Library·Liṅga Purāṇa·1·1.94
ऋषय ऊचुः कथमस्य पिता दैत्यो हिरण्याक्षः सुदारुणः । विष्णुना सूदितो विष्णुर् वाराहत्वं कथं गतः
ṛṣaya ūcuḥ kathamasya pitā daityo hiraṇyākṣaḥ sudāruṇaḥ / viṣṇunā sūdito viṣṇur vārāhatvaṃ kathaṃ gataḥ
Sanskrit only: no published translation is held for this verse.
तस्य शृङ्गं महेशस्य भूषणत्वं कथं गतम् । एतत्सर्वं विशेषेण सूत वक्तुमिहार्हसि
tasya śṛṅgaṃ maheśasya bhūṣaṇatvaṃ kathaṃ gatam / etatsarvaṃ viśeṣeṇa sūta vaktumihārhasi
Sanskrit only: no published translation is held for this verse.
सूत उवाच हिरण्यकशिपोर्भ्राता हिरण्याक्ष इति स्मृतः । पुरान्धकासुरेशस्य पिता कालान्तकोपमः
sūta uvāca hiraṇyakaśiporbhrātā hiraṇyākṣa iti smṛtaḥ / purāndhakāsureśasya pitā kālāntakopamaḥ
Sanskrit only: no published translation is held for this verse.
देवाञ्जित्वाथ दैत्येन्द्रो बद्ध्वा च धरणीमिमाम् । नीत्वा रसातलं चक्रे वन्दीम् इन्दीवरप्रभाम्
devāñjitvātha daityendro baddhvā ca dharaṇīmimām / nītvā rasātalaṃ cakre vandīm indīvaraprabhām
Sanskrit only: no published translation is held for this verse.
ततः सब्रह्मका देवाः परिम्लानमुखश्रियः । बाधितास्ताडिता बद्ध्वा हिरण्याक्षेण तेन वै
tataḥ sabrahmakā devāḥ parimlānamukhaśriyaḥ / bādhitāstāḍitā baddhvā hiraṇyākṣeṇa tena vai
Sanskrit only: no published translation is held for this verse.
बलिना दैत्यमुख्येन क्रूरेण सुदुरात्मना । प्रणम्य शिरसा विष्णुं दैत्यकोटिविमर्दनम्
balinā daityamukhyena krūreṇa sudurātmanā / praṇamya śirasā viṣṇuṃ daityakoṭivimardanam
Sanskrit only: no published translation is held for this verse.
सर्वे विज्ञापयामासुर् धरणीबन्धनं हरेः । श्रुत्वैतद्भगवान् विष्णुर् धरणीबन्धनं हरिः
sarve vijñāpayāmāsur dharaṇībandhanaṃ hareḥ / śrutvaitadbhagavān viṣṇur dharaṇībandhanaṃ hariḥ
Sanskrit only: no published translation is held for this verse.
भूत्वा यज्ञवराहो ऽसौ यथा लिङ्गोद्भवे तथा । दैत्यैश् च सार्धं दैत्येन्द्रं हिरण्याक्षं महाबलम्
bhūtvā yajñavarāho 'sau yathā liṅgodbhave tathā / daityaiś ca sārdhaṃ daityendraṃ hiraṇyākṣaṃ mahābalam
Sanskrit only: no published translation is held for this verse.
दंष्ट्राग्रकोट्या हत्वैनं रेजे दैत्यान्तकृत्प्रभुः । कल्पादिषु यथापूर्वं प्रविश्य च रसातलम्
daṃṣṭrāgrakoṭyā hatvainaṃ reje daityāntakṛtprabhuḥ / kalpādiṣu yathāpūrvaṃ praviśya ca rasātalam
Sanskrit only: no published translation is held for this verse.
आनीय वसुधां देवीम् अङ्कस्थामकरोद्बहिः । ततस् तुष्टाव देवेशं देवदेवः पितामहः
ānīya vasudhāṃ devīm aṅkasthāmakarodbahiḥ / tatas tuṣṭāva deveśaṃ devadevaḥ pitāmahaḥ
Sanskrit only: no published translation is held for this verse.
शक्राद्यैः सहितो भूत्वा हर्षगद्गदया गिरा । शाश्वताय वराहाय दंष्ट्रिणे दण्डिने नमः
śakrādyaiḥ sahito bhūtvā harṣagadgadayā girā / śāśvatāya varāhāya daṃṣṭriṇe daṇḍine namaḥ
Sanskrit only: no published translation is held for this verse.
नारायणाय सर्वाय ब्रह्मणे परमात्मने । कर्त्रे धर्त्रे धरायास्तु हर्त्रे देवारिणां स्वयम् । कर्त्रे नेत्रे सुरेन्द्राणां शास्त्रे च सकलस्य च
nārāyaṇāya sarvāya brahmaṇe paramātmane / kartre dhartre dharāyāstu hartre devāriṇāṃ svayam / kartre netre surendrāṇāṃ śāstre ca sakalasya ca
Sanskrit only: no published translation is held for this verse.
त्वमष्टमूर्तिस्त्वमनन्तमूर्तिस् त्वमादिदेवस्त्वमनन्तवेदितः । त्वया कृतं सर्वमिदं प्रसीद सुरेश लोकेश वराह विष्णो
tvamaṣṭamūrtistvamanantamūrtis tvamādidevastvamanantaveditaḥ / tvayā kṛtaṃ sarvamidaṃ prasīda sureśa lokeśa varāha viṣṇo
Sanskrit only: no published translation is held for this verse.
तथैकदंष्ट्राग्रमुखाग्रकोटि- भागैकभागार्धतमेन विष्णो । हताः क्षणात् कामद दैत्यमुख्याः स्वदंष्ट्रकोट्या सह पुत्रभृत्यैः
tathaikadaṃṣṭrāgramukhāgrakoṭi- bhāgaikabhāgārdhatamena viṣṇo / hatāḥ kṣaṇāt kāmada daityamukhyāḥ svadaṃṣṭrakoṭyā saha putrabhṛtyaiḥ
Sanskrit only: no published translation is held for this verse.
त्वयोद्धृता देव धरा धरेश धराधराकार धृताग्रदंष्ट्रे । धराधरैः सर्वजनैः समुद्रैः सुरासुरैः सेवितचन्द्रवक्त्र
tvayoddhṛtā deva dharā dhareśa dharādharākāra dhṛtāgradaṃṣṭre / dharādharaiḥ sarvajanaiḥ samudraiḥ surāsuraiḥ sevitacandravaktra
Sanskrit only: no published translation is held for this verse.
त्वयैव देवेश विभो कृतश् च जयः सुराणामसुरेश्वराणाम् । अहो प्रदत्तस्तु वरः प्रसीद वाग्देवता वारिजसंभवाय
tvayaiva deveśa vibho kṛtaś ca jayaḥ surāṇāmasureśvarāṇām / aho pradattastu varaḥ prasīda vāgdevatā vārijasaṃbhavāya
Sanskrit only: no published translation is held for this verse.
तव रोम्णि सकलामरेश्वरानयनद्वये शशिरवी पदद्वये ।* निहिता रसातलगता वसुंधरा तव पृष्ठतः सकलतारकादयः ॥ लिप् १,९४।१७ ॥* जगतां हिताय भवता वसुंधरा भगवन् रसातलपुटं गता तदा । अबलोद्धृता च भगवंस्तवैव सकलं त्वयैव हि धृतं जगद्गुरो
tava romṇi sakalāmareśvarānayanadvaye śaśiravī padadvaye /* nihitā rasātalagatā vasuṃdharā tava pṛṣṭhataḥ sakalatārakādayaḥ // LiP 1,94.17 //* jagatāṃ hitāya bhavatā vasuṃdharā bhagavan rasātalapuṭaṃ gatā tadā / abaloddhṛtā ca bhagavaṃstavaiva sakalaṃ tvayaiva hi dhṛtaṃ jagadguro
Sanskrit only: no published translation is held for this verse.
इति वाक्पतिर्बहुविधैस्तवार्चनैः प्रणिपत्य विष्णुममरैः प्रजापतिः । विविधान्वरान् हरिमुखात्तु लब्धवान् हरिनाभिवारिजदेहभृत् स्वयम्
iti vākpatirbahuvidhaistavārcanaiḥ praṇipatya viṣṇumamaraiḥ prajāpatiḥ / vividhānvarān harimukhāttu labdhavān harinābhivārijadehabhṛt svayam
Sanskrit only: no published translation is held for this verse.
अथ तामुद्धृतां तेन धरां देवा मुनीश्वराः । मूर्ध्न्यारोप्य नमश्चक्रुश् चक्रिणः संनिधौ तदा
atha tāmuddhṛtāṃ tena dharāṃ devā munīśvarāḥ / mūrdhnyāropya namaścakruś cakriṇaḥ saṃnidhau tadā
Sanskrit only: no published translation is held for this verse.
अनेनैव वराहेण चोद्धृतासि वरप्रदे । कृष्णेनाक्लिष्टकार्येण शतहस्तेन विष्णुना
anenaiva varāheṇa coddhṛtāsi varaprade / kṛṣṇenākliṣṭakāryeṇa śatahastena viṣṇunā
Sanskrit only: no published translation is held for this verse.
धरणि त्वं महाभोगे भूमिस्त्वं धेनुरव्यये । लोकानां धारिणी त्वं हि मृत्तिके हर पातकम्
dharaṇi tvaṃ mahābhoge bhūmistvaṃ dhenuravyaye / lokānāṃ dhāriṇī tvaṃ hi mṛttike hara pātakam
Sanskrit only: no published translation is held for this verse.
मनसा कर्मणा वाचा वरदे वारिजेक्षणे । त्वया हतेन पापेन जीवामस्त्वत्प्रसादतः
manasā karmaṇā vācā varade vārijekṣaṇe / tvayā hatena pāpena jīvāmastvatprasādataḥ
Sanskrit only: no published translation is held for this verse.
इत्युक्ता सा तदा देवी धरा देवैर् अथाब्रवीत् । वराहदंष्ट्राभिन्नायां धरायां मृत्तिकां द्विजाः
ityuktā sā tadā devī dharā devair athābravīt / varāhadaṃṣṭrābhinnāyāṃ dharāyāṃ mṛttikāṃ dvijāḥ
Sanskrit only: no published translation is held for this verse.
मन्त्रेणानेन यो बिभ्रत् मूर्ध्नि पापात्प्रमुच्यते । आयुष्मान् बलवान् धन्यः पुत्रपौत्रसमन्वितः
mantreṇānena yo bibhrat mūrdhni pāpātpramucyate / āyuṣmān balavān dhanyaḥ putrapautrasamanvitaḥ
Sanskrit only: no published translation is held for this verse.
क्रमाद्भुवि दिवं प्राप्य कर्मान्ते मोदते सुरैः । अथ देवे गते त्यक्त्वा वराहे क्षीरसागरम्
kramādbhuvi divaṃ prāpya karmānte modate suraiḥ / atha deve gate tyaktvā varāhe kṣīrasāgaram
Sanskrit only: no published translation is held for this verse.
वाराहरूपमनघं चचाल च धरा पुनः । तस्य दंष्ट्राभराक्रान्ता देवदेवस्य धीमतः
vārāharūpamanaghaṃ cacāla ca dharā punaḥ / tasya daṃṣṭrābharākrāntā devadevasya dhīmataḥ
Sanskrit only: no published translation is held for this verse.
यदृच्छया भवः पश्यन् जगाम जगदीश्वरः । दंष्ट्रां जग्राह दृष्ट्वा तां भूषणार्थमथात्मनः
yadṛcchayā bhavaḥ paśyan jagāma jagadīśvaraḥ / daṃṣṭrāṃ jagrāha dṛṣṭvā tāṃ bhūṣaṇārthamathātmanaḥ
Sanskrit only: no published translation is held for this verse.
दधार च महादेवः कूर्चान्ते वै महोरसि । देवाश् च तुष्टुवुः सेन्द्रा देवदेवस्य वैभवम्
dadhāra ca mahādevaḥ kūrcānte vai mahorasi / devāś ca tuṣṭuvuḥ sendrā devadevasya vaibhavam
Sanskrit only: no published translation is held for this verse.
धरा प्रतिष्ठिता ह्येवं देवदेवेन लीलया । भूतानां संप्लवे चापि विष्णोश्चैव कलेवरम्
dharā pratiṣṭhitā hyevaṃ devadevena līlayā / bhūtānāṃ saṃplave cāpi viṣṇoścaiva kalevaram
Sanskrit only: no published translation is held for this verse.
ब्रह्मणश् च तथान्येषां देवानामपि लीलया । विभुरङ्गविभागेन भूषितो न यदि प्रभुः
brahmaṇaś ca tathānyeṣāṃ devānāmapi līlayā / vibhuraṅgavibhāgena bhūṣito na yadi prabhuḥ
Sanskrit only: no published translation is held for this verse.
कथं विमुक्तिर्विप्राणां तस्माद्दंष्ट्री महेश्वरः
kathaṃ vimuktirviprāṇāṃ tasmāddaṃṣṭrī maheśvaraḥ
Sanskrit only: no published translation is held for this verse.