Library·Liṅga Purāṇa·1·1.93
ऋषय ऊचुः अन्धको नाम दैत्येन्द्रो मन्दरे चारुकन्दरे । दमितस्तु कथं लेभे गाणपत्यं महेश्वरात्
ṛṣaya ūcuḥ andhako nāma daityendro mandare cārukandare / damitastu kathaṃ lebhe gāṇapatyaṃ maheśvarāt
Sanskrit only: no published translation is held for this verse.
वक्तुमर्हसि चास्माकं यथावृत्तं यथाश्रुतम् । सूत उवाच अन्धकानुग्रहं चैव मन्दरे शोषणं तथा
vaktumarhasi cāsmākaṃ yathāvṛttaṃ yathāśrutam / sūta uvāca andhakānugrahaṃ caiva mandare śoṣaṇaṃ tathā
Sanskrit only: no published translation is held for this verse.
वरलाभमशेषं च प्रवदामि समासतः । हिरण्याक्षस्य तनयो हिरण्यनयनोपमः
varalābhamaśeṣaṃ ca pravadāmi samāsataḥ / hiraṇyākṣasya tanayo hiraṇyanayanopamaḥ
Sanskrit only: no published translation is held for this verse.
पुरान्धक इति ख्यातस् तपसा लब्धविक्रमः । प्रसादाद्ब्रह्मणः साक्षाद् अवध्यत्वमवाप्य च
purāndhaka iti khyātas tapasā labdhavikramaḥ / prasādādbrahmaṇaḥ sākṣād avadhyatvamavāpya ca
Sanskrit only: no published translation is held for this verse.
त्रैलोक्यमखिलं भुक्त्वा जित्वा चेन्द्रपुरं पुरा । लीलया चाप्रयत्नेन त्रासयामास वासवम्
trailokyamakhilaṃ bhuktvā jitvā cendrapuraṃ purā / līlayā cāprayatnena trāsayāmāsa vāsavam
Sanskrit only: no published translation is held for this verse.
बाधितास्ताडिता बद्धाः पातितास्तेन ते सुराः । विविशुर्मन्दरं भीता नारायणपुरोगमाः
bādhitāstāḍitā baddhāḥ pātitāstena te surāḥ / viviśurmandaraṃ bhītā nārāyaṇapurogamāḥ
Sanskrit only: no published translation is held for this verse.
एवं संपीड्य वै देवान् अन्धको ऽपि महासुरः । यदृच्छया गिरिं प्राप्तो मन्दरं चारुकन्दरम्
evaṃ saṃpīḍya vai devān andhako 'pi mahāsuraḥ / yadṛcchayā giriṃ prāpto mandaraṃ cārukandaram
Sanskrit only: no published translation is held for this verse.
ततस्ते समस्ताः सुरेन्द्राः ससाध्याः सुरेशं महेशं पुरेत्याहुरेवम् । द्रुतं चाल्पवीर्यप्रभिन्नाङ्गभिन्ना वयं दैत्यराजस्य शस्त्रैर्निकृत्ताः
tataste samastāḥ surendrāḥ sasādhyāḥ sureśaṃ maheśaṃ puretyāhurevam / drutaṃ cālpavīryaprabhinnāṅgabhinnā vayaṃ daityarājasya śastrairnikṛttāḥ
Sanskrit only: no published translation is held for this verse.
इतीदमखिलं श्रुत्वा दैत्यागमम् अनौपमम् । गणेश्वरैश् च भगवान् अन्धकाभिमुखं ययौ
itīdamakhilaṃ śrutvā daityāgamam anaupamam / gaṇeśvaraiś ca bhagavān andhakābhimukhaṃ yayau
Sanskrit only: no published translation is held for this verse.
तत्रेन्द्रपद्मोद्भवविष्णुमुख्याः सुरेश्वरा विप्रवराश् च सर्वे ।* जयेति वाचा भगवन्तम् ऊचुः किरीटबद्धाञ्जलयः समन्तात् ॥ लिप् १,९३।१० ॥* अथाशेषासुरांस्तस्य कोटिकोटिशतैस् ततः । भस्मीकृत्य महादेवो निर्बिभेदान्धकं तदा
tatrendrapadmodbhavaviṣṇumukhyāḥ sureśvarā vipravarāś ca sarve /* jayeti vācā bhagavantam ūcuḥ kirīṭabaddhāñjalayaḥ samantāt // LiP 1,93.10 //* athāśeṣāsurāṃstasya koṭikoṭiśatais tataḥ / bhasmīkṛtya mahādevo nirbibhedāndhakaṃ tadā
Sanskrit only: no published translation is held for this verse.
शूलेन शूलिना प्रोतं दग्धकल्मषकञ्चुकम् । दृष्ट्वान्धकं ननादेशं प्रणम्य स पितामहः
śūlena śūlinā protaṃ dagdhakalmaṣakañcukam / dṛṣṭvāndhakaṃ nanādeśaṃ praṇamya sa pitāmahaḥ
Sanskrit only: no published translation is held for this verse.
तन्नादश्रवणान्नेदुर् देवा देवं प्रणम्य तम् । ननृतुर्मुनयः सर्वे मुमुदुर्गणपुङ्गवाः
tannādaśravaṇānnedur devā devaṃ praṇamya tam / nanṛturmunayaḥ sarve mumudurgaṇapuṅgavāḥ
Sanskrit only: no published translation is held for this verse.
ससृजुः पुष्पवर्षाणि देवाः शंभोस्तदोपरि । त्रैलोक्यमखिलं हर्षान् ननन्द च ननाद च
sasṛjuḥ puṣpavarṣāṇi devāḥ śaṃbhostadopari / trailokyamakhilaṃ harṣān nananda ca nanāda ca
Sanskrit only: no published translation is held for this verse.
दग्धो ऽग्निना च शूलेन प्रोतः प्रेत इवान्धकः । सात्त्विकं भावमास्थाय चिन्तयामास चेतसा
dagdho 'gninā ca śūlena protaḥ preta ivāndhakaḥ / sāttvikaṃ bhāvamāsthāya cintayāmāsa cetasā
Sanskrit only: no published translation is held for this verse.
जन्मान्तरे ऽपि देवेन दग्धो यस्माच्छिवेन वै । आराधितो मया शंभुः पुरा साक्षान्महेश्वरः
janmāntare 'pi devena dagdho yasmācchivena vai / ārādhito mayā śaṃbhuḥ purā sākṣānmaheśvaraḥ
Sanskrit only: no published translation is held for this verse.
तस्मादेतन्मया लब्धम् अन्यथा नोपपद्यते । यः स्मरेन्मनसा रुद्रं प्राणान्ते सकृदेव वा
tasmādetanmayā labdham anyathā nopapadyate / yaḥ smarenmanasā rudraṃ prāṇānte sakṛdeva vā
Sanskrit only: no published translation is held for this verse.
स याति शिवसायुज्यं किं पुनर्बहुशः स्मरन् । ब्रह्मा च भगवान्विष्णुः सर्वे देवाः सवासवाः
sa yāti śivasāyujyaṃ kiṃ punarbahuśaḥ smaran / brahmā ca bhagavānviṣṇuḥ sarve devāḥ savāsavāḥ
Sanskrit only: no published translation is held for this verse.
शरणं प्राप्य तिष्ठन्ति तमेव शरणं व्रजेत् । एवं संचिन्त्य तुष्टात्मा सो ऽन्धकश् चान्धकार्दनम्
śaraṇaṃ prāpya tiṣṭhanti tameva śaraṇaṃ vrajet / evaṃ saṃcintya tuṣṭātmā so 'ndhakaś cāndhakārdanam
Sanskrit only: no published translation is held for this verse.
सगणं शिवमीशानम् अस्तुवत्पुण्यगौरवात् । प्रार्थितस्तेन भगवान् परमार्तिहरो हरः
sagaṇaṃ śivamīśānam astuvatpuṇyagauravāt / prārthitastena bhagavān paramārtiharo haraḥ
Sanskrit only: no published translation is held for this verse.
हिरण्यनेत्रतनयं शूलाग्रस्थं सुरेश्वरः । प्रोवाच दानवं प्रेक्ष्य घृणया नीललोहितः
hiraṇyanetratanayaṃ śūlāgrasthaṃ sureśvaraḥ / provāca dānavaṃ prekṣya ghṛṇayā nīlalohitaḥ
Sanskrit only: no published translation is held for this verse.
तुष्टो ऽस्मि वत्स भद्रं ते कामं किं करवाणि ते । वरान्वरय दैत्येन्द्र वरदो ऽहं तवान्धक
tuṣṭo 'smi vatsa bhadraṃ te kāmaṃ kiṃ karavāṇi te / varānvaraya daityendra varado 'haṃ tavāndhaka
Sanskrit only: no published translation is held for this verse.
श्रुत्वा वाक्यं तदा शंभोर् हिरण्यनयनात्मजः । हर्षगद्गदया वाचा प्रोवाचेदं महेश्वरम्
śrutvā vākyaṃ tadā śaṃbhor hiraṇyanayanātmajaḥ / harṣagadgadayā vācā provācedaṃ maheśvaram
Sanskrit only: no published translation is held for this verse.
भगवन्देवदेवेश भक्तार्तिहर शङ्कर । त्वयि भक्तिः प्रसीदेश यदि देयो वरश् च मे
bhagavandevadeveśa bhaktārtihara śaṅkara / tvayi bhaktiḥ prasīdeśa yadi deyo varaś ca me
Sanskrit only: no published translation is held for this verse.
श्रुत्वा भवो ऽपि वचनम् अन्धकस्य महात्मनः । प्रददौ दुर्लभां श्रद्धां दैत्येन्द्राय महाद्युतिः
śrutvā bhavo 'pi vacanam andhakasya mahātmanaḥ / pradadau durlabhāṃ śraddhāṃ daityendrāya mahādyutiḥ
Sanskrit only: no published translation is held for this verse.
गाणपत्यं च दैत्याय प्रददौ चावरोप्य तम् । प्रणेमुस्तं सुरेन्द्राद्या गाणपत्ये प्रतिष्ठितम्
gāṇapatyaṃ ca daityāya pradadau cāvaropya tam / praṇemustaṃ surendrādyā gāṇapatye pratiṣṭhitam
Sanskrit only: no published translation is held for this verse.