Library·Liṅga Purāṇa·1·1.9
सूत उवाच आलस्यं प्रथमं पश्चाद् व्याधिपीडा प्रजायते । प्रमादः संशयस्थाने चित्तस्येहानवस्थितिः
sūta uvāca ālasyaṃ prathamaṃ paścād vyādhipīḍā prajāyate / pramādaḥ saṃśayasthāne cittasyehānavasthitiḥ
Sanskrit only: no published translation is held for this verse.
अश्रद्धादर्शनं भ्रान्तिर् दुःखं च त्रिविधं ततः । दौर्मनस्यमयोग्येषु विषयेषु च योग्यता
aśraddhādarśanaṃ bhrāntir duḥkhaṃ ca trividhaṃ tataḥ / daurmanasyamayogyeṣu viṣayeṣu ca yogyatā
Sanskrit only: no published translation is held for this verse.
दशधाभिप्रजायन्ते मुनेर्योगान्तरायकाः । आलस्यं चाप्रवृत्तिश् च गुरुत्वात्कायचित्तयोः
daśadhābhiprajāyante muneryogāntarāyakāḥ / ālasyaṃ cāpravṛttiś ca gurutvātkāyacittayoḥ
Sanskrit only: no published translation is held for this verse.
व्याधयो धातुवैषम्यात् कर्मजा दोषजास् तथा । प्रमादस्तु समाधेस्तु साधनानाम् अभावनम्
vyādhayo dhātuvaiṣamyāt karmajā doṣajās tathā / pramādastu samādhestu sādhanānām abhāvanam
Sanskrit only: no published translation is held for this verse.
इदं वेत्युभयस्पृक्तं विज्ञानं स्थानसंशयः । अनवस्थितचित्तत्वम् अप्रतिष्ठा हि योगिनः
idaṃ vetyubhayaspṛktaṃ vijñānaṃ sthānasaṃśayaḥ / anavasthitacittatvam apratiṣṭhā hi yoginaḥ
Sanskrit only: no published translation is held for this verse.
लब्धायामपि भूमौ च चित्तस्य भवबन्धनात् । अश्रद्धाभावरहिता वृत्तिर्वै साधनेषु च
labdhāyāmapi bhūmau ca cittasya bhavabandhanāt / aśraddhābhāvarahitā vṛttirvai sādhaneṣu ca
Sanskrit only: no published translation is held for this verse.
साध्ये चित्तस्य हि गुरौ ज्ञानाचारशिवादिषु । विपर्ययज्ञानमिति भ्रान्तिदर्शनम् उच्यते
sādhye cittasya hi gurau jñānācāraśivādiṣu / viparyayajñānamiti bhrāntidarśanam ucyate
Sanskrit only: no published translation is held for this verse.
अनात्मन्यात्मविज्ञानम् अज्ञानात्तस्य संनिधौ । दुःखमाध्यात्मिकं प्रोक्तं तथा चैवाधिभौतिकम्
anātmanyātmavijñānam ajñānāttasya saṃnidhau / duḥkhamādhyātmikaṃ proktaṃ tathā caivādhibhautikam
Sanskrit only: no published translation is held for this verse.
आधिदैविकमित्युक्तं त्रिविधं सहजं पुनः । इच्छाविघातात्संक्षोभश् चेतसस्तदुदाहृतम्
ādhidaivikamityuktaṃ trividhaṃ sahajaṃ punaḥ / icchāvighātātsaṃkṣobhaś cetasastadudāhṛtam
Sanskrit only: no published translation is held for this verse.
दौर्मनस्यं निरोद्धव्यं वैराग्येण परेण तु । तमसा रजसा चैव संस्पृष्टं दुर्मनः स्मृतम्
daurmanasyaṃ niroddhavyaṃ vairāgyeṇa pareṇa tu / tamasā rajasā caiva saṃspṛṣṭaṃ durmanaḥ smṛtam
Sanskrit only: no published translation is held for this verse.
तदा मनसि संजातं दौर्मनस्यमिति स्मृतम् । हठात्स्वीकरणं कृत्वा योग्यायोग्यविवेकतः
tadā manasi saṃjātaṃ daurmanasyamiti smṛtam / haṭhātsvīkaraṇaṃ kṛtvā yogyāyogyavivekataḥ
Sanskrit only: no published translation is held for this verse.
विषयेषु विचित्रेषु जन्तोर्विषयलोलता । अन्तराया इति ख्याता योगस्यैते हि योगिनाम्
viṣayeṣu vicitreṣu jantorviṣayalolatā / antarāyā iti khyātā yogasyaite hi yoginām
Sanskrit only: no published translation is held for this verse.
अत्यन्तोत्साहयुक्तस्य नश्यन्ति न च संशयः । प्रनष्टेष्वन्तरायेषु द्विजाः पश्चाद्धि योगिनः
atyantotsāhayuktasya naśyanti na ca saṃśayaḥ / pranaṣṭeṣvantarāyeṣu dvijāḥ paścāddhi yoginaḥ
Sanskrit only: no published translation is held for this verse.
उपसर्गाः प्रवर्तन्ते सर्वे ते ऽसिद्धिसूचकाः । प्रतिभा प्रथमा सिद्धिर् द्वितीया श्रवणा स्मृता
upasargāḥ pravartante sarve te 'siddhisūcakāḥ / pratibhā prathamā siddhir dvitīyā śravaṇā smṛtā
Sanskrit only: no published translation is held for this verse.
वार्त्ता तृतीया विप्रेन्द्रास् तुरीया चेह दर्शना । आस्वादा पञ्चमी प्रोक्ता वेदना षष्ठिका स्मृता
vārttā tṛtīyā viprendrās turīyā ceha darśanā / āsvādā pañcamī proktā vedanā ṣaṣṭhikā smṛtā
Sanskrit only: no published translation is held for this verse.
स्वल्पषट्सिद्धिसंत्यागात् सिद्धिदाः सिद्धयो मुनेः । प्रतिभा प्रतिभावृतिः प्रतिभाव इति स्थितिः
svalpaṣaṭsiddhisaṃtyāgāt siddhidāḥ siddhayo muneḥ / pratibhā pratibhāvṛtiḥ pratibhāva iti sthitiḥ
Sanskrit only: no published translation is held for this verse.
बुद्धिर्विवेचना वेद्यं बुध्यते बुद्धिरुच्यते । सूक्ष्मे व्यवहिते ऽतीते विप्रकृष्टे त्वनागते
buddhirvivecanā vedyaṃ budhyate buddhirucyate / sūkṣme vyavahite 'tīte viprakṛṣṭe tvanāgate
Sanskrit only: no published translation is held for this verse.
सर्वत्र सर्वदा ज्ञानं प्रतिभानुक्रमेण तु । श्रवणात्सर्वशब्दानाम् अप्रयत्नेन योगिनः
sarvatra sarvadā jñānaṃ pratibhānukrameṇa tu / śravaṇātsarvaśabdānām aprayatnena yoginaḥ
Sanskrit only: no published translation is held for this verse.
ह्रस्वदीर्घप्लुतादीनां गुह्यानां श्रवणादपि । स्पर्शस्याधिगमो यस् तु वेदना तूपपादिता
hrasvadīrghaplutādīnāṃ guhyānāṃ śravaṇādapi / sparśasyādhigamo yas tu vedanā tūpapāditā
Sanskrit only: no published translation is held for this verse.
दर्शनाद्दिव्यरूपाणां दर्शनं चाप्रयत्नतः । संविद्दिव्यरसे तस्मिन्न् आस्वादो ह्यप्रयत्नतः
darśanāddivyarūpāṇāṃ darśanaṃ cāprayatnataḥ / saṃviddivyarase tasminn āsvādo hyaprayatnataḥ
Sanskrit only: no published translation is held for this verse.
वार्त्ता च दिव्यगन्धानां तन्मात्रा बुद्धिसंविदा । विन्दन्ते योगिनस्तस्माद् आब्रह्मभुवनं द्विजाः
vārttā ca divyagandhānāṃ tanmātrā buddhisaṃvidā / vindante yoginastasmād ābrahmabhuvanaṃ dvijāḥ
Sanskrit only: no published translation is held for this verse.
जगत्यस्मिन् हि देहस्थं चतुःषष्टिगुणं समम् । औपसर्गिकम् एतेषु गुणेषु गुणितं द्विजाः
jagatyasmin hi dehasthaṃ catuḥṣaṣṭiguṇaṃ samam / aupasargikam eteṣu guṇeṣu guṇitaṃ dvijāḥ
Sanskrit only: no published translation is held for this verse.
संत्याज्यं सर्वथा सर्वम् औपसर्गिकमात्मनः । पैशाचे पार्थिवं चाप्यं राक्षसानां पुरे द्विजाः
saṃtyājyaṃ sarvathā sarvam aupasargikamātmanaḥ / paiśāce pārthivaṃ cāpyaṃ rākṣasānāṃ pure dvijāḥ
Sanskrit only: no published translation is held for this verse.
याक्षे तु तैजसं प्रोक्तं गान्धर्वे श्वसनात्मकम् । ऐन्द्रे व्योमात्मकं सर्वं सौम्ये चैव तु मानसम्
yākṣe tu taijasaṃ proktaṃ gāndharve śvasanātmakam / aindre vyomātmakaṃ sarvaṃ saumye caiva tu mānasam
Sanskrit only: no published translation is held for this verse.
प्राजापत्ये त्वहङ्कारं ब्राह्मे बोधमनुत्तमम् । आद्ये चाष्टौ द्वितीये च तथा षोडशरूपकम्
prājāpatye tvahaṅkāraṃ brāhme bodhamanuttamam / ādye cāṣṭau dvitīye ca tathā ṣoḍaśarūpakam
Sanskrit only: no published translation is held for this verse.
चतुर्विंशत्तृतीये तु द्वात्रिंशच्च चतुर्थके । चत्वारिंशत् पञ्चमे तु भूतमात्रात्मकं स्मृतम्
caturviṃśattṛtīye tu dvātriṃśacca caturthake / catvāriṃśat pañcame tu bhūtamātrātmakaṃ smṛtam
Sanskrit only: no published translation is held for this verse.
गन्धो रसस् तथा रूपं शब्दः स्पर्शस्तथैव च । प्रत्येकमष्टधा सिद्धं पञ्चमे तच्छतक्रतोः
gandho rasas tathā rūpaṃ śabdaḥ sparśastathaiva ca / pratyekamaṣṭadhā siddhaṃ pañcame tacchatakratoḥ
Sanskrit only: no published translation is held for this verse.
तथाष्टचत्वारिंशच् च षट्पञ्चाशत्तथैव च । चतुःषष्टिगुणं ब्राह्मं लभते द्विजसत्तमाः
tathāṣṭacatvāriṃśac ca ṣaṭpañcāśattathaiva ca / catuḥṣaṣṭiguṇaṃ brāhmaṃ labhate dvijasattamāḥ
Sanskrit only: no published translation is held for this verse.
औपसर्गिकम् आ ब्रह्म भुवनेषु परित्यजेत् । लोकेष्वालोक्य योगेन योगवित्परमं सुखम्
aupasargikam ā brahma bhuvaneṣu parityajet / lokeṣvālokya yogena yogavitparamaṃ sukham
Sanskrit only: no published translation is held for this verse.
स्थूलता ह्रस्वता बाल्यं वार्धक्यं यौवनं तथा । नानाजातिस्वरूपं च चतुर्भिर् देहधारणम्
sthūlatā hrasvatā bālyaṃ vārdhakyaṃ yauvanaṃ tathā / nānājātisvarūpaṃ ca caturbhir dehadhāraṇam
Sanskrit only: no published translation is held for this verse.
पार्थिवांशं विना नित्यं सुरभिर् गन्धसंयुतः । एतदष्टगुणं प्रोक्तम् ऐश्वर्यं पार्थिवं महत्
pārthivāṃśaṃ vinā nityaṃ surabhir gandhasaṃyutaḥ / etadaṣṭaguṇaṃ proktam aiśvaryaṃ pārthivaṃ mahat
Sanskrit only: no published translation is held for this verse.
जले निवसनं यद्वद् भूम्यामिव विनिर्गमः । इच्छेच्छक्तः स्वयं पातुं समुद्रमपि नातुरः
jale nivasanaṃ yadvad bhūmyāmiva vinirgamaḥ / icchecchaktaḥ svayaṃ pātuṃ samudramapi nāturaḥ
Sanskrit only: no published translation is held for this verse.
यत्रेच्छति जगत्यस्मिंस् तत्रास्य जलदर्शनम् । यद्यद्वस्तु समादाय भोक्तुमिच्छति कामतः
yatrecchati jagatyasmiṃs tatrāsya jaladarśanam / yadyadvastu samādāya bhoktumicchati kāmataḥ
Sanskrit only: no published translation is held for this verse.
तत्तद्रसान्वितं तस्य त्रयाणां देहधारणम् । भाण्डं विनाथ हस्तेन जलपिण्डस्य धारणम्
tattadrasānvitaṃ tasya trayāṇāṃ dehadhāraṇam / bhāṇḍaṃ vinātha hastena jalapiṇḍasya dhāraṇam
Sanskrit only: no published translation is held for this verse.
अव्रणत्वं शरीरस्य पार्थिवेन समन्वितम् । एतत् षोडशकं प्रोक्तम् आप्यमैश्वर्यमुत्तमम्
avraṇatvaṃ śarīrasya pārthivena samanvitam / etat ṣoḍaśakaṃ proktam āpyamaiśvaryamuttamam
Sanskrit only: no published translation is held for this verse.
देहादग्निविनिर्माणं तत्तापभयवर्जितम् । लोकं दग्धमपीहान्यद् अदग्धं स्वविधानतः
dehādagnivinirmāṇaṃ tattāpabhayavarjitam / lokaṃ dagdhamapīhānyad adagdhaṃ svavidhānataḥ
Sanskrit only: no published translation is held for this verse.
जलमध्ये हुतवहं चाधाय परिरक्षणम् । अग्निनिग्रहणं हस्ते स्मृतिमात्रेण चागमः
jalamadhye hutavahaṃ cādhāya parirakṣaṇam / agninigrahaṇaṃ haste smṛtimātreṇa cāgamaḥ
Sanskrit only: no published translation is held for this verse.
भस्मीभूतविनिर्माणं यथापूर्वं सकामतः । द्वाभ्यां रूपविनिष्पत्तिर् विना तैस्त्रिभिर् आत्मनः
bhasmībhūtavinirmāṇaṃ yathāpūrvaṃ sakāmataḥ / dvābhyāṃ rūpaviniṣpattir vinā taistribhir ātmanaḥ
Sanskrit only: no published translation is held for this verse.
चतुर्विंशात्मकं ह्येतत् तैजसं मुनिपुङ्गवाः । मनोगतित्वं भूतानाम् अन्तर्निवसनं तथा
caturviṃśātmakaṃ hyetat taijasaṃ munipuṅgavāḥ / manogatitvaṃ bhūtānām antarnivasanaṃ tathā
Sanskrit only: no published translation is held for this verse.
पर्वतादिमहाभार- स्कन्धेनोद्वहनं पुनः । लघुत्वं च गुरुत्वं च पाणिभ्यां वायुधारणम्
parvatādimahābhāra- skandhenodvahanaṃ punaḥ / laghutvaṃ ca gurutvaṃ ca pāṇibhyāṃ vāyudhāraṇam
Sanskrit only: no published translation is held for this verse.
अङ्गुल्यग्रनिघातेन भूमेः सर्वत्र कंपनम् । एकेन देहनिष्पत्तिर् वातैश्वर्यं स्मृतं बुधैः
aṅgulyagranighātena bhūmeḥ sarvatra kaṃpanam / ekena dehaniṣpattir vātaiśvaryaṃ smṛtaṃ budhaiḥ
Sanskrit only: no published translation is held for this verse.
छायाविहीननिष्पत्तिर् इन्द्रियाणां च दर्शनम् । आकाशगमनं नित्यम् इन्द्रियार्थैः समन्वितम्
chāyāvihīnaniṣpattir indriyāṇāṃ ca darśanam / ākāśagamanaṃ nityam indriyārthaiḥ samanvitam
Sanskrit only: no published translation is held for this verse.
दूरे च शब्दग्रहणं सर्वशब्दावगाहनम् । तन्मात्रलिङ्गग्रहणं सर्वप्राणिनिदर्शनम्
dūre ca śabdagrahaṇaṃ sarvaśabdāvagāhanam / tanmātraliṅgagrahaṇaṃ sarvaprāṇinidarśanam
Sanskrit only: no published translation is held for this verse.
ऐन्द्रम् ऐश्वर्यम् इत्युक्तम् एतैरुक्तः पुरातनः । यथाकामोपलब्धिश् च यथाकामविनिर्गमः
aindram aiśvaryam ityuktam etairuktaḥ purātanaḥ / yathākāmopalabdhiś ca yathākāmavinirgamaḥ
Sanskrit only: no published translation is held for this verse.
सर्वत्राभिभवश्चैव सर्वगुह्यनिदर्शनम् । कामानुरूपनिर्माणं वशित्वं प्रियदर्शनम्
sarvatrābhibhavaścaiva sarvaguhyanidarśanam / kāmānurūpanirmāṇaṃ vaśitvaṃ priyadarśanam
Sanskrit only: no published translation is held for this verse.
संसारदर्शनं चैव मानसं गुणलक्षणम् । छेदनं ताडनं बन्धं संसारपरिवर्तनम्
saṃsāradarśanaṃ caiva mānasaṃ guṇalakṣaṇam / chedanaṃ tāḍanaṃ bandhaṃ saṃsāraparivartanam
Sanskrit only: no published translation is held for this verse.
सर्वभूतप्रसादश् च मृत्युकालजयस् तथा । प्राजापत्यमिदं प्रोक्तम् आहङ्कारिकमुत्तमम्
sarvabhūtaprasādaś ca mṛtyukālajayas tathā / prājāpatyamidaṃ proktam āhaṅkārikamuttamam
Sanskrit only: no published translation is held for this verse.
अकारणजगत्सृष्टिस् तथानुग्रह एव च । प्रलयश्चाधिकारश् च लोकवृत्तप्रवर्तनम्
akāraṇajagatsṛṣṭis tathānugraha eva ca / pralayaścādhikāraś ca lokavṛttapravartanam
Sanskrit only: no published translation is held for this verse.
असादृश्यमिदं व्यक्तं निर्माणं च पृथक्पृथक् । संसारस्य च कर्तृत्वं ब्राह्मम् एतद् अनुत्तमम्
asādṛśyamidaṃ vyaktaṃ nirmāṇaṃ ca pṛthakpṛthak / saṃsārasya ca kartṛtvaṃ brāhmam etad anuttamam
Sanskrit only: no published translation is held for this verse.
एतावत्तत्त्वमित्युक्तं प्राधान्यं वैष्णवं पदम् । ब्रह्मणा तद्गुणं शक्यं वेत्तुमन्यैर्न शक्यते
etāvattattvamityuktaṃ prādhānyaṃ vaiṣṇavaṃ padam / brahmaṇā tadguṇaṃ śakyaṃ vettumanyairna śakyate
Sanskrit only: no published translation is held for this verse.
विद्यते तत्परं शैवं विष्णुना नावगम्यते । असंख्येयगुणं शुद्धं को जानीयाच्छिवात्मकम्
vidyate tatparaṃ śaivaṃ viṣṇunā nāvagamyate / asaṃkhyeyaguṇaṃ śuddhaṃ ko jānīyācchivātmakam
Sanskrit only: no published translation is held for this verse.
व्युत्थाने सिद्धयश्चैता ह्य् उपसर्गाश् च कीर्तिताः । निरोद्धव्याः प्रयत्नेन वैराग्येण परेण तु
vyutthāne siddhayaścaitā hy upasargāś ca kīrtitāḥ / niroddhavyāḥ prayatnena vairāgyeṇa pareṇa tu
Sanskrit only: no published translation is held for this verse.
नाशातिशयतां ज्ञात्वा विषयेषु भयेषु च । अश्रद्धया त्यजेत्सर्वं विरक्त इति कीर्तितः
nāśātiśayatāṃ jñātvā viṣayeṣu bhayeṣu ca / aśraddhayā tyajetsarvaṃ virakta iti kīrtitaḥ
Sanskrit only: no published translation is held for this verse.
वैतृष्ण्यं पुरुषे ख्यातं गुणवैतृष्ण्यमुच्यते । वैराग्येणैव संत्याज्याः सिद्धयश्चौपसर्गिकाः
vaitṛṣṇyaṃ puruṣe khyātaṃ guṇavaitṛṣṇyamucyate / vairāgyeṇaiva saṃtyājyāḥ siddhayaścaupasargikāḥ
Sanskrit only: no published translation is held for this verse.
औपसर्गिकम् आ ब्रह्म- भुवनेषु परित्यजेत् । निरुध्यैव त्यजेत्सर्वं प्रसीदति महेश्वरः
aupasargikam ā brahma- bhuvaneṣu parityajet / nirudhyaiva tyajetsarvaṃ prasīdati maheśvaraḥ
Sanskrit only: no published translation is held for this verse.
प्रसन्ने विमला मुक्तिर् वैराग्येण परेण वै । अथवानुग्रहार्थं च लीलार्थं वा तदा मुनिः
prasanne vimalā muktir vairāgyeṇa pareṇa vai / athavānugrahārthaṃ ca līlārthaṃ vā tadā muniḥ
Sanskrit only: no published translation is held for this verse.
अनिरुध्य विचेष्टेद्यः सो ऽप्येवं हि सुखी भवेत् । क्वचिद्भूमिं परित्यज्य ह्य् आकाशे क्रीडते श्रिया
anirudhya viceṣṭedyaḥ so 'pyevaṃ hi sukhī bhavet / kvacidbhūmiṃ parityajya hy ākāśe krīḍate śriyā
Sanskrit only: no published translation is held for this verse.
उद्गिरेच्च क्वचिद्वेदान् सूक्ष्मानर्थान् समासतः । क्वचिच्छ्रुते तदर्थेन श्लोकबन्धं करोति सः
udgirecca kvacidvedān sūkṣmānarthān samāsataḥ / kvacicchrute tadarthena ślokabandhaṃ karoti saḥ
Sanskrit only: no published translation is held for this verse.
क्वचिद्दण्डकबन्धं तु कुर्याद्बन्धं सहस्रशः । मृगपक्षिसमूहस्य रुतज्ञानं च विन्दति
kvaciddaṇḍakabandhaṃ tu kuryādbandhaṃ sahasraśaḥ / mṛgapakṣisamūhasya rutajñānaṃ ca vindati
Sanskrit only: no published translation is held for this verse.
ब्रह्माद्यं स्थावरान्तं च हस्तामलकवद्भवेत् । बहुनात्र किमुक्तेन विज्ञानानि सहस्रशः
brahmādyaṃ sthāvarāntaṃ ca hastāmalakavadbhavet / bahunātra kimuktena vijñānāni sahasraśaḥ
Sanskrit only: no published translation is held for this verse.
उत्पद्यन्ते मुनिश्रेष्ठा मुनेस्तस्य महात्मनः । अभ्यासेनैव विज्ञानं विशुद्धं च स्थिरं भवेत्
utpadyante muniśreṣṭhā munestasya mahātmanaḥ / abhyāsenaiva vijñānaṃ viśuddhaṃ ca sthiraṃ bhavet
Sanskrit only: no published translation is held for this verse.
तेजोरूपाणि सर्वाणि सर्वं पश्यति योगवित् । देवबिम्बान्यनेकानि विमानानि सहस्रशः
tejorūpāṇi sarvāṇi sarvaṃ paśyati yogavit / devabimbānyanekāni vimānāni sahasraśaḥ
Sanskrit only: no published translation is held for this verse.
पश्यति ब्रह्मविष्ण्विन्द्र- यमाग्निवरुणादिकान् । ग्रहनक्षत्रताराश् च भुवनानि सहस्रशः
paśyati brahmaviṣṇvindra- yamāgnivaruṇādikān / grahanakṣatratārāś ca bhuvanāni sahasraśaḥ
Sanskrit only: no published translation is held for this verse.
पातालतलसंस्थाश् च समाधिस्थः स पश्यति । आत्मविद्याप्रदीपेन स्वस्थेनाचलनेन तु
pātālatalasaṃsthāś ca samādhisthaḥ sa paśyati / ātmavidyāpradīpena svasthenācalanena tu
Sanskrit only: no published translation is held for this verse.
प्रसादामृतपूर्णेन सत्त्वपात्रस्थितेन तु । तमो निहत्य पुरुषः पश्यति ह्यात्मनीश्वरम्
prasādāmṛtapūrṇena sattvapātrasthitena tu / tamo nihatya puruṣaḥ paśyati hyātmanīśvaram
Sanskrit only: no published translation is held for this verse.
तस्य प्रसादाद्धर्मश् च ऐश्वर्यं ज्ञानमेव च । वैराग्यमपवर्गश् च नात्र कार्या विचारणा
tasya prasādāddharmaś ca aiśvaryaṃ jñānameva ca / vairāgyamapavargaś ca nātra kāryā vicāraṇā
Sanskrit only: no published translation is held for this verse.
न शक्यो विस्तरो वक्तुं वर्षाणामयुतैरपि । योगे पाशुपते निष्ठा स्थातव्यं च मुनीश्वराः
na śakyo vistaro vaktuṃ varṣāṇāmayutairapi / yoge pāśupate niṣṭhā sthātavyaṃ ca munīśvarāḥ
Sanskrit only: no published translation is held for this verse.