Liṅga Purāṇa 1.90

सूत उवाच अत ऊर्ध्वं प्रवक्ष्यामि यतीनामिह निश्चितम् । प्रायश्चित्तं शिवप्रोक्तं यतीनां पापशोधनम्

sūta uvāca ata ūrdhvaṃ pravakṣyāmi yatīnāmiha niścitam / prāyaścittaṃ śivaproktaṃ yatīnāṃ pāpaśodhanam

Sanskrit only: no published translation is held for this verse.

पापं हि त्रिविधं ज्ञेयं वाङ्मनःकायसंभवम् । सततं हि दिवा रात्रौ येनेदं वेष्ट्यते जगत्

pāpaṃ hi trividhaṃ jñeyaṃ vāṅmanaḥkāyasaṃbhavam / satataṃ hi divā rātrau yenedaṃ veṣṭyate jagat

Sanskrit only: no published translation is held for this verse.

तत्कर्मणा विनाप्येष तिष्ठतीति परा श्रुतिः । क्षणमेवं प्रयोज्यं तु आयुष्यं तु विधारणम्

tatkarmaṇā vināpyeṣa tiṣṭhatīti parā śrutiḥ / kṣaṇamevaṃ prayojyaṃ tu āyuṣyaṃ tu vidhāraṇam

Sanskrit only: no published translation is held for this verse.

भवेद्योगो ऽप्रमत्तस्य योगो हि परमं बलम् । न हि योगात्परं किंचिन् नराणां दृश्यते शुभम्

bhavedyogo 'pramattasya yogo hi paramaṃ balam / na hi yogātparaṃ kiṃcin narāṇāṃ dṛśyate śubham

Sanskrit only: no published translation is held for this verse.

तस्माद् योगं प्रशंसन्ति धर्मयुक्ता मनीषिणः । अविद्यां विद्यया जित्वा प्राप्यैश्वर्यमनुत्तमम्

tasmād yogaṃ praśaṃsanti dharmayuktā manīṣiṇaḥ / avidyāṃ vidyayā jitvā prāpyaiśvaryamanuttamam

Sanskrit only: no published translation is held for this verse.

दृष्ट्वा परावरं धीराः परं गच्छन्ति तत्पदम् । व्रतानि यानि भिक्षूणां तथैवोपव्रतानि च

dṛṣṭvā parāvaraṃ dhīrāḥ paraṃ gacchanti tatpadam / vratāni yāni bhikṣūṇāṃ tathaivopavratāni ca

Sanskrit only: no published translation is held for this verse.

एकैकातिक्रमे तेषां प्रायश्चित्तं विधीयते । उपेत्य तु स्त्रियं कामात् प्रायश्चित्तं विनिर्दिशेत्

ekaikātikrame teṣāṃ prāyaścittaṃ vidhīyate / upetya tu striyaṃ kāmāt prāyaścittaṃ vinirdiśet

Sanskrit only: no published translation is held for this verse.

प्राणायामसमायुक्तं चरेत्सांतपनं व्रतम् । ततश्चरति निर्देशात् कृच्छ्रं चान्ते समाहितः

prāṇāyāmasamāyuktaṃ caretsāṃtapanaṃ vratam / tataścarati nirdeśāt kṛcchraṃ cānte samāhitaḥ

Sanskrit only: no published translation is held for this verse.

पुनर् आश्रमम् आगत्य चरेद्भिक्षुरतन्द्रितः । न धर्मयुक्तमनृतं हिनस्तीति मनीषिणः

punar āśramam āgatya caredbhikṣuratandritaḥ / na dharmayuktamanṛtaṃ hinastīti manīṣiṇaḥ

Sanskrit only: no published translation is held for this verse.

तथापि न च कर्तव्यं प्रसंगो ह्येष दारुणः । अहोरात्रोपवासश् च प्राणायामशतं तथा

tathāpi na ca kartavyaṃ prasaṃgo hyeṣa dāruṇaḥ / ahorātropavāsaś ca prāṇāyāmaśataṃ tathā

Sanskrit only: no published translation is held for this verse.

असद्वादो न कर्तव्यो यतिना धर्मलिप्सुना । परमापद्गतेनापि न कार्यं स्तेयमप्युत

asadvādo na kartavyo yatinā dharmalipsunā / paramāpadgatenāpi na kāryaṃ steyamapyuta

Sanskrit only: no published translation is held for this verse.

<इम्पोर्तन्चे ओफ़् पोस्सेस्सिओन्> स्तेयादभ्यधिकः कश्चिन् नास्त्यधर्म इति श्रुतिः । हिंसा ह्येषा परा सृष्टा स्तैन्यं वै कथितं तथा

<importance of possession> steyādabhyadhikaḥ kaścin nāstyadharma iti śrutiḥ / hiṃsā hyeṣā parā sṛṣṭā stainyaṃ vai kathitaṃ tathā

Sanskrit only: no published translation is held for this verse.

यदेतद्द्रविणं नाम प्राणा ह्येते बहिश्चराः । स तस्य हरते प्राणान् यो यस्य हरते धनम्

yadetaddraviṇaṃ nāma prāṇā hyete bahiścarāḥ / sa tasya harate prāṇān yo yasya harate dhanam

Sanskrit only: no published translation is held for this verse.

एवं कृत्वा सुदुष्टात्मा भिन्नवृत्तो व्रताच्च्युतः । भूयो निर्वेदमापन्नश् चरेच्चान्द्रायणं व्रतम्

evaṃ kṛtvā suduṣṭātmā bhinnavṛtto vratāccyutaḥ / bhūyo nirvedamāpannaś careccāndrāyaṇaṃ vratam

Sanskrit only: no published translation is held for this verse.

विधिना शास्त्रदृष्टेन संवत्सरमिति श्रुतिः । ततः संवत्सरस्यान्ते भूयः प्रक्षीणकल्मषः । पुनर्निर्वेदमापन्नश् चरेद्भिक्षुरतन्द्रितः

vidhinā śāstradṛṣṭena saṃvatsaramiti śrutiḥ / tataḥ saṃvatsarasyānte bhūyaḥ prakṣīṇakalmaṣaḥ / punarnirvedamāpannaś caredbhikṣuratandritaḥ

Sanskrit only: no published translation is held for this verse.

अहिंसा सर्वभूतानां कर्मणा मनसा गिरा । अकामादपि हिंसेत यदि भिक्षुः पशून् कृमीन्

ahiṃsā sarvabhūtānāṃ karmaṇā manasā girā / akāmādapi hiṃseta yadi bhikṣuḥ paśūn kṛmīn

Sanskrit only: no published translation is held for this verse.

कृच्छ्रातिकृच्छ्रं कुर्वीत चान्द्रायणमथापि वा । स्कन्देदिन्द्रियदौर्बल्यात् स्त्रियं दृष्ट्वा यतिर्यदि

kṛcchrātikṛcchraṃ kurvīta cāndrāyaṇamathāpi vā / skandedindriyadaurbalyāt striyaṃ dṛṣṭvā yatiryadi

Sanskrit only: no published translation is held for this verse.

तेन धारयितव्या वै प्राणायामास्तु षोडश । दिवा स्कन्नस्य विप्रस्य प्रायश्चित्तं विधीयते

tena dhārayitavyā vai prāṇāyāmāstu ṣoḍaśa / divā skannasya viprasya prāyaścittaṃ vidhīyate

Sanskrit only: no published translation is held for this verse.

त्रिरात्रमुपवासाश् च प्राणायामशतं तथा । रात्रौ स्कन्नः शुचिः स्नात्वा द्वादशैव तु धारणा

trirātramupavāsāś ca prāṇāyāmaśataṃ tathā / rātrau skannaḥ śuciḥ snātvā dvādaśaiva tu dhāraṇā

Sanskrit only: no published translation is held for this verse.

प्राणायामेन शुद्धात्मा विरजा जायते द्विजाः । एकान्नं मधुमांसं वा अशृतान्नं तथैव च

prāṇāyāmena śuddhātmā virajā jāyate dvijāḥ / ekānnaṃ madhumāṃsaṃ vā aśṛtānnaṃ tathaiva ca

Sanskrit only: no published translation is held for this verse.

अभोज्यानि यतीनां तु प्रत्यक्षलवणानि च । एकैकातिक्रमात्तेषां प्रायश्चित्तं विधीयते

abhojyāni yatīnāṃ tu pratyakṣalavaṇāni ca / ekaikātikramātteṣāṃ prāyaścittaṃ vidhīyate

Sanskrit only: no published translation is held for this verse.

प्राजापत्येन कृच्छ्रेण ततः पापात्प्रमुच्यते । व्यतिक्रमाश् च ये केचिद् वाङ्मनःकायसंभवाः

prājāpatyena kṛcchreṇa tataḥ pāpātpramucyate / vyatikramāś ca ye kecid vāṅmanaḥkāyasaṃbhavāḥ

Sanskrit only: no published translation is held for this verse.

सद्भिः सह विनिश्चित्य यद्ब्रूयुस्तत्समाचरेत्

sadbhiḥ saha viniścitya yadbrūyustatsamācaret

Sanskrit only: no published translation is held for this verse.

चरेद्धि शुद्धः समलोष्टकाञ्चनः समस्तभूतेषु च सत्समाहितः । स्थानं ध्रुवं शाश्वतमव्ययं तु परं हि गत्वा न पुनर्हि जायते

careddhi śuddhaḥ samaloṣṭakāñcanaḥ samastabhūteṣu ca satsamāhitaḥ / sthānaṃ dhruvaṃ śāśvatamavyayaṃ tu paraṃ hi gatvā na punarhi jāyate

Sanskrit only: no published translation is held for this verse.