Liṅga Purāṇa 1.97

ऋषय ऊचुः जलन्धरं जटामौलिः पुरा जम्भारिविक्रमम् । कथं जघान भगवान् भगनेत्रहरो हरः

ṛṣaya ūcuḥ jalandharaṃ jaṭāmauliḥ purā jambhārivikramam / kathaṃ jaghāna bhagavān bhaganetraharo haraḥ

Sanskrit only: no published translation is held for this verse.

वक्तुमर्हसि चास्माकं रोमहर्षण सुव्रत । सूत उवाच जलन्धर इति ख्यातो जलमण्डलसंभवः

vaktumarhasi cāsmākaṃ romaharṣaṇa suvrata / sūta uvāca jalandhara iti khyāto jalamaṇḍalasaṃbhavaḥ

Sanskrit only: no published translation is held for this verse.

आसीदन्तकसंकाशस् तपसा लब्धविक्रमः । तेन देवाः सगन्धर्वाः सयक्षोरगराक्षसाः

āsīdantakasaṃkāśas tapasā labdhavikramaḥ / tena devāḥ sagandharvāḥ sayakṣoragarākṣasāḥ

Sanskrit only: no published translation is held for this verse.

निर्जिताः समरे सर्वे ब्रह्मा च भगवानजः । जित्वैव देवसंघातं ब्रह्माणं वै जलन्धरः

nirjitāḥ samare sarve brahmā ca bhagavānajaḥ / jitvaiva devasaṃghātaṃ brahmāṇaṃ vai jalandharaḥ

Sanskrit only: no published translation is held for this verse.

जगाम देवदेवेशं विष्णुं विश्वहरं गुरुम् । तयोः समभवद्युद्धं दिवारात्रम् अविश्रमम्

jagāma devadeveśaṃ viṣṇuṃ viśvaharaṃ gurum / tayoḥ samabhavadyuddhaṃ divārātram aviśramam

Sanskrit only: no published translation is held for this verse.

जलन्धरेशयोस्तेन निर्जितो मधुसूदनः । जलन्धरो ऽपि तं जित्वा देवदेवं जनार्दनम्

jalandhareśayostena nirjito madhusūdanaḥ / jalandharo 'pi taṃ jitvā devadevaṃ janārdanam

Sanskrit only: no published translation is held for this verse.

प्रोवाचेदं दितेः पुत्रान् न्यायधीर्जेतुमीश्वरम् । सर्वे जिता मया युद्धे शङ्करो ह्यजितो रणे

provācedaṃ diteḥ putrān nyāyadhīrjetumīśvaram / sarve jitā mayā yuddhe śaṅkaro hyajito raṇe

Sanskrit only: no published translation is held for this verse.

तं जित्वा सर्वमीशानं गणपैर् नन्दिना क्षणात् । अहमेव भवत्वं च ब्रह्मत्वं वैष्णवं तथा

taṃ jitvā sarvamīśānaṃ gaṇapair nandinā kṣaṇāt / ahameva bhavatvaṃ ca brahmatvaṃ vaiṣṇavaṃ tathā

Sanskrit only: no published translation is held for this verse.

वासवत्वं च युष्माकं दास्ये दानवपुङ्गवाः । जलन्धरवचः श्रुत्वा सर्वे ते दानवाधमाः

vāsavatvaṃ ca yuṣmākaṃ dāsye dānavapuṅgavāḥ / jalandharavacaḥ śrutvā sarve te dānavādhamāḥ

Sanskrit only: no published translation is held for this verse.

जगर्जुरुच्चैः पापिष्ठा मृत्युदर्शनतत्पराः । दैत्यैरेतैस्तथान्यैश् च रथनागतुरङ्गमैः

jagarjuruccaiḥ pāpiṣṭhā mṛtyudarśanatatparāḥ / daityairetaistathānyaiś ca rathanāgaturaṅgamaiḥ

Sanskrit only: no published translation is held for this verse.

संनद्धैः सह संनह्य शर्वं प्रति ययौ बली । भवो ऽपि दृष्ट्वा दैत्येन्द्रं मेरुकूटमिव स्थितम्

saṃnaddhaiḥ saha saṃnahya śarvaṃ prati yayau balī / bhavo 'pi dṛṣṭvā daityendraṃ merukūṭamiva sthitam

Sanskrit only: no published translation is held for this verse.

अवध्यत्वम् अपि श्रुत्वा तथान्यैर् भगनेत्रहा । ब्रह्मणो वचनं रक्षन् रक्षको जगतां प्रभुः

avadhyatvam api śrutvā tathānyair bhaganetrahā / brahmaṇo vacanaṃ rakṣan rakṣako jagatāṃ prabhuḥ

Sanskrit only: no published translation is held for this verse.

सांबः सनन्दी सगणः प्रोवाच प्रहसन्निव । किं कृत्यमसुरेशान युद्धेनानेन सांप्रतम्

sāṃbaḥ sanandī sagaṇaḥ provāca prahasanniva / kiṃ kṛtyamasureśāna yuddhenānena sāṃpratam

Sanskrit only: no published translation is held for this verse.

मद्बाणैर्भिन्नसर्वाङ्गो मर्तुमभ्युद्यते मुदा । जलन्धरो ऽपि तद्वाक्यं श्रुत्वा श्रोत्रविदारणम्

madbāṇairbhinnasarvāṅgo martumabhyudyate mudā / jalandharo 'pi tadvākyaṃ śrutvā śrotravidāraṇam

Sanskrit only: no published translation is held for this verse.

सुरेश्वरमुवाचेदं सुरेतरबलेश्वरः । वाक्येनालं महाबाहो देवदेव वृषध्वज

sureśvaramuvācedaṃ suretarabaleśvaraḥ / vākyenālaṃ mahābāho devadeva vṛṣadhvaja

Sanskrit only: no published translation is held for this verse.

चन्द्रांशुसन्निभैः शस्त्रैर् हर योद्धुमिहागतः । निशम्यास्य वचः शूली पादाङ्गुष्ठेन लीलया । महांभसि चकाराशु रथाङ्गं रौद्रमायुधम्

candrāṃśusannibhaiḥ śastrair hara yoddhumihāgataḥ / niśamyāsya vacaḥ śūlī pādāṅguṣṭhena līlayā / mahāṃbhasi cakārāśu rathāṅgaṃ raudramāyudham

Sanskrit only: no published translation is held for this verse.

कृत्वार्णवांभसि सितं भगवान् रथाङ्गं स्मृत्वा जगत्त्रयमनेन हताः सुराश् च । दक्षान्धकान्तकपुरत्रययज्ञहर्ता लोकत्रयान्तककरः प्रहसंतदाह

kṛtvārṇavāṃbhasi sitaṃ bhagavān rathāṅgaṃ smṛtvā jagattrayamanena hatāḥ surāś ca / dakṣāndhakāntakapuratrayayajñahartā lokatrayāntakakaraḥ prahasaṃtadāha

Sanskrit only: no published translation is held for this verse.

पादेन निर्मितं दैत्य जलन्धर महार्णवे । बलवान् यदि चोद्धर्तुं तिष्ठ योद्धुं न चान्यथा

pādena nirmitaṃ daitya jalandhara mahārṇave / balavān yadi coddhartuṃ tiṣṭha yoddhuṃ na cānyathā

Sanskrit only: no published translation is held for this verse.

तस्य तद्वचनं श्रुत्वा क्रोधेनादीप्तलोचनः । प्रदहन्निव नेत्राभ्यां प्राहालोक्य जगत्त्रयम्

tasya tadvacanaṃ śrutvā krodhenādīptalocanaḥ / pradahanniva netrābhyāṃ prāhālokya jagattrayam

Sanskrit only: no published translation is held for this verse.

जलन्धर उवाच गदामुद्धृत्य हत्वा च नन्दिनं त्वां च शङ्कर । हत्वा लोकान्सुरैः सार्धं डुण्डुभान् गरुडो यथा

jalandhara uvāca gadāmuddhṛtya hatvā ca nandinaṃ tvāṃ ca śaṅkara / hatvā lokānsuraiḥ sārdhaṃ ḍuṇḍubhān garuḍo yathā

Sanskrit only: no published translation is held for this verse.

हन्तुं चराचरं सर्वं समर्थो ऽहं सवासवम् । को महेश्वर मद्बाणैर् अच्छेद्यो भुवनत्रये

hantuṃ carācaraṃ sarvaṃ samartho 'haṃ savāsavam / ko maheśvara madbāṇair acchedyo bhuvanatraye

Sanskrit only: no published translation is held for this verse.

बालभावे च भगवान् तपसैव विनिर्जितः । ब्रह्मा बली यौवने वै मुनयः सुरपुङ्गवैः

bālabhāve ca bhagavān tapasaiva vinirjitaḥ / brahmā balī yauvane vai munayaḥ surapuṅgavaiḥ

Sanskrit only: no published translation is held for this verse.

दग्धं क्षणेन सकलं त्रैलोक्यं सचराचरम् । तपसा किं त्वया रुद्र निर्जितो भगवानपि

dagdhaṃ kṣaṇena sakalaṃ trailokyaṃ sacarācaram / tapasā kiṃ tvayā rudra nirjito bhagavānapi

Sanskrit only: no published translation is held for this verse.

इन्द्राग्नियमवित्तेश- वायुवारीश्वरादयः । न सेहिरे यथा नागा गन्धं पक्षिपतेरिव

indrāgniyamavitteśa- vāyuvārīśvarādayaḥ / na sehire yathā nāgā gandhaṃ pakṣipateriva

Sanskrit only: no published translation is held for this verse.

न लब्ध्वा दिवि भूमौ च बाहवो मम शङ्कर । समस्तान्पर्वतान्प्राप्य घर्षिताश् च गणेश्वर

na labdhvā divi bhūmau ca bāhavo mama śaṅkara / samastānparvatānprāpya gharṣitāś ca gaṇeśvara

Sanskrit only: no published translation is held for this verse.

गिरीन्द्रो मन्दरः श्रीमान् नीलो मेरुः सुशोभनः । घर्षितो बाहुदण्डेन कण्डूनोदार्थम् आपतत्

girīndro mandaraḥ śrīmān nīlo meruḥ suśobhanaḥ / gharṣito bāhudaṇḍena kaṇḍūnodārtham āpatat

Sanskrit only: no published translation is held for this verse.

गङ्गा निरुद्धा बाहुभ्यां लीलार्थं हिमवद्गिरौ । नारीणां मम भृत्यैश् च वज्रो बद्धो दिवौकसाम्

gaṅgā niruddhā bāhubhyāṃ līlārthaṃ himavadgirau / nārīṇāṃ mama bhṛtyaiś ca vajro baddho divaukasām

Sanskrit only: no published translation is held for this verse.

वडवाया मुखं भग्नं गृहीत्वा वै करेण तु । तत्क्षणादेव सकलं चैकार्णवमभूदिदम्

vaḍavāyā mukhaṃ bhagnaṃ gṛhītvā vai kareṇa tu / tatkṣaṇādeva sakalaṃ caikārṇavamabhūdidam

Sanskrit only: no published translation is held for this verse.

ऐरावतादयो नागाः क्षिप्ताः सिन्धुजलोपरि । सरथो भगवानिन्द्रः क्षिप्तश् च शतयोजनम्

airāvatādayo nāgāḥ kṣiptāḥ sindhujalopari / saratho bhagavānindraḥ kṣiptaś ca śatayojanam

Sanskrit only: no published translation is held for this verse.

गरुडो ऽपि मया बद्धो नागपाशेन विष्णुना । उर्वश्याद्या मया नीता नार्यः कारागृहान्तरम्

garuḍo 'pi mayā baddho nāgapāśena viṣṇunā / urvaśyādyā mayā nītā nāryaḥ kārāgṛhāntaram

Sanskrit only: no published translation is held for this verse.

कथंचिल्लब्धवान् शक्रः शचीमेकां प्रणम्य माम् । मां न जानासि दैत्येन्द्रं जलन्धरमुमापते

kathaṃcillabdhavān śakraḥ śacīmekāṃ praṇamya mām / māṃ na jānāsi daityendraṃ jalandharamumāpate

Sanskrit only: no published translation is held for this verse.

सूत उवाच एवमुक्तो महादेवः प्रादहद्वै रथं तदा । तस्य नेत्राग्निभागैक- कलार्धार्धेन चाकुलम्

sūta uvāca evamukto mahādevaḥ prādahadvai rathaṃ tadā / tasya netrāgnibhāgaika- kalārdhārdhena cākulam

Sanskrit only: no published translation is held for this verse.

दैत्यानामतुलबलैर्हयैश् च नागैर् दैत्येन्द्रास् त्रिपुररिपोर् निरीक्षणेन । नागाद् वैशसम् अनुसंवृतश् च नागैर् देवेशं वचनमुवाच चाल्पबुद्धिः

daityānāmatulabalairhayaiś ca nāgair daityendrās tripuraripor nirīkṣaṇena / nāgād vaiśasam anusaṃvṛtaś ca nāgair deveśaṃ vacanamuvāca cālpabuddhiḥ

Sanskrit only: no published translation is held for this verse.

किं कार्यं मम युधि देवदैत्यसंघैर् हन्तुं यत्सकलमिदं क्षणात्समर्थः । यत्तस्माद्भयमिहनास्ति योद्धुम् ईश वाञ्छैषा विपुलतरा न संशयो ऽत्र

kiṃ kāryaṃ mama yudhi devadaityasaṃghair hantuṃ yatsakalamidaṃ kṣaṇātsamarthaḥ / yattasmādbhayamihanāsti yoddhum īśa vāñchaiṣā vipulatarā na saṃśayo 'tra

Sanskrit only: no published translation is held for this verse.

तस्मात्त्वं मम मदनारिदक्षशत्रो यज्ञारे त्रिपुररिपो ममैव वीरैः । भूतेन्द्रैर्हरिवदनेन देवसंघैर् योद्धुं ते बलमिह चास्ति चेद्धि तिष्ठ

tasmāttvaṃ mama madanāridakṣaśatro yajñāre tripuraripo mamaiva vīraiḥ / bhūtendrairharivadanena devasaṃghair yoddhuṃ te balamiha cāsti ceddhi tiṣṭha

Sanskrit only: no published translation is held for this verse.

इत्युक्त्वाथ महादेवं महादेवारिनन्दनः । न चचाल न सस्मार निहतान्बान्धवान्युधि

ityuktvātha mahādevaṃ mahādevārinandanaḥ / na cacāla na sasmāra nihatānbāndhavānyudhi

Sanskrit only: no published translation is held for this verse.

दुर्मदेनाविनीतात्मा दोर्भ्यामास्फोट्य दोर्बलात् । सुदर्शनाख्यं यच्चक्रं तेन हन्तुं समुद्यतः

durmadenāvinītātmā dorbhyāmāsphoṭya dorbalāt / sudarśanākhyaṃ yaccakraṃ tena hantuṃ samudyataḥ

Sanskrit only: no published translation is held for this verse.

दुर्धरेण रथाङ्गेन कृच्छ्रेणापि द्विजोत्तमाः । स्थापयामास वै स्कन्धे द्विधाभूतश् च तेन वै

durdhareṇa rathāṅgena kṛcchreṇāpi dvijottamāḥ / sthāpayāmāsa vai skandhe dvidhābhūtaś ca tena vai

Sanskrit only: no published translation is held for this verse.

कुलिशेन यथा छिन्नो द्विधा गिरिवरो द्विजाः । पपात दैत्यो बलवान् अञ्जनाद्रिरिवापरः

kuliśena yathā chinno dvidhā girivaro dvijāḥ / papāta daityo balavān añjanādririvāparaḥ

Sanskrit only: no published translation is held for this verse.

तस्य रक्तेन रौद्रेण सम्पूर्णम् अभवत्क्षणात् । तद्रक्तमखिलं रुद्र- नियोगान्मांसमेव च

tasya raktena raudreṇa sampūrṇam abhavatkṣaṇāt / tadraktamakhilaṃ rudra- niyogānmāṃsameva ca

Sanskrit only: no published translation is held for this verse.

महारौरवमासाद्य रक्तकुण्डमभूदहो । जलन्धरं हतं दृष्ट्वा देवगन्धर्वपार्षदाः

mahārauravamāsādya raktakuṇḍamabhūdaho / jalandharaṃ hataṃ dṛṣṭvā devagandharvapārṣadāḥ

Sanskrit only: no published translation is held for this verse.

सिंहनादं महत्कृत्वा साधु देवेति चाब्रुवन् । यः पठेच्छृणुयाद्वापि जलन्धरविमर्दनम्

siṃhanādaṃ mahatkṛtvā sādhu deveti cābruvan / yaḥ paṭhecchṛṇuyādvāpi jalandharavimardanam

Sanskrit only: no published translation is held for this verse.

श्रावयेद्वा यथान्यायं गाणपत्यमवाप्नुयात्

śrāvayedvā yathānyāyaṃ gāṇapatyamavāpnuyāt

Sanskrit only: no published translation is held for this verse.