Library·Liṅga Purāṇa·1·1.92
श्रुतिमद्भिश् च विप्रेन्द्रैः संसिद्धैश् च तपस्विभिः । प्रतिमासं तथाष्टम्यां प्रतिमासं चतुर्दशीम्
śrutimadbhiś ca viprendraiḥ saṃsiddhaiś ca tapasvibhiḥ / pratimāsaṃ tathāṣṭamyāṃ pratimāsaṃ caturdaśīm
Sanskrit only: no published translation is held for this verse.
उभयोः पक्षयोर्देवि वाराणस्यामुपास्यते । शशिभानूपरागे च कार्तिक्यां च विशेषतः
ubhayoḥ pakṣayordevi vārāṇasyāmupāsyate / śaśibhānūparāge ca kārtikyāṃ ca viśeṣataḥ
Sanskrit only: no published translation is held for this verse.
सर्वपर्वसु पुण्येषु विषुवेष्वयनेषु च । पृथिव्यां सर्वतीर्थानि वाराणस्यां तु जाह्नवीम्
sarvaparvasu puṇyeṣu viṣuveṣvayaneṣu ca / pṛthivyāṃ sarvatīrthāni vārāṇasyāṃ tu jāhnavīm
Sanskrit only: no published translation is held for this verse.
उत्तरप्रवहां पुण्यां मम मौलिविनिःसृताम् । पितुस्ते गिरिराजस्य शुभां हिमवतः सुताम्
uttarapravahāṃ puṇyāṃ mama mauliviniḥsṛtām / pituste girirājasya śubhāṃ himavataḥ sutām
Sanskrit only: no published translation is held for this verse.
पुण्यस्थानस्थितां पुण्यां पुण्यदिक्प्रवहां सदा । भजन्ते सर्वतो ऽभ्येत्य ये ताञ्छृणु वरानने
puṇyasthānasthitāṃ puṇyāṃ puṇyadikpravahāṃ sadā / bhajante sarvato 'bhyetya ye tāñchṛṇu varānane
Sanskrit only: no published translation is held for this verse.
संनिहत्य कुरुक्षेत्रं सार्धं तीर्थशतैस् तथा । पुष्करं निमिषं चैव प्रयागं च पृथूदकम्
saṃnihatya kurukṣetraṃ sārdhaṃ tīrthaśatais tathā / puṣkaraṃ nimiṣaṃ caiva prayāgaṃ ca pṛthūdakam
Sanskrit only: no published translation is held for this verse.
द्रुमक्षेत्रं कुरुक्षेत्रं नैमिषं तीर्थसंयुतम् । क्षेत्राणि सर्वतो देवि देवता ऋषयस् तथा
drumakṣetraṃ kurukṣetraṃ naimiṣaṃ tīrthasaṃyutam / kṣetrāṇi sarvato devi devatā ṛṣayas tathā
Sanskrit only: no published translation is held for this verse.
संध्या च ऋतवश्चैव सर्वा नद्यः सरांसि च । समुद्राः सप्त चैवात्र देवतीर्थानि कृत्स्नशः
saṃdhyā ca ṛtavaścaiva sarvā nadyaḥ sarāṃsi ca / samudrāḥ sapta caivātra devatīrthāni kṛtsnaśaḥ
Sanskrit only: no published translation is held for this verse.
भागीरथीं समेष्यन्ति सर्वपर्वसु सुव्रते । अविमुक्तेश्वरं दृष्ट्वा दृष्ट्वा चैव त्रिविष्टपम्
bhāgīrathīṃ sameṣyanti sarvaparvasu suvrate / avimukteśvaraṃ dṛṣṭvā dṛṣṭvā caiva triviṣṭapam
Sanskrit only: no published translation is held for this verse.
कालभैरवमासाद्य धूतपापानि सर्वशः । भवन्ति हि सुरेशानि सर्वपर्वसु पर्वसु
kālabhairavamāsādya dhūtapāpāni sarvaśaḥ / bhavanti hi sureśāni sarvaparvasu parvasu
Sanskrit only: no published translation is held for this verse.
पृथिव्यां यानि पुण्यानि महान्त्यायतनानि च । प्रविशन्ति सदाभ्येत्य पुण्यं पर्वसु पर्वसु । अविमुक्तं क्षेत्रवरं महापापनिबर्हणम्
pṛthivyāṃ yāni puṇyāni mahāntyāyatanāni ca / praviśanti sadābhyetya puṇyaṃ parvasu parvasu / avimuktaṃ kṣetravaraṃ mahāpāpanibarhaṇam
Sanskrit only: no published translation is held for this verse.
केदारे चैव यल्लिङ्गं यच्च लिङ्गं महालये
kedāre caiva yalliṅgaṃ yacca liṅgaṃ mahālaye
Sanskrit only: no published translation is held for this verse.
मध्यमेश्वरसंज्ञं च तथा पाशुपतेश्वरम् । शङ्कुकर्णेश्वरं चैव गोकर्णौ च तथा ह्युभौ
madhyameśvarasaṃjñaṃ ca tathā pāśupateśvaram / śaṅkukarṇeśvaraṃ caiva gokarṇau ca tathā hyubhau
Sanskrit only: no published translation is held for this verse.
द्रुमचण्डेश्वरं नाम भद्रेश्वरम् अनुत्तमम् । स्थानेश्वरं तथैकाग्रं कालेश्वरम् अजेश्वरम्
drumacaṇḍeśvaraṃ nāma bhadreśvaram anuttamam / sthāneśvaraṃ tathaikāgraṃ kāleśvaram ajeśvaram
Sanskrit only: no published translation is held for this verse.
भैरवेश्वरम् ईशानं तथौंकारकसंज्ञितम् । अमरेशं महाकालं ज्योतिषं भस्मगात्रकम्
bhairaveśvaram īśānaṃ tathauṃkārakasaṃjñitam / amareśaṃ mahākālaṃ jyotiṣaṃ bhasmagātrakam
Sanskrit only: no published translation is held for this verse.
यानि चान्यानि पुण्यानि स्थानानि मम भूतले । अष्टषष्टिसमाख्यानि रूढान्यन्यानि कृत्स्नशः
yāni cānyāni puṇyāni sthānāni mama bhūtale / aṣṭaṣaṣṭisamākhyāni rūḍhānyanyāni kṛtsnaśaḥ
Sanskrit only: no published translation is held for this verse.
तानि सर्वाण्यशेषाणि वाराणस्यां विशन्ति माम् । सर्वपर्वसु पुण्येषु गुह्यं चैतदुदाहृतम्
tāni sarvāṇyaśeṣāṇi vārāṇasyāṃ viśanti mām / sarvaparvasu puṇyeṣu guhyaṃ caitadudāhṛtam
Sanskrit only: no published translation is held for this verse.
तेनेह लभते जन्तुर् मृतो दिव्यामृतं पदम् । स्नातस्य चैव गङ्गायां दृष्टेन च मया शुभे
teneha labhate jantur mṛto divyāmṛtaṃ padam / snātasya caiva gaṅgāyāṃ dṛṣṭena ca mayā śubhe
Sanskrit only: no published translation is held for this verse.
सर्वयज्ञफलैस्तुल्यम् इष्टैः शतसहस्रशः । सद्य एव समाप्नोति किं ततः परमाद्भुतम्
sarvayajñaphalaistulyam iṣṭaiḥ śatasahasraśaḥ / sadya eva samāpnoti kiṃ tataḥ paramādbhutam
Sanskrit only: no published translation is held for this verse.
सर्वायतनमुख्यानि दिवि भूमौ गिरिष्व् अपि । परात्परतरं देवी बुध्यस्वेति मयोदितम्
sarvāyatanamukhyāni divi bhūmau giriṣv api / parātparataraṃ devī budhyasveti mayoditam
Sanskrit only: no published translation is held for this verse.
अविशब्देन पापस्तु वेदोक्तः कथ्यते द्विजैः । तेन मुक्तं मया जुष्टम् अविमुक्तम् अत उच्यते
aviśabdena pāpastu vedoktaḥ kathyate dvijaiḥ / tena muktaṃ mayā juṣṭam avimuktam ata ucyate
Sanskrit only: no published translation is held for this verse.
इत्युक्त्वा भगवान् रुद्रः सर्वलोकमहेश्वरः । सुदृष्टं कुरु देवेशि अविमुक्तं गृहं मम
ityuktvā bhagavān rudraḥ sarvalokamaheśvaraḥ / sudṛṣṭaṃ kuru deveśi avimuktaṃ gṛhaṃ mama
Sanskrit only: no published translation is held for this verse.
<श्रीशैल> इत्युक्त्वा भगवान् देवस् तया सार्धम् उमापतिः । दर्शयामास भगवान् श्रीपर्वतमनुत्तमम्
<śrīśaila> ityuktvā bhagavān devas tayā sārdham umāpatiḥ / darśayāmāsa bhagavān śrīparvatamanuttamam
Sanskrit only: no published translation is held for this verse.
अविमुक्तेश्वरे नित्यम् अवसच्च सदा तया । सर्वगत्वाच्च सर्वत्वात् सर्वात्मा सदसन्मयः
avimukteśvare nityam avasacca sadā tayā / sarvagatvācca sarvatvāt sarvātmā sadasanmayaḥ
Sanskrit only: no published translation is held for this verse.
श्रीपर्वतमनुप्राप्य देव्या देवेश्वरो हरः । क्षेत्राणि दर्शयामास सर्वभूतपतिर्भवः
śrīparvatamanuprāpya devyā deveśvaro haraḥ / kṣetrāṇi darśayāmāsa sarvabhūtapatirbhavaḥ
Sanskrit only: no published translation is held for this verse.
कुण्डीप्रभं च परमं दिव्यं वैश्रवणेश्वरम् । आशालिङ्गं च देवेशं दिव्यं यच्च बिलेश्वरम्
kuṇḍīprabhaṃ ca paramaṃ divyaṃ vaiśravaṇeśvaram / āśāliṅgaṃ ca deveśaṃ divyaṃ yacca bileśvaram
Sanskrit only: no published translation is held for this verse.
रामेश्वरं च परमं विष्णुना यत्प्रतिष्ठितम् । दक्षिणद्वारपार्श्वे तु कुण्डलेश्वरमीश्वरम्
rāmeśvaraṃ ca paramaṃ viṣṇunā yatpratiṣṭhitam / dakṣiṇadvārapārśve tu kuṇḍaleśvaramīśvaram
Sanskrit only: no published translation is held for this verse.
पूर्वद्वारसमीपस्थं त्रिपुरान्तकमुत्तमम् । विवृद्धं गिरिणा सार्धं देवदेवनमस्कृतम्
pūrvadvārasamīpasthaṃ tripurāntakamuttamam / vivṛddhaṃ giriṇā sārdhaṃ devadevanamaskṛtam
Sanskrit only: no published translation is held for this verse.
मध्यमेश्वरमित्युक्तं त्रिषु लोकेषु विश्रुतम् । अमरेश्वरं च वरदं देवैः पूर्वं प्रतिष्ठितम्
madhyameśvaramityuktaṃ triṣu lokeṣu viśrutam / amareśvaraṃ ca varadaṃ devaiḥ pūrvaṃ pratiṣṭhitam
Sanskrit only: no published translation is held for this verse.
गोचर्मेश्वरम् ईशानं तथेन्द्रेश्वरम् अद्भुतम् । कर्मेश्वरं च विपुलं कार्यार्थं ब्रह्मणा कृतम्
gocarmeśvaram īśānaṃ tathendreśvaram adbhutam / karmeśvaraṃ ca vipulaṃ kāryārthaṃ brahmaṇā kṛtam
Sanskrit only: no published translation is held for this verse.
श्रीमत्सिद्धवटं चैव सदावासो ममाव्यये । अजेन निर्मितं दिव्यं साक्षादजबिलं शुभम्
śrīmatsiddhavaṭaṃ caiva sadāvāso mamāvyaye / ajena nirmitaṃ divyaṃ sākṣādajabilaṃ śubham
Sanskrit only: no published translation is held for this verse.
तत्रैव पादुके दिव्ये मदीये च बिलेश्वरे । तत्र शृङ्गाटकाकारं शृङ्गाटाचलमध्यमे
tatraiva pāduke divye madīye ca bileśvare / tatra śṛṅgāṭakākāraṃ śṛṅgāṭācalamadhyame
Sanskrit only: no published translation is held for this verse.
शृङ्गाटकेश्वरं नाम श्रीदेव्या तु प्रतिष्ठितम् । मल्लिकार्जुनकं चैव मम वासमिदं शुभम्
śṛṅgāṭakeśvaraṃ nāma śrīdevyā tu pratiṣṭhitam / mallikārjunakaṃ caiva mama vāsamidaṃ śubham
Sanskrit only: no published translation is held for this verse.
रजेश्वरं च पर्याये रजसा सुप्रतिष्ठितम् । गजेश्वरं च वैशाखं कपोतेश्वरमव्ययम्
rajeśvaraṃ ca paryāye rajasā supratiṣṭhitam / gajeśvaraṃ ca vaiśākhaṃ kapoteśvaramavyayam
Sanskrit only: no published translation is held for this verse.
कोटीश्वरं महातीर्थं रुद्रकोटिगणैः पुरा । सेवितं देवि पश्याद्य सर्वस्मादधिकं शुभम्
koṭīśvaraṃ mahātīrthaṃ rudrakoṭigaṇaiḥ purā / sevitaṃ devi paśyādya sarvasmādadhikaṃ śubham
Sanskrit only: no published translation is held for this verse.
द्विदेवकुलसंज्ञं च ब्रह्मणा दक्षिणे शुभम् । उत्तरे स्थापितं चैव विष्णुना चैव शैलजम्
dvidevakulasaṃjñaṃ ca brahmaṇā dakṣiṇe śubham / uttare sthāpitaṃ caiva viṣṇunā caiva śailajam
Sanskrit only: no published translation is held for this verse.
महाप्रमाणलिङ्गं च मया पूर्वं प्रतिष्ठितम् । पश्चिमे पर्वते पश्य ब्रह्मेश्वरमलेश्वरम्
mahāpramāṇaliṅgaṃ ca mayā pūrvaṃ pratiṣṭhitam / paścime parvate paśya brahmeśvaramaleśvaram
Sanskrit only: no published translation is held for this verse.
अलंकृतं त्वया ब्रह्मन् पुरस्तान् मुनिभिः सह । इत्युक्त्वा तद्गृहे तिष्ठद् अलंगृहमिति स्मृतम्
alaṃkṛtaṃ tvayā brahman purastān munibhiḥ saha / ityuktvā tadgṛhe tiṣṭhad alaṃgṛhamiti smṛtam
Sanskrit only: no published translation is held for this verse.
तत्रापि तीर्थं तीर्थज्ञे व्योमलिङ्गं च पश्य मे । कदम्बेश्वरम् एतद्धि स्कन्देनैव प्रतिष्ठितम्
tatrāpi tīrthaṃ tīrthajñe vyomaliṅgaṃ ca paśya me / kadambeśvaram etaddhi skandenaiva pratiṣṭhitam
Sanskrit only: no published translation is held for this verse.
गोमण्डलेश्वरं चैव नन्दाद्यैः सुप्रतिष्ठितम् । देवैः सर्वैस्तु शक्राद्यैः स्थापितानि वरानने
gomaṇḍaleśvaraṃ caiva nandādyaiḥ supratiṣṭhitam / devaiḥ sarvaistu śakrādyaiḥ sthāpitāni varānane
Sanskrit only: no published translation is held for this verse.
श्रीमद्देवह्रदप्रान्ते स्थानानीमानि पश्य मे । तथा हारपुरे देवि तव हारे निपातिते
śrīmaddevahradaprānte sthānānīmāni paśya me / tathā hārapure devi tava hāre nipātite
Sanskrit only: no published translation is held for this verse.
त्वया हिताय जगतां हारकुण्डमिदं कृतम् । शिवरुद्रपुरे चैव तत्कायोपरि सुव्रते
tvayā hitāya jagatāṃ hārakuṇḍamidaṃ kṛtam / śivarudrapure caiva tatkāyopari suvrate
Sanskrit only: no published translation is held for this verse.
तत्र पित्रा सुशैलेन स्थापितं त्वचलेश्वरम् । अलंकृतं मया ब्रह्म पुरस्तान् मुनिभिः सह
tatra pitrā suśailena sthāpitaṃ tvacaleśvaram / alaṃkṛtaṃ mayā brahma purastān munibhiḥ saha
Sanskrit only: no published translation is held for this verse.
चण्डिकेश्वरकं देवि चण्डिकेशा तवात्मजा । चण्डिकानिर्मितं स्थानम् अंबिकातीर्थम् उत्तमम्
caṇḍikeśvarakaṃ devi caṇḍikeśā tavātmajā / caṇḍikānirmitaṃ sthānam aṃbikātīrtham uttamam
Sanskrit only: no published translation is held for this verse.
रुचिकेश्वरकं चैव धारैषा कपिला शुभा । एतेषु देवि स्थानेषु तीर्थेषु विविधेषु च
rucikeśvarakaṃ caiva dhāraiṣā kapilā śubhā / eteṣu devi sthāneṣu tīrtheṣu vividheṣu ca
Sanskrit only: no published translation is held for this verse.
पूजयेन्मां सदा भक्त्या मया सार्धं हि मोदते । श्रीशैले संत्यजेद् देहं ब्राह्मणो दग्धकिल्बिषः
pūjayenmāṃ sadā bhaktyā mayā sārdhaṃ hi modate / śrīśaile saṃtyajed dehaṃ brāhmaṇo dagdhakilbiṣaḥ
Sanskrit only: no published translation is held for this verse.
मुच्यते नात्र संदेहो ह्य् अविमुक्ते यथा शुभम् । महास्नानं च यः कुर्याद् घृतेन विधिनैव तु
mucyate nātra saṃdeho hy avimukte yathā śubham / mahāsnānaṃ ca yaḥ kuryād ghṛtena vidhinaiva tu
Sanskrit only: no published translation is held for this verse.
स याति मम सायुज्यं स्थानेष्वेतेषु सुव्रते । स्नानं पलशतं ज्ञेयम् अभ्यङ्गं पञ्चविंशति
sa yāti mama sāyujyaṃ sthāneṣveteṣu suvrate / snānaṃ palaśataṃ jñeyam abhyaṅgaṃ pañcaviṃśati
Sanskrit only: no published translation is held for this verse.
पलानां द्वे सहस्रे तु महास्नानं प्रकीर्तितम् । स्नाप्य लिङ्गं मदीयं तु गव्येनैव घृतेन च
palānāṃ dve sahasre tu mahāsnānaṃ prakīrtitam / snāpya liṅgaṃ madīyaṃ tu gavyenaiva ghṛtena ca
Sanskrit only: no published translation is held for this verse.
विशोध्य सर्वद्रव्यैस्तु वारिभिर् अभिषिञ्चति । संमार्ज्य शतयज्ञानां स्नानेन प्रयुतं तथा
viśodhya sarvadravyaistu vāribhir abhiṣiñcati / saṃmārjya śatayajñānāṃ snānena prayutaṃ tathā
Sanskrit only: no published translation is held for this verse.
पूजया शतसाहस्रम् अनन्तं गीतवादिनाम् । महास्नाने प्रसक्तं तु स्नानमष्टगुणं स्मृतम्
pūjayā śatasāhasram anantaṃ gītavādinām / mahāsnāne prasaktaṃ tu snānamaṣṭaguṇaṃ smṛtam
Sanskrit only: no published translation is held for this verse.
जलेन केवलेनैव गन्धतोयेन भक्तितः । अनुलेपनं तु तत् सर्वं पञ्चविंशत्पलेन वै
jalena kevalenaiva gandhatoyena bhaktitaḥ / anulepanaṃ tu tat sarvaṃ pañcaviṃśatpalena vai
Sanskrit only: no published translation is held for this verse.
शमीपुष्पं च विधिना बिल्वपत्रं च पङ्कजम् । अन्यान्यपि च पुष्पाणि बिल्वपत्रं न संत्यजेत्
śamīpuṣpaṃ ca vidhinā bilvapatraṃ ca paṅkajam / anyānyapi ca puṣpāṇi bilvapatraṃ na saṃtyajet
Sanskrit only: no published translation is held for this verse.
चतुर्द्रोणैर् महादेवम् अष्टद्रोणैरथापि वा । दशद्रोणैस् तु नैवेद्यम् अष्टद्रोणैरथापि वा
caturdroṇair mahādevam aṣṭadroṇairathāpi vā / daśadroṇais tu naivedyam aṣṭadroṇairathāpi vā
Sanskrit only: no published translation is held for this verse.
शतद्रोणसमं पुण्यम् आढके ऽपि विधीयते । वित्तहीनस्य विप्रस्य नात्र कार्या विचारणा
śatadroṇasamaṃ puṇyam āḍhake 'pi vidhīyate / vittahīnasya viprasya nātra kāryā vicāraṇā
Sanskrit only: no published translation is held for this verse.
भेरीमृदङ्गमुरज- तिमिरापटहादिभिः । वादित्रैर्विविधैश्चान्यैर् निनादैर्विविधैरपि
bherīmṛdaṅgamuraja- timirāpaṭahādibhiḥ / vāditrairvividhaiścānyair ninādairvividhairapi
Sanskrit only: no published translation is held for this verse.
जागरं कारयेद्यस्तु प्रार्थयेच्च यथाक्रमम् । स भृत्यपुत्रदारैश् च तथा संबन्धिबान्धवैः
jāgaraṃ kārayedyastu prārthayecca yathākramam / sa bhṛtyaputradāraiś ca tathā saṃbandhibāndhavaiḥ
Sanskrit only: no published translation is held for this verse.
सार्धं प्रदक्षिणं कृत्वा प्रार्थयेल्लिङ्गम् उत्तमम् । द्रव्यहीनं क्रियाहीनं श्रद्धाहीनं सुरेश्वर
sārdhaṃ pradakṣiṇaṃ kṛtvā prārthayelliṅgam uttamam / dravyahīnaṃ kriyāhīnaṃ śraddhāhīnaṃ sureśvara
Sanskrit only: no published translation is held for this verse.
कृतं वा न कृतं वापि क्षन्तुमर्हसि शङ्कर । इत्युक्त्वा वै जपेद्रुद्रं त्वरितं शान्तिमेव च
kṛtaṃ vā na kṛtaṃ vāpi kṣantumarhasi śaṅkara / ityuktvā vai japedrudraṃ tvaritaṃ śāntimeva ca
Sanskrit only: no published translation is held for this verse.
जपित्वैवं महाबीजं तथा पञ्चाक्षरस्य वै । स एवं सर्वतीर्थेषु सर्वयज्ञेषु यत्फलम्
japitvaivaṃ mahābījaṃ tathā pañcākṣarasya vai / sa evaṃ sarvatīrtheṣu sarvayajñeṣu yatphalam
Sanskrit only: no published translation is held for this verse.
तत्फलं समवाप्नोति वाराणस्यां यथा मृतः । तथैव मम सायुज्यं लभते नात्र संशयः
tatphalaṃ samavāpnoti vārāṇasyāṃ yathā mṛtaḥ / tathaiva mama sāyujyaṃ labhate nātra saṃśayaḥ
Sanskrit only: no published translation is held for this verse.
मत्प्रियार्थमिदं कार्यं मद्भक्तैर्विधिपूर्वकम् । ये न कुर्वन्ति ते भक्ता न भवन्ति न संशयः
matpriyārthamidaṃ kāryaṃ madbhaktairvidhipūrvakam / ye na kurvanti te bhaktā na bhavanti na saṃśayaḥ
Sanskrit only: no published translation is held for this verse.
सूत उवाच निशम्य वचनं देवी गत्वा वाराणसीं पुरीम् । अविमुक्तेश्वरं लिङ्गं पयसा च घृतेन च
sūta uvāca niśamya vacanaṃ devī gatvā vārāṇasīṃ purīm / avimukteśvaraṃ liṅgaṃ payasā ca ghṛtena ca
Sanskrit only: no published translation is held for this verse.
अर्चयामास देवेशं रुद्रं भुवननायकम् । अविमुक्ते च तपसा मन्दरस्य महात्मनः
arcayāmāsa deveśaṃ rudraṃ bhuvananāyakam / avimukte ca tapasā mandarasya mahātmanaḥ
Sanskrit only: no published translation is held for this verse.
कल्पयामास वै क्षेत्रं मन्दरे चारुकन्दरे । तत्रान्धकं महादैत्यं हिरण्याक्षसुतं प्रभुः
kalpayāmāsa vai kṣetraṃ mandare cārukandare / tatrāndhakaṃ mahādaityaṃ hiraṇyākṣasutaṃ prabhuḥ
Sanskrit only: no published translation is held for this verse.
अनुगृह्य गणत्वं च प्रापयामास लीलया । एतद्वः कथितं सर्वं कथासर्वस्वमादरात्
anugṛhya gaṇatvaṃ ca prāpayāmāsa līlayā / etadvaḥ kathitaṃ sarvaṃ kathāsarvasvamādarāt
Sanskrit only: no published translation is held for this verse.
यः पठेच्छृणुयाद्वापि क्षेत्रमाहात्म्यमुत्तमम् । सर्वक्षेत्रेषु यत्पुण्यं तत्सर्वं सहसा लभेत्
yaḥ paṭhecchṛṇuyādvāpi kṣetramāhātmyamuttamam / sarvakṣetreṣu yatpuṇyaṃ tatsarvaṃ sahasā labhet
Sanskrit only: no published translation is held for this verse.
श्रावयेद्वा द्विजान्सर्वान् कृतशौचान् जितेन्द्रियान् । स एव सर्वयज्ञस्य फलं प्राप्नोति मानवः
śrāvayedvā dvijānsarvān kṛtaśaucān jitendriyān / sa eva sarvayajñasya phalaṃ prāpnoti mānavaḥ
Sanskrit only: no published translation is held for this verse.