Library·Liṅga Purāṇa·1·1.95
ऋषय ऊचुः नृसिंहेन हतः पूर्वं हिरण्याक्षाग्रजः श्रुतम् । कथं निषूदितस्तेन हिरण्यकशिपुर्वद
ṛṣaya ūcuḥ nṛsiṃhena hataḥ pūrvaṃ hiraṇyākṣāgrajaḥ śrutam / kathaṃ niṣūditastena hiraṇyakaśipurvada
Sanskrit only: no published translation is held for this verse.
सूत उवाच <विष्णु त्रन्स्फ़ोर्म्स् इन्तो नृसिंह अन्द् किल्ल्स् हिरण्यकशिपु> हिरण्यकशिपोः पुत्रः प्रह्राद इति विश्रुतः । धर्मज्ञः सत्यसम्पन्नस् तपस्वी चाभवत्सुधीः
sūta uvāca <Viṣṇu transforms into Nṛsiṃha and kills Hiraṇyakaśipu> hiraṇyakaśipoḥ putraḥ prahrāda iti viśrutaḥ / dharmajñaḥ satyasampannas tapasvī cābhavatsudhīḥ
Sanskrit only: no published translation is held for this verse.
जन्मप्रभृति देवेशं पूजयामास चाव्ययम् । सर्वज्ञं सर्वगं विष्णुं सर्वदेवभवोद्भवम्
janmaprabhṛti deveśaṃ pūjayāmāsa cāvyayam / sarvajñaṃ sarvagaṃ viṣṇuṃ sarvadevabhavodbhavam
Sanskrit only: no published translation is held for this verse.
तमादिपुरुषं भक्त्या परब्रह्मस्वरूपिणम् । ब्रह्मणो ऽधिपतिं सृष्टि- स्थितिसंहारकारणम्
tamādipuruṣaṃ bhaktyā parabrahmasvarūpiṇam / brahmaṇo 'dhipatiṃ sṛṣṭi- sthitisaṃhārakāraṇam
Sanskrit only: no published translation is held for this verse.
सो ऽपि विष्णोस्तथाभूतं दृष्ट्वा पुत्रं समाहितम् । नमो नारायणायेति गोविन्देति मुहुर्मुहुः
so 'pi viṣṇostathābhūtaṃ dṛṣṭvā putraṃ samāhitam / namo nārāyaṇāyeti govindeti muhurmuhuḥ
Sanskrit only: no published translation is held for this verse.
स्तुवन्तं प्राह देवारिः प्रदहन्निव पापधीः । न मां जानासि दुर्बुद्धे सर्वदैत्यामरेश्वरम्
stuvantaṃ prāha devāriḥ pradahanniva pāpadhīḥ / na māṃ jānāsi durbuddhe sarvadaityāmareśvaram
Sanskrit only: no published translation is held for this verse.
प्रह्राद वीर दुष्पुत्र द्विजदेवार्तिकारणम् । को विष्णुः पद्मजो वापि शक्रश् च वरुणो ऽथवा
prahrāda vīra duṣputra dvijadevārtikāraṇam / ko viṣṇuḥ padmajo vāpi śakraś ca varuṇo 'thavā
Sanskrit only: no published translation is held for this verse.
वायुः सोमस्तथेशानः पावको मम यः समः । मामेवार्चय भक्त्या च स्वल्पं नारायणं सदा
vāyuḥ somastatheśānaḥ pāvako mama yaḥ samaḥ / māmevārcaya bhaktyā ca svalpaṃ nārāyaṇaṃ sadā
Sanskrit only: no published translation is held for this verse.
प्रह्राद जीविते वाञ्छा तवैषा शृणु चास्ति चेत् । श्रुत्वापि तस्य वचनं हिरण्यकशिपोः सुधीः
prahrāda jīvite vāñchā tavaiṣā śṛṇu cāsti cet / śrutvāpi tasya vacanaṃ hiraṇyakaśipoḥ sudhīḥ
Sanskrit only: no published translation is held for this verse.
प्रह्रादः पूजयामास नमो नारायणेति च । नमो नारायणायेति सर्वदैत्यकुमारकान्
prahrādaḥ pūjayāmāsa namo nārāyaṇeti ca / namo nārāyaṇāyeti sarvadaityakumārakān
Sanskrit only: no published translation is held for this verse.
अध्यापयामास च तां ब्रह्मविद्यां सुशोभनाम् । दुर्लङ्घ्यां चात्मनो दृष्ट्वा शक्रादिभिर् अपि स्वयम्
adhyāpayāmāsa ca tāṃ brahmavidyāṃ suśobhanām / durlaṅghyāṃ cātmano dṛṣṭvā śakrādibhir api svayam
Sanskrit only: no published translation is held for this verse.
पुत्रेण लङ्घितामाज्ञां हिरण्यः प्राह दानवान् । एतं नानाविधैर्वध्यं दुष्पुत्रं हन्तुमर्हथ
putreṇa laṅghitāmājñāṃ hiraṇyaḥ prāha dānavān / etaṃ nānāvidhairvadhyaṃ duṣputraṃ hantumarhatha
Sanskrit only: no published translation is held for this verse.
एवमुक्तास्तदा तेन दैत्येन सुदुरात्मना । निजघ्नुर्देवदेवस्य भृत्यं प्रह्रादमव्ययम्
evamuktāstadā tena daityena sudurātmanā / nijaghnurdevadevasya bhṛtyaṃ prahrādamavyayam
Sanskrit only: no published translation is held for this verse.
तत्र तत्प्रतिकृतं तदा सुरैर् दैत्यराजतनयं द्विजोत्तमाः । क्षीरवारिनिधिशायिनः प्रभोर् निष्फलं त्वथ बभूव तेजसा
tatra tatpratikṛtaṃ tadā surair daityarājatanayaṃ dvijottamāḥ / kṣīravārinidhiśāyinaḥ prabhor niṣphalaṃ tvatha babhūva tejasā
Sanskrit only: no published translation is held for this verse.
तदाथ गर्वभिन्नस्य हिरण्यकशिपोः प्रभुः । तत्रैवाविरभूद्धन्तुं नृसिंहाकृतिमास्थितः
tadātha garvabhinnasya hiraṇyakaśipoḥ prabhuḥ / tatraivāvirabhūddhantuṃ nṛsiṃhākṛtimāsthitaḥ
Sanskrit only: no published translation is held for this verse.
जघान च सुतं प्रेक्ष्य पितरं दानवाधमम् । बिभेद तत्क्षणादेव करजैर् निशितैः शतैः
jaghāna ca sutaṃ prekṣya pitaraṃ dānavādhamam / bibheda tatkṣaṇādeva karajair niśitaiḥ śataiḥ
Sanskrit only: no published translation is held for this verse.
ततो निहत्य तं दैत्यं सबान्धवमघापहः । पीडयामास दैत्येन्द्रं युगान्ताग्निरिवापरः
tato nihatya taṃ daityaṃ sabāndhavamaghāpahaḥ / pīḍayāmāsa daityendraṃ yugāntāgnirivāparaḥ
Sanskrit only: no published translation is held for this verse.
नादैस्तस्य नृसिंहस्य घोरैर्वित्रासितं जगत् । आ ब्रह्मभुवनाद् विप्राः प्रचचाल च सुव्रताः
nādaistasya nṛsiṃhasya ghorairvitrāsitaṃ jagat / ā brahmabhuvanād viprāḥ pracacāla ca suvratāḥ
Sanskrit only: no published translation is held for this verse.
दृष्ट्वा सुरासुरमहोरगसिद्धसाध्यास् तस्मिन् क्षणे हरिविरिञ्चिमुखा नृसिंहम् । धैर्यं बलं च समवाप्य ययुर्विसृज्य आ दिङ्मुखान्तम् असुरक्षणतत्पराश् च
dṛṣṭvā surāsuramahoragasiddhasādhyās tasmin kṣaṇe hariviriñcimukhā nṛsiṃham / dhairyaṃ balaṃ ca samavāpya yayurvisṛjya ā diṅmukhāntam asurakṣaṇatatparāś ca
Sanskrit only: no published translation is held for this verse.
ततस्तैर्गतैः सैष देवो नृसिंहः सहस्राकृतिः सर्वपात् सर्वबाहुः । सहस्रेक्षणः सोमसूर्याग्निनेत्रस् तदा संस्थितः सर्वमावृत्य मायी
tatastairgataiḥ saiṣa devo nṛsiṃhaḥ sahasrākṛtiḥ sarvapāt sarvabāhuḥ / sahasrekṣaṇaḥ somasūryāgninetras tadā saṃsthitaḥ sarvamāvṛtya māyī
Sanskrit only: no published translation is held for this verse.
तं तुष्टुवुः सुरश्रेष्ठा लोका लोकाचले स्थिताः । सब्रह्मकाः ससाध्याश् च सयमाः समरुद्गणाः
taṃ tuṣṭuvuḥ suraśreṣṭhā lokā lokācale sthitāḥ / sabrahmakāḥ sasādhyāś ca sayamāḥ samarudgaṇāḥ
Sanskrit only: no published translation is held for this verse.
परात्परतरं ब्रह्म तत्त्वात् तत्त्वतमं भवान् । ज्योतिषां तु परं ज्योतिः परमात्मा जगन्मयः
parātparataraṃ brahma tattvāt tattvatamaṃ bhavān / jyotiṣāṃ tu paraṃ jyotiḥ paramātmā jaganmayaḥ
Sanskrit only: no published translation is held for this verse.
स्थूलं सूक्ष्मं सुसूक्ष्मं च शब्दब्रह्ममयः शुभः । वागतीतो निरालंबो निर्द्वन्द्वो निरुपप्लवः
sthūlaṃ sūkṣmaṃ susūkṣmaṃ ca śabdabrahmamayaḥ śubhaḥ / vāgatīto nirālaṃbo nirdvandvo nirupaplavaḥ
Sanskrit only: no published translation is held for this verse.
यज्ञभुग्यज्ञमूर्तिस्त्वं यज्ञिनां फलदः प्रभुः । भवान्मत्स्याकृतिः कौर्मम् आस्थाय जगति स्थितः
yajñabhugyajñamūrtistvaṃ yajñināṃ phaladaḥ prabhuḥ / bhavānmatsyākṛtiḥ kaurmam āsthāya jagati sthitaḥ
Sanskrit only: no published translation is held for this verse.
वाराहीं चैव तां सैंहीम् आस्थायेहव्यवस्थितः । देवानां देवरक्षार्थं निहत्य दितिजेश्वरम्
vārāhīṃ caiva tāṃ saiṃhīm āsthāyehavyavasthitaḥ / devānāṃ devarakṣārthaṃ nihatya ditijeśvaram
Sanskrit only: no published translation is held for this verse.
द्विजशापच्छलेनैवम् अवतीर्णो ऽसि लीलया । न दृष्टं यत्त्वदन्यं हि भवान् सर्वं चराचरम्
dvijaśāpacchalenaivam avatīrṇo 'si līlayā / na dṛṣṭaṃ yattvadanyaṃ hi bhavān sarvaṃ carācaram
Sanskrit only: no published translation is held for this verse.
भवान्विष्णुर्भवान् रुद्रो भवानेव पितामहः । भवानादिर्भवानन्तो भवानेव वयं विभो
bhavānviṣṇurbhavān rudro bhavāneva pitāmahaḥ / bhavānādirbhavānanto bhavāneva vayaṃ vibho
Sanskrit only: no published translation is held for this verse.
भवानेव जगत्सर्वं प्रलापेन किमीश्वर । मायया बहुधा संस्थम् अद्वितीयमयं प्रभो
bhavāneva jagatsarvaṃ pralāpena kimīśvara / māyayā bahudhā saṃstham advitīyamayaṃ prabho
Sanskrit only: no published translation is held for this verse.
स्तोष्यामस्त्वां कथं भासि देवदेव मृगाधिप । स्तुतो ऽपि विविधैः स्तुत्यैर् भावैर्नानाविधैः प्रभुः
stoṣyāmastvāṃ kathaṃ bhāsi devadeva mṛgādhipa / stuto 'pi vividhaiḥ stutyair bhāvairnānāvidhaiḥ prabhuḥ
Sanskrit only: no published translation is held for this verse.
न जगाम द्विजाः शान्तिं मानयन्योनिमात्मनः । यो नृसिंहस्तवं भक्त्या पठेद्वार्थं विचारयेत्
na jagāma dvijāḥ śāntiṃ mānayanyonimātmanaḥ / yo nṛsiṃhastavaṃ bhaktyā paṭhedvārthaṃ vicārayet
Sanskrit only: no published translation is held for this verse.
श्रावयेद्वा द्विजान्सर्वान् विष्णुलोके महीयते । <देवस् तके रेफ़ुगे तो शिव> तदन्तरे शिवं देवाः सेन्द्राः सब्रह्मकाः प्रभुम्
śrāvayedvā dvijānsarvān viṣṇuloke mahīyate / <devas take refuge to Śiva> tadantare śivaṃ devāḥ sendrāḥ sabrahmakāḥ prabhum
Sanskrit only: no published translation is held for this verse.
सम्प्राप्य तुष्टुवुः सर्वं विज्ञाप्य मृगरूपिणः । ततो ब्रह्मादयस्तूर्णं संस्तूय परमेश्वरम्
samprāpya tuṣṭuvuḥ sarvaṃ vijñāpya mṛgarūpiṇaḥ / tato brahmādayastūrṇaṃ saṃstūya parameśvaram
Sanskrit only: no published translation is held for this verse.
आत्मत्राणाय शरणं जग्मुः परमकारणम् । मन्दरस्थं महादेवं क्रीडमानं सहोमया
ātmatrāṇāya śaraṇaṃ jagmuḥ paramakāraṇam / mandarasthaṃ mahādevaṃ krīḍamānaṃ sahomayā
Sanskrit only: no published translation is held for this verse.
सेवितं गणगन्धर्वैः सिद्धैरप्सरसां गणैः । देवताभिः सह ब्रह्मा भीतभीतः सगद्गदम् । प्रणम्य दण्डवद्भूमौ तुष्टाव परमेश्वरम्
sevitaṃ gaṇagandharvaiḥ siddhairapsarasāṃ gaṇaiḥ / devatābhiḥ saha brahmā bhītabhītaḥ sagadgadam / praṇamya daṇḍavadbhūmau tuṣṭāva parameśvaram
Sanskrit only: no published translation is held for this verse.
ब्रह्मोवाच नमस्ते कालकालाय नमस्ते रुद्र मन्यवे । नमः शिवाय रुद्राय शङ्कराय शिवाय ते
brahmovāca namaste kālakālāya namaste rudra manyave / namaḥ śivāya rudrāya śaṅkarāya śivāya te
Sanskrit only: no published translation is held for this verse.
उग्रो ऽसि सर्वभूतानां नियन्तासि शिवो ऽसि नः । नमः शिवाय शर्वाय शङ्करायार्त्तिहारिणे
ugro 'si sarvabhūtānāṃ niyantāsi śivo 'si naḥ / namaḥ śivāya śarvāya śaṅkarāyārttihāriṇe
Sanskrit only: no published translation is held for this verse.
मयस्कराय विश्वाय विष्णवे ब्रह्मणे नमः । अन्तकाय नमस्तुभ्यम् उमायाः पतये नमः
mayaskarāya viśvāya viṣṇave brahmaṇe namaḥ / antakāya namastubhyam umāyāḥ pataye namaḥ
Sanskrit only: no published translation is held for this verse.
हिरण्यबाहवे साक्षाद् धिरण्यपतये नमः । शर्वाय सर्वरूपाय पुरुषाय नमोनमः
hiraṇyabāhave sākṣād dhiraṇyapataye namaḥ / śarvāya sarvarūpāya puruṣāya namonamaḥ
Sanskrit only: no published translation is held for this verse.
सदसद्व्यक्तिहीनाय महतः कारणाय ते । नित्याय विश्वरूपाय जायमानाय ते नमः
sadasadvyaktihīnāya mahataḥ kāraṇāya te / nityāya viśvarūpāya jāyamānāya te namaḥ
Sanskrit only: no published translation is held for this verse.
जाताय बहुधा लोके प्रभूताय नमोनमः । रुद्राय नीलरुद्राय कद्रुद्राय प्रचेतसे
jātāya bahudhā loke prabhūtāya namonamaḥ / rudrāya nīlarudrāya kadrudrāya pracetase
Sanskrit only: no published translation is held for this verse.
कालाय कालरूपाय नमः कालाङ्गहारिणे । मीढुष्टमाय देवाय शितिकण्ठाय ते नमः
kālāya kālarūpāya namaḥ kālāṅgahāriṇe / mīḍhuṣṭamāya devāya śitikaṇṭhāya te namaḥ
Sanskrit only: no published translation is held for this verse.
महीयसे नमस्तुभ्यं हन्त्रे देवारिणां सदा । ताराय च सुताराय तारणाय नमोनमः
mahīyase namastubhyaṃ hantre devāriṇāṃ sadā / tārāya ca sutārāya tāraṇāya namonamaḥ
Sanskrit only: no published translation is held for this verse.
हरिकेशाय देवाय शंभवे परमात्मने । देवानां शंभवे तुभ्यं भूतानां शंभवे नमः
harikeśāya devāya śaṃbhave paramātmane / devānāṃ śaṃbhave tubhyaṃ bhūtānāṃ śaṃbhave namaḥ
Sanskrit only: no published translation is held for this verse.
शम्भवे हैमवत्याश् च मन्यवे रुद्ररूपिणे । कपर्दिने नमस्तुभ्यं कालकण्ठाय ते नमः
śambhave haimavatyāś ca manyave rudrarūpiṇe / kapardine namastubhyaṃ kālakaṇṭhāya te namaḥ
Sanskrit only: no published translation is held for this verse.
हिरण्याय महेशाय श्रीकण्ठाय नमोनमः । भस्मदिग्धशरीराय दण्डमुण्डीश्वराय च
hiraṇyāya maheśāya śrīkaṇṭhāya namonamaḥ / bhasmadigdhaśarīrāya daṇḍamuṇḍīśvarāya ca
Sanskrit only: no published translation is held for this verse.
नमो ह्रस्वाय दीर्घाय वामनाय नमोनमः । नम उग्रत्रिशूलाय उग्राय च नमो नमः
namo hrasvāya dīrghāya vāmanāya namonamaḥ / nama ugratriśūlāya ugrāya ca namo namaḥ
Sanskrit only: no published translation is held for this verse.
भीमाय भीमरूपाय भीमकर्मरताय ते । अग्रेवधाय वै भूत्वा नमो दूरेवधाय च
bhīmāya bhīmarūpāya bhīmakarmaratāya te / agrevadhāya vai bhūtvā namo dūrevadhāya ca
Sanskrit only: no published translation is held for this verse.
धन्विने शूलिने तुभ्यं गदिने हलिने नमः । चक्रिणे वर्मिणे नित्यं दैत्यानां कर्मभेदिने
dhanvine śūline tubhyaṃ gadine haline namaḥ / cakriṇe varmiṇe nityaṃ daityānāṃ karmabhedine
Sanskrit only: no published translation is held for this verse.
सद्याय सद्यरूपाय सद्योजाताय ते नमः । वामाय वामरूपाय वामनेत्राय ते नमः
sadyāya sadyarūpāya sadyojātāya te namaḥ / vāmāya vāmarūpāya vāmanetrāya te namaḥ
Sanskrit only: no published translation is held for this verse.
अघोररूपाय विकटाय विकटशरीराय ते नमः ।* पुरुषरूपाय पुरुषैकतत्पुरुषाय वै नमः ॥ लिप् १,९५।५० ॥* पुरुषार्थप्रदानाय पतये परमेष्ठिने । ईशानाय नमस्तुभ्यम् ईश्वराय नमोनमः
aghorarūpāya vikaṭāya vikaṭaśarīrāya te namaḥ /* puruṣarūpāya puruṣaikatatpuruṣāya vai namaḥ // LiP 1,95.50 //* puruṣārthapradānāya pataye parameṣṭhine / īśānāya namastubhyam īśvarāya namonamaḥ
Sanskrit only: no published translation is held for this verse.
ब्रह्मणे ब्रह्मरूपाय नमः साक्षाच्छिवाय ते । सर्वविष्णुर्नृसिंहस्य रूपमास्थाय विश्वकृत्
brahmaṇe brahmarūpāya namaḥ sākṣācchivāya te / sarvaviṣṇurnṛsiṃhasya rūpamāsthāya viśvakṛt
Sanskrit only: no published translation is held for this verse.
हिरण्यकशिपुं हत्वा करजैर्निशितैः स्वयम् । दैत्येन्द्रैर्बहुभिः सार्धं हितार्थं जगतां प्रभुः
hiraṇyakaśipuṃ hatvā karajairniśitaiḥ svayam / daityendrairbahubhiḥ sārdhaṃ hitārthaṃ jagatāṃ prabhuḥ
Sanskrit only: no published translation is held for this verse.
सैंहीं समानयन्योनिं बाधते निखिलं जगत् । यत्कृत्यमत्र देवेश तत्कुरुष्व भवानिह
saiṃhīṃ samānayanyoniṃ bādhate nikhilaṃ jagat / yatkṛtyamatra deveśa tatkuruṣva bhavāniha
Sanskrit only: no published translation is held for this verse.
उग्रो ऽसि सर्वदुष्टानां नियन्तासि शिवो ऽसि नः । कालकूटादिवपुषा त्राहि नः शरणागतान्
ugro 'si sarvaduṣṭānāṃ niyantāsi śivo 'si naḥ / kālakūṭādivapuṣā trāhi naḥ śaraṇāgatān
Sanskrit only: no published translation is held for this verse.
शुक्रं तु वृत्तं विश्वेश क्रीडा वै केवलं वयम् । तवोन्मेषनिमेषाभ्याम् अस्माकं प्रलयोदयौ
śukraṃ tu vṛttaṃ viśveśa krīḍā vai kevalaṃ vayam / tavonmeṣanimeṣābhyām asmākaṃ pralayodayau
Sanskrit only: no published translation is held for this verse.
उन्मीलयेत् त्वयि ब्रह्मन् विनाशो ऽस्ति न ते शिव । संतप्तास्मो वयं देव हरिणामिततेजसा
unmīlayet tvayi brahman vināśo 'sti na te śiva / saṃtaptāsmo vayaṃ deva hariṇāmitatejasā
Sanskrit only: no published translation is held for this verse.
सर्वलोकहितायैनं तत्त्वं संहर्तुमिच्छसि । सूत उवाच विज्ञापितस् तथा देवः प्रहसन्प्राह तान् सुरान्
sarvalokahitāyainaṃ tattvaṃ saṃhartumicchasi / sūta uvāca vijñāpitas tathā devaḥ prahasanprāha tān surān
Sanskrit only: no published translation is held for this verse.
अभयं च ददौ तेषां हनिष्यामीति तं प्रभुः । सो ऽपि शक्रः सुरैः सार्धं प्रणिपत्य यथागतम्
abhayaṃ ca dadau teṣāṃ haniṣyāmīti taṃ prabhuḥ / so 'pi śakraḥ suraiḥ sārdhaṃ praṇipatya yathāgatam
Sanskrit only: no published translation is held for this verse.
जगाम भगवान् ब्रह्मा तथान्ये च सुरोत्तमाः । अथोत्थाय महादेवः शारभं रूपमास्थितः
jagāma bhagavān brahmā tathānye ca surottamāḥ / athotthāya mahādevaḥ śārabhaṃ rūpamāsthitaḥ
Sanskrit only: no published translation is held for this verse.
ययौ प्रान्ते नृसिंहस्य गर्वितस्य मृगाशिनः । अपहृत्य तदा प्राणान् शरभः सुरपूजितः
yayau prānte nṛsiṃhasya garvitasya mṛgāśinaḥ / apahṛtya tadā prāṇān śarabhaḥ surapūjitaḥ
Sanskrit only: no published translation is held for this verse.
सिंहात्ततो नरो भूत्वा जगाम च यथाक्रमम् । एवं स्तुतस्तदा देवैर् जगाम स यथाक्रमम्
siṃhāttato naro bhūtvā jagāma ca yathākramam / evaṃ stutastadā devair jagāma sa yathākramam
Sanskrit only: no published translation is held for this verse.
यः पठेच्छृणुयाद्वापि संस्तवं शार्वमुत्तमम् । रुद्रलोकमनुप्राप्य रुद्रेण सह मोदते
yaḥ paṭhecchṛṇuyādvāpi saṃstavaṃ śārvamuttamam / rudralokamanuprāpya rudreṇa saha modate
Sanskrit only: no published translation is held for this verse.