ऋषय ऊचुः कथं देवो महादेवो विश्वसंहारकारकः । शरभाख्यं महाघोरं विकृतं रूपमास्थितः
ṛṣaya ūcuḥ kathaṃ devo mahādevo viśvasaṃhārakārakaḥ / śarabhākhyaṃ mahāghoraṃ vikṛtaṃ rūpamāsthitaḥ
Sanskrit only: no published translation is held for this verse.
Library·Liṅga Purāṇa·1·1.96
Liṅga Purāṇa 1.96
किं किं धैर्यं कृतं तेन ब्रूहि सर्वम् अशेषतः । सूत उवाच एवमभ्यर्थितो देवैर् मतिं चक्रे कृपालयः
kiṃ kiṃ dhairyaṃ kṛtaṃ tena brūhi sarvam aśeṣataḥ / sūta uvāca evamabhyarthito devair matiṃ cakre kṛpālayaḥ
Sanskrit only: no published translation is held for this verse.
यत्तेजस्तु नृसिंहाख्यं संहर्तुं परमेश्वरः । तदर्थं स्मृतवान् रुद्रो वीरभद्रं महाबलम्
yattejastu nṛsiṃhākhyaṃ saṃhartuṃ parameśvaraḥ / tadarthaṃ smṛtavān rudro vīrabhadraṃ mahābalam
Sanskrit only: no published translation is held for this verse.
<भैरव (देस्च्रिप्तिओन्)> आत्मनो भैरवं रूपं महाप्रलयकारकम् । आजगाम पुरा सद्यो गणानामग्रतो हसन्
<Bhairava (description)> ātmano bhairavaṃ rūpaṃ mahāpralayakārakam / ājagāma purā sadyo gaṇānāmagrato hasan
Sanskrit only: no published translation is held for this verse.
साट्टहासैर् गणवरैर् उत्पतद्भिर् इतस्ततः । नृसिंहरूपैरत्युग्रैः कोटिभिः परिवारितः
sāṭṭahāsair gaṇavarair utpatadbhir itastataḥ / nṛsiṃharūpairatyugraiḥ koṭibhiḥ parivāritaḥ
Sanskrit only: no published translation is held for this verse.
तावद्भिर् अभितो वीरैर् नृत्यद्भिश् च मुदान्वितैः । क्रीडद्भिश् च महाधीरैर् ब्रह्माद्यैः कन्दुकैरिव
tāvadbhir abhito vīrair nṛtyadbhiś ca mudānvitaiḥ / krīḍadbhiś ca mahādhīrair brahmādyaiḥ kandukairiva
Sanskrit only: no published translation is held for this verse.
अदृष्टपूर्वैरन्यैश् च वेष्टितो वीरवन्दितः । कल्पान्तज्वलनज्वालो विलसल्लोचनत्रयः
adṛṣṭapūrvairanyaiś ca veṣṭito vīravanditaḥ / kalpāntajvalanajvālo vilasallocanatrayaḥ
Sanskrit only: no published translation is held for this verse.
आत्तशस्त्रो जटाजूटे ज्वलद्बालेन्दुमण्डितः । बालेन्दुद्वितयाकार- तीक्ष्णदंष्ट्राङ्कुरद्वयः
āttaśastro jaṭājūṭe jvaladbālendumaṇḍitaḥ / bālendudvitayākāra- tīkṣṇadaṃṣṭrāṅkuradvayaḥ
Sanskrit only: no published translation is held for this verse.
आखण्डलधनुःखण्ड- संनिभभ्रूलतायुतः । महाप्रचण्डहुङ्कार- बधिरीकृतदिङ्मुखः
ākhaṇḍaladhanuḥkhaṇḍa- saṃnibhabhrūlatāyutaḥ / mahāpracaṇḍahuṅkāra- badhirīkṛtadiṅmukhaḥ
Sanskrit only: no published translation is held for this verse.
नीलमेघाञ्जनाकार- भीषणश्मश्रुरद्भुतः । वादखण्डम् अखण्डाभ्यां भ्रामयंस्त्रिशिखं मुहुः
nīlameghāñjanākāra- bhīṣaṇaśmaśruradbhutaḥ / vādakhaṇḍam akhaṇḍābhyāṃ bhrāmayaṃstriśikhaṃ muhuḥ
Sanskrit only: no published translation is held for this verse.
वीरभद्रो ऽपि भगवान् वीरशक्तिविजृम्भितः । स्वयं विज्ञापयामास किमत्र स्मृतिकारणम्
vīrabhadro 'pi bhagavān vīraśaktivijṛmbhitaḥ / svayaṃ vijñāpayāmāsa kimatra smṛtikāraṇam
Sanskrit only: no published translation is held for this verse.
आज्ञापय जगत्स्वामिन् प्रसादः क्रियतां मयि । <शिव ओर्देर्स् थे देस्त्रुच्तिओन् ओफ़् नृसिंह> श्रीभगवानुवाच अकाले भयमुत्पन्नं देवानामपि भैरव
ājñāpaya jagatsvāmin prasādaḥ kriyatāṃ mayi / <Śiva orders the destruction of Nṛsiṃha> śrībhagavānuvāca akāle bhayamutpannaṃ devānāmapi bhairava
Sanskrit only: no published translation is held for this verse.
ज्वलितः स नृसिंहाग्निः शमयैनं दुरासदम् । सान्त्वयन् बोधयादौ तं तेन किं नोपशाम्यति
jvalitaḥ sa nṛsiṃhāgniḥ śamayainaṃ durāsadam / sāntvayan bodhayādau taṃ tena kiṃ nopaśāmyati
Sanskrit only: no published translation is held for this verse.
ततो मत्परमं भावं भैरवं संप्रदर्शय । सूक्ष्मं सूक्ष्मेण संहृत्य स्थूलं स्थूलेन तेजसा
tato matparamaṃ bhāvaṃ bhairavaṃ saṃpradarśaya / sūkṣmaṃ sūkṣmeṇa saṃhṛtya sthūlaṃ sthūlena tejasā
Sanskrit only: no published translation is held for this verse.
वक्त्रमानय कृत्तिं च वीरभद्र ममाज्ञया । इत्यादिष्टो गणाध्यक्षः प्रशान्तवपुरास्थितः
vaktramānaya kṛttiṃ ca vīrabhadra mamājñayā / ityādiṣṭo gaṇādhyakṣaḥ praśāntavapurāsthitaḥ
Sanskrit only: no published translation is held for this verse.
जगाम रंहसा तत्र यत्रास्ते नरकेसरी । ततस्तं बोधयामास वीरभद्रो हरो हरिम्
jagāma raṃhasā tatra yatrāste narakesarī / tatastaṃ bodhayāmāsa vīrabhadro haro harim
Sanskrit only: no published translation is held for this verse.
उवाच वाक्यमीशानः पिता पुत्रमिवौरसम् । <दिस्चुस्सिओन् ओफ़् नृसिंह अन्द् वीरभद्र> श्रीवीरभद्र उवाच जगत्सुखाय भगवन्न् अवतीर्णो ऽसि माधव
uvāca vākyamīśānaḥ pitā putramivaurasam / <discussion of Nṛsiṃha and Vīrabhadra> śrīvīrabhadra uvāca jagatsukhāya bhagavann avatīrṇo 'si mādhava
Sanskrit only: no published translation is held for this verse.
स्थित्यर्थेन च युक्तो ऽसि परेण परमेष्ठिना । जन्तुचक्रं भगवता रक्षितं मत्स्यरूपिणा
sthityarthena ca yukto 'si pareṇa parameṣṭhinā / jantucakraṃ bhagavatā rakṣitaṃ matsyarūpiṇā
Sanskrit only: no published translation is held for this verse.
पुच्छेनैव समाबध्य भ्रमन्नेकार्णवे पुरा । बिभर्षि कूर्मरूपेण वाराहेणोद्धृता मही
pucchenaiva samābadhya bhramannekārṇave purā / bibharṣi kūrmarūpeṇa vārāheṇoddhṛtā mahī
Sanskrit only: no published translation is held for this verse.
अनेन हरिरूपेण हिरण्यकशिपुर्हतः । वामनेन बलिर्बद्धस् त्वया विक्रमता पुनः
anena harirūpeṇa hiraṇyakaśipurhataḥ / vāmanena balirbaddhas tvayā vikramatā punaḥ
Sanskrit only: no published translation is held for this verse.
त्वम् एव सर्वभूतानां प्रभावः प्रभुर् अव्ययः । यदा यदा हि लोकस्य दुःखं किंचित् प्रजायते
tvam eva sarvabhūtānāṃ prabhāvaḥ prabhur avyayaḥ / yadā yadā hi lokasya duḥkhaṃ kiṃcit prajāyate
Sanskrit only: no published translation is held for this verse.
तदा तदावतीर्णस्त्वं करिष्यसि निरामयम् । नाधिकस्त्वत्समो ऽप्यस्ति हरे शिवपरायण
tadā tadāvatīrṇastvaṃ kariṣyasi nirāmayam / nādhikastvatsamo 'pyasti hare śivaparāyaṇa
Sanskrit only: no published translation is held for this verse.
त्वया धर्माश् च वेदाश् च शुभे मार्गे प्रतिष्ठिताः । यदर्थम् अवतारो ऽयं निहतः सो ऽपि केशव
tvayā dharmāś ca vedāś ca śubhe mārge pratiṣṭhitāḥ / yadartham avatāro 'yaṃ nihataḥ so 'pi keśava
Sanskrit only: no published translation is held for this verse.
अत्यन्तघोरं भगवन् नरसिंह वपुस्तव । उपसंहर विश्वात्मंस् त्वमेव मम संनिधौ
atyantaghoraṃ bhagavan narasiṃha vapustava / upasaṃhara viśvātmaṃs tvameva mama saṃnidhau
Sanskrit only: no published translation is held for this verse.
सूत उवाच इत्युक्तो वीरभद्रेण नृसिंहः शान्तया गिरा । ततो ऽधिकं महाघोरं कोपं प्रज्वालयद्धरिः
sūta uvāca ityukto vīrabhadreṇa nṛsiṃhaḥ śāntayā girā / tato 'dhikaṃ mahāghoraṃ kopaṃ prajvālayaddhariḥ
Sanskrit only: no published translation is held for this verse.
श्रीनृसिंह उवाच आगतो ऽसि यतस्तत्र गच्छ त्वं मा हितं वद । इदानीं संहरिष्यामि जगदेतच्चराचरम्
śrīnṛsiṃha uvāca āgato 'si yatastatra gaccha tvaṃ mā hitaṃ vada / idānīṃ saṃhariṣyāmi jagadetaccarācaram
Sanskrit only: no published translation is held for this verse.
संहर्तुर् न हि संहारः स्वतो वा परतो ऽपि वा । शासितं मम सर्वत्र शास्ता को ऽपि न विद्यते
saṃhartur na hi saṃhāraḥ svato vā parato 'pi vā / śāsitaṃ mama sarvatra śāstā ko 'pi na vidyate
Sanskrit only: no published translation is held for this verse.
मत्प्रसादेन सकलं समर्यादं प्रवर्तते । अहं हि सर्वशक्तीनां प्रवर्तकनिवर्तकः
matprasādena sakalaṃ samaryādaṃ pravartate / ahaṃ hi sarvaśaktīnāṃ pravartakanivartakaḥ
Sanskrit only: no published translation is held for this verse.
यद् यद् विभूतिमत् सत्त्वं श्रीमदूर्जितमेव वा । तत्तद्विद्धि गणाध्यक्ष मम तेजोविजृम्भितम्
yad yad vibhūtimat sattvaṃ śrīmadūrjitameva vā / tattadviddhi gaṇādhyakṣa mama tejovijṛmbhitam
Sanskrit only: no published translation is held for this verse.
देवतापरमार्थज्ञा ममैव परमं विदुः । मदंशाः शक्तिसम्पन्ना ब्रह्मशक्रादयः सुराः
devatāparamārthajñā mamaiva paramaṃ viduḥ / madaṃśāḥ śaktisampannā brahmaśakrādayaḥ surāḥ
Sanskrit only: no published translation is held for this verse.
मन्नाभिपङ्कजाज्जातः पुरा ब्रह्मा चतुर्मुखः । तल्ललाटसमुत्पन्नो भगवान्वृषभध्वजः
mannābhipaṅkajājjātaḥ purā brahmā caturmukhaḥ / tallalāṭasamutpanno bhagavānvṛṣabhadhvajaḥ
Sanskrit only: no published translation is held for this verse.
रजसाधिष्ठितः स्रष्टा रुद्रस्तामस उच्यते । अहं नियन्ता सर्वस्य मत्परं नास्ति दैवतम्
rajasādhiṣṭhitaḥ sraṣṭā rudrastāmasa ucyate / ahaṃ niyantā sarvasya matparaṃ nāsti daivatam
Sanskrit only: no published translation is held for this verse.
विश्वाधिकः स्वतन्त्रश् च कर्ता हर्ताखिलेश्वरः । इदं तु मत्परं तेजः कः पुनः श्रोतुमिच्छति
viśvādhikaḥ svatantraś ca kartā hartākhileśvaraḥ / idaṃ tu matparaṃ tejaḥ kaḥ punaḥ śrotumicchati
Sanskrit only: no published translation is held for this verse.
अतो मां शरणं प्राप्य गच्छ त्वं विगतज्वरः । अवेहि परमं भावम् इदं भूतमहेश्वरः
ato māṃ śaraṇaṃ prāpya gaccha tvaṃ vigatajvaraḥ / avehi paramaṃ bhāvam idaṃ bhūtamaheśvaraḥ
Sanskrit only: no published translation is held for this verse.
कालो ऽस्म्यहं कालविनाशहेतुर् लोकान् समाहर्तुम् अहं प्रवृत्तः । मृत्योर्मृत्युं विद्धि मां वीरभद्र जीवन्त्येते मत्प्रसादेन देवाः
kālo 'smyahaṃ kālavināśahetur lokān samāhartum ahaṃ pravṛttaḥ / mṛtyormṛtyuṃ viddhi māṃ vīrabhadra jīvantyete matprasādena devāḥ
Sanskrit only: no published translation is held for this verse.
सूत उवाच साहङ्कारमिदं श्रुत्वा हरेर् अमितविक्रमः । विहस्योवाच सावज्ञं ततो विस्फुरिताधरः
sūta uvāca sāhaṅkāramidaṃ śrutvā harer amitavikramaḥ / vihasyovāca sāvajñaṃ tato visphuritādharaḥ
Sanskrit only: no published translation is held for this verse.
श्रीवीरभद्र उवाच किं न जानासि विश्वेशं संहर्तारं पिनाकिनम् । असद्वादो विवादश् च विनाशस्त्वयि केवलः
śrīvīrabhadra uvāca kiṃ na jānāsi viśveśaṃ saṃhartāraṃ pinākinam / asadvādo vivādaś ca vināśastvayi kevalaḥ
Sanskrit only: no published translation is held for this verse.
तवान्योन्यावताराणि कानि शेषाणि सांप्रतम् । कृतानि येन केनापि कथाशेषो भविष्यति
tavānyonyāvatārāṇi kāni śeṣāṇi sāṃpratam / kṛtāni yena kenāpi kathāśeṣo bhaviṣyati
Sanskrit only: no published translation is held for this verse.
दोषं त्वं पश्य एतत्त्वम् अवस्थामीदृशीं गतः । तेन संहारदक्षेण क्षणात्संक्षयमेष्यसि
doṣaṃ tvaṃ paśya etattvam avasthāmīdṛśīṃ gataḥ / tena saṃhāradakṣeṇa kṣaṇātsaṃkṣayameṣyasi
Sanskrit only: no published translation is held for this verse.
प्रकृतिस्त्वं पुमान् रुद्रस् त्वयि वीर्यं समाहितम् । त्वन्नाभिपङ्कजाज्जातः पञ्चवक्त्रः पितामहः
prakṛtistvaṃ pumān rudras tvayi vīryaṃ samāhitam / tvannābhipaṅkajājjātaḥ pañcavaktraḥ pitāmahaḥ
Sanskrit only: no published translation is held for this verse.
सृष्ट्यर्थेन जगत्पूर्वं शङ्करं नीललोहितम् । ललाटे चिन्तयामास तपस्युग्रे व्यवस्थितः
sṛṣṭyarthena jagatpūrvaṃ śaṅkaraṃ nīlalohitam / lalāṭe cintayāmāsa tapasyugre vyavasthitaḥ
Sanskrit only: no published translation is held for this verse.
तल्ललाटादभूच्छंभोः सृष्ट्यर्थं तन्न दूषणम् । अंशो ऽहं देवदेवस्य महाभैरवरूपिणः
tallalāṭādabhūcchaṃbhoḥ sṛṣṭyarthaṃ tanna dūṣaṇam / aṃśo 'haṃ devadevasya mahābhairavarūpiṇaḥ
Sanskrit only: no published translation is held for this verse.
त्वत्संहारे नियुक्तो ऽस्मि विनयेन बलेन च । एवं रक्षो विदार्यैव त्वं शक्तिकलया युतः
tvatsaṃhāre niyukto 'smi vinayena balena ca / evaṃ rakṣo vidāryaiva tvaṃ śaktikalayā yutaḥ
Sanskrit only: no published translation is held for this verse.
अहङ्कारावलेपेन गर्जसि त्वमतन्द्रितः । उपकारो ह्यसाधूनाम् अपकाराय केवलम्
ahaṅkārāvalepena garjasi tvamatandritaḥ / upakāro hyasādhūnām apakārāya kevalam
Sanskrit only: no published translation is held for this verse.
यदि सिंह महेशानं स्वपुनर्भूत मन्यसे । न त्वं स्रष्टा न संहर्ता न स्वतन्त्रो हि कुत्रचित्
yadi siṃha maheśānaṃ svapunarbhūta manyase / na tvaṃ sraṣṭā na saṃhartā na svatantro hi kutracit
Sanskrit only: no published translation is held for this verse.
कुलालचक्रवच्छक्त्या प्रेरितो ऽसि पिनाकिना । अद्यापि तव निक्षिप्तं कपालं कूर्मरूपिणः
kulālacakravacchaktyā prerito 'si pinākinā / adyāpi tava nikṣiptaṃ kapālaṃ kūrmarūpiṇaḥ
Sanskrit only: no published translation is held for this verse.
हरहारलतामध्ये मुग्ध कस्मान्न बुध्यसे । विस्मृतं किं तदंशेन दंष्ट्रोत्पातनपीडितः
harahāralatāmadhye mugdha kasmānna budhyase / vismṛtaṃ kiṃ tadaṃśena daṃṣṭrotpātanapīḍitaḥ
Sanskrit only: no published translation is held for this verse.
वाराहविग्रहस्ते ऽद्य साक्रोशं तारकारिणा । दग्धो ऽसि यस्य शूलाग्रे विष्वक्सेनच्छलाद्भवान्
vārāhavigrahaste 'dya sākrośaṃ tārakāriṇā / dagdho 'si yasya śūlāgre viṣvaksenacchalādbhavān
Sanskrit only: no published translation is held for this verse.
दक्षयज्ञे शिरश्छिन्नं मया ते यज्ञरूपिणः । अद्यापि तव पुत्रस्य ब्रह्मणः पञ्चमं शिरः
dakṣayajñe śiraśchinnaṃ mayā te yajñarūpiṇaḥ / adyāpi tava putrasya brahmaṇaḥ pañcamaṃ śiraḥ
Sanskrit only: no published translation is held for this verse.
छिन्नं तमेनाभिसंधं तदंशं तस्य तद्बलम् । निर्जितस्त्वं दधीचेन संग्रामे समरुद्गणः
chinnaṃ tamenābhisaṃdhaṃ tadaṃśaṃ tasya tadbalam / nirjitastvaṃ dadhīcena saṃgrāme samarudgaṇaḥ
Sanskrit only: no published translation is held for this verse.
कण्डूयमाने शिरसि कथं तद्विस्मृतं त्वया । चक्रं विक्रमतो यस्य चक्रपाणे तव प्रियम्
kaṇḍūyamāne śirasi kathaṃ tadvismṛtaṃ tvayā / cakraṃ vikramato yasya cakrapāṇe tava priyam
Sanskrit only: no published translation is held for this verse.
कुतः प्राप्तं कृतं केन त्वया तदपि विस्मृतम् । ते मया सकला लोका गृहीतास्त्वं पयोनिधौ
kutaḥ prāptaṃ kṛtaṃ kena tvayā tadapi vismṛtam / te mayā sakalā lokā gṛhītāstvaṃ payonidhau
Sanskrit only: no published translation is held for this verse.
निद्रापरवशः शेषे स कथं सात्त्विको भवान् । त्वदादिस्तम्बपर्यन्तं रुद्रशक्तिविजृम्भितम्
nidrāparavaśaḥ śeṣe sa kathaṃ sāttviko bhavān / tvadādistambaparyantaṃ rudraśaktivijṛmbhitam
Sanskrit only: no published translation is held for this verse.
शक्तिमानभितस्त्वं च ह्य् अनलस्त्वं च मोहितः । तत्तेजसो ऽपि माहात्म्यं युवां द्रष्टुं न हि क्षमौ
śaktimānabhitastvaṃ ca hy analastvaṃ ca mohitaḥ / tattejaso 'pi māhātmyaṃ yuvāṃ draṣṭuṃ na hi kṣamau
Sanskrit only: no published translation is held for this verse.
स्थूला ये हि प्रपश्यन्ति तद्विष्णोः परमं पदम् । द्यावापृथिव्या इन्द्राग्नि- यमस्य वरुणस्य च
sthūlā ye hi prapaśyanti tadviṣṇoḥ paramaṃ padam / dyāvāpṛthivyā indrāgni- yamasya varuṇasya ca
Sanskrit only: no published translation is held for this verse.
ध्वान्तोदरे शशाङ्कस्य जनित्वा परमेश्वरः । कालो ऽसि त्वं महाकालः कालकालो महेश्वरः
dhvāntodare śaśāṅkasya janitvā parameśvaraḥ / kālo 'si tvaṃ mahākālaḥ kālakālo maheśvaraḥ
Sanskrit only: no published translation is held for this verse.
अतस्त्वमुग्रकलया मृत्योर्मृत्युर्भविष्यसि । स्थिरधन्वा क्षयो वीरो वीरो विश्वाधिकः प्रभुः
atastvamugrakalayā mṛtyormṛtyurbhaviṣyasi / sthiradhanvā kṣayo vīro vīro viśvādhikaḥ prabhuḥ
Sanskrit only: no published translation is held for this verse.
उपहस्ता ज्वरं भीमो मृगपक्षिहिरण्मयः । शास्ताशेषस्य जगतो न त्वं नैवचतुर्मुखः
upahastā jvaraṃ bhīmo mṛgapakṣihiraṇmayaḥ / śāstāśeṣasya jagato na tvaṃ naivacaturmukhaḥ
Sanskrit only: no published translation is held for this verse.
इत्थं सर्वं समालोक्य संहरात्मानम् आत्मना । नो चेदिदानीं क्रोधस्य महाभैरवरूपिणः
itthaṃ sarvaṃ samālokya saṃharātmānam ātmanā / no cedidānīṃ krodhasya mahābhairavarūpiṇaḥ
Sanskrit only: no published translation is held for this verse.
वज्राशनिरिव स्थाणोस् त्व् एवं मृत्युः पतिष्यति । सूत उवाच इत्युक्तो वीरभद्रेण नृसिंहः क्रोधविह्वलः
vajrāśaniriva sthāṇos tv evaṃ mṛtyuḥ patiṣyati / sūta uvāca ityukto vīrabhadreṇa nṛsiṃhaḥ krodhavihvalaḥ
Sanskrit only: no published translation is held for this verse.
ननाद तनुवेगेन तं गृहीतुं प्रचक्रमे । अत्रान्तरे महाघोरं विपक्षभयकारणम्
nanāda tanuvegena taṃ gṛhītuṃ pracakrame / atrāntare mahāghoraṃ vipakṣabhayakāraṇam
Sanskrit only: no published translation is held for this verse.
गगनव्यापि दुर्धर्ष- शैवतेजःसमुद्भवम् । वीरभद्रस्य तद्रूपं तत्क्षणादेव दृश्यते
gaganavyāpi durdharṣa- śaivatejaḥsamudbhavam / vīrabhadrasya tadrūpaṃ tatkṣaṇādeva dṛśyate
Sanskrit only: no published translation is held for this verse.
न तद्धिरण्मयं सौम्यं न सौरं नाग्निसंभवम् । न तडिच्चन्द्रसदृशम् अनौपम्यं महेश्वरम्
na taddhiraṇmayaṃ saumyaṃ na sauraṃ nāgnisaṃbhavam / na taḍiccandrasadṛśam anaupamyaṃ maheśvaram
Sanskrit only: no published translation is held for this verse.
तदा तेजांसि सर्वाणि तस्मिन् लीनानि शाङ्करे । ततो व्यक्तो महातेजा व्यक्ते संभवतस्ततः
tadā tejāṃsi sarvāṇi tasmin līnāni śāṅkare / tato vyakto mahātejā vyakte saṃbhavatastataḥ
Sanskrit only: no published translation is held for this verse.
रुद्रसाधारणं चैव चिह्नितं विकृताकृति । ततः संहाररूपेण सुव्यक्तः परमेश्वरः
rudrasādhāraṇaṃ caiva cihnitaṃ vikṛtākṛti / tataḥ saṃhārarūpeṇa suvyaktaḥ parameśvaraḥ
Sanskrit only: no published translation is held for this verse.
पश्यतां सर्वदेवानां जयशब्दादिमङ्गलैः । सहस्रबाहुर् जटिलश् चन्द्रार्धकृतशेखरः
paśyatāṃ sarvadevānāṃ jayaśabdādimaṅgalaiḥ / sahasrabāhur jaṭilaś candrārdhakṛtaśekharaḥ
Sanskrit only: no published translation is held for this verse.
स मृगार्धशरीरेण पक्षाभ्यां चञ्चुना द्विजाः । अतितीक्ष्णमहादंष्ट्रो वज्रतुल्यनखायुधः
sa mṛgārdhaśarīreṇa pakṣābhyāṃ cañcunā dvijāḥ / atitīkṣṇamahādaṃṣṭro vajratulyanakhāyudhaḥ
Sanskrit only: no published translation is held for this verse.
कण्ठे कालो महाबाहुश् चतुष्पाद् वह्निसंभवः । युगान्तोद्यतजीमूत- भीमगंभीरनिःस्वनः
kaṇṭhe kālo mahābāhuś catuṣpād vahnisaṃbhavaḥ / yugāntodyatajīmūta- bhīmagaṃbhīraniḥsvanaḥ
Sanskrit only: no published translation is held for this verse.
समं कुपितवृत्ताग्नि- व्यावृत्तनयनत्रयः । स्पष्टदंष्ट्रो ऽधरोष्ठश् च हुङ्कारेण युतो हरः
samaṃ kupitavṛttāgni- vyāvṛttanayanatrayaḥ / spaṣṭadaṃṣṭro 'dharoṣṭhaś ca huṅkāreṇa yuto haraḥ
Sanskrit only: no published translation is held for this verse.
<शिव ओवेर्चोमेस् विष्णु> हरिस्तद्दर्शनादेव विनष्टबलविक्रमः । बिभ्रद् और्म्यं सहस्रांशोर् अधः खद्योतविभ्रमम्
<Śiva overcomes Viṣṇu> haristaddarśanādeva vinaṣṭabalavikramaḥ / bibhrad aurmyaṃ sahasrāṃśor adhaḥ khadyotavibhramam
Sanskrit only: no published translation is held for this verse.
अथ विभ्रम्य पक्षाभ्यां नाभिपादे ऽभ्युदारयन् । पादावाबध्य पुच्छेन बाहुभ्यां बाहुमण्डलम्
atha vibhramya pakṣābhyāṃ nābhipāde 'bhyudārayan / pādāvābadhya pucchena bāhubhyāṃ bāhumaṇḍalam
Sanskrit only: no published translation is held for this verse.
भिन्दन्नुरसि बाहुभ्यां निजग्राह हरो हरिम् । ततो जगाम गगनं देवैः सह महर्षिभिः
bhindannurasi bāhubhyāṃ nijagrāha haro harim / tato jagāma gaganaṃ devaiḥ saha maharṣibhiḥ
Sanskrit only: no published translation is held for this verse.
सहसैव भयाद्विष्णुं विहगश् च यथोरगम् । उत्क्षिप्योत्क्षिप्य संगृह्य निपात्य च निपात्य च
sahasaiva bhayādviṣṇuṃ vihagaś ca yathoragam / utkṣipyotkṣipya saṃgṛhya nipātya ca nipātya ca
Sanskrit only: no published translation is held for this verse.
उड्डीयोड्डीय भगवान् पक्षाघातविमोहितम् । हरिं हरन्तं वृषभं विश्वेशानं तमीश्वरम्
uḍḍīyoḍḍīya bhagavān pakṣāghātavimohitam / hariṃ harantaṃ vṛṣabhaṃ viśveśānaṃ tamīśvaram
Sanskrit only: no published translation is held for this verse.
अनुयान्ति सुराः सर्वे नमोवाक्येन तुष्टुवुः । नीयमानः परवशो दीनवक्त्रः कृताञ्जलिः
anuyānti surāḥ sarve namovākyena tuṣṭuvuḥ / nīyamānaḥ paravaśo dīnavaktraḥ kṛtāñjaliḥ
Sanskrit only: no published translation is held for this verse.
तुष्टाव परमेशानं हरिस्तं ललिताक्षरैः । <विष्णु प्रैसेस् शिव> श्रीनृसिंह उवाच नमो रुद्राय शर्वाय महाग्रासाय विष्णवे
tuṣṭāva parameśānaṃ haristaṃ lalitākṣaraiḥ / <Viṣṇu praises Śiva> śrīnṛsiṃha uvāca namo rudrāya śarvāya mahāgrāsāya viṣṇave
Sanskrit only: no published translation is held for this verse.
नम उग्राय भीमाय नमः क्रोधाय मन्यवे । नमो भवाय शर्वाय शङ्कराय शिवाय ते
nama ugrāya bhīmāya namaḥ krodhāya manyave / namo bhavāya śarvāya śaṅkarāya śivāya te
Sanskrit only: no published translation is held for this verse.
कालकालाय कालाय महाकालाय मृत्यवे । वीराय वीरभद्राय क्षयद्वीराय शूलिने
kālakālāya kālāya mahākālāya mṛtyave / vīrāya vīrabhadrāya kṣayadvīrāya śūline
Sanskrit only: no published translation is held for this verse.
महादेवाय महते पशूनां पतये नमः । एकाय नीलकण्ठाय श्रीकण्ठाय पिनाकिने
mahādevāya mahate paśūnāṃ pataye namaḥ / ekāya nīlakaṇṭhāya śrīkaṇṭhāya pinākine
Sanskrit only: no published translation is held for this verse.
नमो ऽनन्ताय सूक्ष्माय नमस्ते मृत्युमन्यवे । पराय परमेशाय परात्परतराय ते
namo 'nantāya sūkṣmāya namaste mṛtyumanyave / parāya parameśāya parātparatarāya te
Sanskrit only: no published translation is held for this verse.
परात्पराय विश्वाय नमस्ते विश्वमूर्त्तये । नमो विष्णुकलत्राय विष्णुक्षेत्राय भानवे
parātparāya viśvāya namaste viśvamūrttaye / namo viṣṇukalatrāya viṣṇukṣetrāya bhānave
Sanskrit only: no published translation is held for this verse.
कैवर्ताय किराताय महाव्याधाय शाश्वते । भैरवाय शरण्याय महाभैरवरूपिणे
kaivartāya kirātāya mahāvyādhāya śāśvate / bhairavāya śaraṇyāya mahābhairavarūpiṇe
Sanskrit only: no published translation is held for this verse.
नमो नृसिंहसंहर्त्रे कामकालपुरारये । महापाशौघसंहर्त्रे विष्णुमायान्तकारिणे
namo nṛsiṃhasaṃhartre kāmakālapurāraye / mahāpāśaughasaṃhartre viṣṇumāyāntakāriṇe
Sanskrit only: no published translation is held for this verse.
त्र्यंबकाय त्र्यक्षराय शिपिविष्टाय मीढुषे । मृत्युञ्जयाय शर्वाय सर्वज्ञाय मखारये
tryaṃbakāya tryakṣarāya śipiviṣṭāya mīḍhuṣe / mṛtyuñjayāya śarvāya sarvajñāya makhāraye
Sanskrit only: no published translation is held for this verse.
मखेशाय वरेण्याय नमस्ते वह्निरूपिणे । महाघ्राणाय जिह्वाय प्राणापानप्रवर्तिने
makheśāya vareṇyāya namaste vahnirūpiṇe / mahāghrāṇāya jihvāya prāṇāpānapravartine
Sanskrit only: no published translation is held for this verse.
त्रिगुणाय त्रिशूलाय गुणातीताय योगिने । संसाराय प्रवाहाय महायन्त्रप्रवर्तिने
triguṇāya triśūlāya guṇātītāya yogine / saṃsārāya pravāhāya mahāyantrapravartine
Sanskrit only: no published translation is held for this verse.
नमश्चन्द्राग्निसूर्याय मुक्तिवैचित्र्यहेतवे । वरदायावताराय सर्वकारणहेतवे
namaścandrāgnisūryāya muktivaicitryahetave / varadāyāvatārāya sarvakāraṇahetave
Sanskrit only: no published translation is held for this verse.
कपालिने करालाय पतये पुण्यकीर्त्तये । अमोघायाग्निनेत्राय लकुलीशाय शंभवे
kapāline karālāya pataye puṇyakīrttaye / amoghāyāgninetrāya lakulīśāya śaṃbhave
Sanskrit only: no published translation is held for this verse.
भिषक्तमाय मुण्डाय दण्डिने योगरूपिणे । मेघवाहाय देवाय पार्वतीपतये नमः
bhiṣaktamāya muṇḍāya daṇḍine yogarūpiṇe / meghavāhāya devāya pārvatīpataye namaḥ
Sanskrit only: no published translation is held for this verse.
अव्यक्ताय विशोकाय स्थिराय स्थिरधन्विने । स्थाणवे कृत्तिवासाय नमः पञ्चार्थहेतवे
avyaktāya viśokāya sthirāya sthiradhanvine / sthāṇave kṛttivāsāya namaḥ pañcārthahetave
Sanskrit only: no published translation is held for this verse.
वरदायैकपादाय नमश्चन्द्रार्धमौलिने । नमस्ते ऽध्वरराजाय वयसां पतये नमः
varadāyaikapādāya namaścandrārdhamauline / namaste 'dhvararājāya vayasāṃ pataye namaḥ
Sanskrit only: no published translation is held for this verse.
योगीश्वराय नित्याय सत्याय परमेष्ठिने । सर्वात्मने नमस्तुभ्यं नमः सर्वेश्वराय ते
yogīśvarāya nityāya satyāya parameṣṭhine / sarvātmane namastubhyaṃ namaḥ sarveśvarāya te
Sanskrit only: no published translation is held for this verse.
एकद्वित्रिचतुःपञ्च- कृत्वस् ते ऽस्तु नमोनमः । दशकृत्वस्तु साहस्र- कृत्वस्ते च नमोनमः
ekadvitricatuḥpañca- kṛtvas te 'stu namonamaḥ / daśakṛtvastu sāhasra- kṛtvaste ca namonamaḥ
Sanskrit only: no published translation is held for this verse.
नमो ऽपरिमितं कृत्वानन्तकृत्वो नमोनमः । नमोनमो नमो भूयः पुनर्भूयो नमोनमः
namo 'parimitaṃ kṛtvānantakṛtvo namonamaḥ / namonamo namo bhūyaḥ punarbhūyo namonamaḥ
Sanskrit only: no published translation is held for this verse.
सूत उवाच नाम्नामष्टशतेनैवं स्तुत्वामृतमयेन तु । पुनस्तु प्रार्थयामास नृसिंहः शरभेश्वरम्
sūta uvāca nāmnāmaṣṭaśatenaivaṃ stutvāmṛtamayena tu / punastu prārthayāmāsa nṛsiṃhaḥ śarabheśvaram
Sanskrit only: no published translation is held for this verse.
यदा यदा ममाज्ञानम् अत्यहङ्कारदूषितम् । तदा तदापनेतव्यं त्वयैव परमेश्वर
yadā yadā mamājñānam atyahaṅkāradūṣitam / tadā tadāpanetavyaṃ tvayaiva parameśvara
Sanskrit only: no published translation is held for this verse.
एवं विज्ञापयन्प्रीतः शङ्करं नरकेसरी । नन्वशक्तो भवान् विष्णो जीवितान्तं पराजितः
evaṃ vijñāpayanprītaḥ śaṅkaraṃ narakesarī / nanvaśakto bhavān viṣṇo jīvitāntaṃ parājitaḥ
Sanskrit only: no published translation is held for this verse.
तद्वक्त्रशेषमात्रान्तं कृत्वा सर्वस्य विग्रहम् । शुक्तिशित्यं तदा मङ्गं वीरभद्रः क्षणात्ततः
tadvaktraśeṣamātrāntaṃ kṛtvā sarvasya vigraham / śuktiśityaṃ tadā maṅgaṃ vīrabhadraḥ kṣaṇāttataḥ
Sanskrit only: no published translation is held for this verse.
देवा ऊचुः अथ ब्रह्मादयः सर्वे वीरभद्र त्वया दृशा । जीविताः स्मो वयं देवाः पर्जन्येनेव पादपाः
devā ūcuḥ atha brahmādayaḥ sarve vīrabhadra tvayā dṛśā / jīvitāḥ smo vayaṃ devāḥ parjanyeneva pādapāḥ
Sanskrit only: no published translation is held for this verse.
यस्य भीषा दहत्यग्निर् उदेति च रविः स्वयम् । वातो वाति च सो ऽसि त्वं मृत्युर्धावति पञ्चमः
yasya bhīṣā dahatyagnir udeti ca raviḥ svayam / vāto vāti ca so 'si tvaṃ mṛtyurdhāvati pañcamaḥ
Sanskrit only: no published translation is held for this verse.
यदव्यक्तं परं व्योम कलातीतं सदाशिवम् । भगवंस्त्वामेव भवं वदन्ति ब्रह्मवादिनः
yadavyaktaṃ paraṃ vyoma kalātītaṃ sadāśivam / bhagavaṃstvāmeva bhavaṃ vadanti brahmavādinaḥ
Sanskrit only: no published translation is held for this verse.
के वयमेव धातुक्ये वेदने परमेश्वरः । न विद्धि परमं धाम रूपलावण्यवर्णने
ke vayameva dhātukye vedane parameśvaraḥ / na viddhi paramaṃ dhāma rūpalāvaṇyavarṇane
Sanskrit only: no published translation is held for this verse.
उपसर्गेषु सर्वेषु त्रायस्वास्मान् गणाधिप । एकादशात्मन् भगवान् वर्तते रूपवान् हरः
upasargeṣu sarveṣu trāyasvāsmān gaṇādhipa / ekādaśātman bhagavān vartate rūpavān haraḥ
Sanskrit only: no published translation is held for this verse.
ईदृशान् ते ऽवताराणि दृष्ट्वा शिव बहूंस्तमः । कदाचित् संदिहेन् नास्मांस् त्वच्चिन्तास्तमया तथा
īdṛśān te 'vatārāṇi dṛṣṭvā śiva bahūṃstamaḥ / kadācit saṃdihen nāsmāṃs tvaccintāstamayā tathā
Sanskrit only: no published translation is held for this verse.
गुञ्जागिरिवरतटामितरूपाणि सर्वशः । अभ्यसंहर गम्यं ते न नीतव्यं परापरा
guñjāgirivarataṭāmitarūpāṇi sarvaśaḥ / abhyasaṃhara gamyaṃ te na nītavyaṃ parāparā
Sanskrit only: no published translation is held for this verse.
द्वे तनू तव रुद्रस्य वेदज्ञा ब्राह्मणा विदुः । घोराप्यन्या शिवाप्यन्या ते प्रत्येकमनेकधा
dve tanū tava rudrasya vedajñā brāhmaṇā viduḥ / ghorāpyanyā śivāpyanyā te pratyekamanekadhā
Sanskrit only: no published translation is held for this verse.
इहास्मान्पाहि भगवन् नित्याहतमहाबलः । भवता हि जगत्सर्वं व्याप्तं स्वेनैव तेजसा
ihāsmānpāhi bhagavan nityāhatamahābalaḥ / bhavatā hi jagatsarvaṃ vyāptaṃ svenaiva tejasā
Sanskrit only: no published translation is held for this verse.
ब्रह्मविष्ण्विन्द्रचन्द्रादि वयं च प्रमुखाः सुराः । सुरासुराः सम्प्रसूतास् त्वत्तः सर्वे महेश्वर
brahmaviṣṇvindracandrādi vayaṃ ca pramukhāḥ surāḥ / surāsurāḥ samprasūtās tvattaḥ sarve maheśvara
Sanskrit only: no published translation is held for this verse.
ब्रह्मा च इन्द्रो विष्णुश् च यमाद्या न सुरासुरान् । ततो निगृह्य च हरिं सिंह इत्य् उपचेतसम्
brahmā ca indro viṣṇuś ca yamādyā na surāsurān / tato nigṛhya ca hariṃ siṃha ity upacetasam
Sanskrit only: no published translation is held for this verse.
यतो बिभर्षि सकलं विभज्य तनुमष्टधा । अतो ऽस्मान् पाहि भगवन् सुरान् दानैर् अभीप्सितैः
yato bibharṣi sakalaṃ vibhajya tanumaṣṭadhā / ato 'smān pāhi bhagavan surān dānair abhīpsitaiḥ
Sanskrit only: no published translation is held for this verse.
उवाच तान् सुरान्देवो महर्षींश् च पुरातनान् । यथा जले जलं क्षिप्तं क्षीरं क्षीरे घृतं घृते
uvāca tān surāndevo maharṣīṃś ca purātanān / yathā jale jalaṃ kṣiptaṃ kṣīraṃ kṣīre ghṛtaṃ ghṛte
Sanskrit only: no published translation is held for this verse.
एक एव तदा विष्णुः शिवलीनो न चान्यथा । एष एव नृसिंहात्मा सदर्पश् च महाबलः
eka eva tadā viṣṇuḥ śivalīno na cānyathā / eṣa eva nṛsiṃhātmā sadarpaś ca mahābalaḥ
Sanskrit only: no published translation is held for this verse.
जगत्संहारकारेण प्रवृत्तो नरकेसरी । याजनीयो नमस्तस्मै मद्भक्तिसिद्धिकाङ्क्षिभिः
jagatsaṃhārakāreṇa pravṛtto narakesarī / yājanīyo namastasmai madbhaktisiddhikāṅkṣibhiḥ
Sanskrit only: no published translation is held for this verse.
एतावदुक्त्वा भगवान् वीरभद्रो महाबलः । अपश्यन् सर्वभूतानां तत्रैवान्तरधीयत
etāvaduktvā bhagavān vīrabhadro mahābalaḥ / apaśyan sarvabhūtānāṃ tatraivāntaradhīyata
Sanskrit only: no published translation is held for this verse.
नृसिंहकृत्तिवसनस् तदाप्रभृति शङ्करः । वक्त्रं तन्मुण्डमालायां नायकत्वेन कल्पितम्
nṛsiṃhakṛttivasanas tadāprabhṛti śaṅkaraḥ / vaktraṃ tanmuṇḍamālāyāṃ nāyakatvena kalpitam
Sanskrit only: no published translation is held for this verse.
ततो देवा निरातङ्काः कीर्तयन्तः कथामिमाम् । विस्मयोत्फुल्लनयना जग्मुः सर्वे यथागतम्
tato devā nirātaṅkāḥ kīrtayantaḥ kathāmimām / vismayotphullanayanā jagmuḥ sarve yathāgatam
Sanskrit only: no published translation is held for this verse.
य इदं परमाख्यानं पुण्यं वेदैः समन्वितम् । पठित्वा शृणुते चैव सर्वदुःखविनाशनम्
ya idaṃ paramākhyānaṃ puṇyaṃ vedaiḥ samanvitam / paṭhitvā śṛṇute caiva sarvaduḥkhavināśanam
Sanskrit only: no published translation is held for this verse.
धन्यं यशस्यम् आयुष्यम् आरोग्यं पुष्टिवर्धनम् । सर्वविघ्नप्रशमनं सर्वव्याधिविनाशनम्
dhanyaṃ yaśasyam āyuṣyam ārogyaṃ puṣṭivardhanam / sarvavighnapraśamanaṃ sarvavyādhivināśanam
Sanskrit only: no published translation is held for this verse.
अपमृत्युप्रशमनं महाशान्तिकरं शुभम् । अरिचक्रप्रशमनं सर्वाधिप्रविनाशनम्
apamṛtyupraśamanaṃ mahāśāntikaraṃ śubham / aricakrapraśamanaṃ sarvādhipravināśanam
Sanskrit only: no published translation is held for this verse.
ततो दुःस्वप्नशमनं सर्वभूतनिवारणम् । विषग्रहक्षयकरं पुत्रपौत्रादिवर्धनम्
tato duḥsvapnaśamanaṃ sarvabhūtanivāraṇam / viṣagrahakṣayakaraṃ putrapautrādivardhanam
Sanskrit only: no published translation is held for this verse.