā dvijottamān
Sanskrit only: no published translation is held for this verse.
दैवे कर्मणि पित्र्ये वा स याति परमां गतिम्
daive karmaṇi pitrye vā sa yāti paramāṃ gatim
Sanskrit only: no published translation is held for this verse.