Liṅga Purāṇa 1.98

जयस्तंभो विशिष्टम्भो नरसिंहनिपातनः । ब्रह्मचारी लोकचारी धर्मचारी धनाधिपः

jayastaṃbho viśiṣṭambho narasiṃhanipātanaḥ / brahmacārī lokacārī dharmacārī dhanādhipaḥ

Sanskrit only: no published translation is held for this verse.

नन्दी नन्दीश्वरो नग्नो नग्नव्रतधरः शुचिः । लिङ्गाध्यक्षः सुराध्यक्षो युगाध्यक्षो युगावहः

nandī nandīśvaro nagno nagnavratadharaḥ śuciḥ / liṅgādhyakṣaḥ surādhyakṣo yugādhyakṣo yugāvahaḥ

Sanskrit only: no published translation is held for this verse.

स्ववशः सवशः स्वर्गः स्वरः स्वरमयस्वनः । बीजाध्यक्षो बीजकर्ता धनकृद् धर्मवर्धनः

svavaśaḥ savaśaḥ svargaḥ svaraḥ svaramayasvanaḥ / bījādhyakṣo bījakartā dhanakṛd dharmavardhanaḥ

Sanskrit only: no published translation is held for this verse.

दंभो ऽदम्भो महादंभः सर्वभूतमहेश्वरः । श्मशाननिलयस्तिष्यः सेतुरप्रतिमाकृतिः

daṃbho 'dambho mahādaṃbhaḥ sarvabhūtamaheśvaraḥ / śmaśānanilayastiṣyaḥ seturapratimākṛtiḥ

Sanskrit only: no published translation is held for this verse.

लोकोत्तरस्फुटालोकस् त्र्यंबको नागभूषणः । अन्धकारिर्मखद्वेषी विष्णुकन्धरपातनः

lokottarasphuṭālokas tryaṃbako nāgabhūṣaṇaḥ / andhakārirmakhadveṣī viṣṇukandharapātanaḥ

Sanskrit only: no published translation is held for this verse.

वीतदोषो ऽक्षयगुणो दक्षारिः पूषदन्तहृत् । धूर्जटिः खण्डपरशुः सकलो निष्कलो ऽनघः

vītadoṣo 'kṣayaguṇo dakṣāriḥ pūṣadantahṛt / dhūrjaṭiḥ khaṇḍaparaśuḥ sakalo niṣkalo 'naghaḥ

Sanskrit only: no published translation is held for this verse.

आधारः सकलाधारः पाण्डुराभो मृडो नटः । पूर्णः पूरयिता पुण्यः सुकुमारः सुलोचनः

ādhāraḥ sakalādhāraḥ pāṇḍurābho mṛḍo naṭaḥ / pūrṇaḥ pūrayitā puṇyaḥ sukumāraḥ sulocanaḥ

Sanskrit only: no published translation is held for this verse.

सामगेयः प्रियकरः पुण्यकीर्तिरनामयः । मनोजवस्तीर्थकरो जटिलो जीवितेश्वरः

sāmageyaḥ priyakaraḥ puṇyakīrtiranāmayaḥ / manojavastīrthakaro jaṭilo jīviteśvaraḥ

Sanskrit only: no published translation is held for this verse.

जीवितान्तकरो नित्यो वसुरेता वसुप्रियः । सद्गतिः सत्कृतिः सक्तः कालकण्ठः कलाधरः

jīvitāntakaro nityo vasuretā vasupriyaḥ / sadgatiḥ satkṛtiḥ saktaḥ kālakaṇṭhaḥ kalādharaḥ

Sanskrit only: no published translation is held for this verse.

मानी मान्यो महाकालः सद्भूतिः सत्परायणः । चन्द्रसंजीवनः शास्ता लोकगूढो ऽमराधिपः

mānī mānyo mahākālaḥ sadbhūtiḥ satparāyaṇaḥ / candrasaṃjīvanaḥ śāstā lokagūḍho 'marādhipaḥ

Sanskrit only: no published translation is held for this verse.

लोकबन्धुर्लोकनाथः कृतज्ञः कृतिभूषणः । अनपाय्यक्षरः कान्तः सर्वशास्त्रभृतां वरः

lokabandhurlokanāthaḥ kṛtajñaḥ kṛtibhūṣaṇaḥ / anapāyyakṣaraḥ kāntaḥ sarvaśāstrabhṛtāṃ varaḥ

Sanskrit only: no published translation is held for this verse.

तेजोमयो द्युतिधरो लोकमायो ऽग्रणीर् अणुः । शुचिस्मितः प्रसन्नात्मा दुर्जयो दुरतिक्रमः

tejomayo dyutidharo lokamāyo 'graṇīr aṇuḥ / śucismitaḥ prasannātmā durjayo duratikramaḥ

Sanskrit only: no published translation is held for this verse.

ज्योतिर्मयो निराकारो जगन्नाथो जलेश्वरः । तुम्बवीणी महाकायो विशोकः शोकनाशनः

jyotirmayo nirākāro jagannātho jaleśvaraḥ / tumbavīṇī mahākāyo viśokaḥ śokanāśanaḥ

Sanskrit only: no published translation is held for this verse.

त्रिलोकात्मा त्रिलोकेशः शुद्धः शुद्धी रथाक्षजः । अव्यक्तलक्षणो व्यक्तो व्यक्ताव्यक्तो विशांपतिः

trilokātmā trilokeśaḥ śuddhaḥ śuddhī rathākṣajaḥ / avyaktalakṣaṇo vyakto vyaktāvyakto viśāṃpatiḥ

Sanskrit only: no published translation is held for this verse.

वरशीलो वरतुलो मानो मानधनो मयः । ब्रह्मा विष्णुः प्रजापालो हंसो हंसगतिर्यमः

varaśīlo varatulo māno mānadhano mayaḥ / brahmā viṣṇuḥ prajāpālo haṃso haṃsagatiryamaḥ

Sanskrit only: no published translation is held for this verse.

वेधा धाता विधाता च अत्ता हर्ता चतुर्मुखः । कैलासशिखरावासी सर्वावासी सतां गतिः

vedhā dhātā vidhātā ca attā hartā caturmukhaḥ / kailāsaśikharāvāsī sarvāvāsī satāṃ gatiḥ

Sanskrit only: no published translation is held for this verse.

हिरण्यगर्भो हरिणः पुरुषः पूर्वजः पिता । भूतालयो भूतपतिर् भूतिदो भुवनेश्वरः

hiraṇyagarbho hariṇaḥ puruṣaḥ pūrvajaḥ pitā / bhūtālayo bhūtapatir bhūtido bhuvaneśvaraḥ

Sanskrit only: no published translation is held for this verse.

संयोगी योगविद्ब्रह्म ब्रह्मण्यो ब्राह्मणप्रियः । देवप्रियो देवनाथो देवज्ञो देवचिन्तकः

saṃyogī yogavidbrahma brahmaṇyo brāhmaṇapriyaḥ / devapriyo devanātho devajño devacintakaḥ

Sanskrit only: no published translation is held for this verse.

विषमाक्षः कलाध्यक्षो वृषाङ्को वृषवर्धनः । निर्मदो निरहङ्कारो निर्मोहो निरुपद्रवः

viṣamākṣaḥ kalādhyakṣo vṛṣāṅko vṛṣavardhanaḥ / nirmado nirahaṅkāro nirmoho nirupadravaḥ

Sanskrit only: no published translation is held for this verse.

दर्पहा दर्पितो दृप्तः सर्वर्तुपरिवर्तकः । सप्तजिह्वः सहस्रार्चिः स्निग्धः प्रकृतिदक्षिणः

darpahā darpito dṛptaḥ sarvartuparivartakaḥ / saptajihvaḥ sahasrārciḥ snigdhaḥ prakṛtidakṣiṇaḥ

Sanskrit only: no published translation is held for this verse.

भूतभव्यभवन्नाथः प्रभवो भ्रान्तिनाशनः । अर्थो ऽनर्थो महाकोशः परकार्यैकपण्डितः

bhūtabhavyabhavannāthaḥ prabhavo bhrāntināśanaḥ / artho 'nartho mahākośaḥ parakāryaikapaṇḍitaḥ

Sanskrit only: no published translation is held for this verse.

निष्कण्टकः कृतानन्दो निर्व्याजो व्याजमर्दनः । सत्त्ववान् सात्त्विकः सत्य- कीर्तिस्तम्भकृतागमः

niṣkaṇṭakaḥ kṛtānando nirvyājo vyājamardanaḥ / sattvavān sāttvikaḥ satya- kīrtistambhakṛtāgamaḥ

Sanskrit only: no published translation is held for this verse.

अकंपितो गुणग्राही नैकात्मा नैककर्मकृत् । सुप्रीतः सुमुखः सूक्ष्मः सुकरो दक्षिणो ऽनलः

akaṃpito guṇagrāhī naikātmā naikakarmakṛt / suprītaḥ sumukhaḥ sūkṣmaḥ sukaro dakṣiṇo 'nalaḥ

Sanskrit only: no published translation is held for this verse.

स्कन्धः स्कन्धधरो धुर्यः प्रकटः प्रीतिवर्धनः । अपराजितः सर्वसहो विदग्धः सर्ववाहनः

skandhaḥ skandhadharo dhuryaḥ prakaṭaḥ prītivardhanaḥ / aparājitaḥ sarvasaho vidagdhaḥ sarvavāhanaḥ

Sanskrit only: no published translation is held for this verse.

अधृतः स्वधृतः साध्यः पूर्वमूर्तिर्यशोधरः । वराहशृङ्गधृग् वायुर् बलवान् एकनायकः

adhṛtaḥ svadhṛtaḥ sādhyaḥ pūrvamūrtiryaśodharaḥ / varāhaśṛṅgadhṛg vāyur balavān ekanāyakaḥ

Sanskrit only: no published translation is held for this verse.

श्रुतिप्रकाशः श्रुतिमान् एकबन्धुर् अनेकधृक् । श्रीवल्लभशिवारम्भः शान्तभद्रः समञ्जसः

śrutiprakāśaḥ śrutimān ekabandhur anekadhṛk / śrīvallabhaśivārambhaḥ śāntabhadraḥ samañjasaḥ

Sanskrit only: no published translation is held for this verse.

भूशयो भूतिकृद्भूतिर् भूषणो भूतवाहनः । अकायो भक्तकायस्थः कालज्ञानी कलावपुः

bhūśayo bhūtikṛdbhūtir bhūṣaṇo bhūtavāhanaḥ / akāyo bhaktakāyasthaḥ kālajñānī kalāvapuḥ

Sanskrit only: no published translation is held for this verse.

सत्यव्रतमहात्यागी निष्ठाशान्तिपरायणः । परार्थवृत्तिर् वरदो विविक्तः श्रुतिसागरः

satyavratamahātyāgī niṣṭhāśāntiparāyaṇaḥ / parārthavṛttir varado viviktaḥ śrutisāgaraḥ

Sanskrit only: no published translation is held for this verse.

अनिर्विण्णो गुणग्राही कलङ्काङ्कः कलङ्कहा । स्वभावरुद्रो मध्यस्थः शत्रुघ्नो मध्यनाशकः

anirviṇṇo guṇagrāhī kalaṅkāṅkaḥ kalaṅkahā / svabhāvarudro madhyasthaḥ śatrughno madhyanāśakaḥ

Sanskrit only: no published translation is held for this verse.

शिखण्डी कवची शूली चण्डी मुण्डी च कुण्डली । मेखली कवची खड्गी मायी संसारसारथिः

śikhaṇḍī kavacī śūlī caṇḍī muṇḍī ca kuṇḍalī / mekhalī kavacī khaḍgī māyī saṃsārasārathiḥ

Sanskrit only: no published translation is held for this verse.

अमृत्युः सर्वदृक् सिंहस् तेजोराशिर् महामणिः । असंख्येयो ऽप्रमेयात्मा वीर्यवान् कार्यकोविदः

amṛtyuḥ sarvadṛk siṃhas tejorāśir mahāmaṇiḥ / asaṃkhyeyo 'prameyātmā vīryavān kāryakovidaḥ

Sanskrit only: no published translation is held for this verse.

वेद्यो वेदार्थविद्गोप्ता सर्वाचारो मुनीश्वरः । अनुत्तमो दुराधर्षो मधुरः प्रियदर्शनः

vedyo vedārthavidgoptā sarvācāro munīśvaraḥ / anuttamo durādharṣo madhuraḥ priyadarśanaḥ

Sanskrit only: no published translation is held for this verse.

सुरेशः शरणं सर्वः शब्दब्रह्म सतां गतिः । कालभक्षः कलङ्कारिः कङ्कणीकृतवासुकिः

sureśaḥ śaraṇaṃ sarvaḥ śabdabrahma satāṃ gatiḥ / kālabhakṣaḥ kalaṅkāriḥ kaṅkaṇīkṛtavāsukiḥ

Sanskrit only: no published translation is held for this verse.

महेष्वासो महीभर्ता निष्कलङ्को विशृङ्खलः । द्युमणिस् तरणिर् धन्यः सिद्धिदः सिद्धिसाधनः

maheṣvāso mahībhartā niṣkalaṅko viśṛṅkhalaḥ / dyumaṇis taraṇir dhanyaḥ siddhidaḥ siddhisādhanaḥ

Sanskrit only: no published translation is held for this verse.

निवृत्तः संवृतः शिल्पो व्यूढोरस्को महाभुजः । एकज्योतिर् निरातङ्को नरो नारायणप्रियः

nivṛttaḥ saṃvṛtaḥ śilpo vyūḍhorasko mahābhujaḥ / ekajyotir nirātaṅko naro nārāyaṇapriyaḥ

Sanskrit only: no published translation is held for this verse.

निर्लेपो निष्प्रपञ्चात्मा निर्व्यग्रो व्यग्रनाशनः । स्तव्यस्तवप्रियः स्तोता व्यासमूर्तिरनाकुलः

nirlepo niṣprapañcātmā nirvyagro vyagranāśanaḥ / stavyastavapriyaḥ stotā vyāsamūrtiranākulaḥ

Sanskrit only: no published translation is held for this verse.

निरवद्यपदोपायो विद्याराशिरविक्रमः । प्रशान्तबुद्धिरक्षुद्रः क्षुद्रहा नित्यसुन्दरः

niravadyapadopāyo vidyārāśiravikramaḥ / praśāntabuddhirakṣudraḥ kṣudrahā nityasundaraḥ

Sanskrit only: no published translation is held for this verse.

धैर्याग्र्यधुर्यो धात्रीशः शाकल्यः शर्वरीपतिः । परमार्थगुरुर् दृष्टिर् गुरुर् आश्रितवत्सलः

dhairyāgryadhuryo dhātrīśaḥ śākalyaḥ śarvarīpatiḥ / paramārthagurur dṛṣṭir gurur āśritavatsalaḥ

Sanskrit only: no published translation is held for this verse.

रसो रसज्ञः सर्वज्ञः सर्वसत्त्वावलंबनः । सूत उवाच एवं नाम्नां सहस्रेण तुष्टाव वृषभध्वजम्

raso rasajñaḥ sarvajñaḥ sarvasattvāvalaṃbanaḥ / sūta uvāca evaṃ nāmnāṃ sahasreṇa tuṣṭāva vṛṣabhadhvajam

Sanskrit only: no published translation is held for this verse.

स्नापयामास च विभुः पूजयामास पङ्कजैः । परीक्षार्थं हरेः पूजा- कमलेषु महेश्वरः

snāpayāmāsa ca vibhuḥ pūjayāmāsa paṅkajaiḥ / parīkṣārthaṃ hareḥ pūjā- kamaleṣu maheśvaraḥ

Sanskrit only: no published translation is held for this verse.

गोपयामास कमलं तदैकं भुवनेश्वरः । हृतपुष्पो हरिस्तत्र किमिदं त्वभ्यचिन्तयत्

gopayāmāsa kamalaṃ tadaikaṃ bhuvaneśvaraḥ / hṛtapuṣpo haristatra kimidaṃ tvabhyacintayat

Sanskrit only: no published translation is held for this verse.

ज्ञात्वा स्वनेत्रमुद्धृत्य सर्वसत्त्वावलम्बनम् । पूजयामास भावेन नाम्ना तेन जगद्गुरुम्

jñātvā svanetramuddhṛtya sarvasattvāvalambanam / pūjayāmāsa bhāvena nāmnā tena jagadgurum

Sanskrit only: no published translation is held for this verse.

ततस्तत्र विभुर्दृष्ट्वा तथाभूतं हरो हरिम् । तस्मादवतताराशु मण्डलात्पावकस्य च

tatastatra vibhurdṛṣṭvā tathābhūtaṃ haro harim / tasmādavatatārāśu maṇḍalātpāvakasya ca

Sanskrit only: no published translation is held for this verse.

कोटिभास्करसंकाशं जटामुकुटमण्डितम् । ज्वालामालावृतं दिव्यं तीक्ष्णदंष्ट्रं भयङ्करम्

koṭibhāskarasaṃkāśaṃ jaṭāmukuṭamaṇḍitam / jvālāmālāvṛtaṃ divyaṃ tīkṣṇadaṃṣṭraṃ bhayaṅkaram

Sanskrit only: no published translation is held for this verse.

शूलटङ्कगदाचक्र- कुन्तपाशधरं हरम् । वरादभयहस्तं च द्वीपिचर्मोत्तरीयकम्

śūlaṭaṅkagadācakra- kuntapāśadharaṃ haram / varādabhayahastaṃ ca dvīpicarmottarīyakam

Sanskrit only: no published translation is held for this verse.

इत्थंभूतं तदा दृष्ट्वा भवं भस्मविभूषितम् । हृष्टो नमश्चकाराशु देवदेवं जनार्दनः

itthaṃbhūtaṃ tadā dṛṣṭvā bhavaṃ bhasmavibhūṣitam / hṛṣṭo namaścakārāśu devadevaṃ janārdanaḥ

Sanskrit only: no published translation is held for this verse.

दुद्रुवुस्तं परिक्रम्य सेन्द्रा देवास्त्रिलोचनम् । चचाल ब्रह्मभुवनं चकम्पे च वसुंधरा

dudruvustaṃ parikramya sendrā devāstrilocanam / cacāla brahmabhuvanaṃ cakampe ca vasuṃdharā

Sanskrit only: no published translation is held for this verse.

ददाह तेजस्तच्छंभोः प्रान्तं वै शतयोजनम् । अधस्ताच्चोर्ध्वतश्चैव हाहेत्यकृत भूतले

dadāha tejastacchaṃbhoḥ prāntaṃ vai śatayojanam / adhastāccordhvataścaiva hāhetyakṛta bhūtale

Sanskrit only: no published translation is held for this verse.

तदा प्राह महादेवः प्रहसन्निव शङ्करः । सम्प्रेक्ष्य प्रणयाद्विष्णुं कृताञ्जलिपुटं स्थितम्

tadā prāha mahādevaḥ prahasanniva śaṅkaraḥ / samprekṣya praṇayādviṣṇuṃ kṛtāñjalipuṭaṃ sthitam

Sanskrit only: no published translation is held for this verse.

ज्ञातं मयेदमधुना देवकार्यं जनार्दन । सुदर्शनाख्यं चक्रं च ददामि तव शोभनम्

jñātaṃ mayedamadhunā devakāryaṃ janārdana / sudarśanākhyaṃ cakraṃ ca dadāmi tava śobhanam

Sanskrit only: no published translation is held for this verse.

यद्रूपं भवता दृष्टं सर्वलोकभयंकरम् । हिताय तव यत्नेन तव भावाय सुव्रत

yadrūpaṃ bhavatā dṛṣṭaṃ sarvalokabhayaṃkaram / hitāya tava yatnena tava bhāvāya suvrata

Sanskrit only: no published translation is held for this verse.

शान्तं रणाजिरे विष्णो देवानां दुःखसाधनम् । शान्तस्य चास्त्रं शान्तः स्याच् छान्तेनास्त्रेण किं फलम्

śāntaṃ raṇājire viṣṇo devānāṃ duḥkhasādhanam / śāntasya cāstraṃ śāntaḥ syāc chāntenāstreṇa kiṃ phalam

Sanskrit only: no published translation is held for this verse.

शान्तस्य समरे चास्त्रं शान्तिरेव तपस्विनाम् । योद्धुः शान्त्या बलच्छेदः परस्य बलवृद्धिदः

śāntasya samare cāstraṃ śāntireva tapasvinām / yoddhuḥ śāntyā balacchedaḥ parasya balavṛddhidaḥ

Sanskrit only: no published translation is held for this verse.

देवैरशान्तैर्यद्रूपं मदीयं भावयाव्ययम् । किमायुधेन कार्यं वै योद्धुं देवारिसूदन

devairaśāntairyadrūpaṃ madīyaṃ bhāvayāvyayam / kimāyudhena kāryaṃ vai yoddhuṃ devārisūdana

Sanskrit only: no published translation is held for this verse.

क्षमा युधि न कार्यं वै योद्धुं देवारिसूदन । अनागते व्यतीते च दौर्बल्ये स्वजनोत्करे

kṣamā yudhi na kāryaṃ vai yoddhuṃ devārisūdana / anāgate vyatīte ca daurbalye svajanotkare

Sanskrit only: no published translation is held for this verse.

अकालिके त्वधर्मे च अनर्थे वारिसूदन । एवमुक्त्वा ददौ चक्रं सूर्यायुतसमप्रभम्

akālike tvadharme ca anarthe vārisūdana / evamuktvā dadau cakraṃ sūryāyutasamaprabham

Sanskrit only: no published translation is held for this verse.

नेत्रं च नेता जगतां प्रभुर्वै पद्मसन्निभम् । तदाप्रभृति तं प्राहुः पद्माक्षमिति सुव्रतम्

netraṃ ca netā jagatāṃ prabhurvai padmasannibham / tadāprabhṛti taṃ prāhuḥ padmākṣamiti suvratam

Sanskrit only: no published translation is held for this verse.

दत्त्वैनं नयनं चक्रं विष्णवे नीललोहितः । पस्पर्श च कराभ्यां वै सुशुभाभ्यामुवाच ह

dattvainaṃ nayanaṃ cakraṃ viṣṇave nīlalohitaḥ / pasparśa ca karābhyāṃ vai suśubhābhyāmuvāca ha

Sanskrit only: no published translation is held for this verse.

वरदो ऽहं वरश्रेष्ठ वरान्वरय चेप्सितान् । भक्त्या वशीकृतो नूनं त्वयाहं पुरुषोत्तम

varado 'haṃ varaśreṣṭha varānvaraya cepsitān / bhaktyā vaśīkṛto nūnaṃ tvayāhaṃ puruṣottama

Sanskrit only: no published translation is held for this verse.

इत्युक्तो देवदेवेन देवदेवं प्रणम्य तम् । त्वयि भक्तिर्महादेव प्रसीद वरमुत्तमम्

ityukto devadevena devadevaṃ praṇamya tam / tvayi bhaktirmahādeva prasīda varamuttamam

Sanskrit only: no published translation is held for this verse.

नान्यमिच्छामि भक्तानाम् आर्तयो नास्ति यत्प्रभो । तच्छ्रुत्वा वचनं तस्य दयावान् सुतरां भवः

nānyamicchāmi bhaktānām ārtayo nāsti yatprabho / tacchrutvā vacanaṃ tasya dayāvān sutarāṃ bhavaḥ

Sanskrit only: no published translation is held for this verse.

पस्पर्श च ददौ तस्मै श्रद्धां शीतांशुभूषणः । प्राह चैवं महादेवः परमात्मानमच्युतम्

pasparśa ca dadau tasmai śraddhāṃ śītāṃśubhūṣaṇaḥ / prāha caivaṃ mahādevaḥ paramātmānamacyutam

Sanskrit only: no published translation is held for this verse.

मयि भक्तश् च वन्द्यश् च पूज्यश्चैव सुरासुरैः । भविष्यसि न संदेहो मत्प्रसादात्सुरोत्तम

mayi bhaktaś ca vandyaś ca pūjyaścaiva surāsuraiḥ / bhaviṣyasi na saṃdeho matprasādātsurottama

Sanskrit only: no published translation is held for this verse.

यदा सती दक्षपुत्री विनिन्द्यैव सुलोचना । मातरं पितरं दक्षं भविष्यति सुरेश्वरी

yadā satī dakṣaputrī vinindyaiva sulocanā / mātaraṃ pitaraṃ dakṣaṃ bhaviṣyati sureśvarī

Sanskrit only: no published translation is held for this verse.

दिव्या हैमवती विष्णो तदा त्वमपि सुव्रत । भगिनीं तव कल्याणीं देवीं हैमवतीमुमाम्

divyā haimavatī viṣṇo tadā tvamapi suvrata / bhaginīṃ tava kalyāṇīṃ devīṃ haimavatīmumām

Sanskrit only: no published translation is held for this verse.

नियोगाद् ब्रह्मणः साध्वीं प्रदास्यसि ममैव ताम् । मत्संबन्धी च लोकानां मध्ये पूज्यो भविष्यसि

niyogād brahmaṇaḥ sādhvīṃ pradāsyasi mamaiva tām / matsaṃbandhī ca lokānāṃ madhye pūjyo bhaviṣyasi

Sanskrit only: no published translation is held for this verse.

मां दिव्येन च भावेन तदाप्रभृति शङ्करम् । द्रक्ष्यसे च प्रसन्नेन मित्रभूतमिवात्मना

māṃ divyena ca bhāvena tadāprabhṛti śaṅkaram / drakṣyase ca prasannena mitrabhūtamivātmanā

Sanskrit only: no published translation is held for this verse.

इत्युक्त्वान्तर्दधे रुद्रो भगवान्नीललोहितः । जनार्दनो ऽपि भगवान् देवानामपि संनिधौ

ityuktvāntardadhe rudro bhagavānnīlalohitaḥ / janārdano 'pi bhagavān devānāmapi saṃnidhau

Sanskrit only: no published translation is held for this verse.

अयाचत महादेवं ब्रह्माणं मुनिभिः समम् । मया प्रोक्तं स्तवं दिव्यं पद्मयोने सुशोभनम्

ayācata mahādevaṃ brahmāṇaṃ munibhiḥ samam / mayā proktaṃ stavaṃ divyaṃ padmayone suśobhanam

Sanskrit only: no published translation is held for this verse.

यः पठेच्छृणुयाद्वापि श्रावयेद्वा द्विजोत्तमान् । प्रतिनाम्नि हिरण्यस्य तत् तस्य फलम् आप्नुयात्

yaḥ paṭhecchṛṇuyādvāpi śrāvayedvā dvijottamān / pratināmni hiraṇyasya tat tasya phalam āpnuyāt

Sanskrit only: no published translation is held for this verse.

अश्वमेधसहस्रेण फलं भवति तस्य वै । घृताद्यैः स्नापयेद्रुद्रं स्थाल्या वै कलशैः शुभैः

aśvamedhasahasreṇa phalaṃ bhavati tasya vai / ghṛtādyaiḥ snāpayedrudraṃ sthālyā vai kalaśaiḥ śubhaiḥ

Sanskrit only: no published translation is held for this verse.

नाम्नां सहस्रेणानेन श्रद्धया शिवमीश्वरम् । सो ऽपि यज्ञसहस्रस्य फलं लब्ध्वासुरेश्वरैः

nāmnāṃ sahasreṇānena śraddhayā śivamīśvaram / so 'pi yajñasahasrasya phalaṃ labdhvāsureśvaraiḥ

Sanskrit only: no published translation is held for this verse.

पूज्यो भवति रुद्रस्य प्रीतिर्भवति तस्य वै । तथास्त्विति तथा प्राह पद्मयोनेर्जनार्दनम्

pūjyo bhavati rudrasya prītirbhavati tasya vai / tathāstviti tathā prāha padmayonerjanārdanam

Sanskrit only: no published translation is held for this verse.

जग्मतुः प्रणिपत्यैनं देवदेवं जगद्गुरुम् । तस्मान्नाम्नां सहस्रेण पूजयेद् अनघो द्विजाः

jagmatuḥ praṇipatyainaṃ devadevaṃ jagadgurum / tasmānnāmnāṃ sahasreṇa pūjayed anagho dvijāḥ

Sanskrit only: no published translation is held for this verse.

जपेन्नाम्नां सहस्रं च स याति परमां गतिम्

japennāmnāṃ sahasraṃ ca sa yāti paramāṃ gatim

Sanskrit only: no published translation is held for this verse.